عاين ياابوذر .. موضوع اني اجيك براي وتستفرد بي وتحلق لي دي .. ما بتلقاها عندي بالساهل كده .. والاسئلة الصعبة يا حنين منو الغيرنا بحلها بس احب انبهك جهز لي خياراتك وطالما دخلت معانا يف حتة ضيقة زي دي ح تتعب ( نحن ) ما بنجيك ساكت ضهرنان مكشوف بعدين عاين لي (نحن) دي واعمل ليها الف حساب وخت تحتها خطين .. بعدين التكنلوجيا دي اسمح منها في والله يا مطر متلقيين الحجج كتار خلاص احد ليك جنس حشود اول ما قريت عنوان البوست وقبلما افتحو رفعت السماعة بتاعت التلفون ،، واشتكيتك طوالي اها واحد من متلقيين الحجج قال لي .. بدون اي مقدمات وكان كتب ليك اي حاجة بس قول ليهو اتحداك ،،كان سلم عليك ساكت قول ليهو اتحداك .. . اهــا انا حسع بقوله ليك وبي قلباً قوي وضهر مسنود بي عتاولة اتنين بنتحداك وابقى مارق ونحن حلاقتنا من غير ( بلان راس )
08-28-2005, 02:01 AM
nazar hussien nazar hussien
تاريخ التسجيل: 09-04-2002
مجموع المشاركات: 10466
Quote: انا تلميذا لي تمبس انفع امشي اجيب ليك الظرف
معروفه رونالدينو ألعب من غناء ابوعركي لأان ابوعركي لا يلعب في غناهو ورونالدينو لا يغني في لعبو...ولا يلحن
بس الاتنين برقصو وبطربو وببدعو
اهـــا يا ابوذر موضوعك بايظ بوظه شديده ده طبعا قبال ما ندق نقارتنا نحاسنا وقبال ما اضرب القرن .. قلت ليك اتورطته ما عايز تصدقني اها كدي اتحل لي من نزار حسين ده علشان نديك الباقي
08-28-2005, 02:26 AM
abuguta abuguta
تاريخ التسجيل: 04-20-2003
مجموع المشاركات: 8276
تمبا هو ابوذر شعارو عامل زى قناة الجزيرة والله كل ما ادخل بوست والقاه افتكر نفسى فاتح التفزيون
لكن الدرب الملولو نهاية فى العد
امس ياتمبا شايف 4 شاحنات كبير شايلة نمل قال زايرين الفيل فى المستشفى...عارف ليه عشان يدوه دم...طبعا الفيل نسيب النمل لان عندهم بت عمدة النمل درست فى بلاد برة وكان المريض دا زميلها وتزوجها...عشان كدا
شكرا ابوذر على التحدى لملك التامبا طبعا انا داخل بصفتى الحارس رقم 398 وطبعا حاتصل على رقم 399 على ما اظنه وليد طبعا جنود تمبس ديل بتبادلو الشغلة زى لعبة المناديل...فابشرك بدوخة راس..مصحوبة بالمتعة وكسرة المتداخلين وسهر الليالى لمتابعة البوست للردود التى تستزف وقتك وحبرك وتعكنن كى بوردك..ولو كنت شابك duil-up او easyNet سوف تزيد مصاريفك هذا الشهر بفاوتير ماتبعة البوست ولو كنت adsl او dnn او leasd line مصارفك بتكون خفيفة وثابتة كدا كدا تافع ولو كنت داخل من سرفر الشركة...بتكون انتصرت عل تمبس وشلته لووووووووووووووووووووووووووووووول..لكن دوامك بكون 24 ساعة ياربى
طبعا الاجابة على السؤال كبير سوق ابقوتة
ولقدام
08-28-2005, 02:39 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
اها يا ابوذر ابوقوته هندسة .. دعم فني ونجران قصائد ( قطع اخدر ) .. . ابوقوته الله بسالك شفت ليك حقارة زي دي زمان كان معاهو الشلة بيقوموا يتلولو على العبد لله المسكين ده ويحشد لي وانا اعافر ويردمو فيني وانا اعافر وحاتك امشي البيت يقلبني النوم مزازاة بين الكمبيوتر والسرير ودوخة المتعة لكن كل مرة بطلع وانا عارف يلهو يوم بيجي بنزرزرو فيهو شديد اها والليلة براهو جابه لي روحو وقدرما كلمناهو ما بيسمع الحمد لله انت قاعد .. وح تشوف البيحصل.. والبادي اجمل..
