قلت لي جندولك يا مونج..مأسوفا على شبابك..؟ ياخي أنا مشيت افتش تحية اصحابي المؤتمرجية.. الكانوا بيفتتحوا بيها اركان نقاشهم في جامعة امدرمان الأهلية..و جيت لقيت كلامك لحقوهو امات طه..
شوف يا مونج.. هنا الأحاسيس رقيقة للغاية..و بتقدر تتحمل فكرة انك تجي تتكلم بوضوح كده.. لكن ممكن يتكلموا ناس شيخ منير سيد (متى يكف الغرابة عن التفكير في استباحة ديار الجلابة)..و ممكن يتكلموا ناس كبسيبة سيد (الفروخ)..بالمناسبة الراجل ده هددني بالضبح..و دي معناها الكتل يا محسن (معليش نشرح ليك لأنك تتحدث العربية بلكنة..و احتمال تكون تشادي مرتزق ظاطو)..و ممكن يسمح بكلام من شاكلة اندحروا..و انفزروا الخ.. لكن كلامك ده يا ولد ابا.. طوالي بيتم ملاحقتو..و طبطبتو..و دفنو في مقابر جماعية زي ما بيحصل لخلق الله..
يا مونج انت رايق و فايق.. داير تقول كلام ناس مفروض يقولوا هم..و قاعدين يقولوهو في جلساتهم الخاصة..و العامة بعد ظهور الكعات على ظاهر الأرض..و برضو داير يخلوك تتكلم؟..
الكلمة رصاصة يا صديقي.. لا يحتملها البعض..و الباقي باقي..
لأ لسحب بوستات محسن طه..و ما حوته البوستات الأخرى اظرط.. اشمعنا؟
كبر مش عبد و بس.. زنجي كاره لذاتو على قول الأمير الكوشي بشاشا.. قدس الله سره..
05-13-2008, 05:11 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
يا كبر المونج محسن طه راجل ما ساهل والناس ديل فاكرننا بنفرط في كتاباته:
Quote: لأ لسحب بوستات محسن طه..و ما حوته البوستات الأخرى اظرط.. اشمعنا؟
يازول بوستاته كلها في الحفظ و الصون بس نخلي الجماعه ديل يكملوا سكاليبهم وبنرجع برواقه لتفكيك المفاهيم العنصريه دي وورائهم و الزمن طويل,بالنا سلبه.
ويا كبر ما عايز معاي طلبيه من مراكيب سارة عيسى القالت عليهم: الموديل الاسمه( الجلابة ضربوا السكلي )ونصيف بهم هنا في كندا!! عليك الله شف روح اهلنا المرحه يواجهون الموت وهم مبتسمين قال عندهم نفس ومزاج يخترعوا كمان مسميات في وقت زي ده؟!
سلاتاكم كلكم يا جماعة (كبر،تراجي،رندا سليمان) ...دا ملخص البوست بتاعي اللحق امات طه... ولو الناس كان صبرت شوية كان مكن يفهموا السبب شنو الخلاني افتح بوست كان ننكن يكون ليهو معني ومكن يوقف حاجات كتيرة موقفانة في البلد دي... دي الرسالة النزلتها في البوست التاني (الذي بلة موسي والآخرون الأذكياء) وقروهوا 9 انفار واتمني انو يكونوا فهموا، لانو مع الاسف ادعاء الفهم بقي كتير والانشعال بي سفاسف الامور اكتر... وانشاء الله البوست ما يتسحب قبل ما الناس تفهم...لكن برضوا حقوا الناس تعرف وتتاكد هي عايزة شنو ...؟ والعايزاهو دا كيف ممكن يتم علي ارض البلد...لانو لو المسلسل بتاع الجلابي والغرباوي والعبد وبلال والحاجات دي استمر بالطريقة دي عليهو العوض ومنو العوض في اي شئ . والرب نجكانق كان في عون الوطن دا ويحفظكم ويحفظ السودان.... لاكو اووطو ... نص الرسالة ..... يا بلة موسي سلام يا اخونا في الوطن ... والله يا بله لو في زول فهم قصد البوست دا بيكون انت، البوست دا مقصود منو انو الناس تعرف انو الكلام الفارغ دا ساهل وبيسط اي زول ممكن يقولوا، اذا ماقادر ممكن تدفع لي زول يقولوا ليك، انا قاعد هنا بكتب في الكلام دا وجنبي واحد سوداني وقلت ليهو شوف انا حا اثبت ليك انو نحنا السودانيين بقينا بتاعين فارغة ومقدودة، انا هسي حااكتب كلام بوست فارغ وتعال شوف في كم واحد حايجي يقرا الكلام الفارغ دا، وهنا القصد تنبيه الموضوع ما عرب وعبيد، وانا وضحت كلمة عرب وعبيد اصلا ما المشكلة، انحنا في بحري بنقعد نلعب الكوشتينة، وكلمة يا عب وحلبي وياعربي يا معفن... هسي يا بلة شوف لو قعدنا هنا نتكلم في الكلام الفارغ دا البوست دا حيصل كم قارئ بس لانو فارغة وما فيهو فايدة، وانت شايف انا حسي بكتب بدون تفكير في الكلام الساهل السامبلا والمجاني والما حيفيد اي زول دا ، واولهم انا زاااااتي... لكن لو جينا عشان نتكلم عن موضوع كيف حا نبني الوطن دا، حيقيف حمار الشيخ في العقبة وما حنلقي كلام نقولوا، وكان فتحنا هسي بوست انا وانت عشان نتكلم كلام موضوعي وعقلاني ومفيد مافي زول حا يهبب لينا لانو الناس راجية الفارغة وانا حا اخش معاك في مراهنة تعال انت نبذني وانا انبذك نبذني وانا انبذك ونتداوس بالالفاظ البذيئة والعنصرية والقبلية والعشائرية نجيب كل البذائة الموجودة في العالم نختها هنا وتحتا خطين شوف الناس حا يجوا كيف...البوست دا حا يقروهو اكتر من 5000 الف نفر؟ الموضوع للهايجين ومافاهمين حاجة ومطالبين بسحب البوست دا، وناس خلوها مستورة والفتنة نايمة والمواضيع الفارغة دي، البوست دا بالمناسبة خدعة ما فهما الا بلة موسي دا.. كدي نجي للكلام العديل طيب هسا منو ما العب في السودان، العبود\ية دي هي لون وشعر ، العبودية انو نحنا هسي ماعندنا حق ننتخب رئيسنا الاحنا عايزنوا، ولا عندنا حق متين نقول ليهو اتخارج الحكومة دا لانك ما نافع معانا، ما عندنا حق الصوت المسموع، ولا عندنا حق نقول لا لمن نشوف الفارغة حايمة وقادلة قدامنا، ما عندنا حقوق ناس الواطة البسيطة. اسمعوا يا ناس انتو كلكم القاعدين والواقفين فراجة والبجيبوا الحطب والجاز والكبريت، فهمتوا انو مافي زول عندوا موضوع ولا محتاجين اشرح ليكم زيادة في الحتة دي... انا بديت بالفارغة لانو عارف ناس الفارغة حيجوا زي البوست الاتسحب امبارح، الناس بتموت ويجي واحد يقول ليك انت فرخ وانا ودعرب وانت جلابي وانت شمالي وانت غرابي الخ الكلام الما مجدي، ويضيع زمنك في الدفاع ولا والله انا جدي منو وابوي منو... وناس انت ليك كم يوم هنا وجاي تعمل فتنة ، الكلام السااااااااااااااااهل اللابودي ولا بجيب.. الكلام دا ليكم كلكم البحصل في السودان دا كان ماعرافينو وحاسيين بيهو لا عندو علاقة بي عرب ولا بي جلابة ولا بجنوبيين ولا غيروا، الموضوع اخطر واكبر واتجاوزنا ومشي بعيد المشكلة الوطن بقي ينسحب من تحت اقدامنا،وياهو بقت في عمالة اجنبية وصينيين ومصريين وغيروا من الناس الواعيين البعرفوا كيف يسرقوا الاوطان، وبعد دا السودان ما حيكون للسودانيين ولا اي حاجة ... لسبب واحد انو انحنا قاعدين للفارغة والمجادلات حقت العرب والعبيد ومنو اول ومنو نمرة اتنين ومنو نمرة تلاتة في الترتيب... هي اصحوا يا النايمين واحسن تفهموا انو الموضوغ لا جلابة ولا عبيد ولا عرب ولا شماليين ولا غرابة، الموضوع في وطن بتسرق وبتمحي من قدام عيونا ونحنا لسه بنمارس الرفاهية في شكل شجارات مافي ليها زمن... البوست دا يا بلة خلي لينا انا وانت تعال نبذني واديني من التقيل وانا بفتش لي حاجات فارغة وتعال نشوف البوست دا لو ما اتسحب حا يصل وين...؟؟ وانا في وانتو في والزمن طويل حا اوريكم انو الكلام القلتوا دا ما كان سلعة في سوق البذائة والعنصرية... لكن لسه الواحد عندو امل انو الناس تفهم... ونصيحة الاستعجال مافي المصلحة، هسي في الوقت البنكتب فيهو دا الناس بتموت ولاسباب ماعارف اقولها ليكم كيف يا ريت لو خليتوني وريتكم ... افهموا يا جماعة ... انا عملت ليكم البوست دا عشان اوريك يا الفاهمين انو اي زول بليد ما عندو موضوع ممكن يجرجركم للفارغة كيف ولي ورطات تاريخية... وكان مغالطيني اها الدليل البوست حقي دا، كل الموضوع الناس شغالة دفاع عن الذات الجلابي عايز يثبت انو ما كعب، والعب عايز يثبت انو ما عنصري وحاقد، ياخ من يوم استقل السودان دا الناس كل البتعمل فيهو انها تدافع عن روحها، ضد اتهامات ما ليها اي داعي ولا تاكلنا عيش ولا بتحفر لينا بير ولا بتجيب لينا دوا ولا بتوفر لينا تعليم، ابسط مثال الباعوضة دي لمن تلسع زول قاعدة تفرق بين غرابي ولا جلابي ولا جنوبي ما ياها قاعدة تكتل في الناس كل يوم لمن حفينا من مشي المقابر ودا غير الحرب بسبب اساطير وخرافات... واوهام كان سالنا نفسنا بصدق هل دا النحنا التعبانين عشانو وهل دا حلم السودان الطلع زيتنا وهل اذا دا ماهو طيب انحنا بننزلق بسهولة لي جب ما في ليهو داعي ليه...؟؟ اتمني كل زول يقعد مع نفسوا قبل ما يكشر عن انيابه لاي زول ويحاول يلقي الاجابة... اعتزر عن اي كلام هنا ... واطالب بكري بعد دا بسحب الوبوست لانو ادي غرضوا والحمد لله سلام جاكم حميع لاكو
05-14-2008, 04:37 AM
doma doma
تاريخ التسجيل: 02-04-2002
مجموع المشاركات: 15970
الكلام دا ليكم كلكم البحصل في السودان دا كان ماعرافينو وحاسيين بيهو لا عندو علاقة بي عرب ولا بي جلابة ولا بجنوبيين ولا غيروا، الموضوع اخطر واكبر واتجاوزنا ومشي بعيد المشكلة الوطن بقي ينسحب من تحت اقدامنا،وياهو بقت في عمالة اجنبية وصينيين ومصريين وغيروا من الناس الواعيين البعرفوا كيف يسرقوا الاوطان، وبعد دا السودان ما حيكون للسودانيين ولا اي حاجة ... لسبب واحد انو انحنا قاعدين للفارغة والمجادلات حقت العرب والعبيد ومنو اول ومنو نمرة اتنين ومنو نمرة تلاتة في الترتيب... هي اصحوا يا النايمين واحسن تفهموا انو الموضوغ لا جلابة ولا عبيد ولا عرب ولا شماليين ولا غرابة، الموضوع في وطن بتسرق وبتمحي من قدام عيونا ونحنا لسه بنمارس الرفاهية في شكل شجارات مافي ليها زمن...
لمن يفهم ....!! شكرا محسن وكبر
05-13-2008, 07:22 PM
AnwarKing AnwarKing
تاريخ التسجيل: 02-04-2003
مجموع المشاركات: 11481
سلام يا استاذ طاهر ساتي ... شكرا جدا انك اتفهمت الموضوع ، انا ذكرت شريحة اجتماعية محددة في الموضوع وكان ممكن اوري كيف اماكنية الحلول الاجتماعية تكون للمسالة دي، في ناس طردتهم الحروب، ناس واطة ساكت ما زيي وزيك قروا المدارس ، الناس ديل جوا ولقوا نفسهم في مدينة بتتطلب المهن والحرف وشوية تعليم، ناس لاعندهم شهادة ولا بعرفوا ينجروا ولا عندهم حرفة ممكن ياكلوا بيها بي شرف - رغم انو دي ما غلتطتهم- الناس ديل اضطروا عشان ما يعيشوا علي الصدقات وبقايا الفتات في الكوش الريحتها طاقة من بول السكاري واكياس الصعود والخرا، الناس ديل في النهاية اتجهوا للمهن غير الشريفة كما يسميها ناس الامر بالمعروف والنهي عن المنكر،الناس ديل بنمر بيهم كل يوم وبي بيوتهم واحيانا بيبيعوا لينا الشاي والقهوة، عشان علي الاقل نديهم الحلم انو يوم من الايام ممكن يجي زول يحقق ليهم ما يسمي ابس الحقوق البني آدمية كونهم يكونوا ناس محترمين في بلد محترم ، انسي الحقوق السياسية وغيروا من الحقوق المهضمومة... وهسي يا الطاهر ساتي ارحكم لعمر البشير دا وقولوا ليهو ارح نمشي شندي دي، وشوفوا شكلها كيف، الناس لي هسي بتبيع الطعمية في محطة القطر، ويجروا بي كوز الموية ساكين البصات، عشان الواحد في نهاية الذلة طول اليوم يلقا ليهو جنيهين يشيلوا بيها طماطمتين وبصلة خضرة ولا كوم فحم، ويرجعوا ينموا في عنقريب حبل مقطع، مليان مرقود والباعوضة طان في اضانو، هسي الشمالية دا فيها شنو، مالناس بتموت بالسل السببوا الاول سؤ التغذية والجوع، والناس بتموت بالفشل الكلوي، وفي حتات لحدي يوم الليلة مافيها كهربة ولا ماسورة موية ولا ابسط مقومات الحياة ، والله في ناس عايشين في ظروف الحيوان ما بعيش فيها، يجوا ناس يختزلوا لي الموضوع في كلمتين عتصرية وجلابة وعبيد، ولسه في زول ممكن يكون ماعندو لباس يستر بيهو عورتوا وابوهو بقطع الجمار في الخلاء لانو مافي ادبخانة في الحلة كلها، ياخ مقومات حياة مافي عروبة واقريقية بتفيدك بشنو؟؟؟ العروبة والافريقية بتعالج ليك السل والفشل الكلوي والايدز الهسي دا كان كتبت عنوا في الجريدة ناس الامن بصادروها، هو الامن دا شنو...؟ زول شايل ليهو بندقية وواقف... الامن دا امن من الجوع والخوف والمرض... انا والله العظيم لي 15 سنة بنبح في الموضوع دا وبعدين بشوف انو الخطابات العنصرية مفروض تتقال لحدي ما تنتهي مافي زول يكون عندو حاجة ياخرنا بيها، ونتلفت نشوف الورانا شنو...واعتقد انو في حاجة اسمها دبلوماسية الحوار والتفاوض... الناس لو ماقادرة تتعايش سواسوا دا اصلا ما مشكلة ودا اصلا ما بعني انو الناس بتكره بعض، لسه التواصل بيكون موجود. الناس هسي مافاضيين لي هوية وكلام زي دا لانو الهوية دي في نظري انك تكون حر بمعني عندك حق الانتخاب وحق التنحية لرئيس انتا ماعايزو واذا شال قروش الشعب يدخل السجن زيوا وزي اي حرامي. هوية شنو البنتكلم عنها انحنا والجلاد شايل السوط وقاعد والناس لسه بتدخل السجون عشان قالوا لا ... الناس بتموت وعايزة دوا، الناس جيعانين وعايزين ياكلوا، عايزين مركز صحي ومدرسة وماسورة مويتها نضيفة... دا المفروض نفكر نعملوا هنا مش نفاصح في الفاراغة والمقدودة... اخا طيب الحرب كانت في الجنوب وقفت بعد كملت الناس من الجانبين، هسي دورت في دارفور، ودارفور حتقيف في النهاية بد ما تم الباقيين، بعد داك نمشي نشوف لينا ناس تانيين احتمال الجنجاويد زاتهم، والحرب حتقيف ، وتاني نمشي نفتش حتة تاني عشان نقوم الحرب...في اي زول واعي انو ليه الحرب دي مفروض تكون مدورة زي الساقية وما تقف ابدا ولا حتي كان هدنة، ببساطة لانو الحروب دب انجح بزنيس لبعض الناس ، فلازم تكون مستمرة عشان الجيوب تكون مليانة. شوف قبل مدة في بوست قالوا الناس عايزين يجيبوا مصريين، دي ما مشكلة انو يجوا بطريقة مقننة ووفقا لقوانيين الهجرة البتعدمد علي الكفاة والمعرفة والعلم، ودا ما بحصل الا يكون عندك دولة قانون ونظام فيهو شفافية وعي بالحاصل في البلد، المشكلة البوست دا اخذ منحي تاني بليد لمن الواحد يقول عايزين نجيب المصريين عشان الفلاتة بقوا كتيريين ، اها كلام زي دا بدل نناقشوا من منطق ودراية، باعتبار الفايدة الممكن نلقاهو من الجامعة ديل لو جوا وكيف نخت قوانيين تحدهم من سرقة البلد بعدين بعد ما يمكنوا، وقوانيين تديهم حريات في الحدود العايزاها البلد زي ما بحصل في العالم، لا الموضوع طوالي يمشي يتحول ليك لي (عايزين المصريين عشان بشبهونا في اللون والفلاتة ديل وافدين وما بشبهونا) دا هسي كلام نتاس مثقفين وواعين وسياسيين...؟ الا اذا كل التم ذكره اعلاه وهمة ساكت وقشرة في سوق امسك لي واقطع ليك... والله يا استاذ الطاهر ساتي ... انحنا في السودان دا لسه سنة اولي عوارة ما خشيناها. وشكرا علي التفهم ...
وين يا مونج انور كينج قلت لي شنو ، ياخ الناس ديل شابكيننا قضية فارغة جدا ومجلية وعاضة لا ماشة وراء ولا حتودي لي قدام، واقفين لينا من سنة دو لحدي يوم الليلة، زي الحمار لمن تجيب ليهو قطعة جلد مرفعين، لا يقدر يمشي كدا ولا كدا وفي النهاية يموت من الوهمة ويكون لافي مرفعين ولا يحزنون جلدة بس... وعاين نحنا بلد بيجبوا لينا زول عسكري ماكل قعونجة وقاعد بنطط سنتين في ارنب نط تراني بنط ويعملوهو وزير صحة ويمشي يجتمع بالدكاترة ولمن يوقلوا ليهو والله يا ريس عندنا نقص في الاختصاصيين واطباء التخدير جنابو يرد بكل بساطة ويقول: ياخ هسي دي مشكلة عاملين لي ليها اجتماع( ما ترقوا بس) اها عاين وزير صحة زي دا واسمو رامبو... وياهو يا كنج اي نقلتي عايز يعمل لينها ملك وشاغلنا انت وانا بي انت عربي وهو عب وانت جلابي وشنو شنو شنو وكلام عاضي يا مان، لمن الواحد يجي يوضح ليهم الوهمة دي يسحبوا بوستو ويقولوا عنصري... اتمنيت لو الناس صبرت دقيقة بس والله العظيم ما كان جا زول في السودان اتكلم عن الموضوع دا تاني. واسمع يا انور، كان ما مصدق كلامي دا انا بثبتوا ليك تاني بيان بالعمل، تعال بكرة اعمل لي فيها كنج وافتح ليك بوست واعمل واعمل بتنبذني وانا حا اعمل ليك عب كبير وشوف الناس القاصية والدانية حتتطاقش كيف ...؟ وحا يطلعوك عنصري ويطالبوا بسحب البوست...!! دي هي المشكلة في السودان انشغالنا بقضايا انصرافية ما ليها اي علاقة بالبحصل هسي دا والحايخلينا انا وانت ماعندنا وطن ذاتو وقريب اذا الموضوع استمر، والله امشي نيويورك اعمل عب هناك وانت تبقي كنج في الدنمارك...\ وشكرا ليك انت بالذات علي الفهمتها سلاخية لاكو
05-13-2008, 08:11 PM
Balla Musa Balla Musa
تاريخ التسجيل: 12-30-2004
مجموع المشاركات: 15238
ياخ انت ما كنت تصبر شوية، اها شايف بيوت الشعر حقتنا ودتنا وين، ورحنا في مرقة بكري زي الما حصل حاجة... ما الموضوع ساهل جدا كليك وتروح في الهوا، مافي مشكلة عند اي زول ، ودا زاتوا البجيب لينا الهوا البارد.\ نشكرك ياخ وانا الايام دي عندي موضوع جايي بيهو اسمو (اشكالية التسامح) وخا انزل CD هنا دا بالانجليزي ، والماعارف يمشي يحتج عند الجماعة بتاعين حفلة العربنة(التعريب في مؤسسات التعليم العالي) ويسالوهم ليه انحنا ما قادرين نفهم الكلام دا...؟ وحا تكون مشكلتهم مضاعفة لانو الناس البعربنو ديل زاتم ماتبعرفوا عربي...\ المهم المسالة كانت عملية توحيد للاصوات المقهورة ويتوجد حل للموت الحاصل دا والهرجلة، والسودان دا وااااااااااااااااااسع كان عطبرة ما شالت الناس ممكن نتوسع في باقي المليون ميل مربع، حاليا دي اصلا ما قضية القضية بالنسبة لي انا هسي انو عايزين نبني مدارس ومستشفيات وجامعات تساعد وتعد انسان يقدر ينافس في سوق العمالة الاجنبية الجاية في السكة ،وانا في مرحلة تفاوض لحدي يوم الليلة لكن شوفتا عجلة الشيطان بتودي وين... وعشان كدا عمرنا ما بتعلم صاح لانو دايما ما بنصبر لحدي نهاية الحصة لحدي ما يجي الملخص، ودايما السخانة هي السبب عشان كدا دايما قادين، ودايما منفوخين لمن تظهر النتيجة بالشكل البايخ دا... يلا يا ود البلد انحنا لي قدام عايزين نتكلم في حاجة اسمها التفاوض، اي زول يخت كوكابو وحربتو وسلاحوا بره، مش كدا بس يخت كل الافكار الما عقلانية بره برضوا حتن بعد داك يخش معنا، وموضع عرب وعبيد دا موضوع ما جايب حقوا، وتلتلة وضياع زمن لمن يهمهم الامر ... الداير بيقي عربي يبقي عربي والداير بقي افريقي يبقي افريقي ، اها هنا التفاوض كيف كل واحد يقعد في علبوا ويكون عندو قانونوا الخاص بيهو... بمعني انا كان اخترت اقعد في الشمال دا ، مفروض علي اقبل القوانيين الشعيرية - عفوا اقصد الشريعة - ومستعد ادفع الجزية...ولكن كان جانا مسلم هناك انحنا عندنا الجامعة الودوهم جامعة القرآن والازهر وامدرمان الاسلامية ديل حنوديهم وين ما لازم نعمل ليهم محاكم شرعية لمحاكمة المسلمين الجايين من الشمال وحسب ما تقرره المحكمة، وكان طلع رجم ولا حاجة ممكن نستور حجار من البحر الاحمر بعد اذن الحكومة في المنطقة ديك... دا اسمو التعايش في سلام لا نبذ ولا يحزنون ولا بتعاين لي كدا ليه عينك بالتقدا وزي الكلام الاستنكاحي الساهل دا... اها يا اخونا في الوطن سوا كان واحد ولا عشرة ما مشكلة الموت لازم يقيف ما عشان دا عربي ودا عب ... الموضوع اننا ما عايزين شجار حول الله زي ما قالوا الهنود الحمر لمن جو الخواجات يبنوا ليهم الكنايس... شكراليك تاني ومعليش للروحة في شوربة العصر ... لاكو ...
05-14-2008, 04:46 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
مدخل ... وعفوا من هسي كان حسيتو اني داخل من باب الخروج... الأخ ابو بكر والأخوة المتواجدون وغير المتواجدين بالمنبر ... ليكم جميعا تحية من القلب ... فيما يخص موضوع سحب البوستات ، اولا احب الناس تعرف انا ما كاتب ساذج ولا اعتباطي قبل ما اجي هنا قريت قوانيين المنبر كما لم يفعل احد ...وعارف البي والعلي وعارف حقوقي وواجباتي والتزاماتي تجاه البكتبوا وتجاه المنبر ... لكن في ملاحظة بسيطة جدا فيما يتعلق بالناس البطالبوا بحسب البوستات عملا بالمقولة المريحة الجواب بكفيك عنوانو ... والمقولة دي مقولة مفخخة احيانا بتعني الشئ وضدو في نفس الوكت ... طيب الجواب دا احتمال يكون من جواهوا وردة واحتمال جواهو قصيدة من نزار قباني ، واحتمال جواهو سوناتا الفها واحد بيعاني من ظلم حبيبتوا الرافضة تتنازل وتسمع ليهو ... واحتمال جواهو حل وامل ... واحتمال يكون جواهو لغم زاتو ... فنحنا لازم نفتح الجواب دا عشان نشوف الجواهو شنو ... كان لغم ولا كان رسالة حب ... لكن مشكلتنا انو بنرمي الجواب في زبالة التاريخ ، في الوقت الممكن الرسالة المشت مزبلة التاريخ دي تكون هي رسالة لخدمة التاريخ وتشريع للتاريخ ، وتفكيك للتاريخ ... وليس لتفخيخ التاريخ ، لكن المؤسف انو الواحد بكتفي بس بالعنوان وجري للزبالة بدون حتي القاء مجرد نظرة ولو عابرة – يا حبيبي تكفي زي ماقال الفنان - علي المحتوي والمضمون البتشيلوا الرسالة جوه ... ومافي زول بفهم انو دايما الجوه اهم من البرا ... والمسالة في نهاية البسكويت ما مجرد شريعة اسلامية عليها بالظاهر ... وشهادة اربعة ولا خمسة تكفي لقطع راس زول ... طيب السؤال هنا للناس البطالبوا بسحب البوستات دي هل هم مختصين بعلم اللغة وعلومها المختلفة من مجاز وايحاء وادوات اللغة الكروباوية والسلاخية ، وفي النهاية دا كلوا اسموا ادوات اللغة ... طيب الاشكالية الممكن يقع فيها المنبر دا ، وانا شايف المنبر دا اللي هو حقك هنا بالضرورة وحقنا برضوا طول ما نحنا كلنا لسه اسمنا سودانيين ، ممكن المنبر دا يقدم خدمة ويلعب دور اكبر من كدا ، سوا كان الخدمة دي بطريقة عورة ولا عرجة ولا كسيحة ولا عميانة ولا طرشة ولا مقعدة مكسرة مرة واحد ... الكلام دا بقولوا مبطن بحب لكل زول سوداني موجود في المنبر دا ولي بكري ابو بكر بشكل خاص ... انا عارف المتاعب الانتا فيها يا بكري والفيها كل الناس ... انا زاتي عايش معاك هنا في البلاد دي يا بكري ابو بكر ... البلد الما بكون عندك فيها وكت عشان حتي تفتح الشباك، ما بكون عندك وقت عشان تقرا كل الرسايل الفي البورد دا ودي عملية مضنية ومجهدة .. طيب اختراحي البسيط ... في المنبر دا انا بعرف ناس كويسين جدا مختصين باللغة وبعرفوا علم اللغة وعلي دراية علمية باللغة دي وعارفين مداخلها ومخارجها وابوابها السرية ... فقبل ما تودي البوستات لي الزبالة ولا نوديها للخور ممكن نعمل حاجة نرسل البوستات دي للناس ديل ونطلب رايهم قبل ما نمتثل ونستجيب لي مطالبات السحب البتهل من قولت تيت (الشريعة ليها بالظاهر ) دي لي سبب واحد انو نتفادي المطبات التاريخية الممكن تحصل ، وعشان نتفادي احراج الاخرين الممكن ما يكونوا علي علم بما يسمي فنون اللغة وقواعدها وعلمها ... وبكتفوا بالعنوان ، مع انو كلمة (عنوان) دي علم قايم بذاتو وفيهو كتب بتدرس في مادة الصحافة والاعلام .... فمثلا هسي انا ممكن اكتب كواحدة من الفنون والاعيب اللغة (الهلال انهزم ستة صفر من حي العرب بورسودان) اها هنا بجوا الناس البقروا بس بي عيونهم وبس عشان العنوان دا ويورطوا ليك لحدي الصفحة التالتة عشان يلقوا موضوع الخبر دا ...وفي النهاية يلقوهو فريق (هلال جوبا) الجماعة ناس الجواب يكفيك عنوانو كانو مفتكرنوا هلال العاصمة ... لكن هنا الداقس منو ... الجريدة الحققت اكبر نسبة مبيعات من الخبر دا ... ولا الجامعة ناس (الجواب بكفيك عنوانو) المن ما شافوا الخبر جروا للاكشاك وما اتذكروا انو هلال الخرطوم ما عندو لعبة اليود داك ...؟؟ اها هنا يا بكري دي الورطات التاريخية ... انت ممكن يجيك زول قاعد في المنبر دا ليهو عشرة سنين ومساهماتوا ما بتفوت ليها 25 وعشرين سطر في الفترة دي كلها ... لانو مشغول بمهمة تاني ... وشغال حارس للعناوين وكركون للألفاظ ... وهو زاتو ما يكون عارف التكتح عن فنون اللغة والاظرط منو يكون ما عارف اللغة زاتوا – ودا بقودنا لي كلام جاي ورا عن موضوع وفنون الكتابة والجهل بفن اللغة البادي للورطات الما بنعرف نتخارج منها كيف - ويلا هاك يا ماسنغر وهاك يا تلفون ، وكان الله في عون العنوان السيدو كتبوا بي طريقة ما عجبت الكركون الديدبان والشاويش النبطشي اللغوي في البورد ... ودا انا عندي بوست خاص للناس القالوا ليك يجدعوني الزبالة ، بس انا وهم وانا حا اطلعهم ليك ما بعرفوا عربي ، واحسن ليهم من هسي يمشوا يقروا كتب علم اللغة الحديثة والمعاصرة ... مش الكتب الدرسوها ليهم في معهد علوم الاتصال واللغات العربي بالسودان ... وبالمناسبة للي الماعارفين الكتب دي بالفرنسي والانجليزي ، ما اترجمت لحدي الليلة امشوا للناس العربوا البلد دي وخليهم يقروها ليكم ويوروكم هي شنو .. وعشان ما نمشي بعيد ممكن تطلبوا المساعدة من البروفيسور يوسف فضل دا احسن زول بعرف انجليزي في السودان واكتر زول بطالب بالتعريب ... ويا بكري ... انا اقول ليك كلام ... ( السمع والبصر والشم واللمس واللذوق ) اها الحاجات البين القوسين دي كلها في ناس بعتبروها ادوات تعليم للقراية والفهم والمعرفة وناسين مرة واحدة انو في دراسة تانية اسمها علم الاحياء – بيولوجي – عندو قسم خاص لدراسة العقل ...( افلا يعقلون ...؟)- وهسي افلا يعقلون البين قوسين دي هل دي معاناها العقل كجهاز عصبي ....؟؟!! اها جنس الناس البجوا بالادوات الزي دا ديل هم البطيحوا بالسودان كلوا ويلحقوهو البوستات اللحقوا امات طه ... كدي يا بكري ليك وللاخوان الباقين ... واخوانا نبطشيات اللغة بالبورد .... في بوستات هنا الناس بقولوا عليها عنصرية ... وممكن جدا دلالات البوستات دي عنصرية ، لكن يا بكري العنصرية دي موجودة بينا وعايشة كل يوم وكل لحظة ... وما حتنتهي الا بالاعتراف بيها كحقيقة واقعة قدامنا ، ونديها مشروعية الحق والقول والكلام ... وكل زول من حقوا يقول انا عنصري ... وانا عبد وانا مهمش بعدين نجي نتحاور ليه انت عنصري وليه انت حاسي مظلوم والكلام دا ... وزي مابقول علماء النفس النو الانسان البكون عندو مشكلة نفسية مهما حاولت تساعدو ما بجيب نتيجة الا هو يعترف انو مريض نفسيا ثم بعد داك دي اول خطوة في العلاج ، لكن طول ما نحنا بندسدس ونغتغت ونقول والله الجرح دا طاب خلاص ، من بره ... لكن من جوا الجرح دا شايل الصديد والوساخة ومسمم ، ما حا نصل لي اي حتة ... لانو الجرح الشكلوا كويس من بره ... من جوه ما طاب ولازم نمشي المستشفي ونجيب الدكتور ويفتح الجرح دا ويتنضف من جوه عشان الحمي في النهاية لحتودي للموت بسبب التسمم ... ومع الاسف انحنا في مرحلة الحمي والهضربة دي ... لكن مازال في امل ننقذ المريض قبل ما يحصل تيتانوس ... والتيتانوس دا في بعض الحالات ممكن ما يتحصل وبكون علاجو القطع (الانفصال و الانفصالات) ... طيب انحنا نعمل شنو هنا يا بكري ... الحاجات دي تتارشف وتتطبع في كتب وتتنشر وكل زول يقراها ... ولو عملنا كدا بنكون قدمنا خدمة للتاريخ ... وبعد داك تتعمل ليها دراسات تحلليلة ونفسية ونرص الكتب دي كلها في المكتبات وتكون متاحة لاي زول يقراها ويتعلم ، وتكون ذخيرة للاجيال القادمة عشان علي الاقل يعرفوا بلادتنا كانت لي ياتو درجة ... ويعرفوا ان سذاجتنا وعباطتنا الخلتنا تشاكل ونتداوس ونقتل بعض وملايين راحوا المقابر واطفال ماتوا من الامراض والملاريا ... بسبب حاجة بليدة ... وبسبب انو انحنا قضينا سنين وقرون ( بنتشاجر حول الالفاظ بس ) ولا عملنا مستشفيات ولا مدارس ولا تجارب نورثها للاجيال الجاية ... هسي انا محسن طه دا بي طلب من (كركونات اللغة وضباط نبتشيات الالفاظ – شوفتوا العسكرية دي كيف ...؟) كلامي الجدعتوا الزبالة التاريخية دا ... كان ممكن اجيكم بنوع الكلام دا (علاقة التمفصل والتقاطع في اطار الذمكان والمكان هي التي تحدد الفهم الجغرافي وطبيعة التمفصل التاريخي) انا ممكن اكتب كلام زي وما في زول حا يعرف انا عنصري وى ما عنصري ولا جنسي شنو زاتو، ومافي زول حا يفهم انا بتكلم عن شنو ... وممكن جدا يجي زول برضوا يطالب بسحب البوست لانو مافهم او فهموا وما عايز الناس يفهموا ... كان ممكن تعرفوا اذا انا عنصري ولا غير عنصري من كلامي البفتكروهو الناس خستكات سااااااااي وكلام سامبلا ساكت بيشيلوا الهوا ... من الكلام البنزل في البوستات حقتي ، عشان لو في يوم جا واحد قريبي من الجنوب وبقت عندو سلطة في الوطن دا وقال عايز يشغلني وزير في الدولة ، تقولوا ليهو لا الزول دا عنصري وما عايزنوا ... لكن ما دام انتو ما بتدوا نفسكم فرصة انو تعرفوا حقيقة انا عنصري ولا ما عنصري بقراية الكلام البفتكروهو بعض حراس الالفاظ مشين ومثير للفتنة ... كيف ممكن تدافعوا عن حق انكم ماعيزني اكون وزير في البلد دي ، هنا بتجي اهمية الكلام الموثق المكتوب ... والدليل الما ممكن اجادلكم فيهو انا نفسي ولا ممكن انكروا ... طيب يا بكري والآخرون في بوست هنا انا كجنوبي – وآسف جدا للأستخدام المفردة دي يعني لاني بفتكر نفسي سوداني زي زي اي زول لانو الجنوب والشمال ليس الا مفهوم جغرافي ليس الا ... غايتو نقول شنو حتي لو مثقف لسه بقولوا مثقف جنوبي مش مثقف سوداني – في بوست نزلوا اخونا الازهري 2 اسموا (مسابقة ملكة جمال جنوب السودان وتوجد صور) ... في البوست دا مشينا وبعض الاخوان الجنوبيين ديل علي الاقل نغرفهم بعاداتنا وثقافتنا في الجنوب ، وفي زول جا قال انو البنات ديل عريانات والشخت واللحم والحاجت دي... طيب السؤال هنا ليه ما جا واحد من اخوانكم الجنوبيين ديل طالب بسحب البوست دا رغم انو البوست دا قدم اكبر اهانة لي اخواتنا الجنوبيات ولا الفكرة اساسا انو ديل بنات جنوبيات يعني ممكن يتقال فهم اي كلام يعني وما يهم ، ولا انحنا الجنوبيين الفي البورد معاك هنا ما رجال... ؟؟؟؟ لكن اجاوب ليك ليه انحنا كجنوبيين ما طابنا بسحب البوست ... لسبب بسيط جدا الناس الجابو البوست واولهم الازهري 2 جايين بنية انو الناس مفروض يعرفوا بعض وفرصة انو نحنا نعرف بعض عبر اللغة ومالفاهيم ولاافكار والثقافة بدل البندقية البنتحاور بيها من قبل خروج الانجليز بي سنة من 1955 وفرصة لي اخوانا الشماليين لمن يجوا الجنوب ما يجوا كعساكر ودبابيين ومبشرين رسايل حضارية ، يجونا كعلماء اتثربولوجي وفلكور واثنوغرافيا وغيرو من العلوم البتعالج الاشكالات في العالم المعرفي ... وكان ممكن اهمل فيها ديدبان بتاع لغة ونقول في زول قال الفاظ جارحة وحاجات ما محترمة مست بي اخواتنا... لكن هل تقفيل البوست دا حصل ولا رد شرف ... بالعكس انتو وانحنا بنكون اتحرمنا من معرفة بعض بطريقة سلمية واخوية وجميلة ... بكلمة مش بي مسدسات وكلاشنكوفات ومدفعيات ... لكن انا مدرك لاهمية البوست دا ... وسيد البوست لمن جا ، جا كديدبان بتاع لغة وطالب واحد من الاخوان بسحب كلمة شخت لا نو وقعها ما مستحب علي الاذن ... طيب ما ياهو من حق الزول داك يجي يقول كلامو عشان نعرف كلامو دا شنو وبي ياتو زاوية هو بعاين وبيشوف اهلنا واخواتنا في الجنوب ...؟ ونديهو تدريبات ديبلوماسية في التعامل مع ثقافات وعادات الشعوب الاخري ، لانو الزول ممكن يكون عندو ود عمر في السلطة ويعينوا لينا وزير في الهند وهو ياهو لابس نضارة اتجاه واحد ، اها يقوم يلقي الهنود بقدسوا البقر ويقوم يقتل البقر دا ويتسبب لينا في ازمة ديبلوماسية بين السودان والهند ... ولا ممكن يسبب لينا ازمة حميمية هنا في البورد دا ونتشاكل ونبذ بعض وفرتق ... اذا الموضوع موضوع الفاظ ولغة ورجالة وشرف وحاجات بالشكل دا . واقول ليك يا بكري والاخوان البوست دا انتو حتقفلوا مش ىنو نحنا حا نطلب لكن ناس الازهري واصحابهم الجايين يعرسوا بناتنا ديل هم اليطالبوا ... لانو لمن نجيب صورنا ونجي نشرح انحنا العرس بيكون عندنا كيف التلفونات حا تتطاقش ليك يا بكري ... علي الرغم من انو انحنا ثاقفتنا وعاداتنا دي بتتدرس هنا في الجامعات الغربية دي كمرجعية في ارقي الجامعات ، والمؤسسات المعرفية كعلوم ودراسات راقية ... وبالنسبة لينا كجنوبيين تراثنا الثقافي وعاداتنا الشفاهية دي نلقي لينا فرصة نكتبها ونوثقها كاضافة لينا ولي باقي الثقافات السودانية... لكن الموضوع كان عضلات وبلنجات لفظية ولغوية كان ممكن ندق الجرس في المنبر دا ونقول ليك قفل البوست دا ... وانحنا عارفين كويس انو السودان دا لسه ما عندو الاستعداد عشان يعرفنا ... وكل الناس البقروا في البوست دا بفتكروا الموضوع هزار ولعب ... لكن مشروع التحرر والوعي دا مافي زول جاهز ليهو في السودان دا عشان كدا لحدي هسي بنحبي ، وكلنا ضحايا التاريخ والحروب ... وعايز اقول ليك يا بكري يا اخوي في الوطن المنبر دا قدم خدمة للتاريخ احتمال الكتيرين ما مدركنها ، وما مقدرين حجم المسؤلية الهم بعملوا فيها بس بالقلم دا، والمنبر دا لسه حيقدم لي قدام اكتر واكتر لو بس الناس سابت موضوع الشعبطة علي العناوين والالفاظ واللغة والكلام المابودي ولا بجيب . افتكر انو البوستات العنصرية – زي ما بتسموها – دي مفروض يتعمل ليها ارشيف خاص منفصل وتكون متاحة ومفتوحة لاي زول عايز يعمل تحليل ولا دراسة ولا بحث ، ونطالب علماء النفسيات يعملوا لينا دراسة للحالات دا ، اها زمان كانت المشكلة الجنوب هسي جات دارفور والساقية لسه مدورة وما هتقيف وانا اراهنكم علي الكلام البقول فيهو دا، النزيف دا ما حيقيف الا الكلام دا كلوا يطلع بره ونحللوا عشان نعرف انو كيف وصلنا لي مرحلة زي دي وليه دا زاتو حصل ... وما كل مرة نتفاجا بالخطابات المدمرة والملغمة ... ودا كلوا عشان حاجة واحدة انو ما نعيد الاخطاء التاريخية الغبية العملناها ... وختاما... انا محسن دا قاعد في كندا وبقطع جزء مهم جدا من وقتي اللي هو بالدولار ، وبشتغل غسال صحون في مطعم ، عندي اهلي هسي في الخرطوم ممكن يبقوني وزير او ضابط في الامن اذا انتو بتفتكروا انو الموضوع ضياع زمن طيب انا ما موفرة لي سلطة وعندي قبيلة عندها قوة ... لكن في زول هنا سال نفسوا انا ليه بضيع زمني هنا اتحاور واتناقش واقول واكتب في كلامي الفارغ الكتير دا، وهل صعب انو الواحد يمشي يبقي بتاع امن ويضبح وقتل وينهب ويسرق ويملا جيوبوا بالدولارات ويبني قصور ... لكن في لحظة الواحد ممكن يعمل كل القلتوا دي بسبب ناس بطردوك بس بي سبب الالفاظ والكلمات والعناوين وممكن تتحول لي حاقد وهاك يا ضبح ... والله الرفاهية النحنا بنمارسها معاكم هنا دي بسبب الممكن والمحتمل وانو ممكن يوم نبقي ناس مع بعض في زريبة السودان المساحتها مليون ميل وما شايلة الناس... وزي ماقالوا النفوس كان طابت اللقمة بتاكل مية... والاستفزاز والاستعجال ممكن يدمر اي حاجة حلوة جوانا وجواكم وتستمر حركة التاريخ في الكراهية والكراهية المتبادلة بسبب زول ما عارف انا بقول في شنو وياريت لو عندوا الاستعداد او الرغبة يفهم انا بقول في شنو... والله انحنا الوقت البنكتب بيهو ونتحاور بيهو هنا كان ممكن نستثمروا في الخرطوم وكان ركبنا عربات مرسيدس وعملنا قروش ولاقيناكم في بوابة مطار الخرطوم وجدعنا ليكم اي كتاب في البحر ... مش لانو نحنا فاهمين الكتاب دا بس عشان العنوان ما عجبنا ... ولو جينا للسرقة والاونطا مافي زول احسن من زول ... والناس الشردوا الاساتذة في جامعة الخرطوم وغيرها ديل وطردوهم واعتقلوهم وضربوهم وعذبوهم ديل احسن مننا بي شنو .-الطردوا الاساتذة ديل هم صحي جنوبيين ولا حاجة تانية ...؟!!- وهسي الجانب السئ هو القاعد يتقدم في السودان رغم انو الجانب الايجابي موجود لكن الناس بتدس الجانب الاكويس دا وبطلعوا التاني السئ لانو الجانب السئ دا هو الفيهو القروش والعمارات والعربات ... ويا بكري انا بتكلم معاك برؤية مختلفة وبي فكرة مختلفة وبتعامل معاك علي اساس اختلافك التاريخي دا ، المنبر دا ممكن يتحول لي دار نشر وممكن يساهم في تعديل مسار البلد دي بطريقة مما ممكن يصل ليها زول تاني لا بسياسة ولا بي مظاهرات ... ما تسمع كلام الناس البشعبطوا في الكلام وهم ما مقدمين اي حاجة في البورد دا ... واتمني يا بكري انك تلقي وقت تقرا الكلام دا ، قبل ما يمشي مزبلة التاريخ الاسفيري ... سلامتاكم لاكو
05-14-2008, 07:35 PM
Bashasha Bashasha
تاريخ التسجيل: 10-08-2003
مجموع المشاركات: 26621
Quote: انا محسن دا قاعد في كندا وبقطع جزء مهم جدا من وقتي اللي هو بالدولار ، وبشتغل غسال صحون في مطعم ، عندي اهلي هسي في الخرطوم ممكن يبقوني وزير او ضابط في الامن اذا انتو بتفتكروا انو الموضوع ضياع زمن طيب انا ما موفرة لي سلطة وعندي قبيلة عندها قوة ... لكن في زول هنا سال نفسوا انا ليه بضيع زمني هنا اتحاور واتناقش واقول واكتب في كلامي الفارغ الكتير دا، وهل صعب انو الواحد يمشي يبقي بتاع امن ويضبح وقتل وينهب ويسرق ويملا جيوبوا بالدولارات ويبني قصور ... لكن في لحظة الواحد ممكن يعمل كل القلتوا دي بسبب ناس بطردوك بس بي سبب الالفاظ والكلمات والعناوين وممكن تتحول لي حاقد وهاك يا ضبح ... والله الرفاهية النحنا بنمارسها معاكم هنا دي بسبب الممكن والمحتمل وانو ممكن يوم نبقي ناس مع بعض في زريبة السودان المساحتها مليون ميل وما شايلة الناس... وزي ماقالوا النفوس كان طابت اللقمة بتاكل مية... والاستفزاز والاستعجال ممكن يدمر اي حاجة حلوة جوانا وجواكم وتستمر حركة التاريخ في الكراهية والكراهية المتبادلة بسبب زول ما عارف انا بقول في شنو وياريت لو عندوا الاستعداد او الرغبة يفهم انا بقول في شنو... والله انحنا الوقت البنكتب بيهو ونتحاور بيهو هنا كان ممكن نستثمروا في الخرطوم وكان ركبنا عربات مرسيدس وعملنا قروش ولاقيناكم في بوابة مطار الخرطوم وجدعنا ليكم اي كتاب في البحر ... مش لانو نحنا فاهمين الكتاب دا بس عشان العنوان ما عجبنا ... ولو جينا للسرقة والاونطا مافي زول احسن من زول ... والناس الشردوا الاساتذة في جامعة الخرطوم وغيرها ديل وطردوهم واعتقلوهم وضربوهم وعذبوهم ديل احسن مننا بي شنو .-الطردوا الاساتذة ديل هم صحي جنوبيين ولا حاجة تانية ...؟!!- وهسي الجانب السئ هو القاعد يتقدم في السودان رغم انو الجانب الايجابي موجود لكن الناس بتدس الجانب الاكويس دا وبطلعوا التاني السئ لانو الجانب السئ دا هو الفيهو القروش والعمارات والعربات ...
عزيزي محسن طه ... هناك رهط كبير حولي يتابعونك ويقرؤنك السلام هم لم يشهدوك مثلي عندما كنت برلوما في مدرستكم لكنهم رغم ذلك يحبونك لك التحية
يااخونا عدييييييييييل كدا ... نور الدين صلاح الدين... واصدقائك الفاهمين ...
المسالة يا نور الدين وصلت مرحلة متازمة وخطيرة ... الموضوع بقي اسود وأبيض ويتطلب من الواحد انو يكون في المساحة الرمادية، والضبابية... والواحد الا يكون قاعد في لندن باعتبارها عاصمة الضباب لكن في السودان يفتح الله ويستر الله، في بلاد الضبان الماعندنا ليهو بف باف دا، وممكن في اي لحظة يصيبك الاسهال والدسنتاريا البوديك المقابر غير مأسوف عليك ... قصر الكلام احسن نخش توش في الموضوع... السودان بشكلوا الحالي دا والموروث من زمان اولاد جون اتخارجوا ... دا بالنسبة لي انتهي ومفروض ينتهي لي ناس كتار علي مستوي المفاهيم ولافكار والايدلوجيات علي الاقل... الموضوع في السودان اخذ زاوية بليدة جدا وبقي قبيلتي وقبيلتك رغم التطور البشري اللسه ما جينا بي طرفوا رغم ادعائاتنا الكثيرة والمسيخة، والا ما كان لحدي اليوم انحنا في محك (قبلتي وقبيلتك) و (لونك ولوني)و (واصلك وفرعي)و (الدين والدولة) و (الهوية والاقليات) و (انت عب وانت جلابي)... طيب خلاص احسن نقيف هنا عشان ما كل مرة يجي زول بليد يقول لينا كلام فارغ يشغلنا بيهو عن اللحاق التطور البشري الحاصل في الدنيا دي... الناس اهدرت وقت طويل دايرة في نفس الحلقة الفارغة، وكلوا ما يلفوا يجوا راجعين ومرجعننا لي نفس النقطة البدينا منا اللي هي قبيلتي وقبيلتك... اوكي الموضوع ينتهي ... وانحنا نمشي للجماعة ديل ونقدم ليهم فروض الطاعة وحتي لو عايزين الجزية بندفعها ليهم، وعلي استعداد انو نغسل هدومهم الوسخانة وننضف الزبالة بتاعتهم ونكوي ليهم ونضف بيوتهم... ودا اصلا ما عيب ولا حرام الموضوع هنا كيف انت تكسب قرش زي ما بقول مقدس الثقافة العربية(الاسلام) حلال وبي عرق جبينك يعني تتعب فيهو... مش تلقاهو سااااهل وبارد زي الناس المابشتغلوا وبصرفوا ملايين، وبفتكروا انو الاعمال المتواضعة اليدوية والحرفية هي من مهن الموالي والفروخ والعبيد (ارجع لي كتاب صاحبك محمد عابد الجابري العقل السياسي العربي) حتفهم اكتر انا بقصد شنو بالحتة دي ... وطبعا كتاب الجابري دا اخوك زمان جدعوا في الزبالة لانو عمك الجابري ضيع وقتوا وزمنوا واجتهد جوا الجماعة العرب (الحقيقيين) طلعوه ليك هو وصاحبي التاني (اركون) انهم ناس (امازيق وبربر وطابور خامس لجبهة البروثاريو وخونة ومارقين علي وصهاينة علي الثقافة العربية الاسلامية وكمان بعد دا كلوا صنفوهم امبريالين ) وما عرب وماعندهم حق يجوا يتطالوا يهبشوا حاجات العرب وكمان يكتبوا كتب عن نقد العقل العربي والاسلامي ... ويتفلسفوا ويعملوا مفكرين ومفتحين زي ما نحنا كنا بنعمل في (مدرستنا) (كرسي النص) القلتها ديك ، ونمارس الممكن والمحتمل ، ولسه زي مابقولوا السياسي لازم يفكر في بكرة والمحتمل ، ولحدي يوم الليلة ما زلنا نمارس الكلام دا حتي بعد انقطاع الكهرباء ومافي شمعة حتي ...ممكن بكرة - المستقبل – الناس تتعلم انو السياسة في نهاية التحلية والبسكويت والجلي والكستر ، هي ببساطة (فن ادارة الاختلافات) (القبلية والسياسية ) وانك يا لاكو اووطو خلي اسم لاكو دا وتعال معانا خش في الاحزاب الخرطومية ، ولانو اسمك دا شوية تقيل علي اللسان العربي شوف ليك حاجة كدا خفيفة تخلينا نقدر نباصر ليك الحاجات ويوما ما ممكن تكون الامين العام للحزب (الاتحادي او حزب الامة او الحزب الشيوعي والجماعة العاملين فيها قوميين ديل) – فرق برشلونة وجوفينتز و انترمينال الدولية بالسودان - . بعد داك جينا اكتشفنا انوالموضوع بدل برشلونة بقي بشتنونا وبدل جوفينتز بقي جافونا، وبدل انترمينال بقي لعب عيال. ومستعدين يجيبوك في ندواتهم تتفاصح وتتكلم الدين والدولة والهوية، هو شنو يا جماعة الموضوع بقي اغاني الحقيبة الما بخلص اصلا المن ما قمنا بمرقوا منها ولي هسي الحقيبة دي مليانة...؟؟ اها بعد داك يا عبد ترجع دارفور ولا فاشودة بعد ما كنت قومي بتمارس الفصاحة مع بشتنونا- عفوا برشلونا- ترجع تلقي الشياب ما عندهم ادبخانات ما عندهم مستشفيات ومامدارس انشاء المدارس العرشها برش وحيطانها شوالات، ترجع الخرطوم تقول تتفاهم معاهو في الموضوع بالحنك العربي حق الافلام داك، وبدل تكون (معارضة) يقولوا ليك ياخ خلوها (مناصحة حسب فقه الضرورة الاسلامي العربي وفقه الضعف والخنوع عشان رفع صوتك امام سلطان المسلمين ممكن يدخلك النار يوم القيامة وقبل يوم القيامة في القبر بكون في دبيب بدق فيك لحدي يوم القيامة دي ذاتهاوبرضوا يا جماعة خليكم ناس معاوية ابن اب سفيان القال لانحول بين الناس وبين السنتهم ما لم يحولوا بيننا وبين ملكنا ). خلاص قلنا ليهم ياخ كويس اقعدوا انتو الملوك وخلونا نحنا الرعية والموالي والمؤلفة قلوبهم ... قال لا لا لا (ان السيف ادصق أنباء من الكتب) اها جدعنا الكتب في البحر واولهم الجابري واخوه الكاشف اركون غير مأسوف عليهم - وهم اركون والجابري ديل دايرين شنو ولي مصلحة منو...؟- . اها يا عمك قلنا بعد دا خلاص ما دام دي الوهمة ، اي زول يكون الحجاج ابن يوسف (واني أري رؤسا قد اينعت وحان وقت قطافها) وياهو انحنا بقينا هسي في مرحلة (الحجيج والضجيج وقطع الرؤوس بالسيوف) الياريت لو كان فيها شعر، رؤس وشعرها قرقد. الخطورة وين ، الخطورة في انو لاكو - محسن ود الاهلية والنادي الامريكي والسوري -مضطر يشيل الكوكاب والدرقة والحربة ويلبس لبس خمسة حق الحرب، لكن السؤال هنا... حربتوا دي يوجها لي منو ويقطف راس منو ...؟ ويغتطس حجر منو ...؟؟ ومحسن جا الخرطوم ليهو عشرين سنة واتربي مع (خالد اب زيد الشايقي) واكلوا سوا ولعبوا وشربوا سوا، واشتغلوا في (سوق ستة سوا)هسي يا نور الدين هسي الماشي دا لو استمر بالطريقة دي ، محسن دا يمشي يقتل (خالد) دا كيف وبي ياتو سبب.. وهم بيتم زي بيتنا لا عندنا فحم لا عندنا طايوق لا عندنا ويكة والحاجات دي لو في كلنا بنتبادلها مع بعض، وخالد لو عندو طرقة كسرة بجيبها وبجي لي محسن في بيتو، ومحسن لو عندو الف جنيه بجازفوها سوا... طيب هسي (خالد اب زيد) دا ما شايقي وعندوا قريبوا (علي عثمان محمد طه) ولاكو دا عندوا (سلفاكير) خالد دا هسي شغال طباخ في جدة في السعودية ولاكو دا داقش في بلاد العم سام بغسل في الصحون في المطاعم. في لحظة كل العلاقة البينا الليها عشرين سنة ممكن تتنسف في لحظة ونقيف الف احمر لحدي (ماراس واحد فينا يكون في الواطة) ودا بسبب ناس بفتكروا انهم بمثلونا، ياخ انحنا زيتنا ودينا طالع. طيب السؤال الضبح والكتيل دا ممكن يقيف كيف..........؟؟؟ انا حا اواصل ليك ....
سؤالنا كان ... الضبح والكتل دا ممكن يقيف كيف ....؟؟ الاجابة ... كالاتي :- صراحة انا ما بقيت بالحيل علي ما يسمي (بيانات الاستنكار والادانة) مما يسمي بـ (مؤسسات المجتمع المدني والاحزاب السياسية والشخصيات القومية والمستقلة والمحايدة)... وليه ...؟!! لي سبب بسيط كل المذكور اعلاه في السودان الحالي دا ماااااااااااافي ولو في جدلا قاعدة بشكل رمزي ، لانو الموضوع ما محتاج ورقة عشان تحدد فيها رايك التاريخي حول ما يجري، دار الوثائق مليانة بالورق الابيض ، لكن هسي انحنا عندنا الاوراق الحمراء زي الدم... لنو جماعتك الفوق ديل زاتم انا تاني ما حا اصدق فيهم زول ، كلهم بدون استثناء ومستعد اجيب اساميهم واحد واحد. لانو قبل خمسة سنوات انا كنت قاعد في الخرطوم دي، ودارفور دي مولعة، الناس ديل في واحدة من المراكز المدنية دي عملوا احتفال ومهرجان وطلعوا مذكرة ادانة للجتمع الدولي تضامنا مع العرب في لبنان وفلسطين، وتنديدا بالاعتداء الغاشم من قبل اسرائيل، واحد من الناس المحترمين الكانو بمثلوا الامل جاب لي الورقة وقال لي امضي يا لاكو ... وناسين تماما انو في جوبا حقتنا دي 1992 الحركة الشعبية ضربت جوبا،اها الناس المدنيين وضباط البوليس والجيش الماعندهم لا ناقة ولا جمل في الدواس دا ودوهم (البيت الابيض في جوبا) وانتهوا منهم ضبح ليه لانهم طابور خامس زي ماهم بفتكروا، نفس السيناريو البحصل في الخرطوم دا ... ناس زيل ديل انحنا نقعد نحنس فيهم لي بتين ونوريهم انحنا البحصل علينا شنو ولسه محتاجين مننا شرح عشان نوريهم انو (المعفن الاسمو الترابي ) كان بعمل في شنو فيما يسمي بـ(الرسايل الحضارية). وبي صراحة الناس ديل شكلهم زي الكانوا مفتكرين انو الترابي دا كان بوزع في رسايل غرامية للجنوبيين ديل، ويجوا بدون خجلة ولا اختشي ويوقل لي امضي لقضية ما تخص السودان ولا بتخصني انا شخصيا ولا اي جنوبي في السودان دا.. وانا القدامي شايف اولاد فلسطين الجبجبوهم الحضاريين ديل بجوا جامعة الخرطوم بقروا ملح - عفوا منح - وبعد دا كلنوا بشاركوا في ضرب وقمع مظاهرات الطلب السودانيين في الجامعة وشايلين سيخ، واحتمال يكونوا ضباط وعندهم رتب في الاستخبارات السودانية زي ما يشاع انو المدعو (أسمة ابن زفت) كان عندوا رتبة كبيرة في الاستخابرات السودانية - تجاوزا- اها يا جك الواضح قالوا ما اضل انا فيما يسمي بالمؤسسات المدنية في السودان دا ، انا كااااااااافر عديل كدا وخلي الله يوديني النار بالمزيكا كمان، في بس مؤسسات طبيعية وهي (القبايل) لو جينا للكلام النجيض . طيب هسي حاليا الناس بتكلموا انو(الشوايقة والجعليين والدناقلة) هم الماسكين السودان - نخت التلاتة ديل هنا وبي حزر شديد لاعتبارات اخري كان جا النقاش نتكلم فيها دا لو حيكون في نقاش تاني - كدي نفترض انو القبايل دي ماسكة السلطة طيب شنو المفروض انو القبايل دي تعمل عشان النزيف يقيف. (((((((الناس ديل يشيلوا العمد والشيوخ بتاعينهم ويمشوا يعسكروا قدام (بيت الحيكومة حق الجالوص الاسموا قصر غردون دا ) دا لو افترضنا حسن النية -( لانو شيوخ الشوايقة والجعليين والدناقلةحيلاقو نفس مصير الجامعة الودوهم البيت الابيض في جوبايضبحوهم ويقطعوهم واحد واحد ويرموهم في النيل القدام بيت الجالوص )-يختوا اولادهم ديل في البرش في الواطة دي ويقولوا ليهم اسمعوا يا اولادهوي انتو الكلام البتقولوهوا دا وبتعملوا بي اسمنا دا نحنا ما دايرنو وابدا ما ممكن دا يكون حركات اولاد عرب، ولا دي اخلاقنا وبطلوا الكضب دا وانتو ما بتمثلونا ولا شئ، سودتوا وشنا وجيبتوا لينا الموت والكراهية بينا وبين الناس، وكان جينا للكلام العديل يا اولاد انتو الشمالية دي ما سويتها لينا لندن ولا عمرتوها ولا صلحتوهالينا متل جدة ولا الدوحة ولا سيتوها متل الرياض ، اهلكم لسه بردوا الموية وبركبوا الحمير وببولوا في الخلاء وببيعوا الطعمية في محطة الباص والقطر، الكلام الفارغ البتسوهو باسمنا دا خسرنا بعض كسودانيين، واها شايفين كل زول داير يطير علي جيهة، وتاني ساي كان داير تقول لي اخوك ازيك بلقطك بي العكاز في راسك ولا يطعنك بي سكينو - ودا الحايحصل - اها يا اولادنا الكلام دا لازم يقيف الليلة قبال بكرة والفتن دي لازم تنتهي والا انتو لا اولادنا وبنعرفكم ومتبريين منكم لي يوم القيامة.. وكان الكلام دا صعب عليكم خلوا الحيكومة دي التطير لكن ما يكون دم برئ في رقابكم وفي يدينكم يوم تقابلوا ربكم)))))) كدي خلينا نكون واضحين ، وزي ما بقولوا الصراحة راحة... الناس ديل من ما جوا طردوا كم استاذ في الجامعة، وما معقول في جامعة الخرطوم ولا اي جامعة تاني يجي طالب وزميلتوا يدخلوهم كل واحد بي باب وبعدين يتلاقوا جوه علي بعد خطوتين من البوابة الحضارية. وما معقولة يكون في بروفيسر وعندوا اتنين دكتوراة في قسم الجغرافيا ومن قبلية الشوايقة ذاتهم - ما عايز اذكر اسموا عشان ما اذكروا بالمهازل والاهانات الحصلت ليهو في البلد دي- انو يرفضوا يدوهوا ماهيتو لانو ما رفض يخش الدفاع الشعبي الاسلامي، دا غير معسكرات طالبان وحسن نصر الله وحماس الكانت في الميدان الشرقي في جامعة الخرطوم. ناس بقبلوا بي حاجات زي دي ما عايزين معاهم اي وحدة قايمة علي الدين والشريعة والثقافة العربية الفلسطينية والناصرية والبعثية والجمهورية الاسلامية والصحوة الاسلامية وخت جنبهم الكوجان العندنا الاسمو المشروع الحضاري ، انحنا حضارة زي ما بتنفع مامعانا عايزين نقعد في تخلفنا دي كــ(عبيد وفروخ موالي ومؤلفة قلوبهم وبلاليين ). بنامجنا معاهم حيكون علي اساس اقتصادي دا لو هم دايرين ولو ما دايرين برضوا ما مشكلة، وياهو انحنا في الجنوب ماشين كويس طردنا بنك البركة وفيصل والحاجات الاسلامية دي اديناهم شلوت وقلنا ليهم امشوا مناطقكم الحضارية هناك والله معاكم وغنينا ليهم غنية العطبراوي (يازول شتت لي محلك الفي سنتر قريش هناك). دي الطريقة الوحيدة الممكن تمنع التهميش بعد دا، لانو كلوا ما نحاول ونغير اسماينا من لاكو لي محسن ومن شارلس لس شاذلي ومن لويجي لي مليجي، ما نفع، ودي الطريقة البتخلي البلنجاتو والهوكات والضبح يستمر وما يقيف لانهم عايزين السودان دا يقوم علي اساس دين واحد ولغة واحدة ولو اصلا مشكلة دين واحد ولغة واحدة وثقافة واحدة طيب ناس دارفور ديل بضبحوا فيهم ليه هسي، انساك مننا نحنا الكفار ديل واصحاب الكريمات الاعتقادية والنصاري الماشين النار بودن تاشيرة... وزي ما بقولوا نار مضمونة ولا جنة مجهجهة، خلونا في تخلفنا عن الرقشةالحضارية دي وكفي الله الناس شر الضبيح.الناس البفتكروا انهم بمثلوا الشمال دا الشماليين يطلعوا بره يحسموهم لينا، زي الفرنسيين القعدوا في الشارع ستة شهور لحدي ما المشكلة اتحلت، لانو بعد دا انحنا ما مسؤلين عشان نظاهر في الشوارع ونخش المعتقلات والسجون واهلنا يموتوا واولادنا يتشردوا لي زول لسه بتجادل في الدولة والدين والشريعة والهوية والديمقراطية... العايز ديمقراطية زي الصادق المهدي دا يمشي يجيبها براهو والمرغني كمان ونقد واي زول جاي من مناطق الحرب والضبح والكتل دا لو اشترك في مظاهرة حتي لو سلمية ساي يكون خاين، لانو انحنا دفعنا ثمن احلان الآخرين ولسه بندفع وبرانا. ونحنا كناس واطة وهامش نطلع بيانات زي البتطلع هسي ومكتوبة بالخطوط العريضة في اي لافتة ، ونستنكر وندين الكاسوري والكوماج بين ابناء قريش، وحا نكتب في بياناتنا، انو العبيد والموالي وابناء الهامش في السودان يستنكروا ما يفعله ابناء قريش ببعضهم، ونذكرهم انو دي اصلا ما اخلاق اولاد عرب..وانه المسلم اخو المسلم كالبنيان يشد بعضه البعض، ونرسل ليهم ناس يعملوا ليهم جودية من الاود الهامش الدرسوا في الازهر وجامعة امدرمان الاسلامية والقران الكريم وافريقا العالمية كقوات (لحفظ السلام الديني بينهموتذكيرهم بما جاء في الكتاب والسنة وكيفية حل مشاكلهم وعدم الخروج علي امير مؤمنينهم عمر البشير حفظه الله). لكن السؤال ليه التفكير بقي بالطريقة دي ....؟؟؟ برجع اوريك بعد شوية ... لاكو
طيب السؤال كان للمتابعين الموقف عن قرب وبي صدق.. ليه التفكير بقي بالطريقة دي ...؟؟؟؟؟
تابعونا خطوة خطوة والحجل بالرجل وبنمشي معاكم بكل الخطاوي البيانات الممكنة ورسايل الاستنكار والتنديد... نمرة واحدة :- لو الموضوع موضوع ورقة وقلم مافي زول احسن من زول .. وناس لامين لي في جريدة ولا جريدتين ودايرين يتكلموا لينا عن تحليل وتفكيك الدين والدولة والهوية والشريعة والعلمانية ودي قضايا طبعا لا تخص العبيد من قريب ولا من بعيد.. لسبب بسيط ما ممكن تلاقي ليك ناس عاملين معارضة وعلمانيين ومستقلين ومحايدين وامة واتحادي وشيوعي وناصري وبعثي وما معروف شنو شنو. ويشبكونا في الجرايد اسرئيل ولبنان وايران والوهابية والتكفير والهجر والامر بالمعروف والنهي عن المنكر .. متلمين لي في بيان مؤسسات المجتمع المدني دا ... لا لا لا كلام زي دا ما بنفع بي تعريفة، يا اما يطلعوا يحلوا ليناموضوع عمر البشير وصلاح قوش ديل وناس شيخ علي عثمان وما بهمنا بي ياتو طريقة كان بالمناصحة كان بالجودية كان بالدق ولا كان يجيبوا اهل الحل والعقد.. يا الجماعات دي تجي تشيل معانا السلاح عديل ويخوشوا الغابة دي وننتهي من الموضوع بشرط ما يجي واحد فيهم تاني يقول انا قبيلتي وانا جيت منو وانا ود منو ، كلنا بعد داك نبقي اولاد البلد دا متساويين في الحقوق والواجبات ، ومافي زول يجي يقول بدر بس ود البلد وفاطمة بس بت البلد، ويبقي جون ومحمد وفاطمة وميري وناشانجوك ولاكو ونصر الدين كلهم اولاد البلد ... وانو مؤسسات واحزاب وقوي المجتمع المدني دي رئيسها ممكن يكون مسيحي - قبطي باعتبار انو لونو فاتح قصرنا معاكم خلونا نحنا الوشنا زي الفحم دا- وممكن يكون انسان لا ديني وممكن يكون كافر عديييييل ما عندوا اله لكن عندو راس ومؤهلات لي انو يدير ... لحدي يجي اليوم الممكن يكون عندنا حزب ديمقراطي زي البمثلوا اوباما دا الاسود البصوتوا ليهو اولاد الخواجات ديل الممكن يبقي رئيس الواطة دي (العالم). واي ندوة موضوعها الشريعة والهوية وما شاكلته دي بتخص قريش وما بتهمنا ، واي مظاهرة طالعة للاسترداد الديمقراطية المشلتة من ناس قريش ، دي مسالة داخلية تخصهم براااااااهم..انحنا ما عندنا دخل فيها (كفروخ وعبيد وموالي..) وبصراحة ما عندنا وقت تاني عشان نحنس زول ونقول ليهو في علوم انسانية وبتقول ما مفروض تعاملنا بعنصرية، الداير يقول علينا عبيد دا من حقوا الديمقراطي، لمن نكون معاهو في سنتر قريش (الخرطوم). لانو الصراع بالشكل الحالي دا ، دا صراع بين ما يسمي بالشعوبيين (المجموعات المسلمة من غير القبايل العربية واطلق عليهم التاريخ اهل التسوية لانهم كانوا بطالبوا بالمساواة ما بين العرب والعبيد).. طيب السؤال نحنا حنكون وين ، وفي ياتو ضفة قاعدين نتفرج عليكم لحدي ما تحسموا القضية دي ...؟؟؟؟ بجيكم تاني عشان اوريكم حنكون وين لاكو
هل هو الخوف من الكلمة.. ام هو خوف من انكشاف عورة وعي الذات الغير مستور اصلا؟..
