|
|
|
 Re: اطفال سودانيز اون لاين ـ إلى بكري ابو بكر والمهتمين / ات (Re: Teeta)
|
سلامات
ياصاحبة الجندر
الف سلام ليك ولي محمدتراث الصغير والاء الصغيرة ابنة تيتا
انا الان قاب قوسين او ادني من البكاء
اطفالنا لهم عبقرية متفردة معدومة لدي الاخرين وهم دائما يحبون التعبير عن انفسهم بطريقتهم هم هم فقط ولكن نحن الكبار دائما نمارس عليهم دكتاتوريتنا ان كانت لنا الحيلة وعزاؤنا في ذلك اننا عندما كنا في سنهم لم نفعل كذا ولا كذا وهذا دلالة علي نسياننا للمعطيات التي كنا نتعامل معها نحن في الماضي ومعطياتهم هم في الحاضر النظيف والمستقبل الذي ينبقي ان يكون اكثر ضياءا وبهاء
شكرا لمحمد تراث الصغير شكرا له بقدر عنفوانه وامنيته بايجاد وطن اخر له يعبر فيه عن براءة انفعالاته ويتنفس عبره كوامنه ليس لطبيب نفساني ولكن لاصدقاءه الصغار وليكن له مايريد ويشهد الله ان كان لي يد في الامر لفعلته قبل كل الفاعلين
ولكم الحب ياتراث الصغير وياالاء
ولله دركم يااحباب
........................
معا من اجل بورد لاطفال سودانيز اون لاين
| |
 
|
|
|
|
|
|
|
|
Re: اطفال سودانيز اون لاين ـ إلى بكري ابو بكر والمهتمين / ات (Re: بدرالدين شنا)
|
الأخت الجندرية سلامات
يعني تاني انت وتراث ومحمد شكل على جهاز الكمبيوتر ولازمكم جدول لتنظيم اوقات استعماله.. أنا قبل ما اقرأ رد بكري كنت عايزة تشجيعا على الفكرة اني أضيف انه يعمل بورد حتى ولو في شهور الصيف بس اللي هي شهور الاجازة. الفكرة ذكرتني ما يحدث في مدرستنا. عسل العيال الصغار ديل بحكوا للمدرسين بالتفصيل الممل ما يحدث في البيوت يعني مثلا تلقي الفصل ويجوز المدرسة كلها سمعت القصة : أمي امبارح طبخت لينا مكرونة للعشاء لكن كانت بتقرأ في البورد ونست الحلة في النار وحرقت المكرونة قامت ما لقت حاجة تعملها عملت لينا عيش بي لبن وانا بكره اللبن وماما ما بتخليني أنوم من غير عشا قمت عملت نفسي باكل ولما اخواتي ما يكونوا شايفني برمي العيش تحت التربيزة يلا قامت عيشة وقعت في رجل اختي لأنها هي دايما بتمد رجلها تحت التربيزة ووبتعفصني وطوالي سرخت ونادت امي ماما ماما تعالي شوفي مودي عمل شنو رمى العيش كله تحت التربيزة وامي جات وقعدت تسرخ فيني وقرصتني وخلتني نضفت الارض ومسحتها وقالت لي انت معاقب ما حتتفرج بكرة في التلفزيون ولا نص دقيقة وأنا قعدت ابكي عشان عايز اتفرج على ديزني تشانل وكلمت بابا...بابا صاحبي وبحبني قام سأل ماما قال ليها لي انت عايزة تعاقبيه وقعدوا يتكلموا مع بعض وبعدين اتشاكلوا عشان ماما قالت بابا مدلعني....... الخ
طبعا العيال لما يرجعوا من المدرسة الواحد بعرف الحصل شنو في بيت منو من ناس المدرسة ومنو الامها مشت الدكتور امبارح عشان هي حتجيب ليهم بيبي جديد وحتجيب ليهم صورة البيبي في بطن امه في (شو اند تل) وياتو مدرسة لمسوا بطنها عشان البيبي بدا يفرفر ومنو الامو بتشرب خمرة وبتدخن مع انه التدخين والخمرة مضرين بالصحة ومنو الامها بتدخن لاكن ما بتشرب خمرة ولما مشوا عملو شوبينج امهم اشترت لنفسها شنو وقصص كده لا ليها حد ولا عد وانا بعمل نفسي بسمع باهتمام شديد وجدية وانا عايزة اموت من الضحك واعمل نفسي بمسح في جبهتي عشان ما يشوفوا الابتسامة الغلبني امسكها
