دعواتكم لزميلنا المفكر د.الباقر العفيف بالشفاء العاجل
|
|
 ملاح الويكاب
|
اندهشت غاية الدهشة عندما جات سيرة ملاح الويكاب وطلع جلسائي / جليساتي لا يعرفونه
معقول في زول / ة ما بعرف ملاح الويكاب؟!!!!!!!!!!!!!!!!!!!
يا ما سبينا نحن بنات الجزيرة لمكتشفه
ونحن جلوس نغسل في العدة ونرجئ قدر الامكان غسيل حلة ملاح الويكاب
ولكنه لذييييييييذ
ولا تجيد طهيه من كانت مثلي
طيب
المكونات :
لبن
ويكاب
عطرون
ويكة
او
بصل
لوبا
ويكاب
ويكة
اها الطريقة دي الا يجي تمبس يوريكم / ن ليها
لوووووووووووووول
ــــــــــــــــــــــــــــــــــــــــــــــــــــــــــــــــــــــــــــ
* الويكاب : جاء في قاموس اللهجة العامية لبروف عون الشريف قاسم ، أن الويكاب " رماد القصب المحروق يعمل منقوعاً بالماء مع اللبن أو الماء وكلاهما يضاف له البامية الناشفة مسحوقة او اللوبياء فيصير إداماً . وهي مكونة من مقطعين ويكة والمقطع البجاوي آب الدال على المفعولية . قال العبدلابي : ويكابو في السوايب مكمد ". قاموس اللهجة العامية في السودان ، ص 1065.
|
|
 
|
|
|
|
|
|
|
 Re: ملاح الويكاب (Re: الجندرية)
|
عادل عثمان
انت عاد ما ناس البنادر زي جماعتي ديل
شن خبركم بملاح الويكاب
لكن اقول ليك سر؟
فاتك الكتير
وحاول شوف ليك طريقة تحصل
اما عن مدخلات الانتاج دي فما بتشبه ملاح الويكاب
هسي جك اللبن الجعيص دا بجي جنب ملاح الويكاب
كان تجيب لي قرعة في مشلعيب وكدا
اما موضوع همتي دي
فقد انكشف المستور
وقلنا ليكم اخير تشوفوا تمبس في الحكاية دي ؟
***
تماضر حبيبة القسا
يا حليل حبوباتنا كلهن
تكون حبوبة التاية بتعمل ملاح ويكاب زي حق خالتي زينب مش ؟
| |
|
|
|
|
|
|
|
|
|
Re: ملاح الويكاب (Re: الجندرية)
|
مالكم يا جندرية وتماضر عايزين تتبروا منو ؟
اها قلتو كدي باكر من دغش بجيب لكم الريسبي
كاملة من زولة فاضلة معانا هنا...اويكب من
ويكابها ما ضقت تب...
الويكاب اسعلوا منو ناس المسلمية ...والعجب كان فيكم زول جعان
| |
|
|
|
|
|
|
|
|
|
Re: ملاح الويكاب (Re: nazar hussien)
|
| Quote: ويكابو في السوايب مكمد ". |
ياجندرية ..
سلام ..
الصراحة كدا علاقتى بى (الاخ) دا ضعيفة جدا ..
(مانى) ودبنادر ..والويكاب ماغريب فى بيتنا ..
بس ماحصل استلطاف بينا ..
عجبتنى العبارة الفوق دى ..مع انو ماعارفها بتعنى شنو
..لكن شكلها كدا(شكرة) ..بالله ساعدينا بالشرح ياامانى ..
ودى
| |
|
|
|
|
|
|
|
|
|
Re: ملاح الويكاب (Re: الجندرية)
|
رفاعة رافع الطهطاوي في قصيدته الشهيرة التي هجا فيها السودان والسودانيين يصف ملاح الويكاب دون ذكر اسمه :طبخوا نخاع العظم بمنقوع الرمادـ وكأنه يقول أن قوما يأكلون شيئا كهذا لا يمكن أن يكونوا الا من الهمج. الغريبة أنه لم يذكر أم فتفت.
| |
|
|
|
|
|
|
|
|
|
Re: ملاح الويكاب (Re: محمد عثمان الحاج)
|
اخونا محمد عثمان الحاج
ازيك
يا ود امي الله يغفر لي من حق الطهطاوي دا
من قريت قصيدته الكريهة دي وانا كل ما جات سيرتو
وبدون ما اشعر بدعي عليه واقول يرفعه فلقة
بعدين الاكل دا ما ثقافة .. والاستعلاء الما عندو معنى دا زمنو انتهى خلاص
ما ترا اهلنا المصريين ديل ياكلو في الفسيخ ني
والفرنسيين ياكلو في القعونج
كل زول / ة ياكل عجبو ما يوجعو راسنا ساكت
| |
|
|
|
|
|
|
|
|
 Re: ملاح الويكاب (Re: عاطف عمر)
|
عاطف عمر
سلامات وشوق كتير
عادل عثمان كان ما عرف المشلعيب تبقى عوجة السواد
بعدين ما حاسألك من المصدر لانه اخونا ثابت عضدد كلامك تحت
وبقيتو ناقلين عدلين
لوووووووووول
شكراً لطلتك يا عاطف
بالجد بتفرح يا ريحة الحبايب كلهم
| |
|
|
|
|
|
|
|
|
|
Re: ملاح الويكاب (Re: الجندرية)
|
تتخيلو أمس اتت اختي من السودان محملة بدقيق الدخن و الويكاب و دقيق الذرة و البصلة المحمرة و الشرموط المدقوق و نحن مافي زينا الايام دي و الله اليوم الصباح فطرتا بي ملاح ويكاب و كسرة دخن ابوظبي كلها مافي زي
تقول انا قاعد في حلتنا ابوفروع
هو لكن ما ملاح و هي لكن ما كسرة
تعرفو واحد صاحبي اتزوج قريب . المدام جاية من قري الجزيرة كرت ابعد مكان شافتها كلية التربية جامعة الخرطوم . اها من حفلة العرس لي ابوظبي اول مرة تركب الطيارة لكنها في مسالة الكسرة و الملاحات بتاعتنا بتاعة الجزيرة فنانة درجة اولي و الله التقول ربتها حبوبتها
المهم بعد اسبوع من قدومها الميمون العريس عزمنا غداء و ماخلي ليهو كنتاكي و مشي سوق السمك جاب المحمر و مجمر العروس عاست ليك كسرة ما اظن ابوظبي كلها في زول عندو كسؤة زيها كسرة ساكوبيس بس و داك يا ملاح الويكاب المو هملة المهم نحن اهل العوض لمين ليك في الكسرة و ملاح الويكاب خلينا الصحن زي الجايي من المصنع .
