|
|
 اذا كنت شين جدا هل من حقي أن أتزوج ؟
|
هل الجمال للمراة فقط ؟؟
أم ان الرجل مطلوب منه أن يكون وسيماً ؟؟
وهل الوسامة من ضمن مقاييس الجمال عند المرأة
أم أنها تشكّل جزءاً من طبق الزواج الرئيسي لدى المرأة ؟؟
وكيف شعور المرأة الجميلة عندما ترتبط بزوج قبيح في وجهه ؟
أكتب اليكم ذلك وقد تألمت لحال أحد أصدقائي
وهو شين لدرجة أنه لايوجد أثنان يختلفان على ذلك
لكنه اراد أن يتزوج وهاك يا بهدلة
مجموعة من الشواكيش كل يوم
ومجموعة من الكروت الحمراء
لم يترك قبلة { بكسر القاف وليس ضمها طبعاً} ولم يتجه اليها
وكل من تراه تكره حاجة اسمها زواج
لكنني وبعد معاناته هذه اقترحت عليه أن يتزوج خارج منطقته شريطة الا يذهب بنفسه
المهم صاحبنا دا عاوز ليهو زوجة ولتكن ماتكون
وبالفعل ذهب بعض أقاربه لقرية مجاورة
وكان لديهم بعض الأصدقاء بهذه القرية
وذهبوا اليهم ويقال ان لديهم فتاة غاية في القباحة
بل ان كل من يراها يطلق ساقيه للريح ولايقف الا في نيوزيلندا
وعندما تحادثوا مع أهل المنزل عن الزواج
كان شرطهم منطقي جداً وهو { أن يروا السيد العريس }
فقال لهم أحدهم : إلا دي 00 أطلبوا أي حاجة ونحن نلبيها ليكم
المهم أهل العروس رغم شناتها وافقوا على مضض واعتقدوا أنهم خدعوا أهل العريس00 فعروسهم لامحالة بايرة
وتم الزواج وجاءت سيرة العرس
وعندما نزل السيد العريس ورآه أهل العروس
جاءهم لحظتها عم العروس وقال لهم : والله كنا قايلين نحن غشيناكم
لكن والله هزمتونا 8 صفر
00000
السؤال هل من حق الشين ان يتزوج ؟؟
وهل عليه الا يتخطى حدوده ويتزوج على قدر قباحته
-------------------
كم جميل لو بقينا أصدقاء
ابوحراز
|
|
 
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: قرشـــو)
|
شين ومفلس=شين
شين ومقرش=سمح
بس ياأبا حراز الشناء ما بتمنع العرس..ووالله
عندنا واحد سمح من جوا وشين من برا بس تقول
عليهو الرجل الحصان وكان بشتغل طحان وياروعة
المنظر وحلاوة الأخلاق وتزوج ليهو واحدة ولا القمر
وجابوا بنات واولاد يعقدوا نجوى كرم..وبعدين
لاحظت كان عندنا زميلنا شين وكله نخرة ورقبة
..وكان أكتر واحد بجذب البنات فينا..المهم الشين
بعوض شناتو لا شعوريا في حاجة تانية..بكون رياد وحفار
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: banadieha)
|
الشنى ما مقياس
القبول و الجاذبية اهمى حاجة،و بعدين الراجل ما بشكلو مع انو الشكل المقبول مهم نوعا ما ،مهم و الله ما اكذب عليكم لكن كان كان عند الراجل صفات تغطي على شناته فالزول دا بكون في قمة وسامته،لانه جد الجمال في الصدق و الاخلاق و الطيبة و الكرم و الحنية و الصفات الكويسة كلها و كان ما اجتمعت الحاجات دي في السمح فهو شين
كان اتناقشت معى الصديقات في الموضوع دا زمان يتذكر انو اتفقنا انو السماحة و القبول خلينا نقول من الاساسيات في الحاجات الثانوية،كيف الفلسفة دي سمحة مش
| |
|
|
|
|
|
|
|
|
 Re: اذا كنت شين جدا هل من حقي أن أتزوج ؟ (Re: ابوحراز)
|
ما حأقول إني مثالية و أغض الطرف عن شكله لو كان شين و أقول و الله الأخلاق أهم أو ماله ما زول كويس و ود ناس لكن في حاجة لاحظتها إنه مرات الواحد لو اتعود على زول و حباه بالجد ببقى ما بلاحظ إنه شين بالعكس ببقى له عادي جدا و مرات كمان بستغرب إنه كيف ما شايف شناته البعلق عليها كل الناس إذن هي مسألة إلفة و تعود على ما أظن
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: james)
|
Dears
How do we define ugliness?
Is it an absolute concept or a relative one related to the culture?
Is it time limited or timeless?
Is the definition of beauty the same among Shaigia, Baggara, dinka, or Nuer?
Regards
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: noha_g)
|
ازيك يا ايهاب والله انا بتفق معاك انوالليلة البورد فيهو موضوع طريف لكن موضوع بالمناسبة مهم بالجد يلا ردي علي انو اذا في خيار بين واحد شين وواحد سمح مع وجود فروق بسيطةفي الزول السمح اول حاجة بنظر للفرق اذا كان الفرق اخلاقي يستبعد طوالي والشين يكسب اما اذا فرق في حاجة ممكن تتصلح اكيد السمح يكسب . وسؤالك في محلو للشباب وانا بنتظر الاجابة عليهو نشوف الحاصل .
