|
|
|
 Re: جورج -- دى كفك ولا غيمه (Re: THE RAIN)
|
أبو ذر ...
كفك بشيل نون القلم
يرسم هوامش الليل نجوم
نسرح مع الباقي الفضّلْ
فضلك مطر أرضا يباب.
+++++
قالت : ما اسمك؟
قال : المطر
قالت : وهل يكون ؟
قال : جربيني .....
و....انهمر
- جَزعت إليه، وارتمت في حضنه: قصيدة..
لك ما يعتريني من فرح الدهشة والود..
وإلى حين أستوي عودا بقامتكم...عليك أن تنتظر
| |
 
|
|
|
|
|
|
|
 Re: جورج -- دى كفك ولا غيمه (Re: THE RAIN)
|
جورج الذاخر
تعرف، أنا قلت "أتسدّا" فيك
وبرضه ما قدرت
إعتبر دى "قولة خير" بس
وإنت برضه إنتظر
تعرف الكلام ده أنا جايبه ليك من ناس كتار
صلاح شتات
أبوجهينة
جبران
طيفور
الرحمابى
عالية
خالد الحاج
وناس تانى كتار بريدوك زى كده، من كل زول شلت لى "غصن" وقلنا نديك الشجرة كلها
والمعزة
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
يا شتات
الزول السمح ده
قلنا نحاول نرجع ليهو شويه من الخضرة والإرتواء الأدانا ليههو
بس برضه والله الكلام ما عايز قدره
كلمة نضمه
وكلمة نجمه
كون مزخرف بالأصاله
ولما عينيك تحتوينا
ينكتب معنى الرساله
ويا نداوة الكلمة عندك
يا حلاتا ويا جمالا
الزول ده يا شتات لسه باقى ليهو عندنا كتير
ولا شنو
| |
|
|
|
|
|
|
|
|
|
Re: جورج -- دى كفك ولا غيمه (Re: عشة بت فاطنة)
|
عشه العزيزة
يا حبابك والصباح موال أمل
ويا حباب كل العصافير
المشت فوق الحروف
نشوانه بالفرح الهطل
إحتفاءا بجورج بحر الندى، نقيم الآن مهرجان الموج
وكل النوارس دراويش لابسين الأخضر والأبيض والأزرق
سلمتى انشاء الله
| |
|
|
|
|
|
|
|
|
|
Re: جورج -- دى كفك ولا غيمه (Re: الجندرية)
|
أمانى العزيزة
كيف الأحوال
الليلة كل الكلام جرتق عريس، معنكش بالنجوم، ومزين بالعديل والزين، للزول الزين، سيد الكلام وعالى المقام، جورج بحر الوئام
ومدد مدد، يا أهل الحضرة الزاهية
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
يا لهذا الصباح الخريفي الماطر
سحب و غمامات ( جورج ) تلامسها كلمات أبا ذر كهبات نسيم بارد فتتساقط مطرا نديا يبعثرها ( شتات ) رذاذا على تربتنا العطشى لمثل هذه الزخات
تسلموا يا شباب
| |
|
|
|
|
|
|
|
|
|
Re: جورج -- دى كفك ولا غيمه (Re: عشة بت فاطنة)
|
يا عشة يابت فاطنة
وحاتك جاي ... بس ... كايس أطول لي هذا المقام...
عبورك نيشان فرح ... والبداية:
شِدْ حبل العقيره
وغني يا قلب المحب
وعدَكْ بِكِرْ
ضُفرَكْ معَلَقْ في الجِلِدْ
جِلدَكْ معَسَّمْ في الهوى
قبلِيكْ على كل الجِهاتْ
شتات، أبو جهينة، جبران،طيفور، الرحمابي(الغائب ومشتاقين)، عالية،
خالد الحاج، عشة بت فاطنة.... يا نصاع هذا البورد ويا التماع صورته
حبابحب : قلبا نبكي لو يمنحنا طيف السر وما يتفتضه.
مليون وردة من جو صنعاء الجميل: مطر يداعب خصلة الزمن النضيف!!!
| |
|
|
|
|
|
|
|
|
|
Re: جورج -- دى كفك ولا غيمه (Re: ابو جهينة)
|
أبوجهينة ..
ليك الغمام والابتسام ..
وحبات المطر درر منثورة فوق وردك سلام ..
وانت البحر ..
كرمك مطر .. والشوق سحاب ..
تحية للناس العزاز ..
والرزاز موكب خريف ..
فرحة تجتاح الصعاب ..
وللزول السمح كلمة منك ..
مختومة بي "سوط المطر" ..
مرسومة في لوح السماء ..
لوحة من أشواق صحـاب ..
وللمطر ياقوت الحروف ..
عيون المها وجدائل الريل ..
نديانة بالشوق والهيام ..
مكحَّلة بالليل والمنى ..
سارحة في وادي الغرام ..
وللجميع كرم الصباح ..
والريد وشاح ..
والكلمة غنوة ملونة ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
الحبيب أبو جهينة
شفت كلام شتات ليك ده
خت فى جنبه اليمين شجرة ليمون، وخت فى الجنبه الشمال صباح خريفى نديان
خت من قدام أغنيات خضراء
وخت من ورا أعراس عصافير صبية وملونه
وفوق لى ده كله، رش ليك خُمرة محبة، وضريرة مودة
وإعتبر ده كله منى ليك
يا كامل الجلال
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
صلاح شتات
ناظم أطواق الوفاء
ومؤلف أرواح الصفاء
ريحة البلد
وكتين تهب
تطفى الوجع
أتكرفك زى التقول
ردة رويحة زول رجع
وياكا البلد والله يا شتات
بلد الحبان والخلان والصحاب والأهل، بلد السماحة الما ليها حد
تعرف مشتهى الرحمابى والله، الله يجيبه لينا راجع، الرحمابى المورق الجميل
ونتلاقى
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
المطر الهفيف
نحملك مسؤولية هذا الجمال
و نثبت عليك تبييت النية
و التحريض لاقواس العبق المبدع
ان تنطلق من الشتات
و تصيب قراب جورج المعبأة
بالفرح و الحرف التاسع و العشرين
امطروا علينا نحن من يكفينا منكم الرزاز
وظل الغيمة
| |
|
|
|
|
|
|
|
|
|
Re: جورج -- دى كفك ولا غيمه (Re: نصار)
|
الغالى نصار
وأنا أحملك مسئولية غيابك عن سماء، وأنت فيها القمر
مرت، وتمر علينا ها هنا يا نصار، أوقات حالكة المرارة، نستجدى فيها ايما بصيص وهج، لنضئ ساحات الصدق والجمال، فما بالك وأنت أحد الأقمار باهرة الجمال والضوء، وتغيب عنا، ونحن فى أقصى رهبة الحاجة للضياء
لك كل إنهمار المحبة، وعليك زذاذ الود
ودمت جميلا وطيبا وكريما
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
خالد الحاج ..
