|
|
|
 Re: شراب النوني دواء التفكير .. ويا الحرموني شوفتك (Re: الجندرية)
|
بس اهم حاجة فى الدنيا دى طلتك
طولنا منك شديد يا امانى وليك وحشة.
| Quote: كايسة لي طريقة تلمني في شيخ النوني دا كان يشوف لي دواء لعوراض النت الاتلحتني دي ، ما باين ليها فرج قريب |
الدوا دا فى الحقيقة باقى ليك مسكت توكيلو انا, بس عايز اعرف
هى المشكلة فى النت ولا فى الكمبيوتر؟؟؟
غايتو اذا كانت فى الاخير , ماعندك مشكلة , نرسل ليك واحد بس عايزين العنوان,
ولا اقول ليك ممكن اوديهو لى بت اهلك جميلة,, اها قصرنا معاك؟
دا كلو عشان تكونى مواصلة بى جاى ونغنى ليك : فرحانة بيك كل النجوم
اها مبسوطة؟
تحياتى الى الشفيف تراث!
ودرفاعة!
| |
 
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: سمندلاوى)
|
ازيك يا بكوري
والله شوق شديد
انت زاااااااااتك غنيَنا ليك : يا المنك طولنا طول
قت لي اخدت توكيل دواء النوني ؟
يعني بقيت مليونير .. انت بس رسل لي كمين اخدر كدي وانسى قزازة الدواء
الباقي بعالجو برااااااااااي
Quote: انا, بس عايز اعرف
هى المشكلة فى النت ولا فى الكمبيوتر؟؟؟ |
المشكلة يا اخوي في الوقت ، زمان كان في مساعدين عشان يوفر ليك وقت
هسي يا كافي البلا اداقس من التكل للغسيل للكوى لقراية الشفع لمناسبات الجيران
وحاجاتي البريدها كلها راحت في حق الله
في ظنك دواء النوني دا ما بشوف لي طريقة ؟
غايتو يا يبقيني المرأة الخارقة اشتغل الشغل كله في ساعتين واجي اقعد في النت
ولا كمان يشوف لي حل في ساعات اليوم
تحياتي لهالة الصغيرة وامها واخوانها
لبت اهلي جميلي
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: نصار)
|
ٍسلامات يا نصار
بركة ربي البعد عوارضك وخلاك تبين ، عقبالنا
قت لي :
| Quote: النوني دا اصلاً بيستخلصوهوا من القات |
عاد يادوب ما فرجت
بكور اخوي ماسك التوكيل ونحن عرفنا سر الصنعة
امانة ما العوراض اتباعدت كان كدي
فيك الخير يا نصار ودريبك ما ينسد
| |
|
|
|
|
|
|
|
|
 Re: شراب النوني دواء التفكير .. ويا الحرموني شوفتك (Re: الطيب شيقوق)
|
العزيزة أماني
نفتقد كتاباتك الجميلة و"البحت" في تراث
اهلنا الغلابة ..
وهسه خلاس لمان شقّيت الليل نصين
اوعي تفوتي ..
وكان المشكلة في مشروب النوني..
احلبي من ضرعات الغيمة..
أو كحلي عين النجمة الساهرة
أكان تديكي وكت ..
شن نفرو البورد من غير الجندر..
..............
حارسين
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: عبد المنعم ابراهيم الحاج)
|
عبد المنعم
سلامات يا شاعر
شوف جنس سماحة الكلام
Quote: احلبي من ضرعات الغيمة..
أو كحلي عين النجمة الساهرة |
ياخ دا كلام جميل شديد
لكن اسويه متين
لما بغسل ولا لما بطبخ ولا لما بكوي ومتين بالضبط
غايتو ربك يفرجها بجاه شيخ النوني وشرابه
وما نفقدك بشينة يا شاعر
عاين بالجد كدا
حاخد (ايزا ـ نهر الكتابة وسلطة الروح)
مع نصوص لاخرين / اخريات في شغل عن غياب المكان الاليف
بعد اذنك طبعاً
محبة واحترام يا شاعر حقاً
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: osly2)
|
اوسلي ازيك وازي العقاب
يا زول تصدق بالله ؟ اكيد حتسصدق
تراث دا شغال من 8 ـ 2:30 بجي قبلي من الشغل بسخن الغداء اجي القاه في التربيزة
نتغداء هو برجع تاني من 4- 11 مساء ، بجي يلقاني يا اكوي يا اغسل ، يخت العشاء ، وبطبخو كمان.
