|
دعواتكم لزميلنا المفكر د.الباقر العفيف بالشفاء العاجل
|
|
 Re: معــــــاك يا ......... (Re: الجندرية)
|
| Quote: العايز يملاء بالحبر السري |
ما قلنا كمل...تختونا فى زمن حاضر
بالطريقة دى نحنا بننزل (علية)
و تراب السكة السد الأفق..
لك الصباح ودفتر الحضور و الغياب..يا جندرية يا..
| |
 
|
|
|
|
|
|
|
|
Re: معــــــاك يا ......... (Re: الجندرية)
|
الاخت اماني
كيفك
في تق
في تقديري هو ان الباب قد لا يفتح للمبدع من أول مرة ولكن بالمثابرة تفتح له الأبواب التي أغلقت دونه، خاصة في عصر ما عاد يلتفت الي أعراف المهنة المتوارثة ويظهر علي السطح كثير من الأدعياء بفعل آلة الإعلام التي تضخ أعمالها ليل نهار علي أعين ومسامع المشاهدين دون اي مصفاة تسمح بالجيد منها، وما أقله، وتمنع الرديء وما أكثره،
لك اطيب المنى
| |
|
|
|
|
|
|
|
|
|
Re: معــــــاك يا ......... (Re: الطيب شيقوق)
|
سلام يا استاذ الطيب
تعرف اسامة لم يسعى لتلك الابواب قط
تعلم العزف ليمتع نفسه التواقة للجمال
ويمتعنا نحن ناس البيت
اذكر اوقات العصاري
وبعد لمة الغداء في البرندة
دندناته وطارق
حتى يشاركنا عامر ووليد ابناء الجيران الذين يفصلهم عنا الزقاق
وعندما يحل العيد
العيد الذي تخطفته المطارات
عندما يحل العيد
ويجتمع مدثر ود خالي ( كمان)
واسامة ( عود او جيتار او اكورديون )
وطارق ( هارمونكا )
ومحمد بصوته ذاك
يا سلاااااااام
ميييين زينا
وهل من عودة هل ؟
| |
|
|
|
|
|
|
|
|
 Re: معــــــاك يا ......... (Re: الجندرية)
|
معاك يا .................. (كتبنا بالحبر السري)
وتعودي بالفرح الاصيل .. وتركي بي في حضرة الزمن الجميل
غايتو الله يجازي العلمك تنزيل الغنافي البوساتات .. لي وجع قلبنا نحن
بعد ما اتجرست وخلصت ووعيت اكتشفت اني ما سمعت الغنية دي نهائي
تسلمي امونة .. وسلام لي اسامة وجمع شملكم يارب
| |
|
|
|
|
|
|
|
|
|
Re: معــــــاك يا ......... (Re: الجندرية)
|
امولة تاني
ياختي قبيل
نسيت موضوع الدعوة دي
| Quote: غايتو الله يجازي العلمك تنزيل الغنافي البوساتات .. لي وجع قلبنا نحن |
اعملي حسابك قالو الداعي مدعي
يعني الدعوة بترجع لي سيدها
لوووووووووووووووووول
كدا تكوني دعيتي روحك مرتين
يا اشطر معلمة
نجحتي في الفشل فيه تمبس وخالد الحاج وباقي الفطاحلة
وسلامة قليبك الانضر
| |
|
|
|
|
|
|
|
|
|
Re: معــــــاك يا ......... (Re: الطيب شيقوق)
|
الاستاذ الطيب
شكراً على المرافعة العصماء
لكن كنا داخرنا لوقت نحتاجه فيه فعلاً
باقي ناوين ندخل سوق البزنس مع ناس نادر
وشكلها حكايتهم دي داير محامين شطار
ثم شكراً على الاغنية
لكن
| Quote: من الحال ديك اخير لي النجيع |
تاااااااني نجيع ؟
غايتو ربنا يجمع الشمل
| |
|
|
|
|
|
|
|
|
|
Re: معــــــاك يا ......... (Re: Adil Osman)
|
Quote: معاك ببقى الزمان حاضر
بجي العالم قريب مني
و يكون أجمل
بعيد منك بموت صوتي
و يغيب فرح الزمن يكمل
هواك مد الأفق جواي
رسم قامة الشمس أطول
و خلاك أخر المرسى
و كأنك نجمي من أول
هواك لاقى الوطن جواي
رجع صوت الحواري يحوم
بقى الزمن الجديد أخضر
و رنت ضحكة الخرطوم..
