|
يا احبابي كلكم دون فرز انجدوني محتاجه ليكم
|
وصلتني رساله من ايميلي ولي ايميلي فيها فديوهات وعناوينها تحدث عن مضمونها (كلها كلام ما كويس ) طبعا ما قمت بتحميل الفديوهات المرسله شطبت الرساله فورا . كدي الفاهم فيكم الحاصل يوريني المصيبه دي شنو ؟؟ هكروني؟؟؟ ولا كيف زول يرسل من حسابي من غير معرفتي ؟؟ الحقني يا تمبس الحقني يا تمبس وكل خبراء الكومبيوتر والنت ويا حبان اي زوله او زول تصلها او تصله الرساله دي انا برئيه منها وما تفتحوها اظنها مفخخه
|
|
|
|
|
|
|
|
Re: يا احبابي كلكم دون فرز انجدوني محتاجه ليكم (Re: خالد العبيد)
|
والله يا خاله اخوك مسطح في الكمبيوتر ، لكن مره حصلت لي حاجة زي دي ، جاني ئميل باسمي ، احترت فيه ، وفي النهاية عملت ربلاي تو اول
اتخيل اكتشفت انه الئميل مختلف ، والزول الرسل الرسالة عمل اسمه(النيك نيم باسم الئميل بتاعي )
، كدي جربي اعملي ربلاي (لو ما مسحتي الرسالة ) شوفي العنوان البجيك شنو ؟
اغايتو كان كلامي ده طلع صاح ، يكون يضع سره في اضعف خلقه .
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: ثروت سوار الدهب)
|
Quote: anyway be more vigilant Internet is not a friendly place anymore
|
فى غالب الامر ان فيروسا ضرب احد كمبيوترات الاشخاص الموجودين فى الكونتاكت ليست الموجودة ببريدك الالكترونى وعقب وصول هذا الفايروس الى بريدك الالكترونى يقوم بارسال ايميلات تلقائيا الى اى شخص موجود فى الكونتاك ليست حقك بما فيهم اسمك اذكان موجودا فى قائمتك وعليك تنظيف كمبيوترك ومن ثم تنبيه كل الموجودين الى ان كمبيوترك اصيب بفايروس فتك ويتوجب عليهم عدم فتح اى بريد يحمل عنوانك جنى
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: jini)
|
Quote: وعليك تنظيف كمبيوترك ومن ثم تنبيه كل الموجودين الى ان كمبيوترك اصيب بفايروس فتك ويتوجب عليهم عدم فتح اى بريد يحمل عنوانك جنى |
دي ماالمشكله زاتها يا جني التنظيف دا . اها يا ناس زول يفتح رساله مني ما في انا زاتي ما بالحيل علي كتابه الرسائل.
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
لاحظوا في عنوان الراسل:
هل هو .com أم .ca أم .org إلخ .. و قارنوه بي عناوينكم
إذا في إختلاف (أو مافي حتى) ممكن تعملوا Block لعنوان الراسل (و أي عنوان آخر لا ترغبوا في رسائل منه) كالآتي:
تعملوا paste & copy للعنوان الغير مرغوب فيه أولا.. بتلاقوا كلمة options على الصفحة البريدية, أضغطوا عليها, بتديكم مجموعة خيارات.. إختاروا Block و أضغطوا عليها أنزلوا العنوان غير المرغوب فيه هنا ثم أكبسوا Block بي كده بتكونوا وديتوه الدروشاب! و تاني ما بتصلكم منه رسائل,
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: ولياب)
|
كدي ابدا من ابني ولياب واختتم بالابن خالد شكرا ليكم جميعا احبائي احمد , المعز, ثروت, رقم صفر وخالد العبيد واظن كلام رقم صفر وثروت صحيح انا من الهجمه ما شفت اي شئ غير عنواني الما يغباني ومولعه الايقونه خضراء وبسرعه البرق مسحتها والاميل طفشتوا الله بيني ما بينو . شكرا للتوضيح
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
سلامات خالتنا دومة للضمان وكت لسة بتقدري تعملي login على ايميلك أدخلى على الـOptions و غيري الـPassword... خلى الـ Password دايما معقدة شويةيعني دخلي في بدايتها او نصها او نهايتا حاجات زي (!@#$%^&*)() و Caps سريع، وغالبا ايميلك ايميلك ما اتهكر بتكون ترك زي القالوها الشباب لانو لو هكروهو اول حاجة بيغيرو الـ password.
