ماذا افعل بجثتي؟

مرحبا Guest
اخر زيارك لك: 03-19-2024, 09:27 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة امانى عبد الجليل(الجندرية)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-25-2010, 07:48 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ماذا افعل بجثتي؟

    سؤال يلح علي كثيراً
    ففكرة الدفن هذي لأ اجد نفسي قادرة على التعامل معها
    لماذا يحرم فقهاء المسلمين الحرق؟
    والله شاعري ويناسبني تماماً
    لماذا لا يكون لنا الحق في التصرف بجثامينا؟
    قالوا ايه ، لا يجوز الحرق الإ لدرء الضرر الذي قد يترتب على دفن جثة ما
    يعني نمشي نكوس لينا مفتي من الجماعة البطلعوا فتاوى حسب الطلب ديل
    ولأ نخارجها كيف دي ؟

    (عدل بواسطة الجندرية on 02-10-2010, 05:50 PM)

                  

01-25-2010, 07:56 AM

عبد الحميد البرنس
<aعبد الحميد البرنس
تاريخ التسجيل: 02-14-2005
مجموع المشاركات: 7114

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    أحزنني هذا التساؤل، يا جندرية، على الرغم من شاعريته وعمقه الفلسفي وسعته المعرفية وبعده التثويري الأخّاذ على مستوى تساؤل آخر (ماذا بعد الموت)؟.
                  

01-26-2010, 09:46 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عبد الحميد البرنس)

    سلام يا برنس واشواق
    " الحزن رفيقي " ف
    كيف نؤثر الوحدة ؟
    وهل يقينا التدثر بثوب " لا تحزن ان الله معنا " زمهرير ها .
    شكراً لمرورك وتحيات واشواق لالهام
                  

01-25-2010, 08:04 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)


    عزيزتي الجندرية
    وجهة نظر شخصية دون الدخول في تفسيرات اخري :
    الحرق فيه كثير من الانانية للاسباب التالية كما اراها :

    1)الارض تستفيد من بقايا النباتات و المخلوقات العضوية وجثامينا كبقايا عضوية تساهم في ذلك .. ارض تسمد طبيعيا من البقايا العضوية والبقايا العضوية هي التي انتجت النفط مثلا
    2)لولا عظام وبقايا من رحلو لما استقام فهم تاريخي وعلمي لاشياء كثيرة
    3)الربط الوجداني بين الاحياء وذكري الاموات
    4) العظة والتذكرة باننا كلنا راحلون وهذه الارض التي نقد عليها باقدامنا ونعلو عليها هي التي تحتضن بقايانا المتعفنة


    مودتي

    ابوبكر
                  

01-25-2010, 08:09 AM

سارة علي
<aسارة علي
تاريخ التسجيل: 07-08-2008
مجموع المشاركات: 4413

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    الجندرية...


    وحياة ربي كنتا دايرة اسأل سؤال قريب لي كدة لكن خفتا الجماعة يشبوا لي في حلقي ويطلعوني ما مؤمنة...

    ياخ انا عندي رهاب الاماكن الضيقة,,,
    ومافي زول جا راجع من الموت شرح لينا الحصل..
    خلاص حيجوني ناطين...

    غايتو لو لميت ليك في فتوي حرق او تحنيط كلميني..
                  

01-25-2010, 08:27 AM

ندى عثمان حسن
<aندى عثمان حسن
تاريخ التسجيل: 11-20-2009
مجموع المشاركات: 875

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: سارة علي)

    سلامات ياأمانى

    ماقلقت يوم على جثتى بعد الممات, لكنى مرعوبة من فكرة دفن أى عزيز تحت التراب


    أفكر فى التحنيط, والإحتفاظ بالحضور الجسدى للأعزاء, وهذ يقلل من وطأة الألم


    سالت , زميلة من الهند, توفيت والدتها , وتحتفظ هى بجزء من رماد عظامهاوتحمله فى شنطة يدها , عن المغزى من ذلك

    ردت على : أحتاج وجودها فى كل ثانية......
                  

01-26-2010, 04:45 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: ندى عثمان حسن)

    سلامات يا ندى
    Quote: ماقلقت يوم على جثتى بعد الممات,

    انا يا بت امي ما قلقانة على جثتي انا قلقانة على حقي في التصرف فيها
    احرقها ادفنها اتبرع لبيها او اخللها على قول خضر الطيب
    القصة في امتلاك الحق ذات نفسو
    لشنو يعني لا تجوز الوصية بالحرق عايزة افهم ؟
    التحنيط دا ما زي اي صورة ؟
    غايتو بالنسبة لي ما بتفرق من اي صورة
    ودا كلو ما بقلل من الم مغادرتم لينا
    بس انا من انانيتي
    عايزة رمادي يختلط بالأماكن البحبها
    وما فكرت انه يحتفظو بيه الناس التانيين
                  

01-25-2010, 08:30 AM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: سارة علي)


    الفقهاء يقولون الجثة ليست لك
    وليس لك حق التصرف فيها

    وأما الصوفية يشيرون لإرتباطات جهات أخرى مثال حضور الملائكة ... واستيفاء الحقوق ( حق المسلم على المسلم .... إذا مات تبعه )

    كذلك حق الأهل في المراسم التي تدخل في مجال ممارسة دينية في كافة إجراءاتها

    في تاجوراء في ليبيا حضرت مراسم دفن مازلت أذكرها... حضور الناس يحملون جثمان ويقرأون سورة يسن بصوت جماعي دوي كدوي النحل والحركة والدفن كأنها ترتيب غريب..

    كذلك في دافنة جدتي التي توفت وعمرها فوق المائة حضر أناس ما كنت أدري أنهم على قيد الحياة...جمع من الناس في حركة آلية معينة .. تقدمهم حفظة كتاب الله... وآخرين حضروا متسائلين لماذا لم ينتظروهم.. لا أحد يدري من رتب هذه الأمور ... من أين جاء الناس .. كلها ساعات من بدأت أنفاسها تضطرب .. وجهنا سريرها أنا وعمتي.. لا أحد غيرنا.. توضأت وقرأت سورة يسن بجانبها ووضعت المصحف.. هل كانت هذه العجوزة بهذا الجمال من قبل .. وفاضت روحها .. وساعة وكانت في شق أرض نديان تريان..


    لذلك لا تفعلي شئ
    دعي ذلك للآخرين..
                  

01-25-2010, 08:49 AM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3353

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: المسافر)

    والله سؤال في السلك
    ينبغي فعلا على احدهم سن قانون ما
    او فتوى تبيح للناس ان يقرروا مصير جثامينهم
    دائما تراودني هذه الفكرة التي اتمنى ان يضعها احد مرشحي البرلمان في برنامجه الانتخابي للاهمية


    أما ما لا زلت اتمنى ان افعله بجتتي فهو التالي:
    Quote:
    الأمر الآخر الذي أرعبني جدا هو مصير جثتي بعد الموت فقد كنت اخطط لطريقة أعتبر إنها الطريقة المثلى للتخلص من الجثث عوضا عن الطرق الغير جميلة المتبعة في كل الدنيا,فليس من الممتع أن احشر في مساحة شبر على عمق مترين في باطن الأرض وفوقي أثقال من الطوب والحجارة وأطنان من التراب لتتولى أمري بعد ذلك الديدان القميئة تنهش لحمي حتى أصبح نثار عظام بيضاء ,وليس من المستساغ أيضا أن يتم شوي جثماني في الهواء الطلق.
    كنت وما زلت أتمنى إذا مت أن يتم إلقاء جثماني في وسط المحيط فتتلقفني الأسماك الجائعة فيضيع دمي بينها فلا يعرف لي آكلا..هداني لهذه الطريقة الرومانسية صديق اسمه (حميده) وهو رجل يحمل ثلاثة شهادات معتمدة في الجنون واحدة منها من مستشفى أوربي وبجانب جنونه فقد كان سكيرا من الطراز الأول ..تعرفت عليه عندما كنت اعمل في محل بقالة في شارع (الصحافة ظلط) كنت كل مساء إذا أغلقت المحل احمل صندوق بيبسي فارغ واجلس عليه مع صديقي حميدة في مجلسه العتيد أمام حديقة منزلهم..كان صديقي حميدة والذي اعتبره احد مثلي العليا في هذه الحياة كان بحارا طاف معظم بحار الدنيا التحق وهو بعد يافع بسفينة تجارية عمل (ماسح) ثم ترقي الى (مزيت) واتخذ من اليونان مقرا ثابتا له ينزل من سفينة ليلتحق بأخرى.. كان يحكي لي كيف كان يغيب شهورا في البحر ,ينام بملابس العمل يستيقظ ليملأ رئتيه اكسجينا نقيا ,يستمتع بمنظر الشمس والقمر وهما يخرجان من مياه المحيط .ويحكي لي عن وصولهم إلى المواني العاهرة ,وكيف كانوا يعبون من شرابها ونسائها وما طاب من طعامها, إلى أن يحين موعد الرحيل مجددا..كان يحكي ويحكي وأنا باسط ذراعي بالوصيد شاخصا إليه محلقا في تلك العوالم السحرية..
    حكي لي ذات يوم أن احد البحارة مات أثناء إحدى الرحلات الطويلة فقاموا بإلقاء جثته في عمق المحيط والحق يقال فقد أعجبتني هذه القصة كثيرا وأخذت احلم بان أصبح بحارا وان أحظى بنهاية شبيهة بنهاية هذا البحار .. لا زلت احلم أن اعمل بحارا ذات يوم ولكني لا أعرف كيف يصبح الناس بحارة واكتفيت من حلمي بنهايته السعيدة في بطن اسماك القرش.أما صديقي حميدة فلا يزال يجلس كل مساء على كرسيه العتيد أمام حديقة منزلهم يحلم بالعودة للبحر ولكن لا احد يقبل أن يوظف مجنونا..لا اعلم هل حظي بعدي بصديق يستمع إلى حكاياته الرائعة كما كنت افعل أم انه اكتفي بأصدقائه الأبدييين زجاجة الخمر.. والليل والجنون..
    بالطبع لم أمت وإلا لما كنت بينكم الآن
                  

02-08-2010, 08:59 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: معاذ حسن)

    معاذ سلامات
    Quote: اتمنى ان يضعها احد مرشحي البرلمان في برنامجه الانتخابي

    والله كلامك دا هو الفي السلك
    اصلاً فكرة البوست هو مقاربة القصة دي قانونياً
    بس المداخلات اثرت الموضوع من جوانب كتيرة

    عاين
    النص المقتبس دا من وين ومنو كاتبو ؟
    تحياتي وشاكرة مرورك
                  

01-27-2010, 11:31 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: المسافر)

    ازيك يا المسافر

    Quote: الفقهاء يقولون الجثة ليست لك
    وليس لك حق التصرف فيها


    دا ما ياهو عضم البوست زااااااتو
    حق التصر ف دا
    لشنو ما يكون عندنا الحق ؟


    Quote: وأما الصوفية يشيرون لإرتباطات جهات أخرى مثال حضور الملائكة ... واستيفاء الحقوق ( حق المسلم على المسلم .... إذا مات تبعه )

    اها دا كلام ما بخش الدماغ خالص
    الملائكة الجسد دا كان دفنوه ولا حرقوه بفرق معاها بشنو
    ما اظن الحرق يمنعها من الحضور كانت عايزة تجي
    واستيفاء الحقوق برضو ممكن في حالة الدفن
    ماااالو ما يجي يحضر حرقو
    ما شايفة انو الكلام دا يخلي الحرق غير جائز
    بعدين حق الاهل دا مقدم على حق سيد الشي زاتو ؟
    يعني عشان الاهل ما تتنفذ رغباتي في ما يختص بجثماني ؟
    برضو ما لافقة والله معاي

    المشهد المهيب للدفن او حتى الطقوس الاخري لا ينمحي من الذاكرة
    اذكر مشاهد المناحة في مناسبات وبكيات مختلفة في طفولتي
    ربما اروي عنها مرة اخرى

    وصورة الميت المسجي الذي عاد إليه جماله وشبابه تروى كثيراً وتعزى لحسن خاتمته
    ربنا يقسم لينا
    رحم الله جدتكم واسكناها فسيح الجنات

    سلام وشاكرة مرورك

    (عدل بواسطة الجندرية on 01-27-2010, 12:10 PM)

                  

01-26-2010, 04:02 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: سارة علي)

    سلام يا سارة
    يا بتي الجماعة البشبو في الحلق دي بشبو بلا غبينة ولا سبب زاتو

    احسن طريقة للتعامل معاهن طريقة اخونا دكتور مصطفى محمود
    التجاهل التجاهل
    وقولي النفسك فيه واسألي عن اي شي يعن لك

    لووووووووووول@ رهاب الأماكن الضيقة
    ذكرتنيي امي امنة الله يرحمها
    وصت قبل موتها انو ما يعملو ليها المحلبية في الحنوط
    قالت بتقوم عليها الدبس
    لووووووووول

