وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 05:49 AM الصفحة الرئيسية

مكتبة محمد النور كبر(Kabar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

امسودان: نيسان ، سفنجه ـ تنده وبوري..!!

05-11-2016, 06:18 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
امسودان: نيسان ، سفنجه ـ تنده وبوري..!!

    07:18 AM May, 11 2016

    سودانيز اون لاين
    Kabar-كـــندا
    مكتبتى
    رابط مختصر


    هذه بعض اشياء حنينه للغاية نهديها لأعمامنا سائقي البصات واللواري في امسودان ، وهم فئة لها مغامرات جميلة ، يصنعون الحياة فنا ويمضون في طريقهم..
    ومعروف ان معظم الناس هنا قد تكون مرت بسفر البصات النيسان ، واللواري السفنجة ، اللواري الزد واي ، والكي واي.. وغيرها من زوامل المعدن الأليفة..
    اما الشباب ممن لم يتيسر لهم السفر بهذه الزوامل المعدنية الأليفة ، مين يعرف يمكن بعد ما يشوفوا الحاصل هنا تهف ليهم يخوضوا التجربة..!!


    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 06:25 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)




    هذا الفيديو ، ونشكر صاحبه على التقاطه ونشره في اليوتوب ، من منطقة ابوزبد وهي في غرب كردفان..وهذه الجزئية تسمى التردة وهي عبارة عن بحيرة موسمية ، تمتلئ في الخريف ، وتجف اجزاء كبيرة منها في الصيف..!
    الذ مافي الموضوع هو طريقة استخدام البوري (الهورن) ، ويمكن متابعة هذه النغمات المتناسقة .. فالبوري هناك ليس فقط للتنبيه وانو الناس تفتح ليك الشارع .. وانما حاجة جميلة وجزء من مزاج الناس.. فغالبا يستخدم عند دخول اللوري المدينة او القرية ، وبيكون جهاز تنبيه زي النقارة..!
    حاولت اتبين البوري جاي من وين في الفيديو .. واذا كان احد العربات الشاقة الموية .. الإ كن يكون عمك السواق خاتي جنبو مساعد بوري..!!
    طبعا غرض غريب ومدهش من استخدام البوري هنا ..وفي الحتة دي بالذات.. فهو عبارة عن اداة لإشعال الحماس.. والله اعلم..


    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 06:33 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)






    زمان المستنير ابوبكر عباس .. لمن حكي قصة قمر ، جاء على ذكر الصاجات.. فلموا فيهم بعض الزلنطحية وعقدوهو في حنانو ذاتو..!!
    هنا اللواري في القيزان ، وهي منطقة صحراوية ، غالبا في شرق السودان ، وبتلاحظ في زول لا شغال بقواعد سلامة ولا يحزنون بيكون شايل ليهو قطعة حديد اطول من وبيقوم بيرميها تحت عجلات العربية..وهذه هي الصاجات..
    العربات في الفيديو ده هي نوع قديم من عربات الفورد.. وبيسموها البيد فورد ..واسمها المحلي السفنجة..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 06:40 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)








    وهنا.. بصات النيسان.. وهي عربات يابانية ، ويتم تعديلها في السودان ..
    تقول الطرفة ان واحد ياباني زار السودان ، وذهب الى غرب كردفان ، فشاهد لوري نيسان الشحنة فيهو اكبر من حجم العربية ، وقدرة تحمل الرمال والوحلان.. فقال الياباني: بالله ده المنو الإخترع العربية دي؟..
    ولأنو اهلنا هناك ما بيعرفوا تقاسيم اليابانين ، فقالوا ليهو بصوت واحد: ده الياباني يا عمك..!
    فاجهش صاحبنا بالبكاء المرير..!!


    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 06:37 AM

علي عبدالوهاب عثمان

تاريخ التسجيل: 01-17-2013
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

    حبيبنا كبر مع التحية ..
    السفر لديه أدبيات .. خاصة لدى أهلنا الشايقية .. وإنت عارف أهلنا الشايقية ورعتهم وإبداعهم ..
    وهناك شعر جميل لعبدالله محمد خير عن السفر ( طريق أمدرمان )
    ونحن في دنقلا لدينا تراث عن السفر زمن ( الفارقو ، والتيمس ، والفورد )
    لك التحية ..
    ومودتي الحبيب كبر ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 06:44 AM

علي عبدالوهاب عثمان

تاريخ التسجيل: 01-17-2013
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: علي عبدالوهاب عثمان)

