بعد ثمانية عشرة عاما........هل أنقذوك....؟ يا جميل ديل بهدلوك

مرحبا Guest
اخر زيارك لك: 03-29-2024, 01:39 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-22-2007, 05:44 AM

Azhari Nurelhuda
<aAzhari Nurelhuda
تاريخ التسجيل: 03-01-2007
مجموع المشاركات: 1958

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
بعد ثمانية عشرة عاما........هل أنقذوك....؟ يا جميل ديل بهدلوك

    بالنهب و التشريد و القتل الشديد
    هم ما أنقذوك
    يا جميل
    ديل بهدلوك.....

    و أدروب قال:
    بس رجعونا محل ما أنقذتونا.....
    Quote:

    ساخر سبيل

    الفاتح جبرا

    الوصايا الإحدى عشرة!!

    1- لا تندهش:

    كل ما يثير الدهشة لديك كمواطن قد حدث.. تانى المندهش ليها شنو؟ قالو (السلام) ح يجى وح تقيف منصرفات (الحرب) الكل يوم كم مليون (دولار) وانت كمواطن ح (تنعنش)..الحرب قامت وقفت و(لدهشتك) لقيت مصروفات (السلام) أكتر من (مصروفات الحرب)!! قالوا (البترول) يطلع وحياتك ح تبقى آخر حلاوة ودخلك السنوى ح يزيد .. طلع البترول و(لدهشتك) زادت أسعار (البنزين) و(الجازولين) و(السكر) والسلع الضرورية.. إذن مفروض تكون إنت (كملت) دهشتك ومافى حاجه تانى تثير الدهشة فيك فلا تندهش!

    2- لا تتظاهر:

    اذا تظاهرت فلا أحد يضمن لك العودة إلى بيتك سالما ويمكن بكل بساطة أن تصبح (أسماء فى حياتنا) بغض النظر إن كنت تتظاهر فى ميدان (أب جنزير) أو (شارع الحرية) أو (الجمهورية) وبغض النظر إن كان موضوع التظاهر هو (زيادة أسعار) السلع الضرورية أو (الماده 130) أو (اليوم الوطنى لبناء السدود) ولا تعتمد على إنك (بتتظاهر) بصورة (سلمية) معتمداً على (الدستور) الذى يكفل لك ذلك فالكفيل الله!!

    3- لا تأكل:

    لا تحاول أن تأكل (حق الناس) لأنو (الناس) ما عندها (حق من أصلو) بعدين حتى لو عندها حق فهنالك من يقوم بمهمة (أكل حقها) خير قيام.. إنت خليك بس فى (الفول) و(البوش) والطماطم بالدكوة إذا إستطعت إليها سبيلا أما باقى الأكل فهنالك عباد اختصهم الله بذلك..

    4- لا تضحك:

    الضاحك ليها شنو؟ أمشى كدى أول حاجة شوف (الجمرة) فاضل فيها كم؟ وأدى الأولاد الواقفين ديل حق الفطور والمواصلات وأدفع لبتاع النفايات ده قبلما يودوك (الحراسة) وجيب لى (أم العيال) الراقدة (سلطة) دى دواء (الملاريا) لو فى حاجة تضحك عليها أضحك على روحك!!

    5- لا تتردد:

    لا تتردد فى قبول أى (عمل) تجده مهما كان متدنياً ولا يتناسب مع ما لديك من (شهادات) وخبرة وخلافه فوجود فرصة عمل (شريفة) مهما كانت أصبحت مستحيلة كما الغول والعنقاء والخل الوفى خاصة إذا لم يكن أحد أفراد (قبيلتك) أو (عائلتك) أو (جماعتك) يحتل أحد المراكز المرموقة.

    6- لا تلعب:

    لأنك ما ح تقدر تلعب مع (الكبار) والدوليين لأنو أصلا إنت ما عندك مساحة عشان تلعب فيها.. يبقى أحسن ما تلعب؟ هو إنت عندك حيل تلعب بيهو (البوش والطماطم) ديل ما فيهم أى (سعرات حرارية) خلى (اللعب) لى ناس (الحليب البارد) و(تمر المدينة) وفواكة (لبنان) والخرفان المشوية!! حريفين وبعرفو ليهو كويس .. ممكن غايتو تلعب ليك (عشرة طاولة) بس ما تدمن الشغلانة وتقعد كتير لأنو لو جاتك (بواسير) دى علاجا عاوز ليهو (مليون) وشوية!!

