أحببتها بعمق دون غيرها كانت إمراة غير كل النساء ووردة ليست كما الورود هي قارورة عطر وبارقة امل كانت كل حياتي وآمالي وطموحاتي وتطلعاتي وعندما أدخل على هذا البورد اجد انفاسها ورحيقها وعطرها وكل أنوثتها وكانت قصة ملتهبة تلك التي بيني وبينها قصة لو كتبت فصولها لحازت على الأوسكار دون تردد لكنها عندما قررت أن تكون هذه العلاقة وردية وأبدية قالت لي : اريد ان استخير يا ابوحراز قلت ليها مالو ياحبيبتي استخيري كما تريدين وانا سأستخير أيضاً ولكن لم أكن اتوقع ان العوارة في الإستخارة ستكون بهذه الجدية تخيلتها ستقوم بالإستخارة في مسكنها ولكنها اتت خصيصاً الى مكة من أجل الإستخارة لأبوحراز الله يكون في عونك يا ابوحراز وهل هي أحسن مني أم هي أحسن مني فقد استخرت أنا أيضاً ولكن في الطائف ونمت بعد الإستخارة وماهي لحظات حتى أتاني حصان أبيض وضنبو أخضر طبعاً ماعارف دا يكون حصان وللا فجلة ؟؟؟ وامتطيت حصاني لأقابلها فجأة أقابل بدر الدين شنا وقرجة وهما يتسالمان ياجماعة نحن ناقصين بعديها صحيت من النوم واستخارت الحبيبة الظريفة ولكن ياليتها لم تستخير فقد قطعت الموية والنور والاتصالات والبورد وكل شيء واختفت في الزحام تكون شافت ليها شيطان وللا شنو ياجماعة ؟؟؟
قال البورد صار وطن قال وطن شنو دا البيستخيروا فيهو ويقوموا مشتتين
(عدل بواسطة ابوحراز on 09-10-2003, 11:19 AM) (عدل بواسطة ابوحراز on 09-12-2003, 08:24 AM)
<=====للزوار: للتعليق على هذا الخبر او المقال اضغط
رد
ايهاب اهل العوض شكراً على المشاركة انتو معاها وللا معاي قال ست النفر قال اهل العوض طمأنتنا شوية يعني هي من أهل الكهف وللا شنو الكلام دا قبل رمضان الماضي اها نحن في انتظار انها تصحى وللا جايز يكون في فاصل اعلاني وبعدين نعرف النتيجة
<=====للزوار: للتعليق على هذا الخبر او المقال اضغط
رد
قلقو يعني جفلت من الصورة المشكلة في بدايةالعلاقة قالت الصورة حلوة جداً وراسنا بقى كبير خالص يكون دا كلام جرايد وللا شنو بالله زمان كل ما افتح البريد القى ليك بطاقات وازهار وورود وأغاني وصور رائعة بالله هسي كلو بيتزا هت
<=====للزوار: للتعليق على هذا الخبر او المقال اضغط
رد
ابو حراز والله ضحكتني لمن ناس مكتبي اتخلعو.. انت مالك والاستخاره والجهجهة, كان تعمل الاستخاره قبل التورط لكن مابعد التورط الزول بستشير والشوره ذاتها بتكون حركه في شكل ورده قال ورود قال
<=====للزوار: للتعليق على هذا الخبر او المقال اضغط
رد
اكيد حاتقولوا يستاهل ابوحراز ياجماعة انا عملت ليكم شنو
قلقو اها عاوزني اغير الصورة دي ماعندك مشكلة حا أجيب واحدة أجمل منها لكن انت صورتك وين والله بعرف واحدين في البورد دا الواحد لو نزل صورتو والله البورد كلو يشتت ياخي في واحدين عندهم جضوم كبار جداً والله تعرف معانا واحد شين شناة عجيبة جداً والله طبعاً دا بيساهر في البورد لكن لو خيروه بين انزال الصورة أو ترك البورد لأختار الأخيرة دون تردد هسي انا كلما اشوفه بطمئن أنو في واحد اشنى مني بالبورد
غربة والجندرية ومايا دعواتكم معانا لكن بيني وبينكم حاجة فيها استخارة تاني ماعاوزها الفحص قبل الزواج وعرفناه ولكن لو كل زواج قبله استخارة لذهب نصف الذين يودون الزواج الى الشارع
<=====للزوار: للتعليق على هذا الخبر او المقال اضغط
رد
يا حروزة اعمل حسابك الايام دي .قالو في فيروس جديد اسمو حبني قالوا بي مناسبة حداشر سبتمبر ..وانا والله خايف عليك اها أختر ما فيهو ..أنوبيرسل صور مضروبة عبر الماسينجر .. انا خايفك تكون اتورطه في الصورة بتاعت الزولة دي .. يعني بأختصار ..تكون الشغلانةمفبركه من الحريف قرجة .. وهو معلم كبير طبعا تشهد له كل المحافل .. لكن شفت يا اب حراز كان ما وصيت لي ست النفر .. شان تطير ليك خفتك ..ولقافتك دي في راسك ..