نعس جرحي القديم و ارتاح
عرف رمش الليالي النوم
و غسل نبعك ملح دمعي
و انزاح الظلام مهزوم
معاك يبقى الزمن حاضر
معاك رجع الصفا الصداح من الهجرة
و اتكتبت على الأبواب معاني النظرة لبكرة
همد موج الحزن و غابت حرقة الذكرى
وأصبح يقيني معاك
هوى و إلفة و جمال فكرة
معاك يبقى الزمان حاضر
أحبك
أحبك
تدي لعمري الأمان
و ترجعي الشمس النست عمر الزمان
و تعودي بالفرح الأصيل
و تسافري بي من فوق وهاد المستحيل
و تركي بي في حضرة الزمن الجميل
و أحبك
أحبك
أحبك
|
الجندرية
الحبيبة أماني
ومعاك تبقى الدنيا أروع
محبتي
لك وللجميع
حداك
| |
|
|
|
|
|
|
|
|
 Re: معــــــاك يا ......... (Re: ابو جهينة)
|
أبو جهينة
حبابك
Quote: عاوز أقول ليها بس :
واحشاني |
ربي يجمع شملك
عاين
كان عايز واحشني
انت اشر بس ونحن حاضرين
ما خلاص اتعلمنا الشغلة
وامانة يا باندوث بكري ماجاك بلا
| |
|
|
|
|
|
|
|
|
|
Re: معــــــاك يا ......... (Re: لؤى)
|
لؤي
| Quote: لينك الحفظ لو ممكن |
ما فاهم شايف انت وملاسي حاكين حفظ اللنك ده فيهو شنو .
My understanding is that she (GANDRIA) violated the intelectual property right
خلونا نفهم معاكم
| |
|
|
|
|
|
|
|
|
|
Re: معــــــاك يا ......... (Re: لؤى)
|
الاخ الاستاذ لؤي
كتر خيرك يا اخي
Quote: الجّندريّة معتادة في أيّ بوست فيهو أغنية تسأل عن لينك الحفظ
زي في الأمثلة التّالية :- |
يعنى انتو هسع طالبين منها تعاملكم بالمثل ؟
| |
|
|
|
|
|
|
|
|
|
Re: معــــــاك يا ......... (Re: الجندرية)
|
" ابو مهيار
يا اسامة
يا ابن امي
تعرف انني لم اتهنأ بكل الغناء الجميل منذ فراقنا
سماعه كاف ليتلبد سماء القلب بغيوم الدمع ... ".
بنتَ أمي يا حنينة ،
هذا كلامٌ لذيذٌ كما العنكوليب !
ونحن معاااااااااااك يابنَ أمنا ابا مهيار ،
ايها الرجل الجميل حقّاً .
| |
|
|
|
|
|
|
|
|
|
Re: معــــــاك يا ......... (Re: منوت)
|
يا سلام عليك يا جندرية ياخ البوست ده موت احمر عديل كده
Quote: معاك يبقى الزمن حاضر
معاك رجع الصفا الصداح من الهجرة
و اتكتبت على الأبواب معاني النظرة لبكرة
همد موج الحزن و غابت حرقة الذكرى
وأصبح يقيني معاك
هوى و إلفة و جمال فكرة |
حسبي الله ونعم الوكيل ... الله يجبوا سالم وغانم
| |
|
|
|
|
|
|
|
|
|
Re: معــــــاك يا ......... (Re: هاشم أحمد خلف الله)
|
اخونا هاشم خلف الله
حبابك الف
اول مرة نتداخل على قول تماضر ـ ربي يرد غيبتها ـ
| Quote: ده موت احمر عديل كده |
إن في الموت حياة يااخي
انا مستعدة للموت مية مرة على يد عركي
كان ما جمدت قلبك ما ترجى عاد صاحبة في الزمن الصعب هنا
لوووووووووووول
| |
|
|
|
|
|
|
|
|
|
Re: معــــــاك يا ......... (Re: منوت)
|
منوت
ود امي الليموني
| Quote: هذا كلامٌ لذيذٌ كما العنكوليب ! |
الذ من طلتك في المنبر من تاني مافي زاتو
لكن مالك هسي وسيرة العنكوليب
نقول الواحمات يمتنعن ولا كيف؟
هسي كان انشبكن فينا نجيب ليهن عنكوليب من وين ؟
انت معانا دايماً
وكل جميلي دار المعلمين
ربنا يجمعنا بيهم / ن قريب
| |
|
|
|
|
|
|
|
|
|
Re: معــــــاك يا ......... (Re: الجندرية)
|
تصدقي يا الجندرية على الرغم من حبي أنا و الممكون لأبو عركي..
