لحظات تبقت وأغادر لأجمل وطن في العالم وطن رغم جراحه المثقلة بالأحزان لكنه وطن كبير في مساحته 00مثلما هو كبير في سماحته وإن كنت أشعر أنني اغادر من السودان الى السودان ومن الأعماق الى الأعماق ومن الأهداب الى الأهداب ومن الشفاه الى الشفاه !!! أغادركم 00 لكنكم لن تغادروني ********** سأذهب هناك وأحكي عنكم وعن ضحكاتكم وعن عشقكم وعن إختلافاتكم التي تتحول فجأة الى حب والى رحيق والى عطر ساجلس هناك بجوار النيل وأنا احمل أمامي كرشي المترهلة بأملاح الخليج ساغتسل عن الأملاح وعن الخطايا وعن الغربة ومن ثم سأبث له أشواقكم وسأنثر فيه المزيد من عطر كلماتكم سأقول له 00 أتيت من أناس يحبونك بعمق وسأجعل النيل يرقص و يتنفس الف مرة !!!! ********** وعبر كلماتكم المرهفة ساعيد الذاكرة لأمواجه وساخبيء قليلاً من نكهة مبدعات البورد بين شاطئيه لأجعله يسكر ويترنح ويفيض بالعشق ويخرج عن طوره وليكن ما يكون !!!!! فماذا يضير المدن إن غرقت بالجمال والأنوثة ؟؟؟؟ أتدرون لماذا مياه الأنهار عذبة في السودان ؟؟؟؟؟ لأن الأنهار تستمد عذوبتها من سماحة السودانيين وطيبتهم وجمال نسائهم وعيونهن المليئة بروعة الوطن !! ********** سأترك العمارات الشاهقة والشوارع والحدائق والسيارات والمكيفات وهناك ساجلس في بيت من طين لكنه يحمل كل جمال العالم لأنه بيت من وطني وفي وطني !!! ********** ما أجمل السودان بناسه البسطاء وبفقرائه وبأطفاله الأبرياء وكم أفخر أنني أنتمي لهؤلاء البسطاء من الناس ولايهمني أصحاب الكروش المتدلية الذين ياكلون خراف واسماك ودجاج هؤلاء البسطاء بقدر مايهمني أن الاعب طفل صغير تمزقت ثيابه بسبب الفقر ********** أوصيكم بان تحافظوا على هذا الوطن الذي تكتبون فيه بكل حرية وقبل هذا وذاك أن تقفوا وأنتم حفاة الأقدام للوطن الكبير أن تداووا جراحه وآلامه وأن لانجعل السودان ينزف مرة أخرى لنتركه يمشي على قدميه ويقف شامخاً شموخ السنديان والأرز والجبل الأشم !! وليكن السودان لكل السودانيين !!! ********** ساغادركم 00 لكن صراحة سانساكم عندما أكون بجوار حبيبتي وساعطي البورد تأشيرة خروج دون رجعة !!! ولن أحكي لها عنكم 00 بل سأحكي لها حديثاً هامساً تحبه كل إمراة قال إمام مسجد متعنت قال !!!!
04-05-2005, 03:37 AM
نصار نصار
تاريخ التسجيل: 09-17-2002
مجموع المشاركات: 11660
الظريف نصار قال مأذون قال !!! والله انت زول قديم جدا 00 يا أخي انت من زمن المأذووووووون الجماعة بقوا يعرسوا ساااااااااااي ما شفت قناة النيل الأزرق الزواج الجماعي وعرفناه السكوت الجماعي وعرفناه الزواج العرفي وعرفناه لكن شنو واحد يقعد مع واحدة في شقة لا أوراق يا كافي البلاء ولا عرس عديل باخوي وأخوك ولا مأذوووووون !! غايتو حاجة تغيظ بالله نحن زمان في المراهقة لمن تكون عاوز تدي واحدة رسالة تتحاوم تسعة شهور جمب البيت وكل يوم الرسالة تتقطع وتعيدها مرة تانية وبعد دا كلو ما تقدر تسلمها الرسالة
04-05-2005, 03:51 AM
ايهاب ايهاب
تاريخ التسجيل: 05-06-2002
مجموع المشاركات: 2878
ياخوى ما تستعجل وعهدناك زول صبور وبتقعد فى القنبور وبتشرك للقبور لكن اظاهر عليك موعود بوظيفة كاربة من فرنسا... والا ياخوى اصبر شوية نشوف الحكاية دى بترسى على شنو على تسليم ولا قواد تتجمع فى مطار العزازا لو مسكت قيادة ما تنسانا ود ولياتك وبحمل رايتك اولاد جزيرة زى بحر الدميرة بتلقانا جنبك لو عصروك ناس الامم فى حكمك
تصاحبك السلامة ياحبيب ابقى سلمى على النيل وقول للسمك سوف تسمن جايك اكل اجانب ساى
04-05-2005, 04:26 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