راجية الفرح يرجع يعود
وارتاح مهاهو
لكنو غايب ليهو سنين
ياريتو لي يرجع يعود
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: بت امدر)
|
الأخت ام در
لك التحية على المشاركة
لكن لو دي صورتك السمحة دي
أكيد الشينين راجياهن بورة حارة خالص
لكن واحدة أختنا قالت عاوزاهو يكون شين
لأن الشين يزيد الشينة حلاوة
لكن الجميلة عندما ترتبط بواحد شين بتلفت الأنظار عليها أكثر
لكن المرأة أحياناً تعيش لحظات كثيرة من التناقض والأسئلة المتشابكة
وهذا ينتج عند ارتباطها برجل وسيم
فهي تعيش معذبة طوال عمرها
لأنها تشعر بأن هذا الرجل الوسيم سيتلهف في اي لحظة
في رأيي الوسيم والشين مش مشكلة في الزواج ومش شيء مهم
المهم هو أن نحب بعمق
وأن نعيش على أجنحة هذا الحب مدى الحياة
ابوحراز
رؤية خاصة
غايتو عندنا واحد طاقاه جنس شناة
دا ليهو أكثر من سنتين بدور على عروس
أخلاقه عالية جداً وماعنده اي مشكلة في الناحية دي
لكن عايزة الصراحة ولا غيرها
الواحد مابقدر اعاين فيها الا بعد ما الكهرباء تقطع
عايزاه دا
في انتظار ردك
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
سلام للجميع
يا جماعة في مقولة جميلة بتقول ( الجمال في عين الرائي ) يعني من الممكن ان يكون أمامك أنسان قبيح الشكل ولكن لا ترى عيناك فيه غير الجمال وفي هذه الحالة تكون أنت على علم بمكامن الجمال داخل هذا الإنسان ، و الجمال الداخلي و جمال النفس و الأخلاق في أحيان كثيرة يطغى على الجمال الخارجي ، فيبدو لنا الشخص الدميم ولا أجمل .....
فلنكتشف مكامن الجمال في دواخلنا ..... فالدنيا بلا شك ستصبح أجمل .
مع تحيـــاتي
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
يا جماعة فهمتوني غلط أنا ما قصدت إلا مقدمة إني ما الزولة المثالية لكن كلامي أنه الواحدة لما تصل لشخص الزول بتتعود عليه و مرات بتتناسى أو بتنسى إنه شين
ولولا اختلاف الأراء لما تزوج الرجال الشينين و ألا شنو؟ يا شين و دشن
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
سلامات و كده
و الله يا احبابنا انا بكتفي بقول الجمال جمال الجوهر و ليس المظهر و اشدد على كلامي ده لانه المظاهر خداعه و الكلام دا ما عبث بل عن تجارب دنيويه ياما ناس قمه في الوجاهه لكن اخلاق عدم و العكس اصح تماما .....و بحترم رأي اللي قالوا انه مقياس سماحة الرجل هو جيبه يعني كل ما زاد حجم جيبه زاد تقديره و الاعجاب به ..... اما انا فأشدد على الشخصيه و الجوهر و سماحة الاخلاق ......في ختام كلامي ابدي اعجابي بالكل مهما اختلفت مقادير الوسامه او القبح
و لكم حبي
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
أحبائي جميعاً
الآن أنا أطمئنيت
لأن الزول الشين البحكي عنه هو أنا ذاتي مش صديقي
وأشكركم على تعاطفكم معي
اما اذا حبيتوا تتأكدوا من هذه الشناة فأذهبوا الى منتدى النيل
ستجدون صورتي هناك بموضوع تحت عنوان شيخ المراهقين
---------------------
الأخ قرشو : أتفق معك أن الوسامة الحقيقية في عصر الأنترنت هي وسامة الجيب وليس وسامة الوجه
لكن عاوز أسألك سؤال
لو كان الواحد قبيح وشكله قبيح ومفلس هذا وين نوديه ؟؟؟
---------------------------
الأخت نها ظاهر عليك انو عريسك جميل جدا وبعد ماضمنت انو وسيم بديت تنططي هنا وهنا
لكنني رغم ذلك فأنا اتفق معك أننا عندما نحب ونعشق بعمق فإننا ننسى عيوب من نعشقهم بالتأكيد فغن الحب يصنع المعجزات ويجعل عيوننا لاترى الا الجمال في الذين أحببناهم
-------------------------
الأخ زكي
لك التحية أخي على نثرك الجميل باللغة الإنجليزية
والجمال هو فعلاً جمال الروح والقباحة ليست قباحة الجسد والوجه
وانما هي قباحة التعامل
---------------------
الأخ جيمس لك التحية
يبدو لي من خلال حديثك أنك وسيم يعني مش تمام كدة لكن بتتخارج
أما صاحبك الذي أحضر قمراً من مصر فإنه لو انتظر قليلاً سيأتيه قمر السودان من السماء
اما انت فعليك بالزواج
وان لم تجد عروسك تناسبك فلدينا واحدة غاية في الجمال بس عويرة شوية
---------------------
خدر لك تحياتي
اسمك جميل الواحد لمن اكتبه لمن إخدر ويصاب بالرعشة
لابد لكل انسان ان يتزوج سواء كان وسيم او قبيح
---------------------
بناديها لك التحية
أحياناً النخرة المعووجة دي ماساهلة وهي تمثل رمز الجمال عند بعض النساء لكن ماعارف في ردك انت قلت الشين دايماً بكون رياد وحفار
رياد دي عرفناها يا خي لكن حفار دي تطلع شنو
----------------
من أقوالي
يبحث الرجل بكل حواسه وشطارته عن إمرأة جميلة ولكن عندما يتحقق له ذلك يتحول هذا الجمال الى نقمة بسبب غيرة الكثيرين منا من هذا الجمال المتألق
ابو حراز
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
لقد كان هذا البوست جميلا جدا أخرجنا قليلا من جمود بعض الموضوعات الجادة وبالطبع كان مليئا بالطرف التي أضحكتني بحق خاصة حكاية هزمتونا زي هزيمة السعودية من ألمانيا، وطبعا أظنكم عارفين نكتة البايركس التي حاولت أن تتخارج من الراجل الشين بقولها عايزة أكمل تعليمي رغم توقها وإلحاحها على طلب الزواج
لكم جميعا كل المودة ونحن في انتظار قفشاتكم الما شينة، والحمد لله نحن تزوجنا وحلينا مشكلة الشنا دي