    حبيبنا كبر مودتي ..
    أهلنا الشايقية ديل ناس جميلين ومرهفين وفنانين

    لدي بعض الخواطر عن السفر ( طريق أمدرمان )
    ============================


    ثقافة السفر باللواري كانت لها جماليات وأحزان عبر طريق دنقلا أمدرمان ، كانت رحلة لها خطورتها ومتاعبها التي كانت تدخل ضمن دائرة المتعة والمغامرة المحببة إلى النفس ..
    وشهد هذا المسار الكثير من الافراح والاحزان .. وأدب موروث خاص طبعاً الغالب والأعم من هذا الشعر عند اهلنا الشايقية
    هؤلاء الذين يجملون لنا حتى ما كنا نراه قبيحاً في شمالنا الحبيب والأجمل هي قصيدة الشاعر الراحل المقيم عبدالله محمد خير :
    سم باسم الله وقرا
    وفارق أم درمان غادرا
    بالمويلح قام سادرا
    والدروب أصلو هو خابرا
    يالحبايبك متحسرا
    وبي فراقك متأثرا
    إلا جنحينا مكسرا
    السمحة دلوعة مبطرا
    سوق بشيش عشان خاطرا
    لبنه شبت في بندرا
    ولي الدرادر ما قادرا
    آية في الذوق والفنجرة
    وفاقت الكروان حنجرا
    جبرا أشجاره مكدرا
    للمقيل لا ضل لاضرا
    تسأل الركاب ياترا
    لا متين هذه الصنقرا
    الصبر ياصابر جرا
    وما بتطير مهما الباص جرا
    التروس ليك هان عاسرا
    وأي سواق كان كسرا



    مودتي كبر ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 06:50 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: علي عبدالوهاب عثمان)


    ول ابا علي عبد الوهاب..حبابك يا صديقي
    كتر خيرك على المرور..
    وليت كل الفيديوهات تكون فتحت معاك..
    ياخي السفر ناس امسودان عندهم لوحة فنية وجمالية ، اجمل الأشعار عن السفر ، واجمل الأغاني عن السفر..!!
    عارف يا صديقي ، لمن مشيت امسودان في سبتمبر الماضي ، زرت منطقة جنب الدلنج واسمها الحاجز وهي اكبر سوق للجمال في جنوب كردفان..وشاهدت لواري التيمس..ياخي لواري بعدد مبالغ فيهو..واتصورت مع بعضها ، وصورت البعض الآخر.. والغريبة شغالة بين القرى واهلها ما عندهم بشارع الظلط..!!
    واللوري هناك ، كما في مناطق كثيرة في الريف السوداني ، الناس بتحرص على شكل الزينة فيهو والبوري.. يا خي البوري حاجة عجيبة خلاص..
    المهم بعد شوية الحاجات دي ح تبقى انتيكات..!!




    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 06:55 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)


    من الظواهر اللذيذة في حكاية اللواري.. يقولوا ليك عمك (رابط ليها كوز)..





    اتفرجوا..

    والمتذكر يشرح حكاية الكوز دي..

    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 07:07 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)


    ول ابا علي..حبابك يا صديقي
    وكتر خيرك على قصيدة الشاعر الكبير عبد الله..
    فهذه الزوامل المعدنية الأليفة كانت جزء من الوجدان يا صديقي..
    والمدهش.. السواقين شوافين وعينهم سنينة.. وعندهم احساس بالحاجات عجيب ومدهش.. فلمن تكون زولة سمحة مسافرة معاهم.. بيجيهم احساس عجيب..وبيبدعوا ابداعات عجيبة..!
    الفيديو بتاع بصات النيسان .. فيهو ظاهرة طريفة ، وان جوه البص بيكونون مجموعة من النساء..اها اعمامك حرارة قلب ساكت بعملوا المجازفات العجيبة..!
    وكانت الناس تتخير اللواري من صوت البوري..ياخي نسافر في عربية فلان لأنو البوري بتاعها سمح وحنين..وهكذا..
    ولي قدام نرجع بخواطر عن هذه الظواهر الجميلة..
    ودمت..
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 06:24 AM

عوض جاه الرسول
<aعوض جاه الرسول
تاريخ التسجيل: 01-24-2013
مجموع المشاركات: 661

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

    Quote: والمتذكر يشرح حكاية الكوز دي..