أب قوووووووووته اشتريت ليك عربية وللا لسه صددقني انا 15 سنة في السعودية ويادوبك كريسيدا 79 تمانين ماتاماها هسي قلت أبيعها وأمشي اشتري لي ركشه ود أختي قال أسعارها كويسة وبتدخل ليك في اليوم 40 الف ماكل شارب لابس حالق قاشر قلنا أحسن الواحد يعمل ليهو مشروع ويشتغل فيها فترة الإجازة لكن بيني وبينك لو ركبنا فيها نسوان معناها ولا حق البنزين ما حايطلع انت عارف أهل العوض وعوارتهم حرم ما تدفع !!! مرة أخذت الوالد عشان اقابل عيادة عيون في الصحافة ركبناه في الحافلة قدام بالله كلما يجي شحاد يشيل ويدخل يديه في جيبه أها لمن وصلنا الدكتور عليك امان الله الا استلفنا من بتاع البنشر الإسلامي
04-05-2005, 04:06 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
إيهاب إنت حي سبحان الله 00 وين يا مان قلنا ليكم ماتعرسوا لأنو النسوان مابيدن الواحد فرصة يتاوق بالبورد والله نحن لو عرسنا الله يبستر زولتنا عجيبة جداً دي اقل شيء تبكي لكن ما مشكلة حانكتب ليكم في الوضوء وفرائض التيمم قال ست النفر قال ياخي دي بقت نفرين وزنها ماشاء الله عييييييك كان 53 الآن 62
حافظ كيفك كتبنا عن ممارسة إمام المسجد قالوا دا تهجم !! شيء غريب والله أنا ضب ما بقدر أهجم عليه !! هسي من أمس عندي فار صغير الإسمو " أم سيسي " االفار دا تصدق وقع عندنا في الغسالة ومن أمس أنا محتار كيف أطلع ابن اللذين دا كلما أجي عشان اشوف طريقة لطلوعه يعاين بي حقارة اها ملابسي ليها خمسة يوم في الغسالة انشاء الله اليوم القاه غير رايه وترجل عن غسالتنا
ناصر تحياتي ما اظن البيت ينور الا اجيب ليكم معاي جمرة خبيثة شنو حكاية الكهرباء دي ؟ آخر مرة سافرت فيها وكنت ماشي السوق عشان قفة الملاح أنا بسميها قفة الأزمة أها الجماعة عليك الله جيب لينا معاك طماطم وبصل وعجور ولحمة مفرومة اها بعد ما انتهينا واتجهت للسوق جاني الشافع طاير خالو خالو : قالوا ليك ماتنسى جيب لينا معاك كهرباء نتمنى بعد سد مروي يكون خيراً لأهل مروي والمناطق المجاورة وأن تاتي الكهرباء لكل منزل قبل أن نذهب لشرائها
04-05-2005, 11:11 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22759
Quote: ساغادركم 00 لكن صراحة سانساكم عندما أكون بجوار حبيبتي وساعطي البورد تأشيرة خروج دون رجعة !!! ولن أحكي لها عنكم 00 بل سأحكي لها حديثاً هامساً تحبه كل إمراة
أؤيدكم و أشد من أزركم. قال بورداب قال
04-06-2005, 04:03 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
ابوجهينة أعرف أنني هناك سأنسى وأنسى وانسى وسيدخل الإنسان في عالماً آخر سيذهب الى كاب الجداد وركبتي زاغت هناك اعراس واتراح ومقابر وصلوات في كل يوم فيها الكثير من التأمل هناك رحلات رايتهم في السودان يحتفلون بكل شيء ينسون الفقر للحظات ويمرحون وليكن ما يكون السمايات والعراس والمناسبات وحفلات التخريج في كل يوم نأكل خرووووووووف وهنا قد إمتلأت كروشنا بالهامبرقر والدجاج الذي لم يبلغ سن الرشد صدقني 00 أشتاق لأرى دجاجة تمشي في الطريق تأكل وتجري بكل حرية ويطاردها الديك أنّا ذهبت كل الدجاج هنا في الأقفاص ولاتعرف المذكر منه من المؤنث !!!! هناك في وطني وعندما ياتي المطر في منتصف الليل تجد كل النائمين وقد حزموا أمتعتهم للدخول للمنزل الصغير وما هي لحظات حتى تلحق بهم الأغنام والدجاج والكلاب وكل قاطني المنزل سبحان الله 00 انها لوحة غريبة جداً لا أكاد أتخيلها جيداً
04-06-2005, 04:05 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