    7- لا تحلم:

    الحلمان ليها شنو؟ هو فى زول (ميت) بيحلم؟ وأفرض حلمت غير ما تحلم بى إنك زائغ بالشوارع وواحد لابس (أبيض) بيطارد فيك وشايل ليهو دفتر (إيصالات) أو تحلم إنك عاوز تعمل (عملية) لى ولدك وما عندك (حقها) ح تحلم يعنى بشنو؟.. من أجل صحتك وحيلك المهدود أصلا.. لا تحلم!! إذا أردت أن تحلم فنام فى سرير طفلك الصغير حتى تحلم (أحلام كرتونية) بعيدا عن واقعك المرير!!

    8- لا تتألم:

    بالرغم من إنو جلدك مفروض يكون (تخن) وما فيش حاجة فى الكون مفروض تألمك نسبة لما عانيته من آلام ومعاناة ومصائب أقلها أنك صابر على (مرتبك الشهرى) الذى يساوى بالتمام والكمال قيمة (إيجار المنزل) الذى تسكنه بالرغم من ده كلو فحاول ألا تتألم لأنو إذا إتألمت أو ما إتألمت مش ح يحس بيك زول وإبتعد من الأشياء المؤلمة حقا كـ (التلفزيون) و(نشرات الأخبار)!!

    9- لا تقرأ:

    لا تقرأ لأنو القراية ذاتا بقت (مستحيلة) لو عاوز تشترى ليك كتاب إلا تدخل ليك (صندوق) ولو دخلت ليك صندوق الناس كلها لأنها متضايقه ح تقول عاوزة (الصرفة الأولى) وح يدوك (الصرفة الأخيرة) ولما تصرفها وتمشى تشترى (الكتاب) ح يلاقيك بتاع (النفايات) فى السكة يشيل منك (القروش) .. ريح دماغك وأبعد من (القراية) ما من زمان وإنت قاعد تقرأ القراية عملت ليك شنو؟

    10- لا تستعجل:

    لا تستعجل فالعجلة من الشيطان والمثل بيقول (تجرى جرى الوحوش غير رزقك ما تحوش).. لكن هسع (رزقك زاتو) فى تلتله!!

    11- إبتهج بالأعياد:

    حيث أن حياتك أصبحت ضنكا محضا فحاول أن تبتهج بالأعياد.. وأهو عندك عيد جاى بعد كم يوم فأخرج إلى السوق لتشترى لك (جلابية) و(عمة) وملابس جديدة (للأولاد) وأم (العيال) لزوم العيدية و(الإنبساط) والإحتفال بهذه الذكرى المجيدة!!

                  

06-22-2007, 08:41 AM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بعد ثمانية عشرة عاما........هل أنقذوك....؟ يا جميل ديل بهدلوك (Re: Azhari Nurelhuda)

    عذبوك..
    شردوك..
    فجروك..
    ضبحوك..

    ياجميل............
                  

06-22-2007, 10:08 AM

Azhari Nurelhuda
<aAzhari Nurelhuda
تاريخ التسجيل: 03-01-2007
مجموع المشاركات: 1958

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بعد ثمانية عشرة عاما........هل أنقذوك....؟ يا جميل ديل بهدلوك (Re: Muna Khugali)

    بالنهب و التشريد و القتل الشديد
    هم ما أنقذوك
    يا جميل
    ديل بهدلوك.....
    عذبوك..
    شردوك..
    فجروك..
    ضبحوك..
    تشتشوك,,

    ياجميل............
    هم ما بشبهوك......
                  

06-22-2007, 11:58 AM

Azhari Nurelhuda
<aAzhari Nurelhuda
تاريخ التسجيل: 03-01-2007
مجموع المشاركات: 1958

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بعد ثمانية عشرة عاما........هل أنقذوك....؟ يا جميل ديل بهدلوك (Re: Azhari Nurelhuda)

    هل أنقذوك..؟
    لم ينقذوك ..
    و لم يدركوك..
    بل جلسوا تأمروا..
    لينهبوك.....

    شعبا منزه في علوك..
    طبعك جميل ..
    شبه الملوك..
    غضبك شديد..
    زي الأسود..
    هم بكره
    حتما بيخبروك
    يا جميل......
    هم ما بشبهوك...
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de