و الذات يا شباب المعنية هنا.. هي الذات السودانية.. بكل خوفها..انكسارها .. فرحها.. فواجعها.. نفاقها.. صلاتها.. ترانيمها.. كلامها.. اطلاعها..انقلابها..تمردها.. غبنها..و ازبهلالها..
و لأني في سؤالي قلت بطريق التقرير و الإقرار.. انها ذات ، وعيها غير مستور.. فالحتة دي متأكد منها..و عندي الشواهد.. لا اتحدث هنا عن الأخلاق..و ضرورة ضبط الخطاب..لأنو لو جينا نتكلم في الحتة دي ح نلقى أي ذات سودانية (كفرد /ة بشري) عندها اخلاقها الحريصة عليها..و ده ما عيب..عشان كده ما دايرين نتكلم عنو.. لكني اتحدث عن انشطار الوعي..و هو محل العمل العقلي .. اكتر من العاطفة..
كبر
05-16-2008, 03:41 PM
Kabar Kabar
تاريخ التسجيل: 11-26-2002
مجموع المشاركات: 18547
في سنوات التسعينات.. هاجت و ماجت بعض من فلول الأنتلجنسيا المندحرة (انا شايف كده انو الطائفة دي مش مدمنة فشل و بس كما حدثنا دكتور منصور خالد.. لكنها مندحرة عدييل كده)..ورفضت تدريس رواية "موسم الهجرة الى الشمال" للطيب صالح..اها الفلول المندحرة دي..رفضت هذا الأمر بتبرير غريب جدا.. انو الرواية دي فيها وضوح ..و التبرير ده فيهو حقارة لكل شباب و شابات السودان.. البتصر عليهو العقلية البطرياركية الحاكمة في حكومة الوعي السوداني.. بأنو طلبة و طلاب الجامعة ديل شوية شفع ساكت و ما عارفين كوعهم من بوعهم.. اضافة لذلك .زتجاهلت البطرياركية الحاكمة في السودان (حكومة الوعي يا شباب.زمش حكومة السياسة.. عشان ما تدخلونا في حيص بيص ساكت)..انو كونوا واحد اتجرأ و كتب ليهو رواية بتدرسها اكتر من مئة جامعة محترمة في العالم..هو زول سوداني..و السودانيين و السودانيات.. قروها قبال ما المؤسسة الأكاديمية في السودان تنتبه ليهو.. طبعا المؤسسة الأكادمية دي .. زي الزول الحارس ليهو جدول موية في حواشة..و ربط سنارتو في رجلوا..و اخد ليهو دقسة.. و كل ما تمر حركة جنب السنارة .. بتلكزو و بتصحيهو..ما علينا..
اها رواية الطيب صالح.. عمادها كلمة..لكننا كسودانيين و سودانيين مارسنا قدامها انفصام الإنشطار (انشطار الوعي).. بعضنا يقراها سرا (زيها و زي العادة السرية)..و يرسلها لصاحبتو (طبعا بيكون قصدوا تقرا فقرة واحدة.. و كلنا عارفنها هي شنو)..عشان مش تقراها.. لكن عشان هو قاصد حاجات تانية..اها النوع الزي ده.ز ياهو الوقف ألف احمر و قال الرواية دي ما يتم تدريسها في جامعات السودان.. لي شنو؟.. لأنو و حسب عاداتو و طريقة تفكيروا.. مفتكر انو الشباب و الشابات في الجامعات السودانية.ز يفعلوا مثل ما فعل..و في ذلك مفسدة عظيمة..
اذن كانت تلك المعركة هي المعركة الأولي تجاه الكلمة..و انهزمنا امامها كسودانيين و سودانيات..و تمينا الباقي حرب عصابات كلامية..و طلعناها (مرتزقة..و فلول ..و خونة..و مندسة..و مفسدة..و مضللة الضلال المبين.. الخ من المصطلحات التي نعرف جيدا كيف نخرجها بأسانيدها الفقيه و التأريخية كمان)..برضو التجارب ما رحمتنا و منحتنافرص تانية عشان نثبت فيها الإتساق و كده..
كبر
05-16-2008, 03:43 PM
Kabar Kabar
تاريخ التسجيل: 11-26-2002
مجموع المشاركات: 18547
مرة السنوات..و بعد تلاتين سنة (موسم الهجرة الى الشمال اتنشرت في سنة 1968)..و تاني جانا واحد سوداني تاني..و داهمنا بليل و ابتدر معركة جديدة للكلمة..و كان الواحد ده يا شباب اسمو محسن خالد..و برضك المعركة اتمايزت فيها الصفوف..و بقينا في حيص بيص..و نفس العقلية البطرياركية الحاكمة حكومة الوعي السوداني.. كشرت عن انيابها..و سنت سكاكاينها ..و اقامت المسلخانات لمحسن خالد..و نفس الفكرة الإتحاربت بيها كلمة الطيب صالح.. برضك اتحاربت بيها كلمة محسن خالد..و ادانها من ادانها ..و حاكمها من حاكمها (المحكمة عقدها اثنين من القضاة هما اسحق احمد فضل الله و على يسن..و فتشوا النت بتلقوا الكلام ده قاعد في جخانين النت)..و شجبها من شجبها..و تشنج من رفضها..و ده كلو بسبب شنو ؟.. بسبب الوضوح ..و اوعي واحد/ة.. يجي يقول لي كيف الكلام ده و نحن الشعب الذي ابتدع مبدأ (الواضح مافاضح)..
05-16-2008, 03:45 PM
Kabar Kabar
تاريخ التسجيل: 11-26-2002
مجموع المشاركات: 18547
اها محسن خالد.. قال كويس يا العقلية البطرياركية الحاكمة الوعي في السودان..وكتين خايفين من كلامي .. انا كلامي ده بعرف بقولو كيف ..ووين ..و متين..و قامت الأنتلجنسيا الفاخرة (في سودانيز اونلاين.. حفظه الله ).. رصدت ليك محسن خالد..و تابعتو..و حسبت كلماتو..و بعد داك استدرجتو للكتابة هنا في فضاء سودانيز اونلاين..و غيره من الفضاءات الإسفيرية السودانية..
اها محسن خالد لأنو حريف ..و عارف انو السودانيين ديل ما فيهم ضمان..قام دردق ليك الجماعة..و كتب عن الأمثال السرية..و عينك ما تشوف الإ النور..!
امسك.. اطلق.. فعلتك.. تركتك..و محسن خالد يشيل و يشرح و يدافع عن عرينو.. يا اخوانا الكلام ده ما كل الناس قاعدة تقولوا في السودان .. اشمعنا انا؟.. و دبابي الكلمة.. دي بطينة و دي بعجينة..طيب يا جماعة التبرير شنو..بخشم واحد الدبابين قالوا : الوضوح..
اها.. محسن خالد.. يتخيل لي عرف حجم الطابور الخامس في الوعي السوداني..و مشى بوشيه.. يدبر ليهو حال اخر.. عشان يواجه بيهو العالم دي..
كبر
05-16-2008, 03:53 PM
Kabar Kabar
تاريخ التسجيل: 11-26-2002
مجموع المشاركات: 18547
بعدين قام جا اخونا المونج محسن طه.. كشف يمين .. كشف شمال..و بحسن نيه عرف الناقص الناس شنو ..و قال مالو المؤمن مرآة اخيه و اختو كمان..و الناس ديل انا ابقى ليهم مراية لالاية..عشان يشوفوا فيني جبائنهم (يا اخوانا و اخواتنا.. حصل فيكم واحد /ة وقع في عينو جمع لمفردة جبين؟.. غايتو انا قستها على عرين..و جمعتها ليكم..و الجامع الله)..و برضك قام استدرج الناس لكمين..و حصل الحصل..و تاني طلعنا بفكرة الوضوح..و حفرنا الخنادق..و عملنا الكماشات.. عييييييييييك..!
غلطة محسن خالد و محسن طه (خلينا من الطيب صالح لأنو زمنو بعيد شوية)..انهم في قرارة نفسهم مقعتنعين بحاجتين اتنين:
اولا: مبدأ الواضح ما فاضح.. هو مبدأ سوداني اصيل..و ما هو لعب ساكت.. ثانيا: انو الأدب (كجنس كتابة) هو فعلا مرآة الشعوب التي تري فيها ذاتها..
و هنا يا شباب كلنا دخلنا في حيص بيص..ولازمنا دخول الغابة بالدرب العديل..لأنو تأريخ الشعب..و مزاج الشعب..و ثقافة الشعب.. ما ياها القاعدين يقرونا ليها في المؤسسات التعلمية و الأكادمية..لأنو دي مؤسسات بتمارس الإستمناء الفكري و الأخلاقي بوضوح شديد..
عشان كده.. ح نبدأ ثيمة جديدة.. اسمها (الثقافة من المواجهة للتفاوض)..و البند ده عريض جدا..و مرن جدا ..و ممكن يستوعب أي فكرة معقولة..و الشغلانة دي ما ها جاية من فراغ..
زمان كانت المعركة ليه.. قاعدين يقرونا تأريخ الناس التانية..الجاية من سقط لقط.. لكن الليلة المعركة.. مفروض تكون ليه بنخجل من صور الوعي البنتها التجارب فينا؟..
البطرياركية الحاكمة في حكومة الوعي السوداني.. البتخوفها كلمة.. دي بطرياركية عمرها ما مشت في الشارع..و السوق..زيها و زي خلق الله.. الوضوح يا اهلي.. البيبكي عليهو الأخوة الدبابون (بتاعين الكلمة و المطوعيين)..قاعد في شخبطة الحيط في الشوراع..و ادبخانات الطلبة في الجامعات والمدارس..و في كلام الناس الواطه.. في الموصلات..و الشكلات العامة و الخاصة..
و اخلاقنا البتخوفها (كلمة) دي اخلاق صفاية ساكت..و.. تلاتة كفاية و القون صفاية..
عشان كده.. ح نبدأ ثيمة جديدة.. اسمها (الثقافة من المواجهة للتفاوض)..و البند ده عريض جدا..و مرن جدا ..و ممكن يستوعب أي فكرة معقولة..و الشغلانة دي ما ها جاية من فراغ..
المهم الكلام القلتوا دا، مش بند عرض ساي، دا اعرض من ام طرقا عراض... وحا نجي نفكفكوا، وانا لسه جاييك لمتابعة الرسايل الغرامية و(وركي يا قمرية واصنطي القضية). ويا صاحبي في الورطة... قذقذ بي دي لينا رجعة ... وخليك راجيني في السنما الوطنية امدرمان وما تقعد في اللوج خليك هناك مع اولاد شمس - شمس الحرية- والفلم الهندي مستمر لكن المرة دي البطل هو الحا يموت ... وبعد داك انت عارف الناس كلهم بخشوا الفلم وفي راسم البطل ما بموت وحيفضل بطل زي المعتاد...لكن فلمنا دا مختلف البطل حا يموت وفي السنما الوطنية امدرمان... وحتقوم ثورة الحجارة يا ول ابا ... فما هو التاريخ يا فرخ؟ اليس هو اولاً اكل الكجيك ... وبعده الغسيل بصابون الفنيك...؟!! وياها دي ...
(حي موزارت) فرانسيس باباي – 1929 أيتها الضرابة الشاهدة علي المنطق ... والتي ينتهي عندها الحياء، لنستعمل منطق المساومة ... فإنفتحي، وأسمحي بالمرور الي الملاح إلي الملاح المتعطش للجنس ... لقد كان منفياً شهراً بأكمله في المحيط البعيد ... أيتها الضرابة الشاهدة علي الدعارة تخفي الويسكي المقتني من السوق السوداء ... والذي يُعاد بيعه في سوق عصرية وأكثر سوادا... أيتها النزوة الساخرة في ليلة فاجرة ، إنفتحي وأسمحي بالمرور الي النائب الذي وظفوه لتنظيف مجلس النواب وغرفة العاهرة ... طويلة جداً هذه الأشهر التي عفرت جبيني بديون غير شريفة ... لكني لن أقو علي حل منفرد ... فمن صالح الأمة ، أن نشترك في مضاجعة هذه العاهرة... أيتها الضاربة الشاهدة علي الحيرة ، وعلي اسرار الدولة المكشوفة ... قولي ماذا رأيتِ في خيط الكحول المحظور ... في كأس الدهاق التي لا تنضب ... في اللية المخادعة التي يدفعون فيها للجنس ..؟! لقد رأيت الملاح بدون امرأة علي الشاطئ يطفح بالحقد ، ضد البحر الشاسع ويقسم أ، ليس في السباحة عبر الأمواج الزرقاء والرمادية مغامرة لرجل وحيد أضطر الي أن يدفع ليشرب ، ويمارس الجنس وإنصرف نادماً... للمسه الأرض مرة أخري ليسلب من ماله ... أقسم بإيمان الملاح ... أنني لن استسلم للإغراء ... لقد رأيت زوج ماجي يسلب منها كل نقودها التي كسبتها في ليلة تصارعت فيها الأجساد بشدة... وبعد المعركة كنت أحسب الموتي ... رأيت رجل الشارع يدخل وكذلك العامل والبيروقراطي والذي له أو ليس له قيمة ... لقد جاءوا في مساء ما ورجعوا ثانية ... وكان الوزير يلوم نائب مجلس النواب لأنه بحث عن اللذة في نفس الثقب ... ستحكي لي كثيراً عن أن الناس هناك مشوشون بشكل ما ... قل لهم بأنهم يسعون وراء رأس المال فيشرعون في تمجيد الشيوعية ، لكن حدثهم عن الأوراق الإشتراكية وعن حي موزارت ... فسيرمونك في السجن حتي يمنعوك من إستعمال المتاع الوطني ... ولكن انت تعلم أيها الرجل ، تعلم جيداً أن هذا الحي المملوء بالدناءة ليلاً هو نفس الحي الذي يقود البلاد نهاراً. la poesie nigger africaine-anthologie
اوكي الاخوة القراء والواقفين من بعيد لي بعيد (ابعد عن الشر وغنيلوا)
سعالنا – معناها (سؤالنا) لي ناس كركون الالفاظ وخصوصا للشغال نبطشية الليلة عشان مافي زول يفتكر عندنا كحة ولا حاجة – سعالنا : انحنا ها نكون وين من الموقف الهسي دا ...؟! و وين من التاريخ ...؟!! جواب: انحنا حنكون في ابو جنزير ومعانا خنازير .
كدي قبل ما نجاوب، في ناس هنا اتكلموا عن الغزو الاجنبي متمثلا في تشادي المرة دي... اها يا ناس غني يا شادي وافرح الجالسين ، والقليب ممكون وانت ناسيين ... كدي نذكركم والذكري تنفعل القرشيين، وذو الانساب النبيلة والضاربة في عروق اهل البيت . السودان دا ياتو يوم من الايام كان ةدولة مستقلة وذات سيادة بالمعني السياسي والثقافي ..؟؟؟ السودان دا لسه دولة محتلة من قبل الدول العربية والاسلامية، صاح ولا ما صاح ...؟؟؟ طيب كدي نوريكم الاحتلال دا متثل في شنو ... الاحتلال دي ما بالضرورة يكون اجنبي يجينا يجكك ويصنقر واتحكر في قصر غردون حق الزبالة المطرطش بالاسمنت، بالمفهوم المادي للاحتلال يعني وجود جيش زي الزمان حق ابو كدوس غردون باشا الانقطع راسو، واترمي في برميل عفانة التاريخ وسؤال في الحتة دي بالمناسبة (غردون دا منو القطع ليكم راسو وخلاكم تضروا عشيكم في الهبوب وتتجدعوا في سنتر قريش ). والله غايتو ناس الهامش انتو طلعتوا عبيد وفروخ وطابور خامس ضد اهلكم الغلابة ، الموديكم شنو تقطعوا راس الراجل، كان تخلوهو ياخ في سنتر قريش دي يشرب في كدوسوا ويتفسح بالبواخر النيلية، ويشرب الشاي تحت النيمة بمزاااااااااج، وكان تخلو ناس قريش ديل يقطعوا راس الحية براهم، ودا ياهو الدرس الما تعلمتوه من التاريخ عشان تاني لو في واحد جاكم بهناك وقال ليكم عايز واحد فيكم يبقي ابوبكر الصديق ، اول حاجة تودوهوا معرض الجماجم التشكيلي – الزي معرض جماجم رواندا – لاطفال دارفور ، والجنوب وبعدين ادوهو المايك في نص الجامجم دي وخلوهوا يوريكم يعني شنو معني العدالة والانسانية. طيب كدي نمشي معاكم خطوة خطوة انو الدول العربية والاسلامية دي محتلة السودان كيف ...؟ الدول دي محتلة السودان عبر المنظومات السياسية – الاحزاب- الهسي بتتفرج علي اولمبياد الابادة للفروخ والعبيد والموالي في سنتر قريش – الخرطوم – وقبلو جنوب السودان ، علي مرأي من أمير المؤمنين سعادتو المشير اركان حرب المظلي عمر البشير حفظه الله – شايفين العبيد والفروخ والموالي والبلاليين لسه جواهم نلسون مانديلا كيف وبصلوا لي امير مؤمنين قريش عمر البشير.. لكن وين من ديك يتم اولادهم ورمل نسائهم واجعل كيدهم في نحرهم، وقبح وجوههم اكتر من ما هي قبيحة، وابقروهم واضبحوهم واغتصبوهم وفي النهاية طهروا البلاد حتي من جثث الخونة والمارقين والارجاس والانجاس واقطعوا دابر الكافرين حلفاء الشيطان واصحاب اسرائيل ، ويا قرنق ياعمالة انت ما بتراجنا والجهاد نادانا والله اكبر الله اكبر الله اكبر ما لدنيا قد عملنا، جهاد نصر شهادة جهاد نصر شهادة جهاد نصر شهادة جهاد نصر شهادة جهاد نصر شهادة جهاد نصر شهادة جهاد نصر شهادة. اماما اماما جنود الفداء اماما اماما جنود الفداء اماما اماما جنود الفداء اماما اماما جنود الفداء اماما اماما جنود الفداء .لوللولولوولووووووووووووووووووووووووووووو ارمي قدام ورا مأمن . اها دا وين من داك ...؟؟؟؟؟؟؟؟؟؟؟؟؟ نرجع لي كلام الاحتلال العربي بواسطة الاحزاب العربية والقومية والاسلامية علي السودان الجاثمة علي صدورنا والمصنقرة علي بنابرنا، وعلي بروشنا وواطاتنا برضوا. طيب الاحزاب دي ما قاعدين يمشوا يلملموا الاحزاب والقروش من الدول العربية والاسلامية ، ماياهو جبتوا لينا الناصريين والبعثيين الاتنين السوريين والعراقيين وديل كانوا بدوهم سلالالالالالالالالالالاح ودولارات ولا صدام – الذي قبض عليه الامريكان زي الجقر في حفرة الدخان وااااااااااا أسفاه يالعراق أين انت يالحجاج ابن يوسف الا ليتم مناجاتي تصلك لتري ما فعل الخونة الكفار بحفيدك صدام – المهم ... اها صدام دا يا ربي كان بيدوهم ورد اللوز عشان يجوا يوزعوهو لينا في السودان علي قول نزار قباني ..؟؟ (والمقشرين الموز للسلطان حينما يتكل في عنقريبوا حق الدهب داك) خلوا الكلام دا حلقة في الاضان بدل ما تكون الاضان للنضارة اتجاه واحد بس ... النضارة الما بتنفع المساكين العندهم العشي الليلي. ودا غيروا من التنظيمات التانية الماسكة المغالق الماسكة السوق في الخرا توم، والبتجيب القروش من السعودية والعايزين يمشوا هنااااااااك لي اهلنا عشان يدخلوهم الاسلام ويمرقوهم من الوثنية الي النور ذي ما بقولوا حضراتهم . هسي دا احتلال اجنبي ولا ما احتلال اجنبي ..؟؟. بعدين عندكم بهناك الافندي جيفارا العولمة الحضارية الاسلامية اسامة بن لادن صاحب الترابي الحميم – الحمي الراجعة – والقنوشي التونسي وعلي بلحاج صاحب علي الحاج المناضل البانجديد من المانيا بلاد الكفر – هاك المرسيدس دا- وعباس مدني الجزائري، اها يا جماعة السعودي والتونسي والاتنين الجزائريين ديل كانوا قاعدين يعملوا شنو في سنتر قريش دي – الخراتوم قاصدها كدا يا ناس الكركون- يا ربي كانوا بستمعوا لي ام كلثوم ظلموني الحبايب - ؟؟ دا احتلال ولا ما احتلال ...؟ الكلام الفوق دا انا بالنسبة لي احتلال وانا بقولوا ليكم عشان اذكركم وانبهكم انو هناك ذاكرة للتراث الوثني الافريقي لا بتنسي شاردة ولا واردة ، والذاكرة دي هي الهسي ذاتها مدهشة اولاد جون انو كيف الذاكرة دي لسه حافظة التراث دا بدون ما يكون مخطوط علي لوح ولا مكتوب علي كراريس ولا مطبوع في كتب وكمبيوتر، وبتتوارث عبر الاجيال شفاهة لحدي يوم الليلة. وزي ماقال الفرخ والعب( كبر) انو الخواجات مستغربين انو كيف في ناس عندنا هناك لحدي هسي ما محتاجين لي قروش لشراء السلع، لكن البنزنس ماشي بدون الحاجة الريالة والدينارات- عفوا الريال قصدنا- ولا شغالين بالدولار زاتو ، وعنهم بروصة زي حقت نيويروك وهونقكونج و بورصة حمادة تش مالوا ماجا شنبو حش مالوا ماجا (عبد الرحيم حمدي). من هنا ممكن نوريكم التفاوض حيكون شكلوا كيف ، كل السبق ذكروا اعلاه من الاحتلالات الاجنبية العربية الغاشمة علي السودان، دا بالنسبة لينا انتهي فكريا وسياسيا ولا حا نذكروا ليكم تاني يوم من الايام والكلام دا احفظوهو كويس لحدي ما نتقابل ، كان اتلاقينا بالكوكاب والرصاص والضبيح والموت ، ولا كان اتلاقينا في بمبر النقاش وبرش المفاوضات ، انشاء تكون الملاقاة في شرم الشيخ المنتجع الاسلامي بقاهرة المعز .. ولا ما حا نتفاوض مع منظمات المجتمع المدني الماقصروا معانا باصدار بيانات الاستنكار ، هذه البيانات التي تقوم بدور ذبابة الخيل المستمرة في ازعاج الخيل.. ولا حا نتفاوض مع الاحزاب اللسه محتفظة بالكلام الفوق دا ، وبتحلم بالديمقراطية علي ضهر عبيد وفروخ وموالي الهامش .. فموضوع الوحدة دا بقي بضاعى كاسدة وفاسدة ، فالبيانات وضحت بما يكفي التفكير الاستراتيجي لي ناس الهامش العبيد والفروخ والخدم والجواري والموالي ، وهي مفوظة لديهم – يعني في الحفظ والصون - فالبيانات دي بالنسبة لينا نحنا العبيد والموالي والفروخ والخدم والجواري زي المثل البقول (عقرب القش تقرص وتندس). انحنا اصلا ما حا نتفاوض مع زول قاعد في السودان دا وبفتكر انو الافارقة من النوبة والدينكا والشلك والفور والزغاوة والمورلي والبارية والانجواك وغيروا من القبايل الافريقية التي يتم ضبحها وسلخها بجزارة سنتر قريش جاية من القبايل المذكورة ادناه :- قبيلة عنزة.وبلى، وجهينة، وبنو زيد، وخولان، ونهد ومراد، وسنحان، وبنو الحارث بن كعب، وجنب، وعنس، وزبيد ويام، ووادعة، وبكيل، وأرحب، وحاشد، ودهم، ووائلة وغامد، وزهران وخثعم، وفرعيها شهران، وأكلب. بني شهر.وبني تميم.و بني سليم بن منصور.و بني أسد بن خزيمة.وثقيف. بـن كــعــب و وبـن هـــوازم بـن صـــالح بـن شــبـاب (شبابة) بـن فــهــــم بـن مـــالــك بـن كـنـانــه بـن خـزيـمـه بـن مـدركــه بـن ألــيــاس بـن مـــضـــر بـن نـــــــزار بـن مــــعـــد عـــدنـــــــان اها يا جماعة قصرنا معاكم نكتنا ليكم قبايلكم دي كلها عشان تاني ما تفتكروا انحنا ما معترفين بيكم كعرب بعد دا ما حنجادل معاكم في موضوع اصولكم العربية ولا فروعكم القرشية ، ولا جين من وين ولا بسموكم شنو في السعودية ولا غيروا لانو دي مسالة داخلية بتخصكم وليس لدينا حق التدخل في ما يعنينا، مش ديل الجماعة الكان بتكلم عنهم الخواجة عبد الله الطيب في الراديو، القال سنة 1955 للجنوبيين (أين انت يالزبير لترجع هؤلاء العبيد الي الزرايب) وبعد داك دار لستك التاريخ وعملنا اتفاق 1972 وسكنوا ابيل الير في شارع (الزبير باشا). دا ما حيتكرر تاني في السودان دا – والكلام ليك يالمنطط عينيك – ويا البتحلموا بي بكرة وعايزين تجيبوا لينا كسرتكم البايتة ومصوفنة دي تاني ، والله يفتح الله وسيتر الله ، البضاعة دي لا بتباع في سوقنا ولا بنشتريها ، والبضاعة الفاسدة في لستك عفوا اطار- الوحدة الاستنكاحية في بص السودان دا علي مسؤلية صاحبا الجابا ويشوف ليها طريقة يصرفها بعيد عننا نحن الموالي والفروخ والجواري والخدم والعبيد في السودان دا... انا عن نفسي لم اعد من الرعاع في ميدان تسويق التعددية العرقية ونواصل ... عن ثورة الاطفال ... اوقع بكامل قواي العقلية انا العب والفرخ ،المولي سليل الموالي والعبيد اولاد رسول النار الوثنيين من الليلة ولي يوم باكر ... لاكو ... ملحوظة :- اعتزارك ما بفيدك ... والسويتو كان بايدك .
كبر وينك ياعب...؟ اسمع يافرخ انت خليك قدام باب سينما امدرمان الوطنيه واقعد مع اولاد شمس صحبانك اولاد الورنيش وماتخليهم يزهجو من صف السينما الطويل ... وممكن تمشى مغلق ودالشريف تشتري ليهم سلسيون وكل واحد فيهم أديهو تله صغيره عشان ما ينسطلوا وينوموا لينا فى الكوش المليانة بول سكاري ديك وما يحضرو معانا الدور التانى من الفلم الهندى الذى يعرض اول مره بالوطنيه امدرمان وهاكم السلسيون دا. النقطه الاساسيه الثابته...
(ان الحقائق لا تخلق اي معاداه لاى شئ ولكن الامتعاض يخلق و(ينتقى)حقائقه الخاصه به).
نعرب ليكم الكلام الفوق دا وعطفا مننا عليكم بعد تطبيق الامبرياليه العربيه من قبل الخواج اب شلوخ الذى اصدره فتوه تاريخيه بان
التعريب ضروره حتى ولو اتوقف التعليم نفسه(القال الكلام دا منو؟) ........ الكلام الفوق الانجليزى دا ياناس الشريف مبسوط منى وعشان بريد فنى بيقولاى اداة سلاح لو نقشتا-عرفته-تمسكا كويس) او(اى اداة ممكن
تتحول الى سلاح لو وجهتها الوجهه الصحيحه).وحسب فهمنا المتواضيع المتل وضعنا كعبيد العرب.
وقلنا الكلام الفى اول بلغه اولاد جون الخواجات البنو القصر وكليه غردوان الاتخرجو منها خواجات الحركه الوطنيه(كما اسمو نفسهم وهل كان
عندهم خيار؟والتاريخ بيدقدق مساميرو المنتصر) وينعلع ابوك يابلد لو الثورات اصبحت يقودها ابناء الشوارع(ود الشارع عرفتو منو؟)..طيب
الكلام لناس الجوا هنا وقالوا انو خليل استخدم الاطفال فى حربهو الغزره والوسخانه فى امدرمان العاصمه الوطنيه(شوفو مسخرة التاريخ
انو اكبر معقل لتجارة الرقيق تتحول الى عاصمه وطنيه) والقال الكلام دا منو؟ويحليك يابوابه عبد القيوم(البوابه دى كانو فيها ناس
منو مجنزرين؟)...انو ناس دارفور استخدمو الاطفال وهى حقيقه مامنكورة والسؤال هنا لى الناس البطلعو المظاهرات وبيانات الادانه
والاستنكار والويل لصهاينه واليهود وبى قروش الناس الما عندهم دخل بقضيه اليهود والعرب التاريخيه-فلسطين-من زوايه العرق-والعرق
دساس- وليست المبادئ الانسانيه الافريقيه التى كانت تتيح لى ياسر عارفات مخاطبه العالم عبر منظمه الوحده الافريقيه وكتير من الدول
الافريقيه ختتو نافش مع دوله احفاد سيدنا موسى وكمان وقوف الدول الافريقيه مع الجنرال الاممى والدولى العظيم معمر القذافى ايام العصر
المقدره عليهو مصر وزنقتو ومصرتو المتل مصرة صفايه المريسه البيضا من قبل الامبرياليه؟. .. الان نحنا فى عصر الاقمار الصناعيه والوضوح منو بس ماشاف فيكم (النبل والحجاره) التى كان تستخدم كجزء من تكتيك الحروب والوقوف امام
الدبابات والاسلحه الثقيله الاسرائيليه كتكتيك مبرنمج من قبل السياسين الفلسطنين؟ولكسب الضمير الانسانى والتعاطف
السياسى العربى والاسلامى والدولى؟
وهنا فى موضوع اطفال دارفور فى العاصمه الوطنيه السودانيه ممكن نسال سؤال واضح وصريح هل اطفال دارفور
هل اطفال دارفور ثروه( قوميه)؟هل ممكن ان يكونو ثروه قوميه-بفرض الجردل-الجدل- لو كانو فى الخرتوم-مكان امرهم شوربه بينهم-هل
سيصبحو يوما ما ثروه قوميه؟الاجابه لا والف لا والف لا مايهم اولاد واطفال درافور والمناطق الاخرى التى تغلى تحت نار السعير وجهنم
موجودن بكثرة وكثافه عديده فى كل مؤسسات الدوله ومنارات المعرفه الجامعيه يعملون ويكابدون فى مسح وتلميع جزم وبراطيش المسؤولون
والطلاب بالجامعات والمعاهد العليا-ويالها من من مؤسسات لصنع وعى الانكسار والخنوع والجبن- وهم فى مثل اعمار الثوار فى امدرمان التم
التحام لحومهم وتكسير عظامهم-مع صيحات الجلالات والتكبير والتهليل والاستمتاع باكل الموز وحلال ومبرر كجزء من اقتصاديات الغزو والغنيم
- وهل وهل وهل وهل لو مكسوا فى ديارهم واكتفو جلسو على الارض وهم ممسكون باللواح الزكر الحكيم وعلى ضوء نار الحضب والقش وتصبرو على
احلام بكره ويوم القيامه هل سيظلو احياء؟؟؟؟؟؟؟ ان فكرة القوميه والشعور بها سعور طيب ونبيل ولكن اساءلو انفسكم جيدا جيدا-فانا اعرف
ماهى الثروه القوميه-ولكن ماذا تعنى القوميه حقا؟هل تعنى ان-القوميه- ابناء واطفال دارفور؟فرجاء ورجاء لو لديكم زره من الاحساس
ارجوكم ان تقومو بشطب فورا والان قبل غدا مفرده( قوميه) من قواميسكم السياسيه ولى سبب بسيط الان اطفال دارفور على مدخل بوابه عبد
القيوم يكتبون( تاريخ) مختلفه ونهائى ولو بمنطق الممكن والمحتمل وماهو المحتمل والتاريخ يشهد سقوط وانهيار نجوم هوليود الديمقراطين
الزائفون-ياخ ياخ ياخ اخجلو اخجلو فانا من جنوب السودان رغم المرارات والضبح والقتل الذى تعرض عليه اهلنا وقبائلنا وتراثنا
ولغاتنا فى جنوب السودان على الاستداد الان اجلس الساعات الطوال والليالى واكتب-وهو المتاح لى الان-عن دارفور-فما بالكم انتم من لم
تتزوقو مرارت التشرد والنزوح وزاكرة تختزن على الاقل باسماء وملامح وزكريات عشرون شخصا قد راحو فى غضب الله الحضارى من بيت الممشيه
ومعسكرات الرسائل الحضاريه بجامعه الخرتوم - فلماذا يصر وبعناد كتاب البيانات على رسم اشارت بين الحكايه الخياليه والواقع السياسى
على ارض الواقع؟لماذا لم تتريسو قليلا؟ وثورات الهامش هى لحظات المغلوب على امرهم والمستضعفين وجنون الارتياب من اى احد ومن اى صديق
ون اى تاريخ ومن اى حضاره ومن (ومن مماكان يجمعنا) واصبحنا كما قال فرويد ولامنو ماعارف(جنون الارتياب تفسر كل زاويه من زوايا حيث
يضطر
الناس الى انفاق مقادير من وقتهم فى محاوله التفكير بكيفيه (فك)شفرات كل مايقال(وما لايقال)وتصبح الشائعات واحاديث القيل والقال
افضل وسائط الاتصال الامر الذى الذى يفضى الى اوقات ولحظات وساعات ممله لاتؤدى الى ايه حلول نظرا الى افتقاد التحليل الرصين والهادى).