بالواضح زول اشتغل بي السمك و الجداد مافي
اها اختنا عاينت لي صحن الكسرة الفاضي و صحانة السمك و الجداد الميلانة . قامت خاطبت صحن الكسرة بي قولها
(و الله يا الكسرة القيتها في ابوظبي ما اظنك تلقيها تاني في السودان ولا في اي مكان)
| |
|
|
|
|
|
|
|
|
|
Re: ملاح الويكاب (Re: domdom)
|
اخونا domdom
حمد لله على سلامة اختك
وبالهنا الاكلتوه
الكسرة فعلاً طعمها مختلفة برة السودان
الناس شوق ساكت بتأكلها
غايتو الله يجمع شمل الجميع ويبرد جوفهم
لكن ما ترسلو للجيران حقهم ، ناس لنا مهدى اختي ديل الجار الجنب عديل كدا
شكراً لطلتك
| |
|
|
|
|
|
|
|
|
|
domdom (Re: الجندرية)
|
| Quote: الصباح فطرتا بي ملاح ويكاب و كسرة دخن ابوظبي كلها مافي زي |
يعني نحنا إدارياً تبعكم يا أبو ظبي ..خيانة!!!
| Quote: تقول انا قاعد في حلتنا ابوفروع |
بتعرف الحبيب مجذوب عمر عبدالعزيز؟
| Quote: هو لكن ما ملاح و هي لكن ما كسرة |
خيانة 2
الجندرية الحبيبة
يا ريت لو نفسح المجال برضو لملحات الكول و المرس
محبتي
| |
|
|
|
|
|
|
|
|
|
Re: domdom (Re: lana mahdi)
|
الغالية لنا مهدي
دخلتك تشرح القلب الحزين
شفتيني اتوسطت ليك غايتو ( اريتها تنفع ) عشان يرسلو ليك نصيبك من حاجات السودان
وياريت اهل الاختصاص في المرس والكول يدونا طلة ويفيدونا
بالمناسبة ياتو فيهم البعالجوا بيه اليرقان ( التهاب الكبد الفيروسي ) ؟؟؟
| |
|
|
|
|
|
|
|
|
|
Re: ملاح الويكاب (Re: الجندرية)
|
الأخت الكريمة الجندرية
هذا (الملاح) بشع الطعم شنيع الشكل ، تصنعه الوالدة أحياناً للوالد (أطال الله عمرهما) فيتلذذ بأكله دون مشاركة أحد من أفراد الأٍسرة  وكانت جدتنا رحمها الله تنعته ب (ملاح الشياطين) لأنه يصنع من الرماد
مطرح مايسري يمري
وتقبلي والإخوة الكرام خالص التحية والتقدير
| |
|
|
|
|
|
|
|
|
|
Re: ملاح الويكاب (Re: ALazhary2)
|
الجندرية كامل الاجلال لك
اكيد لكل واحد فينا بيت شعر يخصه اوغنية تلهمه او موسيقى تاخذه
او فلم يعالج دواخله او رواية تشكل عوالمه او شخص يخصه
او موقف يردده او نكته تضحكه او معلم يسترشد به او لحن يجسد احلامه او0000000
ولكنى ورغم ان وظيفتى التى تجعلنى متواجد بشكل شبه مستمر فى الفنادق الخمسة نجوم
واقولها صادق مع نفسى أن ملاح الويكاب يشكل عندى كل تلك العوالم هل لاننى من الجزيرة
وهل لان ملاح الويكاب المجسد الحقيقى لهجين سكان الجزيرة رعاه ومزارعين ويكه ولبن
ولحد كبير اعتبر ملاح الويكاب من خصوصياتى التى لا افهمها
| |
|
|
|
|
|
|
|
|
 Re: ملاح الويكاب (Re: بدر الدين الأمير)
|
بدر الدين الامير
حبابك عشرة بلا كشرة
قت لي الويكاب طلع واحد من المفاتيح السرية ؟؟؟
يعني هسي الزول ممكن يعزمك فطور بويكاب ويدين منك كدا الف دولار
لووووووووووووول
تسلم على الطلة
| |
|
|
|
|
|
|
|
|
|
Re: ملاح الويكاب (Re: ALazhary2)
|
الازهري التاني
حبابك الف
لكن يا ود امي امانة ما اتلومت معانا
نحن نقول لذيييييذ
وانت تقول لينا
| Quote: هذا (الملاح) بشع الطعم شنيع الشكل |
فعلاً حب الناس مذاهب
وربنا يدي الوالد والوالدة العافية ويجمعنا معاهم في ساعة خير
ونشاركهم اكل ملاح الشواطين
لوووووووووول
غابتو حبوبتك بالغت في الاسم
| |
|
|
|
|
|
|
|
|
|
Re: ملاح الويكاب (Re: ثابت محمد)
|
اخونا ثابت
مليون سلام
يا ود امي رياض شنو طايف شنو ؟
ربنا يستر الفقر بالعافية بس
ويعلم الله لم ادعى حنكشة في هذا المقام
لكن كان ما اخاف الكضب اقول المكونات دي اداني ليها تمبس قبل ما يكشح الحلة التالتة
واظنه قد ذكر البصل
واغفل معلقة السكر
فالعتب اذن على المصدر قبل اكتسابه الخبرات المطلوبة
شايفاك اتفقت مع ود بلدنا عاطف في سلبطة الخواجات في ملاح الويكاب
لكن يبدو لي انها دي سلبطة منكم انتو ساي في ( Wake Up ) الخواجات
| |
|
|
|
|
|
|
|
|
|
Re: ملاح الويكاب (Re: الجندرية)
|
والله أنا مبسوط شديد يا أماني إنو ملاح الويكاب دا خلاك تاني تكتبي بالحيوية دي ..
أها أقول ليك سر قبل يومين كنا متعشيين أنا وتمبس بي ملاح ويكااااب كارب ..
تصدقي أنا لي زمن طويل ما أكلته .. وكان ملاح ويكاب بي أيدي مدربه ..
تقول انتي فكي ونحن ما عارفين ..
بجيك تاني لما الحلة تنجض ..