سيف الكلمة .. ضو البيت ..
ضرا الحبان .. جضما معـوَّد على الكفيت ..
نشتهيك نماذج البسمة بالضحكة ..
نهاجر ليك ..
قلبا كبيييير .. يلم البعيد والجـار ..
يعانق لهفة الثوار ..
ويتمدد شرارة وخيط ..
يفيض حبك ..
يغمر بحر الزول السمح بالحيل ..
يهيج .. يشيل الموج سـدَّاري ..
يضـرَّع .. يصارع النيل ..
يتذكر "عزة" يطلع من عيونو شرار ..
يحلف وراك يا "عزة" .. حد القيف ..
نموت نحن .. تعيشي انتِ .. درقة وسيف ..
صفاك يا "عزة" .. شرفك وراهو رجال ..
دوابي الضلمة .. تزحف ليل ..
ورحيق للولد المطر .. دمع الفرح ..
مشتت في روابي الشوق ..
ضفاف بالخضرة نديانة ..
حروف بالعافية رويانة ..
صافية ومهجَّـنة بي غنا الأجيال ..
وللجميع ..
حب وسلام ..
أبوذر .. جورج
معليش يا شباب لو "كترتها" لأني والله "موجوع" .. خلوني اتفش فيكم .. وحقكم علي
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: مراويد)
|
مراويد
جاى وأفقك محتشد، بى عصافير عذبة الطلة، تغزل فساتين الصباحات، حدائق وطعم كلام يروى الواطا كلها، ويدفق
مراويدك تكحل جفون القعدة واللمه بى كحل زاهى، مراويدك تكتب غناوى الولف وتواريخ الناس الشاهقه فى معناها، وساميه فى جواها
نفج ليك وسط القلب، نضاريك فى ظلال الود، تعريشه هادئة ونادية، وياهو ده جنبك كوثر جورج البحر، عبى هينك واشرب، وبى جاى ليك حديقة شتات، حيث الورود عوالم من كلام، مافى أطعم منه، إلا قعدتك
ونوهطك بين الحنايا، وإسمك معلق فى هامة المحبة، عنوان للجمال
حبابك مطر
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
المطر انت وجورج وصلاح شتات دوزنتم ايقاع يومى
سيكون صباحا هانئا ولاسعدن به...
كلماتكم بعمق الاحساس تفيض رقة وصفاء
كيف انتم وكيف حالكم ياابناء الرحيق
واضافة مراويد للاغنية اعطت الامر بعدا اضافيا
فشكرا له ايضا
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
شتات
حقل المسرات
وين لقيناك لامن نآباك
كلما تدفق سلسبيلك بالنضم، يتمد تانى حقل جديد، سنابله تميل مع كل هبة عطر جايبلو زول، يقالده، ويطايبه، ويدس فى إيدينه، بسمه، وفى يخت فى عينيه معنى
وين لقيناك لامن ناباك
وقد ثبتت فى القلب منك مودة
كما ثبتت فى الراحتين الأصابع
مع الإعتذار من بن الملوح، على التصرف فى البيت
انشاء الله تسعد يا شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
الجندرية، خالد، نصار ،مراويد، زمراوي ...
وعن أبو ذر أقول: ساعة تجو
تحضن الخطوة المشي
تبقى معنى وتبقى قيمة
نرقص مع الطين ننتشي.
وعن أبوذروعن شتات وعني : نزدان بإطلالتكم الحميمة.
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
المطر...شتات...جورج
ده كلام سمح بلحيل..ولا يصدر الا من الذين ليست قلوبهم مضخات
صديئة..وينتصب فوق افقنا كقوس قزح...يستفزنا ..يجرنا..لنتسكع تحت
المطر.
وللحقيقه سطوة ترفض مجاملة الزيف ..وركوعا منى لسطوتها ساقول هذا
من اجمل ما قرأت فى البورد ...ساقول قولى هذا دون مجاملة ودون ان
اسبب بعض الالم للذين يطلعون عليه..فهو قطعا اقل من الاذى اللاحق
بكبدالحقيقة اذا سمحت لقلمى بمراعاة الخواطر..
للكلام العذب سحرا ابيض لا اسود يتحول فيه المرء الى رقعة ملساء
نقية تسمى الورقة وتخط الروح فيها رموز الصدق..وهى مشدودة الى
تقمص اللغة حتى البقاء....هذا ما كان ولا اجد له تفسير غير ذلك.
واصلوا انسكابكم..وانسيابكم..فلا شىء يبعث على الملل غير مداخلتى
هذه ولكنها ولدت قسرا فماذا انا فاعل......
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
زمراوى العزيز
لأننا وفى مقام أن نحتفى ونزدهى بجورج وكفه التى تهبنا الندى والسماحة والشعر، وأشياء لا تطاولها الأيادى، أزمعنا على أن نعزف سيمفونية الفرح به، وحين تدوزن اللحظة إيقاعها، يترتب وينتظم تناثر الدواخل، وينضم الى كورال الشدو العطر
وأنت أيضا يا زمراوى، وضعت ريشتك الفارهة، ألوانها على اللوحة الجورجية، ليكتمل الألق
وليك الود
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
وهمسة ندسـها في منديل زول غشانا وفات ..
زي نغمة من مسدار بعيد ..
من سبأ هدهد جميل ..
قال تعثر .. خانتو الكلمات ..
غشانا وفات ..
فرحانين نحن بي جيتو ..
كفاية علينا قمـر طلَّ .. ضوى فينا شتات ..
غشانا وفات ..
ترك عطرا يعشرق ..
وريشة جميلة ذكرى للزول السمح ..
تديهـو الجمال والفال ..
وراحة البال ..
ودعوة لباب الكريم ..
شمس تشرق .. وغابة ظلييييييييلة ..
يجيها الولد المطر من ضهاري الشوق ..
