|
|
|
 Re: الشلوخ تااااااااااااااااااااااني (Re: الجندرية)
|
الجندرية العزيزة
دائما تثيرين المواضيع الهامة. سأقرأ البوست و ارجو ان اعود. هناك كتاب حول الشلوخ للبروفسور يوسف فضل حسن. ذكرتينى بجدتى الحبيبة رحمها الله رغم أن الشلوخ ليست بالضرورة هى أول ما يذكرنى بها، و الحمد لله ان هذه الممارسة فى طريقها للانقراض فى كثير من أنحاء السودان
ندى
| |
 
|
|
|
|
|
|
|
|
Re: الشلوخ تااااااااااااااااااااااني (Re: nada ali)
|
العزيزة ندى
تسعدني وعودك بالعودة دائماًوإن لم تفعليها  ، نحن نعيش على ألأمال
كتبت في البوست الاصلي :
Quote: الآن لم يبقى من آلام تلك التجربة الرهيبة التي تحكي في عيون أمهاتنا سوى المحبة والحنان .. وما تثيره فينا نحن رؤية الشلوخ من شجن وحنين لأولئك الأمهات ..
|
و
Quote: كم هو محزن وقاسي القول بأن الشلوخ سمة جيل في طريقه للانقراض .. عندما قال احد أعمامي " باكر لو النسوان المشلخات ديل كملن أولادكم يتلاقوا في الشارع ما يعرفوا بعض " تأكدت بأنهن فعلاً "سداية " الترابط الأسري ، وتأصيل القرابات .
|
هل كانت فعلاً احد اليات ترويض النساء للعب الدور المرسوم سلفاً في التركيب القبلي ؟ تسألت عن ذلك ايضاً في بداية البوست الملحق ؟ خاصةوانها مورست على الرجال ؟
ساسعد بعودتك اكثر لاثراء هذا الجانب من زاوية جندرية
احد المشاركين اشار لكتاب حسن فضل وكتاب البروفسور عبد الله الطيب
لكني للأسف لم احصل على ايهما
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
ا مى مشلخه زى امك يا الجندريه(شلوخ عارض..شلوخ مطارق..شلوخ شايقيه)شلوخ امى عارضوالشلوخ كانت موضه لفترة فى رفاعه وامى قالت شافت بنات خالتها عملو كدا وهى كانت صغيره جرت زعلانااتشلخت واتعزبت.كل الود لكل الامهات.
| |
|
|
|
|
|
|
|
|
 Re: الشلوخ تااااااااااااااااااااااني (Re: Tomader Habiballa)
|
تعرفي يا تماضر ناس شوية جداً العرفوا انو الشلوخ دي اسمها عارض
كلهم بقولوا مطارق
احتمال لانه امك مشلخة زيها
والشلوخ طبعاً كانت موضة في حتات كتيرة كدا ما رفاعة براها
بس كويسة انه ناس رفاعة من اوئل الناس الخلوها زي ما قاعدين يعملوا هسي مع الختان
وتظل مدينتنا ( يا بنتها ) رائدة في يتعلق بحقوق النساء دوماً
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
حكي لي صديق يقيم بدول الخليج عن موضوع الشلوخ أن زميلاً لهم من دول آسيا ومن الباكستان تحديداً كان يعمل مع سوداني هدندوي مشلخ وكانا يمازحان بعضهما البعض بإستمرار وذات مره سأل الباكستاني صديقه الهدندوي وبلغته العربية المكسرة: يا سيد ، ربنا أداك شكل جميله ليه إنت في خربو ، فرد عليه صديقه سيد أنا ما في خربو ده أبوي وأجداداي هم الفي خرب لأنو ما شاوروني.
| |
|
|
|
|
|
|
|
|
|
Re: الشلوخ تااااااااااااااااااااااني (Re: مريم الطيب)
|
أنا مشلخ .. بس ما زي المرحوم سيد أحمد نقد الله. وأخوي مشلخ وود خالي مشلخ. وود أختي مشلخ شايقي ما بعرف استوردوها ليه من وين.