| |
|
|
|
|
|
|
|
|
|
Re: ملاح الويكاب (Re: معتصم دفع الله)
|
معتصم
سلامات
| Quote: تصدقي أنا لي زمن طويل ما أكلته |
انت اجازتك دي غشيتنا وقت مشيت السودان مشيت وين ؟
اما حكاية الفكي دي
فتهمة لاننكرها وشرف لا ندعيه 
لكن يبدو لي الرادارات الايام دي شغالة صاح
ربنا ينور بصيرتنا كلنا يارب
| |
|
|
|
|
|
|
|
|
|
Re: ملاح الويكاب (Re: Soumeta)
|
سوميتة بنات جيلها
ازيك ياالحبيبة
وكل سنة وانت طيبة
اسمعي امي انا
انت المكونات دي ما تخوفك ساي
بعدين العظام دي بهتنا بيها ساكت رفاعة الطهطاوي
العظام مابتدخل في شغل الويكاب
وممكن بوصفة اشراقة حيمورة والخالة سكينة الكارب لويكاب اللوبياء يكون من الاكلات البتدخل في المنيو لمطاعم النباتين / ات
اها شفت كيف ؟
وبعد شوية كدا يبقى اكلة عالمية
ونفتح ديك يا مطاعم الويكاب الاخطر واشهر من حقت عمنا الامريكي داك بتاع الجداد
خاصة بعد انفلونزا الطيور و جنون البقر والحمى القلاعية والمابعرفه شنو حمانا الله واياكم
| |
|
|
|
|
|
|
|
|
|
Re: ملاح الويكاب (Re: الجندرية)
|
الجزيراب واكلي الويكاب
طبعا غير ناس الجزيرة وزل بياكل الويكاب مافي ولا انا غلطان
ولانو جزيراوي خالص يعني اهل عوض
العجب لو كان بي لقمه حاره ومعاهو شطه حمراء قبانيت
وعليه معلقة سمن بلدي
ومن الصباح والجو يكون مطر
وتعالو جيبو كنتاكي جنبو بس
| |
|
|
|
|
|
|
|
|
|
Re: ملاح الويكاب (Re: abas)
|
الواحد داخل البوست ده
يتمطق سااااااااااكت
الجندريه
ازيك
لكن شركك ده قوي خلاص
والواحد ياكل ليكم ويكابكم الحار ده
والشغل يغلبو وبعدين اترفد
لكن ضلكم بارد وويكابكم خطير
ويا عباس كدي جيب السمن ده
اشراقه حيموره وينها يا جماعه
طمطق جنس ده ما شفناهو
| |
|
|
|
|
|
|
|
|
|
Re: ملاح الويكاب (Re: احمد العربي)
|
احمد العربي
حبابك الف
شركي والله عاد لما الحبان
علا لسه ناقصني عروباً كدي من تالانا
ناس اهل العوض وشنتير وكتيرين غيرهم / ن
ربي يدحر عوارضهم / ن ويلمنا بيهم ، في ساعة خير
| |
|
|
|
|
|
|
|
|
 Re: ملاح الويكاب (Re: abas)
|
عباس ود جيرانا
كيفنك والبنية وامها؟
Quote: العجب لو كان بي لقمه حاره ومعاهو شطه حمراء قبانيت
وعليه معلقة سمن بلدي
ومن الصباح والجو يكون مطر |
ات قايل الخلانا نجيب سيرتو شنو بلا المطر المتوالينا الايام دي
كلامك عن انه الويكاب خاص بناس الجزيرة
اشراقة حيمورة طلعتو هناي ساكت
لووووووووووول
| |
|
|
|
|
|
|
|
|
|
Re: ملاح الويكاب (Re: الجندرية)
|
الاخت الجندريـة
Quote: قال العبدلابي:
ويكابو في السوائب مكمـد |
في اعتقادي قصد البروفيسور عـون الشريف قاسم عليه رحمة الله أن يورد مقالة العبدلابي في شكر المشكور في شطر البيت أعلاه,
والعبدلابي يشكر الرجل ذاك وينعته بالكرم,
الويكاب : معروف هـو لب القصب المحروق
السوائب : قصـد بها جمع سـويبـة وهي المطمورة الأصغر وتتخذ قرب البيوت بخلاف مطامير خزن العيوش وتتخذ خارج القرى, وهي حفر مليسـة الجوانب كبيرة النطاق يطمر فيها محصول الذرة حتى العام القادم.
مكمـد: يقصـد بها مخزون على الكثرة ويعني ان الويكاب من الكثرة بمكان بحيث أن كبه على السويبة يجعله يزيد لولم يكمد (يضغـط) لاسفل ضغطا حتى يتسنى قفل السويبة.
شطر هذا البيت للعبدلابي في غاية البلاغة والفصاحة في وصـف كرم الموصوف وهو لا شـك من بهاليل شيوخ العرب ,
والكرم ظاهر في هذا الشطر المختصر من وجوه عديدة,
أولاً: الويكاب لا يتخذ في الغالب بهذه الكثرة بحيث يوضع في سويبة إلا إذا كان كثيراُ جداُ وهو ما يعني أن رب هذا البيت يتوقع من الضيفان العدد الكثير والنزول المستمر كالذي يقيم على طريق سابلة. والويكاب الكثير دليل ايضاً على وفرة صـاحب الدار لان زراعته تجلب القصب الكثير وأراضيه التي يزرعها شاسعة والايدي العاملة على الزراعة عنده وافرة.
ثانياُ: الويكاب يحفظ بعد الحرق لانه لا يصلح أن يحفظ قبل الحرق وإلا استهدفته دواب الأرض ودائما يقل حجمه عند الحرق و لكن ويكاب هذا الكريم وافر لدرجة ان السويبة لا تستوعبه إلا بصعوبه.
ثالثاً لم يجعل منها سويبة واحدة وإنما (سـوائـب), وهـذا ما يصـور الوفرة والاتساع في المعاش,
لكم التحية ولكل الاهـل بالجزيرة موئل الكرم والكرماء
أحمـد الشايقي
| |
|
|
|
|
|
|
|
|
|
Re: ملاح الويكاب (Re: الجندرية)
|
ملاح الويكاب يا جندرية ...
كما قال أحد المتداخلين ملاح الويكاب لا يدخل فيه البصل ...
والويكاب في الأصل هو سائل يتم تجميعه بإضافة الماء إلى رماد القصب ، وأفضل الأنواع هو القصب الفتريتة ، يليه المايو ...
يوضع الرماد في ( كورية قديمة ) مخرّمة من أسفلها وتسمى ( النقّاط ) ، ويرش بالماء ويترك لفترة ليتخمّر ... ثم يضاف إليه الماء بكمية أكبر ، ويوضع النقاط فوق إناء آخر لينزل فيه السائل ، ولونه يميل إلى الصفار .. وهذا الماء الأصفر هو الويكاب ، وإن تذوقته فستجد به درجة من الحموضة .. والآن يوجد بالأسواق ويكاب جاهز في شكل كرات ..
يتم غلي اللبن فوق النار ، ثم يضاف إليه الويكاب السائل أو الجاهز هذا الذي أشرنا إليه .. فيبدأ لون اللبن في التغير نحو الصفرة ، ثم يضاف إليه الملح ، والعطرون ، والبعض يضيف إليه شطة حمراء حسب الطلب ، وبعد أن يغلي الخليط الجديد يتم تخفيض درجة الحرارة ، ثم تضاف الويكة مع التحريك المستمر إلى أن ينضج الخليط الجديد ، وعلامة نضجه هي الغليان المستمر ، وذوبان الويكة ..
يؤكل الويكاب مع العصيدة ، والبعض يأكله مع الكسرة ،،،
ملاح الويكاب لا يحتاج أي نوع من البهارات ، ويمكن أن يبقى ليومين بدون تبريد دون أن يتغير طعمه ..
وبالهناء والشفاء ...
| |
|
|
|
|
|
|
|
|
|
Re: ملاح الويكاب (Re: ودقاسم)
|
Quote:
اما موضوع همتي دي
فقد انكشف المستور
وقلنا ليكم اخير تشوفوا تمبس في الحكاية دي ؟
|
.
.
يا اماني :
تعرفي اول مرة اعملوا .. انا مكشح مقدار ، تلاتة ( حلات ) متوسطة الحجم..