    التحنيط دا والله ما فكرت فيه
    ما شايفاهو بناسبني غايتو
    لكن انت كان مغرودة فيه بشوف ليك القصة دي لمن نجيب النجار لفتوى الحرق
    لوووووووووول
                  

01-26-2010, 10:57 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    سلام يا باشمهندس
    وكثير مودة

    اقدر جداً وجهة نظرك حول الدفن واستفادة الأرض والحياة عمومها منه
    لكن
    كنت افكر جادة حين طرح هذا التساؤل وارسال البوست في النقاش حول امتلاك الحق في التصرف بالجسد بعد الوفاة ابتداءً
    وامكانية توفر طرق متعددة تناسب كل شخص : الأنانيين امثالنا ( اهل الحرق ونثر الرماد على الاماكن التي يحبونها ) ، والغيريين امثالكم وعزاز وبت قضيم والأخرين / يات ، الذين يرغبون في استفادة الغير من بقاياهم / ن سواء كانت اعضاء حية او بقايا عضوية
    ياخي اليدونا الحق في الأول بعدين امكن نغير راينا
    لوووووول
    ــــــ
    شاكرة مداخلتك كلها والتي اثرت البوست
    عظيم تقديري
                  

01-25-2010, 08:39 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    الغريبة يا أماني أنا بشوف إنو دفن الجسد كما هو أكرم للإنسان وللجسد نفسه
    الحرق دا فيهو شيء من التعدي

    ومع ذلك تعجبني جداً وصية أحد فلاسفة الهند بأن يحرقوا جسده بعد مماته وينثروه في الهواء وحين يقع على الأرض يختلط بحبات ترابها ويصبح جزءً من مكوناتها ..
    وصيته هذه بها الكثير من العمق والمحبة لأرض بلاده


    والهندوس عندهم إعتقاد أن حرق الجثث به منفعة "بيئية" أكثر من الدفن والسبب معروف طبعاً



    أنا غايتو بعد ما أموت دايرة أكون زي ما أنا لا يحرقوني ولا يتبرعوا بي أعضائي لي زول ..
                  

01-25-2010, 09:08 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: تيسير عووضة)

    فكرة غريبة جداً يا جندرية ومفاجئة
    يعني يحرقوا الجثة يشيلوا الرماد يعملوا بيه شنو غير زيادة كراكيب في البيت!!

    يعني اتوقع بعد مرور سنين عديدة على الوفاة، والناس الحية تنسى، والمشاعر القوية والحزن النبيل يهدأ ويبقى عادي،
    اتخيلي
    رماد الجثة في الفازة الهندية الشهيرة مثلها مثل أي زهرية قاعدة في طرف دولاب،،، يعني الناس حتزهج منها وما تعرف توديهاوين، يقوموا في النهاية يدفنوها في الأرض وكان الأولى يستفاد منها كما قال الزميل كمخلفات بيلوجية تساعد الأرض والعايشين عليها على التجدد
    بعدين الحرق بيزيد نسبة التلوث في الجو
    ويعرض الأرض للتصحر لو فرضنا يعني حيحرقوا الجثث بالشجر
    أو يولعوا فيها جازولين وتتحرق وهذا ليس إكرام لميت اظن
    وحيختلف معنى الدعاء السوداني الشهير (الله يحرقك إن شاء الله)

    الناس بدل ما تزور المقابر حتزور المحرقة

    يعني الحال حيبقى غير

    شخصياً، سألت جادة كيف ممكن اتبرع بأعضائي أول ما اموت، ابداً ما فكرت في موضوع جثماني ده حيكون حاله كيف بعد الموت، ابداً،،
    قالوا لي ممكن اسجل الرغبة دي في (رخصةالقيادة)
    وعندي اربعة عجلات منتظرة تقوم ليهم عربية، ثم سأتعلم السواقة، وأطلع رخصة، وحاسجل فيها هذه الرغبة الملحة
    المشكلة الخايفة منها، افرضي يعني مت وانا في سريري؟؟؟!!
    تضيع العربية يعني؟؟!!
                  

01-25-2010, 09:34 AM

اساسي
<aاساسي
تاريخ التسجيل: 07-20-2002
مجموع المشاركات: 16468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    عندنا حبوبة لينا لديها مقولة مشهورة في ذات السياق عن رهاب الدفن كانت تقول : لو ياكلوني الكلاب ما يدفنوني في التراب . حبوبتنا غمرها التراب دون تحقيق تطلعاتها

    ــــــ
    بالنسبة للاخوان والاخوات الفوق الذين تتوق نفوسهم للحرق بعد الموت ويبحثون عن فتوى , اعتقد ان الامر ليس بحاجة لفتوى لاباحة ذلك وهو بالامكان , عندما تقررون ان الوقت المناسب قد حان , عليكم بسودانير فهي القادرةة علي تحقيق رغباتكم جوا وارضا , سودانير الوحيدة التي بامكانها ان تعطيك ضماان الحرق ما بعد شراء التذاكر
    حققوا رغباتكم لدى سودانير واتركوا الشيوخ لمسؤلياتهم الجسام بفتاوى ارضاع الكبير وان الدخان في الصوم لا يبطله وما شاكل من تحديات
                  

01-25-2010, 10:08 AM

عادل عبدالرحمن
<aعادل عبدالرحمن
تاريخ التسجيل: 08-31-2005
مجموع المشاركات: 634

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: اساسي)

    يا جندرية ،
    وجدتها لك ، الفتوى ، ومن جندريّة لا يشق لها غبار :


    "يجب أن اذهب إلى العالم لأشكره وأودّعه.. بعد ذلك سأبقى في بيتي مثل جدّة.. وأريد أن ينثر رمادي في المحيط الهندي لأتمكن من الابحار مجددا إلى كل هذه الدول"

    فهكذا أوصت أم أفريقيا : ميريام ماكيبا .. وأبدت رغبتها .

    وعليك التهجد بهذه الوصلة :

    http://www.youtube.com/watch?v=l8V1414aWRA
                  

02-10-2010, 07:18 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عادل عبدالرحمن)

    يا سلاااام يا عادل
    تهجدنا وتنفلنا ما شاء الله لنا بالوصلة الثمينة
    شفت نوع كلام ماما افريكا دا هو زااااااااتو البخلينا نقول على الحرق شاعري
    بس يا صاحبي فتوتك دي بتقنع الديك ؟
    لووووول

    (عدل بواسطة الجندرية on 02-10-2010, 07:24 PM)

                  

01-25-2010, 11:42 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: اساسي)

    ماذا يضير الشاة بعد ذبحها ؟
    كل الهم أن هناك Day of Resurrection وهو اليوم الذي توزع فيه الكتب فالمفروض نعمل لهذا اليوم لأنه في ناس حا يدوهم بالشمال وفي ناس على قفاهم وهم الصنفين السجم خشمهم في ذلك اليوم.
    هناك طريقة أفضل من الحرق أو الدفن وهي طريقة ليست جديدة ومجربه كمان وهي ذات دلالات عميقة على الخوف من الموت وحب النفس والخلود وكلو ما نفع جربي التحنيط على الطريقة الفرعونية.
                  

02-11-2010, 04:46 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: almulaomar)

    ازيك يا ملا
    وحمد لله علي السلامة
    زمن طويل جداً ، والجابك يجيب عقابك
    قت لي ماذا يضير الشاة ؟
    انتو الشاة دي قالت لمنو انو بعد الذبح مافي شي بضيرها ؟
    مافي شي مضمون ياخ
    وكان علي اليوم داك يا ود امي مانا ناكرينو بس متكلين على شفاعة النبي ورحمة خالقنا
    ومتل ما قال ود الرواسي في مريود
    ما عندنا ليهو غير المحبة
    باقيلك ما بتنفع ؟!!
    التنحنيط يا اخوي ما بلزمني
    اقول ليكم عايزة رمادي يختلط بالاماكن البحبها وبعد ما اوصي بكم خمشة لكم زول / ة
    تقول لي تحنيط ؟
    يعني حايتملوا في جمال سيدنا يوسف يا خي؟
    لووووووووووول
                  

02-10-2010, 06:17 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: اساسي)

    يا اساسي
    كلام حبوبتك دا حاضمنو وصيتي لو حتنفع ويتم العمل بيها
    لو ياكلوني الكلام ما يدفنوني في التراب

    نصيحتك بتاعت سودانير دي حتى لو وافقت عليها على مضض ما بقدر انفذها لسبب بسيط انو سودانير ما عندها مكتب ولله الحمد في صنعا
    بعدين الفتوى ما لينا للناس الحتقوم بالاجراء دا
    انا كان علي استفتيت قلبي دا ومطمئنة لحقي في التصرف في جسدي اثناء الحياة وبعد الموت
    المشكلة اضمن كيف انو الناس حتعمل بوصيتي لو ما صرعناهم على قول ابو يمن بواحد فتوى ؟؟
    ما تشوف لينا جماعتكم ديل ياخ ينوب ثواب
    لوووووووول
    جماعتكم ديل اقصد اهلك الانت قاعد عندهم ديل باقي جنهم فتاوي
    والله ما قاصدة بيها الظلاميين

    لووووووووول
                  

01-25-2010, 09:50 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    Quote: قالوا لي ممكن اسجل الرغبة دي في (رخصةالقيادة)
    وعندي اربعة عجلات منتظرة تقوم ليهم عربية، ثم سأتعلم السواقة، وأطلع رخصة، وحاسجل فيها هذه الرغبة الملحة
    المشكلة الخايفة منها، افرضي يعني مت وانا في سريري؟؟؟!!
    تضيع العربية يعني؟؟!!


    ياربي يعني ارتباط حوادث السيارات بالموت هو دة ذاتو الخلاني ما اسوق لحدما وصلت ارذل العمر..؟؟ وانا ما عارف ليه مكجن السواقة ومن سواق بتاني الي هندي وتكاليف ..الخ ... يعني هسع الواحد الما بيسوق ما يتبرع باعضاء ؟؟ مشكلة دي ...يعني ندفن العربية معانا .. ايه رايك ؟؟؟
                  

01-25-2010, 11:06 AM

حاتم علي
<aحاتم علي
تاريخ التسجيل: 11-04-2009
مجموع المشاركات: 1897

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    تحياتي لك يالجندرية و ضيوفك الكرام

    لا ينتابني أي قلق عن مصير جثتي بعد الموت

    فبعد الموت ستحلق روحي بعيداً و لن يكون لدي فرصة للتحكم في جسدي

    جبلة الطين هذه - أي الجسد - سبب شقاء روحي

    فهي جبلت على منعي من التحليق سنيناً عدداً

    أيها الراحل في الليل وحيداً ... إنتظرني
    -------------------------------------
    ايها الراحل في الليل وحيدا ... ( وتاني راح علي زكراك عام )
                  

01-25-2010, 12:07 PM

b_bakkar

تاريخ التسجيل: 04-01-2004
مجموع المشاركات: 1027

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: حاتم علي)


    العزيزة الجندرية
    تحياتي
    ياختي بعد الشر عليك
    مالك عايزة تمشي قبل يومك؟
    مرة أوقفوا العالم عايزة أنزل
    ومرة ماذا أفعل بجثتي؟
    اتفاءلي الفأل الحسن

    أهلك الصوفية قالوا الجسد بالنسبة للروح
    زي الملابس للجسد
    الملبس لما يقدم والزول يجدعو
    ما في حاجة ليهو وما في علاقة بيهو تاني
    حا يفنى زي ما الإنسان بتخلص من الأظافر أو الشعر
    وسواء دفن أم أحرق سيان
    الإنسان بكون دخل في ملابس جديدة

    لكن بيني وبينك أنا لما أتصور نفسي أصحبت جمجمة وهيكل عظمي
    بشعر برهبة ووحشة شديدة، دا مصير شنو دا؟؟
    لكن على كل إمكن أحسن مما لو الواحد روحه تصعد للشمس
    وتصبح مدورة في تفاعلاتها النووية للأبد
    ومع ذلك، ابن عربي قال العذاب من العذوبة

    على أي حال تذكر الموت للعبرة ما بطال
    بخلي الإنسان مرهف الحس ومدرك قصر العمر
    وهشاشة الحياة الإنسانية

    لكن أوعك تتعلقي بالموت
    كان اتعلقتي بيهو بجيك طوالي
    اتعلقي بالحياة
    الطويلة السعيدة
    والمعيشة في اللحظة الحاضرة

    مع خالص تحياتي

                  

02-18-2010, 12:09 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: b_bakkar)

    سلام يا با بكار او بشير بكار صاح ؟!!