ابوجهينة أعرف أنني هناك سأنسى وأنسى وانسى وسيدخل الإنسان في عالماً آخر سيذهب الى كاب الجداد وركبتي زاغت هناك اعراس واتراح ومقابر وصلوات في كل يوم فيها الكثير من التأمل هناك رحلات رايتهم في السودان يحتفلون بكل شيء ينسون الفقر للحظات ويمرحون وليكن ما يكون السمايات والعراس والمناسبات وحفلات التخريج في كل يوم نأكل خرووووووووف وهنا قد إمتلأت كروشنا بالهامبرقر والدجاج الذي لم يبلغ سن الرشد صدقني 00 أشتاق لأرى دجاجة تمشي في الطريق تأكل وتجري بكل حرية ويطاردها الديك أنّا ذهبت كل الدجاج هنا في الأقفاص ولاتعرف المذكر منه من المؤنث !!!! هناك في وطني وعندما ياتي المطر في منتصف الليل تجد كل النائمين وقد حزموا أمتعتهم للدخول للمنزل الصغير وما هي لحظات حتى تلحق بهم الأغنام والدجاج والكلاب وكل قاطني المنزل سبحان الله 00 انها لوحة غريبة جداً لا أكاد أتخيلها جيداً
04-06-2005, 04:06 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
و الله غايتو أكان بيتكم طين زر ما قلته عن تجربتى الشخصيه الجمره اخير لانو أخوك بالعداد القديم كدى قرب لى اضانك جاى (كنت بسرق العداد كويس) و بعد ده بتجينى 90 و 100 الف جنيه لكن غايتو اسع الايام دى اخوك ناس 50 الف لييييييي نهاية الشهر و خلاص ناس البيت بقوا متكيفين منى لانى بطلت كواريك و يا ولد اطفى اللمبه لكن غايتو ناس الراحات بتاعين الفريون البعرفم كلهم و الله اجعص جعيص فيهم قال الروووووووب و قلب مكيفاتو مويه كدى انت تعال و شوف براك و سمح القول من خشم سيدو بس عليك الله وانت طالع من البوست ده اطفى النور معال عشان الاستهلاك و كده سمح
تحياتي ... ناصر البطل
04-06-2005, 11:00 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
نصر الدين هل تصدق نحن عملنا راتب 500 جنيه في اليوم لواحد من أولاد اختي عارف دا مهمته شنو ؟؟ مهمته بس يتابع اللمبات ويقوم بإطفائها أول باول والله نحن ذاتنا كرهنا قبل ما تاخذ نفسك يجي وراك ويطفي اللمبة
فاصلة قلت لي الراجل قال الروب وقلب المكيفات مووووووية يعني دا هزم اخونا المدرس بتاع اليمن بدأ ببناء قواعد العمارة وفجاة تم انهاء عقده أها تماها سقف بلدي
04-05-2005, 11:22 PM
almulaomar almulaomar
تاريخ التسجيل: 07-08-2002
مجموع المشاركات: 6485
إلى أخي أب حراز المسافر دوما والراحل دوما والهائم دوماً في عشق الوطن ، منهكة يا صديقي كل مفرداتي ومتعطلة كل نصوصي وكلماتي تصفعني الأشواق فأستعيد الوعي في حب الوطن. أحسدك أخي حسداً شرعياً – إن شئت – على ما أنت عليه وما أنت فيه من نعمة سوف تعاني كثيراً أخي من حرارة الطقس وزحمة المواصلات والنشالين ووعثاء السفر غير أن كل تلك المعاناة تتلاشي وتختفي بلقاء الأهل والأحباب ، وبكل إبتسامة سوف ترتسم بصدق عند لقائك من أخ أو صديق أو جار أو قريب فالكل في السودان أسرتك. نحن دوماً يا صديقي راحلون مهاجرون في التيه مسافرون في مساحات الجراحات كأننا نتسول أن يكون لنا وطن. كل المخلوقات لها وطن حتى الأحلام والأحزان لها مساحة بل وطن. وأنت تحزم حقائبك للعودة وترسم كل تلك الصور الجميلة عن البلد والأهل والمحبوبة والنيل يسبقك خيالك في السفر إلى هناك ، أرجو قبل ربط الأحزمة أن تفكر في هذه الكلمات هل في ذلك بداية للزمن الذي إنتظرناه أم نهاية للحلم الذي رسمناه ؟ Have a nice vacation, simply because you deserve all the best
04-06-2005, 00:08 AM
garjah garjah
تاريخ التسجيل: 05-04-2002
مجموع المشاركات: 4702