والخميس والجمعة رغم انشغالاته الكتيرة برة البيت في الجالية وفي شغل السياسية بكوي ليه سبت هدوم كدا .
قصر معاي ولا بالاصح شغل بيتنا؟
الراجل دا بالمقارنة مع احلامنا في مشاركة كاملة للرجل بديه فوق على النجاح حبه ، وبالمقارنة مع الواقع وثقافته الذكورية المركبة ومعقدة دي وبالمقارنة مع اولاد جيلو بما فيهم اخواني اولاد امي وابوي ، يستحق وسام تقدير ، زائد نوط الشجاعة الما عرست بت حلتهم الما جندرية ولا قريبتو ؟ ولا شنو ؟ ( وش ضاحك).
دا الله خلقو لي مخصوص من دعا امي بس
وربي يديه العافية ويفتح عليه محل ما يقبل ياربي.
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: Muna Khugali)
|
منوية ست الناس
قالو كنت بعافية شوية ، بعد الشر عليك
الغياب يا بت امي ، قسري ، لا بالخاتر ولا بالايد ، ربك يبعد العوارض ويدحر الافات
والكتابين جاهزين واحد ليه سنتين في اطابير وزارة الثقافة اليمنية ، والتاني لايصة بيه افتش للناشر ، والتالت كان مفروض ناس اتحاد الكتاب اليمنين ينشروه لكن بعد انتخاباتهم الاخيرة غيروو خطط النشر وضيعونا
ربك يسهل بس
تسلمي حبيبة القسا
ويوصل سلامك لتراث ، انت كمان وصلي سلامنا لإسلام واخوانه وامه ، وللغالية آية
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: 3mk-Tango)
|
ازيك يا تنقو
والشوق مش اكوم
دا بقى دبب عديل بتعرف الدبب ؟!!!
وفي طريقه إلى ان يصبح جبال
Quote: كل ما احلم بالمرحومة اعرف انو حتحصل لي حاجة حلوه اليوم التالي
ما اظن يكون في احلي من شوفتك اونلاين |
صدقني في ، انت الحلو يفوتك وين؟!! الا يبقى اعمى ساكت .
ليك جبال مودة
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: mekki)
|
ما يفقدوك بشينة يا mekki
الغايبين / ات كتار فعلاً
ربنا يجمع بالجميع ، ويسهل عليهم /ن
الشلوخ رغم سماحتهم وسماحة ستهن ما بقدر اتسلبط فيهن
ديل حقات خالتك رقية الراقية واديبة الحافظة المديح الحقيبة
ادعو ليها بالعافية وطول العمر يا اخوي ، والف شكر على طلتك
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: tmbis)
|
وانتى قايلة الجابك لينا هنا شنو غير شراب "النونى" البشيلك فى عيونى ..؟
والله ليك وحشة يا أميرة الجندر والجنادر المعاكسة ..
لكن زى ما قالت خالة اسماء صاحبتى "عشان تضوقى ميتة ود الام" تبرى وتستبرى وود امك عمرو طويل لكن القصة وما فيها انه لما اسما دى امها ماتت (الله يرحمها ويغفر ليها) ...خالتها طوالى حاربت راجلها وبدل "عبد الفضيل" بقت تقول ليه "عبد القشير" ...مع انه هو برضو حزين وزعلان على موتة أخت مرتو ...
المهم يوم راقدة برة فى عنقريب بعيد والدنيا فجر ..دق الباب وكان الشافع المرسل ود أخت "عبد القشير" ..قال ليه أمى ماتت ..الراجل قال: الله بكل ألم ..