08-28-2005, 02:30 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
طيب يا ابوذر انا بعتبر سؤالك ده ساهل جدا علشان كدا .. غلبني عديل وما بنسحب لكن بلاقيك قدام وما بنتغلب ليك بالساهل اصلو الريده محب ومحبوب .. . وابقى مارق وما تتلبد
08-28-2005, 02:28 AM
bushra suleiman bushra suleiman
تاريخ التسجيل: 05-27-2003
مجموع المشاركات: 2627
انا واحد من قبيلة الشعراء الذين يتبعهم (الغاوون)..ما فريق الغابون يا تمبس..عشان كدا انا بقيب سند لى اخوى المطر..وكان ما جبت الغنا..انا زاتى بالمناسبة عندى غنية رايحة لى على السقيد اسمها(غريبة) عاوزك تنزلها وبجيك بى باقى الطلبات..انا واخوى المطر على الغريب لكين ما على ابن عمى سلام يا حلوين
08-28-2005, 02:44 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
يا سلالام مني عبيد ؟؟ اقول ليك حاجه .. انت تخشي توش بدون استئذان طيب كويس كــدا يا مطر وبشرى ممكن نزيد الضغط عليكم شوية ،، ده طبعا من حسن حظي أنو مني عبيد هنا.. ازيك يا مني عبيد وإلى حين دي خليها بالجمبه كـدا انت ح تكون نبطشية كل يوم هنــا.. وليك علي بس قولى انت ابوذر ده وبشرى مقدور عليهم ابوذر عارفين ليك المضادات الحيوية البتداوي شجونو ، غايتو إلا يجهز اوكسجينو من حسع دي اها يامنى لاقينك وين ؟؟ جيب حاجاتك وتعالي .. وعلى العين والراس
08-28-2005, 05:38 AM
MUNA OBIED MUNA OBIED
تاريخ التسجيل: 11-09-2003
مجموع المشاركات: 274
ابو زر مشتاقين برضو جبت لنفسك الكلام..اها كده كويس تمبس انت معتصم ده جبتو من وين....يا حولة شكال شكل اول وريني الَquote بعملو كيف (من غير ما تجيني الحروف الما بتكلما زول ديك) وبعد داك نبطشية مجان معاكم...
08-28-2005, 10:43 AM
tmbis tmbis
تاريخ التسجيل: 10-19-2002
مجموع المشاركات: 24862
يا مني عبيد طبعا معتصم ده زول هادي جدا جدا .. انا مرات زاتي بستغرب بقول الولد ده مالو الليلة .. . تعرفي مسالة الـQuote أسهل منها اصلو مافي .. وواحده واحده كــدا : مثلا عندنا الارقام التحت دي عايزين نعمل ليها كود 123456789 نقوم اول حاجه نظلله بالماوس تمام معاك ؟؟ وبعد التظليل طوالي نقوم نضغط بالماوس بالناحية اليمنى Right Click ونختار خيار Copy ونجي في المكان العايزين نعمل فيهو الـ Quote نضع مؤشر الماوس بعدما نتأكد أنو مؤشر الماوس في المكان المطلوب نقوم نطلع في صف الايقونات الفوق ديل ونختار Quote ونضغط عليها .. بعدما نضغط عليها بتتفتح لينا نافذة وغالبا بيكون فيها كل الكلام المكتوب في البوست اها الكلام ده ما عايزنو نقوم نظللو كلو ونمسحو نهائي وعلشان نكون حريفين والحركة سريعة نخت الماوس في نص الكلام ده ونضغط Ctrl+A وبي كده بنظلل كل الكلام المكتوب ونضغط بعديها Delete وبي كده طبعا بنمسح كل الكلام ونجي نضغط على الماوس Right Click ونختار Paste طبعا علشان ننزل كلامنا القبيل وبعديها نقول ليهو OK بتتقفل النافذة معانا ونرجع نعمل Preview
Quote: 123456789
بيطلع معانا الكود مظبوط وبعد داك نعمل ليهو ارسال الخطوات دي يا مني مع التكرار بتكون ظابطه جدا المسالة كلها التكرار بس كلما اتكررت كلما رسخت اها شان تحللي لينا النبطشية دي أول ما تجي خاشه هنا اي حاجه تلقيها قدامك ( كوتيها ) طوالي ما عندك اي مشكلة وما تشتغلي بي اي زول ( كووتي ) وخلي الباقي علي معتصم
08-30-2005, 10:03 AM
MUNA OBIED MUNA OBIED
تاريخ التسجيل: 11-09-2003
مجموع المشاركات: 274
يا بشرى أخوي كيفنك .. يعني إنضميت للمطر عايزين تغرقونا ؟.. أنا عارفكم قبيلة الشعراء " عنصريين " لكن دي ما بتلقوها عندنا .. نحن جايبين عوامات ولنشات لزوم الطوارئ وكده ..