تحياتي ويوم هكرك ما يجي
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
العزيزة شدييييد دوما
لقيت ندائك دا وبدون تفكير جيت جاري ونطيت الحيطة أها بعد ما اتوكرت جوة الدارة اكتشفت ليك اني ما شايل عكاز ولا طبنجة يعني أباطي والنجم والساتر الله . لكن لقيت أهل الحارة ما قصروا أبقي عشرة على إيميلك . الزمن دا بقى وشو زي قفاهو
تحياتي وأطيب أمنياتي
وليااااااب
عاطر التحايا وأطيب المنى
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: singawi)
|
العزيزة دوما بوستك مسكون اول زول رديت ليك الساعة الطار البوست وإختفى عرفت المسالة فيها إن وممكن إضربني فايروس طلعت وحسي جيت راجع قولي يامدني السني جلابية بيضا ومكوية يالسني بسحروك لي تلقي النجدة جنبك تهبشو ساكت القاليك افتحي البريد منو؟
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: singawi)
|
سنجاوي اب كلاما بداوي والله اتوحشناك شديد علي قول الجنا محسن خالد وين انت ؟؟؟وين زمنكم الجميل ؟؟؟ كلما اتذكركم اتذكر مام يا حليلو وحليل ناس شتات وبناديها ما فضل الا ولدي ولياب دا ربي يديه العافيه بنسمع من بعض من وقت لاخر . ابقي قريب وبركه الجيتني وشفتك
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: ASAAD IBRAHIM)
|
الحمد لله شغلانية انطرنت ساي ؟
الخالة دومة تصدقي قريت العنوان قربت اخش جوه الشاشة افا افا الخالة دومة عاوزة نجده واخوان البنات حايمين ما جايبين خبر افو افو
علا الحمد لله الجاتك في ايميلك سامحتك اعملي ايميل جديد ولا غيري الباسوورد وكمان لامن تغيري الباسوورد لازم تكتبي في ورقة وتحفظيها في الجزلان
حسب فهمي البسيط احيانا بيكون في فايروس في الكمبيوتر بيرسل عشوائي لكل العناوين المسجلة ويمكن انتي مسجلة عنوانك برضو
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: محمد حسن العمدة)
|
http://www.symantec.com/smb/security_response/writeup.j...=2006-011712-3235-99
W32.Blackmal@mm
الخالة دومة تحياتي واحترامي يا غالية
أعتقد أن جهازك اصابه هذا الفايرس المذكور في اللنك اعلاه من خصائص هذا الفايرس انه : 1- يمنع عمل الأنتي فايرس الموجود في الجهاز 2- يمنع تحميل وتشغيل اي برنامج أنتي فايرس 3- يدخل الى قائمة ال contacts ويبدأ في ارسال رسائل من البريد الالكتروني 4- يستطيع اراسل الرسائل باللغتين العربية والإنجليزية . 5- أحيانا يقوم بتغيير الباسوورد
لمعالجة هذا الفايرس : ادخلي على الرابط لتحميل أداة التنظيف الخاصة بالفايرس المذكور حملي البرنامج على فلاش ميموري لأن الفايرس يمنع التحميل على الجهاز قومي بتشغيل البرنامج من الفلاش لتنظيف الجهاز من الفايرس بعد فصل النت من الجهاز بعد ذلك يمكنك اعادة تركيب برنامج الحماية الخاص بك قبل توصيل النت ثم عمل تحديث للبرنامج وتشغيل خاصية ال protection الآلية
هذا والله اعلم ... يمكنك الاستعانة باي شخص له خبرة في الكمبيوتر
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: معتز القريش)
|
Quote: خالة دومة تحياتي واحترامي يا غالية
أعتقد أن جهازك اصابه هذا الفايرس المذكور في اللنك اعلاه من خصائص هذا الفايرس انه : 1- يمنع عمل الأنتي فايرس الموجود في الجهاز 2- يمنع تحميل وتشغيل اي برنامج أنتي فايرس 3- يدخل الى قائمة ال contacts ويبدأ في ارسال رسائل من البريد الالكتروني 4- يستطيع اراسل الرسائل باللغتين العربية والإنجليزية . 5- أحيانا يقوم بتغيير الباسوورد
|
يا ود القريش الفايرس دا شكيتو شكيه لا تتعطل لا تتبطل الباسويرد نعمني كاتباها وحافظاها في النوته قدر عليها غيرها . يتغير يا يابا حالو .كدي النطايب الناس ديل اولا بعدين نشوف موضوع الفيروس دا
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: ASAAD IBRAHIM)
|
الخالة دومة سلامتك من الهكر.. وعلي اهبة الاستعداد لمضاربة الهكر ده وين ما هو قاعد وضربه ضرب غرائب (الهكر)... نصيحتي غيري الفيرشن بناع الهوت ميل بتاعك للاصدار الجديد فهو محمي بخدمة تقفل كل الرسائل ذات الملفات الملحقة حتي تعطيها انتي القرين لايت... جاهزين يا دومة..ولعن الله الهكر
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: عبدالكريم الامين احمد)
|
Quote: لخالة دومة سلامتك من الهكر.. وعلي اهبة الاستعداد لمضاربة الهكر ده وين ما هو قاعد وضربه ضرب غرائب (الهكر)... نصيحتي غيري الفيرشن بناع الهوت ميل بتاعك للاصدار الجديد فهو محمي بخدمة تقفل كل الرسائل ذات الملفات الملحقة حتي تعطيها انتي القرين لايت... جاهزين يا دومة..ولعن الله الهكر |
كدي تعال لي بالمخسوس حضر لي اللنك للداون لودينق ] يا ولد يا كيكي انت مالك حاربتني ؟؟
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
الاخت دومة تحية وبعد سألت الوداعية الساكنة جنبنا عن هذا الموضوع، فقالت إن دومة محسودة. ولها خصوم وخصمات كتار. بالذات الخصمات. وقالت ايضآ إن خصومة قريبة، ربما تكون هى السبب فيما حصل لحاسوبها. يبدو ان خصمتها ارسلت لها فايروس ابو حديد لتخريب حاسوبها. حاسوب دوما. ونصحتك الوداعية يا دوما باجراء فحص فيروسى عاجل على حاسوبك. وتجديد اشتراكك فى مكافحة الفيروسات والحاسدات ومن لف لفهن.