وخلاص اسمعوها كويس(ثوره الاطفال من غير جدال قد حققت شئ واحد هوالتعجيل بما لامفر منه)
التأريخ يا ول ابا .. الفكي ابو كمش خنقو..و فطسو..و شواه بالخوازيق اياها (و برضو تقول لي بيوت اشباح في الخرتوم و بس!!)..و جابو ليهو جاكات جديدة لنج ..صراع فقارات مفردها فقري)..يعني بضربة لازب.. صار القانون.. البره بره ..و الجوه جوه..و هاك يا عولمة..و منتشه عابرة قارات ..و غيرها من الأليات..و نحن ..دي بطينة..و دي بعجينة..و نضرب الببسي و البيرقرقر..و الموفنز (طبعا اديت ربي العجب لمن كان بتكلموا عن المرحوم صدام حسين في اخر ايامو..و انو كان بيفطر بفطائر امريكية.. يعني البريك فاست فطائر..و ياها الموفينز في ذات نفسها.. شفت جاكة الترميز بتعمل كيف؟.. يعني يا ديكتاتور.. نحن فوق راسك و راس اي ضبان ضكر حايم..و ما اقساها لمن تكون عامل فيها عدو الإمبريالية..و في اخرك تفطر فطور امبريالي..ما بتدي حريف مش؟)..و نتفرج في الفضائيات..و شوية شوية.. بدل نقارة.. يكون راب (الراب بالإنجليزي تعني النقرة.. الطرقة الخفيفة..يعني نقارة خيبانة في حسها..)..و الجكسي داخل في وهمة التبديل و التعديل..و الشباب.. بدل دافوري الحلة.ز بقى يتكلم ليك عن المس كول..و الدهانات..و الحلاقات..و ما خفي اعظم..و توزيع السلطة.. اكتر ما يوضحوا .. انو الريس يكون عندو مساعد حلة..و مساعد صاجات.. و براك عارف يا جيك المساعد ان طار ولا رك.. اخرو يترقى من مساعد حلة.. لمساعد صاجات..و الرئيس طوالي هو السواق..مش ياهو نحن الشعب الراكب في الطرورة و ماجايب خبر؟
هنا يا جيك..نحن بندي الرب العجب.. مش دهشة..و لكن قلة حيلة..
زمان ابا ذر.. اتغشا و دخل عش الدبابير..و بطيبة الشباب.. توش راح داخل ليك يمين.. و شبك ليك الدبابير.. لوكاش و ما ادريك ما لوكاش..اها الجماعة.. بعضهم خط الخمسة في الإتنين..و البعض اتمحن..و عقد حاجبي الدهشة..و من باب المغرزة.. اتنسجت حيلة الصمت المتواطئ..و هاك يا سكوت..و هاك يا سكون.. لي شنو..و في شنو؟.. لأنو لوكاش ده خاصة الخاصة..و العارفين بواطن الأمور.. بجيب سيرتو الإ بعد اذن..ولا حضرة كده منجورة من الرأس..
و ها اخانا دلوز.. الله يطراهو بالخير..و ينور قبرو (اشمعنا؟ مش في ناس في السودان بيشعوا نور؟..و تيب..ما دلوز ذاتو ممكن قبرو ينور بفكرة فارقة..شن الفرق يعني؟)..ممكن يكون مدخل لقراية بعض الحاجات..و هنا انا شلت فكرة التفاوض برمتها..و باصرتها في العنوان المنجور..
لأن السؤال يا محسن.. هي شنو الثقافة..و شنو المدخل لتحليلها؟.. يعني اقوم اقرا لي كتاب كتابين..مفهوم مفهومين..واحضر لي ندوة ندوتين..و اباري لي اقلام لقت حظها من الإنتشار.. حتى بعد داك اكون مقبول؟..و لا القبول ده ممكن يتباصر عن طرايق تانية.. منها توطين غريب الأفكار..و مقاربتو..و سودنتو.. عديل كده.. عشان افهم البي و العلي..
و هناك يا صديق.. دايما مبدأ حكم القيم..و التقييم الإستباقي.. يعني عشان اقراك كسوداني.. اول حاجة بسأل نفسي انت شايت وين..و لأنو الشوت في السودان كلو ضفاري.. بتضيع جواهر الأفكار في الزحمة..فرحنا يا صديق مع الفرحانين بحضورك..و بأبتدراك للخستكات.. لكن السؤال: زول بينزف ..معقول يكون بس محتاج لترحيب؟..النزيف الكتابة..يا محسن.. بتمشى و تتعالج بي خد و هات..و الفكرة الثمينة.. دايما بيكتلها الصمت..
ممكن يا محسن اسمع ليك كل مبادئ السيكلوجية الإجتماعية (مش تحليل؟).. لكن لم تجي تسوي لي سيكلوجيا اجتماعية.. بمفرداتي..و مزاجي..و خيباتي..و اوجاعي..(و ده جوهر الخستكة يا حبيب)..بكون حماري و شيخو ذاتو..وقفوا في العقبة..و تبدأ الوساوس الشخصية.. هو شنو الحاصل هنا؟..عنصرية؟..مطاعنة حديث؟..ربربة خارم بارم.. الخ (شفت السودان ده لذيذ كيف؟..السودان العقلية.. قبل المكان و الجغرافيا)..
طيب الحاصل.. و دي مخصوصة لأحباب و اصدقاء و صديقات الخستكات هنا..انو يا جماعة نحن في السودان.. اتجاوزنا (كن رضينا ولا كن ابينا).. فكرة الهيمنة بكل مفاهيمها..و بقينا في مرحلة التفاوض..و التفاوض بيتطلب الندية بين الأطراف المتفاوضة (يعني ده فوق و ده تحت.. خلاص اتلحست)..لكن السؤال منو البتفاوض عن الثقافة؟.. السياسي؟.. المثقف؟.. المفكر؟..الناس الواطه؟..ولا منو بالتحديد؟..
الناس الواطه.. مشكلتهم لسع ما عارفين اقدارهم ..و ميزانهم الحقيقي في كفة الأشياء.. و الغريبة هم طوالي متمسكنين..و مستطيبين دور المستمع الجيد.. و عارفين البير و غطاها.. لكن ليه كده؟
و السياسي.. السوداني خصوصا.. اهم مؤهلاته أنو يكون مستنكح..و يجيد اللف و الدوران..و المقدرة على سرقة الكحل من العين..
اما المثقف و المفكر (التانية دي مجازا.. لأنو السودان ما فيهو تقاليد تفكير فارقه).. فديل الفكرة عندهم.. اقرأ.. احفظ.. سمع..و خليك في الزاوية الضلمة.. عشان تعرف كيف تتصالح مع كوابيسك الخاصة..
شكرا يا محسن.. لأمتاعنا بالفيرشن التاني للتحليل الثقافي و الإجتماعي و السيكولوجيا الإجتماعية.. الواضحة الما بتعرف تلف وتدور..
اها بنرجع تاني بعد ما يتفتح باب الأسئلة و التعقيب..مع انو كل فكرة هنا .. هي عبارة عن باب
كبر ________________________________________ كبر وينك ياعب دا كلامك الكان بهناك فى فى الحى اللاتينى ببلاد النوفييل فرانس(فرنسا الجديده) فى ارض الهنود الحمر التخليك تقول ب(التلج)وكدا، الفى الخستكاك الديب فريزر(رقص الهنود الحمر) فى الثلج وقالو الهنود كانو بدقو النقاره ويرقصو حفيانين فى التلج قبل مايجوهم ناس الفكى اب فرار القال( لمن تعفص الجمرة مسموح ليك تقول -احييى-وبصوات عالى شديد وفى وش اولاد جمع(المزكر السالم) الجلدهم اتخن من جلد القرنتى البكسرو بيهو اولاد الفرخ عشان ينطقو ال(ح)حمير صاح من ناحيه اللفظ والمخارجات اللغويه،وياهو اهلنا الهنود(اولاد بلد التلج) حالهم كحال الفروخ فى بلاد اولاد شمش(اولاد المجوس والنجوس والكلاب الضاله والفروخ البلديه المشويه بنار غابات الابنوس-وين هم ناس غضب الهباباى-لسه بيتلفتو جاى وبهناك-وانحننا قريش القرشين- فمن سيكون نلسون مانديلا السودانى المهدى المنتظر(غيابك طال فى الزمان والمكان)المنتظرنو اولاد الشمش والحردلو البجى يرمى الودع فى سنتر الملاحم والجزارات الفرخيه-وين محمود ود طه؟-كنت بشتغل فى بنشر(فافا)لتفوير اللساتك بحى الشهداء وهو محله اخوهو طه وانا بان جديد فى سنتر قريش وقد حدثنى شقيقه انور المحامى كثير عندما كان بجى يوميا المحله البنشر حقهم ويجلس معانا ارضى ياعبد ويطلب تغير مويه نار البطاريه وشايل عمود الفطور من البيت وصبارت التلج ويقول يلا ياشباب امشو جيبو السمك على حسابكم ومتقولو دايرين قروش ولاحاجه والدكان دا حقنا وبعد دا جبتا ليكم العمود والتلج قصرنا معاكم وارحكم نضرب الفطور ويحدثنا عن اخوهو محمود وكيف الناس الحضارين قطعو عنقه فى كوبر وقال ما عارفين وين جدعو جسمو وبعداك قوم على حيلو ويدخل ايدو فى جيبو وهاكم حساب شغلكم وماتنسو تمشى المدرسه وكان كتبت جواب لى ابوك ماتنسى تقول ليهو انور اخو الاستاذ محمود بيسلم عليهو ومع سلامه نشوفكم بكره. وقلنا يا عب نجيب كلامك الفوق هنا دا بدلا من ما يكون مجكك هناك فى-الخستكات-المكتوبه جمب مكتبه قالمار وندق نقاره ميدان الحمله بحى البرجوازيه(دنقرشوفو) وزمان ود قرف قال:دنقرنا وصلينا فى التراب وضبحنا قرابين للعالى وياعالى ورينا كيف تقدر تساوينا مع اولاد الرسول البيسرقو الحديث واراكى هاربه يااومى من الدكان وتدفنى راسك فى شنطه البوليس والفرخ عبد الفضيل كان نشال ولص والكاشف صحبو عبد اللطيف فرخ وعب وشوارعى كان داير يعمل فيها عب كبير ابو التفاتيح العندو مفاتيح البلد فى ملعب اولاد البلد،و واحد من رعراع التعدديه العرقيه وقالو عليهو اللعب غيرها ياقرقور انت صدقت تلعب فى نادى القراقير طوالى داير تعمل فيها شاشى كابور السنما الوطنيه فى سوق عكاز الامدرمانى الجمب بيت ناس عبد المجيد امام-سليل الشلك- اولاد نيكانق ،واولاد نيكانق لديهم اربعه مكوك قطعو رقابهم من قبل وبعدهم (ود دى مبيور) نجم فريق الاشانتى كتوكو الخطير الذى ارحق بالباصات الطويله والدبل كيك من قبل لاعب فريق المريخ امدرمان سكسك(على الحاج) الذى كان يجيد الضقيل بالكره ويخلى الجماهير محبى لعبه الخمسين-وياما احرقت عمايم عندما سجل اقوانه التلاته فى شيباك الاشانتى كتوكو(مره فى ابوجا ون) والتانيه فى(ابوجا تواا) والتالته فى(المانيا فراكفورد) وسكسك نفسه الان فى بلاد المرسيدس ودور دور يالستك التاريخ وسجل(الهترك)تلاته اقوان زى السم،وعندك كمان لاعب الهلال الخطير جلال كادوقلى-كادا يقلى- الذى يجيد اللعب والضرب فى الشنكارات(محمد الامين خليفه) وهاك يافشلا وفشيل فى برش الخستكات-المفوضات- وتقول لى براى سويتا فى نفسى؟وتنفس الصعدا وتمقا ومدد رجلينو(ود دى مبيور) نجم الاشانتى الخطير عندما شاف ابو سفيان الذى قال لى- فلول المعارضه المدنيه سوف لا نحول بينكم وبين مد قداديمك وشلاليفكم ولطم خدودكم ولبس جلاليبكم وربط طايوقكم ومخشناتكم وجهادكم المدنى وهامش حرياتكم(ما لم)تحولو بيننا وبين قصر جالوصنا الغردونى- ود دى مبيور قال(ييس ناوو وى كان تووك)بعد كدا ممكن نتكلم وبعد ناس( على عثمان) ياهو مسكو القنايه حقت المفاوضات ممكن بعد كدا الجنوبين يصلو لى حل -ودى حته مهمه خلو بالكم منها كويس ياناس الوجع الهسه الكلام مع ناس الشى والكلو شئ هم ناس قوش وعلى ونافع ماتقبلو بى واحد مرسلنو ليكم وهو زول من الموالى والفروخ والعبيد ديل ناس دايرن قبضو عدادهم حق الفنانين ووسكى المفاوضات- وفعلا نجم الاشانتى كتوكو(دى مبيور) ريح دماغو من الدوشه حقت ناس الجدايل الفكريه والزهنيه ومشاط وسريح الهويه-الافرو ولا الكوفير المصرى-المبتنتهى وتخلص دى وفى النهايه فاز فريق الاشانتى بالميداليه الفضيه-جداده كويتيه فى اليد ولا سك الجداد البلدى البلقط دود الادبخانه والمال تلتو ولا كتلتو وطراضه فى جيب السر ولا جيب خلف مقدود- وبعد الميداليه الفضيه دى احتمال يفوز فريق الاشانتى بالميداليه الذهبيه-لمتين ولشنو وفوق ابوكم اللعب مع فريق الكمبلت بتاع جامعه الاحفاد الناعم دا. وانت يا كبر قالو لسه محتفظ بى نسخه فى مكتبتك الفى السودان كتاب الجالدونق (لافونتين)وكمان نسخه بلغه الكفار اولاد جون الانجليزى-the wolfe and lame- روايه(الزئب والحمل) والقال فيها سيدها لافونتين انه(اعطى الزئب مبررا تلو الاخر لمحاجمه الحمل وفى النهايه يكتشف ان هذه لمبررات خاطئه ومن ثم يقوم بالتهام الحمل لمجرد انه يرغب فى ذلك.)؟؟؟؟؟؟؟. ياعب بطل الكلام الجالى والعاضى البتعمل فيه دا(............)بعد ماكتشفنا الاخلاقيه الوثنيه الموغله فى القدم الجميله قد اسائنا فهمها وبخسنا حقها من التقدير.وبعد اكل الكجيك لابد من الفرتيك ويا كمان كل الناس تخش السنما الوطينه وتقعد فى اللوج فوق وبعد تنظيف الفوضى الناس دايرنها من غير الم وماعاوزين يقولو احييى من الم وبلوشى كمان-نقعد ننضف لمتين؟. والسودان ليست امه بل فكره والفكره مجودة مامحتاجه مفكرين ومثقفين وشخصيات بدقون طويله(يجلسو لينا فى حلقات يتجادولون حول الكراريس والاوراق الحضاريه والحداثويه والمابعدها حول مستقبل البلاد-الامبرروا الهناك فى الخلا بعرفو هويه وسكسكانيه وشعريه وشعير والاستثمار فى راس المال البشرى والبنيه التحتيه؟ ويقالon dit que la justice a la bras long) العداله يدها طويله
05-17-2008, 07:04 PM
معتصم احمد صالح معتصم احمد صالح
تاريخ التسجيل: 04-03-2005
مجموع المشاركات: 3484
الاخوان كبر ومحسن طه البوست دا خطر عديل كدة وبعدين يا محسن الكلام الدراب دا ما بتفهم بسهولة عليك الله كب فيهو شوية موية عشان تخففوا حبة ويقدر الشباب يشربوا منو.. وعشان ما يجي واحد يقول انت تتكلم في المريسة ويقوم بكري يحذف ليك البوست انت عارف يا محسن بوستك داك جهجهنا كلنالان الرمزية فيهو تقيلة وكان تركيز الكحول فيهو89% عشان كدة اي زول جاء ماري بيهو سكر قبل ما يشرب منو ودا الحصل لكل الناس. مودتي
Quote: الاخوان كبر ومحسن طه البوست دا خطر عديل كدة وبعدين يا محسن الكلام الدراب دا ما بتفهم بسهولة عليك الله كب فيهو شوية موية عشان تخففوا حبة ويقدر الشباب يشربوا منو.. وعشان ما يجي واحد يقول انت تتكلم في المريسة ويقوم بكري يحذف ليك البوست انت عارف يا محسن بوستك داك جهجهنا كلنالان الرمزية فيهو تقيلة وكان تركيز الكحول فيهو89% عشان كدة اي زول جاء ماري بيهو سكر قبل ما يشرب منو ودا الحصل لكل الناس. مودتي
الجالدونق معتصم احمد صالح شييباك -سلام- وياسلام منك انا اه قلت الشباب دايرين مويه فى كلامى عشان يفهموا...؟ يازول لو كلام دا صاح..قول ليهم انا عندى صحبى فى الخرتوم-كنت بسوقو لى ندوات كتيرة عارفها بيكون فيها كلام بوهية وجير سامبلا ساكت- عشان يجضم ليهم الكلام صاح - جيل دىلوز بتعرفو-كان سمعو بيتكلم يامن بالحنك العربى خليك من كلامنا ال(بلدى وانجيرا دا). وقول ليهم كان مافهمين اللغه دى...احسن من هسه يمشو الافرواشين للبرف يوسف فضل عشان يعمل ليهم ندوة عن(ازمه هويه) وهنا فى البوست دا دايرين نقفل الكلام عن الهويه(التنظيرة المقدودة) بلحام ستلين-كان جا ساتلين سيد الاسم زاتو-ما يقدر يفتحو تانى. وعن اى كلام ماعندو علاقه بالتنميه الحقيقه المستدامه والغير قابله لتفاوض-استثمارات-مش عمارات- وطرق وكبارى وطاقه ورى وحفر ادبخانات لقطع الجمار. ولباسات وانكسه-تستر الناس المغبشه-الما عندها ودق وكركار تتمسح بيهو-القاعدين نلمهم فى استاد الكورة ونوعظهن عن الهويات الحضاريه-حالموضوع الاساسى الان قبال بكرة(الحصول على السفسفة-الغزاء- كل يوم عشان يكونوا بصحة كويسه يقدرو يشتغلو ويضوقوا طعم الحياة بكرامه من غير ذل وشحدة وتستمر ترتارة التنميه- والدوله هي شنو ما الانسان ياجماعه.اى زول يبطل الكلام الكتير ويرجع محل جا منو ويشتغل.
قلت البوست داك كانت الكحول89% ...؟ ياراجل كحول شنو ياجك -كدى امشى راجعو تانى أو اسال منو تراجى بتوريك مكانو- وانت بالذات مفروض اول زول تفهمو كان ، لكن معليش-هسه بتكون فهمتو هنا-. وبعدين بكرى دا قلت لى عندو مشكلة مع الكحول ولا شنو؟ اها رايك شنو اخوك ماشغال بيها.وانتو الجريتو سكرانين لى بكرى-حسب قولك لمن خشيتو البار حقى دا- يعنى بكرى يعمل ليكم شنو يعنى-مش قالو السكران فى ذمة الواعى؟. اسمع اللغه الممكن الشباب يفهموها دى ياتو لغه-عشان اتعلمها قوم؟- .ياجيك كلامى دا انا كنت بقولو لشباب الولدهم فى السعودية وقطر والبحرين الجابوهم كبار السودان للقراية ناس(الشهادة العربيه) واخوانهم ناس(شهادة لندن) وزيد عليهم ناس فلسطين البيقرو ملح-منح- شفت شنو ناس الشهادات الاجنية بالسودان . اسمع الاطفال الفى دارفور البيقرو بى نار الحطب والبقعدو ارضى -الواطه- والبياكلو العصيدة الذى الاسمنت ديك-تلاتة وجبات فى اليوم- حا يمتحنو شهادة لندن ولا شهادة عربيه متين؟ ولا اقوليك مافكرتة تجيب ليهم(معلمة بريطانيه ومعها دب تسموا ابكرايا؟ والتعريب ضرورة حتى ولو يتوقف التعليم نفسة-القال الكلام دا منو؟انا غايتو داير ابطل الكتابه واقعد هنا معاكم بتاع غفيل بوستات بس. وشكرا على الزيارة اخوك الكان واعي وماسكران: محسن
05-17-2008, 08:25 PM
AnwarKing AnwarKing
تاريخ التسجيل: 02-04-2003
مجموع المشاركات: 11481
انا لا عندي مشكلة مع زول يقول لي عب...ولا عندي مشكلة مع زول يقول لي فرخ والخ... طالما أحنا في إطار سوداني...(يعني كلنا عبيد والقدم بالقدم) وقد قيلت لي كثيراً بالمناسبة، الا أن فهمي للموضوع هو أن القابلية هي البتخلي الزول يزعل بمعنى، من يرى في نفسو أنو مُستعبد، حا يفضل كده لحدي يوم القيامة، ده عن رأيي الشخصي الذي يحتمل الخطأ بنسبة كبيرة...
زمان وانا صغير كنتا بمشي مع جدي السوق...واحد من أصحابو شابكني ليك، تعال يا عب، أمشي يا عب...وبكل براءة الطفولة انا أمشي وأجي...جدي غاظتو ليك المسألة...فحرّشني ليك فوق صاحبو...قال لي : لو قال ليك يا عب، رد عليهو: أزرقو حب... صحبك جاي مبسوط وناداني ليك: تعال يا عب...بكل براءة برضو رديت ليك عليهو: أزرقو حب... وأنفقع المجلس كلو ضاحكين في الراجل الكبير الدقّسو ولد صغيروني ده... صاحبك من يوماها...ولمّا لسانو عليهو... عرفتا مغزى الحكاية دي قريبات يا محسن...
قولة عب دي محلولة بالحيل...الا أنو
أنا يا حبّة عندي مشكلة مع قولة ده ود حرام...والموضوع ده أنا مطلّع ميتين حلتي يا منقة! لا يُعقل أن يكون زول ملفوظ من مجتمعو من قولة تيت، الا اذا كان-وفقط اذا كان- مجتمعو زاتو ود حرام!
وعشان كده يا محسن يا أخوي، انا داير أفلفها ليك لمن أطلع منها الآتو زاتو مع الجميع، داخل وخارج أسوار سودانيزأونلاين...ولازم أطلع لي بزول زولين من غلاة المتطرفين عنصرياً يتبنو ليهم أولاد حرام (بالفهم السائد حالياً) عشان يكون الجميع يا إمّا، أولاد حرام...يا إمّا تروح الكلمة دي في زبالة أولاد الحرام...
ياخي عندي زول عزيز عليّ للدين، مشكلتو الوحيدة في الدنيا دي، أنو ود حلال ويصفه المجتمع بأنو ود حرام...
كل مرّة بفكّر مليون مرّة وأقول يا أنور -لو كنتا مكانو- كنتا حا تعمل شنو؟
أها يا محسن يا أخوي... رأيك شنو في الموضوع ده؟ أولاد وبنات الحرام!
05-17-2008, 10:47 PM
نورالدين صلاح الدين نورالدين صلاح الدين
تاريخ التسجيل: 01-07-2008
مجموع المشاركات: 4327
عزيزي محسن ... بمناسبة كلامك عن موضوع التنميو وحقوق الهامش في الثروة وكدا وحديثك عن إنو مفترض ناس المهمشين ما تنمويا وبس وبرضو ثقافيا إن يقتلو حيل المركز الثقافي ويرضوا بأي كلام يجي من طرفهم .. بس موضوع التنمية دا يمش شكلو المتعافي الي لو إنت ما حاضروا معانا هنا هو والي الخرطوم بتاعتنا دي شكلو سمع كلامك وقال أنا محسن دا أوريه وأغيظه عارف الراجل دا عمل شنو ....؟؟؟ أمبارح قال إنه عندو مليار دولار آآآآآآى مليار دولار عملة البلد الجنبكم الي اسمها أمريكا والي الواحد بتاعة القروش بتاعم بيساوي 2 ألف من القروش بتاعتا قال إنو المليار دي بعد ما شاور خبرا عسكريين ( ما عارف لقا زمن بتين شاورهم ) وضع خطة تأمينية للعاصمة .. وإنو منها 200.000.000 دولار أمريكي عشان يعمل خندق ويكب فيهو موية شان ما في زول يجي خاشي بأم درمان تاني عليك الله يا محسن حسي الزول دا لو سمع كلامك والمليار القال عنده دا عمل بيهو مدارس وجاب كتب وسوا مستشفيات ودفع رواتب دكاترة وكمل الزلط ألي أكله صاحبه الزمان الي اسمه علي الحاج ... وخلا الجامعات تبقى كويسة بتاعة قراية جد جد .. وشوية تنمية .. عليك الله في زول بيشيل دوشكا بيجي يخشى ليهو الخرطوم يتاعته دي لكن زي ما تقول الراجل دا شغال معانا ميتة وخراب ديار .. وكمان معاها مكواة الله يعين
B]ياكبر اسمع بعد ازنك يافرخ خلينى اشيل الفاتح مع الشباب الجو لى صيوان بيت البكه حقت السنما الوطنيه امدرامان وانت شايفك شويه فترته من شيل الفاتحه ويدينك ورمو من شيل الفاتحه حقت جماجم اولاد قرف-الفروخ- بملاح المرس والعطرون والكول ورماد جمر حطب غابات الهباباى-البحفظ الجمر حى لى تلاته يوم او اكتر تحت الكانون او المنقد- ومعهو شطه نيركا-الدقاقه حقت مناطق الشلك- وكمان تحليه فيجل-البتخلى العجل يترع باع باع-وحمدك يارب على ملاح الفرخه حاجه فشريه بت المك ابو ضريسه-القالو كان بياكل الحنضل على الريق ويشرب مع غنم الخراطوم-الحريف البتلفت جاى وجاى قبل ماتقطع شارع الزبير باشا المتقاطع مع شارع المك نمره- فى زير السبيل حق ام الشهيد حاج نور-استاذ الدراسات الحضاريه بمركز الفروخ الافريقيه المدعوم من دول الصحراء العربيه والاسلاميه وبى ابو الجورج-البتروهرار- فى السودان كبرى الحريه فى نهر كيير-بحر العرب- وكمان ورش صيانه وحداده وسمكرة اللسان المكلوج الوثنى بالحديد والنار-واطرق الحديد وهو حامى ولا بديل للسكه الحديد الا الحديد-- ولو كرهه الكافرون من المحيط الى الخليج-وين المحيط و وين الخليج ببلاد السواد والرماد؟افهم يافرخ الاترى قرون التورين الابيض والازق وقد انطاحو فى مقرن الخليج والمحيط-عفوا النيلين- الاتفهمون ولم نقل لكم عليكم بعلم البيان من تشبيه ومجاز من قبل؟وشن جده على المخده ام ريش النعام ولماذا تطلبون الحقيقه فى بلاد شمش الضحى وبعد ما الليلو قد سجا، ومتى تفهمون البيان-الذى لايحتاج بيانات الفرج فى الراديو بعد برامج ود الفحل- ولكن النكلمك ضحويه الاطرش فى بلاد العميان يقدل كا(ملك) فى طاوله الشطرنج بالابيض والاسود والعميان بقطع موسى ديان -الاعور- نهر الجور لى قمه جبل الرجاف-واوعك تنسى الكان فى ييى-(وييى بلدنا ييى نميرى امسكو بلد كويسا نميرى انا بقا حريه ويلا ياجماعه نكوروجو-نزرعو-للوبيا فى بلدنا يييى)ابوكم مين نمير رئيس مين نميرى-ايها الموطنين الاحرار ياجماهير نادى المريخ-يكون فى علمك وختوها فى حنانكم واشاء الله تنقد اضانكم-اتفاق الكديسه بابا- بينى وبين الفرخ جوزيف لاقو-ليست كتاب مقدس- وان الكتاب المقدس قد اتانى الان من الخواجه الفرنسى الدباب المدجج باسلحه الدمار الشامل العلميه(ود التراب)الذى كان يسكن الحى اللاتنيى والان حى المنشيت الراقى بضواحى اولاد ابو الريف-ومن الان انا امامكم البان جديد ومصنع الشرى والبيرة ابو جمل قد راحت فى غضب الله البان جديد ولدينا بدلا من مصنع الشرى والشعير مصنع الشريعه...وشريعه شريعه ولو كتلنا محمود. ونرحب بى الثوار الاحرار الاستاذ:معتصم احمد صالح الاستاذ:انور كييج والاستاذ:نور الدين صالح اها شباب قسمه وارادتنا والظروف جمعتنا ومرحب بيكم والمرحوم كان طيب-البوست الانضبح-من دون فروق الوقت مابين اللاسكا وامدرامان وعادى زى الزبادى وكان شنكرونا فى قطع خور سعد قشرة-سعد قرفه- ما مشكله بنجى بخور ابو عنجه ونمسك درب الاربعين ونفقتو غرض فى الميل اربعين البان جديد محل الدبابين اسود الغابه الشخطو للدياشه-الجيش نقولو فتاشه ودشكا انا زول ماجا-الكانو زمان بيجرو فى ميدان الحمله ودنقرشوفو بملكال وكانو بسخنو الجكاتم من الصباح-وبالليل دا ماشى وين وبالليل دا،و ذى دا وذى دا نسوقو طوالى-والجكه باصباح متل ماقلنا...المهم شايفكم جيتو دقيتو نقاقير جد هنا ماعارف الحصل ليكم شنو واخوك زاتو لمن قال فى سرو امونه بت الجاك .الفرد ديل دايرن يعمل لى هركات تانى ويطلعونى سكران ولاشنو؟سكر شنو و هو المشروع الحضارى ماعملها فينا وجابنا لى هنا بالقرحه من النفسيات حقت النقاقير الكانو بدقوها لينا هناك وياهو هسه عينا فى خرم الاربره وماقاديرين ندخل الخيت-تقولو لى جاي وكمان مخييت ومترتح فى المنبر-و ين ياجيك مابيضو بينا من بدرى والبطن مافيها كرو اسكتو ساكت وهو ياهوالكرو-القرحه-ياها خلتنى اجيكم بالعجل سدارى من غير فرامل لا قدام ولا ورا والكرعين حفيانين مافى اى طريقه تخت كراعك فى اللستك القدام وتفرمل ووكان داير تفرم اها بس تفرش كرعينك الحفاينين ديل وتدرشم فى الواطه لمن يتبرطو(شفتو المجازفات كيف)... واسمعو بجيكم راجع تانى لانو شايف عندكم كلام فوق زى الورد فى حى الزهور-هو سمو حى الزهور ليه واين الزهور هناك فى المركز الليبى والا فى دار الجبهه الاسلاميه القوميه وقبل اى حاجه كدى كشفو للاسم(الجبهه الاسلاميه القوميه دا كويس)هسه عليكم تربه الحسن والحسين رجال كسلا فى مقدس الثقافه العربيه(الاسلام)دا فى حاجه اسمها (القوميه)؟؟....والاجابه نخليها ليكم انتو يا(امه محمد)... وقلت ليكم كشفو وكحلو لكلمه(القوميه) كويس لانو شايف الشولاات الجواها كدياس بتطنط فى كل-الخرابات-الاحزاب مزيلين بيها اسمهم وماعارف الموضوع صمغ عربى-صمغ وكمان تانى مصمغنو بى كلمه- ولا شنو ماعارف....ياناس هوى كان ما متنا شقينا المقابر. والمهم عندى شغلانه هنا بره المدنيه فى غابات كبييك الكنديه داير امشى اجضمو وبجيكم مقبل ماتقلقو واصلا انتو متعودين للانتظار فى محطه الشهدا امدرمان من قبل خدم حى الضباط البتكوركو فى فيهم اتخرتو مالكم جاين اصلو من اللاسكا..اها انا هسى دا جمب اللاسكا دى زاتها وخليكم تضقلو فى كرة الشراب هنا مع الفرخ كبر والكدرارت مسامير ما اتديدس المانيه-لانو المانيا فيها الهوا البارد بتاع خلوها مستورة- والشلاليت فى بوز وضفارى وجكسا فى خط مافى وفى التمنيات اقوان تاريخيه.اسمعو انتو عارفين هسه بيجيبو شتغلو معانا ناس منو هلا تصدقو الروس -الروس الروس حباب التيوس- هنا فى سنتر الحراميه-الراسماليه- والبلوتاريه(الرثه)والمعفن زاطو شفتو شنو-انتو لو جينا للكضب والقوالات حقت العربى البتخليك تقلب الكلام هوبا انتو كلمه(رثه)دى مش زى ياعبيد وفروخ وخدم؟ والا (الرثه) اغنيه سودانيه والاخيرات ديل (اغانى كردفانيه ودارفوريه وجنوبيه؟)وشافين لو باريناكم فى لعب كرة البيان وباكورتات المجازات ودبلكيك التشبيه ممكن براحه نبيض ليكم بكتب الحداثه والقبالها زى الترتيب ونتطلع ليكم الشلك هم ياهو نسابه قريش ومش ناس (اندايه خلى بالك) بملكال والله نتمنى الوكت داك كان يكون عندنا كمرات لو كان نقشنا الحركات حقت خواجات الحركه الوطنيه القرو فى كليه غردون ديل الهسه بيتفاصحو -لا يمكن ان نسمح بفتح البارات فى سنتر قريش تانى -العملين ابو العريف على الفاضى والمقدوده... المهم صحبانكم الروس مدروشين درش الجن هنا وانحنا طبعا عارفننا لاكان ناس مشينا القمر ولا صنع البارود ولاعلب الصلصه والساردين ويانا ناس امبررو وشلك اهالى ساى عادى فى اى حته بنقعد فى علبنا.......ولكن وين لى ناس الفصاحه العلميه والحهدالفوقو والفاول التحتى والله شغالين شغل عشان مافى وكت تلقاهو عشان تمارس الفصاحه العنصريه بتاع ياعبد وفرخ وموالى وخدم البمارسوها العطاله المقرشين ملح-مجانى-من غير شغل زى الهنا دا...وكيفيا ما يمارسو الفصاحه-هنا بتعنى الزول المثقف- ومساله وراثه ولعب بلياردو مع للوردات كنيسه كانتربرى البرطانيه وعيال الملكه العوريه الرفض تعرس-ود دكيم- شوف بلادتها كمان...وناس الملكه قالو زمان كانو عاصرين ليكم ناس سنتر قريش عصرة الجن وكانو بيجو جوا البيوت ويفتوشو(زير المويه) فتيش ولو لقو ليك فيهو طحالب ساى يغرموهم ليك وكمان يختو (الزير)بره فى الشمش تلاته يوم لحدى ماالفطريات تروح فى غضب الشمش الحارة دى والانجليز برضو قالوا كانو بلفو مشروع الجزيرة يوميا وبالحصان وياهو جابو ليم الاندكروزر وعملتو بتاع رحل نيليه وقعدات وخرفان واللحو فى مزرعه ود الجبل....ما لازم يكون فى فراغ للمارسه العطاله فى شتم الناس وبى الشتم والدلوكه والتكبير فى وش الحمير-وتانى مافى امير ويخمو ويصرو والقبله ناس الارصاد حولها باتجاة القدس-ومالو بتفرق فى شنو على الاقل يكون قريبن من محمود دروش الفرحانين بيهو ناس الكورال المدنى-والارض ستورث كلغه والكاشف فردتو البرغوسى-الشهوات- اها الجماعه قالوا فترو من العزومات المرة مرة وقالو احسن نمشى نقعد جمبهم هناك والبص مدنى الخرتوم-خازوق وتكس اصلو مابرجع-. ومرحب تانى لحدى مانجنى ناكل الكمونيه الفوق دى...وهسه هاكم ضيف الله-ضيافه-حقت واحد عب كبير(واتصبرو ماتشيلو هم)مش بقولو ليكم ركوب العجلات من عضم الشيطان؟............. . finalement j'aimerais bien dire que l'idee deriere les tristres histoires dont j'ai deja parle est que ces hisytoires la ne se repettent plus jamais dnas la vie des soudanais.
