|
|
 التأمين على سيارات الافراج المؤقت .. وظلم ذوى القربى !!!
|
فى هذا الزمن .. زمن القهر والتحديات .. كثيرا ماأسال نفسى مانهاية هذا ( القرار ) المنخور بالهموم والمعاناة .. مامصير( المغترب) فى زمن سقطت فيه كلمة( مغترب) من قواميس الرحمة والاحساس .. اشياء كثيرة تعذبنى كمواطن أراها وأحسها وأعيشها .. ولاأملك حيالها إلا عقلا مشتعلا بالافكار وبعض كلمات مغسولة بآهات ودموع هؤلاء المغتربين ..
دفعنى لهذه المقدمة اليسيرة .. ذاك الخطاب الصادر من هئية المؤانى البحرية الموجه الى جهاز شئون السودانيين العاملين بالخارج - نص الخطاب - :
(( بالاشارة لخطابكم بالنمرة ج ت ش س ع خ/ وتاريخ 16/5/2007م نفيدكم بموافقة السيد / مدير عام هئية الموانى البحرية بتخفيض التأمين على عربات الافراج المؤقت 50% وبضمان الجهاز نفسه وليس غيره ولمدة ثلاث اشهر اعتبارا من 1/6/2007م ( انتهى نص الخطاب)
لم أجد تفسيرا لذلك سوى القول .. من هو مدير عام هئية المؤانى البحرية والذى يصدر الاوامر بالتخفيض والزيادة والنقصان وكأنما نحن أى المغتربين ( سلعة) يفعلوا بها ماشاء لهم .. فأين مسئولى وزارة الماليه من هذا التلاعب وتلك القرارات وأين جهاز شئون العاملين بالخارج ؟ ألم اقل لكم هذا جرم ( مع ضم حرف الجيم) تجاه ( المغترب) الذى أصبح التهاون فى حقوقه سمة تكاد تكون فى حد نفسها جريمة يعاقب عليها القانون بأعنف الاتهامات واردع العقوبات ؟؟
أما كان الاجدى والانفع هو معالجة كافة الاشكالات التى تواجه المغتربين بدلا من تجاوز الانظمة واللوائح التى أقرت من جانب فردى لتضيق الخناق على كاهل المغتربين.. وفى هذا الوقت بالذات .. وهل يعنى ياسادة هذا التخفيض كافيا .. ولنسال أنفسنا أين تذهب هذه الاموال ومن المسئول عنها ؟ وكيف يتم أستردادها وهم على علم تام بأن هنالك من تسول له نفسه بمحاولة ايجاد الف عذر وعذر لتعطيل المغترب ومن ثم مغادرته دون أن يحصل على ( هلله) وهم بهذا يسرحون ويمرحون دون أى مساءلة !! الم أقل لكم هذا ( جرم )
أنظر ماذا قال مدير هيئة المؤانى البحرية :
(( أكد اهتمام الهئية بقضايا ابناء السودان العاملين بالخارج بالمهاجر المختلفة وأشاد بالتعاون المستمرمع جهاز المغتربين فى المجالات كافة .. وقال أن قرار الرسوم الجديدة لتأمين سيارات الافراج المؤقت جاء ضمن خطة الهئية لتخفيف الاعباء على أبناء السودان العاملين بالخارج وسوف نعمل على مزيد من تبسيط الاجراءات المتعددة - انتهى-
( أسمع كلامك أصدقك .. أشوف فعايلك استعجب !!) مشكلتنا أننا مصابون بقصر شديد فى النظر .. مأساتنا أننا تطورنا فعلا لكن من الخارج فقط أما من الداخل فمازال الكثير ممن وضعهم الله على روؤس الخلق يفكرون ويتصرفون بعقلية إنسان ماقبل التاريخ أنسان الانانية أنسان اللاإنسانية .. وأقف هنا وأترك الحكم للقراء أصحاب الوجعة تجاه ماجاء على لسان مدير هئية الموانى أعلاه !!
وأخيرا مازال السؤال عالقا فى جوفى وفى طرف قلمى وفى صمام قلبى وفى ارتعاشة صوتى الى متى والى أين تسير قرارات هئية المؤانى الظالمة ؟؟؟ وأيضا لازال سؤالى قائما لفخامة رئيس الجمهورية ( عمر البشير) وللتذكير فقط حينما وقف أمام تلك الحشود الهائله والتى جاءت من اقصى مدن المملكة لمقابلة فخامتة .. فخاطبهم قائلا ( المغتربون هم سند السودان ولولاكم لما وصلنا الى ماوصلنا اليه الان ) فهل هذا جزاؤهم سيدى الرئيس .. وأكتفى ..
تاج السر ( 00966508730423)
[email protected]
|
|
 
|
|
|
|
|
|
|
|
Re: التأمين على سيارات الافراج المؤقت .. وظلم ذوى القربى !!! (Re: تاج السر محمد حامد)
|
السؤال اخي تاج السر هو
لماذا اصلا الامنية على سيارات الافراج المؤقت
انتا زول دافع رسوم التربتيك ودافع رسوم التامين على السيارة بغض النظر عن طريق التقييم المتبعة للتامين ورسوم محلية سواكن ان صح الرسم الاخير..