وقرربت أحلف ( طلاق عذابي ) غليظ .. وطلاق العذابة دا كمان حاجة تانية .. بيكون دائما باين بينونة كبرى .. وقوي جدا .. لانو الطلقة الواحدة بتساوي تلاتة بي الطلاق العادي بتاع الناس
اها بعد تلاتة ( طناجر ) حتين بعداك بقيت احس باني بعد كدا ممكن ابقى خبره وأقوم اعزم لي زول بسرعة كدا .. علشان اجرب فيهو المسالة دي ..
.
.
يعني الواحد يموت براهو ..
.
.
بعدين يكون في العلم أنو بعد الخلطة دي نجحت اخدت ( عينة ) وعملت ليها فحص في معامل الشركة ..
الدكتور الامريكي قال لي كلمة واحدة ونطط عيونو
يورانيوم؟
وبعد كم يوم .. بقى يجيب البيتزا .. يغمس بيها في ويكابنا المسكين دا..
..
| |
|
|
|
|
|
|
|
|
|
Re: ملاح الويكاب (Re: ودقاسم)
|
ياالجندرية
كلامكم عن الويكاب خلانا نتمطق ،، ورونا الموليته كييييييييييييييف خاصة مع مرضى السكري والملايا.
| |
|
|
|
|
|
|
|
|
|
Re: ملاح الويكاب (Re: ودقاسم)
|
ود قاسم
سلامات
| Quote: كما قال أحد المتداخلين ملاح الويكاب لا يدخل فيه البصل ... |
كلامكم دا بعد ما جو اهل الخبرة الاصليين ( اشراقة ، والخالة سكنية ) خلاص الا تشطبوه
لووووووووول
تشكر كتير على تنويرنا بكيفية تحضير الويكاب من الرماد
اول مرة اعرف حكاية النقاط دي ، ولما بديت اقرأ اتوقعت انه القاعد جو الكورية هو الويكاب
يعني زي طريقة عمل الصلصلة البلدية او المش لما يحبو يكون متماسك فيربطوه في كيس قماش ويخلو الموية الفيه تنقط ، لكن طلع العكس صحيح
انت قلت | Quote: وهذا الماء الأصفر هو الويكاب ، وإن تذوقته فستجد به درجة من الحموضة .. والآن يوجد بالأسواق ويكاب جاهز في شكل كرات .. |
بس ما شرحت لينا الكرات الويكاب دي سوها من الموية الصفراء دي كيفين
كدي تعال النبي تم الحكاية دي
ومشكور كتير يا ابو طلال
| |
|
|
|
|
|
|
|
|
|
Re: ملاح الويكاب (Re: الجندرية)
|
جندرية
صباحاتك عصيدة في ضل الضحى مع الأمهات ...
بإصرار شديد أقول : ملاح الويكاب لا يدخل فيه البصل . والملاح الذي تتحدث عنه إشراقة حيمورة ليس هو ملاح الويكاب ، بل هو ملاح لوبيا ونسميها( لوبة )، وهي أنواع ، منها العدسي وهو الذي يستخدم كبليلة وخاصة في رمضان ، واللوبيا العفن وهو أساسا يزرع كغذاء للمواشي ، واللوبيا البيضاء وهي التي يعمل من أوراقها ( ملاح الورق ) ,,, وملاح اللوبيا عموما يحتاج للبصل ، ويمكن أن تضاف إليه الصلصة ، وكل أنواع اللوبيا البلدي تدرش ، ثم تطبخ وتذوّب بالفرك .. وهناك مرحلة من عمل ملاح اللوبيا تسمى ( الفُدّارة ) ، وهي إضافة ويكاب ، أو لبن ، أو شرموط ، وهذه المرحلة يراد بها تعديل طعم اللوبيا وكسر حدّته ... وبعض الناس يسمي ملاح اللوبيا المٌفدّر بالويكاب ملاح ويكاب ، وهذا مجرد تجاوز ، لكن الأصل في الويكاب هو الذي شرحته في مداخلتي السابقة ...
| |
|
|
|
|
|
|
|
|
 Re: ملاح الويكاب (Re: ودقاسم)
|
ود قاسم
لا لا انت طلعت مرجع خطير
الفدارة ؟
اول مرة اسمع بالحكاية
طيب لو سمحت تعال كمل حكاية كرات الويكاب دي
وافرد لينا بوست خصوصي عن الفدارة دي
| |
|
|
|
|
|
|
|
|
 Re: ملاح الويكاب (Re: بدرالدين شنا)
|
Quote: وهسي خلاص قنعنا من تمبس وقفلنا عليك وعلى خبيرتك
وفي رجاك ورجاها |
.
.
غايتو الما عارف يقول ويكاب ..
نزار ودعمي دا بتاع .. القطر قام .. النوع البيكب الحاجات كلها مع بعض
يعني عادي جدا تغرفي ليك .. جردل يا طشت من جوه الحلة
ولا بيهمو حاجة
.
.
احسن ليك ما تقنعي .. بعدما بقيت خبره بوريك طريقتين سريعات جدا
وبصلتك القطعتيها دي ..ياكيشة
اديها الشمش .. رمضان علي الابواب
| |
|
|
|
|
|
|
|
|
|
Re: ملاح الويكاب (Re: tmbis)
|
بوستكم طعمو مر كدي ليه ....
ما تجيبي لينا ملاح ثلج ولا ورق (ما يطلعو الاتنين واحد )
لكن الملاح دا كنت بكرهه لما امشي مدني لحبوبتي.
يا اهل الاختصاص سوعال بالله الملاح البعملهو بالمصارين المجففة( بدل اللحمة) اسمو شنو??
| |
|
|
|
|
|
|
|
|
|
Re: ملاح الويكاب (Re: ajaj)
|
يا بت عجــاج ..
..
.
مشتاقين والله
شوفي ..اول حاجة عايزه تدخلي معانا هنا لازم تجيبي خلو طرف
من اي حاجة ..
الملاح الطلع الجندرية دا ما ملاح (عادي) ..
انا القدامك دا .. في الايام الأولى .. لما بعمل في التجربة
كنت بعلن حالة الطواري
وبعمل خط مفتوح .. بين الرياض وامدرمان واحيانا .. ولايات السودان المختلفة
المسالة ما بالسهولة دي
| |
|
|
|
|
|
|
|
|
|
Re: ملاح الويكاب (Re: tmbis)
|
Quote: والله يا أماني بالغت
عادل عثمان قال ليك ما بعرف ملاح الويكاب
تقولي ليهو ( مشلعيب ) ؟؟ |
هههههههههههه
يا عاطف عمر
انت قايلنى حنكوش ولا ايه؟
انا من بحرى. وبحرى فى زمنا ما كان فيها ويكاب.
فيها سلج. اها بتعرفوا ملاح السلج يا ناس الجزيرة؟
| |
|
|
|
|
|
|
|
|
|
Re: ملاح الويكاب (Re: Adil Osman)
|
Quote: يا عاطف عمر
انت قايلنى حنكوش ولا ايه؟
انا من بحرى. وبحرى فى زمنا ما كان فيها ويكاب.