يقدل بالفرح طربان ..
تتفجر سماهو .. يرويها ريد وكلام ..
ينفتح خاطر الزمن دوبيت ..
وتتواصل غناوي الريد أمـــل ..
وتتحدد ملامح الأيـــام ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
العزيز صديق موج الصدق
بدءا، هاك الإمتنان كله وبما حمل، يأتيك مناغزيرا وكثيرا، مثل موج العميم والذى إنساب على ضفة الجروف الجورجية الندية، كما بشارات الخصب، ووعد الإيراق
ومثله التقدير والشكر لك، أن عطرت كلماتك الأرواح بسحرها الأبيض والأخضر، وطاب بأريجها المعنى
ونيابة عن كل هذا الحشد الملون الجميل، لك إنحناءة وبداخلها المعزة تنحنى أيضا، عرفانا وود
ودمت طيبا
| |
|
|
|
|
|
|
|
|
|
Re: جورج -- دى كفك ولا غيمه (Re: جورج بنيوتي)
|
نصار .. مراويد
فارسين ..
فرسين ..
والخير معقود بنواصي الخيل ..
رسنين .. كلمة وذوق ..
والخطوة ساق الليل ..
في الساعة خمسة وعشرين ..
دعاشكم فاح .. رطَّب ليالي الصيف ..
لامس رموش الغيمة ..
داعب عيون القيف ..
وانتو غمام .. كلمة وفاء للزول السمح ..
همبريـبو سماح ..
يتهادى في شوارع النيل ..
ويتقسم .. يمين عشمانة باللقيا ..
وشمال مليانة بالأفراح ..
يدوَّر على الولد المطر ..
حادي النغمة .. فارس الجيل ..
يتلاقوا فوق للسماء .. "فرقد" معاهو "سهـيل" ..
نفرح نحن ننادي للقمرة ..
أماني عليك يا القمرة .. قطعة حشاك وولدك الويحيد ..
تدعي ليهم ..
تباركي في ايديهم ..
يصحو وينومو فرحانين ..
صلاح / شتات
| |
|
|
|
|
|
|
|
|
 Re: جورج -- دى كفك ولا غيمه (Re: THE RAIN)
|
ياناس المنبر عوووووووووك
انا مكتولة فوق حوش المطر !!
Quote: من سبأ هدهد جميل ..
قال تعثر .. خانتو الكلمات ..
غشانا وفات .. |
صلاح انا مافت بس (مشدوهة)، (مشدودة)، (ثملة) و(مسترخية) في البوست الهمبريبو سماح ..
ياشدو عصفور البسيط
كل الحلوق اتوكتك
ياروعتك
ياصاحنا فى الزمن الغلط
يالنغيم البقّ فينا .. وشد لوتر إنتباهنا
ياتباشر يابشارة
(يامطر) عز الحريق
يامصابيح الطريق
يالمراكبية البتجبد من فك الموج الغريق
يالجزائر النحتويبا .. لما اتشعوز بحرنا
يانشوق روحنا ودمرنا
يالمحطات الحنيني القصرت مشوار سفرنا
(جورج)
ياما شايك بيني حايم
ايوا شايلك بيني حايم
في الأرض تكون قضية .. فى السما الأحمر غمائم
بي برد نغم السلامي .. رطبت حلق الحمائم
طنبر النخل التبلدي .. راقص الأبنوس وصفق
لعبت الصقرية موجة
خلت النيل هاجلو هوجة
بشّر بالخير (منبرنا) شالت الشبال نسائم
فووووووق ياخال
| |
|
|
|
|
|
|
|
|
|
Re: جورج -- دى كفك ولا غيمه (Re: ملكة سبأ)
|
خالد الحاج .. كل يوم ريدك فينا يتجدد
زمراوي .. تواصل فينا واتمدد
صديق الموج .. بحر الدميرة الهــاج
بلقيس .. يا شــدونـا .. يا بخـتـنـــا .. يا ما حصل
..
كلامكم تميمة .. نلبسو في جيدنا حجاب ..
ونقدل في البلد .. نفاخر بيكم ..
ندق كل باب ..
وليكم مرتضى الأنســام ..
جمال الذكرى ورضا الأحباب ..
معاكم تتقارب جروف النيل ..
تخلط الخضرة بالضحكات ..
وتتورد خــدود عـزة .. تزغــرد ..
كلام الريدة من نغيمـه يســيل ..
يزيد جمالو شعــرا كاب من كتيفه ..
يحاكي ســود الليل ..
وعيون واسعة ضاوية من قمر مولَّـع في حشانا دليل ..
ونمشي معاكم غيمة فرحانة للزول السـمح ..
نلقاهو في شاطيء الزمن مغــروم ..
جوانبو تتحـتحـت شــوق ..
يلعب بي خيالو شــليل ..
ورسالة منو للولد المطـــر ..
الهائم في بحور الكلام محموم ..
يوزع في القصيد انغام ..
ينزف من قليبو غــنا ..
ويا عزة ليكِ سلام ..
صلاح / شتات
أبوذر : وينك .. الحقنا نفسنا انقطع ..
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
ملكة سبأ
حاشيتك النور والرحيق
قدامك الألق الطلع
ووراكى شلال البريق
وهج الكلام برقا شلع
نور شبابيك الفريق
وأنتِ معنا يا بلقيس سبأ، تتطاول بنا اللحظة، ونصير ملوكا على الفرح
جورج ملك الحديث النغم، وكل هذه القلائد، من أناس معجونين بضوء الصدق ومياه الطيبة، وتراب المودة، يزينون جيد القصيدة
وصلاح شتات
حارس العرش النبيل، ملؤه عذب الشعر، وكفه تنضح بالسقيا، لتروى ظمأ المحبة المقيم فينا، فهو المحبة، وله المحبة
عارفك يا شتات، قدر الكلام وطول المقام
إنشاء تسعد وتتهنا يا سمح
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
الرائعين
جورج
the rain
شتات
ما كل هذة الروعة!!
تساقطي تساقطي
لعل اغنية تكتمل هذا المساء
لعلني انتشي فرحا
تلك المساحات الرائعة
مرارا عبرناها
كانها تبعث بشوقها لي..