الشعب الحى،الوحش بدون عمر _____________________________________________________________________رونى دوبستر-هاييتى ايها الشعب الحى الوحش بدون عمر انا لا اسمع اعماقك تختلج فيها اصوات سبقت الادميه اصوات تنبثق من قاع الكهوف اصوات وحشيه من ادغال الاباء ايها الشعب الحى،الوحش بدون عمر الهارب من قانون الذين لايتبعون القانون تحتقر لتوس الاستبداد وتبصق على ايقونات الارباب الفانيه لكل الطنطنات المحبةسه فى حنجرتك الضيقه. ان قلبك الذى له سمك الدياجير قد فقد سهوله افراحه ولم تعد تعرف الاستغراق فى تامل النجوم ولا الابتهاج بمراى سيلان الفجر ولاحتى مناجاه القمر فى دوراته الالفيه يسكب اغنيات عاطفيه تحت انغام البامبولا التى تدق عليها اصابع نشوان حالم ايها الشعب الحى، الوحش بدون عمر، ان نفس ابنائك القوى يرفع اسوارا من الغضب المقدس انجب ارضا حره ومذاخر للقديسيين لان ارضا ابناءك رجال اكثر مما هم ذكور هؤلاء ابناؤك الذين ينتزعون انفسهم من وحل العبوديه
الى اولاد شمش والطين وتحت الكبارى تحت الواطه نحنا مازلنا كالعهد بنانمارس الانكسار ب (عبارات مريسه اللغه)،نعم تطور العالم واكيد سوف تظهر صوركم قريبا لى نعرف اين ترقد اجسادكم. الكلمات رموز مقدسه __________________________________________________-فرانسوا سنغات كيو1931 الى ليوبولد سدار سنغور اوة ان يلقى الانسان راسه ذا الشعر المجعد فوق ابعاد البحر ان يمنح جسمه الاسود الى انطلاق زبد الموج الابيض ان يخترق الكتب مثل صحراء من الاحجار الخرساء المسجونه فى صميم الصمت السرمدى ان يزوب كل الثلج فى راحه يده وان يشرب،يشرب جرعات كبيرة مثل حيوان ودوما فى اعماق الحلوق هذا الظما الواخز وفى القلب الذى تنهشه شدة الندم هذا النداء العنيد لنخيل المملكه وقرع الطنطن الذى لاينتهى الكلمات رموز مقدسه تحت كل الحريات التى تهمس باسرار فى الاذان الملقنه النسور ترسم طلاسم فى السماء توشوش العيون باغان سحريه فى الواد الذى لا يبلله لا دمى ولا عرقى ةانبثق انا هنا لاكل بنهم من ثمار الوليمه من شجرة اجهل عمق عروقها فى الارض عظام اى ميت تبتل عذوبه النسغ لا تطلق الشجرة ارتفاعها فى مطاردة الشمس الا بتشبثها الشديد بالارض الام وقد تشبثت بالارض الام بساقيها المبللتين فى بحيرة المقابر اه ايها العطش الواخز حنجرتى وفى قلبى الذى ينهشه الندم هذا النداء العنيد لنخيل مملكتى وصوت الطوطم الذى لا يسكت الى طواطمى،ورموز طفولتى انتم الذين تنامون فى ذاكرتى وفى كريرات دمى وخضاب جلدى و الذين انتم منى وموتاى الرمز المقدس انتصارات الغسق وعهود الفجر بين يدى من جديد مفتاح الرؤيا الكلمات رموز مقدسه تحت كل الحريات وليرو ظماى بشفافية رموزكم.
05-18-2008, 07:52 PM
شول اشوانق دينق شول اشوانق دينق
تاريخ التسجيل: 02-13-2006
مجموع المشاركات: 5332
كتر خيرك على حفظ كلام محسن طه في موقع اخر.. نعم الأهم تفكيك القضايا.ز بصورة عميقة..و تبني اطار المعالجات..وفقا للفهم المعقول.. مشكلة شعب السودان يا تراجي.. انو بيقرا و بيطلع.. لكنو كلامو الجاي من تجربتو الشخصية دايما بيقعد كنبة..و يمشى يسلتف من تجربة الأخرين (خارج حدود الوطن)..
05-20-2008, 03:23 PM
Kabar Kabar
تاريخ التسجيل: 11-26-2002
مجموع المشاركات: 18547
زي ما اليومين دي الإجابات عن الحصل في الخرطوم بقت زي الكبريت الأحمر في ندرتها.. برضك الإجابات في مجتمع الإنتلجنسيا الفاخرة.. ايضا معدومة..
وجوه الحجر عديدة..و الوظائف التي تؤديها عديدة.. لكن الثابت أن الحجر لا يلغي وجود المفهوم المغاير..و الجديد في تصوره للأمور.. نحن يا رندا.. كسودانيين و سودانيات.. لسع ما وصلنا معرفة قيمة حرية التعبير..و لسع ما وصلنا الى أن الفكرة تضحد بالفكرة..و ليس بالقمع المادي.. كتر خيرك على المرور من هنا..
05-20-2008, 03:26 PM
Kabar Kabar
تاريخ التسجيل: 11-26-2002
مجموع المشاركات: 18547
واحدة من جاكات عمنا محسن طه.. انو كان فاكر الكتابة المقعرة (بتاعة المثقفاتية ديك).. ما بتجيب حقها..و قرر يكتب كده.. زي لغة الونسة العادية .. بالنتعامل بيها في حياتنا العادية..و البتشكل 99.99% من كلامنا..و ده كلو في سبيل خلق ارضية حميمة للإستيعاب..و الأخذ و الرد في قصصنا المابتكمل.. من باب ارضية اللغة السهلة للتواصل.. جات برضك فكرة طرح التفكير بالطرائق اليومية..و دي يا الطاهر يا اخوي .. اكثر فعالية من تقعير الكلام و المدارة و التستر خلف حجب مغشوشة ما انزل الله بها من سلطان..
و بعد ده كلو محسن طه نسى.. فكرة مساحة الخطأ في علم الحساب..لأن الخطأ هنا مش في طريقة طرحو.. لكن الخطأ في طريقة قمعو..و قد كان.. كتر خيرك على الحضور هنا..
05-20-2008, 03:28 PM
Kabar Kabar
تاريخ التسجيل: 11-26-2002
مجموع المشاركات: 18547
المشكلة يا انور دي اسهل طريقة نواجه بيها ذاتنا.. بعيدا عن التقعير..و تنضيد و توضيب و تشذيب و تهذيب ..و تنميق الكلام ..( ابيت الكلام المغتت..الخ).. و دي الطريقة الممكن تتواصل بيها الأجيال..و الفترات الزمنية المتسلسلة في عمر مجتمعنا الوجودي و الحضاري و الثقافي.. اتخيل يا انور.. لو الناس دي كلها خت الرحمن في قلبها..و قعدت تتفاوض فيما بينها..و حتوه قرض للآخر.. الح يحصل شنو؟.. في تقديري.. ح تحصل حاجة واحدة.. أنو العقد المصطنعة القاعدين نواجه بيها بعض حتكون اتحسمت و الى الأبد.. لأنو لمن بكرة يجيني واحد يقول لي يا فرخ.. ح اقول ليهو.. ايوه فرخ..و الموضوع حسمناهو.. ثم ماذا بعد؟..
فكرة المساواة..و العدالة .. سواء كانت اجتماعية.. او ثقافية.. او مزاجية.. او حتى على مستوى اللغة (حقي في استخدام اللغة ..و حق غيري في استخدامها).. دي حاجات ما بتجيبها الحلول الفوقية.. التي تبني على اساس الإتفاقيات و التسويات ..و الصفقات.. التي يعرف اهل السودان كيفيه صنعها و عبادتها ..فكرة تلك المساواة.. بتجي من مبادارات بسيطة..و مواجهات اكثر بساطة.. لي شنو؟.. لأنو التفاوض على مستوى الأفراد ..كفيل بخلق الرأي العام المعقول..و الرأي العام هو الوسيلة الوحيدة الممكن تحدد شكل الأجندة العامة..و المصلحة العامة..و هو البيفرض شروطو على انظمة الحكم.. حسرة.. كلو حلم في حلم.. لكن فليكن لنا شرف المحاولة..
05-20-2008, 03:30 PM
Kabar Kabar
تاريخ التسجيل: 11-26-2002
مجموع المشاركات: 18547
كتر خيرك على المرور من هنا.. كويس انك التقطت اشارة محسن طه في البوست المحذوف..و الشراط بيناتكم.. اثبت الحقيقة الفاجعة.. الجأ محسن و شرحها للناس هنا..
فاجعتي يا بله يا اخوي.. انحن فعلا مرات بتاعين فارغة.. لكن لمن الفارغة دي نجي نقوم نستقلها في توصيل فكرة بعينها.. و نستخدمها تكتيكيا.. القصة دي كتير بتضر بمصالح البعض..و البعض هنا يا بله.. هم زبانية النظم السياسية الدايرين الأمة دي كلها تكون في حالة وعي مغبش تماما.. لأنو الوعي المغبش هو طريق التدقيس الأوحد..و هذا هو سبب طول عمرها ..و بقائها..
الواحد بقى ممحن يا اخوي.. على قول محسن خالد.. لأنو خطاب العنصرية الكان حايم في المنبر ده خلال احداث الأسبوع التاني من مايو..كان خطاب مضبوط و مخطط..و بيأدي وظيفة زي بتاعة أي مخبر في اجهزة الأمن..لأنو الشغلانة كانت عايرة من البعض..و مسموح بيها.. لكن لمن تجي من الآخر.. بتقمع.. تحت بنود كتيرة.. خصوصا اصحابنا البيجوا في السهلة كده و بعد عمر مديد يقول ليك.. يادوبك عرفنا..و ما كنا قايلين روحنا جرذان..شفت الخطاب المايع ده يا هو .. البيجي اول واحد يقيف قدام محسن طه..و يقولك ..يا اخوانا الزول ده ما براهو (قالها ذاك الأخ عديل كده انو محسن سكران..و بيطلب من الناس ما تآخذو على كلامو.. في شنو؟.. لأنو السكران في ذمة الواعي..شفت المحن دي كيف يا بله؟)..و لك ان تتخيل يا صديقي.. زول يجي عشان ينتشلك من الوهم الإنت فيهو..و انت لسع فيك وعي التدجين..و بتحاول تبرر..حسرة!!
05-20-2008, 03:31 PM
Kabar Kabar
تاريخ التسجيل: 11-26-2002
مجموع المشاركات: 18547
حنين للبلد......سلام جا لى انتى يا بنية بتاع يمة بتاى-يا بت امى-بالعربى العربى وانا قلتو بى لغة جوبا المنعوتة ب(عربى جوبا) والكتير من الناس بيفتكروها لغة منتشرة فى كل الجنوب وانو كل المجنبة-الجنوبين-بمعناهم الجغرافى وكدا ومش المعنى اللسانى بتاع المثقفين البقول يا منقة-منقو-قل ماعاش من يفصلنا وفى نفس الوكت برضو بينادو مثقف جنوبى وهم مثقفين سودانين-هسه الجنوبين ديل يقلبو هوبة ويكونو مثقفين سودانين كيف يافردة؟- شفتى الورطة كيف؟ وبالمناسبة انا مرة اصدمتا صدمة تاريخية فى الشمال دا لمن سمعتا واحد بيقول لى صحبو اسمع ياجنا ها انت الزول داك- عربى و لا ود بلد؟- وبرضو فى حاجة كدا عجوزة بتشتم اى زول كان اسود بتقول ليهو ياعب ولو كان لونو شكلى منقه فاتح بتقول ليهو ياعربى والسؤال الممكن ينبرش هنا فى واطة الله دى الحاجة دى بتكون هى(شنو)هى فى السودان دا؟ لى قدام ممكن نضقل حفيانين فى السؤال دا لى قدام(وهو سؤال للراسخين فى العلم بعبارة مطنقعة متل طنقعت المثقفين البيقرو البيانات السياسيه بى اللمبه ام دخيخينه وهم على بعد امتار من خزان الرصيرص وناس الخرتوم فى الحوش الجمب جنينة الحيوانات سابقا عندهم زريبة كدا قدامها يافطة قدر الضربة مكتوب فيها-الهيئة القوميه للكهرباء قال-) كحلى للكلمة المستنكحة الاسمها(قومية) ياخى احسن يقومو كدا ولا كدا من الكضب المن سنة دوا دا،وعاد بعد دا نقدر نقول بقم فى بلاد العميان فيها بسوق الاعور. وتشكرى على الطلة وكترى منها وعندنا كلام كتير ومختصر حيكون هنا وذى السم. حنين للبلد اسم جميل خليك قريب اووطو لاكو
07-16-2008, 03:47 AM
Kabar Kabar
تاريخ التسجيل: 11-26-2002
مجموع المشاركات: 18547
أول حاجة كفارة و سلامتك يا صديقي.. شفت شقاوة اصحابك ديل كيف في المنعطفات التأريخية دي.. ناس منعطف سيارة حاد..و ناس منعطف غزوة امدرمان..و ناس منعطف الخروج بكراكة بليلة (امثال صديقنا اب شمسية .ز ياخي الزول ده لازماه زيارة و تباريك)..و ناس منعطف لآهاي و الشكل هاي هاي.. و ناس منعطف على بالطلاق ات كاره ذات..و على بالطلاق انا ما كاره ذاتي..و منعطف الكمنجات الفهموها أمكيكي أو كما قال.ز ياخي منعطفات تجيب لفة الراس..و تخليك تبلع السفه ذاتو..
مرحب بيك يا صديقي..و اهو شايف براك مع مصادرة الكائنات الغبية على قول صاحبنا أباذر جدد الله غربته بالرجوع لصدر الجليد ..وعدتك بالمواصلة هنا..و اخلفت.. لكن ياهو انت جيت..و بعد ده يا عم نقعد نشوف نظرياتنا ماشة وين..
تحياتي للشابات.. اعمل حسابك .. آنتي رحاب رضي الله عنها بقت ظهير تالت.. لتراجي مصطفى.. حول..
وين يا ومنج ود ابا كبر سلام بتاع اتا يا جنى بتاع مامه تاى-يا ود الجركينة- عليها الرحمة ياخى اخوك عمل حادث قرب يوديهو التوج-اول حاجة فكرة فيها مسالة الدبيب الحا يقعد يعضى فينى ليومالقيامة ودا غير كلام الجيش حق منكر ونكير فى فترتى الانتقاليه الفى القبر وانت عارف الواحد كان مات هنا الجماعه بتاعين التكفين والمراسيم الجنائزيه دايرين خمسة الف دولار عشان عملو للواحد ام ضريوا-يضارو فى الصندق وبعداك حرق الكوارع بتاعت الواحد ويضروا رمادك متل تضرى الفتريتة فى هبوب سنتر قريش .المهم اخوك عمل جلال الصحافة-نفد-منها واحتمال عشان حاجات كتيرة فى السكة جاية وماتنسى الجنصصة المصبننها من سنة اسكت للمناسبات السعيدة الكلو مرة مطرشقة.المهم عندى يومين هنا المدينة وبعداك برجع الجنقو تانى وياهو قلنا نسلم للعبيد الفرد المعانا هنا ونعمل مجزوب اونسة-ونسه- دقاقة شويتين وتشكر على البوست الخليتو لسة مجكك فى المنبر وما مشى الارشيف وبوست الخستكات ما انتهى ماعارف اعمل شنو؟غايتو
07-16-2008, 03:51 AM
Kabar Kabar
تاريخ التسجيل: 11-26-2002
مجموع المشاركات: 18547
_المهم نواصل الونسة بكرة لانو الساعة اتنين صباحا عندنا هسه وعلى القراء مراعة فروق الوكت فى اقاليم العالم ونخليكم مع كلام العب والفرخ دا وعلى قول احد المواطنين فى البص السياحى لمن ابى يدفع التعريفة المقررة للكمسار واصر انو يدفع القروش المعروفة يوميا ،المهم الجماهير هاجت فيهو والكمسارى والسواق وفى النهايه نزلوهو من البص،فصاحبنا بعد نزل من البص كشف للناس الفى البص تمام وقال ليهم اها يا(السياح) انشاء الله السودان يكون عجبكم. وانشاء النص دا يعجبكم لحدى مانجيكم بكرة و(حكايه الليل مازال تفلا-طفلا- يحبو ماجايبة حقها هنا فى بلاد اولاد جون) _____________
بيرلغو ديوب-الهايتى
المرسى القادم هل فكر المسيح بفينوس؟ ماذا تقول الكتب؟تبكى فينوس ان غضبى سوف ياخذ بثارك اذا كان عهرك مثل عهر الارض التى افارقها عن مضض..انا الذى
لم يجد حبا ولاخبزا ولاسلما اه.لا الالهة لا تحقق شيا..و لا فى ...،ان البرد القارس يعرفنى،مع محيط من التاريخ الكامل القديم، حيث كنت مع طائر البطريق نشكل لوحة صيد، وكانت عضلاتنا قوية وحاليا انا امون نفسى بارادتى.انتجع.ومواضع الكلا التى انتجع منها:حلم سكير داعر لم يعرف ابدا على الارض الحب هو انت.اه العن المشاغبين التافهين،وشعراء الدم المستغلين،لا اكثر،والمتحذلقين. والذين هم زيادة على ذلك مصابون بالصرع. الثرثارين المقترين واقول لهم ماهو الاقتصاد الخطا؟ وكان لسن الكلاب المعوجة لا تصلح لان تلعق كل شئ.. لم يعودوا دموع العالم.. وعبثا تتكسر احكام القوانين باغراء المال، وقانون الجاذبية لا ينهى السماء فلماذا يفيد التقتير فى المادة.النابالم يقدم ارباحا للتخلف اكثر مما تقدمه الاعانه واذا كانت الاموال تدفع لكل كلمات التخلى هذة فمن هى شركه الجوع التى يمكن لها ان تلد فارا؟ اننى ابلغ فى السخرية ياحبيبتى،اليس كذلك؟ اين هو شهر العسل الذى لم يفسد؟ سنرحل الى كواكب اخرى،نعيش فيها حلم نشاة كون جديد هناك يكون القانون هو القانون، ايتها المنظرة، انا فقط،اساوى بركه من الدم و مستعد انا لاراقته،حتى امنع عن فينوس داء الملاريا،و مرض النعاس وفى يدى الة موسيقية، وستكون الثورة الوحيدة الممكنة هى التى ستحمل لنا سنة جديدة من الضوء. نعم،لكن بتشنج اقل قسوة وسيكون الحب،الحب عندها قد شفى غليله.
La poesie negro-africaine anthologie
07-16-2008, 12:16 PM
rosemen osman rosemen osman
تاريخ التسجيل: 06-06-2008
مجموع المشاركات: 2916
ناشانجوك من آخر البقاع في عقر هذا الوطن ... تجوب كل ليلة شوارع "دون ساقين " تدلف غريبة أبواب بيتها ... الأحلام والرفاق يباغتون غفوتها يدخلون من باب الشرايين وينسلون من جهة الحريق ... نوافذ كثيرة مداخل كثيرة .. تعج بالجميع ... الجميع يذهبون الي الأبد ...
حسة بنية تكتب الكلام دا ما تديها الباسوورد وتقعد تكتب لينا كلامك السمح دا كلو سنة مرة بالله لو سمحت قبل ما تسافر أدى الباسوورد لرحاب لاننا قنعنا خلاص من بكرى
انا لا عندي مشكلة مع زول يقول لي عب...ولا عندي مشكلة مع زول يقول لي فرخ والخ... طالما أحنا في إطار سوداني...(يعني كلنا عبيد والقدم بالقدم) وقد قيلت لي كثيراً بالمناسبة، الا أن فهمي للموضوع هو أن القابلية هي البتخلي الزول يزعل بمعنى، من يرى في نفسو أنو مُستعبد، حا يفضل كده لحدي يوم القيامة، ده عن رأيي الشخصي الذي يحتمل الخطأ بنسبة كبيرة...
زمان وانا صغير كنتا بمشي مع جدي السوق...واحد من أصحابو شابكني ليك، تعال يا عب، أمشي يا عب...وبكل براءة الطفولة انا أمشي وأجي...جدي غاظتو ليك المسألة...فحرّشني ليك فوق صاحبو...قال لي : لو قال ليك يا عب، رد عليهو: أزرقو حب... صحبك جاي مبسوط وناداني ليك: تعال يا عب...بكل براءة برضو رديت ليك عليهو: أزرقو حب... وأنفقع المجلس كلو ضاحكين في الراجل الكبير الدقّسو ولد صغيروني ده... صاحبك من يوماها...ولمّا لسانو عليهو... عرفتا مغزى الحكاية دي قريبات يا محسن...
قولة عب دي محلولة بالحيل...الا أنو
أنا يا حبّة عندي مشكلة مع قولة ده ود حرام...والموضوع ده أنا مطلّع ميتين حلتي يا منقة! لا يُعقل أن يكون زول ملفوظ من مجتمعو من قولة تيت، الا اذا كان-وفقط اذا كان- مجتمعو زاتو ود حرام!
وعشان كده يا محسن يا أخوي، انا داير أفلفها ليك لمن أطلع منها الآتو زاتو مع الجميع، داخل وخارج أسوار سودانيزأونلاين...ولازم أطلع لي بزول زولين من غلاة المتطرفين عنصرياً يتبنو ليهم أولاد حرام (بالفهم السائد حالياً) عشان يكون الجميع يا إمّا، أولاد حرام...يا إمّا تروح الكلمة دي في زبالة أولاد الحرام... -------------------------- المونج ديد:انور كينج
سلام جا لى انتا يا اخوى فى الوطن-يقال ان الوطن هو اجمل النجرات البشرية فى الارض ويجو ناس منو وشنو نقول ليهم تييس،يقولو برضو امشو احلبو؟- غايتو.نهايتو.مصيرو.علمى وعلمك و(الساقية لسة مدورة ولسة ولسة ولسة حتدور.وعشان شنو قايل؟ عشان فى واحد من جماعة العدالة الاجتماعية بالمعنى الاستنكاحى العريض (بى دبابة و لا بى مجروس ولا بى فقة الضرورة ولا بى قتل وتشريد المثقفين والمتعلمين وصوت واحد وجكيكة واحدة فى بنبر السلطة ليوم الدين ولا كيف امرك سرولا لبسنى ليهو الله-فراغ دستورى يعنى شنو يعنى؟).المهم قالان البشر بيطرحو ويفرشو على انفسهم الاسئله القدر حالهم او فى حدود لحافهم وفى قدرتهم الاجابة على الاسئلة الانطرحت والانبرشت ليهم فى واطة الله دى.وماعدا ذلك طنقعه على الفاضى-ممكن تسميها ريالة لغوية بتكون سايلة طوالى وهدر كلام كتير على حاجات مامنتجة-على الاقل بالنسبة لى انا فى المقام الاول والاخير ونهائيا- وباب الريدة وانسدة.والكلام الفوق دا عشان فى نقة هنا فى كلامك لى شوية شايفو مشربك حبة حبتين ويمكن عشان محدودية تفكيرى فى الوكت الحالى(المحدد بمفهوم التفاوض اجرائيا وتقنيا يعنى امسك لى واقطع لى) وبرضو ما معطر ومريح بى كلونية قوميه بالمعنى الكان واللسة هايم فى السودان والحايستمر فى الهوامه لو ما خطيناهو من هسه فى علبو وبى طريقة دقرية-حتى لو انطو وانشو الكلام على شئ من القسوة- عسا ولعلا نقدر نقفل صفحة قذرة من تاريخنا الدموى والمخجلة و دا من جمبة ومن جمبة تانى اعادة الاعتبار والكرامة لناس عاشو السجم والرماد فى منطقة تعج بالمظالم التاريخية ونستصحب معانا مبدا(ابا غراط ابو الطب القال لا تؤذى). لانو ياجيك،انحنا فى السودان بننقسم على اساس عرقى وثقافى ودينى ولا دينى زاتو ودى الحقيقة المابعدها حقيقة وواضحة وضوح شمش الضحى واى زول بينكر الكلام دا يكون هو زول قاعد يدس وراء اصبعة.وطيب البجمعنا شنو؟؟ وهنا ياجك الهدف من البوست دا والاجابه حتكون من خلال الممارسة الاجرائية فى طريقه تفكيرنا فى الايام الجاية.... و تيب...كدى قبال ما نحاول الاجابه على بعض الدردشة والونسة حقتك هنا كدى هاك الشبال دا اولا.. اولا:بلغة السوق الافرنجى (Be entirely tolerant or not at all) Heinrich Hein تانيا:بلغة السوق العربى (ياخى يا تكون زول متسامح لدين او جلى الموضوع من اساسو). وبرضو هاك دا: "القيم الاخلاقيه العامة؟ ماتكون هذة؟". المشرع من مكسيكو سيتى فرانسيسكو سياو،متحدثا عن الظهور فى واحدة من المجلات السياسية،و لم يستر جسدة سوى شعار حزب العمل القومى الذى ينتمى الية كورقة تين تستر عورتة. وبعد كدا ارح النقارة حقت المجزوب اونسة-الونسه-حقتنا.....
بنية بتاع ماما تاى-بت الجركينة- روث عثمان.او رثمان سلام كبير قدر القرنتى ومرحب بيك فى كانون الافكار المادايرة تنجض لليلة وبعدين فى شنو ياجماعة انا عملت شنو لى رحاب؟ شايف تراجى عملت ليها بوست(اسمو لا للازواج الشنو كدا ماعارف) وعملتنى دكتاتور-انا فاهم هى عملت البوست عشان شنو) لكن اقول ليكم كلام(الباسبورد حقى ما بديهو لرحاب وخلى العب الكبير اب عنقرة صديق الموج يجى يقول قولو لمحسن انشاء الله الباسبورد بتاعك يبقى داندرمة فى البلد الهو قاعد فيها) وانا راجيهو يبقى داندرمة من الديب فريزر عشان ارجع بيهو بلاد الحردلو-الحر- السودان واصلو خلاص صلعتة-متل صلعة محمود المليجى- وعلى الاقل صحباتى الجندريات العملت ليهم شاورمة-شريتهم- بالدكوة والشطة والقبل ما اسافر وزعت ليهم شريط محمود عبد العزيز-اتصبرو ماتشيلو هم- وعيك الفرتيق الياها،يلقو ليهم موضوع ينبزونى بيه ويقولو لى(امشى يامخستك يا اب صلعه والصلعة المقابلة الحر كويس معاكم؟) وبعدين تعالو هنا انتو المخليكم لليلة سكرتيرات وعاطلات فى وزارة الماليه شنو قايلين-على الرغم من دق نحاس ظار الجندرة البتعملو فيهو دا-انكم-حسب قول باتتى هينسن:القال بلغه النصارى والكفار اولاد النجس(you create your opportunities by asking for them) وترجمتو-(بتلقى فرصك-فرصة ولا روب زاتو بى جازكم- لمن تطالب بيها)فا يازولة هوى تارا انتى كمان،ماتقول لى فترنا من(بكرى) مافى حاجة اسمها فتر و ركلسة فى اخذ الحقوق استمرو فى النقه والبرى لمن تلقو الدايرنو براكم شايفين فى السودان مافى حاجة بلوشية وتيكت ايذى ياعزيزى(لو داير تحفر بير ساى ناس سنتر قريش فى الخرتوم بيقولو ليك امشى يازول ها كسح مننا ورينا عرض عمتك ولا توبك العجبو عاجبو والماعاجبو يمشى يحلق حواجبو-يعنى شيل سلاح وارجانا فى الميل اربيعين فى بلاد المرافعين) وانتو عارفين نحنا فى الجنوب من قبل اولاد جون ابان كدوسات والوسكى-الخواجات- يكسحو من قصرهم بتاع الزباله المطرطش بالاسمنت-القصر الجمهورى الكنيستو اتحولت لى معرض سيارت خواجات الحركة الوطنية وبعداك تجيبونا عشان نتناقش معاكم حول التعدديه العرقية والدينية؟ياخى طخ- عارفين شلنا السلاح بس عشان يكون فى اسبيتاليه وشفخانه-الا بالجبخانه دى- وحاجات تانيه متل الميداليه الفضية-نائب الريس سيد الناس البريدنى وبريدو- شايفة كرسى الجلوس المحجوز لينا دا؟المهم واصلو كفاحكم مع بكرى وما تجرو واطى لى حاجة دايرنها ودا عشان مصلحتكم ومصلحة الجاين بعدكم-مايضوغو المكشن بلا بصل حقكم المن سنة حفرو البحر- و شنو؟ و و و شنو تانى ايوة مابدى رحاب البسبورد حقى-مغرزة لى تراجى عشان تانى ماتطلع مداعى- وكان لى الشعر حق رحاب بالنسبى(مخدة ريش نعام) فى بلاد التلج.تانى فى كلام؟؟ الكلام انا بقولو عشان فى ناس هنا عارفهم راجنى اقولو ،اها جات المناسبه خليهم يجو وشايلين معاهم سيجاير برنجى خلى من الروثمان الفاخر دا...... وتشكرى على اى حاجه سمحة قلتيها هنا اولهم النص حق(ناشنجوك) اخوكى فى كريم المعتقدات انشاء الله(اووطو لاكو) اسم المساخة والشهرة(محسن طه)
07-16-2008, 09:53 PM
Bashasha Bashasha
تاريخ التسجيل: 10-08-2003
مجموع المشاركات: 26621
محسن ياخي أمسك أي راس موضوع و أفرد ليهو بوست منفصل وبداية أعجبني جدا حديثك عن حراس اللغة
وهنا مكمن بؤس الكثيرين الأدوات هي التي تقودك للمعرفة وليس التنطع
ياخي أحبك زاتو وينصر دينك أفرد أفرد الموضوعات لمزيد من النقاش أول بوست أحس بيهو انو في زول بتكلم بحميمية وبعمق ما عادي ياخ : أحب حنانك زاتو أنت كنت وين ؟؟ بهاء
------------------------ الجالدونق المخضرم:بهاء الهادى سلام يامونج.......وشنو يا جن-يا جن يعنى يازول- جيت هنا كبيت كمية من الباكمبة-الحبوكانت- يبدو انو المشوكشات لسه بيكون محتفظين بجواباتك الزمان ديكا-اخوك جواباتو كانت فى فيها كلام ذى دا...يامسمار قلبى- والله الجماعة قلعو ليك مساميرى ذى الترتيب. براك شايف الكلام كتير لكن الزمن مافى وكلو فى تلقيط ابو الجورج-الدولار-المكتوب فيهو(in god we truth)-كحل للثقة فى الله كيف.ودى البتخلى الجماعة يصدرو الاوامر عشان يمشو يكسرو ويفجقو اى جن رافع قرن وعامل فيها عب كبير ضد(الراسمالية ونظرية الفكى فوكوياما عن نهاية التاريخ) ودرس بعد الخدا-الغداء-الماتعلموهو ناسنا الرافعين قرون جاموس وممثلين فيها بينطحو فى الراسماليه وعاملين فيها حزب حماس.احسن يروقو المنقه شوية ،لانو الحركات البعملو فيها هسه دى الجماعة الروس-الروس الروس حباب التيوس- سبقوهم فيها لمن دقو بيهم الدلجة بردلوب فى الواطة وهسه بجيبوهم هنا (كعمال نضافه وسواقين تكسى وقندرانات-كدا كدا ياالترلة- درش ذى الدرش وانحننا طبعا ياهو متل ما عارف راس من غير طايوق-عقل- موضوعنا كلو فى(البنسلين ياتمرجى) وكربون حجر بطاريه ابوكديس(لتبريت الجروح من الضرب فى العنكل ضفارى فى دافورى كرة الشراب-السياسة- العند الخواجات فن ادارة المجتمع او الخلافات ليست الحضاريه زى مابيقولو الناس السكنين فى اهاى هاى لمن ودتم المحكمه الشريعيه للاديان كريم المعتقدات-عاد كان فى داعى لجنس دا؟)، وباعووضة ماعندنا ليها فلييت ومظاهرات من اجل القضايا الحضاريه-او كما قيل- لناس فلسطين ولبنان والعراق والمجادلات حول الظار-اقصد الدستور- ورفع قرون على الناس الاهالى(لا بعروفو جواز سفر ولا كهربة ولا حنفيه ولا الكهربة جات املو الباقات لا بنك فيصل ولا بنك البركة لا بنك امدرمان الوطنى ومؤسسة الشهيد الخيرية)الكاسورى دا كلو واقع فى راسهم وكلو من الناس البخشو الحيشان الاسمها جامعات العاملين فيها ياسر عرفات لاى صغيرة وكبيرة فيما يسمى بالقضايا الكبرى للانسانية-تقول لى جدودنا زمان وصونا على السجم-اقصد الوطن- نقول شنو ولا شنو بس.ويادوب الروس فهمو ياعنى شنو كلمة(البلوتارية الرثة) الموجودة فى المعجم الدينى الماركسى الارثوزكسى المحافظ لمن جوا هنا فى ملعب الراسمالية.. وعندنا ناس برضو لسة بيجادلو فى(ناصر وميشل عفلق وحسين مروة وزكى الارسوزى والاصالة والمعاصرة والقديم والجديد) كمان مصطلح(القوميه) العوير بتاع ناس القرن التمنطاشر الكان هايم هناكا عند الالمان البيقول(لو الناس تكلمو لغة واحدة ودين واحد)عادى ذى الزبادى بعد دا ممكن(للمرفعين والغنماية يصنقرو فى زريبة واحدة ويستمتعو بى اغنية-انا وانت والنيل والقمر وفى الليل الهادى) اها يا جيك دايرين كلنا نشيل بسطونة ونقول للزول اللسة بيحلم بالطريقة دى(اصحا يابريش) و(قوم فوق يابرعى) الاحلام دى خلاص ياعمك انتهت وطلعت(بت ابليس) ساكت وتعال هنا اقعد فى الواطه واشتغل معانا (فنى مساحة) للافكار المدمرة الجاتنا من(الشر الاوسط حقكم دا) وانو الافكار والمفاهيم والجاكات الايدلوجية والاستنكاحات المعرفية الكنتو بتفتكرو لمصلحتنا-البقولو عليها قوميه- مفروض محلها وحدودها تكون وين؟ ودا عشان مسالة عبيد وفروخ-شايف الشيه بالجمر فى الجنوب زمان وفى دارفور هسة- ومكوجيه وغسالين والكلام الاحتقارى الميت دا،لازم يصنقر فى حدودو الثقافية هناك-اسمع انت الناس العندها دكاكين الغسيل بالباخار الدراكلين ديل فى العمارت والمنشيه ولا وين ماعارف غسالين ومكوجية ولا استثناء من القاعدة الاحتقارية؟ وطبعا البغسل فى (حى الباطنية بحرى) و(البغسل ويكو فى عمارة بنك الاعتماد سابقا)كلهم بطلعو رخصة من البلدية-المحليه-باسم غسالين ومكوجيه-وتجو تقولو هنا يفرق كتير طعم الحلو ولو يبقى مر؟. ونوع الكلام القولتو دا هسه برضو مفروض يتلب من افكارنا ويشتت لبرميل عفانات التاريخ نهائيا...........كيف وبى ياتو طريقة دى الاسئلة الحا تنبطح فى الواطه هنا للاجابه مع الناس(القيافة البحبو اللطافة) ولا وشنو ياجيك؟ المهم تشكر ياجامد على الباكمبة(ونفس الشعور والاحساس) وفى احسن من( مثولوجياالحب؟)... وابقى اعمل احمد مظهر-اظهر- تانى تلقانا يانا نحن وتعال امشى معانا كل الخطاوى الممكنة والما ممكنة نبقيها ممكنة ولا على كيف ابوها زتو. اووطو لاكو
وين يا مونج بشاشا عامل شنو فى الدنيا قدود دى....وشنو بس نكسح كدا القيامة تقوم ياخى انحنا بقينا فى الاعلام والاذعات الاجنبية اكتر من قضيه قريش التاريخية-فلسطين- دا جنسو شنو دا؟ المهم عندى يومين تلاته هنا فى منتريال واحتمال ارجع بكرة او بعدة ياهو قلنا نضقل شوية مع ناس وطن-الباسمو انكتلنا وانضبحنا- على وزن(شئ من حتى) واحتمالات بكرة واللى بعدة لو امكن من باب التمنيات والاشواق فى حتة عجاجة فوق من المظالم التاريخية.....وشايف شوية شوية بقت تتكشف الحكاية فى حقبة مابعد الاوهام ةالاساطير وفى حبة تغير فى التعابير والمصطلحات ولكنهم ما غيرو ايدولوجيتهم المعروفة(يعنى على الاقل فى كلامات عن سوا سوا وكدا وانت انا وممكن نبنيهو البنهلوس بيهو يوماتى ولا شنو ماعارف)..