Quote: إلى أخي أب حراز المسافر دوما والراحل دوما والهائم دوماً في عشق الوطن ، منهكة يا صديقي كل مفرداتي ومتعطلة كل نصوصي وكلماتي تصفعني الأشواق فأستعيد الوعي في حب الوطن. أحسدك أخي حسداً شرعياً – إن شئت – على ما أنت عليه وما أنت فيه من نعمة سوف تعاني كثيراً أخي من حرارة الطقس وزحمة المواصلات والنشالين ووعثاء السفر غير أن كل تلك المعاناة تتلاشي وتختفي بلقاء الأهل والأحباب ، وبكل إبتسامة سوف ترتسم بصدق عند لقائك من أخ أو صديق أو جار أو قريب فالكل في السودان أسرتك. نحن دوماً يا صديقي راحلون مهاجرون في التيه مسافرون في مساحات الجراحات كأننا نتسول أن يكون لنا وطن. كل المخلوقات لها وطن حتى الأحلام والأحزان لها مساحة بل وطن. وأنت تحزم حقائبك للعودة وترسم كل تلك الصور الجميلة عن البلد والأهل والمحبوبة والنيل يسبقك خيالك في السفر إلى هناك ، أرجو قبل ربط الأحزمة أن تفكر في هذه الكلمات هل في ذلك بداية للزمن الذي إنتظرناه أم نهاية للحلم الذي رسمناه ؟ Have a nice vacation, simply because you deserve all the best
قرجة الجميل ياناس جدة أخباركم شنو قال دافوري قال عندي كمبيوتر في البيت نص عمر لكن للأسف أول ماتفتحه أهل العوض كلهم يتلموا عندك ان شاء الله سوف اشترك في الأنترنت وأحاول اتكلم معاكم من هناك لكن بيني وبينك لحد الساعة 8 مساءاً بس لأن الوقت من 8 الى مابعده انت عارف دا حق شنو في السودان !!! هسي عارفك حاتتماسخ وتقول لي ماتخلي الناس تنوم نحن ناسنا بعد الساعة 9 مساءا خلاص الرماد كال حماد والعاوز بعداك يتيمم على كيفه والعاوز يتوضا على كيفه شفت الناس دي ظريفة كيف وكان الواحد قضى وطره والله تاني الحوليك لو شالهم كلب ماتجيب خبرهم اها مايصحينا تاني الا بتاع اللبن اللبن 000 اللبن 000 اللبن بزهج منه مرات لأنو أحياناً يأتي في أوقات يكون الإنسان في أمس الحاجة اليها!!! قال اللبن قال !!!!
04-06-2005, 11:04 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
أخي الملا عمر النشالين وحرارة الطقس ووعثاء السفر هي جزء من موروثات قديمة لابد منها هناك تجد كل ماتتوق اليه في هذا البلد الغريب الذي يقتسم الناس فيه معك لقمتهم ولايسألون الناس الحاحاً رغم فقرهم وضنكهم انها صور شعبية رائعة جداً تعجبني كثيراً وأنا أشاهدها ما أجمل هذا البلد القارة 00 وما أجمل طقوسه الشعبية المتفردة دائما أضحك مع أهلي وأقول لهم لقد تغيرت الأجيال تعرف لماذا يا أخي ؟؟ لأنني طيلة إجازتي لم يرجع لي الباااااااااااااااااقي !!! يريدون لحمة وأنا اعرف سعرها وأعطيهم اكثر من السعر لكن الباقي لايعود طيلة إجازتي لم يقل لي أحدهم اشترينا وهاك باقيك ؟ صدقني جمارك البيت أصعب بكثير من جمارك مطار الخرطوم وبورتسودان فهؤلاء يمكن أن تتفاوض معهم أما أهل بيتك فمن الصعب أن تطلب منهم باقي قروشك اعرف أن كثيرات ينتظرنني حتى التي تريد أن تضع مولودها تقوم بتأخير الطلق والوضع ريثما يأتي ابوحراز !!! وكل أبناء وبنات إخواتي لايختنونهم الا عندما أعود وكأنني صلاح إدريس بينما ست النفر تنظر الى جيبي أكثر مما تنظر لقلبي المترهل لكن كل ذلك لايضاهيه نظرة واحدة في أعماق الوطن
04-06-2005, 00:20 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 50067
الله يحفظك ويحفظ عليك دنياك ودينك وتسامحك ومحبتك للإنسان وللفقراء والمساكين.. الله في الناس.. أمسك فيهم قوي.. لقد ذكرتني حكاية سمعتها عن الأستاذ محمود.. قال كان الشيخ المكاشفي وهو بعد شاب قد التقى الشيخ عوض الجيد من أبكار الشيخ العبيد ود بدر "العبيد ود ريا الما بسوي النية" فسأله: يا شيخنا إسم الله الأعظم شنو.. وكان ظان الشيخ يقول ليهو إسم من أسماء الله، ولكن الشيخ عوض الجيد قال ليهو: الكسرة الكسرة.. ويعني بها إطعام الناس والاهتمام بهم.. أسأل الله لك التوفيق.. لقد استمتعت بمساهماتك وكنت متابعا لكثير من كتاباتك.. أها "لا إله إلا الله محمد رسول الله" وداعة النبي لي أصحابه.. وسلام عليك يا رسول المحبة والسلام..