كانه يتسلل الان في دواخلي
تساقطي تساقطي
هلا تحسه مثلي؟؟
تساقطي مثلما يتساقط الرذاذ
على وجهينا كي يكتسي بالحب
اريد المزيد
اريد ان اعيد من ذاكرتي
خطونا الضاحك في الطرقات
وشكل الابتسامة تلك
تاتيني الان تفجرني
تساقطي
تساقطي
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
لو لم تأتى ابياتى الاولى عتابا
يقارب الهجاء و لا يستنكف صلة بالحطيئة
لكنت معكم هنا
فى وادى عبقركم
اجاريكم و اجود مثلكم
متن القصديق
بتيجوا الكلام دا من وين
بطريقتكم دى بتكتلوا ليكم زول لووووووول
لم ارى مثلكم من يحمل قريحته على اطراف انامله
استنفروا كل ما يهزم القبح
و داوموا
مثل ديمومة ودنا لكم
| |
|
|
|
|
|
|
|
|
|
Re: جورج -- دى كفك ولا غيمه (Re: نصار)
|
يـانيل مـدد
يـاغيث مـدد
مـدد
مـدد
هيـا يـامغنين الشعـر
ضـد هـا الزمـان وطبنجتـو
كـلام .. شعـر
شعـر ..
ايـوا ..
علينـا جـاي
تربت يداكـم ...
تربت يداكـم ...
حـوش (المطر)
مافي القدرك حتى الموت
حيّر قدرك هـادي الصـوت
حيـر صوتـك هـادي الـروح
عشـق الناس الويـن ماتـروحك
تـابي تفـوتك
مـن يتأمـل فيـك يتجمـل
مـن يتجمـل بيـك يتكمـل
سوّينابكـم باجـور .. وجنائـن
شيدنبكـم دور ومـدائن
حندكنابكـم حـز الريـح
حركنبابـم شوقنـا الكامـن
هيا انـزفوا
لمـا الشـوارع تكتـفي
وينهـض جـوادا المنكـفي
وتتكيفـوا
فووووووق ملوك الفـرح
| |
|
|
|
|
|
|
|
|
|
Re: جورج -- دى كفك ولا غيمه (Re: ملكة سبأ)
|
ملكة سبأ,
يابت يا نيل....
دخلتن إلينا..
تفتح الزهر :
وزهرتان بلون محبتنا..
( بنياتك دميرة ريد وقمريه
مواني رجوعنا لى جواكْ
بنياتك نهار ابداع وعيديه
وبين شطين: معَدِّيه
تشيل من ديل
تكب في ديل
أواصر ريده محرِيَّه.)
يزدان حوش المطر بيكن.
| |
|
|
|
|
|
|
|
|
|
Re: جورج -- دى كفك ولا غيمه (Re: نصار)
|
لحظه..........
قادمٌ انا ..........
امهلونى حتى انتهى من التحديق
لكفٍ
غيمةٍ
مطر
لجوٍ رج فيا صمت السنوات
قادمٌ انا..............
بنونٍ جمعتنى لاصلاح شتات...
مهلا......
ايها المطر السعيد...
يا صانع الفرح المديد...
دعوا نونا تكمل ميلاد
قوس قزحٍ جديد..
هيا.......
جو
جو
رجֿ
رجََ
كفكَ
كفكَ
غيمك
غيمكَ
وتساقط ........تساقط..
حاءٌ
حب
حلو شفيف
ميم
مطر
مرح عفيف
صاد
صلاح
وصفاء لطيف
..............
والان........نون
مدى كفكى
وخذى دفقا رطبا
لميلاد النشيد
تقول نون .....
انتظرونى وواصلوا التحديق
قريبا ... قريبا ...
ومن شمالى......
سألون جنوبكم بطيف فريد
قريبا....قريبا ...
سيخرج اليكم مكتمل بأبهى حلة عيد
قريبا.......قريبا .....
سيصدح بالنغم المموسق والقصيد
.
.
.
سيعود البعيد
سيعود البعيد
سيعود البعيد
كفك...غيمك.....مطرك......رج فيا صمت السنوات.....
ـــــــــــــ
وللذين عبروا من هنا
عشه بت فاطنه...وضجيج من الود لو تسمعين
امانى الجندريه حضورك يحيل الامكنه الى كرنفالات من الفرح
ابوجهينه ....عندما ابحث عن الحب والصدق ...اقتفى اثرك
خالد.............لن اكمل الان.....ولكن يوما ما وعدا منى سأقف عند عتبات ابوابك مكتملا فى انتظار عطرك الفواح
نصـــــــــــــار...واقف انا على ارصفة الزمن فى انتظار عودة السمبر من هجرة الجنوب ليصحبنى الى الشمال حتما سنهبض على ضفافك للذاد
مراويد...هذى نسمات مملؤة بالود ...رطبات لعلها تصلك.
زمراوى.........وكفى ليتنى كنتك
الموج......الموج....الموج..وهل هنالك اجمل هذا؟
بلقيس...ايتها الملكه المبجله ....دعينى اقدم فروض الود
يابت يا نيل ..... لك الامنيات الطيبات والود الصافى
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
بنت ونيل
غالبا، بل مؤكد أن أهلها الحور، طالما أن النيل يسكنها، أو هى تسكنه، ومعا يصبحان من سلالة الفراديس، ومعا أيضا يعتليان أعلى ما فى المسير من النبل، وتتطوع الأملاك لحملهما فى جنة الخلد، أو كما قال شيخنا التجانى
وإن مر النيل وحيدا فى ديارنا، يصبح يوم مروره تاريخ ميلاد الروح فينا، فكيف إن مر ومعه البنت، نيلية الحروف
وأنا، وليس نيابة عن جورج وشتات، فهما أنا وهما أنا، نفتح لك يا بت يا نيل، كل أوردة الترحاب وكل شرايين الغبطة، لتنساب أمواهك عذبة فرات
والتقدير على كلامك المعسجد، والمعزة
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
نصار العزيز
أنت معنا وفينا ايضا
ما كان سخط الحطيئة إلا لأنه لم يقبل بالقبح مقابل أن يخلق الجمال
وأنت جميل والله يا نصار، شئت أم أبيت، ومترع بالعذوبة ايضا، وإن لم تجارينا، فأنت تجرى فينا، مع دم الود والمحبة
ودمت عذبا
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
الملكة
سيدة الجنتين
لما تجينا، نكون نحن الجينا لينا، وكان نحن ما وصلنا لينا، جيتك توصلنا ليك، يعنى لينا، ونغنى ليك
إنتى الملكة فوق جيلا
بس ياكى البغنيلا
جوهرة حيك
يا ريله مين زيك
دى غنية قديمة ومعتقة من ود اليمنى الغناى، ويا ريتنى لو بتذكرها كلها، كنت غنيتا ليك
وأشيل الصفقة والألحان
تخضر غنوة
تصبح منية
يبقالناالفرح عنوان
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
المطر .. شتات .. جورج ..