ابقي انا ما تمبس .. ياخ انته وين من زمان ؟؟؟
<=====للزوار: للتعليق على هذا الخبر او المقال اضغط
رد
تمبس تعرف انا من يوم كنت في الثانوي وارسلت صورتي لواحدة لقيت عنوانها في مجلة وقامت بت الحلال دي رسلت الرد في مظروف جميل ولقيت طبعاً صورتي جوة الظرف لوحدها وكمان مقددة فيها عيوني 00 من يومها توبة ياحبوبة تاني مارسلت صورتي 0
الظريفة مايا شكراً على المشاركة طبعاً لازم الواحد يتقّل دمو شوية ويعيد الكرة مرات ومرات ومرات ومرات والواحد يعمل فيها زي قريبو جاء للبت وقالوا ليهو عاوزنها تكمل الثانوي 00 قال بينتظرها 00 قالوا ليهو وكمان عاوزنها تكمل الجامعة 00 قال مامشكلة برضو بينتظر 00 قالوا ليهو وكمان حاتحضر رسالة الماجستير والدكتوراة والبروف 00 قال برضو حاينتظرها : اها الجماعة قاموا قالوا ليهو والله حرّقت روحنا 00 ياخي ماعاوزين نديك عديييييييييييييل !!!
بت قضيم 00 منوبيا 00 الأستاذ الموسيقار حمزة 00 رجاء الرائعة 00 الشمشارة توما تعرفوا قالوا واحد برضو كان بيحب كل مرة وبيدوه شواكيش بسبب الإستخارة الراجل من الغبينة قام عمل ليهو جريمة وبسبب الجريمة تووووووووووش دخلوه السجن القاضي للأسف كان برضو من الجنس اللطيف والظاهر القاضية اخذت ليها شاكوش قبل كدا 00 يعني بتكره الرجال لدرجة قف أها طوالي حكمت عليهو بالمادة 254 الإعدام شنقاً حتى الموت ويوم جاء حكم الإعدام القاضية فكرت شوية وقالت بدل العوانس عندنا كتيرات والعجايز ماليات الدنيا والأرامل وزوجات الشهداء بالكووووووووووم كدي نعرض على المحكوم دا اقتراح قامت في ساحة الإعدام جابت ليك كل النسوان العجايز والشينات واحدات عمرهن ماضاقن العرس واحدات كتلن رجالن وقعدن اها قالت للراجل المحكوم عليه : لو اخترت واحدة من هؤلاء النسوة لتتزوج بها فإنني سألغي عنك حكم الإعدام اها الراجل كان معصوب بعدين فتحوا ليهو عيونو قام شاف الحنظل والترمس واللالووووووووب قدامو قال للقاضية : إعدام بس 00 ماعاوز أي عرس قال شهيداً شهيداً شهيداً قال !!!
