|
|
 مـكتـولة بالـشــبع الــــــــــــــــــودار
|
صــــوت الـرعـــد..
حـفـر مـداخـلك..
وشـــم بالـسكـوت ..شـفة مـــدار
اللــيل..مـكتف
فـي دواخــــــلك
معـلق بالـوهـم البهــــــار
العـصــــافـير..
بـترحــل من مـواسـمك
مـشتاقة للفـرح النـهار
وانتي..
مـجـدولة في خـواطـر
مـسكوبة فـي الوجـع الغبــــار
مـشتاقة..
للســفر القـوافل
مـكتـولة..
بالـشــبع
الــــــــــــــــــودار
محمد النور كبر
|
|
 
|
|
|
|
|
|
|
|
Re: مـكتـولة بالـشــبع الــــــــــــــــــودار (Re: Kabar)
|
صـديقي تبلـدينا..حـبابك
لينا طـولة..
كتـر خيرك.. المناغمة ملح الروح..وحتما سنقول الكثير ..
كلمت معتز جاجا الاسبوع الفات..وحتما ساصل حامد عما قريب ..
كتر خيرك من تاني..
بالمناسبة هذا النصيص اتكتب بعد يومين فقط من نص حـواية للمدهش حامد جاجا !!
صـديقي رانـي..حبابك
كتر خيرك على المفاكرة..وحتما بالحرف النضيد سنهزم اخر جحفل للخوف والضلام
صـديقتي..واستـاذتي نجاة..حبابك
كتر خيرك..شهد طيبة..وهي الآن في غاية السعادة..
اما هذي الكتابة..فهي شهادة خجلى على زمن موات..
كتر خيرك على حسن الظن فيها..
ودمتم
كبر
| |
|
|
|
|
|
|
|
|
|
Re: مـكتـولة بالـشــبع الــــــــــــــــــودار (Re: Kabar)
|
كبر يا شفيف
أأأأخ
لمحتها تخبأني بين عينيها... وتلتمس لي العزر في الحنين المؤسس
حاولت أن أداري شوقي حين امسكت بي متلصصاً علي دواخلها ,, و
لكنه فضحني وعراني في عيد أستشراق شمسها التي ولدت بين
طيات الفجر السافر ليها وجانا صباح.... وهات لينا تاني صباح!!
| |
|
|
|
|
|
|
|
|
|
Re: مـكتـولة بالـشــبع الــــــــــــــــــودار (Re: zumrawi)
|
شدرك..
غادر غصونو.. سرب العصافير
شدرك،
غادر غصونو،
سرب العصافير،
ولبس فى ذاتو وشاحات اليباب..
خطاك فى صدر المسافه .. معالم صيف خرافى..
الحلم فى ذاتك،
ولع كرنفالات المنى..
و ميلاد اللحظة العامره بى وهج العطاء..
كل الخلوق، كانت
واقفه تضحك على صدق نقاك!
يا مدار اللحظة الهاربه من سيف الخفوت،
ضوينى معاك،خاطر نبض مجنون
علمنى معاك..
مراسيم الاغتسال المر فى نواصى الشوق الفارهة
سد جواى ..جوع السنين،
وارمينى فى دفق المواسم/ الخصوبة
شدرك،
غادر غصونو،
سرب العصافير،
و لبس فى ذاتو وشاحات اليباب
امدرمان
26/تشرين اول/94
من اشعار كبر
| |
|
|
|
|
|
|
|
|
|
Re: مـكتـولة بالـشــبع الــــــــــــــــــودار (Re: Kabar)
|
صـديقي حبيب نـورة..حبابك
كتر خيرك..ثـم..
وانا..كان دســتني..مواقيت الفرح..وتهاويم الكلمة القيافة..خطتني..في جوف النبضة العذراء..وحرشـت علي غيم الطـل..ولمن بكت معاي حزمت الشوق..اعتراني الخوف وانقطع معاي زمن الحضـور..ولقيتني وحيد فوق مدار اللعنة السرطاني..غطاني جليد الشمال بالحسرة..
ليك..تعاريش المحبة..والشوق لزمن تاني..
صـديقي زمراوي..حبابك
كتر خيرك.. ودمت
صـديقي ..راني..حبابك
كتر خيرك من تاني
صـديقي مراويد..حبابك
وكتر خيرك
صديقي فتحي حبابك
كتر خيرك على المرور
ودمتم
| |
|
|
|
|
|
|
| |
Kabar
rani
Nagat Mohamed Ali
حبيب نورة
zumrawi
فيس بوك
تويتر
انستقرام
يوتيوب
بنتيريست