أما النساء .. فــ عيييييييييييك ولا حرج: شيء مطارق (العوارض يا جندرية هم الاتنين الأفقيين في أعلى وأسفل المطارق التلاتة) .. وشيء درب طير .. وشيء نقرابي .. وشيء خربشة جيهة ما ليها زي ما تقولي شلوخ بايظة كده نتيجة الفرفرة تحت التشليخ
أنا عندي رغبة اتشلخ تاني
| |
|
|
|
|
|
|
|
|
|
Re: الشلوخ تااااااااااااااااااااااني (Re: Hussein Mallasi)
|
الله يستر يا حسين. لو بقت على التشليخ بس بنتوكل وندير الخد الأعلى (لانو الخدين الأيمن والأيسر ما فيهن فرقة تب) .. لكن خايفين من قلّيع السنون. وفي القلّيع زاتو بيخوفنا قليع الحسادة داك .. نوع يقلعوا واحدة ويسيبوا البعدها .. يقلعوا واحدة ويسيبوا البعدها .. والواحد يبقى زي الكديس الـ كاتلنّوا شفّع الحلة. مش بيكسّروا سنونو بطريقة عشوائية زي دي؟
| |
|
|
|
|
|
|
|
|
|
Re: الشلوخ تااااااااااااااااااااااني (Re: Hussein Mallasi)
|
تعرفوا يا ملاسي وشنتيير
نحن برضو عندنا جد مشلخ شايقي
وناس البلد كانوا بقولوا ليه الشايقي
وبرضو ما بلمنافي الشوايقة الا ابونا ادم
بس بقولوا انه اخوانه كانوا بموتوا
وقاموا شلخوه شايقي تمويه يعني
نظام دا ما ولدناخليه
الغريبة عاش من دون اخوانه ؟؟؟!!!!
في طبعاً معتقدات شعبية كتيرة في الموضوع بتاع الموت دا
زي يسموه اسم يعتقده شين كدا
الحاجة في اليمن برضو
اها وبلخبط الشلوخ بين القبائل دي بغرض التمويه على ملك الموت او غيره
او لاسباب تانية .. فقدت فكرة انه الشلوخ لتمييز بين القبائل دي معناها خالص
بعدين كيف بس تمييز وهن كلهن كم شلخ كدا
ياهن
العارض
والمطارق
وشلوخ الشوايقة
وشنو وشنو كم واحد يعني ومنتشرات في كل قبائل شمال ووسط السودان
ابو مهند في البوست الاول قال انه ناس زمان كانوا بيميزوا بين القبائل وبين الشلوخ دي بدقة شديدة
يعني ممكن المطارق حقت الجعليين تختلف عن حقتنا نحن الضباينة بي تباعد الشلوخ وعمقها وعرضها وهكذا
وكان طلبت منه انه يواصل لينا في الموضوع دا لانه لسه حسب شوفي المجهجهة دا انه العارض دا ياهو العارض .. حق امي بشبه حق الجعليات بشبه حق ناس تانية وقبائل مختلفة
| |
|
|
|
|
|
|
|
|
 Re: الشلوخ تااااااااااااااااااااااني (Re: الجندرية)
|
الجندرية
عندي خالتي مشلخه الله يطراها بالخير سافرت لي برطانيا وفي المطار استقبلوها الصحفيين بالكمرات صوره من هنه ومن هناك وهي فرحانة قايله نفسها اختاروها ملكة جمال السودان جاتها صحفية سالتها انتي ياحجه الفي وشك دة حادث فقالت لها خالتي يابتي في حادث منظم كده
| |
|
|
|
|
|
|
|
|
|
Re: الشلوخ تااااااااااااااااااااااني (Re: Shinteer)
|
برجي الله عليك يا شنتير يلم فيك شلاخ عميان عشان يهربدك هربيد لوووووووووووول
يا حباني المطارق ديل خطوط عاموديه بتكون ام الجندريه دقر عيني بارده مشلخه عارض وانا ذاتي شلوخ ود عيسي الشلخ يحبس الدمعه
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
ولى حبيب يا ناس
اشوف شلوخو يلالو
مع الظلام تشتاق
الزهرة تتدلالو
وما اظنه زلال
يروينا غير زلالو
شفت الفتنة كيف يا أمانى، حتى أبوصلاح، أرق من كتب الأغانى كان مفتون بالشلوخ، لأنه كان ده "الديظاين" المتاح وقتها
الظاهر فعلا إنه صورة الوالدة الكريمة حتصبح استاندرد فورمات لكل الأمهات، وأنا برضه حاقول ليك زى حبيبنا كوستا، أمى والله الخالق الناظر، بس على شوية خدار، لكين نفس الطعم والنكهة والله