ومسالة زول يجى يقدنا تانى بحكاية(اصلا انحنا فى السودان عبارة عن-قهوة باللبن- cafe au lait وعاوزنا نجادلو لمدة تجاوزة الستين سنه فى هوية القهوة باللبن دى-ومستعد يغالط فى انو هو اللبن والقهوة القالها فى الاول ينكرها دا زول النقاش معاهو فى الحتة دى مابخارجنا من المركب المقدودة-السودان- وماحنقول ليهو انت زول كضاب ومنافق-وكلام ذى دا- لا لا هو يقعد ذى ماهو ويعتقد ذى ماداير وفى نهاية السكسكة ،الدول والمجتمعات الانسانية-واشدد على كلمة انسانية- فيها العقلانى ولا عقلانى والاساطير والخرافات والاوهام والدجل والسرقة والاحتيال والاونطا وغيرو من اساليب وطريقه تفكير- وهنا الدايرنو بس ومن غير لف ودوران انو اساطيرك ومحاولات احياء هوية خرافية ميتة مسالة بتخص الزول بيفتكر انها بتديهو نوع من المعنى فى(الحياة) ومن حقو الديموقراطى ان يحول الاساطير والخرافات الى قوانين ومؤسسات خاص بيهو والمجموعة الدينية او الثقافية الهو بينتمى ليها كما يشتهى. ويا بشاشا فى زول فى السودان دا قاعد بشكل عاجبو ويمكن يكون ماعاجبنى-جملة وتفصيلا،كشف كويس للعبارة الخطيرة دى- ورضع شطر امو وانفطم على اساس انو هو زول مختلفة عن الاخرين-سوا كانت وهمة ولا كضبة ولا جاكة اوسع من الخيال زاتو- وانو هو على مستوى التفكير المعنوى والزهنى جاى من واقع مختلف ممكن نقول عليهو(الجزيرة العربية) او من الواقواق بشحما ولحمها شفتا شنو...بى جازو ومخير فى نفسو وما اظن فى زول صحى قاعد يكحل ويكشف للواقع على الواطة مستعد يخش فى حلقة ملاكمة كلاميه ولا فكرية حول الاساطير والاصل والفصل.و بعد (الدك والجر بالواطة والحاجات التانية) انا عن زات نفسى ماداير اخش التاريخ فى المجادلات الكلامية والزهنيه او الاعتقادية والدينية والكلام عن تقرير المصير يوم (القيامة) والى اخرو من حاجات صنقرت بينا لمن جانا بواسير وفى النهايه برضو يوم القيامة حا ناخد(ماسورة) ذى العجب.وتقرير المصير حيكون فى الارض ومواردها ومنتوجاتها وكيفية نعمل ليها قسم الفضيل-تتقسم- ودا ما بطريقة البحث عن (العدالة) بمعناها العيك داك والقاعد فى المجلادات والكتب الفكرية و-ممكن قبولو ونقاشو على مستوى حلقات اكاديميه واسعة- ولكن لا اظن ممكن يفيد الناس البتتالم حاليا ومن سنة اسكت....المطلوب هو البحث عن(الحلول المعقولة) والواقعية وممكن نقول منطقيه ومنطقية كيف؟بالسياسة( كون توو سرى)-واحد اتنن تلاتة- ولانو مفهوم العدالة بالمعنى الاجرائى ليهو-وذى ماقلتا-موجود بكترة فى بطون الكتب الارضيه -اى-البشرية ولا فى ما يسميهو المؤمينين(كتب الوحى) حقت موسى وعيسى واخرهم محمد. السؤال الممكن ينبطح هنا هل مفهوم العدالة اتحقق على مستوى حياة البشر ؟لا طبعا ولو اتحقق فى اى مجتمع انسانى-انا شخصيا بعد كدا مابقدر بقول انو المجتمع دا مجتمع انسانى اطلاقا- تفتكر ممكن نسيميهو شنو؟.... وهنا فى البوست دا دايرين الكيفية الهى-التفاوض-حول الارض وليس السماء ممكن يوصلنا لى(الحلول المعقولة) كيف من كتل هو انحنا كم. ولسه حا اجى اطقل كفر فى الحتة دى...... مع احترامى وياحبة عاوز اقول حاجة لى انور كينج عن اولاد الحرام-شفتا الجرجرا دى-كيف
07-17-2008, 03:38 AM
الفاتح ميرغني الفاتح ميرغني
تاريخ التسجيل: 03-01-2007
مجموع المشاركات: 7488
صديقي العزيز كبر تعرف " الجن" الإسمو محسن طه ده كتاباتو من النوع البتش عين الضلام بالضو عديل كده وتلامس مفارقات واقعنا المشلهت بـ "حميمية" كما ذكر صديقي " المجنون" بهاء . تقرأ بوستاته وتشعر بانه " يحجيك حجى" ولكنه يسبر اغوارا عميقة في واقعنا السوداني غير المتصالح مع ذاته.
جكة نمرة اتنين وحى الزهور كمان يا انور كينج شايفك قلتى: (قولة عب دي محلولة بالحيل...الا أنو
أنا يا حبّة عندي مشكلة مع قولة ده ود حرام...والموضوع ده أنا مطلّع ميتين حلتي يا منقة! لا يُعقل أن يكون زول ملفوظ من مجتمعو من قولة تيت، الا اذا كان-وفقط اذا كان- مجتمعو زاتو ود حرام!
وعشان كده يا محسن يا أخوي، انا داير أفلفها ليك لمن أطلع منها الآتو زاتو مع الجميع، داخل وخارج أسوار سودانيزأونلاين...ولازم أطلع لي بزول زولين من غلاة المتطرفين عنصرياً يتبنو ليهم أولاد حرام (بالفهم السائد حالياً) عشان يكون الجميع يا إمّا، أولاد حرام...يا إمّا تروح الكلمة دي في زبالة أولاد الحرام). _______________________________________________ يا جيك كلامك الاخير دا اخوك فكر فيهو تفكير طويل لمن كنت فى الشغل فى غابةكيبيك وماعارف ليه ما شكل لى اى نوع من الفضول المعرفى-على الرغم من انو كنت بشتغل فيهو كتير لمن كنت واحد من الرعراع والوعاظ لمايسمو بالتعددية العرقية والثقافية فى اركان النقاش فى الجامعات السودانية-كشف وكحل زول بيقول ليك كان شغال واعظ تعدديه ثقافية وعرقية و وين؟فى فى ما يسمى ب(مؤسسات التعليم العالى) وبنكون راكبين بص مواصلات جاى من بحرى و لا الحاج يوسف(الوحدة) وجوا البص بنجضم كلام الطير فى الباقير-رطانات جد- وبعد شويه نخش جامعة الخرتوم فى ركن نقاش نتكلم عن(جمال عبد الناصر والقزافى والاسد وعبد العزيز ابن سعود وحسن نصر الله وايات الله الخمينى وحماس وحزب الله وكيف نكون ناس رسائل حضارية من المحيط الى الخليج) ونعمل جلال مرة واحد لمسالة لسانا المكعوج وكيفية سمكرتو وصيانتو عشان يلعق علوم المجازات ذى الناس. وفى النهاية دى الطريقة البتخلى(ترتارة التاريخ)تلف ودور فى السكلى والعويل حق التهميش لمن العرب ديل يتخرجو من المؤسسات التعليميه ويجعوا مناطقه ويقعدو فى البرش والحصيرة مع اهلهم ناس(ابو الريف)البحلمو متين الوليدات يتخرجو عشان يجيبو ليهم (الرغيف) وين يلقو رغيف وجراية والشباب رجعوا يتكلمو ليهم عن البوسنه والهرسك والجهاد فى الجنوب وجبال تورا بورا وطايقهم مدجج ب(علوم الفصاحه) والحنك البخليك تغالط الناس جمب الجامعه الكبير انو كان عاينو فى فى السماء فى اتنين شمش بدلا من واحدة. طيب نجى لى مساله(عب) محلولة عندك بالحيل..........ولكن ياجيك كلامك صاح ممكن تكون محلول بالطريقة القالوها ليك الجراكين لمن الزول داك جننك ياعب وياعب وبرضو فى حلل تانى بطريقه بلنجات وهكات وشلاليت ولا بى قانون العصور القديمة اللسه حية حتى الان البتقول (السن بالسن والعين بالعين). والاخيرات ديل لو بقو هم ياهو الحل بنكون عايشين فى مجتمع الاعور-موسى ديان- والعميانين وناس شروم مرة البعشوم. يازول فى حلول كتيرة واكتر من القلتهم ليك العنيفات ديل وديل ممكن يسسببو مشاكل ماليها حد...عشان كدا جليها والبيهمنى فى الحتة حقة يا(عب) البتمارس على مستوى المؤسسات والدولة واجهزتها المختلفة وكنوع من العنصريه مقننة قانونيا ومعرفيا كيف الكلام دا؟ ناخد الاحزاب كمثال وكمؤسسات،بنلقاها عندها دستور ومفاهيم قدر الضربة عن(العدالة وحقوق الانسانة والنسوان كمان) لكن لو عينتا كويس بتلقاها مؤسسات مغلقه فى وش الناس التانين الغير منتمين لى دين وثقافه الناس الاسسو الاحزاب دى وقالو انها قومية(يعنى اى زول مفروض انو قاعد فى واطة السودان دا مفروض يكون جو هناك معاهم ويحلم انو يكون الامين العام للحزب الهو جواهو كان الزول دا مسلم لا مسيحى ولا يهودى ولا الاديان حقتنا البسموها(كريم المعتقدات)-شفتا الكريم دا كيف؟- ولا زول عديل كدا وبالواضح ماداير يكون عندى اى دين سواء كان سماوى ولا ارضى زاتو من حقى الوجودى ةالانسانى انة يحلم يكون الرئيس مش بس للحزب بل الدولة زاتها فى حدى زاتها ولا شنو؟مش قالوا قوميين ولا حاجة تانية تحت تحت انحننا ما ناقشنها؟ ولكن وين التحت تحت والفوق زاتو ناقشنها كويس انو المساله كلها جاكة وكضبة واضحة من قولت تيت اولها الكلمة البقت تجيب لى الحساسية والكاروش والدبرسة كلمة(القومية) ياخى ياجيك انا لما اسمع الكلمة من قدوم رؤساء الاحزاب العاملة فيها قومية دى...ياخى بكون داير اموت من جنس الكضب المصدقنو الجماعة ديل ولكن بريح نفسى لانو فى كلام بيقول(انو الكضب على الناس وعلى الواقع عندو حدود ولكن الكضب البيكون جزء من اساسى من الوعى دا بيكون ماعندو حدود ولا بدقع الغيفة عشان يقيف)بيكون مستمر طوالى وياهو هسة دا الوعى الجاب الكاسورى وكسر الاحزاب ويخلى جماهير شعبنا كلو مرة تهتف(العزاب العزاب و لا الاحزاب) للجماعة بتاعين اكل القعنجات والدبايب والارانب حية قدام الناس والاطفال فى استاد الخرتوم ومعاها الكواريك العجيبة ديك وديل زاتهم بيكون لازنهم الجماعه الواهمننا وواهمين نفسهم انهم ناس مدنيين وعقلانيين متخرجين من فرنسا والبريطانية وامريكا قال. اها يا انور كيج يافردة وعبرك اقول للناس ديل دلوكتم القومية دى-مرخية واحسن من هسة تمشو تشوفو ليكم نار احر من حقت جنهم عشان تدفوها من جديد- طقطقتها شترة مافى زول عندو طايووق ولا مخ حيقوم يعرض ولا يرقص فيها وخاصة لو جات تانى تضهب بهناك عندنا فى غابات الابنوس الكابين فيها الجاز والبنزين ومشخيتين فيها اعواد الكبريت من زمان.(الكلام مانتهى عن الجماعة القوميه والدوليين ديل برجع ليهو قدام لو حسييت انو ضرورى). وقبليهو عاوز اتكلم عن العنصرية الهيكليه فى التعليم(البخلى الناس عبيد)للجهل ويمشو برفعو السلاح. وكدى نشوف الجانب المقزقزا والمسلى-المتل اكل الترمز والكبكبى داخل السينما الوطنية امدرمان- فى المسالة اللهو(اولاد الحرام)؟؟؟ ياخى دى والله انت زول حربى و ود حلال..........كيف قايل؟ بوريك بعد شويتين(اجييي يا اولاد الحرام؟
الاستاز الفاتح مرغنى salu mon ami comment vas-tu merci pour ton commmentaire je voulais juste parler de la justice raisonnable au soudan a trouver la negociation nous n avons plus besoin de se disputer a la fin on dit que la jsutice a la bras long السطر الاخير قلت فيهو :ان العدالة يدها طويلة. وشكرا يا مونج اخوك اووطو لاكو
خلاص ياعبيد كفايا ماشى اتكل نشوفكم بكرة وهاكم واحد جقاجق مصلحة من مطعم العبيدوالفروخ والقراقير دا.
الحلقه الكبيره _________________________________________________________باتريس كايو-الكمرون على الساحه الكبيره هذا المساء سنحمل الحلقه الوحيده التى تجمعنا فى رقصه فارندول اليد السوداء فى اليد الصفراء واليد البيضاء فى اليد الحمراء كوله الصداقه تقهقح تحت كل الاسنان مثل عين مرحه على جبين هضبه خضراء ستصير الام امآً لكل الاطفال والاب ابا لكل الاطفال،
الطفل ابنا لكل الوالدين، وسناكل من نفس الاناء بلسم الخلود حاملين على اكتافنا معا هلاك الامس وجبال الغد. النجمه فى السماء المشبحه بلون الفجر تمد الينا جزيل العطاء وفى جديليتها الضوئيه رساله العالم بلااجناس عنصريه العالم كله للانسان منحدرا من البيضه الوطنيه. _____________________________ la poesie negro-africaine--l expression fransaise
جكة نمرة تلاتة مع المونج انور كييج والجكة فى ميدان حى البرجوازية(دنقرشوفو) بملكال ... والجكة دى لله،وكل شئ لله طيب ياود البلد-بدلا من ودالحلال- لانو اى زول ود حلال-لو- انحننا بندور فى لستك الانسانية ومانورط نفسنا فى مركز دائرة الاسود والابيض والحلال والحرام ولا الصراع المانوى المدمرة بتاع(الشر والخير) ودا مابخلينا نتلاقى فى الرملة الدقاقة(المحطه الوسطى) صاح ياجامد؟. وقبل ما نخش توش فى الجانب التسالى فى المسالة-ذى ماقلت ليك امبارح- اللهو موضوع اولاد الحرام العمل ليك دبرسة وممكن لاى زول تانى برضو...كدى خلى اكمل الكلام عن (العبودية) شوية-هو طبعا موضوع عريض- و و الخ.عن التعليم فى السودان ايو زكرتنى كلام قالو واحد (ود بلد) من الهنود الحمر(المفجوقين ذى فجق اولاد قرف والعبيد والفروخ فى بلاد سواد العين) اسمو(امبرتو اكابال)زول بيجضم شعر زى الليل-حاملا ذاكرة الاسلاف الذين علموه(قراءة البرق ليعرف مواعيد المطر). الغياب المستعاد < لم اعش طفولتى بسبب فقر والدى،وجاءت الحرب الاهلية فى بلدى لتسرق من شبابى،اما ضرورات البقاء فقد ايقظت احساسى المبكر بالمسؤولية،وسحقت سنين عمرى الاولى. القرن الحادى والعشرون ينتظر وراء المراة،والمرايا تريك ماهو خلفك ايضا.تعود الزكريات الى البال.هى ليست سيرة،بل خواطر استعيدها اذ اكتب هذة السطور. ذهيت الى المدرسة لسنوات قليلة.كان ابى يقول ان اتعلم كتابة اسمى حتى لايسخر منى،حين اكبر،اولئك الذين يحتقروننا لاننا اقرب الطبيعة وتعلمت ان القراءة فعل خشوع،فانت حين تنتهى من قراءة كتاب لا تعود الشخص الذى كنتة قبل القراء.وكانت الحياة صعبة ،فتيبس وجهى وتشقق بملح الدموع. يسالوننى احيانا:بم يشعر رجل لم يكن طفلا فى يوم من الايام؟فاجبت:بالجوع.لهذا احب الذكريات.هكذا هو الفقر،يجعلك تشعر بانك بالغ وانت طفل،فلاتدرك الفرق الا بعد حين،حين تخور قواك قبل الافول>. شوف الكلام كيف تقول لى-كلام كتير قلناهو اخر الليل سوا؟. اتخيل لى انت وانا متفقين فى مسالة العنصرية اللفظية حقت ياعبد ويافرخ وكيف ممكن نحلها-سوا كان بطريق طاخ طراخ ولا سوا امشى ياعربى ياوهم ولا فرتق ياحلبى يابتاع الفسيخ عنف لفظى وجسدى فى نفس الوكت- وبعداك يتدخلو ناس حجاز مدثر-الحجازين- ونمشى نخش نتفرج فى هلال ومريخ-نضرب قصب سكر وترمس وبلح ونسف تمباك ونسب دين للفارات الجوا الملعب البشوتو الكورة اووت والقون صفايه- ولا شنو ياجك ما كدى؟ لا لا لا اصلا ما حتكون كدا وبالطريقة القيافة القلتها فوق دى. طيب تكون كيف؟بالقانون ياعمك وما القانون بتاع ناس الترابى القالو حضارى سماوى وجوى دا ،بس بتاع الخواجات الارضى و-لو فى امكانية نعيش فى حتة واحدة فى اطار الوحدة الاجرائية مش القومية و(لو)الاولى دى بتفيد التمنى فى اللغة العربية، و(لو) التانية قالو العرب بتفيد اقضد ب(تفتح عمل الشيطان) نفرتق كلو زول يمشى يشوف(ربو وين) ويعمل قوانينو فى بلدو وبلاش موت فى الفاضى(نار فى الدنيا ونار فى الاخرة) دا كلام ما مكسب.لازم اى قرد فينا يشوف ليهو شجرة يركب فيها. الداير يركب شجر التفاح بى جازو ومزاجو-عشان لو المساله جابت ليها شلوت تانى بسبب اكل التفاح فى الجنة يشلت براهو وينزل الارض ويعلب مع ابليس ياكديسة سكى الفار بمزاجهم- و الداير يركب(شجرة الباباى) بطريقتو الخاصه ياكل نارو لو داير يعمل فيها قرن كبير على الناس طوالى يتنزل من الشجرة ويفحطو بيهو(لاهالى) ذى الترتيب. ودى المفاوضات الجايه مابين(التفاح) و(الباباى). ونواصل ماتخافو توجد مواصلات بعد كيتة التفاوض. اوطو لاكو
جكة نمرة اربعه مواصلة مع (انور)الملك: طيب نشوف العبوديه الخطيرة الاخطر من الكلام الميت حق(عبيد و فروخ) فى التعليم البتقتل الناس قتل رمزى الاشدة دمار من القتل الفعلى-لانو بتخليك مشلول عقليا وفكريا- ودى ياها جابت شيل السلاح عشان صعب حلها بالقانون والمفاوضات كعتلات انسانية سلمية...كيف الكلام دا قالو السودان دولة متعددة الثقافات والاديان-الكلام المكرر والممل- يعنى ناس عرب وافارقه ومسلمين ومسيحين ولا دينين(ذى البقولو علمانين ومستقلين ومحايدين وناصرين وبعثين ولليبرالين وحداثوين وبنيوين وشيوعين والتانيين البيقولو هم مابعد ومابعد شنو وشنو داك البيقعود جمب الافرواشين البيقرو لليل ونهار فى الكتب المترجمة حقت مكتبة قالمار الفرنسى-ساكن جمبها فى الحى اللاتينى بمنتريال- عن مشيل فوكو وفولتير وغير من كتاب كفار-حسب فهم ناس الكراريس الحضارية الطرشقت والجاية فى السكة الجاهزين فى اى وكت يصنقرو فى قصر غردون- و لا ديل مسلمين برضو ؟ تانى ناس منو ايو ناسنا بتاعين(اله الماء التمساح ،والورل والكدروك الخنزير والجداد الحى البرمو فى البحر والضب والدبيب والبعاتى والقرنتى والشلوخ ودق الشلوفه)الاسمهم فى دستور السودان الطاهر والقاطع الجمار(اصحاب كريم المعتقدات)-يادوب بتكون عرفتو يعنى شنو كريم المعتقدات صاح؟-. اها كل المزكورين هنا مفروض يدفعو ضرائب-لو شغالين-شغل جد جد ماسماسرة مستنكحين سامبلا ساكت. وقاعد يحصل شنو يعد الضرائب؟ اى زول( جناو) ما نجح فى العربى ما حيكون عندو شهادة اسمها سودانية وكان نجح هو من ناس( المناطق المهمشة) يمشى طوالى يدرس دراسات علم الفصاحه (عربى وفقة ودعوة) وهم ناس جاين من مناطق اقل نمو. و لو ماكنت مسلم ومن ناس(الة الماء التمساح) مافى طريقة تخش(جامعه القران الكريم وامدرمان الاسلاميه وافريقيا العالميه) التابعين لى وزارة التعليم العالى وقروش التمويل حقتها من وزارة المالية(اللهى وزارة قوميه بالضرورة) حقت الكافر والمسلم والنجس.اها ياجيك دى ياها اخطر عنصرية البتخلى الحرب مستمرة. ودا غير انو زول نجس ولا كافر ولا لادينى(حتى لو كان عندو راس ودكتور ومهندس..الخ )من مؤهلات ما ممكن يكون رئيس فى السودان ولا حتى رئيس حزب. طيب نعمل شنو؟ ندوة ولا تاليف كتب ولا نقة هنا ولا شنو وعربشن وعبيد وافارقة و هوية ودين ودوله ،المفروض نعمل شنو بالظبط عشان نكون بلاد الخواجات ديل فى(محلات لحم حلال) والحاجات حقتنا الما حلال. ن؟سؤال مفتوح
جكة نمرة خمسة مع الفردة:انور كيينج (يا ريتنى لو اقدر اقول فيك الكلام الما انتكب) الفنان ود الامين- فنان وموسيقار حديث ومعاصر لة عدد اعمال فنية وموسيقية فى فشودة والانقسنا وجبال النوبة والجكو وابيلنج وااويل والفرشاية وخور فلوس ويتراقص ويتمايل على نقارتو الموسيقية كل من الفراتيت والشلك والزاندى والنوير والدينكا والمرلى والمورو والاشولى والامبررو والفلاتة-وتانى ناس منو يا كيينج من ناس كريم المعتقدات سقطو عمدا وليس سهوا فى حلة ملاح مشكل السودانية المدنكلة دى، ما ذكرناهم واحسن نزكرم من هسة عشان ما يجو يوم تانى ويقولو همشونا وجلونا- ذى الناس الهسه زعلانة من ناس المكرفونات فى الرادى والتلفاز والجرايد البتدعو كل المؤمنين للصلاة والدعاء لى اخونا فى الوطن الرئيس(عمر البشير) فى محن شراب(الحلو مر) المشروب السودانى الاصيلى.وقالو امداك لمن قالو دايرين(الموالى الاتنين ديلك) فى(لاهاى) مالو ماطالبو الناس المؤمنين للخروج والصلاة والدعاء عليهم؟ ولا القاعدة التاريخية فى(سقيفة بنى ساعدة) هى الاصل لمن جو(الموالى)-هم ناس مسلمين من الشعوب الغير عربية- وطالبو ب(الخلافة) وردو ليهم(ان العرب لا تدين لى هذا الحى من قريش) و(الامامة من قريش)؟؟ ياخى ما علينا اللغه العربية واضحة فى(حصة القواعد)-مثنى وثلاثى ورباعى- وما عد ذلك فهو من(الدخيل)-مهمل-طنش منو.المهم لو اتزكرت ناس ممكن بيستمعو لى ود الامين ولى ما يسمو الاغنية (السودانيه) ممكن تضيفهم. وكدى شوف الجالدونق الاسمو(امبرتو ايكو) قال شنو فى اخر صفحة فى كتابو(كيفية السفر مع سلمون-معرضات ومستعارت جديدة-)....شايف ذى العندها علاقة نسب ولا فيها عرق ماعارف فى الكبسيبة السودانية القرشية حقتنا دى. سان باودولينو < كان باودولينو هو قديس الشفع للاسكندرية-ايها القديس باودولينو-احم هناك فى العلا،فى السماء-ابرشيتنا- وشعبها المؤمن.واليكم مايروية بول دياكر عنة: "فى عهد ليوتبراند،فى مكان يدعى الفوروم،على ضفة التنارو،كان يسطع نجم رجل ذى قداسة مدهشة،قام،بنعمة من المسيح بالعديد من المعجزات وغالبا ماكان يتنبا بالمستقبل ويبصر اشياء يعيدة وكانها رهن عينية.زات مرة وبينما كان الملك يصطاد فى غابة اوربا حدث ان احد اتباعة وهو يسعى لقتل ايلا جرح بسهم ابن اخت الملك ذاتة(...)وما ان راى ليوتبراند الذى كان يحب الصبى حبا جما ذلك حتى شرع فى البكاء والنحيب للمصيبة وارسل فى الحال احد فرسانة الى القديس باودولينو يرجوه ان يتضرع الى المسيح فى سبيل حياة الصبى السئ الحظ." والكلام لى بول دياكر مابوسع قديس عادى ان يفعل؟حسنا لنستانف مجرى الحكاية : "بينما كان الفارس يقترب مات الصبى.واذ راه العالم بالغيب يصل، خاطبة كالتالى:اعرف سبب قدومك ولكن ماتطلبه منى مستحيل، لان الصبى مات." ولما سمع الملك تلك الكلمات ورغم حزنة لعدم تمكنة من نيل تاثير صلاته، الا انه اقر، جهارا، بان الرجل الربانى، باودولينو موهوب بروح نبوية." ارى ان ليوتبراند احسن التصرف واستوعب درس القديس العظيم ،الدرس الذى يتلخص بالتالى:فى الحياة الواقعية، لا يمكن القيام بامعجزات على الدوام. والانسان الحكيم هو من يعى الضرورة.وقد قام باودولينو بمعجزة اقناع لومباردى ساذج بان المعجزات شئ نفيس نادر للغاية.> اها ياكينج انت ممكن تمرق بى شنو من كلام الجالدونق(ابرتو ايكو)الفوق دا؟. انا مرقت بى دا: لو الناس عاوز حلول لى مشاكلهم الحقيقة فى الواطة-الدنيا- احسن نتكلم بطريقة معقولة وجادة ونتجنب ان نكون رجال دين فى كلامنا-حتى ولو كان الدين دا دين العقل- والمنطق الجافى داك.وعشان ما نوهم نفسنا اننا بنمارسة(عفه ايديولوجيه) ونفكها فى نفسنا اولا وتانيا نجبر الباقين(كسر رقبة وزندية) يصدقو اوهامنا(العفيفة واللفيفة دى) وانا وانت والنيل والقمر تروح فى بلنجات وكاسور(الاوهام) وماحسينا انو الامور بقت تفلت مننا لحدى ماحصلت جدد جد هسة-تجاوز الواقع على الفكر مش العكس-. البخلينى اتونس معاك هسه دى هو انو(الحاجات العظمى) فى الوكت الحالى،بس حتكون للوضوح العملى يابنج ويا جاال وياجن-كلهم يعنى يازول. طيب نشوفك قلت شنو هنا فى الاخر: (أنا يا حبّة عندي مشكلة مع قولة ده ود حرام...والموضوع ده أنا مطلّع ميتين حلتي يا منقة! لا يُعقل أن يكون زول ملفوظ من مجتمعو من قولة تيت، الا اذا كان-وفقط اذا كان- مجتمعو زاتو ود حرام!
وعشان كده يا محسن يا أخوي، انا داير أفلفها ليك لمن أطلع منها الآتو زاتو مع الجميع، داخل وخارج أسوار سودانيزأونلاين...ولازم أطلع لي بزول زولين من غلاة المتطرفين عنصرياً يتبنو ليهم أولاد حرام (بالفهم السائد حالياً) عشان يكون الجميع يا إمّا، أولاد حرام...يا إمّا تروح الكلمة دي في زبالة أولاد الحرام).) طيب يا جنا الباباى-امك اخوك ركبك سرج شجرة الباباى القلتاها فى المداخلة القبال دى شوفها كويس كان ماخارجت معاك ممكن تختار شجرة التفاح- انو يا جنا الباباى- وعشان ما نقبل جاى وجاى فى الفارغ والمقدودة- مصطلح(اولاد الحرام) دا ياجيك قبال ما نفرتك راكوبتو-مطرة من غير سحاب- يعنى فاجاتنى بيهو(كزول جاى من حتات فى السودان دا) مافيها امطار المصطلحات الغزيرة(الحادة والسنينة)-متل السكاكين الحادة والسنينة حقت الجزارين الكانو شغالين موظفين فى محاكم العدالة الناجزة زمن الامام نميرى،البيقطعو اليدين والكرعين فى سجن كوبر القومى ومعاهم دكاترة اطباء الابو طب حقهم(اب غراط)قاليهم(لاتاذى) وبلوشى الدخول لى جماهير شعبنا للستمتاع بالمشاهد والتهليل والتكبير على هذى السلاخانات البشريه وقطع راس كل مرتد وكافر- واغلب المقطعين عارفم من وين؟- انسى بس. يعنى حسب مقاس تفكيرى كزول منتج ومسمكر عقليا وفكريا وزهنيا ومنطقيا ولا منطقيا-لو اديت نفسى زايدة توم وشمار- يعنى بنتمى لى ناس(اله الماء)-التمساح- المثقفين بتاعين الخرتوم ضبحو لينا سماية دستورية حلال قالوا اسمنا ناس(كريم المعتقدات) وبتعبير اشمل لو ماقلت دقيق(Fetichiste الاخلاق الوثنية) وبى معانى تانية اكبر دقة(الجاهليه)-حسب -مقدس الثقافة العربية(الاسلام) الكانو فى الضلام والضلال قبل نور الاسلام المحمدى.وياها دى الفتوى القانونية والدستورية البتصدر من ناس فقهاء الدساتر الجاين قال من فرنسا-حقت مونتسكيو صاحب كتب روح القوانين- يجونا يختو لينا مصطلح هم اول ناس ماعرفين معناتو شنو ولا عارفين سجم خشمهم عن الناس ديل ويستمر الناس(مقيدين ومجنزرين ومربطين من اليدين والكرعين والطايوق بى الحاجه الخطيرة الاسمها الدستور دى.والبدينى الحق اقول وارفع صوتى عالى واقول انو كل الدساتير-اللهو مبادئ ولوائح ومداميك ومسامير- تورى الناس البيهم والعليهم فى مجتمع معين وكل زول يكون ماشى عديل وذى الطلقة من غير لف ودوران واستنكاح هى ياهو مطلعه ميتن ابو اهل الناس ودينهم كمان.والمماحكات والمجادلات فى تعديلها وتكسيرها وصيانتها-مش بس مشكلة تقنية او اجرائية فى التعديل- لا لا بل اعمق من دا،بل نورور باصبعنا فى عيون الناس الفكرو بالطريقه دى ونقول ليهم عملكم دا كان ومازال مقصود بيهو(فعليا ورمزيا) خنق وفطيس ومرمطه للناس بتراب الوطن.كشف ياجيك للكلام الكتير المحشر جوة هنا دا-ياخ متين نصم قدومنا ونصنقر فى الواطه ونشوف لينا خشبه نجر ولا حديدة نسمرة ولا قندران نسوقو.ودى الطريقه البتخلى الناس ماتصل لى حل عشان قعدين يتكلمو كتير ذى كلامى دا؟.هو الموضوعنا كان شنو هو؟ايوا اولاد الحرام طيب بعد المقدمه ولا الفلفسة-ما الفلسفه- الفوق دى، شوف انت زول نيتك كويس جدا عشان فكرت فى الموضوع دا.والاعمال بالنيات وخطوة فى بداية الطريق الصحيح-بس- موضوع انك تجبر زول يتبنى ليهو ود حرام دى صعبه شويه لو ما قلت ليك مستحيله عديل وخاصه فى واقعكم المكلبش ب(الايدولوجيه)التحولت من مجرد افكار ومفاهيم -قابله للتعديل والتبديل فوق متغيرات الدنيا)الى شكل من اشكال التقاليد والعادات- دى ياها صعبه التغير- والمثل بيقول(من خلا عاتو قلت سعاتو) الكلام المفرمل بيكم عن عجلة التطور والتقدم وجيتو فرملتونا معاك من غير اسباب حقيقة واضحة.كيف الكلام دا؟ لانك اخترت تتونس عن الموضوع دا مع زول الخطا اللهو انا-محسن طه- داير تعرف كيف وخطا لية؟ نواصل
جكة نمرة ستة برضو مع انور كيينج. انا قلت ليك اخترت الزول الخطا عشان تتونس معاهو عن كيفية الحلول لى اولاد الحرام والسبب هو اختلافنا الثقافى والدينى برضو.فمفهوم الحلال والحرام يخلتف من حتة لحتة داخل السودان حتى لناس فى دين واحد و بسبب العادات والتقالد السابقه للدين. لكن البخلى الناس تسال وتحب تتناقش وتطرح اسئله فى محل ومكان خطا دا. هو انو لى يوم الليلة الناس قاعدة تفكر عن طريقة حاجة عاطفيه اسمها(القوميه)-الممكن تعنى برضو الوطنيه- تجاوزا.بمعنى اننا حاجة واحدة(ثقافيا واجتماعيا ودينيا) وكمان سياسيا.وبننسى من وين الكلمة دى(قومية)جاية من وين وحقت ناس منو.وفى داخلها بتلقى حاجات ذى(مفهوم الامه ومفهوم العروبه-ناصرى ولا بعثى- والجمهوريه الاسلاميه والصحوة الاسلامية والاسلام الحضارى القاعد دا ونظريه الخضار-الكتاب الاخضر- والخلافة الاسلاميه-التحرير- واهل القبلة والقبة) والحاجات الجو بين قوسين ديل.مفهوم القوميه ماشايلهم خليك لمن يجوا ناس كريم المعتقدات يقول دايرين يكابسو معاهم. توضيح اكتر فى الحتة دى.يعنى نبطل التفكير بشكل قومى و كل ناس حته(يقيمو ويقومو على كيفهم)وبى الطريقه الهم شايفنها بتخارج معاهم.وعشان تانى ما يجى زول دخل الاحزاب الخرتوميه ويفتكر انو كل سؤال بهم الاحزاب دى مفروض تهم اى زول-احلام بتاع الخرتوم ما ذى احلام بتاعت ناس الانقسنا ولا فشودة-. نمشى بعيد لية جوا الخرتوم دى فى ناس بيفهمو الديقراطيه بطريقه مختلفه عن حقت الصادق المهدى شيخ الديمقراطيه فى الخرتوم دا-الامام الصادق داير يكون رئيس وناس زقلونا داير قراريص-قراصة بملاح شرموط- ومدرسة وماسورة فيها موية نضيفة- و وكت الناس كانو بيعملو فى اتفاق السلام مع الحركه الشعبية فى مشاكوس.الناس المثقفين والسياسين كانو بتكلمو فى الجرايد عن ضرورات الديمقراطيه والتحول الديمقراطى-ياخى زول داير يوقف الموت والضبح الواقع فى اهلو وناسو-تجى تقول ليهو مفروض الديمقراطيه اولا؟ وهنا الفروق البتخلى الناس تفترق فى كل الدروب الممكنة. والناس البيقول عليهم اولاد حرام فى الخرتوم ولا فى المدن العربية والاسلاميه فى باقى السودان،عندنا هناك فى الجنوب ما اولاد حرام-بالمعنى الاسلامى- ودا مش معناتا ماعندنا فهم عن الموضوع دا-اى مجتمع من المجتمعات الانسانيه عندها منظومه قيم- لكن بنختلف فى درجه التعبير عنو،وقبيلك قلت فى الاول هو مفهوم-حاد- مشحون بفهم ما حياكل عيش.. لو مشى يضهب بفهمو المحكوم بظاهرة دين الوحى(الاسلام).وطيب انحنا ما عندنا دين وحى(المسيحية) مابتقدر تتكلم فى الموضوع دا-او على الاقل-لو فى بيكون قاعد مجكك جوة الكنيسة (وعظ)-جوا هناك نسوان و رجال فى كنبة واحدة- مافى زول بيكون واقف قدام والتانى ورا وفى واحدين بيكون (جكسا فى خط ستة).المهم ماداير انتهز المناسبه هنا واتكلم فى انثربولوجيا الاديان والكلام الما حيفر لينا بير ولا بزرع لينا قصب سكر والبلح-الاخير دا اهم سلعة مستورة عندنا وعشان رمضان طبعا لانو حكومتنا العلمانية(علمانيه شنو ولا محتاجه تتكلم عنها حتى) قالت انو سريع الاشتعال بيعمل حريقه فى الجقاجق والكمونيه-. اصعب حرام عندنا زواج القرابه-بت العم والخال والعمه والخاله-.فى قصة حقيقة حصلت فى بيتنا فى موضوع زواج القرابه..وطبعا فى اسرتنا بننقسم الى تلاتة(مسلم.مسيحى.بتاع اله التمساح)-لمن يخدو صينيه السفسفه واحد باسم الله واخو الكاشف بيقول باسم الاب والكافر حقهم بتاع التمساح بيشيل قطعه لقمه بيجدعه فى الواطه عشان التمساح يبلعه) تفتكر اخوك ياتو فى التلاته ديل؟دا سؤال نخلى لى ناس لجنه المصنفات(الادبيه والفكريه والدينيه الهنا والبرة ومافى داعى نخرب ليهم سوقهم ونحرمهم من الرزق-لى كل مجتهد نصب-. المهم عندنا ود خالتنا اسمو صلاح قام جكس بتنا خالتنا اللهى بت خالتو وديل من(القطاع المسلم)حقنا..يقوم يوم يقول داير يعرس البت.يازول قريبى دا دقو ليهو جرس(لا جرس طابور ولا جرس فطور ولاجرس فسحه) طوالى الجري النهائى حق(البيوت) فتوة انو نهائيا تانى مايجى خاشى البيت ولهسه قاعد فى الخرتوم-تقول لى لو ناس دخلو دين واحد واتكلمو عربى واحد هو ياهو الحل؟ وين ياعمك. واخرتو...........دا مانقد ولا اى حاجه بس ممكن تقول عليهو تفسير فى زمن(التكسير) تكسير المفاهيم والافكار البتلب من محل لمحل والزول البجى بتلب بيها ممكن يوم يتلب ويقع فى بير قطس حجرو-اصلا اتفطس- وكل البعمل فيهو فرفرة مزبوح قبل الموت النهائى. ختاما...بيقول كل ختام سؤال...انت يامونج(انور كيينج)الناس الفى السودان البياكلو(لحم الخنزير) اكلم دا حلال ولا حرام(بسال مش عشان داير اجابة بس خليها منالوج داخلى جواك-بتحتاج ليهو يوم تانى لمن تخش فى مجادلات مع الجماعة القلت متطرفين وعاوز تدى كلو واحد جنا حرام عشان يربيهو فى بيتو-. هسه الكلام انتهى....مامعروف يمكن يكون فى تانى وانت زول حربى وفردة منقرض عديل.