08-28-2005, 03:48 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
حسى اناجبت سيرتك يا معتصم..انت خليك على الحياد، بدل ما تعوم وتبل الهدوم اهو دا ممكن يكون مطلع لاغنية لى القلعة واللا بلوبلو.. انحنا ممكن نعمل هدنة قصيرة وبعدين نبدا التراشق الفنى دا يا جماعة؟؟ لغاية ما نجهز باقى الحروف والروعة والوهج النبيل.. مودتى واعزازى
08-28-2005, 01:41 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
المشكلة يا بشرى تمبس دا حارس مرمى فقري خلاس الموية ما تمشي منه .. مرة في زول قال لي ياخي تمبس دا أديهو لي بنية عليك الله وصية في الزمة .. وأنا عارفه بنية محبة .. قمت قلت ليهو والله ما بقدر .. ياخي الزول دا لما تلاقيهو من بعيد يقابلك بي ضحكته السمحة دي .. الواحد قلبو ينشرح والهم ينزاح بعيد .. أها زي دا تشاكلو كيف ؟..
بعدين نحن ما عاتقنكم إلا تطلعوا لينا كل جميل .. يعني بالواضح كده عايزين المدسدس تجيبوه لينا هنا ..
08-28-2005, 03:26 AM
tmbis tmbis
تاريخ التسجيل: 10-19-2002
مجموع المشاركات: 24862
حتى أنت يا بشرى سليمان صدقت وعــد المستحيل ،، واتحاميت على مع المطر حالتي كنت عايزو براهو .. نلم فيهو ومعاي الشفوت نطرطشو ليك بالنشوة نطير ليهو الغناء في السماء غايتو يا استاذ بشرى كان الشغلة زادت وكترت علينا،، بستعمل حق ( الفيتو ) عندي حسن السر ،، وعندي ود الهادي حامد اصلو القصة جايطة جايطة حنجوطه زيادة وح نستعين بعلي السقيد ونجيب لبن الطير ونبرك ليكم فقراء عديل كــدا ادوها صنة يا شعراء يا كتابين الكلام الحلو.. غايتو البيفتر منكم يعمل كــدا
08-29-2005, 03:25 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
كدي شوف دي يا بشرى .. لغاية ما نجيب ليك طلبك .. يعني دي تصبيرة ساي للمبدع على السقيد .. من زمن الغناء الجميل والحاجات " المدكنة " .. أضغط عليها للإستماع والحفظ .. الحسن البديع .. علي السقيد
يا زول جاهزين تب نحن وبعدين ما تخمنا ساكت صلاح الدين ده تبعنا بي جاي وعندنا فيه مآرب أخرى لسه ما وريناك ليها .. . وبعدين الطقم يا ابوذرد عملناهو ( بلاتين ) علشان عضتنا تكون شحمانه .. . ابقى داخل واقرا على احساسك صلوات الدوزنة
من حقك أن تلزم جانب العشق ومسموح لك بالحديث من أقصى نواحي القلب في حضرة الجمال لا نقبل اي صرخات استغاثة من جانبكم إلا بمزيد من الاشعار منك ومن تتوسم فيه الخير أنو يخارجك مننا بسهولة.. يعني بالواضح كان اتعصرته خارج نفسك بي ( نص ) إذا حبيت ممكن نفك ليك ( صلاح شتات ) ..أصو متعود على خيانتنا هو وبيع القضية لكن من حقنا أننا نطلع مداعي ونضرب قرن ونجيب ( ملكة سبأ ) من سقط لقط .. .. وسوف نقدر كل ما يصدر من سماحتكم في حقنا ..