04-06-2005, 11:20 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
أخي ياسر الشريف شكراً على إطرائك الجميل لكن هذا الألق ما كان له ليتأتى لولا الطاقة التي تمنحونا لها وهي طاقة بها الكثير من الإلهام الذي يتمخض عنه هذا الحديث البسيط والمتواضع اللهم أرحم محمود محمد طه 00 فقد قرات له " صلوا فإنكم اليوم لاتصلون " كنت صغيراً وأنا اقرا هذا الكتاب الذي فيه الكثير من التأمل وكل سطر فيه يحرضك على قراءة السطر الآخر وحتى اللحظة فإن هناك أناس يصلون لكنهم لايصلون !!!! فماذا نقول في من يصلي وياتي للمسلمين من وراء ظهورهم وهم ساجدون لله ليقتلهم جميعاً ؟ أعدم محمود محمد طه وترك سلمان رشدي طليقاً بل وزادت مبيعات كتبه خاصة " آيات شيطانية " عندما أصدرت ايران فتوى بهدر دمه الفكر أياً كان يجب أن يناقش وأن لايرمى بالرصاص هذه الكسرة التي تقولها لدينا معها مواقف طريفة جداً فقد كان جدنا كريماً لدرجة العوارة وكان يعمل بسوق اسبوعي يذهبون اليه بالعربات نحن نكره يوم السوق لدرجة لاتتصورها فهذا الجد يأتي بكل تجار السوق في ذلك اليوم ليتغدوا معه بالمنزل وكانت والدتنا وأمها وأخواتها يعوسون في ذلك اليوم الكثير منها فقد كان صعباً جداً وعندما ياتي لايأخذ الكسرة بالصنية كما هو متعارف عليه بل يأخذها كلها مع بعض ويذهب بها للديوان ليرصها هناك بنفسه كانت والدتنا في ذلك اليوم تجمعنا من الساعة الحادية عشر صباحاً تعرف ليه ؟؟ من أجل أن نتغدى !!! لأنها تعرف جيداً إن وصل جدنا فلن نأكل وسنجوع لامحالة وعندما يأتي نعمل فيها كأننا لم نأكل منذ عام لأنه لو عرف فإن العكاز المضبب سيلحق بالجميع لاتتصور عندما مات 00 بقدر ما حزنا له 00 بقدر مافرحنا وحملناه بأسرع مايكون الى المقابر !!!! فقد مات اربع مرات واستيقظ لنجد أنه كان في غيبوبة لكن تالمنا كثيرا بعد ذلك فلم نجد ما يأكل الكسرة 00 سبحان الله
04-06-2005, 12:49 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
سجيمان دائماً بتذكرني الجمس السوبر مان كيف أخبارك اتمنى أن نلتقي اقرا لك كثيراً واستمتع بالكثير من كتاباتك عندك غرام مع اللون الأحمر وكم أتمنى أن تنزل لينا بوست عن عمى الألوان فكثيراً ما أختلف مع ست النفر في الوان الفساتين والبناطلين يعني لدينا مشكلة في اللون البنفسجي ياخي عندي بنطلون " كاكي " كاكي دي في الألوان اصلها ماقابلتني المهم بنطلون زي حق الجيش دائماً تقول لي طلعت ليك البنطلون البنفسجي صدقني احترت إما أنا أعمى وإما هي أعمى وإما ناس الجيش ذوقهم ظريف جدا
04-06-2005, 11:27 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
قال كضيمات قال والله إنت في الكضوم تهزمني 10 / صفر تخليني بعد ارجع السعودية وتعزم الجماعة في المنتزه ؟؟ قال صايمين قال كلمني المهندس عثمان بأي شيء
كيف أخبارك والله مشتاقين بحرارة وأنا أحسدك من كل قلبي لأنك قد صادقت الموج ومن يصادق الموج يسافر في قلوب الناس لأن الموج دائماً في حالة سفر كم أتمنى أن أأتي لأغازل موجة متفردة او أعيد الذاكرة اليها كما جاء في بداية حديثي دائماً تنتفض الأمواج عندنا من كثرة العشق وينتفض الرجال من كثرة الضغط السياسي وتنتفض النساء بالقرب من عيدي الفطر والأضحى !!! انها مفارقات عجيبة جداً !!!!