يااااااااااااااااااه ..
كأني أشاهد في مباراة لمانشستر وريال مدريد ..
روعة .. إبداع .. فن ..
المطر يذكرني بلمسات زيدان السحرية ..
شتات بيكهام الفنان ..
وجورج بلويس فيقو ..
شكراً على هذه الدوحة الجميلة والغناء ..
وأنا والله كان كاتلني الشوق عديل كده ..
واها جيت عشان استريح عندكم ..
وما عايز أي حاجة الواطة مفرشة وجاهزة ..
وكان ما أخاف من الكضب اقول همبريب عديل كده ..
عشان كده بتلقوني في حتة تانية ..
بجيكم راجع
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
معتصم
المخضر دوما
إن صاحت الأشواق، وا معتصماه
تجيئنا حشود الفراش، تلون خدود المسافة، وتكتب بأجنحتها على جدران الود، أن المعتصم ها هنا، بينكم، قد جاءكم، فهزوا إليكم بكل جذوع الفرح، تتساقط النجمات بهاءا وحروفا شجية
ونحن والله يا معتصم "أشوق"
أشوق دى صيفة مبالغة جديدة للفعل "يشتاق"
يشتاق شوقا، فهو مشتاق، أو هو أشوق، ده لما تعربد به هاجسات الشوق ويطول النوى
نعمت وسعدت يا معتصم، ولك الحب الجزيل
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
محمد الشيخ
قال إسمه محمد
طلّ وهلّ
وزى ضلا
مرشوش بالريد
معطون بالعسجد
فرا جناحه الأخضر
وفينا اتمدد
جايب قدامه العيد
ووراهو الحرف الفرهد
قال إسمه محمد
يا جورج وشتات
تعالو وشوفو
الزول الغرد
فيا محمد الشيخ
لتدخل الآن الى حيث ينصب الإحتفاء، وتخير مقعدك، الذى سوف يعتمر الفرح وكامل النشوة، حين تأتيه، ولكن لا لتتفرج على عرس "جورج" وزفته الى مراتع السمو، ولكن
لنتوجك "شيخا" على طريقة الجمال وسحر الكلام
وها نحن "حيرانك" ومريدوك، تصفق فينا القلوب مع الأكف، ونرقص رقصة الزهو الملون، بك، شيخنا وحبيبنا
ولك المحبة وما حوت
يا جورج
يا شتات
تعالو ياخ على الزول ده، ما بقدر عليهو براى والله
ألحقونا
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
خالد الحبيب
إتا الفوق
عالى سماك
ما ملحوق
حلاة معناك
رقة وذوق
وإتا الفوق
أسعد والله يا خالد، سعادة حقيقية، لما أشوف الطلة الحديقة، مرقت علينا، والبسمة تبشر بحسن الفأل وطيبة الدنيا
انشاء الله تتهنا وتسعد وتلقى العافية يا خالد
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
| Quote: لما تجينا، نكون نحن الجينا لينا، وكان نحن ما وصلنا لينا، جيتك توصلنا ليك، يعنى لينا، ونغنى ليك |
غنـوة تـدخل زي نسيمـة
زي شعـاع قمـرة ونجيمـة
لا خشـم بـاب تـدق ..
لا فـي إمضـاء رقيب غريب ..
لا تراويس لاختـم
غنـوة مـن بـق المغنـي
وفـي القلـوب بالفـال تـدق
وبي تـأني ..
واثقـة تفتـح فـي الـدروب
المارقـة منـك وداخلـة منـي
المارقـة فيـك وداخلـة فـىّ
الداخلـة فيـك ومارقـة منـي
وشايلـة حني ..
ضريـرة .. حُـق
سيـرة ..
دلوكـة وتـدق
وتنطلـق مـن بُـق لبُـق
وتنهـرد دارات تغنـي ..
* مســــاء العظمــة حــوش المطــر *
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
العزيز على الحلاوى
حلو الحروف وصاحب السرد الولوف
تعرف يا على
نحن هسه يا داب، عايزين نرد الهدية الأهدانا ليها جورج
وده الرد، ولسه ما جبنا ليهو هديتنا ليهو
جورج، حقل مليان سنابل مكتنزة بى حب الوفاء، ومليانة بى حٌب النقاء
وتحياتى ليك يا على العالى
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
الملكة
سبأية النفح والأريج
أما الجمال فهو الصدق
وأما الصدق فهو معنى الروح
وأنتِ تضوعين بعطر القصيد هنا، يفتح نسائم الود أحضانها لعطرك المدهش، ثم تسير وهى تبتسم، وتوزع القنانى، ممتلئة بفرح أخضر، على كل الساحات، فتستقى منها الدروب، ولا تملك بعدها سوى أن تنبت المودة أشجارا على وجه الفرح
ونتأبط فرحنا، نفرح بك، حتى نفرح بنا
ودمتِ يا مليكة
| |
|
|
|
|
|
|
|
|
|
Re: جورج -- دى كفك ولا غيمه (Re: نصار)
|
كنت قطرة.. فى خيال غيمة ..بتمر
واندلقت على سقف شوق انحدر
والعاشقين..نايمين على ضو القمر..
لمن وقعت على طرف توب البحر..
زاد احتمال زخ المطر..
وفضلت اكبر فى تجاويف التمرد ..والسفر
وحضنى موج من غير مفر..
ساهمت فى المد والجزر..
شلت هم الانسياب..والانهمار بين التواريخ..والقدر
وعزفت للينبوع ..مساربو..واغنياتو الفى السحر
واتنومست فكرة وجودى..البادية من زمن التبخر والتعلق فى نسيج ليف الشجر
شوفونى حسة بقيت شنو؟
انا كنت بس ...قطرة مطـــــــــــــــــــــــر
| |
|
|
|
|
|
|
|
|
|
Re: جورج -- دى كفك ولا غيمه (Re: Tumadir)
|
Quote: نعم فيه شــفاء .. من الحقد والكراهية والغبـاء
مطر .. خير
غيمة .. ظليلة
كف .. بيضاء
..