فيها سلج. اها بتعرفوا ملاح السلج يا ناس الجزيرة؟ |
ازيك يا عادل
ما حاأقول حنكوش ياسيدي
لأنك طلعت نسيبنا ( زوجتي من بحري- حلة حمد )
لكن صدقني الويكاب دا اتوجد قبل ما بحري ذاتا ما تكون
أما السلج فهو يحتاج لبوست كامل
تحياتي اماني العزيزة
| |
|
|
|
|
|
|
|
|
|
Re: ملاح الويكاب (Re: tmbis)
|
الجندرية وضيوفها على الويكاب
أنا أكلت الويكاب مرة واحدة وما بكررها تاني.
وما عارف هل الطباخة ما كانت ماهرة أم ان الويكاب أصلا بذاك الطعم؟؟؟
من خلال البوست أتضح أن الويكاب أكلة لذيذة بس لازم نعيد التجربة مع ناس عندهم خبرة في طبخ الويكاب
ولو أخوي تمبس عزمني يكون أحسن حسب شهادتك يا الجندرية وما يطلع مقلب.
| |
|
|
|
|
|
|
|
|
 Re: ملاح الويكاب (Re: Habib_bldo)
|
ياحبيب بلــــــــدو
كيفك ؟؟
تعرف علاقتك مع الويكاب .. كانت زي علاقتي مع التركين .. كنت ملاوز جدا طبعا
رمضان الفــات دا
كنا فاطرين ومعاي الشلة في افطار جماعي .. لي الرابطة بتاعت جماعتكم
قام عزمنا ابو النسب حمزاوي ..
.
الاطباق مختلفة الاشكال والالوان .. سمعت ليك صديق الموج بيكورك وخالق فوضى شديدة جدا ، وانا ماشايفو لانو رمضان كان دخل العضم .. صحت علي صديق من بعيد ـ عمل لي اشارة وقال لي ستة بوصات
استخدمت الساتر واتوكلت علي الله ودخلت شمال طوالي ..
ياخي دا كان اول واخطر تركين في حياتي اضوقو
وكان ما خجلت من بلدياتكم كان قلت ليهم (النص) الباقي دا كبوهو لي في ( كيس )
نعمل تبادل خبرات يازول ما عندك مشكلة
اعتبر نفسك معزوم من حسع دي
بس كمان ( تركينا).. لازم تكتروا ليهو البصل والشطة الخدرا
ومال ايه . نحن ناس خبره ..
يااماني
والله الليلة اخدتي فينا الحق والزايد..
حسع الحندكة دي بتستفيدي منها شنو
| |
|
|
|
|
|
|
|
|
|
Re: ملاح الويكاب (Re: بدرالدين شنا)
|
بدر الدين حلا
الكواريك من الاسم دي صيغة منتهى الجرسة
وانت كدا حتتمقلب ، الاسم دا اكتر من الهم في القلب في الاغاني السودانية
يعني تحرم على نفسك سماع الاغاني ضمة؟ ولا كيفن الشورة ؟
بعدين الاجازة ما قربت تبرد ناركم شوية ؟
| Quote: إتخيلي لقيتو قاصد ملاح (الأسود) أنا أخاف من الويكاب يطلعلي أسود |
لكن المصقع ما هو ملاح الأسود دا براه ودا براه
اظنك زي ابو يسار ، محرم علينا هنا ملاح الاسود الا مصقع بس
وانا عاد برييييد المشاترة
القرع الكل الناس مكجناه دا ..روحي ونفسي
ملاح الأسود (البراطيش ) يا سلااااااااااام
والعجب لو كانت عاملة زهرة بت خالتي فتحية
يا سلام
| |
|
|
|
|
|
|
|
|
|
Re: ملاح الويكاب (Re: الجندرية)
|
عزيزتنا الجندرية
انا جيت اسلم بس عليك لانه غيبتك طالت
لكن جنى وجن ملاح الويكاب ده وما بدور سيرته
تصدقى عمرى ما ختيته فى لسانى
بس عشان خاطرك اتلغوست هسع فيه
| |
|
|
|
|
|
|
|
|
|
Re: ملاح الويكاب (Re: قرشـــو)
|
عمدتنا الغالي قرشو
تسلم من كل بلية ابوي
كتر خيرك كتر
Quote: تصدقى عمرى ما ختيته فى لسانى
بس عشان خاطرك اتلغوست هسع فيه |
شايفاااااااك استحليت اللغوسة
والله حبابك الف
بعد دا ما تضقو عديل
| |
|
|
|
|
|
|
|
|
|
Re: ملاح الويكاب (Re: الجندرية)
|
الاصحاب و الصاحبات
سلام جاكم
الحاجة والدتنا بتتكيف منى (غير انى الحتالة ) بتقول عصام بياكل معاى "اللغاويس" كلها بدءا بالمرارة و ام فتفت انتهاء بالفسيخ و التركين و الميلوحة ....
اما الويكاب يا امانى فحديثه مليان شجن و مطيق
نحن ناس صعيد (ضمن اشياء أخر) و الويكاب تخصصنا
اولاد امدرمان ما يتصلبطو ساكت ... امشو شوفو ليكم داندرمة و لا باسطرمة
بمناسبة الويكاب مين من غير ناس النيل الازرق مناطق سنجة بعرف ام كرم كرم
لى بعدين
| |
|
|
|
|
|
|
|
|
|
Re: ملاح الويكاب (Re: esam gabralla)
|
| Quote: اولاد امدرمان ما يتصلبطو ساكت ... امشو شوفو ليكم داندرمة و لا باسطرمة |
ياعصام
الشوق مطر اول حاجة:
تعرف ؟؟
مرة معاي دكتور قريبنا ماشين في حتة بعد الدمازين بي ساعات انا وهو راس .. قامت العربية اتكسرت بينا ..
حظنا الحلو اتكسرت بينا جمب حلة عرب والدنيا خريف .. وفي العربية غير ( الكواميد ) ما عندنا حاجة
اصطادونا العرب بي حفاوة شديدة .. ونحن جعانين..
والجوع كافر طبعا ..
بعد دقايق جابو لينا ملاح خاطف لونين .. ابيض شديد وما ابيض خالص ..
وعصيدة
الحاجة دي تمت في خمسة دقايق بس .. ختو العضه دي .. وانا طوالي دخلته معاهم عاينت لي قريبي لقتيو ( محمبك ) .. وقال ما عايز ..
قلت ليهو خلاص الجماعة ديل طالبين ليك .. بيرقر
بعد الاستفسار عرفت أنو الملاح اسمو ( ام صقعو )
والله ياعصام تضرب ام صقعو دا .. إلا يخموك مكنكش ..