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: kabbashi)
|
والله يا جماعه عجبني جدا كلام الجكس و رايم في الموضوع دا و اتمنى انو دا فعلا يكون رايكم ما يكون مكنات و مثاليات ساي يعني هسه لو جاكم زوول وسيم وزول شين والاتنين تقربا على نفس الطباع والاخلاق الجيده بس الوسيم اقل شويه من الشين يعني هو زوول كويس بس فيهو بعض العيوب البسيطه اها حا تختارو الشين و لا الوسيم و كمان بتمنى الشباب يورونا رايم شنو في امكانيه ارتباطكم بي بت شينه
وبعد عندي سوال تاني للجميع لو ارتبطا عاطفيا بي شخص و كان في حب عميق متبادل و قام لي سبب ما الشخص دا اتشوه او حصل ليهو عجز او اي شي جسدي هل حا تواصل العلاقه وترتبط بيهو ولا حا يكون موقفك شنو السوال دا للجنسين ومن الاجابه بنقدر نحدد فعليا الارتباط والزواج المهم فيهو شنو شخصيه الزول ولا شكلو
لكم كل الود والتحيه
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
لك الشكر يا كباشي
وانشاء الله الخارجك من الشنا دي إخارجنا معاك
أظرف شيء أن الناس الشينين دايما يتزوجون نساء جميلات
لا أدري هل ان ذلك عامل نفسي يدفعهم لتعويض ماينقصهم من جمال
أم أن الله يعوض مثل هؤلاء ليشعروا بقيمة الحياة
ابوحراز
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الاخ / ابو حراز
لك التحية
شكرا لتطرقك هذا الموضوع الجميل
من وجهة نظرى انا ليست لدى اى فرق من بين هذا جميل او ذاك قبيح
الجمال عندى يقاس بالاخلاق لانه الاخلاق قد زكرت فى القران اما اذا كانت عدم وجود اخلاق وشنه تبقى القصة
بيش
ونحن كاسودانيين بنقبح الرجل دايما ، اعرف اكثر من من صديق او جار هم ناس زى مابقولوا شيينين شنات عدوك لكن متزوجين نسوان مايدوك الدرب
وهذا دليل على انو الزواج ليس بجمال الشخصية انما بجمال الاخلاق
والريده بين الناس صلة
ولك التحايا
بــــــوب
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: bob)
|
يا جماعة المسألة ما بالبساطة البتفتكروها دي، الحكاية بالضبط زي الإمتحان الفيهو كم سؤال ما معناهو إذا ما جاوبت أو ما عندك معلومات لسؤال واحد معناتو إنك سقطت.
يعني الزواج دا فيهو عوامل كتيرة بتتحسب كلها مع بعض وإذا النتيجة مرور الحمد لله، ما مرور أحسن تمتحن مرة تانية في سنة تانية أو ربما في مدرسة تانية
ولا أنا غلطان
وبعدين كلها مسألة "قسمة ونصيب"
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
قبل مااقرأ اي تعليق..... هاكم النكته دي......
في واحد شين شنه مره..... وفي نفس الوقت غني جدا..... سمع إنو في واحده في الحي جميله جدا فقرر يرتبط بيها..... والمشكله إنو ماعارف إنو أم البنت عندها اطول واصلت لسان في الكون......
الشين: إزيك ياخاله.... الحقيقه انا طالب ايد بنتك فلانه....
الام ماعجبه الراجل .... قامت سالتو عن حالتو الماديه.....
الشين: والله الحمدلله ياخاله انا ملياردير......
الام : والقروش دي ورثتها من ابوك؟.....
الشين: لا ياخاله انا راجل عصامي .........
الام: مافهمتك ياولدي.......
الشين: يعني انا خلقت نفسي بي نفسي .....
الام قامت واقفه: وانا بقول من قبيل الشنه دي ماخلقه ربنا !!!!!!!!!
لوووووووووووووووول
تحياتي
| |
|
|
|
|
|
|
|
|
 Re: اذا كنت شين جدا هل من حقي أن أتزوج ؟ (Re: Master)
|
يقول الحبيب المصطفى : ( اذا اتاكم من ترضون دينه وخلقه فانكحوه ، الا تفعلوا تكن
فتنة فى الأرض وفساد كبير ) قالوا : يا رسول الله ، وان كان فيه 00!!
قال : ( اذا جاءكم من ترضون دينه وخلقه فانكحوه ) ثلاث مرات
فى فتنة وفساد اكبر من العايشين فيه دة ؟؟
قال شين قال
داير تعرف شناته ، اسأل امه ، هو الشين منو ؟؟
اهلنا بيقولوا الراجل بيعيبه جيبه !! رغم دة ، ناس الدنيا ما عاجبهم حال
حب الناس 00000 ، اسأل فلانة ، العاجبك فى فلان شـــنو ؟؟؟
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الأ خ {BOB}
لك التحية والتقدير
صحيح أن الجمال يقاس بالأخلاق
وكثيرون متفقون على ذلك
لكن يا أخي بعضهم بلا أخلاق وبعد دا كله الحكاية جايبة ليها معاها شناة
-----------------
الأخ {KOV-123}
بيني وبينك الواحد بدل ما امتحن كتير أحسن يغير المدرسة
لدينا جدنا توفت زوجته وبيني وبينك شين برضو والمرة ماتمت ليها عشرين يوم بدا افكر في الزواج
وهاك ياشواكيش 00 طبعاً ولايهمه
امشي من الصباح افتش لعروس
ويجينا ساعة الفطور بالأخبار طبعاً اقول ما أدوه
الشيء الغريب ياكل عادي واملأ كرشو
وبعد الفطور امشي افتش تاني
أنا قلت ليهو ياجدي والله لو كنت زيك كدة
أقرب ترعة ارمي نفسي فيها
دا شنو البرود دا
-------------------
الأخ {MASTER}
نكتة ظريفة للغاية جعلتني أضحك من أعماقي
طبعاً بعض الشينين محظوظين جدا
والعروس توافق
لكن البقنع أمها شنو
صدقني مرات بعض الأمهات تقول عاوزة هي تزوج العريس
تتفحصوا ليك كله من رجليه لحدي شنبه
-----------------------
الأخ {omdur}
كلام الرسول صلى الله عليه وسلم هو القاعدة التي يجب ان نسير عليها
وهو ركيزة تمكننا من العيش باستقرار لو اتبعنا ماقاله الله ورسوله الكريم