جدة ..
الرياض ..
صنعـاء ..
مثلث قائم الـــزاوية ..
عفوا .. قائم المحبة ..
المطر ..
شتات ..
جورج ..
بفعل سحــر الكلمة ونبض المعنى .. تحول المثلث إلى دائرة .. يضيء مركزها من الخرطوم ..
ويمتد محيطها من كاليفورنيا إلى أتاوا .. هلسنكي .. طوكيو .. سدني ..
وبفعل لمسات الأصدقاء .. تحول هذا البوست إلى منبع يتدفق بحب الوطن ..
شكرا لكم ..
..
يا للروعة ..
يا لهذا الحب ..
ويا لهذا العطاء ..
· شتات .. لو قلت هذا الشعر لمحمد الحسن سالم حميد لصدَّقـتك .. ما شاء الله
الصادق عبدالقادر عثمان
الخرطوم / 14 أبريل 2005 |
تشكر يا فردة ..
بس ظلمت الرجل .. دا شاعر بقامة وطن .. وأصالة عن نفسي ونيابة عنك نعتذر لشاعر البلد محمد الحسن سالم حميد .. وله منا ألف تحية ..
يا اباذر .. يا جورج اتفاهموا مع الزول دا ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
المطر
الليله النوم عز على....البال ملان و القليب حزنان والخاطر مكسور...الاحزان اليوميه البقت عاديه..الليله مرقت بب وصنقرت لى قدامى وقالت لى: تشرد منى وين؟؟؟ جربت حيلى الكتيره.. البقروها والبقولوها والبشربوها... وسايلى البسيطه لمواجهة الدنيا القاسيه دى.. وما نفع...المحن بقا عندها مناعه ضد حيلى... جات صورة كلامكم زى برق النجاه واسعاف روح بتلفظ فى النفس الاخير.. جيت حمت و اتمسحت بى زيت الحروف المدفق هنا..دلكت قليبي و عملت مساج للروح واخدت لى كاسين زياده من عرقيكم البلحو مشتول فوق رموش العين
تسلموا....انا حا اقدر انوم الليله وفى الخاطر حمامه
| |
|
|
|
|
|
|
|
|
|
Re: جورج -- دى كفك ولا غيمه (Re: مراويد)
|
محمد الشيخ ..
نون وما يشتهون ..
..
فوق براق الليل ..
اتحزمت واتوكيت ..
اتلفحت بي حنان نادر ..
فوق للشمس عـدَّيت ..
روح هايمة عطشانة ..
في نهر القمر ..
بسملت .. اتوضيت ..
صليت للأله صادق ..
يرعي السمحة ست البيت ..
بيتا كبييييييييير مفروش وساسو متين ..
موهط في جدار الروح .. ملوَّن بالعديل والزين ..
هناك ..
جاك طيف السمحة .. فوق ملكين ..
حلفت قسم .. وتاني يمين ..
وراك يا نجم السعد ..
للأبد تتشابك الايــدين ..
وكان الزمن لحظة فريدة في التاريخ ..
شربت من القمر لونو ..
وكان الشاهد المريخ ..
وهنا .. نحن برضو منتظرين ..
تجينا ملاك ..
نورو يضوي من قمرين ..
ونمشي للزول السمح ..
ود القافية نور العين ..
يقابل ريدنا بالترحاب ..
يسوقنا للولد المطر ..
نملا كاسنا من بحرين .. حرف موزون
ونغني نهتف ليك ..
يا ست الجمــال .. يا نــون
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
تماضر
خنساءنا، وارفة ظلال الكلام
تنحنى المعزة إكراما لوجودك وسطنا، وها قد أخذت اللحظة الآن، بحضورك المضئ، أخذت شكل الزهو المتوهج، وسعدنا ايما سعادة بمشاركتك إيانا الإحتفال بجورج العزيز
وكما قالت خنساءهم، من قبل
إن جورج لتأتم الهداة به
كأنه علم فى رأسه نار
مع الإعتذار بالطبع لتماضر بنت عمرو بن الشريد، ولأخيها صخر الذى تأتم الهداة به، فقط نستلف منها عبقها الجميل، لنضعه على رأس "جورجنا" والذى يهتدى المحبون بنار شعره التى هى برد ووئام وصدق، فهو العلم فى سارية معزتنا وودنا له
ودمتى يا تماضر جميلة كما أنت
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
عزيزنا الصادق عبد القادر
والإسم يكفينا مشقة البحث عن وصف
ولكن رغما عن ذلك، لا نملك سوى أن نضع قطعة من القلب فى كل حرف يخط ها هنا، ونجعل الحروف تتحول الى يدين، يمنى ويسرى، ليكتمل فعل العناق، ولتنبع الفرحة من الأحداق، ونأتيك نحن، الى حيث أنت هناك، فى الخرطوم، موئل الأمل القديم وموطن الصدق العميم
ينبع الفرح لأن هناك من يقرأنا، وأن ما نسعى لأن "نشتله" من غرس محبة على قارعة الروح، نما واستطال
والعناق لأنك الصادق الصدوق، وها قد جئتنا يحمل بشارتك "صلاح" نيتنا ليلملم "شتات" الذى هناك بالذى هنا، لتنصهر مهج شغوفة بالود، وتحضر الدواخل، لتكون الوطن
وبإسم جورج البحر، أيضا، أسجل إسمى وإسمه على لوح المحبة، ونرسله لك ولهم، سِفرا من ود وإمتنان وتقدير
وعليك الطمأنينة والسلام والخير
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
مراويد العزيز
حروفك جيتك تكحل
أحداق الوقت
بى نضرة اللون الدفق
اللحظة تمسك فينا
ماليها العبق
ليلك يكون
عرس القمر
بياضه محلوب من ضياك
وسواده زى لون الضفيره
والزفة شلال من ألق
إسمك معانى الإلفة
يرسم وشيش الريده
والحب الشرق
تمرح خيوط الشوق
تنسج حكاياتنا السميره
وليلك يكون
قلب الوفا
عنوان صفا
زغرودة للبطنه الكبيره
جرتق عشق
حنة وضريرة
ويا مراويد، نكهة القرنفل وطعم الأغانى، هو كذلك أيضا ليلنا، سأم وأرق وإجترار أوجاع، وترنح آمال، ولا عليك، لنضع سأمنا مع سأمك، فقد يسأم أحدهم من الآخر، ويفارقاننا، ونكون نحن الفائزين
ومع كل ذلك، نحن أيضا قد فزنا بك، وبحروفك البهية زاهية اللون والمعنى
| |
|
|
|
|
|
|
|
|
|
Re: جورج -- دى كفك ولا غيمه (Re: dreams)
|
المطر
جورج
شتات
الايادي الطاعمه التي كتبت هنا
****************************
كيف لم تنتبه براحاتي لكل هذا الهطول ؟
تعافيتم هنا كقطيع من التخيّل الانيق يؤسس لانزلاقه في هذاالبوست.