يعني الواحد كدة لو في نوع التشات البزعل بكري (زي الانا بعمل فيه دا) حيقرا حاجات ويموت بالضحك
المهم الاطفال عندهم كتابات جميلة جدا بكتبوها في المدرسة وفيها عمق غير عادي رغم بساطة التفكير وحصره في اشياء او نطاق ضيق لا يخرج عن البيت الاصحاب واللعب وكنت مرة في البورد الاخر شاركت بموضوع كتبه اطفال الصف التالث عن (الحلم المثالي) انا شفت فيه الاختلاف بين احلام (اولادنا) نحن ناس العالم الثالث (واولاد ناس العالم المتحضر) ما بعرف حزنت ولا فرحت لكن الموضوع استدعى التأمل
لكم تحياتي
| |
|
|
|
|
|
|
|
|
|
Re: اطفال سودانيز اون لاين ـ إلى بكري ابو بكر والمهتمين / ات (Re: rummana)
|
الجندرية
بالجد فكرة حلوة جداً 00 وانا معاكم 00 يعني ولدي حايكون معاكم طبعاً بعد ما اتزوج وأجيب ولد انشاء الله يعني سنة { 2008 } ممكن يدخل معاكم اذا ما عملتوا شكلة في البورد واتفرتق قبل المدة دي 00 حا أخليه يدخل باسم { ابوحراز الصغير } وأكيد حايدخل على البوست الكاتبو تراث وحايتشاكس معاه ويقول ليهو في النهاية 00 قال تراث الصغير قال
ما أجمل عصركم ايها االأطفال
فنحن ناس غنمي ترعي
ودجاجي يلقط الحب ويجري وهو زعلان
الآن الدجاج يأتيه الحب في مكانه
والأدهى والأمر أن هناك كتاكيت قد أتت الى الحياة بدون ديوووووووك
أطفال في منتهى الروعة
ويتطلعون الىحلم لم يستطع آباءهم الوصول اليه
فلماذا لانحقق لهم هذا الحلم
| |
|
|
|
|
|
|
|
|
|
من يصدق (Re: الجندرية)
|
العزيزه الغاليه الجندريه
لك تحيات الزهور
اقول بكل تواضع انا احد كتاب ادب الاطفال الذين كانوا يكتبون في مجلة الصبيان ـ رحمها الله ـ واحد المؤسسين لجماعة ادب الاطفال السودانيه الله يطراها بالخير
هل تصدقوا ان مجلة الصبيان التي كنت اكتب فيها بانتظام صدر العدد الاول منها قبل استقلال السودان بحوالي عشره سنوات وذلك في عام 1946 وكانت منبرا لكل اولاد وبنات السودان يكتبون ويرسمون فيها ما شاء لهم واحتفظ الان في مكتبتي باعداد تعود الى العام 1952م
لقد كنا اول دوله في العالمين العربي والافريقي نصدر اصداره للاطفال قبل ان تصدر هذه القارات ادبا للكبار ناهيك عن الكبار
والآن من حق محمد ابنك واياس ابني ان يطالبوا بموقع لهم هنا لماذا ؟
ببساطه لان الحكومات المتعاقبه اهملت هذه الاصداره النادره حتى جاءت حكومة الجبهة واطلقت عليها رصاصة الرحمه وحولتها الى ادارة النشاط الطلابي والغت منها الدعم وطردت كبار كتابها بداً من شرحبيل مبدع عمنا تنقو واغلقتها تماما
وهذا الموضوع ساعود اليه بالتفصيل بعد ان فتحت الجندريه ومحمد ابنها شهيتي للكتابه فيه
المهم من حق اطفالنا علينا ان يجدوا مساحه يعبروا فيها عن اهتمامتهم ونمنحهم الثقه في ذلك بشرط ان يقوموا بتحريرها لانهم الاجدر بالتعبير عن ميولهم واحلامهم
لك الشكر يا بكري لدعمك لهذا المشروع
ولك يا محمد تراث الصغير القدح الاعلى لقيادة هذا العمل الكبير
ولكم التحيه
خالد العبيد
| |
|
|
|
|
|
|
|
|
 Re: اطفال سودانيز اون لاين ـ إلى بكري ابو بكر والمهتمين / ات (Re: الجندرية)
|
بسم الله الرحمن الرحيم
الاء الليلة جات تطلع على البورد زي عادتها اليوميه لقت البوست فتحته
وقرات تراث الصغير قالت لي يا ماما انا يكون اسمي شنو اقترحت عليها
عدة اسماء قالت لي دي اسماء ناس كبار خلاص حيكون اسمي لولي الصغيرة
