|
دعواتكم لزميلنا المفكر د.الباقر العفيف بالشفاء العاجل
|
|
 Re: النبي سيرتو حلوة *** وعندي تكشف كل بلوة : ركن المديح من تاني (Re: الجندرية)
|
والله يا الجندرية ... في زمن مضى ، استمعت لقصيدة بنفس الروي تقول
السمحة سيرتو
في المداين حلوة جيرتو
فاق موسى
النبي نور بصيرتو
يضوي وجهو
المحمودة سيرتو
الملاحم
جانا مرسول
لينا راحم
النبي كفو راحم
معدن الجود
والمراحم
برضو من الذاكرة الخربة .. طبعا اللحن والأداء شي خرافي حيث كنا نسمعها من شاب ملء السمع والبصر يتدفق حيوية ..
| |
 
|
|
|
|
|
|
|
 Re: النبي سيرتو حلوة *** وعندي تكشف كل بلوة : ركن المديح من تاني (Re: الجندرية)
|
الأخت الجندرية تحياتي الحارة لك ولمن معك أشكرك جدا على هذه اللفتة البارعة وفعلا النبي سيرتو حلوة وكلما قرأنا السيرة النبوية ازددنا حبا له صلى الله عليه وسلم.
في رمضان الفائت قمت بقراءة السيرة النبوية كاملة من خلال كتاب محمد صلى الله عليه وسلم للشيخ محمد رضا من مشايخ الأزهر وفعلا بقراءة هذا الكتاب عرفت بعدا أخر لشخصه صلى الله عليه وسلم وفعلا كلما اكتشفنا شخصية من نحب كلما ازددنا حبا لهذا المحبوب.
اللهم أرزق الجندرية حبك وحب نبيك وارزق كل من مر بهذا الركن كذلك حبك وحب نبيك.
وسلامي للجميع
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: Raja)
|
الأخت الغالية الجندرية سلام الله يغشاك ونوره يرعاك..
الرسول صلي الله عليه وسلم سيرته احلي من العسل ومدحه ..شفاء للقلوب..وما اجمل ركن المديح ..تعرفي ..احببت اولاد حاج الماحي من صغري ..وألفت مدحاتهم ..واحس بقلبي يدق مع الطار..والآن يأخذني مديحه الي عالم روحاني جميل ..جميل وياريت نلقي من يسمعنا مدحة لأولاد حاج الماحي..تحس بصدق اداءهم وعمقه..
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: الجندرية)
|
إزيك يا أمانى
والله المديح ده أنا بريده ريده، خاصة المدائح القديمة، بس مشكلتى فى الدنيا دى، ما بقدر احفظ نهائى
وبالمناسبة، الشيخ حياتى ود حاج حمد، يطلع جدى طوالى، وتحديدا هو عم جدى أبو الوالدة لزم، يعنى زولكم شيخ شيخ، كدى النمشى احفظ لى كم بيت كده واجى اقشر بيهن معاكم، وحقو والله احفظ ليكم
ناهى النهو
أنا لى فى زيارته هو
شكرا يا علاء على صوت إسماعيل الغزير
والتحايا لكل الناس الحلوين الهنا
أبوذر
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: الجندرية)
|
مولانا الجندرية ... بالله لو سمحتي زحي لي من المطر دا شوية .. داير اشاكلو ..
أبوذر ... قلت لي بتريد المديح ؟؟؟ وريدة شديدة كمان؟ لا بالله أحسن ما تريدو .. ياخ إنت جدك حياتي .. والشيخ العبيد ود ريا قال حياتي دا ما أنا زاتي؟؟؟ .. منكم جفلة .. لكن أرجو أن تكتب لي عهدا إننا ما نتشاكل في يوم ما ، لأنك تركة صلاح وشاعر وحاجات كتيرة . بعدين لاحظ إني قلت الشيخ العبيد ود ريا ولي في ذلك مآرب أخرى ..
أما تمبس فكتر خيرك .. لأنو أنا هنا في مكان العمل ما حا أقدر أسمع حاجاتك العويرة دي .. نأنو لازم أمشي البيت .