لكن للأسف بعض الناس في عصرنا هذا يتركون هذه القواعد السليمة ويشترطون شروطاً تعجيزية
لدينا واحد يصلي اليوم كله
ومابمرق من الجامع نهائي
ولحية طبعاً ماشاء الله
وجلابية جنب الركبة
يعني زول تماما بمعنى الكلمة تتمناه اي إمراة مؤمنة
لكن كل مشكلته كان شين
وعندنا واحد عنده بت تقدم ليها صاحبنا دا
المهم الجماعة ماعايزين يحرجوه
قالوا ليهو عاوزنها تقرا الثانوي
قال ليهم مامشكلة بنتظرا
قالوا ليهو عاوزنها تخلص الجامعة
قال ليهن برضو مامشكلة بنتظرا
قالوا ليهو ياخي عاوزنها بعد ماتخلص الجامعة تحضر رسالة الماجستير
قال ليهم معاكن لحدت الدكتوراة
قالوا ليهو : يا خي نقول ليك كلام : ماعايزين نديك عدييييييييييييييييييييل
ابوحراز
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
مع حكاية الشنه دى
فى نكته عن اهلنا الغرابه بتقول
فى الغرب فى عادة انه الاولاد و البنات يجتمعوا فى الاماسى و يلعبون و يرقصون و الفى العاده انهم هن البنات الذين يعزلون من هو اهل بالرقص معهم
اسحاقا شين شنه مرة فى واحده من الايام قرر يجرب حظه فذهب مع باقى الاولاد لكن بسبب خلقته ما فى بت عزلته فانتظر حتى نصف الليل دون جدوى
عند رجوعه البيت ابوه صحى من النوم و ساله-اسحاقا لعبتى جيتى
اسحاقا رد عليه-تلدى اولاد شينين و تقول لعبتى جيتى
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الأخ ابو حراز
تحية طيبة
تذكرني كلمات البوست بمحاضرة ألقاها عمر بونغو في نشاط جامعة الخرطوم في صيف عام 1978
وطلبة جامعة الخرطوم في السبعينات وأول الثمانينات يعرفون عمر بونغو محاضراته الشيقة في النشاط
طبعاً هو بيفتح المحضارة بموضوع وفي الوسط بيحشر موضوعات أخرى وينهيها بموضوع آخر
وكان الموضوع المحشور في هذه المحاضرة عن البنات الشينات
وهو بقول ياخوانا مفروض البنات الشينات يمنعن منعاض باتاً من دخول ساحة النشاط
بل يجب ان يمنعن من المرور بشارع النشاط ويسمح لهن فقط دخول قاعة المحاضرات والمكتبة والإيكزامنيشن هول
ويواصل في لقطة أخرى
""بالله عليك الواحدة لما هي مقتنعة إنها شينة عايزة عريس ليه""
وحقو الشينين ما يحاولوا يعرسوا من اصلوا عشان ما يجيبوا لينا ناس شنشن زيهم وهذا الرأي من عمر بونغو وجد التصفيق الحاد من جماعة المركلسين والبراكسة المشوكشن وكانت المحاضرة تعج بالبنات والاولاد الشينين طبعا عشان كدة مرة اشار على واحد بالله عيك انت واقف معانا ليه وشناتك دي جايبها لينا ليه ما تمشي تدسها في الصفرة ولا البركس ياخي
والشناة المرة مسالة محيرة والبعض يشعر تجاهها بشعور مختلف فيه شئ من الديبلوماسية والتعامل عبر المراسم المحددة
وغير ذلك من تراث عمر بونغو بجامعة الخرطوم
| |
|
|
|
|
|
|
|
|
|
الإستفادة من تناقضات المرأة (Re: ابوحراز)
|
أخي ابو حراز
سلامات تقيلة
طبعا من حق الشين ان يتزوج أحلى فتاة لأن الشنة ما مشكلة بالنسبة للرجل ولكن اللسان الحلو (يعني الحنك السنين)هو المهم ويا ما شفنا بنات زي لمبات النايلون بحبو رجال اسكت خليهم ساكت ( حاجة فظيعة)وده من تناقضات بنات حواء لأن المرأة اذا أحبت رجل فهي لا تنظر الى قباحته او حتي الى صفاته السيئة أو بالأحرى لا ترى هذه الصفات
تحياتي
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الأخ مدثر
في رأيي أن الحب يجب أن يطغى على كل المقومات والسلبيات الأخرى
من حق المرأة أن تحب واحد شين جدا وأن تتزوجه
فالحب لايعرف الفوارق
وهو عندما يأتي ينهمر علينا بغزارة
ووقتها لانستطيع الا أن نستسلم له
صحيح أحياناً تتعرض المرأة لبعض الضغوط عندما ترتبط بواحد شين
وهذه الضغوط من صديقاتها
لكن اذا كانت فعلاً تحب زوجها
فلا أعتقد ان هذا الكلام سيؤثر فيها
الأخت فيونكة كما يقول بناديها
نظرية جميلة
كلما كان العريس شين تزداد العروس حلاوة
والكلام دا سينزل برداً وسلاماً على خطيبتي
ستشعر اليوم بالكثير من الفخر
بيني وبينك انا شين وهي شينة
لكن مادام شناتي دي تزيدها حلاة الواحد حايضحي لازم
الأخ بناديها
اعجبتني رائعة عبد الله الفيصل هذه الصخرة
وهي من الأغاني المحببة كثيرا لي
ودائماً اسمعها لتنظيف أذني عندما اكون راكب حافلة
أو شربت عرديب
المسافر
رائعة قصة تلدي اولاد شينين
هو زولك دا مادام عارف نفسو شين
البوديهو الحفلات شنو
بالمناسبة كان في جماعة عندهن زواج وكان كل الجماعة الحاضرنه
ناس هاي هاي مروقين ولابسين تمام
في مجموعة رعاة كانوا بعكاكيزهم عشان احضروا الحفلة دي
أهل العرس قالوا الجماعة ديل مالابسين كويس عراريق كلهم
وقالوا لو دخلوا الفلة دي حا اخربوها
المهم قاموا طردوهن بالمايكرفون
واحد من الرواعية ديل كان عندهم زواج بعد اسبوع
المهم قال ليهم نحن ماشين
لكن الأسبوع الجايي ما أشوف لي زرارة تتحاوم بي هناك
وذلك في اشارة للناس اللابسين بناطلين واقمصة
مهندس حسن
المال أصبح يغطي على الشناة في كثير من الأحوال
كوف 123 بيني وبينك موضوع الوسامة مهم لكن ما كل شيء
راكوبا برضو بتفق معاك على الوسامة
والمظهر للأسف في لسودان يغطي على اشياء كثيرة
شخصياً جربت ذلك لإكمال إجراءات قطعة ارض
وكنت البس شيك وأحمل حقيبة دبلوماسية وسيارة معي
انهيت كل شيء في اقل من ساعة بسب المظهر
وفطروني الجماعة وادوني شاي وببسي مجان
