|
دعواتكم لزميلنا المفكر د.الباقر العفيف بالشفاء العاجل
|
|
 Re: غنيوة للخرطوم (Re: THE RAIN)
|
أبا ذر :
... ولسه وش الخوف بتاوق.(2004)
لك الله ياخرطوم الفيل ويا.. ذيل الأرنب..
تاريخ غريب ياخي... تبقى كلمة الحب والوفا لامن تحين لحظة
جماع فايتة الكلام..
شكرا: يتجدد فيا حبها كلما زرت .. تتبلور سنبلة من أمل.
| |
 
|
|
|
|
|
|
|
|
Re: غنيوة للخرطوم (Re: THE RAIN)
|
الاخ المبدع THE RAIN
نص جميييييييييييييييييل
لكأنك كتبته ليغنى
حقا ما اشبه الليلة بالبارحة
واردد معك
Quote: كنا جنب عينيك نقيّل
يكتب العاشق نشيدو
كنا فى ريدك نحمّل
همنا الطامح وريدو
|
| |
|
|
|
|
|
|
|
|
|
Re: غنيوة للخرطوم (Re: sympatico)
|
العزيز
Sympatico
تحياتى يا زول يا أصيل وجميل
حضورك فى حد ذاته أغنية
تموسق نضارة الحروف وتدندن بها اللحظة نشوانه بى طلتك المفرحة دائما
أبوذر
| |
|
|
|
|
|
|
|
|
|
Re: غنيوة للخرطوم (Re: خالد الحاج)
|
خالد
الزول الساطع الوليف
أنا والله المشروق بى ريدتك
تحية سامقة زيك ليك
وتحية خضراء وبيضاء زى طيبتك
وتحية برضه لى ديك الأيام ووعدها لينا الضاع فى زحمة الأسى الفينا
لكن برضه ولسه مصرين، حنمشى لحدى نهاية السكة، لحدى حضن الضوء الهناك، ما زال بلوح لينا
وحنمشى حتما
أبوذر
| |
|
|
|
|
|
|
|
|
|
Re: غنيوة للخرطوم (Re: الجندرية)
|
أمانى
كيف الأحوال
لسه بنحلم نلملم كل البنفسج الشارد
وين ما فات حنجيبه ونخته قريب من بركة الفرح
وتحية بنفسجية ليك وللخرطوم
دمتِ
أبوذر
| |
|
|
|
|
|
|
|
|
|
Re: غنيوة للخرطوم (Re: THE RAIN)
|
ابوزر
ابا زر
سلام ومبروك واي حاجه تانيه
الشاي في النار
يازول الشاي
الونسه بتمسخ من غيرك
(ازهري محمد علي )
ياريتك تفرز ياريتك
كم صبروعشم استنيتك
(حميد)
ياابوز واصل سيرك واصل واصل
| |
|
|
|
|
|
|
|
|
|
Re: غنيوة للخرطوم (Re: خضر حسين خليل)
|
العزيز خضر
كيفك يا راجل يا اصالة
وليك مدة ما بنت، ونحن أكيد فى اشتياق لى شوفتك يا حبيبنا وين إنت
تسلم على الجيه الحلوة وبرضه على توقيعك الأحلى
أبوذر
| |
|
|
|
|
|
|
|
|
|
Re: غنيوة للخرطوم (Re: Raja)
|
العزيزة رجاء
الأرقى والأسمى
وإنتى أسمحى لى أهديها ليك إنتى
وللخرطوم كل الرحيق وكل البرتقال برضه
وسلمتى يا زولة يا نبيلة
أبوذر
| |
|
|
|
|
|
|
|
|
|
Re: غنيوة للخرطوم (Re: THE RAIN)
|
من مطر الخرطوم لي مطار الخرطوم
طبعاً نحن الخرطوم دي لمن كنا صغار كان بحممونا بيها (يقولوا لينا كان ما إستحميت ما بنسوقك الخرطوم)
وهسع بعد الغربة عشان تمشي الخرطوم لازم تستحمى وتغتسل من كل الضرائب والمساهمات
غنوا معانا غنوة الريد والمطر
أحبك يا المطر
| |
|
|
|
|
|
|
|
|
|
Re: غنيوة للخرطوم (Re: THE RAIN)
|
بدر الدين
قمر الدين
يا إكتمال الود فى ليلة أربعطاشر
الخرطوم مكان، والخرطوم وجدان، الخرطوم الأهل والحبان
الذكريات والأمسيات
تعرف يا بدر يمكن أصله ما يكون فى مدينة فى العالم، حاضننها نهرين غير الخرطوم
والأكيد انه مافى مدينة حاضنة ريدتنا زى الخرطوم
وأحبك أكتر يا بدر
أبوذر
| |
|
|
|
|
|
|
|
|
|
Re: غنيوة للخرطوم (Re: THE RAIN)
|
اباذر
الخرطوم :
ياضفة الفرح المراهق ما سقوك شرابنا العذب الطهور
قال عزيزنا خالد الصادق عنها :
ايا الخرطوم!
يا بؤرة البخل الشحيح
آتيك نازف الوجدان،
مهدود الكيان،
مشوى لحم الخاطر،
كيما استريح
خذوا جوبا
خذوا امدرمان
خذوا كل الحسان
و لكن دعوا لى " احسان " !!