    عيني باردة على ذاكرتك
    كلام وقفوا العالم داير انزل دا ما بتذكر كتبتو متين هنا
    لكن بكون
    حاكم من انا صغيرة وعرفت قصة دوران الارض دي
    واذهلتني الصور عن الكون الشااااااااسع دا
    عندي خيال انو الزول ممكن يقول للزول السايق الكرة الاضية دي " علي جنب " علي قول اهلنا اليمنيين
    وينزلوك كدا تمشي اييييي حتة تانية
    بس ما تكون الثقب الاسود
    لووووووووووووول
    غايتو بكون دايرة يوم اقيل تحت ضل الشجرة بتاعت القمرة ديك
    اوعى زول / ة يبيخ لي خيالاتي من زمن شافعة
    ويقول لي القمر حجار وجبال ومافيهو شجر
    شوف عيني دي من سريري في حوش بيتنا
    فييهو شجرة وتحتها مرتين قاعدات يتمشطن اها

    الصوفية حبابن وحباب كلامن
    وزي ما انت قلت الموضوع مافارق لو القصة فعلاً دخول في هدوم جديدة
    بس القديمة كان صرفتها بي معرفتي فوقها شنو يعني ؟

    ويا ابوي خلينا ندعو دايماً و نقول في الفروع الخدر
    لانو كان اتشعلنا بالحياة ولا خليناها
    يوم الورقة تصفر وتقع من الشجرة ديك
    خلاص واطاتنا صبحت

    شكراً ليك تطلك العافية

    (عدل بواسطة الجندرية on 03-02-2010, 07:14 AM)

                  

01-25-2010, 12:09 PM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: حاتم علي)

    ممكن يا ابوبكر
    تخيل
    !!!!
    لا بالجد والله
    لو عايزة جادة اتبرع بأعضائي بعد موتي
    وين وكيف ممكن اسجل الرغبة دي خصوصا ًأنه لازم أول ما اموت يقوموا يشيلوني يودوني للجهة الحتقبل بأعضائي لان لو اتأخرت شوية الأعضاء بتبوظ (ما يفوتك أنها من الأساس مااااا كانت تمام يعني)

    طبعاً اتخيل لما اهلي يقوموا ينضفوا البيت قوام قوام (نظام السترة وكده)، ثم يطقوا السكليب والنواح واللطم على الخدود وشق الجيوب (متفائلة يعني اني حاكون مؤثرة) تكون العيون نشفت والكلى عفنت والحالة بقت مستعصية
    بالجد ورونوا الناس العايزة تتبرع بأعضائها كيف تسجل هذه الرغبة؟؟
    وبعدين سمعت مرة انه الموضوع حلال، صح حلال واللا فيه إنة؟؟

    وبعيد عن هذا وذاك
    (كر علي أبرا واستبرا صغيرة وجاهلة على الموت يا يمة)

    ثم

    الملا عمر
    بالجد بالجد،، جداً ليك وحشة
                  

01-25-2010, 01:13 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    الجندرية مفكرة وعميقة المشاعر... لكن لو قرأت كتب عمك الأستاذ محمود محمد طه لعرفتي الإجابة المؤكدة على هذا السؤال....
    هو حسب هضمنا للفكرة الجمهورية.. إنو الله ما عايز يوري الإنسان مايكره.. وكلما تقدم المجتمع عامة كلما رفع عنه الله الإصر... وكان لطيف معه للغاية.. العوالم الثلاث.زعالم الدنيا وعالم البرزخ وعالم الملكوت أو عالم الأمر.. كلها عوالم ليترقى فيها الإنسان الي أن يصل الى مطلق سعادته.. وقد قال المتصوفة عن الجسد..كاشخص الذي يركب مركب فلما وصل القيف أي حافة النهر خرج منها فهل ينقص ذلك في كينونته شي... يرمزون الي الذي يذهب الي البرزخ.. وقد ذكر أبو حامد الغزالي في كتابه إحياء علوم الدين ذلك....
    أما هنا وعن علم دقيق أن الفكرة الجمهورية تبشر بإنتقال البشرية من عهد البشرية الى عهد الإنسانية القريب المتوقع وفيه ينتقل الناس بأجسادهم من الحياة الدنيا الي البرزخ كما ينتقل أحدنا من برلين الى لندن ولا يحتاج أن يدفن منه شئ.. هذا ما تبشر به الفكره الجمهورية من ضمن بشاراتها الأخرى الكثيرة للغاية... يطيب لى في هذه السانحة أن أبلغك أخت أمانى سلامنا وسلام الاسرة وتحياتي الي عثمان تراث والأبناء..
                  

03-02-2010, 07:27 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: منصوري)

    ازيك يا منصوري
    وازي وليداتك وامهم

    قت ليك يا اخوي
    البرزخ دا مش كلنا حنمشي ليهو ؟
    البندفن ولا البياكلو الحوت ولا البحرق في رحلة من رحلات سودانير ؟
    يعني ما فرقت
    بس لحدي ما يجي ما تبشر به الفكرة وانتقالنا بين العالمين بكامل اليسر
    خلونا نفكر في طريقة هسي دي نصرف بيها ونتصرف بيها في جثامينا على ما نحب ونرغب
    ولا شنو ؟
                  

01-25-2010, 05:05 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    Quote: (كر علي أبرا واستبرا صغيرة وجاهلة على الموت يا يمة)


    امسكي في دي واعملي لدنياك كانك تعيشين (اقول كام ؟؟) ابدا ولاخرتك كانك تموتيين غدا
                  

01-25-2010, 05:17 PM

نجلاء قرافي
<aنجلاء قرافي
تاريخ التسجيل: 08-09-2009
مجموع المشاركات: 2163

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    جندريه يازوله ماتقلقي قدر ده
    اها جثتك لو اتحرقت او اتدفنت الروح دي حيكون ياهو حالها نفس المصير بلاشك يعني المصير واحد الاجساد فانيه بحرق او دفن .
    تبقي الارواح وتبقي الذكري الطيبه فكري في دي ذكري طيبه بدل قلق غامض عن دفن أو حرق ولا شنو؟؟؟؟
                  

03-02-2010, 07:45 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: نجلاء قرافي)

    نجلاء ازيك
    وحبابك الف هنا
    اول مرة نتداخل اظن ؟

    كلامك صاااااااااح عن الذكرى الطيبة ربي يجعلنا من اصحابها
    لكن كمان التفكير في الموت وما يعقبه ما اظن فيه عوجة ولا شنو ؟
    وما دام المصير واحد حقو يكون من حق كل زول / ة اختيار الاسلوب الشايفو منسجم معاهو
    بعدين فناء كيف مش ناس المهندس ديل قالو لينا كان دفنوكم ما فناء
    حتبقو بترول ولا سماد لنبتة مخضرة ؟
    وكان حرقونا ورمادنا بكون مختلط بباقي املاح الارض الحيشتتوهو فيها
    ولا تشيلو موجة كان نثرونا ـ ياخ عايني هسي نثرونا دي شاعرية كيف ـ :) ويتلبخط مع طمي ويخصب ليه جرف في حتة ما ؟
    انتو المادة لا تفني دي بطلوها يا ناس الفيزياء ؟
    شاكرة ليك يا نجلاء بس يا امي قلق الاسئلة ما بفارقنا شن نسوي ؟
                  

01-25-2010, 05:18 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    الأخت الجندرية .
    ده شنو ده ؟
    يديك طول العمر أنشاءالله .
    كلامك يخلى الواحد يرجف .
    سلامات
                  

03-02-2010, 05:29 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: Osman Musa)

    اخونا عثمان موسى

    ازيك كدي

    يا ود امي الرجفي ما بفارقنا
    ما قالو الموت ما بتآلف
    لكن لابد من التفكير والبحث عن الحق
    باقيلك ممكن يكون عندنا حق زي دا مع فقهاء درء الخطر ديل ؟!!!

    (عدل بواسطة الجندرية on 03-02-2010, 05:47 PM)

                  

02-01-2010, 09:11 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    Quote: الملا عمر
    بالجد بالجد،، جداً ليك وحشة

    الرائعة بت قضيم شكراً ونبادلكم المشاعر والوحشة وجهاً لوجه وإن كان البوست موحشا تفوح منه رائحة الموت وأنا من المتمسكين والمتشبثين بالحياة بالرغم من إيماني الذي لا يخالجه شك في أن كل من عليها فان ويبقى وجه ربك ذو الجلال والإكرام. والحال كذلك سوف أعتبر هذه التحيات والوحشات ما هي إلا شمارات في بيت بكا لكسر الصمت الرهيب بعد تمثيلية المجاملة بالبكاء مع أهل المرحوم ، شكراً وغفر الله لي ولكم
                  

02-17-2010, 11:16 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: حاتم علي)

    سلام يا حاتم

    الروح امرها عجب
    ليت لي يقينك بامر انفكاك الروح عن الجسد هذا
    يتنازعنا الشك يا اخي
    ولو كان لنا نصيبك من اليقين
    لما ثارت الاسئلة
    ولو القوا الجسد على قارعة الطريق
    او تخطفته الطير
    وعلي كل حال نسأل هنا عن حق صاحب / ة الجسد في تقرير مصيره
    أو ليس من حقنا ان تنفذ رغباتنا في هذا الشأن ؟

    (عدل بواسطة الجندرية on 03-02-2010, 07:18 AM)

                  

02-12-2010, 10:38 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    Quote: يعني هسع الواحد الما بيسوق ما يتبرع باعضاء ؟؟ مشكلة دي

    شفت كيف يا باشمهندس
    يعني ناس الكداري الزي حالتنا ديل ما عندهن حل غير يعصروا على الحرق كان ابو الدفن
                  

02-09-2010, 09:41 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    بت قضيم ازيك
    ومشتاقين كتير والله

    قت ليك اول شئ انا ما قلت يبدلو الدفن بالحرق عشان القصة تبقى تلوث بيئ وكدا انا قلت يدونا الحق
    وشوفي في كم زول / ة حيختار الحرق
    بعدين يا امي الشجر وابادة الغطاء النباتي دي بقت علي الشافات الحيحرقوني بيها ديل ، طبعاً واخدة بالك من تواضعي واني ما قلت يحرقوني بصندل زي نسابة تاج السر
    ما تراهن نسوان السودان ديل كملن ليهن غابات في سواة الدلكة والبخور غير حطب الدخان في زول سألن غير دكتور عبد السلام في مقالو داك ؟
    ثم ثانياً كراكيب شنو ولم رماد شنو وخمو
    اقول ليكم عايز ينثروني في الاماكن البحبها تقولي يختوك في المخزن ؟
    خليك شاعرية ياخ
    بجيك تاني
    محبتي
                  

02-08-2010, 09:12 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: تيسير عووضة)

    تيسير ازيك

    يابتي البخلي الدفن اكرام والحرق تعدي شنو ؟
    ما ياها الجثة الما بتقرر مصيرها دي ؟
    والاخرين هم البحددوا يواروها عن عيونهم كيف ؟

    وصية الفيلسوف الهندي دي ما ياها زاااااتها الخلتني افكر في الحرق وقصة اختلاط اجزاء الجسد بالاماكن البحبها الزول دي ما ياها الشاعرية البتكلم عنها ، مش عليك الله احسن من قصة الدود البدخل بالعين ويمرق بالنخرة دي ؟
    قلت ليك ما تجي تفصلي لينا في المنفعة البيئة بتاعت الحرق دي امكن نقدر نقنع الباشمهندس
    محبتي
                  

01-25-2010, 08:39 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    Quote: سؤال يلح علي كثيراً
    ففكرة الدفن هذي لأ اجد نفسي قادرة على التعامل معها
    لماذا يحرم فقهاء المسلمين الحرق؟
    والله شاعري ويناسبني تماماً
    لماذا لا يكون لنا الحق في التصرف بجثامينا؟
    قالوا ايه ، لا يجوز الحرق الإ لردء الضرر الذي قد يترتب على دفن جثة ما
    يعني نمشي نكوس لينا مفتي من الجماعة البطلعوا فتاوى حسب الطلب ديل
    ولأ نخارجها كيف دي ؟


    اولا تبري و تستبري يا جندرية و عمر مديد لمن تفطي سطرين تلاتة و يجيبوك من أول الشارع فايتة باب البيت... ثانيا، لما فتح باب الوجع بدري بدري؟ يا لهذا الجسد الثقيل علينا حيين ميتين ... ارى بعكس قول المسافر بان جسدك من حقك حية و ميتة، ولكن ما أثر ما يحدث لاحقا على روحك؟ هل ستحفلين فعلا بما يحدث للجسد الفاني في كل الاحوال؟ بنى آبائنا أهراما مسكنا لجسد حملناه و حملنا وهنا على وهن، ولا عادت الحياة ولا صدقت التعاويذ وعدها بالقيامة الوشيكة ...