تقول لي اولاد امدرمان وحناكيش
بعدين اي ملاح تجيبوهو هنا في البوست دا .. انا بجربو طوالي
| |
|
|
|
|
|
|
|
|
|
Re: ملاح الويكاب (Re: esam gabralla)
|
سلامات يا الجندرية،
ملاح الويكاب سويتو مرة وسميتو Sudanese Wake Up Soup لمُّو فيهو اندونيسيين قرطعوهو الجاري عليهو ما حصَّلو باين بقى ليهم زي لغاويسهم البسووها من الـCoconut Milk والله أعلم.
| Quote: بمناسبة الويكاب مين من غير ناس النيل الازرق مناطق سنجة بعرف ام كرم كرم |
أم كرم كرم؟!، تعرف يا عصام أنا دافنها ليك من يوم قُلتَ لي كان سلام الله ما يكون بيناتنا، تقوم تجيب ليها أم كرم كرم؟!. أها، أم كرم كرم دي (وألا دا) كانت من ضمن السيرفينقز في نادي الماليين او نادي بنك السودان وألا دار سونا لما ردَّ محمد اسماعيل للقال ليهو الكوارع بالشيء الفلاني: ليييه، مسوينها من كرعين...أكيد عارف وأكان ناسي المسنجر في.
للمعلومة: ينصح بتغذية من يعانون مما يسمى Lactose Intolerance بالبامية (وقيل الويكة) لتعويض نقص الكالسيوم وناسنا (في الكورة وفي غيرها) يقولو ليك: قوم..مروكب كدا من لايووق الويكة البتلغف فيهو دا. أعتقد أن الورق والسلج، لأنهما من عائلة السبانخ ولأنَّ من مكونات صنعهما الويكة، مفيدين أيضاً في هذه الحالة. أمانة آللغاويس ما ليك حوبة!
تحياتي
| |
|
|
|
|
|
|
|
|
|
Re: ملاح الويكاب (Re: Adil Al Badawi)
|
اخونا علي البدوي
اكبر لوووووووووول @ Sudanese Wake Up Soup
والاندونسيين الشربوا ديل شربوه كيف ؟
واحد بشرب والتاني واقف ليه بالمقص
غايتو ضحكت ضحك في شراب الويكاب دا
تسلم يا سيدي على المعلومات القيمة عن اللغاويس
وفعلاً امانة ما ليها حوبة
| |
|
|
|
|
|
|
|
|
|
Re: ملاح الويكاب (Re: esam gabralla)
|
يا عصام
النبي شفت اللغاويس دي لذيذة كيفن
ربنا يدي الحاجة العمر ونتاكل كلنا معاها من صينة اللغاويس
عاين ام كرم كرم ما عرفتها
بعد الارشفة اعمل ليها بوست
| |
|
|
|
|
|
|
|
|
|
Re: ملاح الويكاب (Re: الجندرية)
|
أماني ...
سلام
Quote: رماد!
عظام!!!!!
معقولة!
اعتذار كبير لاكالين الميلوحة،،
فكنت اظنها اصعب شي ياكو زول،، S: |
حلاتي دي يا أخواننا ..
يعني أنتي و تمبس تقعدو تجخمسو في اللواييق بتاعتكم دي .. و تخلو ناس سوميته يعملونا حديقة حيوان .. كدة كويس ؟؟
ويكاب !!!!
( غايتو الزول السوا الحاجة ديه ما ظريف ) ..
تحياتي يا ... ديناصورات
| |
|
|
|
|
|
|
|
|
|
Re: ملاح الويكاب (Re: Emad Abdulla)
|
اخونا عماد
Quote: ويكاب !!!!
( غايتو الزول السوا الحاجة ديه ما ظريف ) .. |
اريتو يا يمة ظرافة الجنيات هسي كان لمينا في طلتك دي وين ؟
على فكرة دي اول مرة تزور لينا بوست
وعشان كدا معزة الويكاب زادت قيراط
| |
|
|
|
|
|
|
|
|
|
Re: ملاح الويكاب (Re: Ishraga Haimoura)
|
Quote: منو القال ليك؟؟؟ البصل من العناصر المهمة جدا في الويكاب
الويكاب 3 أنواع
2 منها باللبن
واحد فيهم بدون بصل ولا طماطم
ودا يتميز باللون الأصفر شديد الصفرة - دا اختصاص أهل الجزيرة-
النوع الثاني بي اللبن برضو بس بيدخل فيه البصل والطماطم
ولونه بيكون داكن شوية
النوع الثالث ما فيه لبن والعنصر الأساسي فيه اللوبيا المدروشة
اها رايكم شنو يا ناس الجزيرة ؟؟؟؟؟؟؟؟؟؟
خبرات خرطومية بحتة |
اهاااااااااااااااااااا
اشراقه حيموره دي زحو ليها بعييييييييييييييد
بتجيه ليكم البوست ده تمتم والعجب كان جبتو ليها الروابي
دي خبيره بالدرجه الممتازه شفتوها فصلت القصه كيف
الجندريه شفتي الجندره دي كيف؟
بس انتي اديها المفراكه واتفرجي
وجنس تمطق
موده بي طعم الويكاب
| |
|
|
|
|
|
|
|
|
|
Re: ملاح الويكاب (Re: احمد العربي)
|
سلامات يا عربي
Quote: الجندريه شفتي الجندره دي كيف؟
بس انتي اديها المفراكه واتفرجي |
ادينها المفراكة وزحينا بعيييييييييييييد
وجبنا الدفتر وشفيناكان ينفع
تسلم وتسلم بت حيمورة
| |
|
|
|
|
|
|
|
|
|
Re: ملاح الويكاب (Re: Ishraga Haimoura)
|
اشراقه حيمورة
اظنوا يا اختي راجلك من الجزيرة ولا مناسبين ناس الجزيرة قال ويكاب خرطومي قال
لكن لو بتعرفي تظبطيه كلها ساعه ونص بكون عندك اديني خبر بس
| |
|
|
|
|
|
|
|
|
|
Re: ملاح الويكاب (Re: الجندرية)
|
العزيزه امانى
تحياتى .. فى داعى تمطقينا وتجوعينا كده .. بعدين البوست ده شايفو مفلفل شديد خلاص قلت نلحق يمكن الناس لامه ليها فى قدح عصيده كبير ..ادخل ايدى معاهم قبال يلحسوهو..
اذا عندكم delevery الحقونا..
| |
|
|
|
|
|
|
|
|
|
Re: ملاح الويكاب (Re: ضحيه ابراهيم)
|
اخونا ضحية
سلامات
لامه ليها فى قدح عصيده كبير ..ادخل ايدى معاهم قبال يلحسوهو..
اها شفت اللمة والدفسة والملاحقة قبل الماعون ما يتلحس دي النكهة السرية
عشان كدا delevery ما بخارج معها
ربنا يجمنا جميعاً على قدح عصيدة بالجد وكل زول/ة يـ تملح طلبها
| |
|
|
|
|
|
|
|
|
|
Re: ملاح الويكاب (Re: الجندرية)
|
بعد الويكاب ياناس رفاعة عايزين السؤال من السينات الخالة ربنا يرحمها كنا بننتظرها تجيب خيرات سوق رفاعة والسينات احسنها
جوعتينا
| |
|
|
|
|
|
|
|
|
|
Re: ملاح الويكاب (Re: الجندرية)
|
بت عجاج
| Quote: يا اهل الاختصاص سوعال بالله الملاح البعملهو بالمصارين المجففة( بدل اللحمة) اسمو شنو?? |
يا بتى ده اسمو ملاح المِرس ( بكسر الميم ) وده اجارك الله اعفن منه إلا ملاح الكول ...