04-06-2005, 03:46 PM
ghariba ghariba
تاريخ التسجيل: 03-09-2002
مجموع المشاركات: 13231
ghariba لك التحية أخي غربة وانشاء الله نتقابل قريباً طبعاً انت في الرياض المهم ان شاء الله حانكون في جدة سنبدأ بشق مثلث برمودا وهو كما يحلو لي أن أسميه المثلث المتساوي الأضلاع والذي لابد منه في حالة السفر يمثل الضلع الأول باب شريف حيث يلتهم نصف ما لدينا وقريباً منه يوجد شارع يسمى " شارع الذهب " هذا الشارع يقودك غصباً عنك الى القنصلية حيث نرمي بجزء من المبلغ وهناك سينتظرك جهاز المغتربين رغم أن الجهاز فيه من يخفف عليك همومك حيث ترى نساء جميلات وكأنهن قادمات للتو من مطار دبي !!! محروق على واحدة منهن مرة قالت لي انتو المغتربين عندكم مساخة زايدة تلف الأيام وتدوووووور ويعرسها واحد قريبي من أهل العوض قلت ليها تستاهلي عشان تاني تتماسخي معاي !!!
04-06-2005, 10:20 PM
ود عقاب ود عقاب
تاريخ التسجيل: 03-10-2003
مجموع المشاركات: 869
بس ما تزوغ هناك بعدين الوصيه في الذمه مشيتك اهل العوض كدي تجهز لينا المحدقات ناس الشرموط وام تكشو والويكاب وهلم جرا ماتعمل لينا فيها خرتومي من ناس سكلوب باني
قال حناكيش قال
اسمع مالك مابترد على التلفون آجنا
04-07-2005, 00:11 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
عبد الملك 00 تحياتي ساتصل عليك انشاء الله طلعت خاج البيت لأنو أحد الجماعة جاء شايل وصايا كالعادة لحد الآن ثلاثة شنط وصايا وأنا ما اشتريت اي شي تصدق واحد اداني مروحة تربيزة مستعملة قال يودوهاالسودان يعني مرات في اشياء تغيظ يا ويلك لو قالت مسافر عن طريق بورتسودان بورتسودان شنو ياخي 00 المرة الفاتت كذبت عليهم وقلت ليهم ياجماعة انا ماعاوز وصايا لأني حا اسافر على الخطوط السعودية والوزن محسوب ومحدد قالوا لي والله لو ماشي بي مركبة فضائية مافي ليك طريقة قال سعودية قال سافرت قبل سنتين عن طريق السودانية وكالعادة تأخرت الطائرة يعني مش ساعة ولا ساعتين يوميييييييييييييييييييين كدة اي واحد لو فكر يختطف طائرة سودانية يكون حيوان لأنو المختطفين لديهم خطط وعامل الزمن هام جداً عندهم ودي ممكن تفشل ليك خططك في اي لحظة تصدق ادونا كارت الصعود للطائرة وبقينا ماسكين الكارت دا لحد الطائرة تصل طبعاً قالوا لينا وجبة الغداء في المطار على الخطوط السودانية وبتاع الكافتيريا ما يديك تاكل الا يشوف كرت الصعود للطائرة أها عشان ما تاكل مرتين يقوم يقطع منه قطعة ويرجعه ليك الشاي برضو قطعو من الكرت والعشاء قطعو من الكرت والعصير قطعو من الكرت وبكرة الفطور والغداء عليك امان الله طلعنا بدون كروووووووووت
04-07-2005, 00:17 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