    لدي أمنيات مؤجلة بخصوص ما سيحل بما سيبقى من أعضائي، فقد تبرعت بما يصلح منها، و بوليصة التأمين الخاصة بي توضح ذلك صراحة بالإضافة لكرت ملصق على مرآة كمودينة غرفتي، وللغرابة لا أذكر الموت كل ما رأيتها! ألفتها برغم يقيني بأن خبر موتي سيكون صدمة للكثيرين بغض النظر عن مدى معزتي أو معرفتهم بي من الأساس، فلسبب ما أظن بأن الناس يصرون على تصنّع الدهشة كلما مات أحدنا ليبعدوا عن خاطرهم حتمية الموت وباندهاشهم يسبغون على الحدث وشاح الاستثنائية يعني حوالينا و ما علينا باللفة و كده

    ....

    باطل، باطل الاباطيل ... باطل
    كل شيء على البسيطة زائل – محمود درويش – جدارية

    .....

    الموت البعيد القريب، المفاجأة المعادة ... أدّبني شخصين في أمر الموت، محمود درويش و صديقة و زميلة عمل ماتت بمرض السرطان قبل عامين، وعلمت بموتها بوصول سي دي يحمل صورها في الأيام الأخيرة أرسلته عائلتها بمجرد دفنها، و استغرقتني غرائبية التبليغ بموت شخص ما بوصول رسالة خاصة منه لك! وفي بطاقة صغيرة دونت طلبها الوحيد من العالم الآخر بأن أعاهدها- و هي من رحلت وقت قراءة الرسالة- بألا أبكيها و أن أفعل شيئا آخر يبعث في نفسي السعادة، كاتمام لعبة السدوكو في جريدتي مثلا أو رمي نفسي في حمام السباحة! اضحكني حس الفكاهة الذي لم فارقها حتى خلال الموت أو بعد الموت لو صح لنا التعبير ... وارفقت صورتين لها بعد التقطتهما بعد إبلاغها بأنها في المرحلة الأخيرة من المرض و أن رئتيها باتتا في حجم اسفنجة غسيل أواني المطبخ ...ارتدت في احداهما قميصاً كاروهات أحمر مشمر اليدين و بنطلون جينز قديم و قبعة كاوبوي و منديلا أحمر مزركش ربطته حول عنقها و بدت كراعي بقر متعب من طول الطريق .. خلفها سماء تناثرت فيها غيوم تبدو كالمارة الحشريين في تسجيل البرامج التلفزيونية في الشارع تطل برأسها و تخفوا سريعا ... الصوة الأخرى لشاهد قبرها لؤلئك الذين لن تتاح لهم فرصة زيارة قبرها، في حال أرادوا ذلك، و قدرت ذلك نظرا لبعد المسافة عن سلادو في جنوب شرقي قارة تبعد عنا مئات آلاف الكيلومترات و خطوط الطول ....

    .....
    يشبهني كثيرا كل ما حولي
    و لم أشبه هنا شيئا – محمود درويش – جدارية
    ....

    في عام 1997، كنت شاهدا مكره لا بطل، على مباغتة الموت للحظات السعادة المسروقة على عجل، فقد ماتت خالتي في لحظة قيامي من العنقريب في برندتها في الشمالية ولفظت انفاسها وهي تعانق امي بعد بكاء حار. اصررت اصرارا غريبا على ترك جثتها ممدة في برندتها و ظللت اجرب كل ما قرأت من حيل اكتشاف بصيص حياة أولئك المعلقين في البرزخ.. الصقت مرآة بوجهها و ضغطت اصبع قدمها الكبير وظل الجميع يراقبونني بخوف كانني فقدت عقلي ... اعلنوا وفاتها بعد ساعتين وتركت في غرفة صغيرة تمتد على يسار الداخل اليها "قوسسي" البلح الناشف، أزيار ضخمة بغطاء من طين انتصبت كأنها هيئة محلفين تنتظر مرافعتي أمام قاض غائب لدفع التهمة عني بأني أكفر بالموت الذي خطف للتو خالتي، شقيقة أمي الوحيدة ... ووجدتني مرغمة رغم حزني و تكذيبي لموتها على تغسيلها و صب الماء على رأسها كما وجهتني خالة امي بحزم و اصرار و وكيف لي الرفض في غياب كل النساء من جارات خالتي عن مشهد الغسيل لاعذار بدت مقنعة غسيلئذ و تبدو طفولية وقت انقشاع عتمة الحزن مما لا فرار منه ... خافوا من مواجهة مصيرهم و خافوا من رؤية سيناريو يتكرر دوما لكل من مات على وجه الأرض غير محترقا أو مدهوسا أو مقطعا إلى اشلاء ... نزعت قرطها الصغير على هيئة هلال و صررته في طرف الطرحة المقابل لزاوية ربطت فيه مفتاح دولابها الخشبي الأصفر العتيق. شققت شعرها من منتصفه و جدلت لها ضفيرتين فبدت كطالبة في أول يوم دراسي، عيناها مغلقتان كأنها نائمة في قيلولتها الاعتيادية و ستهب بمجرد سماعها لصوت ابنائها القادمين من الحقل،، لم تستيقظ برغم كل الضجة المصاحبة لانتشار المعزين و دبيبهم كنمل يتقن المراسم بالغريزة، وردت لنا الذبائح و صواني الطعام المرمزة بالمناكير الأحمر و تزاحمن النساء في الـ "ديشاه" ايهن تستلم مهام تحضير الشاي بخشب المور ... وللتطمين ،، لم اشعر بأن هذا الجسد المسجى بلا حراك أمامي يحفل بأي من شعائرنا من غسيل و تقليب و تكفين و مسح الحنوط ذو الرائحة نفاذة لا تفارق مخيلة الحواس كلما حمل أحدهم خبر موت ما ...
    خرجت من الغرفة لأجد الحصر ممدوة كخطوط سكة الحديد و النساء متكومات في مجموعات يبكين بكاء أقرب للخوف منه للحزن و امي متكئة على جدار الطين و طرف طرحتها عالق بقشور سيقات الذرة المستخدمة في تلييس الجدران الطينية هناك ... انبتها مشدوهة لا تعي شيئا و ابنائها يحومون في المنزل كالاشباح ... كل هذا وهي مسجاة هناك في انتظار عنقريب النقل و عربة بوكش من القرية المجاورة ... لم تعترض ولم تبد رايها في أي من مراسم وداعها و اكاد اجزم أنه لم يعد يعنيها ايا من مظاهر دنيويتنا العاجزة عن سبر غور الكون الكبير ...

    ......

    وماذا بعد؟
    ماذا يفعل الناجون بالأرض العتيقة ؟
    هل يعيدون الحكاية؟ ما البداية؟
    ما النهاية؟
    لم يعد أحد من الموتى ليخبرنا الحقيقة ....
    محمود درويش – جدارية

    .....

    لم أكترث منذ تلك المواجهة مع الموت بما يؤول له حال جسدي بعد ان تغادر الروح لحياتها الأخرى، وتركت الخيار مفتوحا لكل الاحتمالات و السناريوهات open ending سواء كُفنت و دفنت و تلى احبابي سور القرآن لتطيمن انفسهم في أربعيني ، او ذرّ رمادي في الاركان الأربعة، أو تُركت في العراء طعاما للوحوش، وابيح سرا لو قلت بأن البترع بأعضائي يوترني، فلست متأكدة غن كنت أريد لقلبي المتعب أن ينبض مجددا في صدر آخر، أو أن يبصر شخص غيري بشبكيتي أو أن تغسل كليتي سموم جسد آخر، ولكني وقعت تلك الوثيقة على أية حال استجابة لأناي الدنيوية الرافضة للفكرة الفناء ... أنانية محضة مغلفة بيسلوفان التمدن و مجاراة التقدم العلمي القاصر عن اكتشاف كنه الموت ...

    لست معنية بهذا القيد وما يحدث له بعد أن يحين إطلاق سراح روحي للتحليق نحو حياتها الأخرى ... يعنيني ما سيحدث لي بعدها، وتجربة انعدام الوزن، و التحليق مع الارواح الأخرى، و عناق روح أبي و صديقاتي والأطفال اللذين ماتو في الحروب و خطفهم الموت من عطش الحليب الى الحليب* و ظلت عيونهم النصف مفتوحة و صورة مولد شبه الابتسامة في ركن شفاهم يؤرقني في منامي و صحوي و تذر ملحا على جروح عجزي عن تغير ابجديات حضارة الانسانية القائمة على قتل الضعيف ليعيش الاقوى و يزداد غطرسة و عنادا

    ...
    كم من الوقت انقضى منذ اكتشفنا التوامين؟
    الوقت و الموت الطبيعي المرادف للحياة؟
    ولم نزل نحيا كن الموت يخطئنا،
    فنحن القادرين التذكر
    قادرون على على التحرر – محمود درويش – جدارية

    اعتذر على الاطالة يا جندرية و البري الكتير، هي امنيتك و حقك الخاص و احسدك على تحديد ما ترين في أمر أغلالك ..
    أما أنا فاريد الفكاك و حسب ... انتظر الخلاص بشعورين نقيضين، فارغ الصبر و منتهى الخوف ..!!

    ________
    *تشبيه من جدارية محمود درويش
                  

01-25-2010, 09:27 PM

Dalal Ezzaldin
<aDalal Ezzaldin
تاريخ التسجيل: 06-19-2008
مجموع المشاركات: 1406

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عزاز شامي)

    حلي الوحيد انو .. يارب يوم القيامه دا يجي وانا حيه
    القبر عندي هاجس اكبر من يوم القيامه زاتو ( استغفر الله للضمان )
    هناك في الله وفي رحمه .. الا القبر وسؤال نكير وقصه الصلاه لو فطيتها يغطسوك جوه الواطه ويسلوك تاني
    دي ما ح استحملها نهائي

    جندريه عمرك مديد وسوا سوا لغاية يوم القيامه بالعصر ان شاء الله

    عليك بسورة تبارك كل ليله فهي المنجيه من عذاب القبر ( عذاب القبر داخله فيهو الضلومه )

    Quote: طبعاً اتخيل لما اهلي يقوموا ينضفوا البيت قوام قوام (نظام السترة وكده)، ثم يطقوا السكليب والنواح واللطم على الخدود وشق الجيوب (متفائلة يعني اني حاكون مؤثرة) تكون العيون نشفت والكلى عفنت والحالة بقت مستعصية
    بالجد ورونوا الناس العايزة تتبرع بأعضائها كيف تسجل هذه الرغبة؟؟


    بت قضيم
    عندي نفس الخيال العلمي بتاعك .. سمعت انه التبرع بالاعضاء غير جائز والله اعلم


    تحياتي
                  

01-25-2010, 11:02 PM

elsawi
<aelsawi
تاريخ التسجيل: 06-13-2003
مجموع المشاركات: 4340

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: Dalal Ezzaldin)

    الأخت الجندرية تحياتي لك ولضيوفك الكرام
    اشكر الأخت عزاز لطرح قرارها في كيفية التعامل مع جسدها بعد الممات وان شاء الله بعد عمر طويل، وورد في مشاركتها:
    Quote:
    لدي أمنيات مؤجلة بخصوص ما سيحل بما سيبقى من أعضائي، فقد تبرعت بما يصلح منها، و بوليصة التأمين الخاصة بي توضح ذلك صراحة بالإضافة لكرت ملصق على مرآة كمودينة غرفتي،
    هنا في امريكا عند استخراج رخصة القيادة او عند تجديدها يسألونك ان كنت ترغب في التبرع بأعضائك في حالة وفاتك، واذا وافقت على ذلك يُكتب على الرخصة Organ Donor وبجانبها صورة قلب، وقد اجبت على سؤآلهم بالإيجاب عند تجديد رخصة القيادة الخاصة بي وقلت للموظفة بعد ما اموت شيلوا الدايرنو كان كلاوي كان قلب كان كرعين انقذوا بيهو حياة مريض محتاج وادو الباقي لأي كلية طب، وضحكت الموظفة كثيراً ودعت لي بطول العمر وجددت لي رخصتي وزينتها بلقب Organ Donor وحملت ذلك اللقب لثمانية سنوات لم استجب خلالها لضغط زوجتي وابنائي بسحبه ولم يسقط مني هذا اللقب الا بعد ان تدخلت والدتي في الأمر عند زيارتها لنا في العام الماضي وبعد استخدامها لكرت العفو الذي يجيد الآباء والأمهات استخدامه ببراعة فائقة ..
    ما زلت ارى ان التبرع بالأعضاء اكثر فائدة للإنسانية من تسميد التربة!!
                  

01-25-2010, 11:44 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: elsawi)

    تبري وتستبري يارب

    ياخ شنو ياخ ؟!(وش هلوع) !
                  