لكم التحية ولكل من شارك في الرد
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الاخ/ابوحراز
الظاهر عليك بتقيم في نفسك في الســـوق ولا شنو؟؟؟؟ كلامي ليك المهم انت ياخي ما شين لكن عاوز ليك صنفرة وبوهية ودي اي حداد ممكن يعمل ليك مع شوية (ديانةوكريمات) لكن بكل صراحة جيبك كيف؟؟؟
وانت لو شفتني انا وخوي الملاعمر تقول شنو بس فريق السنغال عديل كدة وشي صلع وشنه عجيبه مع كرش وطول قامة يعني مافي طريقة للعرس وبكل صراحة مرة مشينا نخطب لينا واحدة وكنا في دولة أفريقية وبعد ان اقتنعت العروس وطبعادا بعد تعب شديد واغرات وقدمنا تنازلات شديدة وحتي موضوع العصمة قنا خير احس يكون معها ولما قبلنا اهل العروس قالوا وين العريس انا علي طول قالت ليهم اهودا العريس لما شافوا اخوي الملاعمر قالوا بتنا دي لسع ماخلصت تعليم ونحن عاوزنها تعمل دراسات علياغير محدودة.
المهم اخوي ابوحراز شوف لينا عروسين معك وعموتك بره ونخش نحن كلنا مرة واحدة يعني عرس شنه جماعي وتكتب فيه كل الصحف والمجلات العالمية ونكون خشينا موسوعة(جينس)
أخوك
عكسووووووو
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: عكسو)
|
ياجماعة موضوع الشناة دة بتتناقص قيمتو مع ازدياد معدل الطلب
الشايقية معجبة بنفسها وكل ما يجيها زول تقول آبدورو
لمن حصلت البورة اتقدم ليها واحد ضهرو محنى... ابوها طبعن متوقعها ترفض...قالت خير... ابوها داير يتأكد...قاليها بتدورى ابضهرن محنى دة؟
قالتلو..ايى .. انا بدور اسطر بو؟
فأشنوا زى ما تدوروا...بس اعرفو مواقع اقدامكم وانتو بتتقدموا
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: Tumadir)
|
الشايقية معجبة بنفسها وكل ما يجيها زول تقول آبدورو
لمن حصلت البورة اتقدم ليها واحد ضهرو محنى... ابوها طبعن متوقعها ترفض...قالت خير... ابوها داير يتأكد...قاليها بتدورى ابضهرن محنى دة؟
قالتلو..ايى .. انا بدور اسطر بو؟
الأخت تماضر
أول مرة اشوف لي شايقية مزنوقة
ابوحراز
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الأخ أبو حراز
إذا بليتم فأستتروا (واللبيب بالإشارة يفهم ولو مافهمت قول لي وأنا أقول ليك).
هذه المقدمة النارية لا تمنع من إحقاق الحق يا أبو حراز ، لذلك أهنئك على أنك رجل متمرس متمترس تعرف من أين تؤكل الكتف والرقبة كمان (وإن كان فات عليك موضوع الصورة) ، فلقد أثرت موضوع في غاية الخطورة وهو يمس الكثيرين في هذا البورد والدليل الردود العلى الطاير التي لا حصر لها فلقد أصبت البورد في مقتل ودخلت الجميع محلات باتا أو صالون حلاقة فئة الخمسة نجوم عشان يشوفو الحقيقة المرة ولو لمرة واحدة.
الشنه والسماحه دي مسأله من الخالق عز وجل عشان كده لو كنت شين شديد والوالد متزوج بنت عمه يعني أمك بت عم أبوك أعمل نايم وشوف ليك بلد عشان تحسن النسل وأنسى موضوع بنت عمك والزول بغطي قدحو والكلام ده لأنو مرات القدح بكون أبو القدح زاتو وتبقى الطامة الكبرى ، على الأقل على المدى البعيد يعني بعد كم جيل كده يطل جيل يقدر يعاين في المرايا وما يقول هذا جناه على أبي وما جنيت على أحد أو يهجو نفسه كالحطيئة حين قال قبح من وجه وقبح حامله وده الحاله شاف وشو في المويه يعني لو في مرايا كان لى هسع يسب ويلعن في شكلو. المهم الحته بتاعت الشنة دي ممكن تتغطي مش بي بطانية لأنو المسألة في الصيف بتبقى حاجه مزعجة جدا لكين بي شوية قروش وجاه وكده ممكن تبقى وجيه ويمكن كمان تكون سيد ...... بالرغم من إنك سيد قشطة ... المهم يا أستاذنا تجتهد شديد وتعمل ليك كمية كده لا بأس بها من الدراهم وينطبق عليك القول :
إن الدراهم في المواطن كلها تكسو الرجال مهابة وجلالا
فهي اللسان لمن أراد فصاحة وهي السلاح لمن أراد نزالا
يعني تكون شين ومعاك لاندكروزر أو عربية من ذوات الدفع الرباعي واللساتك التيوب ليس مظللة ويكون من يتمرس خلف مقود العربية يراك ولا تراه زي الشيطان والكندشة والسي دي بالإضافة إلى شال من نوع تحرمني منك ومركوب هاي هيل ماركة أبو خطوة وجلابية سكروته وجيب مميل حتى لو تخت فيهو طوبه ونظارات وكرش وعمه سويسرية وموبايل نوكيا وخاتم بي فاروزة تكون في حجم كوز الصلصة إضافة إلى ساعة رولكس وسجار كوبي أو كدوس بالعدم وقلم مذهب وشوية مصطلحات إنجليزية كده لزوم النفخة بتغطي شوية على شناتك ، وكلما كانت كمية الشناة كبيرة كلما توجب عليك أن تكون قروشك كتيره يعني المسألة رياضياً تناسب تناسب طردي شين شديد قروش كتيره شين شوية شوية دراهم ممكن تغطي عليك وهكذا . وطبعاً في جماعة حا يفلسفو الأمور ويلفو ويدورو ويقولو إنو دي خلقة ربنا – ونعم بالله – ولو بإيدي زي ما قال وردي ، المهم نحن عارفين الله أعظم والرزق بنزل مقسم للبجابد والمعسم (من أشعار الهيئة العليا لحلمنتيش) المهم يا جماعة الشين في كل الأحوال ما مقبول والناس قالو الشين شين كان إستحم كل يوم والسمح سمح كان قام من النوم ودي برضو تنضوي تحت لواء الـ First Impression فعشان ما الواحد ينبرش عنك صاح لازم تكون مهندم محترم مسرح شعرك كثير الإستحمام صيفاً كثير المسوح شتاءاً وليس نافش قجتك زي شيطان الكوشة - كن جميلاً ترى الوجود جميلا.