ود عقاب تحياتي سيكون بيننا اتصال وطبعاً رقمي 12412566 اتنشاء الله نتقابل ياخوي مسئول من الخير كبري الفتيحاب ان شاء الله الأعمدة بتاعت الانارة مولعة صراحة توجد خطورة بعد النزول من الكبري انا لأني حافظ الشارع بالليل الواحد اها يمشي علي غباه يفترض طالما أن هذا الكبري بهذا التصميم الجميل أن تتم اضاءته تحياتي للمهنس ودريم وبلقيس عندكم عصير كااااااااارب جدا تاني بجيكم
04-07-2005, 01:07 AM
اساسي اساسي
تاريخ التسجيل: 07-20-2002
مجموع المشاركات: 16468
الأخ / أبوحراز بالسلامة وصية لازم في أول جمعة تمشي سوق الناقة و تأكل إثنين كيلو من الذي منو واحد ليك و الثاني عشان أخوك القرب يكاكي هنا في الخليج ده و حتما سنفقدك و عزانا أنه الى حين
04-10-2005, 01:55 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
أساسي 00 اب جضوووووووووووووووم ونحن مشتاقين كتير جداً الدافوري وين والله مشكلتكم كبيرة يابورداب جدة آخر كمونية أكلناها معاكم قبل 3 سنوات ولحد الآن لاخبر ولايحزنون أها عرست ان شاء الله والله تباري البورد دا تبور بورة عدوك قال صينيين قال أنا في السودان عندي اهم شيء صينية الطعام
04-10-2005, 01:55 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
أساسي 00 اب جضوووووووووووووووم ونحن مشتاقين كتير جداً الدافوري وين والله مشكلتكم كبيرة يابورداب جدة آخر كمونية أكلناها معاكم قبل 3 سنوات ولحد الآن لاخبر ولايحزنون أها عرست ان شاء الله والله تباري البورد دا تبور بورة عدوك قال صينيين قال أنا في السودان عندي اهم شيء صينية الطعام
04-07-2005, 03:06 AM
nada ali nada ali
تاريخ التسجيل: 10-01-2003
مجموع المشاركات: 5258
العزيز ابو حراز فاكهة البورد العودة للوطن تظل حتمية ومعاناة الغربة لابد ان تنتهى يوما والاحساس بالامن والطمأنينة مكانها الوطن والارض والاهل .... وقد عاد الكثيرون خاصة من الخليج الذى اصبح لا يسوى شيئا.
هنيئا لك بالعودة الى الديار ... ولكن هذا لايمنع من التواصل عبر البورد. لك التحايا والود
أحمد داود NZ
04-07-2005, 12:48 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
إخوتي وأخواتي جميعا اشكركم جميعا على المشاركة واقدر لكم هذا الاهتمام طبعاً انا في حالة وضغ 00 آسف في حالة سفر فالسفر هنا أصعب من الولادة لكم التحية وان شاء الله سأدخل البورد مرة أخرى للرد عليكم
04-10-2005, 02:36 PM
zola123 zola123
تاريخ التسجيل: 08-22-2002
مجموع المشاركات: 7
أبو حراز الظريف طبعا الكلام ده بكون هظار ساي صح؟ ماشي وين مخلينا, هو البورد ده ببقى من دونكم؟
تعرف أول بوست قريته في الموقع ده من كم سنة كان بوستك بتاعة العزابة وقعدت أضحك فيه ولميت ناس البيت أقرا ليهم الزول ده كلامه ووصفه بيضحك كيف. وبعدها طوالي رسلت طلب تسجيل في الموقع. عندي صاحبتي اسمها حنين لو بتتذكرها, برضو لمن حبيت أعرفها على الموقع جبت ليها بوستك ايه وضحكنا كثيرا وسجلت بعده طوالي. الغريبة مشيت أفتش في الارشيف ما لقيته وزعلت زي ما كتير من البوستات الحلوة ضاعت.