الامنية المستردة دي شنو؟؟
مصرحين ليك بي تلاتة شهور او شهر او ما اتفق عليه عشان تكون داخل السودان بي عربيتك..
بنهاية الفترة لو مارجعتا بي العربية او جمركتها انتا بتكون غرضة لقانون مكافحة التهريب
ده المفترض يحصل..المسالة تبقى مسالة قانون..
موش تبقى المسالة مسالة امنيات و افتراض مسبق لي سوء النوايا..
يعني مافي داعي للامنية دي طالما اصلا في قانون بحكم المسائل بتاعة عدم رجعة العربية ..
او كمان ما ينطبق القانون بتاع التهريب ويكتفو بي الامنية كجمرك لي العربية..
ماهو كمان ما ممكن يختوها ليك من عدة جهات لذات الغرض
الغرض من الامنية هو انو يكون تمن عدم رجوع السيارة
والغرض من قانون ناس مكافحة التهريب انو برضو يدفعوك تمن عدم رجوع السيارة ..
يعني نحنا مامفترض نناقش ليه تُفرض من قبل هيئة المواني او من قبل وزارة الامنيات
ونقعد نقول دخل الهيئة شنو في امنية عربية ..
اصلا البلد فيها تداخل اختصاصات غير مسبوق
واذكر في الاجازة الفاتت كان بتاع المرور وقفني في تقاطع واحد وستين مع محمد نجيب وقال لي : اوراق العربية يا بتاع اللوحات السعودية
قمتا اديتو ورقة المرور الفيها اذن لمدة تلاتة شهور..
لامن لقاها نظامية عاين لي وقال لي وين التامين؟؟
اقوم اديهو ليهو لامن لقاها نظامية قام قال لي طيب وين ورقة الجمارك؟
قتا ليهو وانا زهجتا من التعطيلة: لي شنو عايزها ؟؟
قال لي ده شغلنا
قتا ليهو انتا شغال في المرور ولا في المكافحة بتاعة التهريب؟
قوم يقول لي ياخينا وين الورقة قتا ليك ده شغلي وانا عارفو..انتا عايز توريني ليهو؟؟
رديت عليهو : ياخوي ده ماشغلك انتا شغلك لحدي ورقة المرور والتامين انتهى..
وكتاسيس مني لنهج استعلائي جديد في التعامل معاو وفي محاولة لتحجيم العسكري الجواهو المليان رغبات قمع وتعالي واحساس فخيم بي الكاكي اللابسو مديت ليهو بطاقة محامي ...
قائلا: شغلك انا موش اوريك ليهو درستو في خمسة سنين وفي معهد التدريب والاصلاح القانوني موش في الاحتايطي المركزي ستة شهور..
وقتا ليهو بي زعلة باينة ورحكاكا نيابة الخرطوم وسط هسي عشان نشوف مسالة اختصاصك دي..
ود الذين رجع لي الورق وقال لي بس نحنا بنحب الاوراق تكون نظامية..
شلتا ورقي من يدو وقتا ليهو : ماشغلتك ..
نحنا بصراحة معرفتنا بي حقوقنا لاتتعدى ما يُـمليه الاخرون علينا من خيارات..
وقناعتنا بيها نتاج رؤية الكاكي والسلاح وما ُيعرف بهيبة الدولة.... موش نتاج قراءات لتواريخ الحقوق والعقد الاجتماعي
| |
|
|
|
|
|
|
|
|
|
Re: التأمين على سيارات الافراج المؤقت .. وظلم ذوى القربى !!! (Re: DKEEN)
|
العزيز دكين ،
| Quote: وكتاسيس مني لنهج استعلائي جديد في التعامل معاو وفي محاولة لتحجيم العسكري الجواهو المليان رغبات قمع وتعالي واحساس فخيم بي الكاكي اللابسو مديت ليهو بطاقة محامي ... |
والله كيف عجبتني .. طيب لو ما كانت معاك البطاقة دي
أو لو كنت واحد زي حالاتنا كده ، (مش محامي) ، كان
اتخارجت كيف ؟ (ملعون ابوكي بلد) ؟!؟!
مودتي ،
( ليمو )
| |
|
|
|
|
|
|
|
|
|
Re: التأمين على سيارات الافراج المؤقت .. وظلم ذوى القربى !!! (Re: abdulhalim altilib)
|
الاخوة الاعزاء .. دكين .. ليمو
لكم التحية والتقدير والاحترام ومزيدا من الكلمات والحروف والتى تصب فى المصلحة العامة .. وأنا الان فى حيرة اتساءل أين هؤلاء المغتربين .. لماذا هذا الصمت القاتل وكأن الامر لايهمهم فى شئ !! قولوا كلمتكم ياهؤلاء .. لااريد التحدث معى فقط عبر الجوال بل اريد أذنا صاغية لهذا الامر الخطير والخطير جدا .. أنظروا الى ذاك الحديث والذى ذكره أخ الوجعة دكين فى البوست أعلاه !! وكفى
| |
|
|
|
|
|
|
| |
تاج السر محمد حامد
abdulhalim altilib
فيس بوك
تويتر
انستقرام
يوتيوب
بنتيريست