أول كلمة مرقت منها قالت لى عبد القشيربكل شماتة ووجع: عشان تضوق ميتة ود اللم .. .
وده كله عشان اقول ليك: عشان تضوقوا خدمة البيت دى مرة كيفن ياناس "الدول العربية" متشرشحين فى الشغالات ..وتكتبوا وتعملوا فى البحوث ونحن بى جايى "نبحت" مع غسيل العدة والمراسيل والمسح والطبيخ والشغل كمان ..ومرة مرة ...تربية ...
اصلو يا أخت قلنا ليكم من زمان خدمة البيت الشغل والثقافة ..ديل ما بمشوا مع بعض ، ما صدقتونا ...
المهم اليك الطريقة مرة تانية:
أكتبى بين رخية الحلة ونجضة اللحمة.
أكتبى بين التلفونات بتاعة الصاحبات
أكتبى لما واجب المدرسة يكون "قراية بابين من كتاب اللترتشا"
أكتبى أثناء شراب شاى الصباح وبعد الاولاد يمشوا المدرسة وقبل ما تطلعى للشغل
أكتبى بعد الناس ينوموا وقبل ما جسمك يتخدر وتغلبك الصنقيرة
وألف مرحب بست البنات لى حدهن
وشراب النونى ..دواء التفكير .."ياربى الزول بعد يشربوا بيكون ظاهر شربوا؟ لانى بشوف ناس عندهم أعراض عدم تفكير ...حايمين بى الشبكة العنكبوتية"
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: tmbis)
|
انت يا ود يا ابو لسان حلو
موبايلك دا فيه عقرب؟؟
مالك ما بتهبشو ترسل بيه رسالة كان مافي طريقة اتصال ، حتى في العيد يا علاء ؟!!
لكن نسوي شنو مع الريد العارض دا
عافين ليك واتدلع فينا ساااااااكت ما دام متأكد من مكانك في القلب
قت لي اسمح من كدا شنو ؟
اسمح من كدا اصاقر البورد وانجض ناسو زي زمان مش اطل كل 3 شهور مرة واكون ما قادرة اقرأ 99% من البوستات
ولما اشارك ، المشاركة الملفوحة دا ، اكون قريت البوست بنص بال ونص قلب
ادعو لي اختك ربنا يتم ليها سمحها، وسمح الحبان كلهم / ن
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: mohmmed said ahmed)
|
طوااااااالي يا محمد سيد
ابادلك طوالي
القات مصايبه كتيرة ، وهو زااااتو داير ليه وقت عشان تمضع وتخزن وتصل للساعة السليمانية ، لكن النوني دا ما شراب تكتحو بس وتقوم زي سوبر مان على الحاجات كلها ، وكان على التفكير اريتو مانلم فيه ، يعني هسي خلاص التفكير مقطع بعضو عندنا ، ما ترا زي ما قالت تماضر الناس حايمة سااااااااكت في الشبكة العنكبوتية وهي تترتع من شراب النوني .
سلام للبنى والبنيات ومصطفى
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: Yasir Elsharif)
|
""""عاين بالجد كدا
حاخد (ايزا ـ نهر الكتابة وسلطة الروح)
مع نصوص لاخرين / اخريات في شغل عن غياب المكان الاليف
بعد اذنك طبعاً"""""
العزيزةاماني
لك ماتشائين ..مادام الغربة
الفرقت الناس زي تيراب
قرع مطري ...
ستكون مبحثك القادم
علي الاقل نعرف
خنجره مغروس لغاية وين!!
الحم هيّن بس مايكون
هبش العضم..
لك التوفيق علي مجهوداتك
المبذولة من اجل الانسانية
لك التحية
منعم ابراهيم
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: الجندرية)
|
.
Quote: الراجل دا بالمقارنة مع احلامنا في مشاركة كاملة للرجل بديه فوق على النجاح حبه ، وبالمقارنة مع الواقع وثقافته الذكورية المركبة ومعقدة دي وبالمقارنة مع اولاد جيلو بما فيهم اخواني اولاد امي وابوي ، يستحق وسام تقدير ، زائد نوط الشجاعة الما عرست بت حلتهم الما جندرية ولا قريبتو ؟ ولا شنو ؟ ( وش ضاحك).