01-26-2010, 00:04 AM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9594

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: elsawi)


    الجندريه ..كيف حالك

    كنت بعتقد انو الهنود فقط هم البحرقو ,لما جيت هنا لقيت الناس ديل برضهم بحرقو

    في ال crematorium وعادي جدا بعد مايحرقو المخلوق دا بعد كم يوم يجو اهلو

    ياخدو الرماد , الظاهر اليوم داك اسمو يوم خم الرماد من هنا جات التسميه والله اعلم

    بالنظر للمملكه المتحده ,ماحصل شفتا فيها ارض فضاء كلها مباني ومزارع خاصه , عشان

    كده ببقاتوفير اراضي لعدد الناس البموتو ديل صعب شويه , وتكاليف الحرق ارخص من الدفن

    وبعدين هو لو حرقوه او دفنوهو او حتى خللوهو , المشكله شنو طالما الروح دي اتخارجت ؟


    حبيبنا الباشمهندس ابوبكر


    Quote: والبقايا العضوية هي التي انتجت النفط


    حصل شفتا ليك بير بترول في مقابر ؟ لووول

    لو حصل يبقى السودان دا كلو كان مقابر , بدليل ابار البترول المكتشفه في الجنوب والغربوالشرق

    والشماليه والجزيره .
                  

01-26-2010, 05:53 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: خضر الطيب)

    لم استطع النوم امس إلا بعد عناء وطرد شديد لطارئ (ماذا افعل بجثتي بعد الموت؟؟)
    شكيتك على الله يا جندرية

    فكرت في ثقافة الموت وكيف نخشاها ونتجنب الحديث عنها والتفكير فيها والتصريح العلني عنها
    جرب مرة قول (يا اخوانا لما اموت..) وقبل أن تكمل الوصية سيكمل من حولك (لا حول ولا قوة..هسة الحصل شنو؟؟ يا زول مالك قول بسم الله،، انت شاعر بي حاجة!!)
    ولو كانت لك قريبة قلبها رهيف ستدمج التساؤل بنهنهة وبكاء (كر علي يا بت امي.. نف نف نف نف،،تبري وتستبري يختي، الله يديك العافية وطول العمر نف نف نف، وتنقلب أماني الوصية قبل الموت إلى مجرد انك زول فقري وجنك نكد، بل أن إحدى صديقاتي اتهمتني مرة بأن لدي ميول انتحارية!!!

    وكنت في فترة سودا من حياتي تعذبت فيها كثيراً، سبحان الله، اتضايق لهذا الدعاء (الله يديك طولة العمر) واتساءل بيني وبين نفسي، القال ليكم منو انا عايزة عمري يطول؟؟!! لماذا من المفترض ان طول العمر هذا دعاء كويس في مصلحة المدعو له؟؟
    هل العمر ده والمشاكل الكثيرة التي نعانيها منه جميل لدرجة التمني بطول العمر لزيادة الهموم والخطوب؟؟
    وهل لو مت صغيرة، شئ سئ؟؟ هل أن مدة حسابي لما تقصر شئ يجب أن نبرأ ونستبرأ منه؟؟

    هل من المريح أن تعيش مع بشر ونفاق وضيق حال وخيانة و و و و و ، كل المعاني الحياتية السيئة التي لا تخلو منها حياة بالطبع، أم من المريح أن تكون بين يدي خالق تعلم أن اسمه (العدل)؟؟
    ده باعتبار انك موحد ومؤمن يعني

    لا أظن أن الموت مصيبة للميت نفسه أكثر من أنها مصيبة لمن حول الميت، فعدت بتفكيري من جديد لمدى أنانية الإنسان وحبه لنفسه،، يعني حتى لما نتمنى طول العمر لأحد الأحباب، إنما نخشى نحن من فراقه، وليس نخشى عليه هو من الفراق، فهو لن يفارق فعلياً ربما هو في رحلة استثنائية لما وراء الطبيعة الذي لا نعرفه
    ربما نحسده لأنه سبقنا لحالة مغيبة غامضة نرغب جداً في معرفتها ونخاف منها بشدة
    يا عزاز

    Quote: أما أنا فاريد الفكاك و حسب ... انتظر الخلاص بشعورين نقيضين، فارغ الصبر و منتهى الخوف ..!!

    منتهى العمق والجنون
    ده شنو يا بت،، امك كان سمعتك بتجضمك
    الله يخليك ليها
    على فكرة انت "مدهشة" بمعنى "الدهشة" الحقيقي وليس بمعنى "كسير التلج" بتاع الشباب
    بالجد مرات بتدهشني افكارك الغريبة
    الله يخليك لي امك يا صغيرة وجاهلة

    دلال
    والغريبة لما افكر في موتي وتأثيره، أتمنى اكون معاهم، أردد بشماتة (شفتو؟؟ شفتو أنا مهمة قدر كيف يا أوغاد!!)

    بالنسبة لحرمانية التبرع بالأعضاء بعد الموت، اعتقد أن الفتاوي ستكثر بين محلل ومحرم، شخصياً فكرت في الموضوع لما اصاب والدتي فشل كلوي وتوفت بسببه، وقتها كنت أتمنى اقلع عيوني وأنا حية واديها ليها ليس لتعيش لي فقط، بل لترتاح ويهدأ لها بال،، فكيف يكون الاستفادة من أعضاء سيتم التخلص منها في التراب حرام وقد تكون في سبيلها لمسح دمعة طفل رضيع يحتاج فعلاً لأم؟؟!! مثلاً يعني
    صدقوا
    قربت اقوم ابكي هسه دي
    شكيتك على الله يا جندرية
                  

01-26-2010, 03:08 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    حذف للتكرار

    (عدل بواسطة abubakr on 01-27-2010, 11:51 AM)

                  

01-26-2010, 03:08 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    حذف للتكرار

    (عدل بواسطة abubakr on 01-26-2010, 04:53 PM)

                  

01-26-2010, 03:08 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: بت قضيم)

    عزيزتي بت قضيم .. اولا المعذرة لك وللمتداخليين حيث ساخرج بالبوست عن مساره مؤقتا:
    Quote: لحرمانية


    صديقتي كاتبة وروائية وشاعرة ما تيسر الا انها كتابة وتعرف هذه اللغة العربية كونها من الناطقيين بها مثل بت قضيم احسن مني والذي من الناطقيين بغيرها ولكنها تصر علي استعمال هذه الكلمة "حرمانية" ولقد اعترضت انا (رغم عجمة لساني) عليها بحسبانها "حرمة" والان اجد بت قضيم تاتي بها ...فارجو الافادة ؟؟ لغتكم دي العلمونا ليها بالدق ما عارفيين ليها اول ولا اخر(الا واحدين منا زي صاحبي وقريبي منذ الصغر-طبعا قرايب كتار بنعرفم بعد ما نعجز- مصطفي البطل لبلب في لغتكم دي وحاستعين بيهو كصدديق في الحالة دي) ...اولا ما درسونا الا "دجاجي يلقط الحبة " و "ظلوط" و "النمر النمر" وبس وبعد داك خلونا برانا نخوض مع الخائضيين وكلهم سباحيين ونحنا يادوبك ناس قيف ساااي ....اها "حرمانية" واللا "حرمة" ...؟؟ انا خايف تطلع "حرمانية" وصديقتي تبهدلني وتخبر الرايح والجاي ...

    (عدل بواسطة abubakr on 01-26-2010, 04:47 PM)

                  

01-26-2010, 10:01 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: خضر الطيب)

    يا عزيزي خضر ....
    Quote: حصل شفتا ليك بير بترول في مقابر ؟ لووول


    الغرض هو الاشارة لفائدة البقايا العضوية في باطن الارض اها بعد مليون سنة كدة رواندا تبقي اكبر مصدر للبترول ... انت بس خليك متفائل لدور ايجابي فعال لجسدك بعد رحيلك بعد عمر طويل
                  

03-05-2010, 12:04 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: Dalal Ezzaldin)

    دلال ازيك

    لوووووووووووول@ يارب يوم القيامه دا يجي وانا حيه

    يابتي الخرف اخير منوالدفن عدييييييل
    لووووووووووووول

    لكن انت مسئولة من الخير عذاب القبر دا كان الزول جنازتو ما اتلقت زاتو وما اندفن والامثلة عديدة
    ما بعذبوهو ؟
    لو كدي فكرة كلنا نزوغ من القصة دي لو هي فعلاً حقيقة

    بالنسبة لفتوى جواز التبرع بالاعضاء لو الامر بهمك شديد يعني
    دي الفتوى لكن قالوا الحق للاولياء ما ليك شفت كيف ؟


    Quote: الحمد لله والصلاة والسلام على رسول الله وعلى آله وصحبه أما بعد:

    فقد اختلف العلماء المعاصرون في هذه المسألة على ثلاثة أقوال:
    1- لا يجوز نقل الأعضاء الآدمية مطلقاً، سواء أكانت أعضاء كافر أم كانت أعضاء مسلم".
    2- يجوز نقلها مطلقاً.
    3- القول بالتفصيل، وهو أنه يجوز نقل الأعضاء الآدمية من الحي والميت، ولكن بشرط ألا يكون الشخص المنقول منه العضو مسلماً، وعلل القائلون بهذا القول ذلك بما يلي:
    ا-أن الحاجة أو الضرورة -إذا وجدت- يمكن دفعها بغير المسلمين خصوصاً أنهم لا يمانعون في ذلك، فقوانينهم تبيحه بضوابط معينة.
    ب- أن الأصل يقتضي حرمة المساس بجسد المسلم بالجرح أو القطع حياً كان أو ميتاً فوجب البقاء على الأصل حتى يوجد الدليل الموجب للعدول والاستثناء منه، إذ الأدلة المانعة من النقل كلها تتعلق بالمسلم، وأما الكافر فلا.
    وعلى هذا فلا يجوز للمسلم التبرع بأعضائه بعد الموت، لأن من شرط صحة التبرع أن يكون الإنسان مالكاً للشيء المتبرع به، أو مفوضاً في ذلك من قبل المالك الحقيقي، والإنسان ليس مالكاً لجسده، ولا مفوضاً فيه، لأن التفويض يستدعي الإذن له بالتبرع وذلك غير موجود، وأيضاً فإنه لا يجوز بيع أعضاء الآدمي.
    بقيت الإشارة إلى مسألتين: التبرع بالكلية حيث أجاز الكثير من العلماء التبرع بالكلية إذا دعت الحاجة إلى ذلك، وقرر الأطباء المختصون أنه لا خطر على صاحبها في نزعها منه، وأنها صالحة لمن نزعت من أجله، كما أجازوا نقل القرنية ( قرنية العين من إنسان بعد التأكد من موته، وزرعها في عين إنسان مسلم مضطر إليها، وغلب على الظن نجاح عملية زرعها، مالم يمنع أولياء الميت

    لمزيد من الفتاوي هاك الرابط دا :
    http://www.islamweb.net/ver2%20/Fatwa/ShowFatwa.php?Opt...twaId&lang=A&Id=4005
                  

01-26-2010, 06:50 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عزاز شامي)

    ياعزاز ...مذهلة انت ....

    كل الكتبناه كوم والكتبتيه انت كوم ....
    جميلة حتي في حزنك المتمرد

    ربنا يخليك

                  

01-26-2010, 11:19 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    عفواًُ احاول ترتيب الرد على المداخلات ولكن لم اوفق

    ــــ
    الحركة دي بعملوها كيف بالله؟
                  

01-26-2010, 02:09 PM

Dalal Ezzaldin
<aDalal Ezzaldin
تاريخ التسجيل: 06-19-2008
مجموع المشاركات: 1406

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    Quote: والغريبة لما افكر في موتي وتأثيره، أتمنى اكون معاهم، أردد بشماتة (شفتو؟؟ شفتو أنا مهمة قدر كيف يا أوغاد!!)



    انا ببكي بكى كان شوفتي بي وجعت قلبي كمان

    Quote: بالنسبة لحرمانية التبرع بالأعضاء بعد الموت، اعتقد أن الفتاوي ستكثر بين محلل ومحرم، شخصياً فكرت في الموضوع لما اصاب والدتي فشل كلوي وتوفت بسببه، وقتها كنت أتمنى اقلع عيوني وأنا حية واديها ليها ليس لتعيش لي فقط، بل لترتاح ويهدأ لها بال،، فكيف يكون الاستفادة من أعضاء سيتم التخلص منها في التراب حرام


    ربنا يرحمها ان شاء الله .. سمعت الكلام دا من شيخ في التلفزيون ما مذكراهو منو .. قال انو المرض دا ابتلاء من الله
    لازم يصٌبر عليه .. وانو التبرع بالاعضاء هي محاوله للتدخل في حكم الله او حاجه زي دي .. باحاول افتش الموضوع دا وبجيك
                  

01-26-2010, 03:12 PM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: Dalal Ezzaldin)

    Quote: لو عايزة جادة اتبرع بأعضائي بعد موتي
    وين وكيف ممكن اسجل الرغبة دي خصوصا ًأنه لازم أول ما اموت يقوموا يشيلوني يودوني للجهة الحتقبل بأعضائي لان لو اتأخرت شوية الأعضاء بتبوظ (ما يفوتك أنها من الأساس مااااا كانت تمام يعني)


    بت قضيم
    حصل لى الشرف
    هنالك فقرة فى رخصة القيادة أو البطاقة الشخصية الأمريكية تعطيك الخيار أن تتبرع بأعضائك حال موتك..
    فعليك قيادة حملة لإضافة ذلك للرخصة والبطاقة السودانية أو البلد الذى تقيمين فيه.