لكن أول مرة أسمع الأغنية دي..
حسي ح أفورودها ليهو..و معاها إهداء بالحبر السري..و المكوة!
مشكورة عليها يا ستهن...
....و مشكور الأخ العزيز لؤي على لنك الحفظ..
ربنا يجمعك بأبو مهيار و كل أفراد حوشكم...
و ياااااارب طوالي ملمومين في السمح.
| |
|
|
|
|
|
|
|
|
|
Re: معــــــاك يا ......... (Re: الطيب شيقوق)
|
انا ذاتى معاهم يا............
امانى ياصديقتى الاجمل!!
كنت محظوظة ابان زيارتى لايوا سيتى ان التقى بالعزيز اسامة ورفيقته الحلوة
اسامة فنان... ماشاءالله على الاسرة الفنانة
وزى خدر عاجبانى العلاقة بيناتكم- ربنا يحفظكم من عيون الشر
يومها فى بيت صاحبتنا خالدة الجنيد- واخواتها الاحلى منهن مافى
سلمى سلامة وضحك السنين
خالدة والحكايات المتلاحقة
عزوز بتنا الصادحة وبينة خالدة ماشاءالله ياربى تحفظهن وتغطهين
والاحتفاء بزيارتى- كان اسامه يغنى
وتشاركنا الغناء- خالدة وانا وبيننا كراسة {نشف منها الغناء- ماخلاااااااس الرأس ملاته الهموم}
دندنة العود تخليها لاصابع اسامة
وصوته يوديك السماء السابع ويغسل روحك بمطر زمان
شكرا يا امانى- لانك اتحتى لى فرصة اقول لاسامة شكرا كتير لرفقتك لى فى ذلك النهار
فنان بجد وهو يجوب بى المدينة ومتاحفها جامعتها والمكتبات ودروبها الحلوة
لحدى مالقى صورة لاسامة من ارشيف الذاكرة الصاحى اهديك واهديه البت الحلوة دى {حقوق الملكية الحرة لصاحبنا تراث}
الصورة بكاميرا طلال عفيف البديع انسانه فى مؤتمر فيينا 2005- وأمانى كعادتها تتحفنا بالتحليل المفيد والرصين والخفيف الظل
------
يا امانى نتلاقى متين؟
| |
|
|
|
|
|
|
|
|
|
Re: معــــــاك يا ......... (Re: Ishraga Mustafa)
|
| Quote: يا امانى نتلاقى متين؟ |
انت بس قولي جاية يا حبيبة
ونفرش ليك رموش العين
صيفنا ما بفوت 25 كان اتقطع
لكن تعالي لي بي هنا
شنو الملكية وبتاع دي 
نقوم نسن اللسان ابو حدين على النقة ولا كيف؟
يا شروق ياخ ما تخلينا في غنانا دا
ما تجيب سيرة البحر تخلي الخلق دي تقوم تداعينا ساكت
لوووووووووووول
محبة يا غالية
وشكراً على الصورة
| |
|
|
|
|
|
|
|
|
|
Re: معــــــاك يا ......... (Re: mamkouna)
|
| Quote: حسي ح أفورودها ليهو..و معاها إهداء بالحبر السري..و المكوة |
كر علي يا الممكونة هو ما معاكم ؟
فرق الوليف عصرتو للحجار
ربي يجمع شملكم
وتستمعتو بالغنية سوا
شكراً على الطلة العزيز مقدارها
| |
|
|
|
|
|
|
|
|
|
Re: معــــــاك يا ......... (Re: مريم بنت الحسين)
|
ونتقسمه النص بالنص 70% 30% لمريم ونادر على التتابع
لوووووووووووووووووول
غايتو يا مريومة
القسمة دي حتبقى عادلة في حالة واحدة بس
انك تستثمري القصة دي في اكتشافاتك الزمان ديك