<=====للزوار: للتعليق على هذا الخبر او المقال اضغط
رد
انت ذاتك الشلاقة العليك شنو ، كان من الاول تقطعها ناشف معاها وتقول ليها يا بت الناس عاوزاني ولا لأ عشان ما تعمل ليك فيها دور استخارة لكن يا زول بيني وبينك بنصحك تعيد الكرة مرة اخرى حكاية عمنا بدرالدين دي ما مريحاني ، انت شكلك لخبطت الكيمان
<=====للزوار: للتعليق على هذا الخبر او المقال اضغط
رد
والهي ياىابوحراز ما قادر امسك نفسي من الضحك،ياخي وينك انت الله يخليك لينا،لكن يا مان كنت داير تبيع ست النفر،اها قرجة وابراهيم قامو جو يزكيروك ليها, تحياتي ليها وليك
<=====للزوار: للتعليق على هذا الخبر او المقال اضغط
رد
والله ما فهمنا دخل العنوان بالموضوع ، مع أنو العكس صحيح مع الرجال
بس يا زول هوي ، انت مخللي مكان الحالة الاجتماعية فاضي مالك ؟؟ جني وجن الناس البخللوهو فاضي ، أكان رجال وللا نسوان ، بالذاااات العارفين وضعهم أو وضعهن شنو بس عندي كلمة للزولة دي وهي أنو الاستخارة لااااااااااا تأتي نتيجتها في المنام ولا تأتي نتيجتها حسب الشعور البنشعر بيهو بعدها أبدااااا ولا دخل لها بمكان و زمان
الاستخارة هي دعاء ولنمر بسرعه يا زولة أبوحراز على ما دعوت الله به وهوأن الأمر اذا فيه خير ، فماذا يحدث ؟ يسهله الله لك واذا فيه شر ، لا يسهله لك
مع العلم أنه مثله مثل بقية الأدعية ، قد يستجيبه الله ، أو لا يستجيبه والشئ الآخر أن تيسير الأمر ليس معناه أن كلللل شئ يمشي تمام وأبو حراز لملم قروشو سريع وتحسمو مواضيعكم زي السكن والزمن وغيرو بسهولة أو بسرعه لأ هناك لا ننسى ابتلاءات الله العادية والتي لن تتوقف في حياتنا بنص الآية لقد خلقنا الانسان في كبد والله أعلم ، فالواحد بيستخير
ولكن بعد الاستخارة ، لا نقوم بتكرارها مع ظهور العوارض
ولكن تبدأ مرحلة أخرى وهي الدعاء كي يسهل الله الأمر ، والدعاء لله أن يحل المشاكل ، والدعاء له بأن يقرب بين الاثنين اللذان ينويان الزواج هذا وازالة العوارض بل حتى ابطال الكيد والسحر والحسد ان كان قد مسكما شئ منه دون أن تدريان
والآن بعد أن استخرتما فأبدآ الالحاح في الدعاء بأن يسهل الله أمركما ويذلل الصعاب ، فالله يحب العبد الذي يلح في الدعاء ويكرره كما أن الآية تخبرنا أن الله لولا دعاؤنا لما اهتم بنا فاستخارة واحدة فقط كفايه وها نحن ندعو بأن يسهل الله لكما
وطلب مني أنك تطبخي ليهو فجل أول يوم ليكم سوا فجل بس ، والفجل زاتو مفيد
قصرت معاكم ؟ بس ما تنسونا من الدعاء نحن زاتنا
<=====للزوار: للتعليق على هذا الخبر او المقال اضغط
رد