08-28-2005, 06:50 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
والله لا غلبنا ولا حاجة .. الزول دا درب ميت .. نحن طقة لحن ساي بالكمنجات والساكس بنجيب خبره .. وأنا عارفه حنين وقلبه رهيف .. يعني بنعرف من وين نلبد ليهو ..
بس إنت خليك معانا ..
محبتي ..
08-28-2005, 06:31 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
اصل الحكاية أنا الأيام دى "مدستر" فى الجاز والبلوز والشغلات الزى دى
يعنى قاعد ابحت فى حاجات عجيبة جدا وزى ما تقول "خيتى" رابط مع الساكسفونات الطوال ديك وعازفين البيانو العجايز وبتاعين الكونترباص البتلقاهم الواحد واقف جنب الآلة ويتمايل زى "قصبة مدالق الحقنه"
أها لقيت ليك زول ما عادى ابدا ابدا ابدا
عمك عمره بكون قريب السبعين إسمه
Lou Donaldson
والله يا تمبس بس الله خلقه عشان يغنى ويعذب خلق الله بى طرب غريب خلاص الزول ده عنده إيتسامه، تكفى الدنيا دى كلها زول بنكهة فلفل لويزيانا لمن يكون لسه أخضر
بعدين أظرف حاجه معاهو عازف بشتغل على أورغن قديم زى بتاع الكنائس ده عامل فيها من "السيخ" الزول أزرق ومعمعم وساوى ليهو دقن بس تعال شوف الشغل كيف
أها عمك "لو" ده عنده أغنية بديعة بشكل اصلك ما تتخيله، إسمها
Whisky Drinking Women
غايتو لو غطست وقلعت بالأغنية دى
حنديك وسام نجمة الإن "جاز" الماسية
والله شكلك كده إلا تخطف رجلك وتمشى نيو أورليانز جاك الموت يا تارك الصلاة
يا منى يعني لقيتيني الحيطة المائلة .. بقيتي تخوفي بي الناس ؟.. ياخي يقوموا يصدقو الحكاية دي .. وتتطفشي مننا الناس الحلوين ديل ..
تعرفي مرات أبوذر دا بيكتب لينا .. ما إتلمت عصابة الرياض إلا وكان الشر معهم .. بس وحاتك شر حلو .. الناس ديل قصدهم المزازيك السمحة دي .. والحاجات البننكتها ليهم أنا وأخوي الكاشف دا أقصد تمبس ..
لكن كان فيها هرش بالجد .. نحن جاهزين .. وفي الشدة بأس يتجلى ..
أرقدي عافية .. مع خالص محبتي ..
08-28-2005, 06:38 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
اهــا يا بشرى الناس توسع مواعينه من هنــا ولي قدام .. ونحن ما بنتلخم ليكم بالساهل لانو لاعبين دفاع منطقة ،، وعندنــا استوبر وسيردباك الموية ما بتخش بي تحتهم ولعيبة نص يحاوروك في ( شولة ) اما راس الحربة رونالدو شنو ؟؟ ده بيسخن بي تلاتة اقوان وبعد داك بيشوف باقي اللعب شكلو كيف كدي نسلمك الحاجات دي :
وعــد المستحيل كلمات بشرى سليمان غناء الهادي حامد ود الجبل انا كنت قبلك لا غريب ولا كنت عارف لى دار لاعرفت معنى الدهشه كيف، ولاضقت طعم الانتظار صدقت وعد المستحيل وبنيت على الاوهام مزار وقلت اغنى.. صوتى ضاع وسط الزحام كانت الاحزان معاى فى سكتى وجوه الكلام لاالهوان قادر عليهو ولاالفرح فى حضنى نام وجيتى فى زمنى الحزين شاره للترحال بدايه الخطى التواهه لاقت والامانى علينا جايه لاالزمان حسيت مداهو ولاحروفى لقت نهايه
وبهديها لكل الحلوين الشاركو معانافي البوست ده **وعــد المستحيل ** بشري سليمان واهــداء خاص جدا للاصدقاء عمرو أحمد .. والصديق دافي .. ولي زولة كــدا عامله فيها مافيشه
ملحوظة : يا بشرى لما كتبت القصيدة دي كنت متخيل الهادي ده يعمل فيها كــدا ؟؟ وبعدين اسمع جيتي في زمني الحزين شارة لي الترحال بداية اسمعو عمل فيها شنو ؟؟
08-28-2005, 01:39 PM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
والله تجدعوا في الباصات زي الجاتوه في عيد ميلاد الملكه!