ارجو انه يكون بكري باشر بالعمل على البورد الصغير والاء قالت ليك يا
عمو بكري اعمل البورد الصغير سريع عشان انا مشتاقة ابدا اكتب فيهو
وحيكون اول موضوع لي بعنوان القصة القصيرة وحاكتب فيهو قصة قصيرة من تاليفي
مع تحياة الاء وتحياتي
ام الاء
| |
|
|
|
|
|
|
|
|
|
Re: اطفال سودانيز اون لاين ـ إلى بكري ابو بكر والمهتمين / ات (Re: Teeta)
|
أختي الجندري وأبنها تراث الصغير
وكل أطفالنا الحلوين
لكم تحية حبيب بلده
فكرة حلوة ورائدة أن يكون لفلذات أكبادنا منبراً يكتبون فيه
ويعبرون عن آرائهم بحرية وللأطفال ملكات إبداعية هائلة
وزي ما ذكر أحد الاخوان أو الاخوات يمكن نكون أول قراء لإنتاجهم وربما سيستهوينا أكثر من بورد الكبار
وأرجو أن يكون الاشتراك عن طريق المشاركين في بورد الكبار
وأقترح اسم
المنبر الصغير مع شوية رتوش بهرجة تتناسب مع الاطفال
وأقترح أن يضم منبر الصغار على باب ثابت للمسابقات الثقافية
وأرجو أن يساهم كتاب أدب الاطفال بإثراء المنبر بمشاركاتهم لو قصة كل شهر حسب ظروفهم وأقترح تكوين جهة تتولى الاشراف والتقييم وفحص مواضيع كتاب قصص الأطفال لنشر المناسب فقط
أكرر شكري مرة أخرى للجندرية وأم آلاء
وبالمناسبة لدي بنت أسمها آلاء
أرجو أن تجد الفكرة القبول والتشجيع من القائمين على أمر البورد
خاصة الهمام بكري
| |
|
|
|
|
|
|
|
|
|
Re: اطفال سودانيز اون لاين ـ إلى بكري ابو بكر والمهتمين / ات (Re: Teeta)
|
أختي الجندري وأبنها تراث الصغير
وكل أطفالنا الحلوين
لكم تحية حبيب بلده
فكرة حلوة ورائدة أن يكون لفلذات أكبادنا منبراً يكتبون فيه
ويعبرون عن آرائهم بحرية وللأطفال ملكات إبداعية هائلة
وزي ما ذكر أحد الاخوان أو الاخوات يمكن نكون أول قراء لإنتاجهم وربما سيستهوينا أكثر من بورد الكبار
وأرجو أن يكون الاشتراك عن طريق المشاركين في بورد الكبار
وأقترح اسم
المنبر الصغير مع شوية رتوش بهرجة تتناسب مع الاطفال
وأقترح أن يضم منبر الصغار على باب ثابت للمسابقات الثقافية
وأرجو أن يساهم كتاب أدب الاطفال بإثراء المنبر بمشاركاتهم لو قصة كل شهر حسب ظروفهم وأقترح تكوين جهة تتولى الاشراف والتقييم وفحص مواضيع كتاب قصص الأطفال لنشر المناسب فقط
أكرر شكري مرة أخرى للجندرية وأم آلاء
وبالمناسبة لدي بنت أسمها آلاء
أرجو أن تجد الفكرة القبول والتشجيع من القائمين على أمر البورد
خاصة الهمام بكري
| |
|
|
|
|
|
|
|
|
|
Re: اطفال سودانيز اون لاين ـ إلى بكري ابو بكر والمهتمين / ات (Re: الجندرية)
|
سيد الدار بكري
ربي يخدر ضراعك ويديك الفي مرادك
ما تتخيل فرحة محمد قدر شنو
او ما زول يدق الباب
يجري وقبل ما يسلم على الداخل يقول ليهم عمو بكري وافق على كلامي
وقال حيعمل لينا بورد
ربنا يفرح قلبك زي ما فرحت لي ولدي
المشاركين / ات جميعاً
شكراً ليك للموازة والنصرة
الاخ د. حيدر ، ابو محمد تراث هو تراث عضو هنا في المنبر الحر
وطبعاً هو ثائر اصلاً لو ما كدا ما كان حصل النصيب
تسلموا كلكم
| |
|
|
|
|
|
|
|
|
|
Re: اطفال سودانيز اون لاين ـ إلى بكري ابو بكر والمهتمين / ات (Re: الجندرية)
|
امس انفطر قلبي
وانا احس نبرة المرارة والاحباط في صوت محمد تراث
وهو يسأل اباه قائلاً:
يا باباهو عمو بكري عمل البورد دا في كم يوم ؟
ورد له عثمان وهو يعرف انه يحسب الايام في داخله لمعرفة مصير اقتراحه...