obay_uk هووووووووزي انتو ياخي ماتجوا الا بالدفر يعني لازم يكون العنوان لافت للنظر عشان الواحد يسمع صوتكم ويقرأ ماتكتبه أناملكم الرقيقة 00 كويس انو البوست دا جابكم عندنا وسمعنا روائعكم الظريفة دي 00 بالجد امس اتذكرتكم وضحكت في اعماقي أثناء خطبة الجمعة 00 تعرف الإمام بعد ما انتهى من الجنة والنار وأكل الربا ومال اليتيم واللهم أنزل الغيث تصدق تحدث باسهاب عن الإستخارة وقال نفس كلامك الجميل دا وقلت ياربي الراجل دا قاعد يقرا معانا في سودانيز اونلاين وللا شنو 00 والغريبة كان يركز على الزواج والوظيفة وذكر ان الإنسان عليه ان يسعى وأن لاييأس وان يصلي ركعتين عند الإستخارة وأن ينام على وضوء 00 وسوف أعمل بنصيحتك وأستخير مرة أخرى 00 لكن المشكلة اذا الديك اقتنع البيقنع الدجاجة منو ؟؟؟
<=====للزوار: للتعليق على هذا الخبر او المقال اضغط
رد
العزيز عثمان "ما لكش حل".. بجد ضحكت ضحكت ضحكت وقلت ياااااااه الواحد ليهو كم من ضحك زي ده... شكرا وتسلم اما بخصوص الجكسوية المشت تستخير ولي الليلة ما رجعت.. ما عارفة نقول ليك شنو؟ خيرها في غيرها
<=====للزوار: للتعليق على هذا الخبر او المقال اضغط
رد
أسمع إنت لمن جيت تنوم نمت بي الخيرة ولا لخبت في الحروف وقدمت حرف الراء على حرف الياء؟؟؟ أجمل حاجة في حلمتك دي إنها جمعتني بي حبيبي قرجة عليك الله كان نمت تاني شوفني مع أهل العوض كمان
ترهاقا سلام جيتك جيتك .. تجاف؟؟؟
ميّا تحياتي
<=====للزوار: للتعليق على هذا الخبر او المقال اضغط
رد
حروووووووووووزه ماعجبني ليك بس بيني وبينك دي لا استخارات ولا سوت دي كلها كانت لزوم المخارجه يا حليل زمن ست النفر الرضيانه بقرده ارجع ليها يا زول زوله واحده بتستحملك غيره مافي أسمع إنت لمن جيت تنوم نمت بي الخيرة ولا لخبت في الحروف وقدمت حرف الراء على حرف الياء؟؟؟ لووووووووووووووووووووول وتاني لووووووووووووووووووووول ياودشنا بالغغغغغته
<=====للزوار: للتعليق على هذا الخبر او المقال اضغط
رد
اخي ابو حراز بركة الجيت...بركة الجيت رجعت لينا الابتسامة بعد طول غياب في البورد البقي زي بيت البكاء دة
غايتو ضحكتني بعد كنت راقدة اليوم كلو ما بين مغبية وواعية من اثر حمي الانفلونزا والدبرسة التي تصاحبها وحمدت الله الاداني حبة حيل اجي اتاوق للبورد والقي بوستك الظريف دة
لكن والله فكرة قصة الاستخارة دى خليني الامشي استخير هسع دي- الله اعلم كان تجيب نتيجة مع الحمي الاربعينية والهضربة الحاصلة
بجيك راجعة
حنينة
<=====للزوار: للتعليق على هذا الخبر او المقال اضغط
رد
أحييكم جميعاً وأحيي كل المشاركين في بوست الإستخارة وكل من قرأ ورد عليه وكل من قرأه ولم يرد وأحيي كل من أعجبه البوست وأحيي كل من لم يعجبه واقدم اعتذاري الشديد في التأخير عن الرد لكل المشاركين فقد كنت في زيارة أحد ألأصدقاء ولم أكن أتوقع انه من المداومين على قراة البورد وقد حاول إغاظتي في الغداء عندما أحضر لي ثلاثة صحون عارفين فيها شنو كانت كلها فجل سأعود اليكم لأحدثكم عن رحلتي وعن الإستخارة انشا الله الشكر لكم مقدما