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
ياعكسو
عقدتنا عدييييييييييييل
نحن ماصدقنا خطيبتنا اقتنعت بالفينا دا
تجي انت وتقول لازم يعملزا لي شوية صنفرة
والمشكلة كمان اعملها حداد حدادة
انت فاكرني أنا مظلة زنكي
يابوي الزمن دا الواحد يوم زواجه بطلعوه الجماعة متغير خالص من الكوفير
يعني بطلع هاي هاي
لكن الله استر بعد مايقوم من النوم
بترجع شناة القرد زي ماكانت
وشنو ياعكسو موضوع السنغال دا انت والملا عمر عاوزين تخطبوا واحدة
عاوز أسأل عاوزين تخطبوها إنتو الأثنين مع بعض
عندنا واحد مغترب لكن طاقاه جنس شناة
طبعاً للأسف كنت وزيره وهاك يابهدلة مشى الكوفير يوم كامل قبل الزواج
لكن صاحبي نخرتو طويلة وكضومه ماشاء الله
بتاع الكوفير صلح ليهو الشعر والشنب
لكن قال ليهو والله نخرتك دي ماف ليها أي طريقة
المهم بعد الراجل طلع
قال لي بالله دا كلو صلحناه لكن نخرتي دي اوديها وين
قلت ليهو نخرتك براها
كدي عاين أضنيك ديل عاملات زي مرايات الدفار
الملا عمر كيف حالك
خليت تورابورا ومشيت تتحاوم لينا في السنغال
ماتهابش السنغاليات ديل شوف ليك واحدة سودانية تاكل معاك المرة والحلوة وترضى بي شناتك دي
اولاص الصورة ما أخطات فيها 00 دي ماصورتي دي عشان الدعاية والإعلان
لكن لو شفت صورتي الحقيقية
والله تجري وماتقيف الا في راس الرجاء الصالح
مجنون أنا أخت صورتي في البورد والله كل النسوان الهنا اجيهن كابوس
قال صورتي قال
والله ياملا ياعمر فقعتني بالضحك
الحطيئة المسكين دا أول مرة أعرف انو شاف وجهه في الموية
وكان حردان منه
طيب لو شافو في مرايات الزمن دا اسوي شنوووووو
غايتو ما أظن يخليي ليهو مراية لافة حايكسرن حتة حتة
كلامك منطقي انو القروش تخلق أحياناً من الرجل رجلاً وسيماً
لكن برضو عندما نحب بعمق وبصدق فإن الحبيبة تحمل شناتنا هذه الى مثواها الأخير وربما بحبها الكبير لنا تجعلنا نشعر وكأننا في قمة الوسامة
بعدين شايفك قلت الواحد يكون معاهو قروش وكدوس وشوية كرش
الكرش دي برضو ماكتيرة شوية 00 يعني هل لابد منها 00 شناة وكرش مع بعض
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
والله يا سيدي الفاضل أبو طلح آسف أبو حراز ما هو كلو شجر في النهاية أولاً إفتراءات عكسو رددت عليها وأزيلها الآن بقولتي المشهورة : وإن عدتم عدنا والكلام أعني به عكسو لأنني ما زلت أحتفظ بالكثير المثير الخطر.
ثانياً والكلام يعنيك أنت يا سيد أبو سيال أكرر أسفي سيد أبو حراز أن الكرش والصلعة والفقرة (الرقبة الكبيرة والتي لا تظهر أبداً بفعل الشحم واللحم) هي من صفات النعمة وكثرة القروش كما يعتقد الكثير من أهلنا البسطاء ، وأنا أتفق معاك أن أى زول تتلم فيهو هذه الثلاث حاجات كرش وفقرة وصلعة لو أشر لي قندران ما يقيف ليهو ، بس حكاية الصورة دي يا كوتش لأنك جهجتني بالشجر الكتير ده وإنت من غابة السنط ولا غابات كينيا والملايو (طبعا غابات كينيا دي عشان المجهود الكبير لصاحبنا في إتفاقية السلام الأخيرة) أما غابات الملايو فبحذفك لآخر حرفين أطلع أنا. نرجع تاني للصورة يا روعتنا بس تعاهدني وتتحزم وتحلف بي كتاب الدين تقول الحق وقط لا شئ غير الحق إنو دي ما أحسن صورة ليك خلال مشوارك الفني. وطبعاً أتفق معاك إنو الحطيئة لو عاش في العصر الراهن كان جند كل أولاد الشوارع والشماسة عشان يكسروا ليك أى مراية إنشاء الله مراية عربية. يا أبو حراز يا أخوى خلينا في القروش الحب قد يأتي وقد لا يأتي وهسع إنتو كلكم الفي البورد ده منو البقبل بي مفلس أو مفلسة خلونا واقعيين ده حتي ناس بيتكم بميزوك الآن عن بقية أفراد الأسرة لأنو إنت النقاطة والبترسل ويومك التجف بقلبو ليك الوش وتكون درجة القلبة حسب كمية الجفاف الحاصلة وهاك القصة دي:
واحد مغترب سافر إجازة أول يوم صينية الفطور جات فيها ما لذ وطاب وما لم يطب فول بالجبنه وفول بالزيت وفول بالبيض وبيض مسلوق وبيض مفروك المهم كمية بتاعت صحانه (جمع صحن ، وتجمع صحون في بعض الصواني) وكل ما يمر يوم يتلحس صحن من الصينية وهكذا إلى أن أصبح صحن الفول يتوسط الصينية في أحد الأيام المهم في اليوم التالي صاحبنا نام وصحا متأخر وبعد ما روق نفسو جا للحاجه يمه الفطور وين. الحاجة بي زهج قالت ليهوفطور شنو كمان الضهر إنت كنت وين قبيل الناس فطرو صاحبنا بالإحساس عرف ركب الحافله ولمجمع المغتربين والباقي معروف.