بتاعت المقشاشة العجيبة
والالة بتاعت حنة الاصابع
وكمان شوفي لينا واحدة لي حنة بطن الكراع اشكال
والله الايام دي محتاجة ليها بشكل
ولا محمود قطع ليك عبقريتك في راسك ؟
| |
|
|
|
|
|
|
|
|
|
Re: معــــــاك يا ......... (Re: الجندرية)
|
اماني
ازيك شوق بالكوم
يا اختي انا بس بقت علي البياكل على الوصف
لا سمعت لا شفت حاجة منهن
اها دي بحلوها كيف
ما عارفة المشكلة في جهازي ولا اميتي الالكترونية
غايتو سلام ليك ولابومهيار ولكل المتداخلين والمتداخلات لحدي ما نسمع/نشوف
صفية
| |
|
|
|
|
|
|
|
|
|
Re: معــــــاك يا ......... (Re: Safia Mohamed)
|
صفو عروس الجنا
خيرك ما دنا ؟
معقول لحدي هسي ما سمعت حاجة ؟
عايني حبيبة القسا
كان غلبتك الحيلة
برسل ليك الاغنيةوالصور في الايميل
ما بنفات والله عركي ما بنفات
شكراً على طلتك يا الباهية
وسلام للحبان طرفكم
| |
|
|
|
|
|
|
|
|
|
Re: معــــــاك يا ......... (Re: Raja)
|
رجوية الغالية
Quote: لي كم يوم افتح البوست ده وأقعد ابكي.
مفتقدة أخواني كلهم.
ومفتقدة حبًان هنا..
ومفتقدة حبًان هناااااااك |
رجوية الغالية
معليش اعفى لينا من البكيات ديل
وقولي يا جامع الشتات في جبل عرفات
تجمع شملي وشمل اماني
| |
|
|
|
|
|
|
|
|
|
Re: معــــــاك يا ......... (Re: حسن الجزولي)
|
ازيك يا دكتور
شوفتك ولا هلال رمضان
لا لا الهلال دا ما كل شهر
الكل ستة سنين شنو ؟
| Quote: ممكن يكون ده الوالد ومعاه أسامة والبي جاي دي إنتي..ولا شنو!.. |
دا اكيد اسامة
الباقين ديل شنو
لوووووووول
الصورة لعمي محمد علي الله يرحمه
واسامة
الصغيرون دا يا عمر او بتول اختي
أنا اصغر مما تتخيلون يا قماعة
| Quote: أها أنا عايز أقول ليك عندي فيديو بغني فيهو الأخ أسامة في إيوا.. بس ماتقولي ليا نزلو. |
انت شغال معانا طواااااالي يا دكتور "ما تقولو لي وما تسالوني" ،من زمن لقاءات ابو فاطمة ديك متذكرها ؟
لكن هسي دي نحلها كيف ؟
طيب رسل لينا حقنا ناشف في البوسطة
وبنتصرف
طلتك والله طربها يعادل الطرب بمعاك زاتو
تسلم كتير
| |
|
|
|
|
|
|
|
|
|
Re: معــــــاك يا ......... (Re: ناهد بشير الطيب)
|
| Quote: ليتك عزيزتى تسمعينها بعزف اسامه الذى تعرفين |
حبابك يا ناهد مليون
وبلا كشرة
انت لساك جديدة
وما عارفة شهر 2 دا اناكنت غاطسة في ياتو حلةكمونية خلتني ما اشم ريحة دخلت
مليون مرحب
وشكراً ليك على الدعوات ربك يتقبل ان شاء الله
| |
|
|
|
|
|
|
|
|
|
Re: معــــــاك يا ......... (Re: salma subhi)
|
اسامة والله ايام يازمان فقد تحرك ركبنا لحضور حفل زواجك البهي برفاعة العام1989تراث ومعاوية واناوكانت تخيفنا المعدية وامضينا اسبوعا كاملا معكم عشرون عاما الاقليلا.