زى ما قال العزيز أبومهيار، المطارق بتكون رأسية بعدين بجى تحت منها العارض افقيا، وأشهر زول فى "خت" المطارق فى منطقة الوسط، كان الشيخ ود عيسى فى المسيد، وجده هو المسمين عليهو بلدة المسيد يعنى يمكن تسعين فى المية من شلوخ وسط السودان كانت من تصميم وإخراج ود عيسى فى المسيد، بما فيهن الوالدة الحبيبة
أما الرجال فى الوسط وفى البطانة والجزيرة فطبعا يا إما المدقاق أو حرف التى اللاتينى وهو تبع آل الشيخ محمد ود بدر فى أمضبان أو أم ضوابان غرب البطانة وفى النخيرة فى الجزيرة، أو كمان السلم أو حرف الإتش، وبعد داك فى طبعا شلوخ القبايل المعروفة كلها
ونقرابى فى صفحة خديده
مالو لو يرحم مريده
الشادن الهالكنى ريده
هلك النفوس والناس تريده
وبرضه ابو صلاح مصر على الشلوخ
والشلوخ العشره مسطرا
يا بدور القلعة وجوهرا
بس عايز اعرف، العشرة ديل معناه خمسة لفت وخمسة رايت، دى عملوها فى خدود ولا سبورة، ده خد شنو ده البشيل ليهو خمسة شلوخ
وتسلمى يا جندرية على النفحات الأريجية
أبوذر
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
الجندرية
الشلوخ كانت سمة جمالية عالية لدى الشعراء و العاشقين
انظرى الى شاعر المسادير يقول :
يا حسنين أغا جاتك أذيّه
ضربآ مو كتير بس خمسميّه
برقد و انستر و أطرى البنيّه
و لى بلد أم شلخ باخد لى جيّه
| |
|
|
|
|
|
|
|
|
|
Re: الشلوخ تااااااااااااااااااااااني (Re: KOSTA)
|
عزيزتنا الجندريه قبل سنتين تقريبا اطلعت علىموضوع فى جريدة الخرطوم للاستاذ سيداحمد خليفة
نقلا عن اخونا الصحفى محمد محمد خير من تورنتو انه فى واحد سودانى مشلخ فى كندا اشتخدم الشلوخ سلاح لاخذ الاقامة هناك ورفع دعوى مع المحامى بتاعه انه الشخبطه الفى وجه دى من اثار تعذيب حكومة الانقاذ وبيوت الاشباح واتخيلى كسب القضية واخذ الاقامه
وعلى مااتذكر انه كان عنوان الموضوع وحقوق الانسان والشلوخ.امى الله يرحمها كانت دائما تفتخر بشلوخها وتغنى لينا
ديل شلاخك وقفن شهود ...اسمر لونك وجوز النهود
اليل ياليل وجمال اليل.
وبالمناسبة عملية الشلوخ دى كانت كبيرة ويتلموا ليها البنات وفيها ضبيحه كمان
نجوى شامى
| |
|
|
|
|
|
|
|
|
|
Re: الشلوخ تااااااااااااااااااااااني (Re: Ala Asanhory)
|
البوست المرتاح ده أحسن من غيرو .. متوازن .. وبيعيد التوازن برضو
الأخ المطر
| Quote: بس عايز اعرف، العشرة ديل معناه خمسة لفت وخمسة رايت، دى عملوها فى خدود ولا سبورة، ده خد شنو ده البشيل ليهو خمسة شلوخ |
الشلوخ أصلها عشرة يا المتوقعنك تشرفنا قريب. ستة مطارق وأربعة عوارض .. وإلا فهي خربشة. أحسبها يا عزيزي .. كل تلاتة مطارق بالجنب وفوق ليهن عارض وتحتهن عارض
كوستاوي .. يا سلام عليك يا أخي. ده كلام يرد الروح: يا حسنين أغا جاتك أذيّة. والله ياذى الأذانا يا ناس
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
الجندرية يا بت طابت/رفاعة
طبعآ مكرر أنا برضو شلوخ أمي بالكربون زي شلوخ أمك و لمن كانت في زيارتي عامآ أول كان بوست الشلوخ الأصلي بتاعك موللللللع و أنا ما عضو في المنبر فسألت الوالدة {لأول مرة} عن قصة تشليخها و قالت إنها جرت و إتدست لكن بنات الدفعة فتنوا عليها و كشفوا مكانها و قالوا ليها{لازم تضوقي المغيسة} مما يشي بعدم الرضا و البعد الإنتقامي الخفي حتى على ممارسيه
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
الرائعة جندرية ..... سلام ..... شايف الصلبتة كترت أصلو الأمة دى الا مايشوفو
ليهم ذول سمح الله يديها العافية بتشبه أمى عاد ده إسمو كلام ياعالم ... خلو
الصلبتة .. الناس الإسمهم الضباينة والحمران ديل الحلا حقتم (الحمران ديل جنس تاجوج بت على) ...