شكراً لهكذا كتابه
و يبدو ان سأتسلل خلسة و ارتوي كلما تحاومت في شوارع النت هذه .
فقط اسمحوا لي ان اجلس في المقاعد الامامية اصفّق علي طريقتي التي احب و استمتع .
و
سلام حتي مطلع الامر
| |
|
|
|
|
|
|
|
|
|
Re: جورج -- دى كفك ولا غيمه (Re: عاصم الحزين)
|
دريمز ..
تجينا يا أحلام ..
نقابلك غيمة بين بحرين* ..
نفرش ليك قلوبنا بساط ..
ينوِّر ليك وِليد العين ..
نطير من الفرح نجري ..
نلاقيك بي حنان نيلين ..
نسير معاك مشوار ..
نَبِلْ أشواقنا بالضحكة ..
نهز أرواحنا بالفرحة ..
نهـوِّم في ديار سمحين ..
نشيل العمر غنوة ..
نقابل الوالدة بت الزين ..
تبوسنا وتدعو يا الصالحين ..
تباركوا في وليداتنا ..
يسافروا ويعودوا مبسوطين ..
ومعاك يا أحلام ..
نمشي للزول السمح ..
المفرهد في ربيعنا كلام ..
كلاما سمح منضوم ..
معسَّـل بي رحيق الشوق ..
معطر بي شذى الانسام ..
يسوقنا للولد المطر ..
المهاجر في سمانا غمام ..
تطيب أرواحنا باللقيا ..
وتتحقق الأحلام ..
صلاح / شتات
* يا أحلام "البحرين" اللفي بداية الكلام هم المطر وجورج
| |
|
|
|
|
|
|
|
|
|
Re: جورج -- دى كفك ولا غيمه (Re: dreams)
|
يا شباب اتلومتو: كل المحبات دى وما بتعزمونا؟
جورج ومطر وشتات وخالد وامانى وبت النيل وتماضر ودريمز وما لا طاقة لى بعدهم: الله يسلم ايامكم
ويخلى القلوب على خضرتها. شكرن على الحب وكيمان النبل النادر.
فوق .
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
dreams
وإنتى عندك سر الشوف
وعندك سر الولوج لى عوالم الجمال
تسعدينا بحروفك المتوهجة والماسكة بين ايديها النجوم الملونة والأقمار الصديقة، شواهد الأحلام ولوحة الأيام
شكرا يا أحلام، وليك المنى الطيب
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
وتظل (ياحوشنا) سيد الأمكنة
صـُرُف غلمـان ..
بنيات حـور ..
خمـور وقصـور ..
يشـب مـن تـل بخـور تيمان
دقـر ياعيـن
مطرنـا الزيـن
لاتنضـر..
لا تنعـاق
نظـل فـي (حـوشك) الماهـل
صحـاب مافـي بينـا فـراق
وديـل صحابـك ولامـوج؟!
دا حـوش ولا شـط ؟!
شتـات ..
ياروعتـك لمـن تجـادل كلمتـك
دائمـا تكـون فوق الشفـاة
مرحيبـة بالداخـل عليـك مـن دنيتـك
عبيـت مصابيـح الصبـاح
ووجّـت جنائـن غنوتـك
لمـا البلاد صادة الوخـم
صـار المضـاد الما اتلخـم
دغـم النغـم فـي حرفـو
اتفرطـق لغـم
ينسـف مطاميس الالـم ..
بسـن قلـم
يــا جــورج
ماجانـا عشقـك مـن فـراق
ولاهـم غنـوك عبـط
ويا ..
المغنـي الما نـدم
سلـم علـي (جـورج) وكفـى
وقـول ليـه مـن بعـد السـلام
طابـت عينيـك
والحـب عليـك
يبـراك وسـم
يكسيـك هـدم
ارقـد قفـا
وتسـلم روحـك
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
الأحباب
خالد
و
الملكة
إسمحو لى، أن أغنى حضوركم، وقود المحبة الراسخة، من شيخى المعطاء، سند، سند الشعر والشعراء، فهو حين تخمد فينا جذوة الكلام، يهب لنجدة الحروف، تشرب من رياه فترتوى، وتتجدد شعلة الحياة والشعر فينا دوما، ومن شيخى سند أهديكم
أختار أن أجيئكم مع العطاء
كلما توهجت عيونكم
أشع روعة وكبرياء
اقول فى تدفقى الحميم نحوكم
أقول فى حلاوة اللقاء
لعل فى دماك ما يرن
حين يخطرون فى عيون الصحو
زينة ومهرجان
وراحة من العذاب
واحة ينام عندها
المسافرون والمشردون دونما هوية
ودونما مكان
أختار أن أجيئكم مع الدعاش
فى مواسم البذار
أصب فى شفاه طينها شقاى، لاهثا
أشمها
أضمها
أستريح فى ترابها المعطور بالحياة
أقيم عندها الصلاة
وأنا والله يا خالدا فى المهجة محبة، ويا بلقيس ملكة الشدو الملائكى، أرتاح فى ترابكم المعطور ودا، والمعطون معزة وسلام
وبكم أجمعين، يزدهى النشيد
ومجددا، نرفع رايات المحبة، تخفق فى سماء الصداقة والصدق، لجورج وصلاح وكل صحبتنا الكريمة هنا
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
الرائعين
جورج
المطر
شتات
وكل من عبروا من هنا...
وكان الفرح يدق بابي لياخذني بعيدا الى حيث تنتمي النجوم
والى تلك المساحات الخضراء تعبق بالرياحين والياسمين
وكاني موعودة بهذا الفرح منذ الااف السنين
لكم كل الود...
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
Quote: فوووووووووووووووق
فيه شفاء.. |
رددها يا خالد ..
والله أحس معها بالطرب حد الانتشاء ..