أوع تكونى ما اكلتى ملاح كول كمان ؟؟؟
| |
|
|
|
|
|
|
|
|
|
Re: ملاح الويكاب (Re: قرشـــو)
|
| Quote: أوع تكونى ما اكلتى ملاح كول كمان ؟؟؟ |
احكي دي:
في الدورة المدرسية 93-94 كنت بمثل ولاية الخرطوم وكانت في كردفان عروس الرمال...آآها قاموا مسكوني المعرض بتاع الخرطوم وجيرانا طوالي ناس دارفور اتصاحبنا...نجي من الصباح بدري نرتب المعرض وبعداك نتوس وانا من بدري سامعه عن الكول ونفسي اضقو....موجود في المعرض النبات بس ما الملاح.... الساعة يوم كدة غفلت الجماعة وسرقت حتة منو وطوالي في خشمي....وعينك حتي النور ما بتشوفو....
لكن سفرتي لنيالا اكلتو اكل مع عصيدة الدخن ... وخاصة لما القطر وقف في رجلة الفولة....حلو لمن تأكل اصابعنك ورا...
المرس اعفن وتاني نهائي ما حأكلو... بيني وبينك كدا انا كنت فاكره ملاح الويكاب البعملهو بالمصران وقاشره بيه قدام اترابي نظام البت مثقفة بتراث بلدي...خلتو خشمي كول كول لكن
| |
|
|
|
|
|
|
|
|
|
Re: ملاح الويكاب (Re: الجندرية)
|
Quote: اشراقه حيمورة
اظنوا يا اختي راجلك من الجزيرة ولا مناسبين ناس الجزيرة قال ويكاب خرطومي قال |
عباس
كضبا كاضب ............... والله خرطومي 100%
| Quote: لكن لو بتعرفي تظبطيه كلها ساعه ونص بكون عندك اديني خبر بس |
يا مرحب بيك تشرف وحبابك ألف ومعاك كل البورداب
نرجع للوصفة يا جندرية يا اختي وما تخافي على السوق (ويكابنا يسع الجميع)
1- تقطعي البصل وتحمريه تحميرة خفيفة وتطفيه بالطماطم المقطعة صغار
2- تضيفي اللبن وإنتي شغالة فيه تقليب بالمفراكة لمن اللبن يغلي
3- تضيفي الويكاب وفي المرحلة دي تخلي بالك عشان ما يتدفق ويطفي ليك النار - لازم اللبن يكون في مستوى أكتر من النص شوية
4- بعد دقيقتين تضيفي الويكاب وبعده الملح وتديه زي دقيقتين بعدين تبدي بإضافة الويكة
5- تخليه على النار لحدي الويكة ما تنضج وتنزليه - هنا يكون جميل لو لحقتيه بي ملعقة سمن-
وبالهناء والشفاء
| |
|
|
|
|
|
|
|
|
|
Re: ملاح الويكاب (Re: الجندرية)
|
العزيزة اشراقه الخرطوميه الويكابية
خلاص اول لقاء لبورداب الامارات
بكلمك تعملي حلة ويكاب فاهمة وتجي نتلحوسه انا وانتي بس
| |
|
|
|
|
|
|
|
|
|
Re: ملاح الويكاب (Re: abas)
|
Hôtels Israël
Vous visitez Israël? Comparez prix & critiques d'hôtels
www.TripAdvisor.fr
Annonces Goooooogle Votre publicité ici
ياناس شايفين الدعاية الفوق لمن تفتحو البوست ولادا عندى بس
| |
|
|
|
|
|
|
|
|
|
Re: ملاح الويكاب (Re: الجندرية)
|
الزعل الله يخزي شيطانو
دا ما زعل يا اخوي
دا استغراب زيك كدا
الجاب اسرائيل هنا
الله يكفينا شر محن السيابر والاسافير
| |
|
|
|
|
|
|
|
|
|
Re: ملاح الويكاب (Re: الجندرية)
|
أماني ..
قبل شوية صلاح شتات حكى لي نكتة عن الويكاب دا ..
عندنا عمنا في الجزيرة اسمو فرح ..
وكان عندو شغلانة كدا شغالين فيها عمال ما من الجزيرة وما عندهم أي فكرة عن الويكاب ..
ولما جات مواعيد الفطور جاب ليهم ملاح ويكاب لونو زي لون البورد دا وطعمو مر .. لالوب بس ..
واحد من الجماعة ضاق الملاح كدة لقاهو حكاية مرة جدا .. قال ليهو يا عم فرح دا ملاح لالوب .. عم فرح قال ليهو دا ملاح ويكاب .. وقام شرح ليهو بيعملوهو كيف .. وانهم بيجيبوا القصب ويحرقوه وبعدين يكبوا موية في رماد القصب ويصفوها .. وهكذا ..
بعد الفطور .. الراجل طلع برة البيت لقى جنب البيت زريبة فيها زي لوري أو لورين قصب ..
قام نادى عم فرح .. قال ليهو (يا عم فرح دا كلو عايزين تعملوا ملاح ويكاب !!!!!!!!!!!!!!!!!!!!!!!!!)
| |
|
|
|
|
|
|
|
|
|
Re: ملاح الويكاب (Re: معتصم دفع الله)
|
سلام يا الجندريه واكلي الويكاب .
غايتو انا ما من ناسو تب لبن فطير ملايق بي ويكه .
النبي ما اخير اللبن دا ترمو ليهو فطير حار وعليه معيلقه سكر .
لكين ملحات ناس الغرب اريتها في حشاء البريدو.
| |
|
|
|
|
|
|
|
|
|
Re: ملاح الويكاب (Re: doma)
|
من ام اسامه ... سكينه الخليل....
ابنتي الغاليه الجندريه....
كما يقال لا يفتي ومالك في المدينه....
بخصوص ملاح الويكاب....
فهو من خصوصياتنا نحن ناس الشرق عامه... وال الكارب خاصه....
لذلك انا اولي بالفتوي فيه......
الويكاب نوعان
أ ويكاب اللوبيا ب- ويكاب اللبن
الماده المشتركه هي ماده الويكاب..... واحسنه الطري المائل للخضره....
الردئ هو اليابس مثل الجردقه
الان طريقه عمله
ويكاب اللوبيا.... دائما يعد في المناسبات الغير سعيده مع الاسف...
وهذا لايمنع عمله في الايام العاديه ....
تعد اللوبيا مثل اعداد شوربه العدس
تضاف الويكه الناشفه (تلايق)
ثم يضاف الويكاب (الذائب في حوالي ربع فنجان صغير مويه)....
قبل ذلك طبعا ملح بسيط ومكن شويه كزبره ثم فنجان السمن البلدي
علي الوجه....
سر المهنه في ضبط كميه الويكاب ....لا مر ولا مسيخ ودي لايمكن تدريسها....