07-19-2008, 06:10 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: عزيزي محسن ... بمناسبة كلامك عن موضوع التنميو وحقوق الهامش في الثروة وكدا وحديثك عن إنو مفترض ناس المهمشين ما تنمويا وبس وبرضو ثقافيا إن يقتلو حيل المركز الثقافي ويرضوا بأي كلام يجي من طرفهم .. بس موضوع التنمية دا يمش شكلو المتعافي الي لو إنت ما حاضروا معانا هنا هو والي الخرطوم بتاعتنا دي شكلو سمع كلامك وقال أنا محسن دا أوريه وأغيظه عارف الراجل دا عمل شنو ....؟؟؟ أمبارح قال إنه عندو مليار دولار آآآآآآى مليار دولار عملة البلد الجنبكم الي اسمها أمريكا والي الواحد بتاعة القروش بتاعم بيساوي 2 ألف من القروش بتاعتا قال إنو المليار دي بعد ما شاور خبرا عسكريين ( ما عارف لقا زمن بتين شاورهم ) وضع خطة تأمينية للعاصمة .. وإنو منها 200.000.000 دولار أمريكي عشان يعمل خندق ويكب فيهو موية شان ما في زول يجي خاشي بأم درمان تاني عليك الله يا محسن حسي الزول دا لو سمع كلامك والمليار القال عنده دا عمل بيهو مدارس وجاب كتب وسوا مستشفيات ودفع رواتب دكاترة وكمل الزلط ألي أكله صاحبه الزمان الي اسمه علي الحاج ... وخلا الجامعات تبقى كويسة بتاعة قراية جد جد .. وشوية تنمية .. عليك الله في زول بيشيل دوشكا بيجي يخشى ليهو الخرطوم يتاعته دي لكن زي ما تقول الراجل دا شغال معانا ميتة وخراب ديار .. وكمان معاها مكواة الله يعين
________________________________________ نور الدين صلاح الدين: اخبارك شنو ياعب؟ ياخوى شوف ناس المتعافى ديل بعافيتم يعملو الدايرنو فى خرتوم الفيل حقتم دى وخلى يسمو سور الخرتوم العظيم. بس خلى يسورو نفسهم من البشتنه البتلب من فوق السور القاعدة تجيهم من ناس (لاهاى). وبعدين مفهومة التنمية البشرية المستدامة دا ياجيك داير ليهو ناس مامؤمنين ب(اقتصاد الغنيمة) وناس الله ادانى-وهذا من فضل ربى-قدام العمارات.ناس ديل ما ممكن عقليتهم دى تتغيير خالص-عندهم مبرراتهم الايدولوجيه-عشان يعملو البيعملو فيهو دا.وكدى شوف الشرطه البتمشى تفتش بيوت الناس عن المرايس هم ناس منو؟ بتلق فيها مسلم-ممكن يكون مابصلى وبصوم- ومسيحى وناس تانين ماعندهم دين زاتو وبعد كلو يتكلمو عن الشريعه.ياخى ديل ناس بيكسرو فى اهلهم الهم من مناطقم-تشريد اساتزة جامعه سجنهم وطردهم من البلد-.ويتكلمو عن المشاريع الحضاريه واهلهم فى شندى بيعوا الطعمية والطواقى وبنومو فى عناقريب وفى ناس حفيانة ومقطعه.ياخى التقول الشماليه ذى البلاد الهم بيمشولها وهل صعب شندى دى تكون ذى الدوحه القطريه؟ياهو بس جارين يتبوبور فى الخرتوم وكت تجى الزنقة والعصرة يرجعو لى الناس الناسنهم من زمان يقولو ليهم صلو لينا وممكن يكون فى واحدين من ما جو جامعه الخرتوم وبعدها لندن تلتين سنه مايكون شافو الشماليه.لكن اليبتكلم منو فيهم؟. وياهو صارفين القروش فى العربات للشرطه عشان يمنعو الجريمه قال؟ وناسين انو(الفقر هو ام الجريمه وابوها زاتو). هسه كلام زى دا...لمن تقولو يطلعوك حاقد وعب وفرخ وغسال ومكوجى وانت منو عشان تتكلم ويرموك فى السجن فى احسن الاحوال والقتل لو كترت وياتشيل حاجاتك وتتخارج من البلد كلو كلو.وبرضو يجو يقولو ليك مفروض تكون وطنى...وعشان شنو اكون وطنى ماعارف؟؟بقيت عديل كدا. وعاين كويس المشكلة حقتنا التانية انو انحنا زاتنا ماقادرين نعمل حاجة لناسنا برضو(كبشور .على الحاج وغيرو وغيرو)عملو شنو يانور.طيب عندنا فى الرنك(اكبر المشاريع الزراعيه)حق الجالدونق المرحوم-الشيخ مصطفى الامين - وعندو دكتوراة فخرية فى الاقتصاد بدوها(للناس القالو راسماليه وطنيه) الشيخ ماعندو خلوة فى الرنك باسمو، خللك من مدرسه ولا شفخانه فى الرنك؟ فهل تفتكر دى مشكلتو وهل مفروض تجبر زول عشان يحس بيك ولا يحبك بالقوة؟انا من وجهه نظرى-واشدد عليها- المشكله فينا ذاتنا ياجيك وكيف؟عشان ماعندنا قوانين محليه تجبر اى زول جا كمستثمر انو يستثمر جذء من اموالو فى المنطقه وبالقانون البنشوفو انحنا ناس المنطقه.بالتفاوض-سلاح ونضمى- واحسن الاخيرة. وما ممكن الناس تفرتق وتنفصل ولكن نكون احسن جيران-لانو ماممكن نستمر فى الكتل للابد- وفى الكضب على انفسنا. يقولو ليك ارح نصنقر ننضم فى الهويه والدين والدوله...ياخى الناس ديل لازم يرخونا ونرخيم والداير يقعد فى الجنوب يقعد وفق القانون الهناك والعكس وننتهى من الدوشه بتاعت شعب اصيل وطيب ولازم نحب ونعرف بعض وعشان شنو نحب بعض ماعرف زاتو-شوف انا قاعد هنا فى كيبيك هسه اربعة سنه وسنه فى كندا(وكيبيك دى جوا كندا بلد واحدة لكن نظام سياسى اقليمى كندا ماتقدر تفتح خشمها فيهو ورئيس وزراء كيبيك بينتمى للحزب الفدرالى الكندى-ليبرال- ومن اولاد كيبيك الزول دا يمشى يعمل بزنس واستثمارات مع اى دوله تعجبو فى الدنيا من غير الكلام البيش الميت بتاع عبيد وفروخ.وياهم عايشين سوا سوا وعندهم برضو كلام عن الانفصال والهويه واللغه الفرنسبه والانجليذيه حصل يوم شالو السلاح(عشان بس ياكلو ويشربو ويلبسو؟ اربعه سنه جارى الحيط بالحيط مابعرف اسمى منو ولاجاى من وين وانا كمان مابعرفو واحتمال برضو عندو موقف من الناس السود(عندو فهم عبيد وفروخ) لكن كدى بكرة يفتح خشمو يقول ياعب-طوالى اخوك بيكون مليونير- والله القانون يكرهو اليوم الطلع فيهو زول ابيض.فما في حاجه اسمها (الاخلاقيه العامه)السودانيه وعشان انتا جارى لازم تسلم على واسلم عليك-ودى مساله شخصيه خالص ماحقت الدوله- وموضوع ياعب وياعربى وياحلبى مابينتهى خالص فى الدنيا. هنا الا بوجود قانون صارم.وهنا برضو عندهم محلات صالات كبيرة مكتوب فيها(فقط للضحك)تدفع تزكرة وضرائب وتخش من غير(سكين ضراع ولا بسطونه ولا مطوة ولاحربه) عشان تستمع بالكلام الهسى بنقول عليهو(عنصريه)دا.تسمع نكات فى العبيد من زول ابيض(لمن تزرط من الضحك) وبعد شويه يجى زول اسود(يشيل حال الناس البيض) وعن الهنود والعرب من المغرب ماسكين الجوا هنا يمشى الفنان بعض العرض يستلم عدادو بعد الضرائب يرجع بيتو ينوم بمزاج.شايف الحل للمشكلات كيف.يعنى انا ممكن بدلا اكون مفلس بسبب الجدل المضيع عمرى فيهو الاسمو الهويه مثلا ممكن امشى صاله البانوراما ولا قاعه الصداقه ولا قصر الشباب(اديها شكه فوق الصرة وبنطلون اصفر والقميص اخضر ويجو يخشو الناس المقرشين المابحبو العبيد والفروخ(يدفعو ضرائب ويقطعو تزاكر)للعرض-وحياتك اخلى ليك القاعه دا ينضفوها ناس البلديه تلاته يوم وعشرين برميل ريحه من البول حق الضحكه) ويرجعو مبسوطين من الضحك فى العبيد ونحن برضو نجى يوم نضحك فيهم بدلا من الكوميدا البلاش دى. المهم افهم اى مشكلة بيجى يوم حلها وفى بنبر المفاوضات-خلينى من رفع القرون فى الفاضى- بيجى يصنقر و لا على كيفو. خلى بالك من نفسك. اوطو لاكو
07-19-2008, 06:51 AM
تبارك شيخ الدين جبريل تبارك شيخ الدين جبريل
تاريخ التسجيل: 12-03-2006
مجموع المشاركات: 13936
Quote: صديقي العزيز كبر تعرف " الجن" الإسمو محسن طه ده كتاباتو من النوع البتش عين الضلام بالضو عديل كده وتلامس مفارقات واقعنا المشلهت بـ "حميمية" كما ذكر صديقي " المجنون" بهاء . تقرأ بوستاته وتشعر بانه " يحجيك حجى" ولكنه يسبر اغوارا عميقة في واقعنا السوداني غير المتصالح مع ذاته.
تحية خاصة لك وللمبدع محسن طه
الصديق الفاتح.. حبابك كتر خيرك على المرور من هنا.. عارف يا الفاتح..صاحبنا محسن طه كان عندو تحدي في شكل سؤال: هل الونسة الواحدة دي ممكن تستطيع في أن تخلق خطاب يؤثر على الرأي العام؟..
الإجابة بالطبع نعم.. لأنو الونسة فضاء حميمي.. يعني تاخد راحتك و براحك..و تتكلم من غير حذلقة (الفكرة دي جاية من منهج البحث المسمى..Qualtative Research Method).. و منها جات فكرة ثيمة الثقافة من المواجهة للتفاوض..و خلق خطاب بتاع الناس الأرض (معليش كلمة الأرض.. لو كتبناها بهيئة..الف..لآم..واو..طاء..تاء مربوطة.. الرقيب الإلكتروني ح يشيلها بره..و ده درب تاني بيحتاج لكلام كتير.. فكرة تثقيف الرقيب الإلكتروني بحاجاتنا)..و الخطاب ده مربوط باللغة بتاعت الناس ديل..و طريقة تفكيرها..و رؤيتهم للكون ..يعني يا الفاتح يا اخوي.. الزولة القاعدين يقولوا عليها شكش.. دي.. ليه ما عندها الحق في انها تكون مواطنة فعالة و ليها مساهماتها الإنسانية؟..و ليها لغة الزقاقات (بحسب ناس السما..و هم مقابل ناس الأرض) بنرفضها في الجرايد و مساحات الأخلاق المنمقة..و بنقبل بيها تدخل بيوتنا عن طريق الغنا و الكاسيت..و بنطرب ليها في السوق.. في الشارع.. و في القعدات حتى..؟هنا فعلا تبدو محنة.. اخترنا الزولة دي كاشارة مخصوصة.زو ليها تمنها.. لأنها في التسلسل الإجتماعي مفروض تكون هي اخر زول..و الفكرة بسيطة.. و هي انو في جيل في السودان.ز قدر يمرق من قصة سجن التراتبية الإجتماعية.زو و كل زول أو زولة عندو هو انسان..و ممكن يكون مساهم في الفعالية الإجتماعية..من غير تأطير الروح في حدود وهمية ما ليها معني.. المهم.. الكلام ده فيهو شوية تفصيل في المساهمة الجاية..
و دمت كبر
07-19-2008, 05:24 PM
Kabar Kabar
تاريخ التسجيل: 11-26-2002
مجموع المشاركات: 18547
طرح محسن طه مسألة اثارة الأسئلة حسب قدرتنا..و هي مقولة تنتمى لتيار التفاوض اكثر من تيار المواجهة..في مكان اخر كنت اقول بفكرة مشابهة ..و هي تطوير قدرتنا على الأسئلة الحقيقية المرتبطة بالناس الأرض..و هذه الفكرة.. دوما مسروقة.. فكرة أسئلة الناس الأرض.. بمعنى كل يتبناها وكت الزنقة.. لتفكيك العترات التي تنتظم طريقه..و هذا السلوك بالطبع سلوك مرحلي مهمته تسليك السكة وفقا لما يخدم المصالح..
و عشان نقدم تصور للأسئلة الحقيقية.. بالضرورة .. نقدم تصور للأسئلة التي نظن أنها غير حقيقية..مثلا سؤال الهوية ..و الذي تم سهك ملامحه من سنة حفروا البحر..و ارتباطو بثيمات مهومة في دنيا الخيال ..و خزعبلات السياسة و الفكر المترفع.. مترفع .. لأنو لو ناس الفكر ديل يوم واحد مشوا في الشارع زي خلق الله..او مشوا في الخلا هناك سرحوا..ولا زرعوا..و دقتهم مطرة..ولا ضربهم جفاف و تصحر..ولاقاعدين يشربوا شاي الصباح..و جاتهم دانة طايرة فرطقت ليهم كبابي الشاي في يدينهم..لو حصلت ليهم بعض من هذه التجارب أو غيرها من التجارب الخاصة بالناس الأرض في دار أم سودان.. كان اتعلموا شوية.. معنى الأسئلة الحقيقية..و كان خطوها بصورة واضحة.. عشان يشوفوا ليها معالجة.. ذكر انور كينج.. فكرة ود الحرام..و دي هوية فرد.. لكنها في النهاية اشكالية مرتبطة بالناس الأرض..يعني بعيدا عن الكلام العاطفي..شنو يعني لمن يقولوا ليك ود حرام؟..و شنو يعني لمن يجي المحك البيخليك المجتمع تحس فيهو بأنك فعلا ود حرام؟..
لمن الناس/المجتمع يقولوا عن زول /زولة انو ود حرام او بت حرام..ده معناتو تم تصنفيك في مربع الرفض و اللعنة..و التنصنيف الزي ده .. مش هو تصنيف مجاني عابر.. لكن ليهو تمنو الإجتماعي و الأخلاقي..و بتترتب عليهو نتائج كتيرة.. انك تتحمل حاجات اكبر من طاقتك.. يعني اولها الوزر الإجتماعي بتاع اللحظة التي انتجتك و فكتك في هذا الوجود الوحش..و حتى لو كنت مواطن فاعل.. بشتغل و بتنتج..و بتساهم في بناء هذا المجتمع.. فانت برضك لسع زول فيهو اٍن و اخواتها كمان..يعني انت مواطن من الدرجة التانية.. غض النظر عن ممارستك لمواطنيتك الفعالة اللي هي بتكون افضل بكتير من فعالية مواطنية بعض من اولاد و بنات الحلال..
طيب هوية زي دي مش مفروض تكون مناط البحث الإجتماعي و الإقتصادي و السياسي و الأخلاقي حتى..؟..لأن المعيار ايهم اهم نحدد هوية الزول هو شنو..ولا نحدد احتياجات الزول الموضوعية .. تعليم.. صحة.. عافية.. قدرة على المبادرة..و الإسهام في خلق مواطنة فعالة؟ طيب الحتة دي.. المخيال الإجتماعي* الريفي (و هو سباق للمخيال الإجتماعي المديني).. مرات بيلقي ليها مباصرة بالتفاوض..و ليس بالمواجهة..اعني مسألة يحتوها قرض مع ود الحرام و يخطوه في خانة اللعنة دي تب ما واردة.. المجتمع الريفي بيباصرها وفق مبدأ الحد الأدني نكون انسان.. يعني بيقبل بيك تدريجيا و بيعترف بي قدرتك على الفعالية الإجتماعية..و اكتر من كده بيخلي ليك ذاتك انك تكون زول مبادر و بيحترم مبادرتك دي..مسالة زي دي جاية من تجربة الناس الأرض..لكنها مغيبة تماما في فكر الناس السما الدايرين يحصروا روحهم في ثنائيات معلومة للجميع..
يتبع..
كبر
*المخيال الإجتماعي.. هي ترجمة محمد عابد الجابري للمفهوم السيوسيولوجي..Social Imagination..اخترت اجتراح الجابري لسبب بسيط و هو اعتقادي أنه وصل للكثيرين و الكثيرات الذين يقرأون باللغة العربية..و لا يعني هذا عدم تحفظي على الإجتراح..و هو موضوع اخر..نتركه اللحظة..
07-19-2008, 05:56 PM
Kabar Kabar
تاريخ التسجيل: 11-26-2002
مجموع المشاركات: 18547
مسألة التفاوض في قضية اجتماعية و قضية هوية زي قضية ود الحرام..هناك ما يشابهها من قضايا..و هي قضايا التمييز العرقي..لأنو في ناس فاكرة روحها افضل من ناس على هذه الأساس..و اخطر مافي الأمر هنا.. مبدأ الترفع.. يعني طالما هناك مخيال اجتماعي متآمر ممكن يصنفك انك مواطن درجة تانية منذ سلسفيل جدك التحتاني..فده بيعني انك مسحوب منك حقك في أنك تكون مواطن فعال ..و مساهم ايجابي.. طيب الحتة دي هل المجتمع الريفي البعيد عندو ليها معالجة ام لأ؟..و اذا وجدت مثل هاتيك المعالجة لماذا دوما هي مغيبة من الأجندة الرسمية؟..
الريف السوداني غني بالثقافات..و فيها تنوع كبير جدا..يعني هناك ثقافات عديدة.. ما عندها هم تسألك هويتك شنو.. عب ولا حر.. عندك دين ولا ما عندك.. لأنو امور زي دي ما عندها علاقة بفلاحتك للزراعة أو رعيك بالبقر.. أو حتى تجارتك في دكان صغير في قرية صغيرة..طالما انت زول قادر على الإنتاج.. ده معناتو انت مواطن فعال و ليك القدرة على الإسهام الإيجابي في مجتمعك الصغير الذي تعيش فيه..يعني فعاليتك في احداث المواطنة الفعالة هو المعيار الذي بموجبو بيقوم المجتمع الصغير يستوعبك..بس وريهم بيان بالعمل.. ايديك يتشققن بالزراعة.. كرعيك يتقددن بشوك السرحة (الرعي)..تواجب الناس.. جارك تصبح عليهو.. المرضان تقول ليهو كفارة (بمعني حقيقي مش مجاملة دبلوماسية فيها كثير من النفاق)..ما تتعدى على حق زول.. الطهر وليداتو تاكل معاهو الكرامة.. الداير يسوى السدقة (كرامة اربعين الميت) تمشي تقعد معاهو.. الداير يلبس عراقي من غير سروال ما تشتغل بيهو.. الدايرة تربط حزامة في نصفها الأسفل و تخلي صدرها عاري ما عندك بيها شغلة.. الداير يحلق شعروا و يخلي ليهو قطاطي في نص راسو* ما عندك بيهو شغلة.. الداير يغني .. الداير يصلح مزاجو(قهوة/مريسة/شاي/تمباك)....و هكذا.. يعني مجتمع بيديك البراح في انك تكون مبادر و فعال..مثل هذه التفاصيل لا تحتاج لتأكيد هويتك العرقية أو الدينية..
الخطورة الوحيدة على مثل هذا لتصور تجي من فرد لا يؤمن بالتفاوض..و انما بالمواجهة.. كيف؟..يعني لمن يجي زول لمجتمع أو ثقافة بالشكل ده مفروض يدرسها في الأول و يعرف قيمها و بنية النظام فيها.. مش بغرض يفرض روحو و رؤيتو عليها لاحقا .. بل بغرض اختبار الجيد فيها اللي بيسمح ليك انك تعيش كانسان..بمعنى في كثير من التجارب السودانية كان هناك انسان قادم بمرجعية المواجهة.. في مقابل انسان مستقبل بمرجعية التفاوض..فلو تنازل القادم و اقتنع بمبدأ التفاوض الإنساني العريض.. ما كان نحن احتجنا لكل هذه النقة أو الدواس.. أو الخسارات المتتالية..و المخرج وفق المعطيات اعلاه.. بسيط.. زي ما قال محسن طه.. ابقي انت زي ما انت..و ابقي أنا زي ما انا..و لتجمع بينا مصلحة الوجود المشترك.. يعني لا انت بتقدر تطردني من دائرة هذا الوجود المشترك ..ولا أنا بقدر على ذلك..التفاوض و ليس المواجهة هو ما يجب أن يكون الحكم..
و لكن هناك مشكلة.. السودان ما كلو مجتمع ريف.. لأن هناك مجتمع مدينة؟..صحيح السودان فيهو مجتمع مدينة..و دي مسألة تأريخية وواقعية لا تقبل المغالطة..لكن الغايب عن الذاكرة التأريخية و الثقافية.. انو المدينة (على الأقل بشكلها الحالي) ماها اختراع سوداني..و انما اختراع كولينالي بحت..و معروف دور القادم المستعمر الواضح في فكرتو عن تأسيس المدينة (و القصة دي بتنطبق حتى على مجتمعات نورث امريكا و استراليا)..هي ممارسة حنين للوطن الفارقو في مهمة بفتكرها جزء من دوره في تحقيق فعاليته كمواطن صالح..عشان كده اتبنت المدينة بتصور اخلاقي و اجتماعي لم يستصحب الفكرة السودانية في تجربة تأسيس التجمعات البشرية..
الريف هو الفكرة الأولي في الذاكرة السودانية و التأريخية في تأسيس التجمع البشري..و ده السبب البيخلي السودان حتى اللحظة تجمعاتو البشرية الريفية اكتر من المدنية.. لكن الحتة دي دايما بتحصل فيها الجغمسة.. لأنو ناس المدينة فارضين روحهم كأوصياء (مواجهة و ليس تفاوض) على السودان كله و متفولحين بأنهم هم احسن بديل ممكن يقود و يرعي مصالح السودان.. حسنا.. أنا زول ريف مصالحي مربوطة بالإنتاج و التصالح الإجتماعي في مجتمعي الصغير وقدرتو على احداث المواطنة الفعالة.. ليه ناس الرعاة (ناس المدينة) ما دايرين يتفاوضوا معاي في الحتة دي و يستوعبوا تجربتي و أسئلتها؟..ليه القرية السودانية .. منذ سنة حفروا البحر.. بتشتغل بمبدأ التفاوض و بتستقبل كل قادم على هذا الأساس.. في حين المدينة بتعمل بمبدأ المواجهة الشرسة و بتعمل على محو القرية ( و دي الحتة البتتفرع لاحقا لقضية المحو على اساس عرقي و ديني)؟..
لو المدينة السودانية ذكية اجتماعيا و اخلاقيا.. كان عملت على انو ترسل لي الة تساعدني في زيادة انتاجي و حفظ توازني البيئ و نظامو..بدل ما ترسل لي مكينة حديث بشرية تقعد تبيع لي احلام بصورة (انا عارفها كزول ريفي) مفضوحة للغاية..!!
عشان ما يجي واحد/ة يقول لي كده انت بتسعى لترييف المدينة السودانية بدل ما تسعى لتمدين الريف.. فالفكرة عندي يجب أن تكون تفاوض.. المدينة تبقى مدينة في حالها..و الريف يبقى ريف في حالو..و يحصل التفاوض على أساس الإعتراف المتبادل بهوية كل (مدينة أو ريف)..و ان تستوعب المدينة فكرة أنو الريف اجتماعيا و انسانيا متقدم عليها في كثير من الأمور..و مش مجرد انك تسوي ليك مدرسة ولا مركز شرطة و وحدة صحية صغيرة في القرية .. دي بعني انها خلاص بقت مشروع مدينة..Hell not
زمان في الستينات و الخمسينات.. كانت عندنا مثولوجيا شعبية في بعض من مجتمعات الريف بتقول أنو الناس بالتهرب من الريف و بتمشي تعيش في المدينة.. ديل ناس أساسا فشلوا في حياة الريف..و ما عرفوا ليها مباصرة..و مشوا للمدينة لأنو حياة المدينة أسهل..! لاحقا أدركنا.. أن مسالة السهولة متفرعة عن خاصية اخرى في الشخصية السودانية..و هي خاصية الكسل و التي يتفرع عنها مبدأ دفن الرؤوس في الرمال..و الهروب من كل مشكل حقيقي مرتبط بالناس الأرض..!!
ملاحظة اخيرة.. نتمنى نلقى ليها وكت في معالجتها لاحقا..و هي.. لمن تقوم تمشي تسوي ليك دكان في مجتمع ريفي .. بتلقى روحك في الوسط (في الداون تاون عديل كده).. لكن لمن يقوم زول من ناس الحلة يمشى المدينة (زي الخرطوم يعني) بيلقي مواجهة عنيفة..و بيكون ساكن في اطراف المدينة (الكنابي/العشوائي..الخ)..و المسألة دي ليها دلالة عميقة غايبة عن خطاب الأكاديميا الرسمي..و نحن نفهمها بأنها رفض عن طريق المواجهة..عشان كده لمن في المنبر ده ناس تقول ليك ح نجي الخرطوم و نطردكم من عماراتكم.. المسألة دي مفروض تتفهم في جذورها الأساسية..و هي أن غياب التفاوض في الثقافة و سيادة المواجهة.. افرزت في تأريخ السودان مثل وجهات النظر هذه..وبالتالي ظواهر اجتماعية مفروض الناس تفهمها و تعالجها بتجرد..
كبر
* قطاطي الرأس: زمان لمن كنا عيال صغار.. كان بيحلقوا ليك راسك بين الفينة و الأخرى عشان ما يكون مزرعة قمل.. و كان جدي (لأمي) نصر الدويد - رحمه الله - بيقوم يخلي لي خمسة مجموعات من الشعر..واحدة في المقدمة اسمها قودي (قائدة)..وواحدة في الوسط اسمها اتوهطي..و احدة على الجنبة اليمين اسمها ميلي..و اخرى في اليسار اسمها أعدلي ( تماما مثل فكرة كفتي الميزان)..و واحدة في العنقرة اسمها سوقي (يعني باك و كده)..هذا النوع من الحلاقة مشهور الآن في المجتمعات الغربية كنوع من الـ Hair Style ..و هو اساسا من جذور افريقية..و أنا ادعي أن شعب الكاونجارو في جبال النوبة و الذي تم تصوير افراده من قبل بحاثة غربيين.. هو الأول الذي انفتح على العالم و قدمه كنوع من ادوات الجمال.طبعا هسع في المنبر ده لو جبنا الصور بتاع ناس الكانجارو.. ح يقام علينا الحد..!!