أحس معها بالنشوة حتى الامتلاء ..
قولها تاني .. وتاني .. تاني
ثلاثة .. اربعة .. حتى الانتهاء ..
قولها تاني .. ونحن برضو قلوبنا صاغية ..
يا أباذر .. يا جورج .. يا شباب ..
كلنا لازم نقولها حتى نقضي على آخر ذرة من كراهية ..
وامسكوا لي عاصم الحزين دا ما يفوت لما اجيكم راجع ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
عاصم .. أيها الحزين ..
..
في موكب الترحاب ..
رصّـينَا ليك الشوق قوافل ..
وانت ضيف الشرف ..
في يوم تاريخي حافل ..
وزغرودة في دنيا الفرح ..
للصحة يا ورد المحافل ..
وانشاء الله ما تشوف كريه ..
وبالسلامة ديمـة قـادل ..
بس كمان عاتبين عليك ..
ليه الحزن عند شعــار ..
ما الحبايب ديمة جنبك ..
أنصب الأفراح جـدار ..
والعمر دايما قصير ..
ليه ترميهو في قفرا بوار ..
والأهل راجين الفرحة منك ..
يوم تجيهم الشمعات منار ..
..
عموما ألف مرحب ..
في مكان زولا سمح ..
يبسط البسمـات ديار ..
يكتب الأشواق غنا ..
يرسم اللوحات مدار ..
وفي يمينو الولد المطر ..
نغمة من عمق البحار ..
سفن بالحب تئن ..
مدن مسكونة بالتذكار ..
ويا نيلنا ليك سلام ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
العزيزة
البت المحراب النيل سكونا
الحروف مضفورا بالموجات
والسماح مدفوق وجارى
جاى مارق يبشر الساحات
يرسم الايام حدائق
النهارات والأماسى
وكل عصافير العصارى
والسماح مدفوق وسارى
وأصله نابع من عيونا
يفيض نيل كرمك الوافر بالجمال، يا بت يا نيل، يا وطن ونخيل، لامن يزيد ونقسم منه للحبان، للجيران، وكل الناس الطيبين السمحين والزينين
وشكرا بلا حدود، عنى وعن جورج وصلاح
| |
|
|
|
|
|
|
|
|
|
Re: جورج -- دى كفك ولا غيمه (Re: AlRa7mabi)
|
Quote: قل لى
كيف جئتنا وأنت فينا؟
وكيف ترحل
ونحن من خيوطك الحنينة
نغزل الأعراس والمساء
كيف نرقص
والجروف غنوة حزينة
وكيف نضحك
والخرطوم آهة دفينة
إن كنت قد نسيت وعدك
فنحن بعد ما نسينا
أبوذر (المطر).. |
الرحمابي ..
ومع المطر ..
نسافر ليك ..
نفج الدروب ..
نعبِّي الطريق بالريد ..
نطارد فيك السحاب والنيل ..
نوصل ليك ..
نلقاك في جوانا طيف ..
معشعش في جوف الوريد ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: Abir Abdulla)
|
يا ناس هوووووووووي ..
كلامكم السمح دا خطيييييييير مررررررررررره ..
بيكتل ليهو زول عديل كده ..
دا كان ما كتلو وودر روحو كله كله ..
في حضرة الناس السمحين ..
يغلبني الكلام ..
يجن صمت الليل ..
يحرق حشا المغبون ..
يتوسد ضفائر الفال ..
أجيكم بالعديل والزين ..
أمد إيديا لي إيديكم ..
وللنيل الهناك طربان ..
تفيض روحه وتديكم ..
وللقمر البتاوق من هناك ..
يشع نوره ضواً يكفيكم ..
وللناس الحلوين ..
أبداً ما مفارقين دياركم ..
ما أصلنو نحن منكم وفيكم ..
جورج بنيوتي .. الزول السمح ..
أبا ذر .. الولد المطر ..
صلاح .. شتاتك والغيمة ..
ليكم مليون حب وسلام ..
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
جورج
يا الطالع الشجرة
جيب لى معاكا عمر
أديهو للأحباب
اللحظة سمحة تمر
والريدة تبقى الباب
روح المودة أجر
والود مصفى شراب
تتبادل الأرواح
معنى اوفا الأنخاب
يا الطالع القمرا
قوليها زولنا بدر
قاعد مع الشعرا
شايل المحبة نضُر
يا ساكن الأرواح
هاك الكلام مصباح
يديكا باقة نور
يديكا ريد وسماح
جورج سيد السماح، ووقود الأرواح، والله لن يمس النعاس طرف حلم من شهرزاد القصيدة، وإنا مقيمون، إقامة معزتك فينا
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
شتات
شفتك هنا، شفتك هناك
عينيكا
شرفات الوفا
وإيديكا
تغزل فى الكلام
تعدل وهج كل القصايد
بى سناك
تدينا من نضمك وسايد
يرتاح عليها الليل
وقمراتو تغرينا السلام
يدفق النيل الصفا
نرجاك هنا، نرجاك هناك
ضو الحروف الما انطفا
يهدي الخطاوى
تمش عليك
ونلقاك هنا، نلقاك هناك
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
الرحمابى
جانا الخبر، ومن فرحته، مره يشيلو النسيم، ومرة هو يشيل النسيم، والإتنين جونا شالين الفرح، قالو الولد رجع البلد
وا، ولد
تندهش كل الحروف
وتغنى لى جية الولوف
ووسط الفريق
مرقن بنيات الفرح
يتهامسن
رجع الولد
ضوا البلد
والحله عماها البريق
رقصت شتيلات الجروف
فرحانه بى جية الولد
وداير يا الرحمابى تكوس مكان؟
حتى لو لقيت ليك محل فاضى، المهج الجوه كلها ما بتفكك، عشان تقعد وتتوهط بعيد منها، مكانك ساكن فينا، وإنت ساكن فى مكانك، ومكانك وأنت، الإتنين قاعدين بين جنبات الروح
| |
|
|
|
|
|
|
| |
THE RAIN
شتات
عشة بت فاطنة
الجندرية
ابو جهينة
نصار
zumrawi
صديق الموج
ملكة سبأ
يا بت يا نيل
mohamed elshiekh
معتصم دفع الله
Tumadir
عاصم الحزين
AlRa7mabi
Abir Abdulla
فيس بوك
تويتر
انستقرام
يوتيوب
بنتيريست