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: الجندرية)
|
أمانى العزيزة
كيف الأحوال
فعلا والله باقى العقاب فى الصقيعة والحضور ورفاعة برضه
البادراب للأسف والله ما لينا فيهم نصيب، تعرفى ليه؟ لأنه فعلا زى ما قلتى أبونا الشيخ حياتى أمه بت ود بدر، وهو والشيخ المبارك اخوان ما اشقاء وكل واحد أمه براها، الشيخ المبارك امه من ودراوه يعنى من بلد ابوهم شيخ حمد ود العربى، حته من ودراوه وحته من الهلالية وحتة من الصقيعة، يعنى شيخ حياتى "هولنا" نحن من تالا الوالد، علا البادراب برضنا مانا بعيدين منهم، وهم خيلانا من جيهة الوالدة بى أمها
بعدين فى معلومة تانية كمان، اعرفوها سمح
الشيخ الأمين ود الشيخ إدريس الأرباب، عم الشيخ على ود الضو، اللى هو جد الوالده برضه من ناحية ابوها، يعنى ود عم الشيخ حياتى لزم
والشيخ الأمين الأرباب ده، أمه بتول بت الفكى بركات، راجل العيلفون
شربكونا مع المحس كمان
أما لو جينا من ناحية الوالد، أهله همباته عديل كدى من البطانة، وهسه الزول كان قصا ليكم عنهم، ياكن الجايبين لى البوليس
أهل العوض
تسوى أى لكلكة معاى "بنفخك" عديل، أعمل حسابك، والله نحن نروب المويه ونقطع البحر بالفروة
والله يا ابو حميد كلامك وقع وفرزته تب، ما تخاف مافى تخريمات حاده بتجى
تمبس
علاء الدين والألق السحرى، مش المصباح السحرى، مع انه برضه ايديك مليانه بالمصابيح المتوهجة بالجمال
وأنا بهدى ليك الحب، حب من فؤاد مجروح، حب الشحيح للمال وحب الجبان للروح، زى ما قال سيد عبد العزيز وشدا ابو الحجاج سرور
وتسلمو كلكم
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: الجندرية)
|
اللهم صلى وسلم على سيدنا محمد صاحب المقام المحمود والحوض المورود وعلى الخلفاء الاربعةالمهديين اعلام الهدى وعلى الصحابه التابعين ومن تبعهم باحسان الى يوم الدين،وبعد
كدى الننزل ليكم جزء من قصيدة ود سعد المشهوره .على طال الشوق
على طال الشوق
على طال الشوق وحمانى قط ما اروق
للقبرو شام وشروق يا حاج نوينا
*******
يالبيب لجمالك سوق بقضيبك الممشوق
شق القفار لاتروق اسبق لاتكون مسبوق
زور النبى المعشوق وصديقه والفاروق
من ذنبك المطبوق لاشك تصير معتوق
&&&&&&
بل جوفك المحروق البالغرام ممزوق
بى جاه اتوسل يفتح لك المغلوق
كونو اب علامه رفع الله ذكرو فوق
جاور لى قبرو الصادق المصدوق
لى لذيذ العيش ضوق هنا جاى ايش بتروق
اللهم صلى وسلم على حبيب الله المصطفى
سوف انزل ليكم من مديح الشيخ احمد ودسعد
بس مشوار واعود وده عشان ارفع البوست
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: الجندرية)
|
لنفسك انب
ثلث الليل على حيلك قنب
اذكر الله
كن حاس ومقنب
طول الليل للنوم متجنب
لنفسك انب
لببها وحجمها وطنب
اذكر الله
لنارك علب
صعد وبعد وزرب وكلب
لفنونك قلب
تم مكناتك زيت لا تصلب
اذكر الله
لحالك درب
سير واسأل طبيب ومجرب
لله متقرب
كل ما يوم صبح لا تغرب
اذكر الله
لوردك رتب
لا تكسل جوف الليل قوم تب
للنفس معتب
كالكباشى الغوس سيد عتب
اذكر الله
لنفسك هذب
بصوت الادب ليها عذب
دايما متهذب
باخلاص وصدق لا تكذب
اذكر الله
لنفسك ادب
اخدم زرعك تقوى وكدب
للرب لا تغضب
للاخوان والشيخ متأدب
اذكر الله
كن يوت متغلب
عاتى عليها فى السوق جلب
لخيلك قلب
الفصاح صفرا جه متلب
اذكر الله
بالنهج الطيب
عاشر الناس بخلقا طيب
ان الله طيب
لا يقبل شىء الا طيب
اذكر الله
صلواتا تطرب
تعلى الخير ليه تزيح تقرب
البرعى المطرب
بالاوراد بدأ من المغرب
اذكر الله
اللهم صلى وسلم وبارك على خير الخلق محمد ( ص )
وبارك لامانى الجندرية فى حياتها وبارك لها فى زوجها وابنائها ووالديها وجيرانها واهلها اللهم آمين .
واعطها شفاعة محمد
وغنى سليمان
وصبر ايوب
ونراهاتحت ظل عرش الرحمن يوم لا ظل الا ظله .