ما تسألوني ياتا ولا إنت كنت حاضر...لول
تمبستا أنا غايتة حكم منحاز خاالص وأجدع من لاراش (مكنة الهلالاب القديمه)
يعني برتشي بالعبه الحلوه.. وأها
شفتا اليوم داك أنا قصدت ليك السحاره الفقعت منها أسرار دي.. كانت بتفتح كلها زمان.. علا حبوبه بكري شاكلو جاب ليها قفل من أم ضبان..وأبو لي بي بعد داك..لكن بكابسها تاني هسه....لوول الغنيه فتحت وشكلك عامل ليها...forward شفتا التحكيم دا كيف لول..باصك ما في محلو..هههه
Quote: ولي زولة كــدا عامله فيها مافيشه
أنا داير ناس سعد الحاج ونجوم الغد كلهم بالذات البنيه السمحه البتغني (ما لقيتلو مثيل)
MUch LUV 2 All
08-28-2005, 06:05 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
يا بدري سلامات يا وجيه يعني حسع افهم انك مع ( نحنت ) ناس المطر والا كيفن خلاص كان اصلو المساله كـدا ،، ما عندنا مشكلة اصلو ابوذر ده ( نحن ) ناوين عليهو وبراهو جانا واقع لينا ( نحن ) في عبنا .. بس كان طعمت لينا فريقنا بي ( الرحمابي ) والله ( نحن ) ننبسط منك جنس باسطة وكان رجعت لينا بتلقانا ( نحن ) يانا ( نحن ) بعدين فيلك ده ( قمرية ) والا ضارب ليهو ( فيل ) ؟
08-28-2005, 06:09 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
حسى عليكى الله يا منى السلبطة العليهم شنو؟؟ كان ما الكلام البنكتبو دا غنا شنو ومزيكة شنو البتكنلوها(جاية من تكنولوجيا )..خليكى مع ناس الاحساس والشوق بالمقاس..اهو دا كمان ممكن يكون اغنية حديثة ... انحنا قلنا هدنه يا جماعة ونزلو العندكم..حتى لو احتياطى المودة والتقدير
08-28-2005, 07:04 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
1- الكاشف - لى حق إذا اتهمت فؤادى عندك إنت 2- ابو داود - يا عذارى الحى 3- عثمان حسين - عاهدتنى 4- عبيد الطيب - يا روحى سلام عليك 5- الشفيع - أنسانى وأنا أنساك
القائمة الطازجة المعطرة برضه
1- حنان النيل - صباحات شوقنا 2- أحمد شاويش - أى شى بالعود 3- أسرار بابكر - تخاصم يوم (منى الخير) 4- عصام محمد نور - يتفق عليه 5- محمد عمر - الأول فى نجوم الغد وأحلى صوت - برضه يتفق عليه
وعلى مستمعينا مراعاة فروق الوجد
08-28-2005, 11:50 AM
tmbis tmbis
تاريخ التسجيل: 10-19-2002
مجموع المشاركات: 24862
تعرف يا مطر .. انا حسع لاعب معاك بدون لياقات.. والقائمة بتاعتك دي ( نحن ) بنقرمشة تقرمش .. ونشرب وراهــا بحر ابيض ..