    الجندرية
    دامت الصحة والعافية
    بالله قبل موضوع الموت دا ألحقى مصطلح الجندر وانقذيه من رجال ونساء المنبر..
    وذلك لأنك مسؤولة عن هذا المصطلح وقد لايكون فهمه أكثر من نص فى المية حتى الآن!!
                  

01-26-2010, 06:16 PM

noon
<anoon
تاريخ التسجيل: 02-11-2002
مجموع المشاركات: 684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: Balla Musa)

    Dear Amani,
    Don’t think too much, they will know what to do “b3d 3mr 6week”

    Quote: هنا في امريكا عند استخراج رخصة القيادة او عند تجديدها يسألونك ان كنت ترغب في التبرع بأعضائك في حالة وفاتك، واذا وافقت على ذلك يُكتب على الرخصة Organ Donor وبجانبها صورة قلب، وقد اجبت على سؤآلهم بالإيجاب عند تجديد رخصة القيادة الخاصة بي وقلت للموظفة بعد ما اموت شيلوا الدايرنو كان كلاوي كان قلب كان كرعين انقذوا بيهو حياة مريض محتاج وادو الباقي لأي كلية طب، وضحكت الموظفة كثيراً ودعت لي بطول العمر وجددت لي رخصتي وزينتها بلقب Organ Donor وحملت ذلك اللقب لثمانية سنوات لم استجب خلالها لضغط زوجتي وابنائي بسحبه ولم يسقط مني هذا اللقب الا بعد ان تدخلت والدتي في الأمر عند زيارتها لنا في العام الماضي وبعد استخدامها لكرت العفو الذي يجيد الآباء والأمهات استخدامه ببراعة فائقة ..
    ما زلت ارى ان التبرع بالأعضاء اكثر فائدة للإنسانية من تسميد التربة!!


    Bit Godeem read the story and think a 1000 of time before you decide to be an organ doner.

    Elsawi you better listen to your wife. I have a real experience with this matter. I had a co-worker who was an Organ Donor. He had heart attack while he was at the office doing his job. We did CPR to him which helped to keep him a life till we rushed him to the hospital. Over there, his situation was deteriorated. His brain was not functioning well “partially dead “. He can breathe on his own but not able move. So the doctors explained to his family his status and he could be living like that for a quite bit of time but also, they can give him something to put him into sleep in a peace and rest (kill him in other term). The family decided to keep the father a life. They spoke to the hospital about their decision of keeping their father a life under the hospital care. Few hours later, the family was informed that the father will be moved to other part of the hospital for his comfort and they will let them know the place as soon as they finish form all the arrangements. One day later, the family received a call from the hospital telling them that the father didn’t make it and passed away. It was obvious to everybody that since he was an organ donor they expedited his death so they can benefit from his organs.

    Noon
                  

01-26-2010, 11:29 PM

JAD
<aJAD
تاريخ التسجيل: 02-05-2002
مجموع المشاركات: 4768

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: noon)

    Quote: لماذا لا يكون لنا الحق في التصرف بجثامينا؟



    سلاااااااام أختي الجندرية..

    قولي بسم الله ..


    لك قصب السبق في هذا العنوان .. فهو أول بوست بهذا العنوان .. في تاريخ هذا المنبر على ما أذكر ..


    أعتقد أن علاقة الإنسان بجسده تنتهي بخروج الروح .. بعد ذلك يتلاشي ويصبح تراباً كما بدأ خلق أبينا الأول آدم عليه السلام ..

    فهو عارية مستردة .. مثل الغرفة المستأجرة .. بعد انقضاء المدة يتخارج الساكن .. ويحمل معه متاعه .. والمتاع هنا تمثله الروح ..

    وما يقام به من دفن إنما هو إكرام لهذا الجسد .. وهذا الإكرام تأتي له من قيمة الروح التي كانت تحل به .. وإلا فهو جسد كأجساد الحيوانات النافقة .. فلا أحد يأبه لجثة حيوان مرمية في البرية .. فبهذه الروح وما حوته من عقل .. كرم الله الإنسان .. وجعل حرمة انتهاك جسدك ميتاً كحرمته وهو حي .. ومن تكريم هذه الجثة مواراتها الثرى ..

    ولو أن كل جميل من لدن آدم حتى يومنا هذا أوصى بحفظ جثته لما وسعتنا هذه الأرض ما جثث الأموات ..

    أتمنى للجميع عيشاً حميداً وخاتمة سعيدة ..


    جاد
                  

01-27-2010, 00:29 AM

Raja
<aRaja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: JAD)

    أمونة يا حبيبة..

    ألف بعد الشر.. وبعد عمر طويييل إن شاء القدير

    من كم يوم إتفرجت على برنامج في الجزيرة عن التبرع بالإعضاء. وكان في لقاء مع أب وأم إتبرعوا باعضاء ولدهم العمره 17 سنة.
    ما تتخيلي كانوا فخورين قدر شنو.

    أنا زي أخوي الكاشف (عزوز). برضو ناوية أتبرع بعيني السليمة (التانية ما حتنفع زول) ولو القلب لسة فيهو مساحة حب ما ببخل بيهو على زول /ة. أما الكبد وباقي العفش لو لقوهوم سلام برضو ما بيغلو على محتاج.





    ــــ

    برضو بفكًر إنو جثتي يأخدها "هوراشيو" داك بتاع (سي أس آي ميامي) ويشوف اسباب الوفاة شنو ويمشي يقبض على القاتل:)))))
                  

01-27-2010, 01:31 PM

noon
<anoon
تاريخ التسجيل: 02-11-2002
مجموع المشاركات: 684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: Raja)

    غايتو يا اماني جبتي لينا موضوع هاربين منو سنين
    من ما قريت النوست دا و انا بفكر في الموضع دا
    عارفه, انا من ما والدي مات و انا كل يوم بدعو ليهو و
    بقول يا لله هو قاعد كيف في القبر, لما إشوفو في
    النوم لابس سمح و شكلو سمح برجع لي كلام
    حبوباتنا إنو مرتاح في قبرو
    عارف لما مات كتبوا في ورق الجثمان شنو body remain
    يعني بعد ما نموت حا نكون بس remain

    اماني تاني بعد الشر عليك

    Noon
                  

01-27-2010, 04:46 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: Raja)

    يارجاء ..

    Quote: برضو بفكًر إنو جثتي يأخدها "هوراشيو" داك بتاع (سي أس آي ميامي) ويشوف اسباب الوفاة شنو ويمشي يقبض على القاتل:)))))


    وحتتعبي هوارشيو علي ايه ما المكان الانتي قاعدة فيهو ذاتو قاتل يعني هوراشيو حيقبض علي االبلد الانتي فيها كلها ...
                  

01-27-2010, 07:11 PM

Raja
<aRaja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    هههههه يا ابو بكر..

    ما تتخيًل قاعدين يكيًفوني كيف ناس هوراشيو. ديل بيجيبو ليك القاتل قتلك كيف كمان؟

    أها كان للمكان. الجندرية دي قاعدة من كم تاشر سنة فيهو. أتاريها بدات تسأل..

    ـــ
    أصحابك الخواجات هنا ما تتخيلهم متوترين قدر شنو. ومستغربين من حوامتي لأنصاص الليالي افتش على العشا. عندي أصحاب قاعدين يتصلوا بي كل 3 ساعات. وطالبين مني كمان أتصل بيهم في نص التلاتة ساعات. كل ده عشان يطمئنوا مافي عوجة جات لزول فينا. هو مش الموت واحد كان من ناس القاعدة أو الحوثيين أو عصابات نيو يورك وفيلادلفيا..؟

    تحاياي يا ملك
                  

01-27-2010, 08:12 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: Raja)

    يا رجوية

    Quote: أها كان للمكان. الجندرية دي قاعدة من كم تاشر سنة فيهو. أتاريها بدات تسأل..


    وانا قول البنية مالا مكدرة مزاجا بامور ما بعد الرحيل واتاري هي عند زبائن هوارشيو من زمان ؟؟
                  

01-30-2010, 08:41 AM

Ashraf el-Halabi
<aAshraf el-Halabi
تاريخ التسجيل: 10-08-2006
مجموع المشاركات: 5508

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: abubakr)

    "بعد حين يتقاذف الدود أخبارنا
    فانظري إلى أي دود يقود العتاب!"

    سلامات يا جندرية
    نميمة الدود دي مقلقة شوية
                  

03-02-2010, 06:43 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عزاز شامي)

    العزيزة عزاز

    اريتك طيبة

    يا بت امي مالك علي بالدعوة دي ، اول شي السطرين من هسي فطيناهن باقي لينا الحوامة ودي وحاتك خريف والتاني بتبقى علينا لووووووووول
    بعدين جنس بدار بعد دا علي انا شخصياً مافي ، غايتو وصلنا متوسط عمر النساء في اليمن تاني شنو لووووووووول

    شفت يا عزوز اختلافك مع اخونا المسافر دا ، وتثبيتك للحق في التصرف بالجسد اثناء الحياة وبعدها دا ، حيخليني ادعو ليك تاني في نفس اليوم " ان شاء الله يا عزاز لا تفوتي لا تموتي "
    لانه دا زي ما قلت وعدت وزدت عضم البوست وجوهره
    البحصل بعد داك الله كريم علينا فيهو ، بس في الاول نقدر ناخد حق التصرف دا
    اما عن درويش يا حبيتي فقد كانت الجدارية انجيلي لاعوام
    ثم نص تماضر " يا ملاك الموت هل كانت ظريفة " في رثاء امها ، شفتيهو يا عزاز ؟
    وبعدين نص الفاضلابي ، اظنه معنون الموت ، لكن في حتة منو لاصقة في ذاكرتي الفاطة تلاتة سطور دي
    لمن يتكلم ليك مع صاحبو المات زي كانو سافر ويكسر رهبة الموت ورهاب تقديس الموتى
    هو الموت ده كيف..، نص جميل بشكل



    Quote: هو الموت ده كيف..
    لا فيهو أصحاب زينا
    لا ونسة لا شاي لا غنا
    بس يعني كان لاحق شنو
    ولقيت هناك في الموت منو
    يا صحبي أحسن مننا

    زعلان زعل منك أنا
    ما كان تموت


    المهم يا صاحبتي الموت دا كلامو كتير خالص ، لكن ما دايماً بنصاب بالدهشة عند سماع خبر موت احدهن / م ، مرات في حالة كدا ما تعرفيها خدر ولا صبر ولا لامبالاة و لا شنو بالضبط
    اول مرة اتعامل مع الحدث دا من قريب كان لمن سألت عن طفلي البكر والكنت سمعت صوته بس بعد الولادة ورحت في غيبوبة لما افقت منها وسألت جاوبتني الممرضة انو مات ، كدا
    ثم وضعوا علي حجري جثته الصغيرة
    شفت يا عزاز تعبير حرقة الحشا دا ؟
    كل ما اسمع الناس بتداولوه بقول جابوهو من وين ؟
    لانه ما شعرت سوى ببروده تعم رئتي وتحيل انفاسي نعناع
    حرقة الحشا دي جابوها من وين ؟
    المهم لمن رجعنا البيت
    اصحاب الفتاوي قالوا لازم الطفل يتم غسلو كما الميت الكبير
    لانه عاش بضع ساعات
    لم اكن بحالة تسمح لي بحضور الطقس دا وانا خارجة من ولادة متعسرة
    لكني اصريت على رؤيته
    تأملته مليا يا عزاز
    ولا زالت ملاحمه محفورة في الذاكرة ام قدود
    راسخة كاني ولدته اليوم ، وقد كان هذا الامر قبل 17 عام
    كلام العوض دا برضو طلع كلام ساكت ما بعرف السودانيين جابو التعبير بتاع ربنا يعوضك القدو بيهو اضاني طيلة سنين بعد رحيل صغيري دا من وين؟
    البمشي ما بتعوض خالص
    انجبت تلاثة بعده ولكنهم لم يكونوا هو يتعوض كيف يعني ؟

    المهم يا ستي زي ما قال الدرويش

    Quote: وماذا بعد؟
    ماذا يفعل الناجون بالأرض العتيقة ؟
    هل يعيدون الحكاية؟ ما البداية؟
    ما النهاية؟
    لم يعد أحد من الموتى ليخبرنا الحقيقة ....
    محمود درويش – جدارية


    فاحسن نسيب الموت ونشوف قصة الحقوق دي
                  

01-30-2010, 08:48 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    الخال ابو بكر و بنت قضيم،
    بنت قضيم و الخال ابو بكر
    لا تفوتوا لا تموتو و تشكرات بقدر العشم ....
                  

