|
|
 يلا يا أولاد المدارس
|
في منظر مهيب جدا خرج اليوم اولاد وبنات المدارس معلنين ببدء عام دراسي جديد ...
كل سنة وانتو طيببين جميعا وموفقين ...
كل سنة وانتو طيبين الامهات العزيزات ...
كل سنة وانتو طيبين الأباء الاعزاء ...
عام دراسي موفق ...
|
|
 
|
|
|
|
|
|
|
 Re: يلا يا أولاد المدارس (Re: انعام حيمورة)
|
انعام سلامات ...
كم ادرك معني ان ياتي صباح اول يوم في المدرسة بعد اجازة قصيرة (4 شهور بس) وتجي امي من تصبح قومو خلاص الاجازة كملت وهلا الله علي الجد( طبعا يا انعام الحاجة بتكون شمتانة ) ...
المصيبة كانت اني قبل المدرسة ما تفتح بكون مبسوطة ليك بالهدوم الجديدة بتاعت المدرسة ولمن ابوي يجيب الكتب والكراسات بكاد اطير من الفرح ولمن نتوهط ا########## عشان نجلد الكتب (الحيتشرط جلادها والصفحات الطرفية من اول شهر ) بكون في قمة السعادة وبمني نفسي بسنة جديدة اكون فيها زي هبة البت المنظمة ديك الكتبها نظيفة وجلادها ثابت وخطها سمح ... لكن امنياتي وسعادتي كانوا بيذهبو مع الريح في اول يوم من المدرسة ..
وانا في السكة للمدرسة بكون بحلم بزمن مثالي ومدارس بتبداء الحصة الاولي فيها بعد المغرب ودروس بتدخل الراس بدون قراية وبدون واجبات ويا سلام علي الثقة المتناهية البينا وبين الاساتذة لا امتحان لا اختبار لا أعد الاملاء ولا حسن خطك ...
عموما احساسي اول يوم في المدرسة بانو خلاص الماساة حلت علينا وتاني تلفزيون ولعب ونوم طارو لي في راسي لكن بين حين واخر بتذكر اني حالاقي صحباتي والشمارات لكن برضو قومة الصباح بترجعني لاحساس المصيبة ..
بالظبط كده يا انعام كان احساسي هو احساس زول فرشولو فرش المووت ومات..
| |
|
|
|
|
|
|
|
|
|
Re: يلا يا أولاد المدارس (Re: ريهان الريح الشاذلي)
|
Quote: في منظر مهيب جدا خرج اليوم اولاد وبنات المدارس معلنين ببدء عام دراسي جديد ...
كل سنة وانتو طيببين جميعا وموفقين ...
كل سنة وانتو طيبين الامهات العزيزات ...
كل سنة وانتو طيبين الأباء الاعزاء ...
عام دراسي موفق ... |
ليت عمري { يتقهقر } ... حتى أكون بنيهم ,
طالبا وبكامل الأصالة ... أهم هي شجون { الخروج }
عن الوطن ... أم هموا الأنضر ... أم هي إنعام ...
ودوما { زابطة الشارع }
أتمناهم ... عام دراسي مليح
... شكرا ... إنعام
مع مودتي
| |
|
|
|
|
|
|
|
|
|
Re: يلا يا أولاد المدارس (Re: انعام حيمورة)
|
ريهان شكرا على مشاركتنا لاحساسك باول يوم دراسي ..
وفعلا لكل منا احساس خاص بهذا اليوم ..
عارفة انا اليوم من الصباح وانا واقفة في الشارع ببتسم لاي واحد لابس جديد وحالق ونظيف وامورة بي هناك شعرها حلو وضفاير وتسريحة احلى من تسريحة العيد ...
وكم ابو رايح من مدرسة جديدة لاول يوم ينزل فيها ولده دليتوا على الطريق ...
يعني اليوم برغم اني صحيت بدري وجيت الشارع بدري لكن اخدت لي ذي ربع ساعة امتع فيها نفسي بالمنظر الصباحي الحلو دا ...
تاني كل عام وانتم بخير
| |
|
|
|
|
|
|
|
|
|
Re: يلا يا أولاد المدارس (Re: انعام حيمورة)
|
Quote: ليت عمري { يتقهقر } ... حتى أكون بنيهم ,
|
وانا ذاتي من الصباح قلت كدة ...
وليتك كنت معي لترى الفرح يتطاير من أعينهم وهم فرحين لهذا اليوم ...
وطعم النجاح هو مسك العام الاحلى ...
كل سنة وانت طيب بابا حيدر
| |
|
|
|
|
|
|
|
|
|
Re: يلا يا أولاد المدارس (Re: انعام حيمورة)
|
نعومة كيف حالك وإزيك إنتي كل الناس مازيك وعيني عليك باردة , كلك همة وإنسانية
ربنا يديك علي قدر نيتك وزيادة وبالمرة دخلو هبة الله للروضة عشان نحسبا مع بنات
المدارس تحياتي لكل اهل بيتكم وجميع اهل الصحافة بدون فرز وإنشاء الله معاكم حضور
في الشهر القادم اشوفكم بخير .
| |
|
|
|
|
|
|
|
|
|
Re: يلا يا أولاد المدارس (Re: انعام حيمورة)
|
يللا يااولاد المدارس في ربى السودان وسهله
يللا شخبتو في الكراريس واكتبوا الواجب وحله
انعام كبف حالك
عام دارسي موفق انشاءالله دعواتنا للكل
بالتوفيق وتهانينا لكل الناجحين في الشهادة السودانية
تحياتي
| |
|
|
|
|
|
|
|
|
|
Re: يلا يا أولاد المدارس (Re: انعام حيمورة)
|
انعام
سلام
حليل ايام زمان
شخصيا كنت بمشي المدرسةمجرور من نخرتي لحدي سادس لانو ابوي معلم
في نفس المدرسة يعني هرش في البيت والمدرسة
ريهان طبعا جربتي الاثنين معلمة وطالبة
تسلموا
| |
|
|
|
|
|
|
| |
انعام حيمورة
ريهان الريح الشاذلي
HAYDER GASIM
هاشم أحمد خلف الله
السمؤال بدرالدين
فيس بوك
تويتر
انستقرام
يوتيوب
بنتيريست