|
|
 العيد والعزلة ( انفلونزا خنازير )
|
لم يحزني ان نتيجة التحليل جاءت ايجابية
وانني وصغيرتي هبة مصابتان بانفلونزا الخنازير
الحمد لله ان الاعراض التي نشعر بها خفيفة جداً وبدأنا في العلاج من امس
وكله تمام
المحزن بكاء هبة جراء العزلة
فهي منذ ان عرفنا النتيجة وبدأنا الاجراءات الوقائية حتى لا تنتقل العدوى لاخويها
وهي تبكي
معليش يا صغيرتي
اتمنى لك اعياد قادمات اجمل وسط اخويك واحبابك
سنكون في عزلة تامة لمدة اسبوع على الاقل
وامي على بعد شارعين واختي كذلك ولكن لن تمكن من تمضية العيد سوياً
دعواتكن ان تمر هذه الايام على خير وتهونها على هبة
اقصد العزلة فالانلفونزا مقدور عليها
وعلى رأي حبوبة( باقي النصارى خلهوهم للبصارة )
|
|
 
|
|
|
|
|
|
|
 Re: العيد والعزلة ( انفلونزا خنازير ) (Re: الجندرية)
|
كل سنة وإنت طيبة وهبة طيبة وأبوها بالذات شديد وسعيد وأمين وسمين وأخوانها في أحسن حال
وكل سنة الخالة وأهلك جميعا طيبين
سائلة منكم شديد ولو مابيوصلوهو ليكم يبقى حسادة منهم ساكت
وأنا حاسداها بالاكتر لانها بتلاقيكم وتشوفكم
وتحكي لي بالبتعملوهو ليها وماجديد ولا غريب عليكم
____________
نجي للانفلونزا
قالوا والعهدة على الراوي السودانيين مسلحين منها دون خلق الله
وفي إنجلترا مابيدوهم التحصين ولا بيعالجوهم بالجرعة كاملة لانه جسمهم يحتوي على مصدات طبيعية ضدها
دا طبعا للكبار
أما هبوية خلي بالك منها شديد بالله وربنا يحفظكن الاتنين ويشفيكن سريع
| |
|
|
|
|
|
|
|
|
 Re: العيد والعزلة ( انفلونزا خنازير ) (Re: Rawia)
|
كر
إتخنزرتي ؟
شدة و تزول
أنصحك ب :
- الخلود للراحة التامة
- الإكثار من السوائل
- بصل حار بالشطة والليمون
- اتركي تلفونك خارج غرفة العزل ليتولى تراث الرد على الإتصالات
- لا تتخذي أي قرار لأن التفكير بيكون مشوش جدآ
الناحية الإيجابية في الموضوع
حصولك على مناعة من المرض خاصة عندما يتفاقم
حيث ح تكوني مؤهلة لتمريض الحالات الكثيرة
بيكون اسامة رسلها ليك
ماتشوفي شر
| |
|
|
|
|
|
|
|
|
 Re: العيد والعزلة ( انفلونزا خنازير ) (Re: أبو ساندرا)
|
الخنزرة ساهلة يا ود امي
العزلة دي وحدها المبتندار
والله انا كان ما خجلانة من وليداتي زاتي ابكي خليها هبة الصغيرة وجاهلة
دعواتك الحواليني كلهن مصنفين فئات خطرة
سيد الازمة والحوامل وكبار السن
ربك يسبل سترو
ــــــ
سلامتك انت برضو
اتعاقبنا شفت القلوب الشواهد ؟
| |
|
|
|
|
|
|
|
|
 Re: العيد والعزلة ( انفلونزا خنازير ) (Re: Rawia)
|
وانت طيبة يا رووية
وامانيك كلها محققة يارب
والله بوصلوا لينا ربك يديم المحنة
ونحن كمان بشيلهم قفة الاشواق
النعل ما بتنقطع يدها في الدرب ؟
ما عملنا شي يا امي
مقصرييين يعلم الله
لكن هي بتريد سترة حال حبانها ودعتها لي الله والرسول
اها نرجع للانفلونزا
غايتو قصة مسلحين دي طلعت ما صاح
لكن اعراضنا خفيفة شديد والحمد لله
مافيها حتى و نزول من الانف
بس وجع صدر وصداع وكحة
ربك يسلم خلقو بركة قبايل العيد
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: الجندرية)
|