01-30-2010, 11:20 AM

منتصرمحمد زكى
<aمنتصرمحمد زكى
تاريخ التسجيل: 11-04-2009
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عزاز شامي)

    خارج نطاق التغطية !!
    اللهم أحفظنا من الهضربة في اليقظة والمنام ... آمين يارب
                  

01-30-2010, 12:55 PM

بدري الياس

تاريخ التسجيل: 11-29-2004
مجموع المشاركات: 904

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: منتصرمحمد زكى)

    Quote: ذكرتنيي امي امنة الله يرحمها
    وصت قبل موتها انو ما يعملو ليها المحلبية في الحنوط
    قالت بتقوم عليها الدبس
    لووووووووول


    والله الضحك الضحكتو ده -ولي منو زمن- ابداً ما من البيرة الساقطة البشرب فيها دي..
    ،
    المرحومة عسسسسسسسسسسسسسل
                  

01-30-2010, 08:03 PM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    الروح لا تحرق
    تظل مؤرقة لاصحابها
    ولكن ...
    حرق وعيك
                  

01-31-2010, 05:42 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 4028

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: ASHRAF TAHA)

    الجندرية سلام
    انا حضرت عدد من الحروقات عند اهل زوجتي الهندوس
    بعدين بشيلو الرفات بودوهو للبحر ‘ يذروهو و يمشو يتاوقو
    يشوفو الشكل الأترسم في الموية لو طيرة معناها الزول ده روحو حتمشي تستنسخ
    في طائر و هكذا
    بعدين الصندل البحرقو بيهو يكفي عشرين عرسة و بعضهم بيحتفظ بالرماد في
    برطمانية يعني ده لو حصل ليك نختك في برطمانية بيكون خيار ( خللوه)


    الله يطول عمرك
                  

02-01-2010, 07:30 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    جندرية و الضيوف الباحثين عن ظل للظل ... شاهدت اليوم فيلما عن رواية قراتها الصيف الماضي Namesake، قصة طويلة عن زوجين بنغاليين استقرا في الولايات المتحدة و استقرت كلكوتا في أعطاف أرواحهم، تدثرت الأم بالساري طوال سني الغربة، نقطة حمرا قانية تتوسط حاجبيها الوسيمين و ظل الزوج يلهج بإنكليزية مشوبة بالكاري ، انجبا فتاة و صبي تنازعتهم حضارة انكل سام و ووطن حار معبق بأرواح ملايين بالرغم التعب تلوح للقادمين و الراحلين بحب ... المهم يا ستي الجاب السيرة شنو انو (أشوق) بطل الفيلم لما مات على بعد أميال من منزله و ابلغت طبيبة متدربة زوجته بصوت واضح لا يخطئ مخارج حروفه بأن زوجها فارق هذه الزائلة و تود أن يأتي أحدهم للـ ووووو وباقي الخزعبلات التي يبصقها في وجهنا الغرباء الموكلون بنقل أخبار تتداعي لها النفوس الجبال، خرجت تلك الغريبة في برد بلد لا تقف لالتقاط انفاسها و بكته بدمع سخين على نجيلة تجهلها، المهم يا ستي جا بلغوا ولدها الكان مع صاحبتو الامريكية أم شعر أشقر وايقظه موت أبيه من غيبوبة استلاب غيبته عن إرث لا يغيب برغم بهرج الحضارات و نظام الضرائب الحصيف .. حلق شعره و تلفح برداء أبيض و أبن والده كبنغالي أصيل و غادروا لمسقط رأس ابيه ليذروا روماده في (الغانج )، كان طويلا مهيبا بشارب صارم و لكن للنار فعلها فحوته آنية نحاسية لو رأيتها في غير موضع لأخترتها ىنية للزهور .. ذروه رمادا في نهر شقته قوراب صغيرة يجدف فيها بسطاء يغنون و في أقصى يمين الشاشة – لا أعلم ان كانت شمالا أم عكسه – جسر يعبره الفانون يوما يحثون نحو أمور دنيا لا تعبأ بشأننا قيد أنملة .. اراحو زهورا حمراء قانية على ورقة خضراء كبيرة تتبع رماد كائن كان يوما هنا .. ذاب الرماد سريعا و اختلط بماء (الغانج) و علقت بعضه بساري رفيقة دربه ... استوقفني المنظر طويلا ففوت ربع الفيلم أفكر في قيامة (أشوق) ذاك، هل سيعود الرماد جسدا محترقا و يكسوه من بعد جلدا جديد، و تلك العررجة في قدمه هل ستعود أم سيعود منتصبا بلا عيب؟ و نظارته تلك ذات الإطار السميك، هل تعود يوم القيامة أم ان بصره يومئذ حديد؟

    I wandered lonely as a cloud
    That floats on high o'er vales and hills,
    When all at once I saw a crowd,
    A host of golden daffodils;
    Beside the lake, beneath the trees,
    Fluttering and dancing in the breeze

    ابيات من قصيدة وليام وردزروث قرأتها (أشيما) الام عندما جاء أشوق لخطبتها لتبرهن على اتقانها للغة الانكليزية، وظلت ترددها إلى ان عادت لوطنها الذي فارقته جسدا و عادت اليه في منتصف اربعيناتها لتكمل ما بدأت من لحن و لتحقق نبوءة اسمها الذي يعني (بلا حدود) و سنمشي ذاك الدرب وحيدين كغيمة نظلل تلا هنا و سفحا هناك ... إلى ان يحين موعدهطولنا مطرا على أرض الميعاد، جنة مشرعة أبوابها ...
                  

02-01-2010, 09:08 PM

عبدالله الشقليني
<aعبدالله الشقليني
تاريخ التسجيل: 03-01-2005
مجموع المشاركات: 12736

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عزاز شامي)




    إلى الجندرية ،

    التحية لكِ ولأضيافكِ الكرام وضيفاتَكِ الفضليات ،
    سلام لكِ وأنتِ في الأعالي :
    التي تجيء كما تشاء وتذهب كما تشاء ، تماماً كالطائرة السودانية .

    تأتي لنا بحافزٍ ملفوف في منديل الزمن الخُرافي ، وتُطلق الأذهان إلى فضاء التفكير .
    أول مرة أزور السودان من بعد أربعة عشر عاماً . جلستُ قرب أبي ، وسألته كيف حالك ،
    وكنتُ في كل مرة أعده " إن القدم ليها رافع "
    ولم أكن أتراخى ، ولكنها عُسرة من لا يستطيع أن يتفكر في حضور كل المختلفات والمتآلفات
    أن أكون بعيداً عن الأهل والأحباب ، حتى فاجأني الجميع : نساء ورجالاً بدموع لم أكنُ أحسبها
    تستحلب ضروع العواطف الصادقة والمحبة التي اكتنزت ،
    وترهلت ثم فجرها وجودي في عطلة عيد الأضحى .

    قال لي والدي وكنتُ خجلاً ليس لدي العذُر في مواجهة غيابي عن أخواتي وإخوتي ووالدي :
    ـ أنتَ أكثر أبنائي " مَحَنَّةً "

    وعجبتْ ، وقلت :
    ـ وهند ونِزار ،
    فأردف : كتر خيرهم كانوا نعم الوفاء ، لكنك أكثرهم حِنيةً .

    وأعجب ما عجبت ، هي من لفائف الأحضان التي نعُمت بها ،
    أذكر أني كنتُ على جانب كبير من الواقعية ، وأنعم برومانسية غريبة اليد واللسان !
    أذكر عند وفاة خالي " برعي " كنتُ أجلس مع أبي وحدنا في غرفة " البرود " ، وذلك بعد أن
    أخرجنا من الغرفة الذين يبكون من أهلي وأشقاء الراحل . بيُسر أغلقت الباب دونهم ، وجلستُ مع أبي
    في طقس " برود خَرَاج الروح " : اتجاه القبلة ، الغُسل ، الوضوء ، قفل المنافذ . وانتظار " الحنوط "
    لحين الغسل الكامل واللفائف الثلاث ، والأربطة من بعد القدمين ومن بعد الرأس ، وعقدة الوسط .....

    كنتُ مع المراسم كأني أغسل طفلاً صغيراً ، وحجبت عن ذاكرتي كل تاريخي معه ، فالعواطف النقية يتعين تأجيلها
    لحين إتمام المراسم . وكنتُ على الضفة الأخرى كأني جسم غريب جاء لصناعة المراسم بنظام وبطء ويُسر .

    ومن بعد يومين أو ثلاثة أيام يمُر شريط العُمر ويطوف معي ، وتترقرق العيون بملح ندي ...
    هذا يا سيدتي ما تفعل بنا الدُنيا ،
    أنا في بلاد تقوم الشؤون الدينية بتعيين الذين تختبر معلوماتهم الدينية والخلقية قبل أن يتم قبولهم لتنفيذ مراسم
    تجهيز الموتى ، وهي وظيفة تُعنى بها الدولة ،
    وعندنا في السودان " كان العم عبد القادر توتو " هو وصحابته هم الذين يحفرون القبور ويوارون الجثامين الثرى ،
    ويقرءون من الذكر الحكيم ما تيسر من السنة النبوية قبل الفراق . لا يأخذون مالاً ولا مُكافأة ، بل يتنسمون ريح العافية
    فقد قال لي " العم توتو " ذات مرة :
    ـ إن مولاة الميت إلى سترته ودفنه تأتينا بالعافية ، فكم من رفيق من الشباب كانت أسنانه تصطك من حمى الملاريا ، فيهُب إلى الفلاح ، وينام من بعد أن يتم الواجب ، ويتعرّق ليله كله ويصحو معافى !!.
    قال لي ذات مرة :
    ـ هنا سيدةٌ لم نكن نعرف أنها مدفونة هنا ، كانت الأرض مُنبسطة وحفرنا فعثرنا على الثوب الأبيض والجثمان كاملاً مُغطى ، ورائحة "الحنوط " وقد فاحت من حولنا . وشكرنا الرب ، أن لديه من عُباده من يصطفي . ووارينا التُراب مكانه ، وبحثنا عن موضع آخر .

    أيكفي يا سيدتي وأشدّ الرحال أم أنثر ؟ ....
    ألف سلامة لكِ سيدتي ،
    نسمع عنك كل الخير ، ويغطيك المولى بجلال كسائه ، ورونق بهائه ، وهو قد أجزل العطاء بأن صنع النفوس التي
    اختارت المحبة . صدره أوسع من خطرات الفكر ، وفضاءات الغياب . نوره عافية لمن يتقلب في الشُكر .

    هذه الأرض تُضيء بالأرواح النضرة ، وعلى العشبِ محبة ، وفوق النخل أصابع زاد ،

    *

    (عدل بواسطة عبدالله الشقليني on 02-01-2010, 09:10 PM)

                  

02-01-2010, 09:25 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عزاز شامي)

    ظللت أتفادى الكتابة في هذا البوست الغريب وأتابع كل حرف خط فيه ،
    أهرب منه في العلن وأقرأ في الخفاء لأسباب كثيرة فشلت في الإمساك
    بتلابيب أي منها رغم معرفتي الواضحة بها.
    من العسير جدا أن نتصالح مع ما لاندرك كنهه ويأتينا كل يوم ولا ندري من
    أين يأتي ويتخيّر خيارنا كل يوم ، الموت حدث كبير بسيط وعادي وعدو
    إستثنائي يتربص بنا لايوفر أحدنا،
    المسأله يا جندريه ليست في الجثة لأنها مكون هيدروجيني كربوني نتروجيني
    لاتتعدى أصوله الجدول الدوري للعناصر الكيميائية وذراتها
    لا أكثر حتى اختزلها أحدهم بالقول أن الجسد ليس إلا mad dance of electrons
    وبالطريقه دي ، كما قال ذات الشخص ، يكون كل منا إبن عم الطاولة الخشبية
    أو الشاشة التي نقرأ فيها الآن ومن باب أولى كل الكائنات والأكوان من حولنا.
    المعضلة لاتكمن في الجثة يا جندرية فهي الهاردوير المرئي وإنما تكمن في السوفتوير
    - الروح والنفس – وصيرورتهما ، هناك كل شئ يا سيدتي فالجسد ، كما يقول ابن سيرين
    هو أدوات الروح للإستخدامات الأرضية، الروح هي ما يهمنا لأن قانون التأقيت
    لايسري عليها ..

    نواصل
                  

02-02-2010, 06:59 AM

عمر عشاري
<aعمر عشاري
تاريخ التسجيل: 08-22-2009
مجموع المشاركات: 1777

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: محمد المرتضى حامد)

    الجندرية
    وضيوفها

    سلامات

    ماذا عن البحر

    الذين دفنوا في عتمة الموج ؟؟؟

    غريب هو البحر يحتفظ بمن احبهم ويلفظ آخرين

    ...لعناية التربة ...

