|
دعواتكم لزميلنا المفكر د.الباقر العفيف بالشفاء العاجل
|
|
 Re: اضيع انا وقلبي يزيد عناهو .. يا حنينة .. يا كستاوية .. يا خالد يا اي زو (Re: الجندرية)
|
أ حجبة كثيفة تسدل باستارها على لمعان جنيهات العشاق الذهبية وتفقدها الوهج ..غبار اليومي .. كلس الروتين .. شمع الغربة الذي يعزلنا عن ذواتنا حتى ، ويغلف الحياة بطبقته السميكة .. يتوراي وراء كل ذلك المحبوب.. فيصبح " محجب الزول كيف يراه " . فتشتهيه .. تشتهي برق بسمته الذي يشطر قلبك كما الرغيف .. تشتهي قهقهته التي تعرف كيف تنفض عن روحكِ ذرات الملل.. رفقة خطاويه في مشاوير مختلقة فقط لجعل الونسة منسابة وجارية وبعيدة عن سدود الواجبات اليومية والاجتماعية وغيرها.. مشاركته الرقص في حفل مليء بالاصدقاء والاهل .. مواصلتكما لحوار بدأتموه وشلة الاصدقاء في مكان ما.....و....و.....
لا اعرف الآلية التي تجعل ذات الوهج يعود فجاءة ويرتد إليكِ البصر ، وتُرفع الحجب فتريه جالساً متربعاً على حديقة قلبكِ " والياسمين عامل ضراه " منعمين بالوصل والوداد " أرسل ليه قلبي ويرسل لي شذاه " .
لكن هذا ما يحدث ـ كثيراً ـ
وتستحيلي انتِ لهالة من الأماني بأن " فاليحي محبوبي ويبلغ مناه " .
ربما صوت المغني/ ة الذي يصدح بداخلكِ منذ ان استيقظتِ من النوم .
ربما ايقاع التمتم..
ربما هي بركات الأصدقاء التي منحوكما لها ذات ليلة عبر المسنجر
ربما هي عنقاء الحب .
ودعوني أردد هنا وسطكم ايها الاصدقاء / ات
فاليحي محبوبي ويبلغ مناه
واسمحوا / ن لي ان اهديها لكم جميعاً ازواجاً وفرادى .
وان اخص بها من اعضاء / ات البورد اشـراقة وايوب ، ومن متصفحيه هند حسـن ( هند بت خالي ) وزوجها عبد الرحمن فهما من عشاق ترباس ومتذوقي الحقيبة مع امنياتي لهم / ن بصحة والعافية والسعادة .
ولتراث
الأغنية وحديقة ياسمين
| |
 
|
|
|
|
|
|
|
 Re: اضيع انا وقلبي يزيد عناهو .. يا حنينة .. يا كستاوية .. يا خالد يا اي زو (Re: الجندرية)
|
تمبس:
والله يا ولدي ما تستاهل سغير وجاهل والله يجيبو ليك طيب
ويا هو التوب الشهير زاتو.
الملكة :
انت حدانا برضو .. لينا الشرف والله
بعد جابوها اسمعيها لي برضو ترباس والغنية دي خسوسي ما منهن قنع بعدين هي الاضان فيها مصران ؟
اهل العوض :
بالله باقي خمسطاشر دقيقة ؟ لا كان كدي التوب بتم ، امين يارب يعرس ليه ويعرس للعزابيات والعزابة كلهن . بعدين قلت لي شنو ؟ الحب للكفيل الأول ؟ القال لييييك منو ؟ هسي كان لقيت ليك كفيل بديك 12 الف دولار في الشهر بتذكر كفيلك دا تاني ؟
حاج بدرالدين الحنين :
لكن هسي ما جهجهتنا ندعي ليك البنج دا يفك ولا يدوم ؟
غايتو البجيبو الله كله خير ... بس ادي سمبتيكو دا دعوة سمممممممحة كدي
وربي يخلي ليك امانيك ويجمع شملك.
نزار حسين :
بركة القلعت كنت بدور ارسل ليك مرسال اشوفك ودوك الشفخانة ولا لسه ؟ عارفاك ما بتقدر علي جنس دا .. لكن عليك الله لو عندك بي صوت محمد ميرغني نزلها برضو وما تنسى لنك الحفظ .