| Quote: مافيها حتى و نزول من الانف |
لو تابعتي تجربتي حول الموضوع المنشورة هنا
فان هذه الإنفلونزا مافيها نزولات و وديان سيل من الأنف
وحتى الرشح محدود جدآ
فقط الحمى المرتفعة والتعب الشديد
و إحساسك مشوش و مودر
وإمكن دي عشان السكري بالنسبة لي
بعدين أنصحك
ماتستهيني بالموضوع وتشبكينا بسيطة بسيطة
إرتاحي تمام
وأشربي عصائر قدر ما تقدري
أها ، سهل البقاع كيف ؟
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: عبد القادر بابكر)
|
كفارة و سلامة يا جندرية
بتصور انو الأسم هو البيخلع اكتر من المرض زاتو
و طبعا دي سياسة شركات صناعة الأدوية العالمية عشان يزيدو المبيعات
فعامليها على اساس فلسفة ( التلفزيون ده كان ما الصورة ‘ رادي ساااكت)
تقوم تتحول الى نزلة عادية
اهلك ناس رفاعة الزول تطقو عقرب خلا ‘ برضو بيعيد
قومو على البمبار و الشية و (امالبينا) على الطلاق تعيدو زى العجب
العزلة دي من زمن ماركيز الناس مابينها
سلامنا للبنيات الحبيبات
و الجاتك في نخرينك و حلاقيمك سامحتك
قومو على الخروف ( الحري) و الببسي و القات
و ياالشيخ المصوبن من عضة الكلب و عطسة الخنزير
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: Tagelsir Elmelik)
|
ازيك يا تاج السر
وكل سنة وانت طيب
يا ود امي عقرب الخلا ما بتعادي
عشان كدي بقوم علي عيدو وسط اهلو وحبانو
لكن العيد الله ورقبتك دا كيفنو ؟
شيالتنا تشحد في البمد يدو عليها
وامي وهالة كان جدعنا الحجر يصلهن لكن ما قدرنا وصلناهن
دا عيد دا ؟
الله غالب
| |
|
|
|
|
|
|
|
|
 Re: العيد والعزلة ( انفلونزا خنازير ) (Re: Adil Osman)
|
الحبيبات هبوية بتًي العسل ومنوًية..
ألف ألف سلامة عليكن. زعلت شدييييد لما عرفت وأنا مغادرة البلد. كلها أسبوع وارجع ليكم ونعيًد سوا ونضبح ونعمل شربوت الكركدي كمان:)))
لا إله إلا الله.. لغاية ما أشوفكم السبت بعد الجاي كان الله مد في العمر..
ــــ
عادل عثمان يا عزيز.. طبعا صنعاء من اجمل المدن الشفتها. وكل ما أمشي مكان أقول والله السودانيين ديل لسانهم طويل. قال أيه: ليبيا واليمن ضياع زمن. زمنهم هم الضايع وهم ما جايبين خبر.. عيدك سعيد
ضيوف أماني الأعزاء.. كل عام وأنتم وأسركم جميعا بخير..
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: Raja)
|
رجوية الغالية
كل سنة وانت طيبة
تلقاك هسي غاتسة ليك في جك شربوت من شربوت خالتي علوية الشهير
يا بت امي لمن ترجعي بعد اسبوع اجازة العيد بتكون راحت في حق الله
الله غالب
محمداً رسول الله يا رجاء
ترجعي بالسلامة
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: Adil Osman)
|
الله يسلمك يا عادل
وكل سنة وامنياتك محققة
غايتو هبة دي اكيد سحروها ناس الفيسبوك
باقي بت نديهة وشاشتها بيضا
لووووووول
اوعى تجي تقول لي يعني شنو الكلام دا
راجع قاموس عون
لكن اختك مدفع ما يمشي فيها خلي عين
الشباك ما بحلنا يا ود امي
العين كليلة اجارك النبي
ربك يسبل علينا توب العافية
بلاها مافي طعم لشي
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: محمد إبراهيم علي)
|
كر يا يمة كر ..