    كبر



    Kabar
    والضيوف الكرام
    التحايا العطرة ،
    الكوز طبعا ما كان زي كيزان الزمن الأغبر ده
    الكوز كان في الغالب من علب الصلصة الحجم العائلي الكبير أو علب الأناناس وكولها انغرضت بفعل الكيزان الحاليين
    أها بتجيب الكوز أولاً بتجردو من اي شوائب أو آثار بوهية أو ملصقات دعائية للمحتوى الكان فيهو سابقا.
    وبتقوم تقد الكوز من ورا لتثبيت المسمار ابو صاموله -
    وتفتحو من قدام مع ازالة الشفة يعني لو مررتا اصبعك في فتحت الكوز الأمامية تنجرح طوالي .
    وبي حرفية شوية تخفج الكوز بحيث يكون نصف دائري
    يعني لو عاينتا للكوز كأنك عايز تشرب منو تلقى الشكل مادائري كامل والسبب
    ( لانو بتربط في مسمار المقنيته من فوق وما يدقر في سير المكنة.)
    أها وقبل الرباط تقوم تلف الجزء العلوي من الكوز بي شريط كهرباء
    وحبذا لو حشرتا ليك شفرة موس من ابوتمساح الأتعدم داك
    عشان يزيد الزنة مع تقسيمة الجاز ..
    فيا سبحان الله شتان مابين كوز زمان وحسي.
    كوز زمان كان بيبسط الناس بي صوتو
    وبيميز السواق الجدير والعارف بأمور التغييرات
    ويسر مسامعك.
    وكوز اسي يعكنن عليك الدنيا ومصدي وتشم نتانتو من مسافة..
    مودتي وآسفين للاطالة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 07:02 AM

عمر السلمة
<aعمر السلمة
تاريخ التسجيل: 01-09-2013
مجموع المشاركات: 191

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 07:15 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: عمر السلمة)


    ايواتا ليك يا عمر..
    بالله اسمع الفن السمح ديك كيف..
    ودي اسمها سلام ملك.. السواقين بيتبادلوا التحيات..
    الذ مافي الموضوع عمك التاني وقف عربيتو وقاعد يسمع..
    كتر خيرك يا عمر على المرور والمشاركة..
    وكتر لينا من الحاجات دي..
    عشان كده الفنان ما غلطان لمن وثق الحتة دي بالذات (يا اللوري عليك الرسول سوي البوري)..!!
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 08:24 AM

محمد مجيدو
<aمحمد مجيدو
تاريخ التسجيل: 07-06-2013
مجموع المشاركات: 1575

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

    ول ابا كبر ... يا استاذ .. يا كبير ...
    لك التحية .. والمتداخلين ..

    شوف الزفه على انغام بوري البص .... بهجه ...





    عــــالـــــم بـطــــالـــــــــــــــة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 08:52 AM

علي عبدالوهاب عثمان

تاريخ التسجيل: 01-17-2013
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: محمد مجيدو)

    حبيبنا كبر .. شوقتنا إلى أيام السفر والحنين ..
    هذه بعض الخواطر عن سفر ذلك الزمان والحكمة من (( البوري))