الحبيبة هالة جودته :
البوست ما طول عملناهو ضهر اليوم دا
بس سمبتيكو سريع نهمة
يعني ما تأخرتي
حنينة دي ما حبيتي ما بتبخل علي والله
سمبتيكو :
اجازيك كيف ؟
ما شايفة لي طريقة
وما عندي غير دعواتي
ربي يديك لمن يرضيك
يبلغك مناك وينولك مشتهاك
يهنيك ويمنيك
ويغمرك بالشذى قدر القلوب البترسلها د ي
تراث بخير ونزل الشغل
لكن اظنو غشى ليه فكي في الطريق لانه دا ما حال نصاح دا
و بعد ما رميت اللوم على الفكي
اتفسسسسسسسسسسسسسسسسسحت
ويا طيفور و ابو ساندرا ود قاسم ما فيش حد احسن من حد
| |
|
|
|
|
|
|
|
|
 Re: اضيع انا وقلبي يزيد عناهو .. يا حنينة .. يا كستاوية .. يا خالد يا اي زو (Re: sympatico)
|
الجندرية
سلام...ودة من شنو دة؟؟؟!!
والله كنت في الشغل لما البوست نزل..
ما شاء الله سيمباتيكو ما قصر والله
الغنية سمحة خلقة واخلاق
اقصد الكلمات....اللحن.....الاداء
نجاملك في الجايات الاكتر من الرايحات يا حبيبة
سلامي لتراث وحمدالله بالسلامة
هالة قـــوتـــة
Quote: واهو سمباتيكو ما قصكان فى الغنية
|
قلتي لي قصكان
ما قلنا ما ممكن تجمعوا الضهر والعصر طوالي 
حالة سعبة شديد
| |
|
|
|
|
|
|
|
|
|
Re: اضيع انا وقلبي يزيد عناهو .. يا حنينة .. يا كستاوية .. يا خالد يا اي زو (Re: الجندرية)
|
الجندرية
أسى دا كلو هين .. أنا في الشغلانة البقت تجضمها الجندرية دي
مرات تجيب لينا الزول مبتسم ويغمز لينا بعين واحدة ، مرات ما عارف شنو
والدرس دا ادونا ليهو في يوم واحد بس هي طلعت اشطر مني .. وزي ما قال دكين لما عصلجت معاهو الأغنية
اتشفى في ( خالة ) دوما وقال الجضمتها دوما في تلاتة ساعات ظل هو يراوح مكانو حتى ساعتئذ ؟؟
الأغنية ختيرة جداً ، بس تعرفي ( الهوشات ) البتجي فجعة دي أنا مجربا .. حاجة صعبة خلاس؟؟؟؟؟
ولا أملك إلا أن أهدى أصدقائي تراث والجندرية ..
Quote:
الأغنية وحديقة ياسمين
|
وكثير من محبة وتواد
ولي تمبس ( البنطط ) دا الفي مرادو
ويا نزار .. أنا عارفك انت (حنين) زي .. أبعد من البكانات دي .. الغنية دى ( بتعذب ) بشااااكل ؟
عبدالرحمن
| |
|
|
|
|
|
|
|
|
 Re: اضيع انا وقلبي يزيد عناهو .. يا حنينة .. يا كستاوية .. يا خالد يا اي زو (Re: AlRa7mabi)
|
هاله
غايتو انا ده مرات مرات بكون اللدغ .. وكان علي كيبوردي تمتام رسمي كده .. لكن شايف القصة جابت ليا رطانهوالله فعلا الحالة صعبة ياحنينة
| Quote: واهو سمباتيكو ما قصكان فى الغنية |
ابوالنسب.. وابوالغاليات الجكسايات الامورات الحلوات.. حبيبات قلب الواحد..الله يحفظن شديد...
الجندرية كان قامت خطيرة جدا .. بس اناقلت ليها شوية شوية علي الناس دي واهو مرات مرات كده بتكون جضيمه خالص .. بس كان ختت اسبوع الظار والكاروشة البتجي فجأة دي
لانو انا وصاحبي التاني .. طوالي بنقوم نتحزم ونتدردق في تراب الله ده ..