لاكن الإضافة انو من أسباب الشليخ الشديقات (الجضوم الكبار) بيقولو دم فاسد
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
لا لا حكايه الدم الفاسددي النضارات شلختين صغار في كل جهة عند المداغات متل حقات النميري واظن كانوابسوهون لو الزول عنده وجع عيون يعني الرمد و والطفل العنده ام صريره بفصدوه فوق بطنه حول السره
| |
|
|
|
|
|
|
|
|
|
والجندريه مبسوطه منك (Re: الجندرية)
|
ازيكم لعلكم طيبين كلكم والجندريه مبسوطه منك لسببين الاول فتح موضوع الشلوخ والتاني اعاده فتحه لانو انا زمان كنت مافي والموضوع حقيقي بخصني بقدر حنان شلوخ امي
ما تفتكرو كده مشيت..ده سلام ساي ماشه اجيب العده
بجي بجي بجي
توما
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
الأستاذة الجندرية
لدي مقال شيٌق للتشكيلي المرموق الدكتور حسن موسى وهو (المقال) واحد من سلسلة مقالات نشرها حسن موسى بجريدة الصحافة عام 2000 .عنوان البحث هو "الجسدكحيز لخلق جمالية الحداثة في السودان". للأاسف ليس لدي بقية المقالات ولكن هذا المقال بالتحديد يقارب الشلوخ والحناء بذكاء مدهش كما أنه الكاتب،كما عهد عنه، يفكك الظاهرة بعمق ودراية. يمكنني أن أبعث لك صورة من المقال إذا تكرمت بإرسال عنوانك البريدي (وليس الإلكتروني) علي بريدي الإكتروني وهو [email protected] أعتقد أن بعد الجندر في المقال سيكون مفيدا جدا لك.
مع خالص المودة لك وللمتحاورين هنا
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
طبعا الشلوخ دى ناحيه جماليه لدرجة الشعراء كانون بغنو ليهم
ابشلوخا عشره مسطره.
والعبادى عنده قصيده بقول فيها:
الجداول تجرى فوق خدودك در
والرشيم البقه بى اشعة خضر
يعمى عينى قبلك ما نظرت بدر
فوقو ليلا حالك يعلو غصنا ماح
*********
القوام متوازن لا قصر لاطول
والشليخ افعالو تصرفات مسظول
ماهو ده ساند ظهرو فى الاسطول
والعيون حراسو ومن جفونو سلاح
وشلخوا حابس الدمعه دور
والرشيم الاخضر
دمع الاجفان قام جارى سببى الشلاخو مجارى
اها لما جاء عبدالرحمن الريح وقال:
ما شوهوك بى فصاده على الخديد الساده
طبيعى خلقة ربك ماداير اى زياده
مع لونك الاسمر ورد الخدود محمر
لابدره ولا احمر الوان محاسنك زى ماهى
قامن الحريم زعلن وقالن لعبدالرحمن يعنى قصدك الشلوخ تشويه
صاحبكم كب الزوغه قال ليهم ابدا انا عملت القصيده عشان ارضى على
واحده وكدى...اها شوفونى انا زاتى مشلخ..وعبد الرحمن الريح
مشلح مطارق.
المهم والله فى نوع شلوخ كدى تخلى الزول يحرد جضومو ديل.
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
ســلام يا بت الجندر ولكل سكان بلاد
حمير .
عنده احساس بان للشوخ مرجع سياسي
والجماليات مجرد سلبطه من حبباتنا الله
يرحمهن.