<=====للزوار: للتعليق على هذا الخبر او المقال اضغط
رد
ابو حراز ازيك قلت لي استخارة برضو؟؟ الزمن ده البنات خلو الاستخارة بشيلوا طوالي لووول\ بعدين لحظة اي موضوع في البورد ده حتلقى شماره يا اما عند بت القبايل يا عند زولة موضوعك ده اصله ما مر علي كان صدقت وطلعت من البورد ولا دي تبع مواضيع ست النفر؟
تحياتي واتمنى انك ما تنقطع من البورد
زولة123
<=====للزوار: للتعليق على هذا الخبر او المقال اضغط
رد
العزيز عثمان انا طبعا ما خليت الموضوع يعدي كده، وما نسيت انو انا بشتغل شنو؟ قوووووم اتصلنا ليك ببعض "المصادر" القريبة من مكان الاستخارة.. ووجدنا انو الجكسوية نبا إلى علمها وجود كل من: أم حراز، وحراز وأخوه الوسطاني حرزوني واختهم السغنتوتة حروزة... لوووووووووول
<=====للزوار: للتعليق على هذا الخبر او المقال اضغط
رد
الأعزاء قرجة وبدر الدين شنا رجاء 00 منعشوف 00 زوله 00 حنينه 00 بت بربر 00 هوبفل 00كبسيبة 00 راويه اشكركم على تفاعلكم وكلماتكم الرقيقة التي أعطت البوست نكهة خاصة وجميل جداً أن اقرأ حروفكم التي سطرتها أناملكم الرائعة وبمناسبة انو الجماعة ديل ماشافوني في الحلم الخاص بالإستخارة بهديكم الطرفة دي 00 قلتو ماكنتو في الحلمة دي 00 يعني بالعربي ماقابلتوني ذكرتوني والي كان عندنا ظريف جداً اتصلوا الجماعة علينا في السعودية وقالوا الوالي حايسجل زيارة لأهل العوض قوم يا ابوحراز أجمع مية ريال من كل واحد ورسلناها ليهم 00 طبعاً جابوه عشان موضوع الموية والكهرباء 00 تصدقوا جاء اتكلم ليهم في شنو ؟؟؟ خطابه كله كان عن البارونة كوكس دا ماموضوعنا بس كان معاه واحد موظف اسمو شيخ الحوري والله مهمته ظريفة جداً دا بس معين عشان يقول الله أكبر الله أكبر يعني ماشي في ضل الوالي كان الوالي نط 00 الله أكبر كان أكل ليهو تسالي 00 الله أكبر كان الوالي عطس 00 الله أكبر والحالة كان الوالي عتر في الواطة 00 الله أكبر الله أكبر أها يوم واحد من جماعتنا كان عاوز ليهو شوال سكر وقال لازم يمشي للوالي دا ويقول ليهو أنا حلمت بيك وشفتك في الجنة اها صاحبنا مشى طوالي قال للوالي : والله أمس حلمت بيك ياسعادتو قام الوالي قال ليهو : لمن حلمت بي كان معاي شيخ الحوري ؟؟؟؟ الراجل قال ليهو : لا الوالي قال ليهو : اذن دا ما أنا قال شوال سكر قال
عارف يا أبو حراز اتنين في البورد ده قدر ما أكون زعلانة و مدبرسة من أشوفهم بفرح، انت و أسامة الخاتم. عارف بحس بأنكم ناس طيبين و نيتكم صافيييية خالص ، ربنا يديم عليكم نعمة طيب النية عشان تزيدوا من قدرتنا الكسيحة على الابتسام.
لكن بس ما فاهمة علاقة الموضوع بالعنوان شنو ، ما تزيد حيرتنا برانا حيرانين.