كزبة اليوم-كما قلنا قبال كدا من الصعب نتكلم عن الحكمة وهى كلمه ومفهوم ورؤى ما جات ولو بالصدف بطرف توبنا).فاحسن نقول كزبة يمكن تصلنا ولا يمر مرور الكرام-فى بلاد كرامات البليلة العصيدة بالروب لمن القمرة تخنق ودق نحاس الظار-السياسة- فى بيوت ناس الهظار السياسين-او كما قالوا. نمرةاكييل -بتعنى واحد بلغة الشلك- قال المهاتما غاندى فى سنة الف و تسعومية واربعين: (capital as such is not evil,it is its wrong use that is evil.capital in some form or other will always be needed.) نمرة اييو-اتنين بالشلك- الكلام حق غاندى الفوق دا المكتوب ب( الافرنجى العامل روحو افندى) بيعنى بالعربى العربى والعربى الماعربى-متل حق الناس البنزلوهم من البصات وامجاد والكارلو تكسى الغرام والهايمن كدارى حفيانين وعريانين وجعانين البنزلوهم فى الواطه لسواد حالهم ولونهم وعرقهم واعراقهم... ويخضوعهم لى اخر ماتوصلت ليه اجهزة فحصل وكشف درجات العافية السودانيه المختصة باللسان..البقول ليهم اتومتكيا قول يازول(الحيصاحيصا ويرد المريض حسن عيسا..يازول قول مليجى يرد لويجى..يازول قول فسحة ..يرد يقول خرا،يازول قول مطرة..يرد على الجهاز السودانى الاصيل المييى،قول يازول بيض..يرد جنا جدادا،يزول ماتقول رغيف..يرد اركيف،يازول قول محسن..يرد مورسن،يازول قول طة..يرد تاها،يازول احسن تفتح خشمك وتقول بايمه..يرد ضرابه..واحسن ليك تقول كفتة..يقول خفتا تب ياجنا بلدنا.ولو قبلتا لجهاز السودانوية زاتو وسالتو قلت ليهو ياود البلد عليك الله كان ماقلت لينا كيفك انتى يا حنان..يرد جهاز كشف البلد...بالعربى العربى المبين..خبارينك اتا ياحنان.وانسو وخليهوها فى حنانكم بس...المهم الجالدونق غاندى قال: (المال.الثروة.القروش.الفكة.الضحاكات.الكنجالات.الكشكوش.التفتوفة.راس الطايوق ولا راس المال لى البيفهم بالعربى العربى)..انو الجماعه المرصوصين جو الزربيه اللسانة دى..ماهم المشكله بشحما ولحما وعضما و ودكا..عشان تعمل العاميل الشيطانية..لكن استعمالها الخلط والقلط والخطا والشين والبليد والعوج..ياهو هو زاتو الشيطان وابليس .والقروش(وكان واخواتها البيعملو عاميل اخواتها وصحباتها الكتار جوا حوش السودان ديلك..اوع تنسوهم)القروش-بالهووك ولا الكوكروك-ياناس هوى انتو دايرن حقنا-دائما بنحتاج ليها.). اها اشاء الله يكون كلام الجالدونق فعل مضارع تام-تقديرو الليله قبل بكرة-؟ولا حتستمرو فى فعل الماضى -العامل فيها مافاضى من سنة دو حقكم دا؟-. المهم الكلام دا كان مامفهوم لناس البيتعاملو بالعربى العربى كلغه ما حقت كل السودانين-اللغه بتاعت القياس-البتخلى التيس ممكن يكون غنمايه لوجود العلة-اللبن- ووجه الشبه.بطلب من العب(كبر) بمهمه ابن كثير فى(التفسير)..انا شخصيا تنطبق على حالتى حالة الناس(النزولهم من البصات والماشين كدرشى)ومن الذين يقراونهو وهو شديدا عليهم(عارفين ديل يوم تقرير المصير-القيامه-بدخلوهم وين؟). وبعدين-كراع جادين- الجالدونق غاندى دا عندو فلافل جميله عن التفاوض السلمى-فتشو فى الارشيف المونج عادل عبد العاطى كان نزل بوست عن فلسفه الجالدونق مهاتما غاندى دا)هنا فى البورد. وبشوف احسن نختار طريق غاندى فى التفاوض-ولا برضو حتطلعو لينا عوير فلم هندى فى امدرمان الوطينه؟عاد انتو ما المقارز ماعندكم بالحيل. اوطو لاكو
07-21-2008, 06:40 AM
شول اشوانق دينق شول اشوانق دينق
تاريخ التسجيل: 02-13-2006
مجموع المشاركات: 5332
when its a question of money,everybody is of the same religion
voltaire
one bag of money is stronger than two bags of truth danis proverb ود ابا كبر عاين لو الكلام ب(ايشن والانقلش) دا فى ناس من ضحاية الفتوة العلميه البتقول(التعريب ضرورة حتى ولو يتوقف التعليم نفسو؟) الصادرة من مجمع اللغة العربيه( القيافه المجير ابيض )بشارع البلديه والقريب من بيت السفير الامريكى.ممكن تعربو ولا تترجمو ليهم. انا ماشى اشوف ابو الجورج وبرجع تانى.عشان نتكلم فى الكلام-الما انتكتب- الينكتب بقلم ساتلين-الصينين لسه ماعملو قلم اللحام دا؟. والكلام التفاوضى-وليس الشجارى- الجاى عن الكنجالات-الثروه- (مش ضياع العمرى والموت مع(الجماعه البيكون فى جيبهم تلاته علبة سيجاير بانسون وكتاب راس الطايوق حق ماركس/وغرة العيون فى شرح ابن ميمون حول النكاح الشرعى،والفن فى الاسلام حق الترابى/وا زا اعرب ان سودان حق يوسف فضل/ وقرض حسن من بنك فيصل وبنك الشمال/والهويات الهاربه حق امين مالوف/والديمقراطية نظام كفر حق حزب التحرير/والصلاة بمسجد الجامعه البتكون عرابات المارسيدس والبى ام دبليو قافله شارع البلديه والجامعه/ وشنو تانى ياناس الواحد بقى ينسى ولاشنو؟وطهرو القصر من الخونة والمارقين)...عن الهويه مع الفروخ والعبيد فى ندوات الترطيبة بقاعه الشارقه. ودا برضو: god has always been hard on the poor,and he always will be. jean paul marat-1790 take cae bro
Quote: قالو السودان دولة متعددة الثقافات والاديان-الكلام المكرر والممل- يعنى ناس عرب وافارقه ومسلمين ومسيحين ولا دينين(ذى البقولو علمانين ومستقلين ومحايدين وناصرين وبعثين ولليبرالين وحداثوين وبنيوين وشيوعين والتانيين البيقولو هم مابعد ومابعد شنو وشنو داك البيقعود جمب الافرواشين البيقرو لليل ونهار فى الكتب المترجمة حقت مكتبة قالمار الفرنسى-ساكن جمبها فى الحى اللاتينى بمنتريال- عن مشيل فوكو وفولتير وغير من كتاب كفار-حسب فهم ناس الكراريس الحضارية الطرشقت والجاية فى السكة الجاهزين فى اى وكت يصنقرو فى قصر غردون- و لا ديل مسلمين برضو ؟ تانى ناس منو ايو ناسنا بتاعين(اله الماء التمساح ،والورل والكدروك الخنزير والجداد الحى البرمو فى البحر والضب والدبيب والبعاتى والقرنتى والشلوخ ودق الشلوفه)الاسمهم فى دستور السودان الطاهر والقاطع الجمار(اصحاب كريم المعتقدات)-يادوب بتكون عرفتو يعنى شنو كريم المعتقدات صاح؟-. اها كل المزكورين هنا مفروض يدفعو ضرائب-لو شغالين-شغل جد جد ماسماسرة مستنكحين سامبلا ساكت.
شقاوة المثقف..و شظف المتكلم:
قبل ما نواصل يا شباب..و يا شابات في النضمي هنا.. قلنا نقيف شوية ..قدام ملاحظة بسيطة جابها كلام محسن طه عن الآفروايشن.. او معهد الدراسات الأسيويةوالأفريقية في جامعة الخرطوم..و متأكد في ناس كتار مروا بالمعهد ده..و الكافتيريا الجمبو..و في ناس كتار برضك ما اتيحت ليهم فرصة زيارته أو الجلوس في الكافتيريا التابعة ليهو..اضافة لإشارة محسن لمكتبة قالمار في مونتريال.. يعني شوف النقلة..كتب تقطع البحور و تجيك في سقط لقط و تحتفي بيها.. لغاية ما الحظ يجيبك لغاية محلها تفريخها..بالمناسبة المكتبات الهنا معظمها عندها اعمال مصممة لقارئ هناك في البعيد..و الإحتفاء بي زول زي فوكو.. هنا كلام مدارس و كده.. اما اليومي فهو قد تجاوز المسألة و بقت بالنسبة ليهو تأريخ ثقافي..و يحتفى به على هذا الأساس.. المهم
الآفروايشن.. مرتبط في ذاكرتي و ذاكرة الغيري.. بحتة انو كان متنفس ممكن الشباب البتعاطى الثقافة و الكلام يجي يعقد فيهو..طبعا في الوكت داك كان مافي نت..و منابر اسفيرية.. اها عشان تقول ليك فكرة.. أو تسمع ليك فكرة.. أو حتى تحقق ليك توازن نفسي بالإستماع لكلام جيد.. لازم تمشي تتضهب هناك..و الضهب بالجد كان مكلف.. يعني مثلا أنا محتاج امشي من محطة القديمة في امبدة الحارة 14..اركب مواصلات لغاية بانت..و من هناك مواصلات لغاية الخرطوم السوق العربي.. ثم مواصلات بحري لغاية ما اصل الجامعة..ولاحظ بتدفع كم..وبتكون ما اكلت ولا شربت.. لأنو كباية عصير ساكت.. بتعني انك ح تفوت خط من خطوط المواصلات..و ما ح تقدر تمشي..و ممكن يجي زول بمنطق اليوم يو قول لي التعب في شنو؟ المهم..الظرف الكنت بمر بيهو.. اكيد في الف غيري مروا بيهو.. وكت داك لا الصادق الرضي..ولا عاطف خيري..ولا عثمان البشرى..ولا ابكر ادم..ولا الغيرهم من الشباب كان عندو عربية عشان يوفر بيها مواصلات للناس.. بالرغم من كده.. بالنسبة لي الآفروايشن .. كان مساحة ذاكرة ساهمت في تشكيل الوجدان..و شوية في مساحات الوعي..و كان ياهو بتدور فيها الحاجات الفصلها اخونا محسن طه.. كلامات..و قرايات..و كلامات عن القرايات..و سؤالات..و كلام عن السؤالات..و هكذا..
مستوى التلقي..setting ..في ذات نفسه ليهو دلالات مهمة للغاية..لأنو بعدين لمن يجي واحد يغالطك..ما ياهو برضك كنا جوه العاصمة..و عايشنا شكل التغريب الكانت بتعاني منه الناس..و في كل الحلقات.. كان شكل الريف مفقود تماما.. صحيح نعلم أن المثقف أو مشروع المثقف.. عايش ظروف صعبة للغاية .. ظروف مرتبطة بقضية الوجود نفسه.. يكون أو لايكون..لكن برضك ده ما بيعفي.. بتر الحاجات.. الكلام عن جزء و تجاهل جزء..و ده السبب الخلانا ما عندنا تقاليدج راسخة..
نعم النقاشات لم تكن رسمية.. عشان نقعد نحدد باطار الإعتراف الأكاديمي..لكن الشاهد الناس كانت مفتونة بأركان معينة.. دريدا.. فوكو..الجابري.. أركون.. الخ..و كان مافي وكت لطرح ثيمة التوطين..و هي الثيمة التي فطن لها ابكر ادم لاحقا في بعض من افكاره..
المهم.. قلنا الناس تتذكر معنى الإشارات.. حتى لو كانت زي اسم الآفروأيشن..و متأكد في كتيرين لمن يقروا الحتة دي ح تجيبهم ذكريات حميمة..و ممكن يشاطرونا بيها..
نعود لاحقا.. لمواصلة الثيمة: الثقافة من المواجهة الى التفاوض..
كبر
07-22-2008, 05:55 PM
Kabar Kabar
تاريخ التسجيل: 11-26-2002
مجموع المشاركات: 18547
فيما يخص فكرة المدينة كصنيعة استعمار (قامة على فكرة المستعمر و قيمه و رؤاه فيما يخص التجمع البشري)..لاحظت فكرة غريبة..و هي السخرية من اهل الريف..و المسألة في شكل دوائر اشبه بالموجة.. يعني المدينة الصغيرة اهلها يسخرون من اهل القرية..والمدينة الكبيرة أهلها يسخرون من اهل المدينة الصغيرة..و هكذا..
الفكرة دي في بلاد الله التانية غير موجودة..و اتحسمت في فكرة حسم الإقصاء بصورة صارمة.. فكرة مدينتي احسن من حلتك..أو قريتك.. ماها فكرة مجانية.. لأنو بعدين بتجينا فكرة التخطيط..و غلوطية أنو الخدمات (كوجه من وجوه التنمية) بتحتاج لمدينة مخططة..
فقه الرسمأل الإجتماعي.. فكرة مغيبة تماما في الوعي السوداني.. يعني مافيش تصور لرعاية هذا الرأسمال..و العمل على ازدهاره.. لسبب بسيط للغاية.. ازدهار الرأسمال الإجتماعي معناتو ازدهار التنمية..و ازدهار التنمية معناتو ازدهار الإقتصاد و زيادة القروش.. للناس العندها هوس تعمل قروش كتيرة و كده..
هذا الفقه غايب من الوعي السوداني.. لأن الناس عندها قدرة على دغمسة الحاجات..و خلق مشغولية زي بتاعة السؤال في الهوية..و بعداك الكلام في الدين..و السياسة الوهم.. تطوير الوعي الإجتماعي و رفع قدراتو..استصحابا لتجربة الناس الواطة في الحياة و الوجود.. ضمانة للسير في خطا المبادرة و الناتج المعقول..
لاحقا ح نناقش فكرة القروش.. من منظور ثقافي و اجتماعي..و هي بتعني شنو للناس الواطه..لأنو الحاصل في السودان..مرات بيخلي الزول يحس انو فكرة القروش دي تب ممكن تتباصر عن طريق فكرة التبادل الإقتصادي..
كبر
07-22-2008, 05:57 PM
Kabar Kabar
تاريخ التسجيل: 11-26-2002
مجموع المشاركات: 18547
شييباك يا جال باج-اذيك ياود البلد- (كبر) ولا ود بلد كتيرة عليك؟
المهم..المونج اخوك عمل ود ملوص-زوقان- يومين من الشغل...وياهو نحاول نشيل فاسنا ونحطب معاكم هنا..يمكن-قلت يمكن- نشعل اعواد الحريه
بدلا من الواح التلج-يا لهو من سلعه نادرة ان لم نقل استفزازيه- فى بلاد الحر والحلو مرة....وشنو تانى؟الواحد بقى معارف زاتو.
وشايفك قلت:
Quote: بالرغم من كده.. بالنسبة لي الآفروايشن .. كان مساحة ذاكرة ساهمت في تشكيل الوجدان..و شوية في مساحات الوعي..و كان ياهو بتدور فيها الحاجات الفصلها اخونا محسن طه.. كلامات..و قرايات..و كلامات عن القرايات..و سؤالات..و كلام عن السؤالات..و هكذا..
اها..ياود ابا الموضوع لا قرايات ولاكلامات عن القرايات..ولا مابعد..........ناس العلم زاتم الخواجات هسى دى بيتكلمو عن: (The end of science) the quest for knowledge uesd to begin with grand theories.now it begins with massive amounts of data.welcome to the petabyet age. عن (نهايه العلم)....هنا فى www.wired.com مقال ذى المقال تقول لى شنو ومنو؟ امداك زمانك قالو ليكم(موت المؤلف)..وتانى(نهايه التاريخ) واهوندا قالو ليكم نهايه الشعبطه العلميه...وناس حبايبى الحلوين اهلا جونى..ودايرين الليل قلبوهو نهار ..لى هسى بيتكلمو عن التعريب ضرورره ولو اتوقف التعليم زاتو من قبل الجراكين الخواجات بتاعين الحركه الوطنيه البيتكلمو لينا فى الافروايشن ديل البيكتبو وينجرو فى الكتب بالانقليزى..وبعدين ينادوكم ياعبيد ويفروخ عشان تجوا تكتبو ليهم اوراق بيقولو عيها علميه عن التعدد الاخوى-اقصد اللغو- فى بلاد السودان ابو دشلميه لغه دا.غايتو...الزول الاسمو ها. ج.ويلس الكتب كتاب(in the country of the belind) الواحد حيصدقو لمن قالالزول البشوف-البنظر- غير مقبول فى مجتمع العميانين)..وانو الزول البيشوف بيحاول يعمل كل جهدو حتى انو يثبت الحاجات المقدر يعملوها الناس التانين-العميانين ولا المضلمين. وفى مقال لى(رولاند لايتبيرج)-يشتغل مع منظمه للطرش skywayfoundation.com . كتب مقال بعنوان(in the land of hearing)فى مجله(Ode-for intelligent optimists)-المتفائلون الاذكياء-احننا ماجوا جك الاذكياء دا. كتب قال:انو الناس البيسمعو برضو عندهم مشكله مع الناس الطرش...والطرش مفتخرين بطرشم ومستكينين لى كلامهم الصمم بوكمم بتاعهم دا. ولكن الطرش عندهم..فى النهايه افضليه على الناس البيسمعمو-ومن عندى العالمين نايم-.و ببساطه مابيضايقهم شخير نسوانهم..وممكن يتكلو-ينمو-ذى نوم اهل الكهف حقنا دا..فى قطر مليان ناس بثرثرو فى موبايلاتهم-الجولات متل مابيقولو اصحابنا الفى قطر-الدوحه-.انتو ياناس الكمبيوتر بتقولو ليهو (حاسوب) عشام شنو كان سالنا سؤال؟هسى الزول كان ولدو ليهو جنا مش بيسمى باسمو؟طيب الخمبيوتر-شفتو الخم دا كيف-الكمبيوتر ولودو وين وفى بيت ناس منو فيكم؟ياخ جلى الواحد يسال عشان شنو زاتو طالما فى زول بيقول ليك (العلم اصلا انحنا اسيادو)قبال اى زول فى الدنيا دى ومن زمان انت ماكا عارف و لاشنو؟ ياخ اها عرفناكم اول جضم اى شئ..ولكن الفرق شنو هسى فى الرياضيات حقت الجالدونق الاسمو (الخوارزمى)بتاع الجبرة والجالدونق الخواجه الاسمو(ديكارت)؟ياخ ديكارت شنو وبتاع منو ياهو هسى بيتكلمو عن(نهايه العلم)كنظريه وفصاحه وجاكات لغويه-غرضمه وطنقعه عند الناس الماقادرين يعملو ابسط حاجه-انو يختارو ليهم رئيس ديمقراطى(اوع يجى واحد يقول لى كان عندنا ديمقراطيه؟). ياهو...اتلما علينا كلو(الاطرش) و(العميان) و(البيسمع)وفى نفس الوكت مابيمسع(الكلام)يا عوض دكام. المهم قبال ماارجع عندى الشغل حانزل ليكم كلام بتاع جراكين كبار راسم فوقو طايوق-عقل- ميلاند كونديرا ونلسون مانديلا وجاك دريدا وداغار موران و-اخوكم الكاشف-محسن احتمال يمد عنقرتو مع الجالدونقات ديل(عنقرة مافيها شعر)لكن فيها(تقدرو تقول مافطاله) ممكن تنفع فى زمن الدوشه ورفع القرون...وحتى لو قال العرب فى قديم الزمان(اما وجدا غير هذة الغراب مؤذنا). عن التسامح...والشفاء والغفران والمصالحه والحقيقه. اشووفك بكرة فى المعود...وروعه المشهد وامانه الصبر ماطيب. اوطو لاكو
الخواجات بيقولوTipping for Dummies)البقشيش للاغبياء. اها الفكى اب كمش حقنا بيقول for intelligent optimists)للاذكياء المتفائلين
وجاء سؤال يقول:هل البلاد فى قمه السقوط؟ فكان الردويعنى؟)او ببسمه ساخرةفليكن). كما يقول مثل رومانى ولا سوفيتى-ما متاكد منو- قديم،(المتشائم هو متفائل حسن الاطلاع). او...ما لو ممكن نكون ناس موضه وموجه عالميه ونشيل عنوان كتاب باراك اوباما(The audacity of Hope)-التجرؤ على الامل-كمفهوم. شعار البيئيونThink globly,and work localy)فكر عالميا،واشتغل محليا. وبعد..هاكم كلام الدوليين.......بس اشتغلو بيهو محلى(السودان)..........وفى لستك السياسات المحليه وكمجاز مرسل(الوطنية). والكلام حق الدوليين..ياهو الحيكون موضوع اساسى فى الايام الجايه.احسن نخلى بالنا فيهو شويه.
تعلم الشفاء. اقتباس من كتابBone to pick,Of forgivenss,Reconciliation,Reparation and Revenge
(مشكله تثار:العفو،والمصالحه،والتعويض،والانتقام.تاليف اليس كوس2004،يمكن الاتصال بالكاتبه على
بتلقو الاقتباس دا فى مجله نيوزويك20ابريل2004 قالت: "لاشك ان الذكرى السنويه العاشرة للاباده الجماعية فى راوندا شهدت مراسم نكئت فيها الجراح.واستيقظت الذكريات المكبوتة.وتامل الجثث المنبوشة ثم اعادة دفنها.وتحاول العقول جاهدة فهم العربدة السياسية والعنف القبلى الذى خلف وراءة نحو800000 صريع.وفى النهاية ،لن يفهم ما لا يمكن فهمة.ولكن،وكما تيقنت جنوب افريقيا عندما قامت ديمقراطيتها.فان مجابهة الماضىبصورة مباشرة افضل من المخاطرة ومواجهة اشباحة بشكل مستمر. لقد كانت لجنة الحقيقة والمصالحة فى جنوب افريقيا هى الاداة الرئيسية التى سعت بها تلك الدولة لاعادة النظر فى ماضيها.ففى اول اجتماع رسمى للجنة قال القس ديزموند توتو مخاطبا رفاقة:"ان ومواجهة الماضى ليست هى القول ببساطة،-انسوا الماضى وعفا الله عمل سلف-لان الامر لن يكون كذلك. نواصل.........
Quote: لقد كانت لجنة الحقيقة والمصالحة فى جنوب افريقيا هى الاداة الرئيسية التى سعت بها تلك الدولة لاعادة النظر فى ماضيها.ففى اول اجتماع رسمى للجنة قال القس ديزموند توتو مخاطبا رفاقة:"ان ومواجهة الماضى ليست هى القول ببساطة،-انسوا الماضى وعفا الله عمل سلف-لان الامر لن يكون كذلك.
ومواصل لى كلام الكاتبه الفوق:
"ان افتراض القس توتو ذلك مانفك يصبح حكمة تقليدية.وقد ادى/بصورة كبيرة،كما راينا خلال عقد ونصف العقد فيما مضى
تتفتق حركة لاستعادة الذكريات.فثمة اصرار جديد لدى الكثيرين-من الافراد و الدول على حد سواء-لنبش فترات من الماضى
ومواجهتها بلا وجل.ويحرك ذلك شعورا بان المستقبل رهينة للماضى لاثام التاريخ الباهظة.
ان ذلك الحافز وتلك الحاجة للنظر الى الوراء جزء كبير من ذلك الشى الذى جدد الاهتمام بامكنة مثل مدينة روزوود فى ولاية كلفورنيا
وتولسا بولاية اوكلاهوما،وهى امكنة ارتكبت فيها عصابات بمباركه الشرطة-ان لمن بمبراكة المجتمع-،فظائع ضد السود الامريكيين بعد وقت قصير من بزوغ فجر القرن ال20
.وهذا مادفع الناس ايضا الى تصفية حسابات-مع بنوك سويسرية والمانية ونمساوية-ومؤسسات اخرى-بسبب خطايا الابادة النازية لليهود.
وهو ايضا ماحرك المجتمعات المضطربة،من بيرو الى تيمور الشرقية،ومن سريلانكا الى سيراليون،للتساؤل-عندما شكلت لجان للحقيقة-عما اذا
كان بمقدورها مواجهة تاريخها الماضى،واستقبال حاضر جديد.
لقد اعلن ميلان كونديرا فى
The Book of laughter and Forgetting
(كتاب الضحك والنسيان):"ان صراع البشر مع النفوذ هو صراع الذاكرة مع النسيان".ومافتئ الناس يصدقون هذة الكلمات فيما يرفعون
اصواتهم ويقسمون بقوة"لن ننسى".ولكن مثلما هو الحال مع كثير من الامور المهمة فى الحياة،فان واقع التذكر معقد،
والكشف عن الحقيقة امر عسير.
وحتى ان لم تكن معرفة الحقيقة بتلك الصعوبة والعسر فان المصالحة والشفاء يتطلب اكثر من مجرد(لى يدى احد بسبب الماضى).فهما
يتطلبان تغيرا فى سلوك الافراد،وفى معايير المجتمعات،اذا كان الامر تعلق بالدولة.وما من شك فى ان اعادة اكتشاف التاريخ،واستعادة الذكريات
تساعد على تلك المسيرة،لكنها لا تستطيع احداثها.وللسبب ذاتة،تتاصل فكرة ان توثيق الفظائع واحياء ذكرى
الضحايا تمنع حدوث مثل تلك الاشياء فى اى مكان اخر،فى الايمان اكثر من تاصيلها فى التاريخ.
Quote: يتطلبان تغيرا فى سلوك الافراد،وفى معايير المجتمعات،اذا كان الامر تعلق بالدولة.وما من شك فى ان اعادة اكتشاف التاريخ،واستعادة الذكريات
تساعد على تلك المسيرة،لكنها لا تستطيع احداثها.وللسبب ذاتة،تتاصل فكرة ان توثيق الفظائع واحياء ذكرى
الضحايا تمنع حدوث مثل تلك الاشياء فى اى مكان اخر،فى الايمان اكثر من تاصيلها فى التاريخ.
وتواصل الكاتبة:
بمعنى اخر،لا تمثل عبارة ليس بعد الان اى خطة، بل هى مجرد. دعاء لان نعرف الصلة بين كل فظيعه واخرى ،وان نعرف حقيقة كل واحد من زعماء الدهماء المتعصبين، وان نقف ضد كل من يستخدم الاخرين اكباش فداء.انها مناشدة كى لا نتذكر الابادة النازية فحسب، بل السهولة التى تمت بها ايضا. ولكن ما من سبب يذكر يدعو للاعتقاد بان الناس ينقلون دروس ماساة او فظيعة ما الى الاخرى .فحتى لو كان العالم قد وثق ابادة الارمن وحزن عليهم بصورة ملائمة، فليس هناك ماديعو للاعتقاد ان عمل ذلك كان سيمنع حدوث الابادة النازيه لليهود.ان لفت انتباة الناس لى الخطايا تحدث فى اركان مظلمة من العالم ليس بالامر اليسير. ففى عام2002و بعد بضعه اشهر من احتفال تيمور الشرقية باستقلالها عن اندونيسيا، قال خوسية راموس هورتا ،الحائزة نوبل للسلام ووزير الشئون الخارجية فى الجزيرة: "ان استقلال تيمور الشرقية من نتاج جانبى لعصر التكنولوجيا.ففى عام1975 وعندما احتلت اندونسييا بلادنا حدثت عمليات قتل اكثر بكثير من مماحدث الان.... فاين كان العالم حينئذ؟ان الفظائع الم تبث على شاشات التلفزيون فى برامج الاخبار العالمية ولم يكن للانترنت وجود ولم يكن العالم متصلا.. واضاف مشيرا الى اندلاع اعمال العنف فى تيمور الشرقية عام1999 "لفد تغير العالن وكانت وسائل الاعلام فى كل مكان وهذا مامنح تيمور حريتها". وفيما نحيي الذكرى السنوية لماساة رواندا، ربما اردنا التامل فى نوعية ذكرياتنا عن الاحداث التى وقعت قبل 10اعوام، وما اذا كانت هذة الذكريات قد عززت اصرارنا وعزمنا لمجابهة الابادات الجماعية اينما حدثت ،بما فى ذلك الامكنة التى لا يرجح ان تدور فيها كاميرات التصوير وحيث تبدو(ليس بعد الان)عبارة جوفاء اكثر منها وعدا جديا صادقا.انتهى كلام الييس.
ونواصل فى الجذء الثانى مناظر بين جاك دريدا وادغار موران..عن(الغفران)
مجتمع النوير.. واحد من المجتمعات السودانية التي حظيت بدراسات من قبل الأنثروبولوجيا.. خصوصا.. بحاثة الغرب.. اكتر ما يثير دهشة الخواجات في مجتمع النوير السوداني.. انهم بيضربوا بيهو المثل في التبادل الإقتصادي..و مندهشين انو النوير .. القروش ما قاعدة تدخل في تبادلاتهم الإقتصادية البسيطة.. نفس الفكرة موجودة في مجتمعات تانية في السودان.. يعني زمان الوالدة تحكي عن ذكرياتها..و بداياتها التجارية..و بتحدثنا عن الجلب..و تسمى الغافلة جالوبه..و ليها علاقة بفكرة الجلابة كمفهوم تجاري و اقتصادي.. فيما بعد دخلت عليهو حمى الهوية.. المهم ما علينا.. تحكي الوالدة انهم يحملون البرام (أزيار.. جرار.. قلل.. الخ) الى دار النهود..و يبادلونها بغلة الدخن..يعني الفكرة منتوجات الصعيد يذهب بها لدار سافل..و يعودون بمنتجات دار السافل الى الصعيد..و في كل ذكل فكرة القروش المعروفة .. غايبة تماما..و التبادلات الحياتية و التجارية مستمرة استمرار ية المجتمع البشري في صيرورته الدائمة.. في ناس في السودان.ز بتتولد..و بتعيش..و بتخلف..و بتموت..و في تجربتها الحياتية تكون ما مرت بيها قصة القروش دي..واكتر من كده.. ناس كتار في السودان.. من المهد الى اللحد ما مسكوا دولار..و لا استرليني (تصدقوا بعد فناعتي دي كلها لغاية الليلة ما عارف الإسترليني ده لونو شنو.. شكلو شنو .. شبهو شنو..!!) يبقى السؤال.. ليه سبب الحمى الإجتماعية تجاه القروش؟..و ليه الفرد اجتماعيا بيكون مقيم بالقروش مش بمساهمتو في الحياة كعنصر فاعل؟..و ليه الهجرة جات..و املوا الباغات..و الشتات حصل..؟..
كبر
07-27-2008, 11:09 PM
Kabar Kabar
تاريخ التسجيل: 11-26-2002
مجموع المشاركات: 18547
ياخي الزوغانات بتجيب وجع ركب..و بعدين..نقعد في حيص بيص..
فيما يخص سيرة الآفروايشن..متذكر فكرة مجلة.. Sudan Notes&Records?
انت ليه المجلة دي ما قاعدين يبيعوها لينا في دكاكين الكتب في السودان؟..و الناس قاعدة تقول فيها شنو؟..و منو هم الناس القاعدين يتكلموا فيها؟..شفتو يا حبة فكرة التمثيل الـ (ٌRepresentation ) شغالة كيف؟..ما علينا..
نهاية العلم شنو.ز يا حبوب.. عارف النهاية الشغالة في المشهد السوداني اليومين ديل شنو؟.. يا جيك قال ليك اخر جاكة انتجها تطور النخبة الحاكمة و المتكلمة و الخالطة الجكسي في اناء الليل و اطراف النهار الغضة..قام واحد قال هو المهدي المنتظر..و الراجل طالع ليك ببيان رقم واحد.. الوقوف في مواجهة الإستكبار الأمريكي..شفتو نحن شعب لذيذ كيف؟.. استكبار بغالط روحو عن فكرة نهاية العلم..و نحن بنواجهو بي جاكة المهدي المنتظر.. الذي سيملأ السودان عدلا بعد ما ملئت جورا ..!
ياخي الزوغانات بتجيب وجع ركب..و بعدين..نقعد في حيص بيص..
فيما يخص سيرة الآفروايشن..متذكر فكرة مجلة.. Sudan Notes&Records?
انت ليه المجلة دي ما قاعدين يبيعوها لينا في دكاكين الكتب في السودان؟..و الناس قاعدة تقول فيها شنو؟..و منو هم الناس القاعدين يتكلموا فيها؟..شفتو يا حبة فكرة التمثيل الـ (ٌRepresentation ) شغالة كيف؟..ما علينا..
نهاية العلم شنو.ز يا حبوب.. عارف النهاية الشغالة في المشهد السوداني اليومين ديل شنو؟.. يا جيك قال ليك اخر جاكة انتجها تطور النخبة الحاكمة و المتكلمة و الخالطة الجكسي في اناء الليل و اطراف النهار الغضة..قام واحد قال هو المهدي المنتظر..و الراجل طالع ليك ببيان رقم واحد.. الوقوف في مواجهة الإستكبار الأمريكي..شفتو نحن شعب لذيذ كيف؟.. استكبار بغالط روحو عن فكرة نهاية العلم..و نحن بنواجهو بي جاكة المهدي المنتظر.. الذي سيملأ السودان عدلا بعد ما ملئت جورا ..!
ياخي دي عوض دكام ذاتو يكون ما داير يسمعها.. !!
وينك ياعب؟ قلت مجله(sudan notes and records) يازول هوى(السودان فى مدونات ومذكرات) المجلة دى بنسمع بيها كمراجع عند ناس الوزن الثقيل(الدكاترة) الدرسو الانقليزى من خشم الخواجات.انحنا ناس ثورة التعليم العالى حق خواجات الحركة الوطنيه-يعنى ناس عربشن-عرب قالو مفروض نكون وياهو هسى بنجضم بالعربى ونحلم بيهو ونفكر بيهو نعمل شنو يعنى؟ وهنا فى الغرب المجلة دى قاعدة فى المكتبات الجامعيه وهى من المراجع الخطيرة فى تاريخ البلد الاسمو السودان دا.وفيها التاريخ المغيب تماما عن هذا الجيل وتاريخ اساسى من تاريخ السودان الكتبو المستعمر.وحسب الروايات انو اولاد جون الانقليز كانو بيرسلو الحكام فى اقاليم السودان المختلفة وهم ناس متخصيصن فى الانثروبولجيا ودراسات الشعوب شفتة شنو.يعنى ما كلام سامبلا ساكت.وياخ هسى كان نزولها فى المكتبات البيقدر يقراها منو؟ ياخ فى الجامعة كنا فى سنة تانية فى زول بسال الاستاذ بيقول ليهو ياستاذ(issues)يعنى شنو؟ و(capital punishement)بتعنى شنو؟تقول لى مجلة الاستعمار؟. وبخصوص المجلة دى دكتور حيدر ابراهيم كان عندو نيه يقوم بعمل ضخم للترجمه لى كل المجلات دى.يازول خستكو بيهو خستكة زى العجب ومن ناس الدكاترة الكبار.يازول السودان دا فيهو حاجات ملكية خاصة من ضمنها المجلة دى.واقول ليك كلام..شوف جامعه تل ابيب بتلقاها هناك وقبال كدا عينا وقعت فى خطاب رسمى من( جامعه تل ابيب )معنون لى الحتة الماسكة المجلة دى وهى زاتها ماحقت جامعة الخرتوم بتفكر حقت منو؟،عاوزين كل الاعداد من المجلة السودان فى مدونات ومزكرات؟تقول لى اليهود ماعندهم علاقات مع(...)يازول دا المسكوت عنو زاتو؟ ومقابر اليهود ماقاعدة جم السكة حديد الخرتوم. وفعلا السودان محتاج لى مهدى منتظر...لكن المنتظرنو ناس منو؟.ايوا معاك التاريخ ترتارتو قالو بترجع حركات ورا..والداير يرجع بينا ورا تانى..(حينفنقل) يقع على وشو مش ضهرو.هم بيلعبو ولا شنو؟والبجينا بى جاكات انو نازل من السماء..حنوريهو ناس منو الدافرنو من فوق قبل مايحصل الواطة. يا هو هنا فى البوست دا..(دبلوماسيه الشمش المارقة)_اى_كلام ميت وخرافى واسطورى..حنعمل ليهو(تكس راجع)يرجع محلو الجاي منو. المهم-ياخى تبارك شيخ الدين لو فكى-(المهم)حقتو دى يكون ماقصر تب معاى.كان كلمتو بيوافق ولا اى حاجه بقت الا بالسلاح-وحتى و لو كانت برش صلاة فى خلاوى نار التقابة-الخلاوى دى حتتحول الى مدارس و مدرسين بريطانين ودب امريكى للاطفال-زى الناس بيعملو وفى زول احسن من زول؟ والا بس نقعد كلنا ذى الناس-خرا- لحدى مانشوف العفانات دى نهايتها شنو.مع الناس المستنكحين ديل ويجو يقولو اقرو بالعربى وبالكرباوى يقرو هم بالانجليذى وفى مدارس الكفارالكمبونى واساتذة من بريطانية. ياخ فى حلقات فكرية اتعملت فى راديو كندا(c.b.c)برناج افكار(ideas)اشراف بول كندى عن(اشكالية التسامح) باللاى ياكبر لو لقيت فرقه جيب الحلقات دى هنا.فيها كلام ذى العجب والفطور الساعة عشرة صباحا فى رمضان.لكن برضو داير ليهو ترجمه وبتاع..ياخ دى مصيبه شنو دى ناس مستعمرين من قبل الانقليزى ودايرين ترجمة انقليزى.شفتا التشادين زول بس كمل ابتدائى بيجضم ليك فرنسى تمام ويجو صحبانك ديك يقولو ليك جان جاك روسو وجاك دريدا وجان بول سارتر وفى واحدين انا بعرفهم لابسين حجابات فى الضراع(كشف كويس ترثنا الوثنى قاعد)../اسمع داير انزل الحوار حق دريدا بتاعم دا عن(الغفران)..ودا كلو منك جبتا سيرة الافرو واشين كمان. المهم...الحقوق لى تبارك شيخ الدين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
Tragie Mustafa
doma
الطاهر ساتي
AnwarKing
Balla Musa
Bashasha
نورالدين صلاح الدين
any tool is a weapon if you hold it well)
معتصم احمد صالح
شول اشوانق دينق
rosemen osman
الفاتح ميرغني
تبارك شيخ الدين جبريل
noon
Abdlaziz Eisa
فيس بوك
تويتر
انستقرام
يوتيوب
بنتيريست