برية سلامتك
عشان كدا ما جيتى سلمتى على ؟
وانا قاسمة الليل ونسة مع تراث
سلامتك حبيبة وانشا الله بقيتى طيبة وهبوية
بالمناسبة اتونست معاها برضو
غايتواعفى ليا انا وعثمان اتونسنا يوم العيد لمن قلنا كفاية
وطبعا قال ان هو "معزول " عشان كدا ما اتونسنا معاك
بريةسلامتك يا ستهن
والجاتك فى نخرينك سامحتك
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: سلمى الشيخ سلامة)
|
الجندرية
كل سنة وانتي و الاسرة بخير
أوعة تصدقي (على رأي أبوعركي) حكاية العزلة دي
عندنا تجربة مع محمد الصغير (5 سنوات)
والله أمو ترقد معاهو في مخدة واحدة طيلة أيام المرض
وأخواتو ممارضينو بالنهار
الحمد لله مافي زول شكا من شي
من الاول الطبيب المعاج قال العزل في حالة في أطفال أقل من 5 سنوات
أو كهول أكبر من 65 سنة
أو أصحاب الامراض المزمنة لأنو مناعتهم ضعيفة
خلاف ذلك ما مافي سبب بخليكم تنعزلو
أبعدي بس من أمك
و الباقيين على مسؤليتي
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: ALGARADABI)
|
الجندرية
كل سنة وانت والأولاد وأبوهم كلكم بخير وعافية ..
ربنا يشفيك ويشفي البنية ، ويحفظكم من كل شر ..
يكون المسخوت أبوساندرا رسّل ليك فيروس عبر الماسينجر ؟
شكيتو على الله ، غيرو مافي زولا جاب الخنزرة دي في المنبر ..
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: ودقاسم)
|
ود قاسم حبابك
كيفنك كدي والوليدات وفوزية وكلن
ياخ ما تتهم الزول دا ساكت
حليل يا يمة زمن المناغمة بالماسنجر
الدروب اتقطعت بينا اجارك النبي
والعدوى زاااااااتها مشتهينها من الحبان
مشكور يا ابوي وما نجيك في شين
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: ALGARADABI)
|
القرضابي يا اخوي
وحاتك لا عزل نفع لا عزلة شفت
الجماعة كلللللللللهن مسكتن
بس امي لانها ما معانا في البيت وما مشينا ليهن شهر
ربك مرقها
ولسه ربنا يغطي
لكن القصة ما ساهلة زي ما انت قلت
ربك يحفظ خلقو
ومشكور يا اخوي
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: ihsan fagiri)
|
"خنازير" بتت"مرعف" في زمن "الخراف"!
او خنازير نبتت جنحات
وطارت.....
غيرة بس و بوظو عليكم العيد.
عشان افترا الخنازير دا قلعو
منهم الاسم وسموها هاء واحد نون واحد.
اسم زي حق الجواسيس جيمس بوند
العميل او او سيفن.
لك يا اماني
اغلى الاماني
بالصحة انت وكل بيتك العامر محبة.
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: Hala Hassan)
|
أديها شطة خضراء وليمون في 3 صحون بصل أبيض علي الريق...
ثم اعقبيهن بتلاتة جكوك او جكاكة عصير برتقال طبيعي...بماء زير
وابلعي حبتين بندول في الليل عند النوم
او فد كأس كونياك...(هينيسي)
يمين تجهجهي الخنزير في نخرتو..
والي ذلك الحين ألف كفارة
ليك يا دفعة ولهبوية عاجل الشفاء واللعب برئتين مشبعتين بالعافية
وما تشوفوا شر يا جندرية...
تحياتي لعثمان والعيد مبارك عليكم
| |
|
|
|
|
|
|
|
|
 Re: العيد والعزلة ( انفلونزا خنازير ) (Re: nazar hussien)
|
هي يا دفعة
ادويتك الوصفتهالينا دي كلها ما قدرنا نعملها
البصل والشطة ماكان في ليهن طريقة مع طه القرشي القدا فينا داك
والبرتكان ما لقينا ليهو موية زير
والدوا التالت دا بدينا الدق ونحن ما عندنا ضهراً للدق فقلنا النلم بضينتنا علينا
لكن الشافي الله
نحمد الله ترانا بقينا طيبين
تسلم يا دفعة ومشكور
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: الجندرية)
|
Quote: غايتو هبة دي اكيد سحروها ناس الفيسبوك
باقي بت نديهة وشاشتها بيضا
لووووووول
اوعى تجي تقول لي يعني شنو الكلام دا
راجع قاموس عون |
الكلام ده معناتو شنو يا الجندرية؟ هههههه
افتش القواميس ليه وانتى قاموس/موسوعة/مرجع حى وإن كان مفولزآ.