وحينما كنت اتردد عليك كثيرا في مقر عملك بوزارة الشئون الاجتماعية او جامعة افريقيا لنتجه بعدها لابو الدفاع بالفتيحاب او طارق بالثورة وفي معيتك العود واغنيات كثيرة الا انه اكثر مايطلبه المستمعون هي تلك الاغنيات الخالدات في جدار الروح الاول.كزهرة في اقحوانه.مشتاقين يا اسامة والله يجيبك وفي امان الله
| |
|
|
|
|
|
|
|
|
|
Re: معــــــاك يا ......... (Re: مطر قادم)
|
| Quote: اسامة والله ايام يازمان فقد تحرك ركبنا لحضور حفل زواجك البهي برفاعة العام1989تراث ومعاوية واناوكانت تخيفنا المعدية وامضينا اسبوعا كاملا معكم عشرون عاما الاقليلا |
شفت كيف يا مطر ؟
بعد اقل من عشرة ايام سيحل عيد ميلاد مهيار الثامن عشر تصدق ؟
وانا لسه زعلتي من تضيع فاصل كامل في حفل عرس اسامة عشان اسوي عشا الفنان ما راحت
لس جيدن شفناك يا مطر
وربنا يجمع شمل الجميع
| |
|
|
|
|
|
|
|
|
|
Re: معــــــاك يا ......... (Re: Maha Bashir)
|
Quote: حلآلآلآلآلآلاتكم يا أماني واسامه...
مودتي ليكم |
مها الغالية
تحلاللك مع حبانك
Quote: وبالله زي ما قالوا الجماعه القبلي
الاختراع الاسمه لنك الحفظ كيف يعني تنسيه |
اللنك ما قاعد يا حبيبة القسا
الله يطرح البركة في لولو
كفاني شر الزرزة
| |
|
|
|
|
|
|
|
|
|
Re: معــــــاك يا ......... (Re: احمد العربي)
|
حبيبتى امانى
انا من ما فارقتكم فارقت الصداقة و الاخوة و الغنا السمح .
ياا للللللللللله صحيتى جواى شجون كتيرررررررررررة .
ما أجمل الايام معكم ربنا يعيدها .
اما اسامه ده كان قلنا عنه لى بكره ما بنكفيه قدره ومقداره فنان بمعنى الكلمة و اخ اخوان وحبوب و ديمقراطى دى شويه اسامه انسان و انسان كامل متوازن وراقى .
يا اولاد عبد الجليل حرام عليكم الشوق قتلنى
| |
|
|
|
|
|
|
|
|
 Re: معــــــاك يا ......... (Re: tayseer alnworani)
|
Quote: من ما فارقتكم فارقت الصداقة و الاخوة و الغنا السمح .
ياا للللللللللله صحيتى جواى شجون كتيرررررررررررة .
ما أجمل الايام معكم ربنا يعيدها |
تيتا حبيبة القسا
لا اشتهي ان بقى في العمر ساعة
سوى ان ادلف تحت توب محنتك لثواني
كل ما اسمع يا تيسير
ريدة الحمامة لي وليدها
اتذكر ايامنا
ااااااااايه يا تيسير
هل ستعود ، هل سنعود ؟
وتسمعيني بصوتك ذاك وعزف اسامة
اذكري ايام صفانا ؟
لم انس ايام الصفا
وصادح صوتك ، ووافر محبتك التي ما عرفت مثلها قط.
| Quote: حرام عليكم الشوق قتلنى |
تشرقني الدمعة يا تيتا وتعرفينها دمعتي حين تسح
يوقفها الجليل تاني
| |
|
|
|
|
|
|
| |
الجندرية
Tagelsir Elmelik
الطيب شيقوق
امل احمد عمر
Adil Osman
نهال الطيب
Hussein Mallasi
ابو جهينة
لؤى
مريم بنت الحسين
Abomihyar
خدر
منوت
هاشم أحمد خلف الله
mamkouna
Ishraga Mustafa
Safia Mohamed
ناهد بشير الطيب
Raja
حسن الجزولي
طلال عفيفي
محمد عبد الماجد الصايم
salma subhi
مطر قادم
احمد العربي
كمال علي الزين
فيس بوك
تويتر
انستقرام
يوتيوب
بنتيريست