    ===========================================
    في الشمال النوبي نتغني بأمجاد السواقين المشهورين في الخط ، وكذلك ((البوري)) ابو ثلاثه أنغام .. وكنا نسميه بالدنقلاوية (( بوري توسكا )) وكانت هذه التكنولوجيا قد دخلت تقريباً في منتصف الستينات من القرن الماضي .. فكان السائق يعزف على البوري أولاً عند الخروج من أمدرمان .. وكذلك طوال الرحلة والحكمة من هذا البوري المنغم هو تخفيف العبء ووعثاء السفر وتبديد الخوف من هذه الطبيعة القاسية .. ويصمت البوري ثم يعاود العزف عندما يدخل ( أبوضلوع ) وهو طريق رملي صعب الاختراق ويستعد له المساعدين بالصاجات ويتكدس اللواري في مدخل أبوضلوع .. ويكون هنا نوع من النفير حيث يتجمع المساعدين ويخرجون اللوري واحداً بعد الاخر وهي فترة عصيبة تلاحظ فيها قوة وصبر وتحمل هؤلاء الشباب وأصبحت البجا وأبوضلوع رمزية لتقييم هؤلاء الشباب .. ومن لم يجيد تلك الممارسة والمقدرة على تحمل هذه الشدة كان يسموه ( مساعد حلة ) كناية عن الضعف .. فيحال إلى طباخ .. يشد القدور عند إستراحة اللواري بعد ( أبوضلوع ) فتذبح الخرفان وتقام الولائم إحتفالاً بسلامة الخروج من أبوضلوع ولا بأس من تناول كوؤس من (عرقي التمر ) وغالباً ما يكون السواق في حالة غيبوبة وعندها يتولى المساعد الكبير قيادة اللوري لأن الطريق أبو ضلوع ممهد نسبياً حتى قهوة أم الحسن وهي مشهورة وكتب عنها الكثيرون .. بعد إستراحة أم الحسن تنطلق اللواري حتى (بئر النص ) ومن ثم يأتي الهم الأكبر وهو الدخول في (الباجا ) وهي منطقة رخوة ليست رملية بالكامل ولكنها ذات تربة غربية جداً وناعمة مثل الدقيق أحسب ان الناطقين بالعربية يسمونها ( فرناغه ) .. وفي بعض المواسم ولفترة مؤقته كان يمهد طريق مؤقت يمكن معه تجاوز بعض المسافة من (الباجا) وهناك مقولة كان يرددها المساعدين :
    الباجا بي فوق
    أبوضلوع تزانيق
    والنوم في التندا
    بعد منطقة الباجا يكون الطريق شبه ممهد ويكون السفر ممتع بحق ( الدبة بي فوق ) ولكن القولد كان حتمي الوقوف فيه .. لأن للقولد طعم خاص لأهلنا الدناقلة ولا يكتمل الوعى الجغرافي لأهلنا إلا بذكر القولد ضمن المجموعة المكانية لموروث أهلنا .. فكان بار الخواجة حيث الاستراحة مع بعض ( كاسات الشري ابوكديس ) أشهر الأنواع آنذاك أما الموغلون في مجال الشرب فالشري لم يكن يطفيء قيظ شبقهم في الدخول إلى عوالم التهتك واللاوعي فلابد من مشوار حتى الشوبلي في ضواحي القولد حيث ( عرقي التمر ) من أفخم وأرقى وأجود الأنواع .. ومن هناك تكتمل الرحلة إلى دنقلا ومن ثم البعض يسافر بالمسار الشرقي للنيل حتى حلفا عابراً منطقة المحس وسكوت .. وكانت المحطة الرئيسية لمسافري منطقة والسكوت هي كرمة النزل وهي واحدة من المناطق التي أنجبت أول سائقي الخط في المنطقة وأول من خبروا ميكانيكا السيارات وهم ( أولاد عكاشة ) فكانوا أشهر السائقين حسن عكاشة وحسان والنيل عكاشة ، وخاصة أكبرهم حسن وهو أول من فتح خط كرمه النزل حلفا وأذكر أن أهلنا الذي يسافرون إلى مصر عبر حلفا كانوا يقضون ليل في كرمة النزل مساء السبت للسفر يوم الأحد وكانت ميسرة يومين في الحالات العادية .. أما خط أمدرمان دنقلا فكانت فترة السفر في الحالات العادية يومان بعد ظهور النيسانات ، وبواسطة (السفنجا) البيدفورد ثلاثة أيام أو أكثر حسب ظروف اللوري .. ولكن الثورة الحقيقة للسفر ظهرت بعد ظهور لوري النيسان حيث تفوقت التكنولوجيا اليابانية .. وأصبحت السفجنا والتيمس والهوستن في درجات أقل أنصرف عنها الركاب حتى سائقي تلك اللواري شعروا أنهم من الدرجة الثانية .. فاللواري معظمها كانت حمولتها من التمور والبصل وأحياناً الشمار والطرود المرسولة إلى أهلنا في العاصمة ..

    مودتي كبر .. بوست شيق ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 10:03 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 18555

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: علي عبدالوهاب عثمان)