ثانيا: ويكاب اللبن
لبن حليب.... يلايق بالويكه وهو بارد...
ثم اضافه قليل من الشطه والملح...
ثم يوضع علي النار.... بمجرد اول فوره يضاف الويكاب المذاب في قليل الماء
( قدر ملعقه كبيره).... هنا يتغير لون الحليب الي الاصفر الفاتح كلون مديده
الحلبه.....
ثم تضاف ملعقه سكر...
ملحوظه: ضبط طعم الويكاب مهم جدا....
ثم يضاف فنجان السمن البلدي علي الوجه...
وكلاهما يؤكلان بالعصيده (اللقمه)
و بالهنا والشفا .....
مرجعكم الاساسي ام اسامه سكينه الخليل
وشكرا....
كتب بلا تصرف بواسطه يارا
| |
|
|
|
|
|
|
|
|
|
Re: ملاح الويكاب (Re: Yara)
|
سلام...ياناس
وتحية الجندرية..
الويكاب من الذ الملاحات..بالذات لو كانت(الضرابة)..او الويكة ويكة (سارا)..واللبن
ضروري يكون(فرش)...
استطيع ان اقول بكل فخر ان حبوبتي الله يرحمها كانت احسن زول يمكن يعمل (ملاح ويكاب)
علي مستوي العالم..ياخي داك ويكاب رهيب. مقادير موزونة وهنالك تناسب بين نسبة اللبن
مع كمية الويكة..وفي النهاية بطلع حاجة كده ما حصلت..وبالذات لو لقيت معاه شوية
(كول)..وفنجان فنجانيين بتاعت سمن..والعصيدة ضروري تكون (دامرقا)..اي الدخن المخمر!!!
ياخ جوعتونا..ياخي
| |
|
|
|
|
|
|
|
|
|
Re: ملاح الويكاب (Re: عبدالكريم الامين احمد)
|
تصدفوا كنت قايله الويكاب دا حق ناس اهل العوض وعرب البطاحين لبن فطير ملايق بي ويكه ومضاف اليه الويكاب و يؤكل باللقمه , كما وصفته بت الخليل.
الا ويكاب الطماطم والبصله المقليه دا اول مره اسمع بيه
بعدين اول مره اعرف انه الكول يؤكل مع الويكاب بتاع اللبن الفطير!!!!
| |
|
|
|
|
|
|
|
|
|
Re: ملاح الويكاب (Re: عبدالكريم الامين احمد)
|
عبد الكريم حبابك الف
هسي الجوع التاني منو
القال ليك جيب لينا سيرة الدامرقا منو هسي
غايتو البوست دا ان شاء الله ما تدخل فيه وحمانة ونشيل ذنبها
شكراً لاثراء قاموسنا بمفردات جديدة اول مرة اسمع بالويكة ( سارا ) دي
يعني كيف ؟
تشكر يا سيدي بالجد على عبورك من هنا
| |
|
|
|
|
|
|
|
|
|
Re: ملاح الويكاب (Re: Yara)
|
الخالة الغالية سكينة
سلام ليك وليارا ولاسامة ورؤى واولادهم
طبعاً يا خالة لا يفتى ومالك في المدينة
تسلم الايدين
وصفتك طلعت ظااااااااااابطة جداً
اول مرة اعرف انه ويكاب اللوبا حق المناسبات الحزينة
بنعرف الابري بعد الدفن ، لكن ما كنت فاكرة انه في اكلات كمان خاصة للمناسبات دي
تسلمي يا خالة كتير ، نورتينا بالجد
ويا يارا انت قايلانا ما راجين بص اللبن لسه ؟
سلام وشوق كتير
| |
|
|
|
|
|
|
|
|
|
Re: ملاح الويكاب (Re: doma)
|
دوما الغالية
والله زمان
ياحليلك والله
قتي لي ما من ناسو
كنت ساكت بتجاملي في جاراتك ؟
لكن هسي امانة عليك وصف الخالة ام اسامة ووصف اشراقة مع البصل دا ما خلاك تشتهيهو ؟
تسلمي يا الحبيبة على دخلاتك البجيب الخير كلهن
| |
|
|
|
|
|
|
|
|
|
Re: ملاح الويكاب (Re: مريم بنت الحسين)
|
مريومة الغالية
بركة الشفانك طيبة يمة
انتو يا ناس رفاعة عملوا ليكم تعميم على حكاية الwake up..؟
شايفة في كم زول / ة من هناك اتفقوا عليها
قت لي دكتورنا بقول انه| Quote: عِد الخدر المنتج والمصدّر الأكبر للويكاب.. |
والله ما بعيد لكن ابو مهيار ممكن يغالطو ويقول ليه العوايدة
باقي عنده تجربة مريرة كانت مع الويكاب في العوايدة
تسلمي يا مريومة على طلتك
وسلام للدكتور وعلوية كتير
| |
|
|
|
|
|
|
|
|
|
Re: ملاح الويكاب (Re: الجندرية)
|
Quote:
الا ويكاب الطماطم والبصله المقليه دا اول مره اسمع بيه
بعدين اول مره اعرف انه الكول يؤكل مع الويكاب بتاع اللبن الفطير!!!! |
تقولى شنو يادومه فى الحنكشة لكن ؟؟؟
| |
|
|
|
|
|
|
|
|
|
Re: ملاح الويكاب (Re: الجندرية)
|
أماني (وووووب علي أنا من الإسم دا)
سلام ليك ولي تراث ومحمد وإخوته
إنت عارفة زماااااان وأنا صغير كنت معزوم نوم مع ودأهلنا وجابو العشاء وكان ملاح ويكاب فقلت ليهم أنا ما باكل ملاح الويكاب فقام ابو الولد سخر مني وبي زعل قال لي ما بتاكل ملاح الويكاب؟؟؟ يعني نعشيك بي مصقَّع؟؟؟ وكأن المصقَّع دا لبن الطير في إستحالة الحصول عليه
أها اليوم التاني بديت أسأل من المصقَّع دا شنو؟؟؟
إتخيلي لقيتو قاصد ملاح (الأسود) أنا أخاف من الويكاب يطلعلي أسود
عندك فرصة 48 ساعة رديتي رديتي ما رديتي بستخدم الإستيكة وبمسح وكان ما مصدقاني أسعلي منى خوجلي
الود الوقور للجميع
| |
|
|
|
|
|
|
| |
الجندرية
Adil Osman
Tumadir
nazar hussien
محمد عبدالرحمن
عاطف عمر
lana mahdi
ALazhary2
بدر الدين الأمير
ثابت محمد
معتصم دفع الله
Soumeta
abas
احمد العربي
دورنقاس
أحمد الشايقي
ودقاسم
tmbis
عبدالرحمن عبدالله أبوشيبة
بدرالدين شنا
ajaj
Habib_bldo
قرشـــو
Mohammed Ahmed Saeed
Emad Abdulla
Ishraga Haimoura
ضحيه ابراهيم
doma
عبدالكريم الامين احمد
مريم بنت الحسين
فيس بوك
تويتر
انستقرام
يوتيوب
بنتيريست