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الحراز وعرفناهووووووو
الطلح دا الجابووووووو شنوووووووو
عندي نكتة ظريفة خلاص عن الطلح دا لكن مابقولها
بصراحة الواحد لو كان شين وعنده كرش والله دا في الإحراج والتشليح مابنفع
الإحراج دا في السعودية محل بيع الحاجات القديمة والمستعملة اما التشليح فهو محل بيع الإسبيرات سكند هاند }
وبالنسبة للصورة والله عندي واحدة أحلى منها
لكن أخشى لو وضعتها في البورد تغطي الصورة على جمال المقال
وأنا أحب ان يركز القراء على ما أكتب وليس على صورتي
تعرف قبل مدة أقيم عرض أزياء في تايلاند
وكان عن الأحذية
المشكلة انو العارضة مالابسة شيء غير الحذاء
وكان كل الذين حضروا العرض يركزون على مشاهدة الحذاء
ولاينظرون الا للحذاء وبس
قلت ليها يابت الكلب
والله لو جيتي عرضتي حذائك هذا في السودان
وهذا لن يحدث بالطبع
فلو اتت وعرضت الحذاء فإنه سيبور لامحالة
وسوف تعلن الشركة افلاسها
قال عرض أزياء قال
ابوحراز
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: عزيز)
|
قالت امراة العزيز الآن حصحص الحق
كيف حالك ياعزيز
أشكرك بحرارة
وارجو ان لاتنفخوني أكثر من اللازم
حالياً الواحد براهوووووو منفوخ
وبعد دا كلو بقي شايف نفسو زي فرس النهر ابو اضنين صغار داك
هذا البورد ياعزيز ملي بالفواكه
فقد زرع الإخوة على ضفافه بكلماتهم وبوستاتهم المشرقة والمتألقة
زرعوا على فخذي هذا البورد
حدائق غلبا
وفاكهة وأبا
متاعاً لنا ولضيوفنا
ولكل الذين يزورنا بوردنا
لك التحية والشكر
واتمنى أن أكون عند حسن ظن الجميع
ابوحراز
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
والله مش لو جبت فيها أبا
ولبست لينا فيها قفطان
ياك أبوحراز..التفاحة زي
ماقال ابراهيم علي
ياخي إنت شنو؟
الواحد ما عارف يضحك ولا يقح
المهم وصف إبراهيم ليك دا لخبط
معاييرك الجمالية..التفاحة اسمح
حاجة..خلقة وشمة ياب حراز
وسلم لي على خطيبتك التفاحة
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: banadieha)
|
الأخ ابو حراز
البوست يزداد متعة يوما بعد يوم ويستقطب احباب جدد واقلام رائعة امثال الملا عمر وعكسو وود مدثر فهم اقلام جديدة ولكنها رشيقة ولطيفة
لكن يا صاحبى دقت فى حاجة
ام در ياخى دكتورة قدر الدنيا وانسانة رائعة تقول ليها الأخ
معليش اصلها حصلت لى قبل كده والجماعة ما خلوا لى صفحة انقلب عليها واهو انا اتسديت فيك
ومعليش يا سيدى بكره تنسى
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
بناديها 00 كيف حالك
انت البتناديها دي مني
أوعا المدام بتسمعك تنادي كل يوم
ياخي ماكان تخليها بناديهووووووووووووو
وتعتذر لوردي مامشكلة
خطيبتي والله ماشاء الله
غايتو الأيام الأولى للزواج الله يكون في عوني
تعرف دي
جنها نوووووووووم
المشكلة مرات بتنوم على الكرسي
طبعاً مابتحب تحضر الأفلام الأجنبية نهائي
ويوم شايف ليك البقرة قاعدة ليها في فيلم أجنبي مشهور اسمو الحديقة الجوارسية
ومشيت الفرن جبت العيش وبرضو لقيتها بتعاين
ومشينا جبنا اللبن وبرضو بتعاين
طبعاً العشاء كان عيش بي لبن
لمن سألت أمها قلت ليها والله ماشاء الله
زولتي الليلة الخلاها تحضر الأفلام دي شنووو
قالت لي : زولتك الله يرحمها
دي نايمة في الكرسي من المغرب
قال خطيبتك قال
ابو حراز
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
شوفوا يا شباب زيا شابات
الكلام الكتير ما بينفع
خلونا نكون واقعيين شوية
عشان نختصر مساحات من النقاشات
زول شين في زمنا دة كل الابواب
موصدة في وشو وما العرس بس
فمثلا لو مشيت اي دائرة من دوائر الدولة
او اي مجمع تجاري او حتى بقالة
ما في زول حيشتغل بيك الشغلة
الا بعد ما تقيف وتنشحط ليك كم ساعة
وبعد ما تمشي بيقولوا عليك بالله شوفوا الزول الشين
الثقيل دة
اما شوف لو كنت زول وجيه وسمح
امورك تمشي زي الطلقة
وصراحة
انا زاتو لو جاني زول شين لفاطمة
ما بديهو ..