دا الله خلقو لي مخصوص من دعا امي بس
وربي يديه العافية ويفتح عليه محل ما يقبل ياربي. |
والله أنا كلام أسمح من كدا ما قريت
و زول بحب وبيقدّر أكتر من كدا ما لاقيت
الله يديكم العافية
.
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: معاوية كرفس)
|
Quote: تراث دا شغال من 8 ـ 2:30 بجي قبلي من الشغل بسخن الغداء اجي القاه في التربيزة
نتغداء هو برجع تاني من 4- 11 مساء ، بجي يلقاني يا اكوي يا اغسل ، يخت العشاء ، وبطبخو كمان.
والخميس والجمعة رغم انشغالاته الكتيرة برة البيت في الجالية وفي شغل السياسية بكوي ليه سبت هدوم كدا .
قصر معاي ولا بالاصح شغل بيتنا؟
الراجل دا بالمقارنة مع احلامنا في مشاركة كاملة للرجل بديه فوق على النجاح حبه ، وبالمقارنة مع الواقع وثقافته الذكورية المركبة ومعقدة دي وبالمقارنة مع اولاد جيلو بما فيهم اخواني اولاد امي وابوي ، يستحق وسام تقدير ، زائد نوط الشجاعة الما عرس بت حلتهم الما جندرية ولا قريبتو ؟ ولا شنو ؟ ( وش ضاحك).
دا الله خلقو لي مخصوص من دعا امي بس
وربي يديه العافية ويفتح عليه محل ما يقبل ياربي. |
سبحان الله .. الكلام ده عني انا؟ والله أول مرة اعرف انو الجندرية عندها راي زي ده عني.
***
الجندرية براها قررت تستغنى عن الشغالة.. قالت: ظروفنا صعبة وديوننا كثرت والمائة وخمسين دلاور البتاخدها(الشغالة)، أولى بيها حاجات تانية اهم.. قلت ليها مابنقدر يااماني. لكن هي ركبت راسها. ومن يومها بدا يتراكم فينا الشوق اليكم. وللراحة، وحتى للنوم بما يكفي..
اتمنى ان تكون لي عودة لهذا البوست، فلدى الكثير مما أود قوله هنا.
| |
|
|
|
|
|
|
|
|
|
Re: شراب النوني دواء التفكير .. ويا الحرموني شوفتك (Re: الجندرية)
|
.
أستاذة/ أماني
ما عارف ليه إتزكرتك أمس
و أنا في ماسنجر خاص
و طويل مع صديقة شديدة لي
في أمارة الشارقة إسمها( هالة )
وكنت مصر أناقش معاها قضاياها الخاصة .
الغريبة في الموضوع
( ودا أنا إكتشفتو لاحقاً)
إنها من ( رفاعة )
قد يكون الجنس ولاف
ولا الجندر  أنا ما عارف
ياستي أنا بغريها كل التحايا
وليك أيضاً
و لعثمان بقول :
يا سيدي تحايا الرجال
في مجتمعنا الذكوري دا
إنت قلت :
Quote: اتمنى ان تكون لي عودة لهذا البوست، فلدى الكثير مما أود قوله هنا.
|
أقول ليك حاجة
أنحنا حنجر باب النص ( النفاج )
و نقفلو خالص
عشان النسوان ما يسمعوا
لكن خليني أقول ليك
أنا تجربة زي تجربتك دي
وشرفي عايز أعرفا
ليك و ليها ( أماني ) كل التحايا
.
| |
|
|
|
|
|
|
| |
الجندرية
سمندلاوى
نصار
معاوية كرفس
osly2
الطيب شيقوق
Aymen Tabir
Muna Khugali
معتصم دفع الله
mekki
ملكة سبأ
tmbis
Tumadir
mohmmed said ahmed
doma
عبدالله الشقليني
Yasir Elsharif
تراث
فيس بوك
تويتر
انستقرام
يوتيوب
بنتيريست