<=====للزوار: للتعليق على هذا الخبر او المقال اضغط
رد
الأستاذ ابوحراز حبوبتي الله يرحمها كانت بتقول لينا: ما تستعجلوا على العرس ..ياعيالي... العوين كتار الشم تطلع وتغيب عليهن العوين هن النسوان بكلام ناس الغرب والشم هي الشمس بكلام البقارة
وعليه صاحبتك دي حتندم ندامة الكسعي.. بس يا ابا حراز انت ما فهمت رد الجكس في البورد هنا ... كدا حاول اقرأ بين السطور ... في واحدات قالن ليك يا ابا حراز نحن هنا منتظرنك بس تعال خاصة هنايا ديك... كدي أقرا ردود الجكس وتعال ورينا رايك شنو
وبعدين ماتنسي المثل الشعبي دا: المرا زي ظلك .. كان مشيت عليها بتمشي منّك وكان مشيت منها بتمشي عليك.. ولا مش كدا يا هنايا
<=====للزوار: للتعليق على هذا الخبر او المقال اضغط
رد
ندى أمين اتمنى أن ندخل عليكم الإبتسامة فهي في عصرنا اصبحت عملة نادرة جداً وجميل أن تعطي الإبتسامة للآخرين حتى لو كان الحزن يغلف كل أحاسيسك 00 بالمناسبة بنت أختي اسمها ندى وأنا من إخترت لها الإسم لكن أمها تقول إتوحمت ليها على ناقة 00 المصيبة طويلة طول شديد ولسه منتظرة ود الحلال والمشكلة أهلنا كلهم قصار وعراض الواحد منهم لو قطعوا رقبتو يبقى زي القرمة البيكسرو فيها اللحم
كانتونا يا أخوي مسؤول من الخير 00 كانتونا دا مش اللاعب البمشي يلبع الجماهير في المدرجات وبينزل وللا دا واحد تاني ؟؟ تعرف الواحد الا يعضيك من امس ومن يوم قلت الجكس تاني ماجات واحدة تتحاوم في البوست في الحلم طيرتوهن مننا وفي البورد برضو وانت ماعارف نحن في السعودية كلما تقبل يلاقوك الرجال محلات ممنوع دخول النساء ومحلات ممنوع دخول الرجال الحمد لله انا في بيت العزابة بصحى من النوم آخر واحد يعني لو صحيت معاهم الله قال بي قولك الفاتح خشمو ماتعرفوا 00 والشناة طبعاً ماشاء الله ماتديك الدرب بعدين منو القال ليك الجكس قالوا تعال والله نحن زي ماقال الملا عمر بقينا في المرحلة التانية حيث يمرر الرجل بمرحلتين 00 مرحلة تجري النساء عليه ومرحلة بيجرن منو قال استاذ ابوحراز قال
راوية 0000 رجاء 00 شكراً كتير على مشاركتكم ودعمكم المعنوي الذي خفف علينا وقع صدمة الإستخارة وبهذه المشاركات منحتوني الأمل مرة أخرى فالحياة لاتتوقف والشمس تشرق في كل يوم 00 لكما التحية دائماً 0
<=====للزوار: للتعليق على هذا الخبر او المقال اضغط
رد
شكراً كتير على مشاركتكم ودعمكم المعنوي الذي خفف علينا وقع صدمة الإستخارة وبهذه المشاركات منحتوني الأمل مرة أخرى فالحياة لاتتوقف والشمس تشرق في كل يوم -------------------------------------------------------------------------------- كم جميل لو بقينا أصدقاء
ابوحراز سلام
كفاره ياابوحراز الجاتك في خطوبه سامحتك بركه الما جاتك في مالك
تعيش وتستخير
لكم تحياتي
<=====للزوار: للتعليق على هذا الخبر او المقال اضغط
رد
كل واحدة يبدأ اسمها ببت مختفية الأيام دي ماعارف الحاصل شنو بت الجزيرة مختفية وبت بربر وبت الأحفاد وبت الغالي وبت قضيم وبت النيل الأبيض الحاصل شنو بالله هسي الواحد لو لقى العصفور الظريف دا وركب عليهو مش كان أحسن من الحصان المكعكع دا فالعصافير الجميلة تأخذك الى حيث تريد ويكفي الطير المهاجر الذي حمل رسائل صلاح أحمد ابراهيم حملها وهي طازجة ليبثها للحبيبة فالطيور تحمل لنا أنفاس الوطن وما أجمل الوطن يابت الجزيرة وليس هناك مكان أجمل من الوطن شكراً للمشاركة والدعم المعنوي ابوحراز
<=====للزوار: للتعليق على هذا الخبر او المقال اضغط
رد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابوحراز
ايهاب
ترهاقا
قلقو
الجندرية
tmbis
بت قضيم
manubia
obay_uk
وها نحن ندعو بأن يسهل الله لكما
HAMZA SULIMAN
Raja
توما
garjah
بدرالدين شنا
HOPEFUL
bit barber
haneena
zola123
منعمشوف
cantona_1
bint algazeira
انستقرام
يوتيوب
بنتيريست