    مسدار اللورى قريب محمد راجع

    مسدار اللوري
    للشاعر محمد ود راجح
    سائق التيمس الفي طبعو باقي مقلب
    قال لي مساعدو ناوين السفر ادرب
    هاك ام الورق جيب ليك رغيف ومعلب
    وباكو من السجار اوع القديم ومهرب
    ودع بقعة المهدي وتوجه غرب
    شال سارة وبقيت في نار جمر اتقلب
    ممكون إلا صابر والعلي بطلب
    وصفات من طبيب درس الحكاية وجرب
    بعد مانط فتاشة وعديل إتصلب
    طلع قوز ابو ضلوع جسم المساعد كلب
    جبد السري دخان اللديتر علب
    صادف زنقة عداها وعليها تغلب
    تقول كاسر قيود كان في البنية مكرب
    وصادف غفلت الحراس مرق واتهرب
    قداموا الطريق ساهل نقوع وجررب
    قبل التاسعة فوق أم اندرابات تلب
    من ام اندرابة توهد الخيران
    وإتراجع من السرعة وعمل سكران
    قصدو القاصدو تب مافات على الزملان
    يبيت صدر أب تبر ويصابح الغزلان
    قشة عينو من النوم لمحلو عنيز
    قدامها الوعيرة وبي وراها قويز
    شال جيهة المهب نشن قليل الميز
    كرفت ريحتو خزت وعوضته فزيز
    شبيهة سارة سلمت من أذى الرصاص
    ورجع صاحبنا آسف واللدين يباس
    بتشبه سارة في الهيف والحشا المزرود
    والجيد المبوبح والعيون السود
    تمتاز بي نفوراً مابحدو حدود
    وتمتاز سارة بي العفة وليانة العود
    عقب لامح قطيع جنب القصيبات ماشي
    وراح بشويش مباريهو وعمل نواشي
    قبض نيشانه واقف ومثل الدياشي
    وقالت بو وراح كل القطيع متلاشي
    فرك ايدينو حسرة وعض للسباب
    وقال ياليته كان ماخالف الركاب
    قداموا الوحل وتردم السحاب
    وزاد الناس كمل والرحلة لسة صعاب
    قال يامسعادي اطلع منع الكراب
    هُرب ابو حوت تحتنا والطريق دراب
    نزل وادي اب جداد وعلب الدكناب
    وفات وادي المخنزر وعدا بالحجاب
    عقيدات الدمر مراها سيل منساب
    تقول شارد اضاليم ماسك الدوداب
    ختم من جبرة عفواً لاسلام لاحباب
    ونزل ام قرفة ممهول والنهار ماغاب
    بات مبسوط يشاغل ناس يضاحك ناس
    ونامت سارة نوماً هادي غير هلواس
    حتى مساعدو راح ضارب الرمال وإنباس
    آخر نومه وإرتاحت بقية الناس
    صحا من نومه واصل منزعج مزنوق
    وفات ام صيقعون لمحة وعقب خازوق
    يغير في التعاشيق الشقي الصعلوق
    يحاول جهدو حاري اليوم جريجخ سوق
    وصلت سارة ناسة وعشيرة ابوها
    وجوها شفاقة مشتاقين تقول ياكلوها
    دي آخر محطة الليل يواصلو لبارا
    وللركاب تأسف واعتذر بي مرارة
    وصلت سارة موطنها وبلدها الرائق
    بوابيرو بتدق صباحي والتور سائق
    وإتخلفت في جريجخ حبسني العائق
    في بحبوحة لكن الضمير ماطائق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 11:24 AM

عمر السلمة
<aعمر السلمة
تاريخ التسجيل: 01-09-2013
مجموع المشاركات: 191

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

    استاذنا كبر ... سلامااات

    Quote: ايواتا ليك يا عمر..
    بالله اسمع الفن السمح ديك كيف..
    ودي اسمها سلام ملك.. السواقين بيتبادلوا التحيات..
    الذ مافي الموضوع عمك التاني وقف عربيتو وقاعد يسمع..


    لاحظت في نهاية الفيديو السواق بقول للمصور (معلم كيف ) بالرغم من انو ما قل عنو في المهارة في العزف

    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 07:50 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 7336

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: عمر السلمة)

    ياااا اللوري

    عليك الله يا اللوري

    عليك الله يا اللوري

    علي الرسول بوري...

    أو كما تغنت عقد الجلاد....
    ..........................................
    واحد من بلدياتنا من شرق السودان عنده لوري
    نسيان جديد شاحنه فحم....
    جاءت واحدة قالت دايرا ليها شوال فحم..
    نزل ليها الشوال هبشتوا بجاي جاي ما عجبها
    مصمصت خشمها وقالت ليهو: ها فحم اليابانى!!
    صاحبك زعل منها قال ليها: الفحم ما ياباني لكن اللوري الجابو ياباني.


    تحياتي يا كبر...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-11-2016, 09:07 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 18555

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: سيف اليزل سعد عمر)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 03:44 AM

Amin Abubaker Abdalla
<aAmin Abubaker Abdalla
تاريخ التسجيل: 05-03-2015
مجموع المشاركات: 60

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

    شكرا يا أستاذ كبر على هذا البوست الرايع الجميل..حيا أبوزبد المرين التى
    انطلقت من شاطئ تردتها لتكتب لنا هذا الكلام المؤثر.
    أدب السفر غنى و مشوق لكن لم يجد حظه من التدوين و التداول.
    لا يأتى ذكر السفر الا و يتذكر المرء رائعة الأستاذ السر عثمان الطيب
    (بحر المودة): أتذكرك يا يمة و الناس قالو قايمين البلد..رصو الهديمات
    عدلو ركوبو اللوارى و قبلو..
    و يتذكر رائعة المرحومة حبية بت حمدان( الليمونى): كباشى لو ترضى
    وصلنى ودبندة...و يتذكر الاعمام:كباشى راشد و أحمد شطة و اندمة عليهم الرحمة
    كان السفر لوحة متكاملة يتجادل فيها الثقافى و الاقتصادى و السياسى...
    كان حوارا للحضارات.
    لكنى أراك قد أضفت إلكى واى و الزد واى إلى قائمة اللوارى...شخوص اللوارى
    فى السفر القديم بدأت بالفارقو ثم السفنجة و التيمس و الاوستن لتنتهي بالنيسان الهايدروليك.
    تحياتى مجددا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:06 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Amin Abubaker Abdalla)