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
كيف حالك ياخال فاطنة
والله اليوم فجرت قنبلة كبيرة خالص
يعني الشين دا يغرق ولا يقبّل وين
حتى في البقالات ما اشتغلوا بيهو
وطيب لو مشى ليهو حاجة راقية كدة من المحلات الكلها بنات
يعني زولك دا ياكل ظلت
واذا كان دا محمد قال لو جاء شين مابديهو
طيب فاطنة حاتكون شنووووووو
ياخي ارجوك ماتضيقوا علي الشينين ديل أعطوهم مساحة صغيرة من الأمل
انت ماسمعت انو الشين رياد وبكاي وكمان الجماعة قالوا حفار
ودي الخيرة دي من يوم اشتركت في البورد ماقادر اعرف اسمها
حتى لاقيت واحد شناتوووووو مرة قلت ليهو حفار دي شنو
طبعاً لمن ضحك ما انتظرت منوووو اجابة
لن سنونه زي سنون الحلووووووووف
قال حفار قال
ابوحراز
| |
|
|
|
|
|
|
|
|
|
اذا كنت شين جدا هل من حقي أن أتزوج ؟ (Re: ابوحراز)
|
أخي أبوحراز ..والزملاء .....عشان أأكد ليك انو حكاية الجمال والشنا دي حاجة فارغة أذكر كنا أيام الدراسة بالجامعة كانت لنا زميلة جميلة جدا وكانت في سنة دراسية وكلية غير كليتنا وكنا بنمشي مشوار عشان نتصبح بجمالها ولم تحن الفرصة للحديث معها الا بعد مرور عام كامل مع الاجازة وكان بعد ذلك اللقاء وكان الاكتشاف العظيم ضحالة في كل شي ولا يمكنك التحدث معها وتحملها أكثر من عشرة دقائق وتمنيت أني لم أكلمها ,ان أكتفي بالفرجة حتى لا أكتشف قبحها ... ودة اعتبرو تطمين وممكن تجذب الواحدة بجاذبية أخرى غير الشكل
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
أخي العزيز
الموضوع طبعاً عن شناة الرجل وليش عن شناة المرأة
واتفق معك ان الرجل لو كان وسيماً أو المرأة لو كانت جميلة فهذا يجب ان لايكون مقياساً لارتباطنا معهه
هناك نساء جميلات جداً ويحملن أفقاً عميقاً
وليس بالضرورة كل
جميلة ضحلة
هناك مقاييس أخرى في الارتباط العاطفي
أولها الحب والتفاهم والتلاقي واشياء أخرى
شخصياً البنت التي يهتز لها قلبي
لايهمنا جمالها اطلاقاً
لكن قول لي هو متين اهتز القلب دا
لك التحايا على المشاركة البناءة
ابوحراز
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
ايامنا البنقرا فى المعهد....بيحكوا انه واحد من الموسيقيين..فى حفلة جابوا ليهم عازف جديد..يشوفوا لاول مرة.. والعازف دةشين جدا.. فاخونا الموسيقى دة لذيذ..بدا يعاين ليه بقلق...ويربرب
...ياخى الزول دة ...شين
الزول دة شين..آ؟ الزول دة والله شين عديل كدة.
الزول دة شين...حقو اهلو يتكلموا معاهو...
ذكرت القصة دى هنا لانى بعتبرها الذ تعليق سمعتو عن الشناة..ولكل مقامن مقال
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الأخ أبو حراز
ما تفقع مراراتي وبلاش تفلسف الأمور إتفقنا كلنا هنا على كلمة سواء أن الشين شين كان إستحم كل يوم والسمح سمح كان قام من النوم
وقد تغني كثير من الشعراء بالجمال ، وجماعتنا بيقولوا لي الواحدة السمحة شديدة شدة الحرامي السرق التلفزيون والمسلسل شغال ، والشين ما في واحد بيطيقوا وأثبت ليك الكلام ده بقول الحطيئة ولسه باقي ناس أبو دلامة وبقية العقد الفريد ، وأبو دلامة ده برضو ما لقي أى واحد يهجوه فهجا نفسه في أبيات شعر عصماء أستحضر منها ما يلي:
إذا لبس العمامة كان قرداً وخنزيراً إذا نزع العمامة
أها يا أبو حراز يا أخوي شنه زي دي قابلتك
وفي بت في حلتنا شديدة جدا وحلوة لمن غلط وفي واحد من أولاد الحلة شناتو مرة المهم البت لمن تجي تلقي الشين ده مع أولاد الحلةما تسلم عليهم لمن يكنو قاعدين براهم تسلم عليهم المهم يوم بعد ما سلمت عليهم وماشه قابلها صاحبنا الشين قامت غطت وشها منو بي طرف الطرحة الراجل زعل جدا وقال ليها يا بت كل ما تشوفني تغطي وشك أنا كتاحة.
| |
|
|
|
|
|
|
|
|
|
Re: اذا كنت شين جدا هل من حقي أن أتزوج ؟ (Re: ابوحراز)
|
الاخ ابو حراز
انا ما قصدت انو الشين ياكل زلط او
يشرب من البحر
لان دة كلو خلقة ربنا عز وجل
بس قصدت يلزم حدودو
ويمد طموحوعلى قدر وجاهتو
ويكون زول واقعي
عشان مايكون زي ود الدكين
القالو انو مات جنب مكتب البسطة
في انتظار رد فيكتوريا
وياشماتت الاعادي فيك يا ود الدكين.....
.....
| |
|
|
|
|
|
|
| |
ابوحراز
قرشـــو
banadieha
noha_g
james
khider
Zaki
kabbashi
ايهاب
bob
OmDur
Rakoba
مهند حسن
المسافر
ياسرمدثر
Tumadir
عزيز
khal fatma
garjah
mohsin_alsla7aby
فيس بوك
تويتر
انستقرام
يوتيوب
بنتيريست