غايتو استأجر في نزار .. وابعدو من البكان ده
| |
|
|
|
|
|
|
|
|
|
Re: اضيع انا وقلبي يزيد عناهو .. يا حنينة .. يا كستاوية .. يا خالد يا اي زو (Re: الجندرية)
|
سمبتيكو :
الشفافية ما فتتك شبر والله
بعدين يا ود امي نحن اساساً ما حيلتنا غير الغناء والكلام السمح
يعني حنهدي شنو يعني ؟
ربنا يفض علينا من خزاينه وعلي الجميع
وشكراً تاني وتالت ورابع حتى تستغيث
حنونة :
بري ، دا اظنه من الفكي القااااااااااااصع
شفتي جنس دا ، تمتمة ولجنة ورضانة
الله يعين بس
الرحمابي :
والله كان ختينا الزهايمر والخرف ما عندناعوجة بنلقط الكلام ، انت اكل الزبيب امكن ينفع . نرسل ليكم .
قلت مجرب الحالة دي ؟ غايتو الله يقدرنا حق الكبر ما قاسي
والهدية مقبولة ، وكثير المحبة والتواد لك اضعافها
تمبس : انت وصاحبك ربي يسعدكم ويديكم قدر نيتكم
| |
|
|
|
|
|
|
|
|
|
Re: اضيع انا وقلبي يزيد عناهو .. يا حنينة .. يا كستاوية .. يا خالد يا اي زو (Re: Rawia)
|
حسبما فهمت من خارج النص ، ان هذا البوست يخصني . وانا المحبوب المقصود . وهذا يسعدني كثيراً .
اعترف بانني لم اكن اعرف هذه الأغنية ، ولقد سمعتها منذ انزال هذا البوست كثيراً ، حاولت ان اتصور انها مهداة لي , او انها تحمل اوصافًاً لعلاقة انا جزء منها ، وهنا استفزتني كلمات مثل (معجن) و(مدلل) وما شابهها ، يصعب على الجعلي تقبل مثل هذه الصفات .
المهم في الأمر انني سعدت جداً بالجزء من الأغنية الذي يقول :
اطيع أوامروا
واتحمل أذاه
واعتبرت ان هذا الجزء من الأغنية المختارة تنازل صريح عن الجندرة . وهذه اكبر هديه اتلقاها في حياتي الزوجية .
وخليكم شاهدين
للجندرية محبة اكبر ، وهي تعرف ذلك واعلنه عليكم جميعاً . واتمناه لكم مع ازواجكم/ن وحبياتكم/ن
| |
|
|
|
|
|
|
|
|
|
Re: اضيع انا وقلبي يزيد عناهو .. يا حنينة .. يا كستاوية .. يا خالد يا اي زو (Re: nada ali)
|
ياسلام ياجندريه
تعرفى حضورك يحيل الامكنه الى مساحات بألوان زاهيه
مابين حال البورد اليومين ديل ومابين بوستك هذا مساحات شاسعه من الانفجارات والنيران من طرف فى مقابل مساحه اخرى من الحميميه والحب يجسدها المتداخلون معك فى هذا البوست هؤلاء النفر الجميل الذين اذا اردت ان اجدهم اعرف جيدا اين هم , حتما سيغردون بعبق حرفهم الندى فى امكنه مثل هذه .
لك اصفى عصير التقدير والاحترام امانى .
لكم كل المتداخلين احلى مافى الورد من عطر
ولى رجاء
غردوا فى كل الامكنه احبابى بشدو حرفكم الحميم
فالبورد كاد ان يحترق فأنزلوا عليه شدوكم الجميل هذا
برد وسلاما حتى لانفقده.
الغريب فى الامر ياجندر انو استمتعته بمداخلات الاخوان اكثر من الغنيه نفسها لانى ماسامع اى حاجه,
يمكن اكون قرأة كل البوستات واخريات اكتفيت بعنوانها لقيتها كلها نيران وحروب وغمز ولمز ووعيد وتهديد شنو الحكايه. وسبحان الله هى نوعيه معينه من الناسوراء كل نيران, وهم فى ذى البوست بيتاعك ده مابقدروا يجوا لانو المحل هنا محل محبه فلا يستطيعون ان يحتملوه , وناس المحبه ظاهرين هم الناس الداخلوك.
| |
|
|
|
|
|
|
| |
الجندرية
tmbis
Ahlalawad
Rawia
abas
ملكة سبأ
بدرالدين شنا
haneena
AlRa7mabi
أبو ساندرا
ود العجمى
Habib_bldo
إيمان أحمد
تراث
nada ali
mohamed elshiekh
منصوري
Abo Amna
فيس بوك
تويتر
انستقرام
يوتيوب
بنتيريست