آمييييييييييييين
امال
ام وضاح
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: الجندرية)
|
حبايبنا الحلوين ، كل سنة وانتو طيبين
اهديكم المدحة دي من ديوان سيدي جعفر الصادق الميرغني رضى الله عنه
وياريت لو كنت باعرف ارفعها في البوست ف يايريت الناس البتعرف يورونا كيف ومايبخلو علينا
هاكم
صلاة ربي مدى الزمان
على النبى طاهر الجنان
نسيم نجد سرى سحيرا
فجدد الشوق والمباني
وهب ريح الصبا بروح
مخبرا عن عرب بان
يا أهل نجد حياة روحي
رعاكم الله بالامان
اخذتم العقل بل فؤادي
جمالكم سادتي سباني
وعاذلي رام لي سلواَ
فكيف ذا والهوى رماني
وحبكم في الحشا مقيم
وزدت شوقا وصرت فاني
وفي رباكم حبيب قلبي
جميل ذات جليل شان
من حاز حسن الصفات طرا
وساد في سائر المعاني
وفاق ظبيا كحيل عين
وخصه الله بالمثاني
وعم كل الانام جودا
ونال مالم ينله ثاني
اثنى عليه الاله مدحا
فما ثنائي وما بياني
وذكره في الكتاب يتلى
فأعجز العد بالبنان
وشاهد الرب بالعيان
ففاز بالقرب والتداني
ياسيد الرسل ياشفيعي
ياعالي القدر في الجنان
انظر لعبد حليف عهد
ياطاهر الذات والجنان
وامنحه قربا كذا ووصلا
من جعفر الفيض والمعاني
صلى عليك الاله يامن
حويت مجدا وكل شان
مالاح برق وسح رعد
ودام ذكراك باللسان
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: محمد ابوبكر عثمان)
|
السلام عليكم ورحمة الله
معليش مشاركتي متاخرة لكن أأمل انها تحيي هذا البوست الجميل من تاني
بارك الله فيكي اختي الجندرية وفي كل من اسهم وكل من قرا
وزادنا واياكم حباً فيه وحباً في رسوله الكريم صلى الله عليه وسلم
اليكم كلمات مدحة من احب المدحات لقلبي
ولا تنسونا من صالح دعائكم
والسلام عليكم ورحمة الله
وصلى الله وسلم على سيدنا محمد وعلى آله وصحبه اجمعين
يا راحلين إلى منى بقيادي
هيجتموا يوم الرحيل فؤادي
سرتم وسار دليلكم يا وحشتي
الشوق أقلقني وصوت الحادي
حرمتموا جفني المنام ببعدكم
يا ساكنين المنحنى والوادي
فاذا وصلتم سالمين فبلغو
مني السلام الى النبي الهادي
ويلوح لي ما بين زمزم والصفا
عند المقام سمعت صوت منادي
يقول لي يا نائما جد السُرى
عرفات تجلي كل قلب صادي
من نال من عرفات نظرة ساعة
نال السرور ونال كل مراد
تالله ما أحلى المبيت على منى
في ليل عيد أبرك الأعياد
ضحوا ضحاياهم وسال دماؤها
وأنا المتيم قد نحرت فؤادي
لبسوا ثياب البيض شارات الرضا
وأنا الملوع قد لبست سواد
يا ربي أنت وصلتهم وقطعتني
فبحقكم يا ربي حل قيادي
بالله يا زوار قبر محمد
من كان منكم رايحاً او غادي
يبلغ الى المختار الف تحية
من عاشق متفتت الاكباد
قولوا لهم عبدالرحيم متيم
ومفارق الأحباب والأولاد
صلى عليك الله يا علم الهدى
ما سار ركب أو ترنم حادي
| |
|
|
|
|
|
|
|
|
|
Re: النبي سيرتو حلوة *** وعندي تكشف كل بلوة : ركن المديح من تاني (Re: fagyra)
|
الأخت الجندرية
سلام
فكرة جميلة حقّا، ذكر المصطفى صلى الله عليه وسلم وشمائله الطيبة وأخلاقه الكريمة راحة للنفس ودفع لها نحو الإرتقاء لمراقي التأسي به صلى الله عليه وسلم...
خَمَدَتْ لفضل ولائك النيرانُ
وانشق من فرح بك الإيوانُ
وتَزلزل النادي وأوجس خيفة
من هول رؤياه انو شروان
وعرجتَ في ظهر البراق مجاوز
السَّبع الطباق كما يشا الرحمنُ
والبدر شقَّ، وأشرقت شمس الضحى
بعد الغروب، وما بها نقصان
وفضيلة شهد الأنام بحقها
لا يستطيع جحودها الانسانُ
صلى الله عليه وسلم
أحمد الريّـح
| |
|
|
|
|
|
|
| |
الجندرية
ابو جهينة
Ahlalawad
انور الطيب
haneena
abas
tmbis
Raja
smart_ana2001
Rawia
THE RAIN
Bashasha
فيصل عباس
صديق الموج
essam&amal
Ibrahim Algrefwi
khider
Abo Amna
محمد ابوبكر عثمان
fagyra
ASAAD IBRAHIM
فيس بوك
تويتر
انستقرام
يوتيوب
بنتيريست