    ول ابا مجيدو..حبابك يا صديقي
    كتر خيرك على المرور واشراكنا في هذه البهجة..
    الغنيات..ناس سمح انتا وعسل انتا..ثم جاياك يا اب شرا.. ثم السوط يا جنا..او ماشابه..
    شفتا ناس امسودان ديل مرات بيدوك احساس بحب الحياة كيف؟..
    طبعا ناس القرى والحلال ، السيرة عندهم حاجة مهمة شديد.. لأنو ناس بتكون مافي مناسبة تخليهم يشوفوا لوري ولا يركب لوري الإ في السيرة..!!
    والتحية لأهلنا السواقين.. ياخي ناس فنانين شديد..
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:07 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)


    ول ابا علي..حبابك يا صديقي
    كتر خيرك على اشراكنا في لوحة السفر باللواري التي رسمتها لنا..
    عارف يا علي بعد شوية الناس اسامي المحطات ذاتها ح تنساها وتنسى المغامرات فيها..
    ياخي فكرة الباجا دي كانت رايحة لي بشكل.. لأنو كانت بترد في بعض الأغاني .. ولم نكن نعرف معناها .. وكويس انك شرحتها هنا..
    حكاية الضبايح والولائم.. مرة عندنا صديقتنا وزميلة دفعتنا في الجامعة وكانت بتدرس في كل الزراعة ، واهلها من الجزيرة ابا (جزيرة المهدي الإمام)..فمرة سألتني احكي ليها عن كردفان واهل كردفان.. والمناسبة أنو عندها اقربائها كان عندهم لوري وكانوا شايلين شحنة ماشين نيالا.. واللوري اتعطل في منطقة الرهد اب دكنة (الجزء الشرقي من شمال كردفان)..اها الشباب شغالين في عربيتهم.. جاتهم حاجة عجوز وجابت ليهم جردل موية..وقامت اتكلمت معاهم بصورة اعتذارية انو مافي راجل في الحلة ، ويمكن يجوا يشيليوا ليهم تيس ويضبحوهو ويتغدوا بيهو..طبعا الشباب ما مصدق..ومشوا شالوا التيس وحاولوا يدفعوا ليها ورفضت تشيل حق التيس..!!
    وايامهم طالت..زي اسبوع..اكلوا فيها تلات تيوس..وناس الحلة بقوا اصحابهم وكده.. اها الشباب ديل ردوا الجميل.. كلوا ما يجوا مارين بالحلة دي بيجدعوا ليهم شوال سكر ، وكمية من الهدايا للخالة التي اكرمتهم اول مرة..!
    وقلت لي صديقتي نعم حاصل.. وانتي ذاتك كن مشيت ح يضبحوا ليك زي الترتيب.. وكانت مستغربة للغاية على هذه العادات العجيبة..!
    من طرائف سفر اللواري .. اذكر مرة كنا مسافرين من الدلنج للأبيض..قبل شارع الظلط.. وعندنا خور مشهور بين الدبيبات (جنوبا) والأبيض شمالا.. اسمو خور شوشاي..بالظبط زي حكاية بصات النيسان في الفيديو الفوق.. اها المطرة جات.. وعمك السوق قال الخور مافي طريقة نشقوا ألإ الصباح..دبرسة اسكت ساكت خليها ، برد ومطر وجوع..فقام شباب دوروا ليك غناء.. وكانوا طمبارة.. ياخي جنس حفلة اسكت ساكت خليها.. وبالطبع معظم مواضيع الغناء عن اللواري وانواعها..
    ياخي عمك واحد كان عندو وصف عجيب (سدرو مقاعد النيسان)..!!
    لو ملاحظ يا علي.. نفس قصيدة عبد الله ، بتلقى صداها في قصيدة قريب محمد راجع التي اضافها صديقنا منصور المفتاح ، وسبحان الله الإتنين اتحركوا من نفس النقطة (امدرمان) واحد ماشي على الشمالية والثاني ماشي على كردفان.. شفت اتساق الوجدان كيف والتلقائية في الوصف..!!
    كتر خيرك..
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:08 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)


    ول ابا منصور..حبابك يا صديقي
    وكتر خيرك على اضافة بت ابا شادن وتجربتها العجيبة..
    وكتر خيرك اكتر على اضافة مسدار اللوري..
    ومثلما قلت لصديقنا على عثمان ، شوف التطابق الوجداني بين تجربة راجع وتجربة عبد الله في وصف الرحلة ومحتواها..
    والأهم يا صديقي ، التطابق مع فكرة استاذنا محمد المكي في رائعته (قطار الغرب)..شفتا السفر كان وجدان كيف يا صديقي؟..
    كتر خيرك كتير..
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:08 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)