ـ في ايام كتير يا محمد .. عمو بكري دا بشتغل كتير شديد قول ربنا يعينو .
محمد كف عن السؤال عن عدد زوار بوسته كما كان يسميه
كان كل يوم يقف امامي او امام ابوه سائلاً
كم زول قروا بوستي ؟
كم زول رد ؟
انطفأت فرحته
هل لكم بايقادها من جديد ؟
| |
|
|
|
|
|
|
|
|
 Re: اطفال سودانيز اون لاين ـ إلى بكري ابو بكر والمهتمين / ات (Re: الجندرية)
|
تصدقي يا جندرية ..العيال معزورين ..لانو اصابتم حمي البورد برضو
ا كتشفت اني اتنشلت الباص وورد الخاص بي قبل فترة ..من ودبت خالتنا الصغير .. هو ما صغير خالص .. وصيعني قبل فترة ..لما دخلت ولقيت نفسي أون لاين .. مجرد ما فتحت الجهاز .. استغربت ..يا ربي اناما بشوف والا الحاصل شنو ؟؟ واتذكرت انو اخر مرة اني كنت في الجهاز الخاص بيهو وكان قاعد معاي ولاحظ لي .. وما شاء الله عليهو ..خطف الباص بي حرفنه .. وللمعلومية يا جندرية سودانيز اون لاين اصبحت الصفحة الرئيسية في الجهاز حقو ..حتي اصحابو اكتشفت انهم كلهم مدمنين البورد .. رغم حداثة سنهم ..وطبعا زرزتو وذكر لي اصحابو كلهم واحد واحد ..وساعته حسيت بي فخر اني كنت سبب في اني أأصل لي سودانيتهم من خلال البورد ده .. واعوضهم وهم في الغربة الزفت دي
وياريس ..يا ريس ..هل بالامكان نضمهم ..ونرعاهم إلي أن ياتي يوم ونضم اسماءهم في صفحة الخريجين ..
ويا جندرية قولي ..لي حمودي شيل الصبر عمك بكري لحاق بعيد
| |
|
|
|
|
|
|
|
|
|
Re: اطفال سودانيز اون لاين ـ إلى بكري ابو بكر والمهتمين / ات (Re: الجندرية)
|
بأمانة الفكرة رائعة.. ممكن أن تكون هي جناح من البورد هذا ...
والشئ بالشئ يذكر... لقد قام المنبر الخاص بإجتماعيات الأخوان الجمهوريين. بعمل بورد مثل هذا من قبل عدة اعوام. وقد كان إضافةحقيقية للمنبر وجدنا فيه حتي نحن الكبار سلوتنا.. وهذا .. .. العمل ينبع من التكريم الكبير والتقدير الوافر.للمرأة .. والطفل. في المجتمع الجمهوري وهو عمل نابع من اصول دعوة السلام للاستاذ محمود محمد طه
صديق منصوري
| |
|
|
|
|
|
|
| |
الجندرية
ودرملية
Haydar Badawi Sadig
Modic
bayan
بدرالدين شنا
rummana
ابوحراز
زوربا
خالد العبيد
Habib_bldo
elsharief
tmbis
Ahlalawad
Remo
haneena
zola123
فيس بوك
تويتر
انستقرام
يوتيوب
بنتيريست