عشنا الانتفاضة لحظة بلحظة ... و كأن قصيدتك الرائعة هذه تعيدنا اليها بكل فيض نبضاتها .... اثثمرت الانتفاضة مولودآ للحرية ، فقضت " الانتلجنسيا " و " التكنوقراط " عليه فى المهد.... و منذ تلك اللحيظات امتدت معاناتنا حتى اللحظة ، و يا عالم الى متى ستمتد
لك الله ايها الوطن الذى يقتاته بنيه
| |
|
|
|
|
|
|
|
|
|
Re: غنيوة للخرطوم (Re: KOSTA)
|
Quote: تانى نرجع لى عيونك
نبدا مشوارك نعيدو
|
سلام الرب ايها الماطر
ياريت نبؤتك تصدق فينا
ونبدا مشوار الاماني
الهاربة من زولا بعاني
مع حبي
| |
|
|
|
|
|
|
|
|
|
Re: غنيوة للخرطوم (Re: KOSTA)
|
كوستا العزيز الصديق
أشرقت الشموس وجادت بذهب وهجك وفضة كلامك
وآلاف المراحب بعودتك البهية الندية
والإنتفاضة الموؤدة، لا تزال تئن فى قبرها، ما قبرها سوى أرواحنا نحن
دمت يا جميل
| |
|
|
|
|
|
|
|
|
 Re: غنيوة للخرطوم (Re: THE RAIN)
|
المطر الغزير بى برده وجماله ..
المطر يا كريم فى فصل العمر ..
انت فصلك مميز بالطبيعه الخلابه .. وانت طبعك مميز بالخصال السمحه ..
كلماتك معبره وجميله وعميقة المعانى .. واحساسك مرهف للغاية .. تسلم كتير يا شفيف.. ونشكرك على اهداءك لنا هذا النص المميز..
وكما ذكرت فى ردك للبدرى السمح
( يمكن أصله ما يكون فى مدينة فى العالم، حاضننها نهرين غير الخرطوم)..
فعلا كلامك كان فى الصميم .. واليك يا المطر اهدى وزوارك تلك الابيات ..اتمنى ان تنال اعجابكم.. ونتمنى العوده قريبا والخرطوم وكل البلد الحنون غنى بخيرو الوفير وحبه الكثير .. ودمتم ..
.. ** عشان نرجع **
عشان نرجع نتحكر فى الواطه ونتربع ......
نحسب الفات من الايام نعد اصبع فوق اصبع ....
نخت العشره جمب العشرة نعد نجمع ....
نقول للداير الرجعه صمدنا خلاص وما بنخضع ...
ونقول للتائه مع الدنيا كفايه طمع ....
عشان نرجع نخر ساجدين نخر نركع ...
نسبح ديمه فى الرحمن وبى ايدينا نتضرع ...
نتوسد ليلنا صبر نتحزم نضم ايدينا نتشجع ...
بعد نرجع نشوف القمره يوم تطلع ..
نجوم ساطعات لقاء عشاق لعب شفع
ضفاف النيل والخضره جمال الخالق الابدع..
حبوبة تحجينا حكاوى السمحه من بلدى تتحلى بالصفات اجمع
وعن والدهميم وكريم يقوم باكريه يحش يزرع
وود حبوبه ديمه جسورلا يوم خاف ولا اتزعزع ..
وعن فارس دوام حارس لا دبابة لا مدفع ..
وبعد ارجع اكون سواح فى بلدى اشوف الكنت بيه بسمع ...
شرقنا سواكن الشامخه جمال سنكات ومصوع ..
وفى ضفاف القاش اقيف ارتاح وجبال توتيل هناك اروع ..
وسط بلدى جزيرة الخير عطاها وفير لا بتكل ولا بتقنع ..
وفى الخرطوم لقاء النيل زى عاشقين متعانقين من المنبع ..
شمال الفن من مروى منبع التاريخ والمرتع ..
حكاويهم شعر منسوج فى العايش والودع ..
غربنا جمال وراحة بال نطوف ونشوف ونستمتع ..
جنوبنا الحاضر الماضى بى خيراتو جاد ونفع
وبعد أرجع اعانق بلدى بى لهفه عين تفرح وعين تدمع ..
عين تفرح وعين تدمع ....
عين تفرح وعين تدمع .....
| |
|
|
|
|
|
|
|
|
|
Re: غنيوة للخرطوم (Re: THE RAIN)
|
العزيزة سوما
بدءا، دعينا نحتفى ونبتهج ونشعل الدواخل كرنفالا، بالقصيدة الملحمة التى جاد بها ندى وكرم قلمك المبهر والصادق
ولك كل التقدير والإعزاز على تشريفك لنا، وإضاءة جنبات الساحة بعذب الشعر وجميله
وخالص المنى بما تتمنين
| |
|
|
|
|
|
|
| |
THE RAIN
Soumeta
الجندرية
خضر حسين خليل
Raja
حبيب نورة
بدرالدين شنا
KOSTA
bushra suleiman
فيس بوك
تويتر
انستقرام
يوتيوب
بنتيريست