    عمر..حبابك يا صديقي
    ياخي اعمامك ديل عندهم حس عالي في الإتكيت..وبيعرفوا يطايبوا بعض بصورة مدهشة.. والأجمل الجمهور ذاتو لم يتكيف يقول بالله شوف الزول ده معلم كيف..!
    كتر خيرك..
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:09 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)


    سيف اليزل..حبابك يا صديقي
    ياخي نكتك دي ذكرتني عمنا واحد.. اول مرة زارنا في الدويم.. وشاف الحصين بتجر الكارو.. ياخي عمك حنبك جنس حنبكة واحدة..ككيف الخيل الناس تهينها بالصورة دي..!!
    اها انتو كمان يا ناس الشرق بالغتو ياخي.. نيسان وتشيلوا فوقو فحم..!!
    كتر خيرك..
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:10 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)


    امين ..حبابك يا صديقي
    كتر خيرك على المرور هنا..
    أي والله يا صاحب.. واهلها بيقولوا عليها (اب زبد المرين: خريف بقارة وصيف ام سعين)..!!
    منطقة حنينة ياااااااااااخ..
    والتحية لأعمامنا الذين ذكرتهم.. وهل عمنا احمد شطة عندو علاقة بزميل المنبر ول ابا خالد شطة؟..
    الكباشي زول مشهور ياخي..وعمتنا الشاعر حبيبة.. رسخت في الوجدان السوداني باغنية الليموني..!
    فعلا يا صاحب السفر في امسودان عوالم مدهشة للغاية..واذكر مرة كنا نتحدث عن ر ائعة استاذنا محمد المكي ابراهيم (قطار الغرب) وقلنا ان القطر هناك ليس مجرد الة وانما ظاهرة اجتماعية وثقافية واقتصادية..لأن الناس بتكون مرتبطة بيهو بصورة كبيرة.. ونفس الفكرة في اللواري..
    متذكر الفارقو طشاش طشاش.. ولوري تاني ظهر ايام جوايز توتو كورة شباب ورياضة ..وكان اسمو (باسط) لكن ما عاش كتير..وبرضك واحد تاني.. اسمو (الهينو)..ياخي لغاية الليلة متذكر دعايتو في الراديو بتاع هنا امدرمان (لوري هينو تمانية طن)..اضافة الى اسم لاعب نادي العامل (هينو)..وصاحبتنا في الدلنج (ليلى هينو) .. ودي قصتها لذيذة ، كانت شافعة زي عشرة سنة تقريبا ، وجات قاطعة الشارع وبتاع اللوري الهينو كحلها في اخر لحظة وحاول يلوش منها فاللوري انقلب..!!
    ولو بتذكر الأوستن لمن ظهر اول مرة.. كان اسمو السوداني (ابيض ضميرك) على اغنية استاذنا الجميل الفنان الطيب عبد الله (انتا يا الأبيض ضميرك..الخ)..
    حاجات مدهشة مش؟..
    ودمت..
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:13 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)


    عوض..حبابك يا صديقي
    على بالحلال انتا معلم عديييل..!
    ياخي الواحد عمرو كلو داير ليهو زول يشرح ليهو الفكرة..وانتا جيهتها تب..!
    ايام الشهادة الإبتدائية يا عوض..كنا سنة سادسة في مدرسة لقاوة الشرقية..ودي اكتر سنة دراسية انجلدت فيها في طيلة حياتي التعلمية في امسودان..المدرسة كانت في ملتقي طرق.. بتمر بيها العربات القادمة من كادقلي ، ومن الأبيض..!!
    أها أي لوري..جاي داخل بيكون زاني ليك كوز اب لستك..ونحن نشيل ونخبط ليك الأدراج..والمدرسين يشيلوا ويجلدوا فينا..!
    عمي كان استاذ في المدرسة ..وكل ما ننجلد.. نرجع البيت ..الحاجة تسأل: يومك كيف في المدرسة؟..واقول ليها: زي الزفت..جلدونا..!
    طبعا الحاجة مفتكرة الموضوع تقصير ولا قلة ادب على المدرسين..وقلت ليها اسالي عمي فلان..!
    وقال ليها: مزعجين..!
    وقمت مرة سألتو: ليه بتدقونا كل ما تمر عربية بالمدرسة.. ؟ فقال لي : دق الأدراج ده معناتو سب الدين..!!
    ياخي ايام اسكت ساكت خليها..!
    ودمت..
    كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:33 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)





                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 08:35 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 09:49 AM

أحمد التجاني ماهل
<aأحمد التجاني ماهل
تاريخ التسجيل: 07-26-2008
مجموع المشاركات: 898