    البحر ياجندرية وحده يفتح أسئلة غامضة

    فاالناس ولغرابة الموت

    لايوقنون به إلا بحضور الجثة

    حضور يؤكد الغياب

    ولا أستطيع ان أتجاوز ذكرى رحيل إبن الجيران

    أقول رحيل ولا أقول موت
    لأن أمه حتى الآن تنتظر طارقا للباب يؤكد حياته أو موته بعد مرور أشهر على مغادرته بصحبة الموج
    دائما ماتتساءل
    ( طيب لو مات جثمانو وينو ؟؟؟)

    يالقسوة البحر
                  

02-02-2010, 06:59 AM

عمر عشاري
<aعمر عشاري
تاريخ التسجيل: 08-22-2009
مجموع المشاركات: 1777

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: محمد المرتضى حامد)

    الجندرية
    وضيوفها

    سلامات

    ماذا عن البحر

    الذين دفنوا في عتمة الموج ؟؟؟

    غريب هو البحر يحتفظ بمن احبهم ويلفظ آخرين

    ...لعناية التربة ...

    البحر ياجندرية وحده يفتح أسئلة غامضة

    فاالناس ولغرابة الموت

    لايوقنون به إلا بحضور الجثة

    حضور يؤكد الغياب

    ولا أستطيع ان أتجاوز ذكرى رحيل إبن الجيران

    أقول رحيل ولا أقول موت
    لأن أمه حتى الآن تنتظر طارقا للباب يؤكد حياته أو موته بعد مرور أشهر على مغادرته بصحبة الموج
    دائما ماتتساءل
    ( طيب لو مات جثمانو وينو ؟؟؟)

    يالقسوة البحر
                  

02-02-2010, 09:11 AM

داليا حافظ
<aداليا حافظ
تاريخ التسجيل: 06-06-2008
مجموع المشاركات: 5055

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عمر عشاري)

    Quote: سودانير الوحيدة التي بامكانها ان تعطيك ضماان الحرق ما بعد شراء التذاكر





    لكنه حرق لأحياء ..والفرق كبير كما تعلم يا أساسي وما أقساها من معاناة ، قبل هذا البوست لم

    أفكر في مصير جثتي ..بقدر ما فكرت في طريقة موتي ..كيف سأموت ؟، دائما يراودني شعور بانها

    ستكون مفجعة ـ اقصد طريقة الموت ـ وأخشى كثيرا من موتي محترقة ..لذا توقفت كثيرا عند مداخلة

    اساسي .. فهذا الأمر يقلقني جدا ..


    ــــــــــــــــ

    شكرا الجندرية


    أفكر في التبرع بأعضائي بعد الموت ..علها تهب حياة أخرى ..
                  

02-03-2010, 04:57 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: داليا حافظ)

    العزيزات والأعزاء
    غبت لبعض شؤون هذه الجميلة اللعينة كما وصفها صديقنا عادل عبد العاطي في بوست رقية وراق
    لاعود وقد امتلئت جنبات المنبر باالرحيل:

    * خالتي علوية صديقتي وام صديقتي لمياء
    & ماجدولين صديقة صديقاتي
    * والدة الزميلة اماني كرار
    * والخبر المزلزل بفقد الحميم معتصم

    شاكرة مداخلتكم / ن
    ساعود لها ريثما تهدأ الأحزان لو استطاعت إلى ذلك سبيلا
                  

02-03-2010, 10:28 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    في كتاب (عالم الأرواح) حكت تلك الطبيبة الشابة التي أصيبت بأزمة قلبية
    أثناء العمل كيف أنها فقدت وعيها لبضع دقائق وخرجت من جسدها وارتفعت
    إلى الأعلى لترى جسمها مطروحا على طاولة وزملاء العمل يحاولون إسعافها
    وهم مذعورون ويبذلون الجهد بتدليك القلب اليافع كي لايتوقف ، كانت
    تنظر إليهم من الأعلى جزِعة وتتمنى ألا تنجح مساعيهم كي لاتعود إلى ذلك السجن
    النحيل الذي يزن 60 كجم لأنها، وفقا لروايتها ،أحست شعورا بالخفة
    والجزالة ورشاقة تبعث على الإيفوريا ، وكأن أحدهم كان يغني سرا:
    ضامر قوامك لان .... قلبك قِسا وجافيت.
    لكن لسوء حظها - هكذا قالت - نجحوا في محاولاتهم وعادت إلى
    الجسد المسجى. هي الآن تشتهي تلك الحالة ، حالة التحليق والإنعتاق
    من تلك (الحراسة) مرة أخرى ، حالة التضاد مع كلام نيوتن وسوالف
    الجاذبية البِتحَرِّق الروح ، هنا فقط تعرف معنى (أنت السماء بدت
    لنا واستعصمت بالبعد عنا). قالت إنها تريد أن تعيش ذلك الشعور
    الذي لايوصف مرة أخرى ، بالطبع حتما ستحسه وإن طالت سلامتها.
    بعض الوسطاء قالوا انهم أحسوا ذات الشعور فيما يعرف ب
    (الطرح الروحي) وفقا لما تدعيه جماعات ( تحضير الأرواح).


    يا روحي ..
    أنصفني..
                  

02-03-2010, 11:19 PM

سارة علي
<aسارة علي
تاريخ التسجيل: 07-08-2008
مجموع المشاركات: 4413

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: محمد المرتضى حامد)

    الموت ..
    الموت...
    باب لا بد منه وسهل الدخول علي الوالج..
    ولا زال الناس من قديم الزمان الي يومنا هذا يكثرون الحديث والقول فيه وعن ماهيته..
    وغاية ما يقال فيه أن هذا الباب نحن في طريقنا للدخول اليه وليس العكس بمعني الخروج منه..
    ومنطق الاشياء يقول اننا اجتزنا فيه مسافة وانها مسألة وقت وحساب..
    اعلم انها روح ساكنة في بدني..الي حين..

    (ويسألونك عن الروح قل الروح من أمر ربي)
    ــــــــــــــــــــــــــــ

    (يعني بالدارجي كدي الروح دي زي المأجرة جسمي دة لمن الله يهون والجسم يبقي أيل للسقوط بعد داك تتخارج الروح دي خروج نهائي..الجسم بعد داك خلاص ما بينفع فيه اي عملية ترميم ..فجسمي دة ما هاين علي يتهردم بي كراكة..بس)
                  

02-04-2010, 04:00 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: سارة علي)

    هل اغضبت تساؤلاتي المشروعة عزرائيل ؟
    ما باله يعمل بهمة زائدة هذه الايام وسط احبابي ؟
    مع انها اسئلة حول ما بعد الموت

    اليوم اضيف لقائمة اللذين احزنني غيابهم / ن حد فقدان شهية الكتابة

    صديقة بت خالي عبد الصادق محمد علي

    صالحة النسا

    كما وصفتها امي في مناحتها الطويلة ليلة امس وهي تبكي شبابها ولطفها وشجاعتها

    صديقة غيبها الموت بسبب سرطان الكبد الذي كشفوه عنه قبل عشرين يوم فقط !!!!

    رحم الله صديقة واعان والدتها وابيها وزوجها واطفالها وكل احبابها على الم فقدها

    (عدل بواسطة الجندرية on 02-04-2010, 04:05 PM)
    (عدل بواسطة الجندرية on 02-08-2010, 08:42 AM)

                  

02-08-2010, 05:43 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    يا اهل الخير
    سؤال جاد جداً
    كيف اخلي الردود مرتبة
    يعني ارد على كل مداخلة تحتها مباشرة؟؟
    قدر ماحاولت ما عرفت
    واهو الردود بقت مشتتة والقصة دي متعبة في المتابعة خاصة لما البوست يكون طويل

    راجعة للجميع مع الود والتقدير
                  

02-10-2010, 10:00 PM

عشة بت فاطنة
<aعشة بت فاطنة
تاريخ التسجيل: 01-06-2003
مجموع المشاركات: 4572

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: الجندرية)

    Quote: كنت افكر جادة حين طرح هذا التساؤل وارسال البوست في النقاش حول امتلاك الحق في التصرف بالجسد بعد الوفاة ابتداءً
    وامكانية توفر طرق متعددة تناسب كل شخص :

    جندرية يا حبيبة هو جتتنا ولا جسدنا دا في حياتو مدننا حرية التصرف في !!؟ نحنا اجسادنا مصادرة من المهد والى الحد ..

    (عدل بواسطة عشة بت فاطنة on 02-11-2010, 09:06 PM)

                  

02-11-2010, 04:11 AM

El hadi A.bashir
<aEl hadi A.bashir
تاريخ التسجيل: 11-27-2007
مجموع المشاركات: 329

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: عشة بت فاطنة)

    Sister/ Jandria, Or Gandria
    Salaaaaaaaaaaaaaaam

    I have recieved this E-Mail sometime today
    .I said to myself Why should'nt posted it at ur your POST? if u don't mind


    كمسلم ماذا تعرف عن دفن رسول الله ؟




    لاإلــــــــــــــــــه إلا انــــــت سبحانـــك إني كنتُ مـــــن الــظالمـــين



    لا إله الإ الله .. محمد رسول الله




    ماذا تعرف عن غسل وكفن ودفن الحبيب محمد صلى الله عليه وسلم
    السلام عليكم ورحمة الله وبركاته
    بعد وفاة الرسول صلى الله عليه وسلم ،أقبل ابي بكر الصديق والصحابه على تجهيز الحبيب صلى الله عليه وسلم،


    فتولى غسله آل البيت وهم

    علي بن أبي طالب

    والعباس بن عبدالمطلب


    والفضل وقثم ابنا العباس

    واسامه بن زيد

    وشقران مولى رسول الله صلى الله عليه وسلم.



    فكان العباس وولداه يقلبان الحبيب صلى الله عليه وسلم




    واسامه وشقران يصبان الماء



    وعلي يغسله بيده فوق ثيابه



    فلم يفض بيده إلى جسده الطاهر قط، فلم ير من رسول الله صلى الله عليه وسلم ما يرى من الميت،

    وكان علي يغسله ويقول : بأبي أنت وأمي ما أطيبك حياً وميتاً.



    وكفن الحبيب صلى الله عليه وسلم في ثلاث أثواب



    ، ثوبين صحاريين وبُرد حبرة أدرج فيها إدراجاً .



    ومن آيات نبوته صلى الله عليه وسلم أنهم اختلفوا هل يغسلونه كما يغسل الرجال بأن يجرد من ثوبه،



    فأخذهم النوم وهم كذلك وإذا بهاتف يقول : غسلو رسول الله صلى الله عليه وسلم وعليه ثيابه، ففعلوا .
    ولما أرادو دفنه اختلفوا في موضوع دفنه،


    فجاء أبو بكر رضي الله عنه وقال: سمعت رسول الله صلى الله عليه وسلم يقول : (( ما قبض نبي إلا دفن حيث قبض ))



    فرفع فراشه صلى الله عليه وسلم وحفر في موضعه وذلك بأن حفر له أبو طلحة الأنصاري لحداً،


    ثم دخل الناس يصلون عليه فرادى الرجال ثم النساء ثم الصبيان.
    ولما فرغوا من الصلاة عليه دفن صلى الله عليه وسلم وذلك ليلة الاربعاء

    وكان الذي نزل في قبره علي بن ابي طالب والفضل وقثم ابنا العباس وشقران.



    وأثناء ذلك قال أوسن بن حولي الأنصاري لعلي بن ابي طالب : أنشدك الله وحظنا من رسول الله صلى الله عليه وسلم ( أي أن تأذن لي في النزول إلى قبر رسول الله صلى الله عليه وسلم، فأذن له بالنزول في القبر معهم فنزل وسووا عليه التراب ورفعوه مقدار شبر عن الارض.


    وقبض الحبيب صلى الله عليه وسلم وعمره 63 سنه

    ولم يخلف من متاع الدنيا ديناراً ولا درهماً



    بل مات ودرعه مرهونة في كذا صاعاً من شعير.


    فصلى الله عليه وسلم يوم ولد ويوم مات ويوم يبعث حياً

    Thanks once again

    El hadi
                  

03-06-2010, 05:53 AM

JAD
<aJAD
تاريخ التسجيل: 02-05-2002
مجموع المشاركات: 4768

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ماذا افعل بجثتي؟ (Re: El hadi A.bashir)

    الأستاذة الفاضلة عائشة بت فاطمة ..

    بعد التحية ..

    آمل التكرم بشرح ما ورد أدناه..

    كامل تضامني معك ..



    Quote: جندرية يا حبيبة هو جتتنا ولا جسدنا دا في حياتو مدننا حرية التصرف في !!؟ نحنا اجسادنا مصادرة من المهد والى الحد ..
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de