ربنا يتم عافيتك وتجى تشرحى لى الكلام ده.
فى انتظارك.. فى انتظارك.
لك شوال برتكان ومودة صافية لبن.
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: mohmmed said ahmed)
|
امانى الحبيبة
سلامتك الف سلامة انتى وهبوية وشرك مقسم فوق الدقشم
دى عين منو يا اخوانى
طمينينى عليك وربنا يرفعكم انتى و بتك انا لى شهور جارية فى بلادنا العريضة دى ما شفت المنبر الا اليوم
سلامات الاف ودعوات بقدر محبتى التى تدركين
تحياتى لى عثمان والوليدات
ان شاء الله ما تشوفى شر
تحياتى لى الوالدة وهالة
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: خلف الله عبود)
|
يا حباني
اعفو لي التقصير معاكن
لكن والله مرقت من ميتة محققة
شفت المقابر بعيني دي
استهونت بالقصة وقالت لي كدي النوريك
كوليرا شنو ؟
والله القصة دي خطرة عدييييييييييل
نحمد الله المرقنا من ضل السيف
والخدرة تمرق من النار
بجيكن تاني نفر نفر
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: خلف الله عبود)
|
اخونا خلف الله
ومن توكل على الله فهو حسبه
نحن قايل الودانا في ستين دايهة بلا الخوف البفك الجبارة على قول كبارنا شنو
معقمات حيثما وليت وجهك في البيت
وفي جيوب الصغار وشنطهم
لكن الفي النصيب بيصيب
ربنا يغطي عليكم ويحفظكم يارب
مشكور ابوي
| |
|
|
|
|
|
|
|
|
|
Re: العيد والعزلة ( انفلونزا خنازير ) (Re: الجندرية)
|
سلامتكُم ....
يا الجندرية
والعافية تبراكم :
يقول القص المقدس أن الشياطين دخلت قطيع الخنازير ،
ليبتعد الشر إليها :
عندما نقرأ في انجيل لوقا من الإصحاح الثامن ، :ـ
{ ولما خرج إلى الأرض استقبله رجلٌ من المدينة كانت فيه شياطين منذ زمان طويل وكان لا يلبس ثوباً ولا يُقيم في بيت بل في القبور . فلما رأى يسوع المسيح صرخ وخرّ لهُ وقال بصوت عظيم مالي ولك يا يسوع ابن الله العلي . أطلب منك أن لا تُعذبني . لأنه أمر الروح النجس أن يخرج من الإنسان .لأنه منذ زمان كثير كان يخطفه . وقد رُبط بسلاسل وقيود محروساً . وكان يقطع الرُّبط ويُساق من الشيطان إلى البراري . فسأله يسوع قائلاً ما اسمك . فقال لجئون .لأن شياطين كثيرة دخلت فيه .فطلبوا إليه ألا يأمرهم بالذهاب إلى الهاوية . وكان هناك قطيع خنازير كثيرة ترعى في الجبل . فطلبوا إليه أن يأذن لهم بالدخول فيها فأذن لهم .فخرجت الشياطين من الإنسان ودخلت الخنازير . فاندفع القطيع من على الجرف إلى البحيرة واختنق . فلما رأى الرعاة ما كان هربوا و ذهبوا وأخبروا من في المدينة وفي الضياع . فخرجوا ليروا ما جرى . وجاءوا إلى يسوع فوجدوا الإنسان الذي كانت الشياطين قد خرجت منه لابساً وعاقلاً جالساً عند قدمي يسوع .. }
| |
|
|
|
|
|
|
| |
الجندرية
Rawia
احمد محمد بشير
أبو ساندرا
عبد القادر بابكر
Tagelsir Elmelik
emad altaib
Adil Osman
Raja
سمندلاوى
انتصار محمد صالخ بشير
محمد إبراهيم علي
سلمى الشيخ سلامة
ALGARADABI
ودقاسم
mohmmed said ahmed
معتصم دفع الله
عبدالله الشقليني
بكري عباس علي
فيس بوك
تويتر
انستقرام
يوتيوب
بنتيريست