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

    العزيز محمد النور كبر
    لك التحية والتقدير على هذا السيار نعم السيار الذي يسبق الحفلة. فسيارنا هنا السفر باللواري وأنواعها كان التيمس والأوستن (الأبيض ضميرا وجريمة) والسفنجة والفارقو والفوزو وجات النسيان ثم الكيواي والكيبي والزيدواي والنسان السكس والمارسدس وغيرها. ومعداتها الكوريك والصاجات الكبيرة (الصاجة الكنب) والصاجة الصغيرة (الطردات) خاصة في الوحل في الطريق الرئيس من الأبض إلى دار فور والذي يتفرع إلى ثلاثة طرق من النهود شمال غرب إلى الفاشر ويمر بقوز النجمة تجاه ود بندا و17 قوز تلك القيزان التي تتشكل هلى هيئة مدرج من الأصغر إلى الأكبر والتي يتعب فيها المساعدية (المساعد الكبير) والمساعد الصغير (مساعد الحلة) من الوحل وهذه القيزان تقع بين ود بندا والشرف كباشي ومنها منطقة بروش وجبل حلة وأم كدادة والفاشر. وهنالك مناطق في الوسط ما ذكرتها منها قهاوي النيل والجنانة والزرنخ. أما الطريق الثاني هو طريق جريبان (غبيش) والذي يمر بقوز جمل وهو من القيزان الصعبة في الوحل والطريق الثالث هو طريق أم خشمين وأم قرناً جاك وبابنوسة والمجلد ويستمر وكل هذه الطرق تؤدي إلى دار فور باتجاهات متخلفة. أما ذكر (الكوز) الذي يربط ليخرج صوت المروحة فهو عبارة من علبة نيدو أو علبة زيت مكنة وتطفق من الجانب وتربط بشباح ما المكانيتة وتثبت عليها شريحة من صور الأشعة والأمواس عن طريق شريط الكهرباء اللاصق وتقرب من المروحة وينعكس فيها الهواء الخارج من المروحة وفرن الرديتر أو حلق الرديتر أو ما يعرف أحياناً بالسكس بندا الذي يلحم مع الفرن ويعكس صوت المروحة مع كبس المكنة وكأنه صوت الاسعاف.
    ونواصل
    أحمد التجاني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2016, 09:54 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 18555

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: Kabar)

    الأخ كبر لك وعليك السلام الدكتور إبراهيم إسحاق أميز من كتب بتفاصيل عن سفر اللوارى وعن مجتمعات الرحله التى أحيانا تؤسس لعلاقات أبديه ومن
    ثم يحكى إسحاق عن حياة الناس فى طريق الرحله يحكى عن الأباله ولم يترك فرضاً ويحكى عن البقاره ويحصى واقع حراكهم كما الكميرا الديجتال ترصد
    تفاصيل التفاصيل ويحكى عن الغنامه وعن الباعه أهل الجليب فى السندات والمحطات وبائعات الشاى ومستلزماته حتى تحسب أنك جزء من تلك الرحله.
    وأهمية اللورى جعلت السواق كما الطيار لا بل أكثر أهمية فى مركوبه النمرى والجلابيه سكروته والنضارات البيرسول والعطر الفرنسى من من نيالا
    ويختار من يركب بجانبه ولأن باللورى يأتى المسافر والخطابات والوصايا والهدايا ويأتى بالجديد وهو ليس بأقل من القطر فى القيمه ولنا محسوب يسمى
    الامين عبدالله الجزولى ولد بدار ريح وكانت له ملاحات وكان له لورى ويسوقه بنفسه وكان يطلق عليه أبو شاديه
    فغنن ذوات الغى
    السريع قام خلونى
    برجى قدام لى أبوشاديه

    لا بل تجد المساعد الذى يعرف رمى الصاجات متميزا بشكله وطاقيته الحمراء وكنتل التكه وبنايك السروال الطويل والحقه أم مرايه وعندما
    يلتقى جمع أهل السواقه ينطقون راندوكاَ فيقول لاقيت فلان جرالى نور طويل وأشياء لها علاقه بالمهنه
    فيا كبر أحب سفر اللوارى والزول قطرو سنارى!!

    منصور
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2016, 04:19 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 07-02-2008
مجموع المشاركات: 7265

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: munswor almophtah)

    سلام ياكبر وكل عام وانت بخير
    سؤال:
    ليه إنت سميِّت البلد بـ امسودان؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-21-2016, 06:16 AM

Kabar
<aKabar
تاريخ التسجيل: 11-26-2002
مجموع المشاركات: 14203

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: امسودان: نيسان ، سفنجه ـ تنده وبوري..!! (Re: عبدالعزيز الفاضلابى)

    up
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de