اها قلت لي ماشي؟ لا اكيد ما ماشي ومخلينا, اجازة بس وتجي تلقى مكانك بينا قااااااعد تحياتي لست النفر وكل التوفيق في كل ما أنت مقدم عليه
زولة123
04-12-2005, 03:47 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
الزولة 123 طبعا المغادرة للسودان وبعدها ستكون العودة بقوة ان شاء الله وانا اتذكر جيداً بوستك الرائع الذي حمل لنا السودان وبساطته وأهله وحتى لم تنسي أن تصوري لنا الركشات والعبارات الجمييلة والأزقة وكل الشوارع وحتى عفراء كان بوستاً رائعاً بكل المقاييس وأنا سعيد لأنني كنت سبباً في دخولك البورد رغم أنني كنت أتوقع أنك قد سبقتيني اليه والشكر للرائعة حنين بالمناسبة أنا دخلت البورد دا زعلة بس كنت أقرأ فيه ووجدت واحد من مواضيعي التي كتبتها في أحد المنتديات الموضوع بي ضبانتو منقول ياكافي البلاء بالسطر والنقطة ولقيت ليك الجماعة يضحكوا مبسوطين جداً من صاحب البوست قال ملكية فكرية قال طبعاً لاتتصوري فقد نمت علاقة بيني وبين من نقل بوستي ويبدو لي أنه كما تدين تدان فقد كنت كثيراً ما أشف وانقل في الاختبارات عندما كنت بالمرحلة الابتدائية فقد زهجت من الترتيب الذي كرهه حتى والدي فقد كان ترتيبي ال 25 وما فوق وقال لي الوالد لو لم يتحسن مستواك فسوف تترك المدرسة ياحيوان !!! وقررت الجلوس ما بين اشطر طالبين 00 أحدهما يأتي الأول والثاني بعده مباشرة إن لم يشترك معه ونجحت الخطة فقد كنت أنقل من كل بحر قطرة 00 من هذا ومن ذاك تصدقي كم كان ترتيبي ؟؟؟ الأول طبعاً 00 سبحان الله المدرسون لم يصدقوا وكذلك مدير المدرسة والطلبة الذين نقلت منهم قدعاشوا في ذهول شديد فقد جاء أحدهم الرابع والآخر جاء التاسع والوالد عندما ذهبت اليه فرحاً قال لي : هذه ليست نتيجتك اذهب مرة أخرى وتأكد من المدير ؟؟ نجي ال 25 يكوركو فينا نجي الأول يكوركو فينا
ابو حراز الكضب حرام والقبر قدام..وكان كده لما خليت المدرسة والدليل اغتربت زينا واحد لو كنت الاول او كنت المسئؤل كنت حا تكون بى دقنك وشابك الناس جزاكم الله خير وهى لله هى لله وعماراتك ولاندكروزراتك تتخابت تقول لى جيت الاول والله الناس القروا معاك قالوا دقوك اكتر من الجرس وما حفظت جدول الضرب وسمعنا بالمفارق عينه قوية لكن ما سمعنا بالمسافر كضبته قوية يا اخلى الله يهنيك بالاجازة وسلم على اهلك،،،
ممكن نصدق انو الشمس ابت تطلع أو القمر حرد الطلوع بس انك تسيبنا ده المماممكن يااخوي هي يالله ماشا تقوم ونحن زاتنا القاعدين ليها شنو تاني كلنا مادايرين انت تبرجل قال يعرس قال بعدين البعرفه انا انك متزوج دي التانـــ2ية ولا شنو ؟
وبرضو قلنا ماممكن تسافر السفر ملحوق ....
عزيزنا ابوحراز نتمني لك رحلة سعيدة بالوطن الدأفئ ونحن من وراك وشادين ازرك وعقبال الطيور الباقية
الداعي لك دائمأ بالتوفيق كرماوي ...
04-12-2005, 01:02 PM
لؤى لؤى
تاريخ التسجيل: 06-01-2003
مجموع المشاركات: 14343
شوف يا أبو حراز خلّيني من الفُصحى بتاعتي ديك وهلاّ هلاّ على الجد والجد هلاّ هلاّ عليهو .. انا إمكن انت تكون شفتني ماحصل دخلت لي لي زول قلت ليهو ماشي وين وبتجي متين وليه !! لكن انت بالذات لا تقول لي مسافر ولا تقول لي مهاجر لا تقول لي السنجك .. شوف ليك حل .. وبس ـــــ انا في البعيد مشتاق لهمسة من الوطن يانسمة [email protected]
04-12-2005, 03:26 PM
برير اسماعيل يوسف برير اسماعيل يوسف
تاريخ التسجيل: 06-03-2004
مجموع المشاركات: 4445
كدى تعال اقعد فى بطن الواطه دى ماشى وين ؟ انت جبتنى البكان ده على قول حبوبه ماشى مخلينى وراك لى منو يا جنا سوقنى معاك الجنيد بالدقداق لف بى ود السيد شارع الترعه بين المصنع والحواشات اقطع السرابات بالراحه عشان ما تكسر لى اهلنا المويه وسوق بالراحه ما تقوم تفجخ لى شافع من شفع الكنابى ديلك يجوك اهلو ينسوك ست النفر والنفرين عليك الله ات بى صحك ماشى ؟ لكن ما الداااااااار بتبقى خلاء وراك يعلم الله ما تنقطع عليك الله ولا تقطع الجوابات وسلامنا للحبنان بددون فرز علا قبل تفوت ناغمنا النديك العلوان عشان المواصله الله معاك يا غيمنا الماطر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابوحراز
نصار
ايهاب
abuguta
Hafiz Bashir
nasiradin
ابو جهينة
almulaomar
garjah
james
Yasir Elsharif
صديق الموج
سجيمان
ghariba
زول ساكت
اساسي
nada ali
Ahmed Daoud
محمد الامين احمد
Habib_bldo
zola123
لؤى
فيس بوك
تويتر
انستقرام
يوتيوب
بنتيريست