امي اللـه يحمها كانت مرات تزورنا في
المدرسه فقالت لها مره اختي تاني ما
تجي المدسه عشان البنات زفني وقاله لي
بت المسلحه اختي كانت عندها لجنه وقاصده
المشلخه واعرف ان احد .السودانين طلب
لجوء لكندا بحجه الشلوخ وقال انه تعزب
واتطهض.
| |
|
|
|
|
|
|
|
|
|
Re: الشلوخ تااااااااااااااااااااااني (Re: Hadia Mohamed)
|
| Quote: الجندرية العزيزة مي مشلخة زي أمك؟ |
لووووووووووووووول يا جندرية
كنت حأقول نفس الكلام بس سبقوني
أيه رأيك تعمليها تقليعة جديدة وترجعي موضة الشلوخ تاني
مش أجمل من الحاجات البنشوفها هسع
موضة قشير الوش بالأصباغ المختلفة ما معروف مصنوعة من شنو؟
وتلوين الشعر
عايزين تجديد لحاجات زمان الحجل وأسورة العاج
وحاجات زمان الكنا بنشوفها عند الحبوبات وبيني وبينك يا الجندرية والكلام سر (أنا أصلا زول عجوز ودقة قديمة)
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
اخونا الحسن البكري
الف شكر فقد وصلني المقال الكنز
ساحاول عرضه هنا
*****
اخونا صديق الموج
شكراً لك على الاثراء
سبقك في هذا الجانب
ود العجمي
واهل العوض
وشنتير
في الجزء الاول من البوست
شكراً مرة اخرى ، اسعدتني زيارتك محتقباً الحقيبة
****
هادية سلام كتير
بالله في لجوء عديل
والله محن ؟
***
حبيب بلدو
والله فكرة ماتقول فيها لجوء كمان
| |
|
|
|
|
|
|
|
|
|
Re: الشلوخ تااااااااااااااااااااااني (Re: الجندرية)
|
جندرية..
حقيقي هذا من اجمل ما قرأت..
حاولت الدخول للنك فلم استطع يبدو ان بكري قد اغلق
كل المداخل للارشيف.. كيف اصل لتلك المادة؟..
واتمنى ان نجد من يحدثنا عن الشلوخ عند قبائل النوبة,
الدينكا والنوير فهي لا تقل اصالة وجمالا عن الشلوخ
لدى قبائل الشمال
| |
|
|
|
|
|
|
|
|
|
Re: الشلوخ تااااااااااااااااااااااني (Re: طيفور)
|
اها انحكى لكين:
اول حاجه النحكى عن حالتى لمن جيت اتشلخ مشيت مع بنت جيراننا لى ود حمدون وطريقة الشلوخ :
رقدت فى برش فى الواطه ومرة من راسى مسكتنى وواحده من رجلى واثنين من ايدى وود حمدون جاب الموس بدا شلخ الوجه وجاب بعر الغنم والقطران بالقطن وحشى الجروح بالبعر وعمل القطران فىالقطن وختاه فى الجرح كل يومين يغيرو الجرح بالقطران والقطن بعض الجروح بتلتهب
وبعضها ببراء .وفى رفاعه بتذكر الناس البشلخو بت منصور.ود حلوانى
بت السقا.واساسا مهنتن الطهور دا فى زمنى وانا اتشلخت عمرى اربعه
سنوات .
| |
|
|
|
|
|
|
|
|
|
Re: الشلوخ تااااااااااااااااااااااني (Re: طيفور)
|
اها انحكى لكين:
اول حاجه النحكى عن حالتى لمن جيت اتشلخ مشيت مع بنت جيراننا لى ود حمدون وطريقة الشلوخ :
رقدت فى برش فى الواطه ومرة من راسى مسكتنى وواحده من رجلى واثنين من ايدى وود حمدون جاب الموس بدا شلخ الوجه وجاب بعر الغنم والقطران بالقطن وحشى الجروح بالبعر وعمل القطران فىالقطن وختاه فى الجرح كل يومين يغيرو الجرح بالقطران والقطن بعض الجروح بتلتهب
وبعضها ببراء .وفى رفاعه بتذكر الناس البشلخو بت منصور.ود حلوانى
بت السقا.واساسا مهنتن الطهور دا فى زمنى وانا اتشلخت عمرى اربعه
سنوات . ست عشه
| |
|
|
|
|
|
|
| |
الجندرية
nada ali
NGABY AJOOZ
KOSTA
Ibrahim Algrefwi
Hussein Mallasi
مريم الطيب
Shinteer
Abomihyar
doma
THE RAIN
Ala Asanhory
الطيب بشير
توما
lana mahdi
صديق الموج
Habib_bldo
طه حسن عبدالله
طيفور
Abo Amna
فيس بوك
تويتر
انستقرام
يوتيوب
بنتيريست