Quote: - محمد عمر - الأول فى نجوم الغد وأحلى صوت - برضه يتفق عليه
الشهادة والعمل الطيب محمد عمر ده لحقت ترخي ليهو اضانك ؟؟ والله يا مطر حيرتني ياخ محمد عمر ده الواحد يقعد يسمعو كيفن .. غايتو يا مطر كان اتقرنو فيك هو واسرار والله إلا يشيلوك ( ناشف ومكنكش ) محمد عمر ده يا مطر قايلني ( اروش ليك ) اجيبو ليك كده في الصقيعة ساكت شان تسمعو .. عايز منك ضمانات كافية وكان ما مامن على حياتك احسن تمشي تأمن من ضوء وجيب لينا معاك رسم قلب وخلو طرف من الجماعة يقولوا الزول ده ما عايزينو وبعداك لما تجي جيب معاك ( بنج ) وبخاخ ازمة الظروف ما معروفة..
08-28-2005, 12:50 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
Quote: محمد عمر ده لحقت ترخي ليهو اضانك ؟؟ والله يا مطر حيرتني ياخ محمد عمر ده الواحد يقعد يسمعو كيفن .. غايتو يا مطر كان اتقرنو فيك هو واسرار والله إلا يشيلوك ( ناشف ومكنكش ) محمد عمر ده يا مطر قايلني ( اروش ليك ) اجيبو ليك كده في الصقيعة ساكت شان تسمعو ..
أنا قبيل قلت ليك جهز العدة
والله يا تمبس نحن الزول الما عادى، كان ختوهو وسط مليون، طوالى ننقشه ليك
إنت قايل نحن شغالين شنو
محمد عمر ده زول ما عادى، بدرجة ما عادية، والما عادية بتاعته ذاتها ما عادية
بعدين الناس لسه ما فرزوهو كويس
ياخى محمد عمر أنا كنت خاتيهو "تسمية جوكر"
ولسه
08-28-2005, 07:13 AM
bushra suleiman bushra suleiman
تاريخ التسجيل: 05-27-2003
مجموع المشاركات: 2627
Lou Donaldson عمك ده بيشبهنا شبه جد والساكس خيالي طبعا Whisky Drinking Women ما لقيته فقمت فنجرية ساكت جبتهم ليك اتنين شان ما نديك فرصة وعقب كان درته الزيادة وسع مواعينك .. الخير راقد وزي ما قلت ليك حالتي لسه ما فتحت المخلاية ومعاك بشرى طبعا عايزين تصعبو القصة على .. اها انا عندي البطلعني
08-30-2005, 01:03 PM
MUNA OBIED MUNA OBIED
تاريخ التسجيل: 11-09-2003
مجموع المشاركات: 274
اهو دا الشغل النضيف..يا تمبس كدا الواحد ممكن يرافع كل الرايات ويعلن الاستسلام..بس دا استسلام جزئى لغاية ما نوقع معاهدة التكامل..حرف وموسيقى دى براها وجبة دسمة الواحد ممكن ينوم عليها زى كم يوم لك منى اجمل حروف الود
08-28-2005, 07:42 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
نزار .. ده الكود وشيل النجمتين بتاعات التشفير على ايدك الشمال والملفات اضغطه بي خيار Real Audio علشان ما تعمل تضارب مع باقي الملفات .. وبلاي جيه لي الكاشف .. وعثمان حسين .. وحسن عطية ..
(عدل بواسطة tmbis on 08-28-2005, 01:06 PM) (عدل بواسطة tmbis on 08-28-2005, 01:12 PM)
08-29-2005, 01:17 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
الحمدلله ياتمبس جيتنا بالاحتياطى..انا كنت متوقع كدا..كتر خيرك يا راجل ياجميل وبعدين انا اخوى حسن طبعا..الهادى كان مّتلحنا عشان نكتب ليهو ونحنا متلحنّو عشان يغنى لينا..تبادل مصالح يعنى ،اها قوم يا الهادى اشبك فى (وعد المستحيل)من عندى و(المدينة) من حسن السر..بس لقيناها فرصة كل خميس نمشى نقيل فى الجبل وهات يا غنا (العود طبعا عند الهادى ما يديك درب)..لمان خلص الاغنيتين قام قال لينا خلاص يا تجيبو لى تانى اغانى يا تفارقو الجبل..اها قمنا عرسنا انا وصاحبى الكاشف(اقصد حسن) وفرتقناالحلف بتاعتا مع الهادى..لكين اديتو قصايد جديده ماعارف سوى فيها شنو. انا عارف انتا عاوز تطرطشنى بالاغنية دى عشان تنفرد بى اخونا المطر..بس نحنا احرف منك يا حلو..شوف اللستة ديك وابد من الاخر وانا بجيك بعدما اسمع الاغنية زى عشرين مرة كدا..اصلو كان وعد بتاع مستحيل..ولسه عايش على الذكرى تسلم يا فنان النتيجة التعادل حتى الان
08-28-2005, 12:54 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
ابوقوته..سيد الحرف الجميل اكيد المطر بين السكون والحركة بتطلع منو حاجات تفوق الدهشة..وانا عارف انو مدكّن ليهو حاجات وكدا لسه ماطلعت..وزى ما قالو اجمل الايام لم تأت بعد..واجمل القصائد لم تكتب بعد.. وداخلين الملعب بعد شوية عشان نعمل تسخين..لانو الفريق المنافس عندهم لاعبين حرفا وشايف تحت تحت جايبين ناس من هولندا المودة ليك والامنيات
اها يامعتصم..اسمك جميل زى طلتك جيتنى بالمكان البوجع..ونزلت لى بالاحتياطى..زى صاحبك اب قلبا رهيف؟؟!! اخ منكم الاتنين لو اصبتم فينا مقتل .. على كل حال ما أعلنا الاستسلام بعد ، عشان فى بواقى فرح معبأ لسه مااندلق.. تسلمو ..وتتعلو ما تندلو
08-30-2005, 03:24 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
أنا ما قلت ليك المباراة لسه ما إنتهت والإحتياطي مرات بيكون أخطر .. شفت زي جنس الحاجات دي كتيرة مدكنة عندنا في الجراب .. بس وحاتك أغنية " غريبة " دي إلا أنكتها ليك من مافي .. بس شيل الصبر الديربي لسه طويل ..
بعدين المطر دا مالو متحلف علينا كده ؟.. الحاجات دي لو نزلت كلها هنا نخاف عليهو يروح فيها ..
08-30-2005, 02:22 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
بمناسبة البيرق الابيض..البعرفو انو فى الرياض (السعودية) اى بيت مرفوع فيهو بيرق ابيض معناتو عندهم بنات للعرس بس المباراة لسة ما انتهت يا جماعة..رغم انو التحكيم كان فاشل والجمهور دخل الملعب لكين الفريق المنافس حريف...تعبونا بالاحتياطى بتاعهم عشان كدا قدرو يسيطروا على الملعب.. اها يا المطر انحنا نعتزل ونسمع بس..ونخلى الجمهور يحكم احبكم بجد يا تمبس ، معتصم ، نزار..ومساعد حارس مرمى منى عبيد
08-31-2005, 10:12 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
الناس الحلوين ازيكم محبة فيكم وفي الفتنة وكية ليكم برفع البوست وبقول : لي فوق.
ويا تمبس بقول:
ينصر دينك ودين ابو اهلك ذاتو ودين ميتين ميتينك ياخي بحبك جد من جوه ومهما اقول تلقاني مدينك يا عولاق الشوق الساكن في الانفاس خليني ادينك يا الفجرتا الحب الساهي ويالصحيت جوايا طنينك فرتق عقد الريد يا سادن للبهواك وتركتو سجينك اقطع وهج الشوق بي وشك ياخي تعال ادينا سنينك اعطن وش الناس التسال في الافراح نسيها انينك مرمط ايد الشوق الخدرت في الاعياد واديها رنينك يا موهوم بي وهم الحاضر وشايلة الدنيا محنة يدينك سجم امات القلب الرادك لو بيكوس ويخلي معينك العن يوم الشوق العفن وما اداني معاني تصينك ياني بريدك مهما اكابر يالرسيت جوايا حنينك وينصر دين ابو كل ميتينك
تسلمو كلكم ويديكم العافية ولكم ودي
09-03-2005, 10:12 AM
bushra suleiman bushra suleiman
تاريخ التسجيل: 05-27-2003
مجموع المشاركات: 2627
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوذر بابكر
abas
tmbis
nazar hussien
abuguta
bushra suleiman
معتصم دفع الله
صلاح الدين عبدالله محمد
معتصم الطاهر
saadeldin abdelrahman
بدرالدين شنا
altahir_2
الملك
فيس بوك
تويتر
انستقرام
يوتيوب
بنتيريست