وقالت الوداعية لو كانت دوما تستخدم انترنيت اكسبلورر كمتصفح عليها بالتغيير للمتصفح المدرع والمحصن فايرفوكس firefox ويمكن لدوما تنصيب هذا المتصفح من هذا الموقع مجان: http://www.mozilla.com/en-US/firefox/
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
العزيزه وغاليه دومـه
....ينعم صباحك خير ..ويسعد مساك النور
..منو البيسمع العزيزه دومه تطلب شي ومايجي..زي ما
قال العزيز سنجاوي اهل الحاره ما قصرو..وسلامتك...
مع تحياتي وتقديري وسلامي لك ولكل المتداخلين باعلاه
..وخاصه للطال غيابهم الاعزاء ولياب وسنجاوي
....مع خالص الود.
...SHATAT
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
Quote: يا حبوبة دومة إنتي مالك و مال الكمبيوترات و الإيميلات? أمشي الحج.... و أغشي بالمرةالظلامية بيان و سوقيها معاك كمان ... |
العزيزة دومة سلامات.
أمسحي بس زي ما قال لك أبو ساندرا.
يا كوستاوي, هو الظلامية بيان دي لسه ما مشت الحج؟ الراجية ليها شنو, والعمر ده فضل فيهو كم؟
دينق.
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: Deng)
|
Quote: يا كوستاوي, هو الظلامية بيان دي لسه ما مشت الحج؟ الراجية ليها شنو, والعمر ده فضل فيهو كم؟
دينق. |
لوووووووول يا دينق خسمتك بالجكس الجديد وشديد لو ما لاقيتنا في الخرطوم السنه البعد الجايه كان الموت خلاني واوريك بيان دي للدنيا والزمان عمر الزهور عمر المني ما شاء الله العين الحاسده ما تشوفها
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
دوما ما حدث عندك شائع وبكثرة وله اسماء واهمها spam و hacking stmp
تعددت الاسباب والspam واحد والسادة ال spammers وعدد الاسبام مرتبط بنشاطاتك وابحارك في الشبكة دون ان تحمي نفسك ولو ان حتي الحماية لا تمنع الاسبامرز من الحصول علي عنوانك بوةاسطة كوكيز او بوب ابز ... المهم ان هنالك وسائل متعددة تمكن الهاكرز من الحصول علي عنوان اي عنوان وحتي انشاء قاعدة معلومات منها ثم اعادة ارسال كثير من الرسائل السيئة وملحقاتها relaying of spam والفيروسات هي واحدة فقط من المعينات وهي اقلهم ضررا حيث يمكن التعرف علي الفيروس والقضاء عليه اما الاسبام فيلزم اشياء معقدة كثيرة منها معرفة الجهة التي تكتب اليك والاتصال بمدير السيرفر في تلك الجهة او حتي الاتصال بجهة حكومية امريكية مهمتها مناهضة الاسبام ...عموما كاحتياط استعملي برامج antispam anti-virus وكذلك تاكدي من انك blocked pop ups clean cockies regularly
,وللفائدة العامة ارجو قراءة ما في الروابط التالية : http://www.defendingthenet.com/NewsLetters/HackingSMTPG...CommandReference.htm http://www.itsecurity.com/features/99-email-security-tips-112006 /
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
دومه:
سلامتك والألم بيزول ... كفارة ليك يا زول.
ولا تشتغلي بالموضوع عادي جدا .... اعمل البلوك القالو ليك للعنوان الجاب ليك المشكلة .... واتوقعي تاني يرسل ليك انتي تاني أعملي بلوك ... أنا في واحد مصري متلحني...... برسل في الاسبوع مية ايميل .. كل مرة بي عنوان مختلف في حروف بسيطة اصلو ما زهجت .... هو يرسل... وانا اقفلو... لحدي ما زهج مني ووقف الحكاية دي.
مشتاقووووون والله.
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
كيفك يا خالة دوما .. لازمك تبخريهو كمبيوترك دا الظاهر أدوهو عين
الشباب ما قصرو أدوك المفيد وزي ما قالو هو نوع من أنواع الملفات المزروعة البتنسخ نفسها وترسل رسائل للموجودين عندك وكويس إنك مسحتيها .. عليك بتغيير الباسوورد ووضع برنامج حماية كويس وعمل إسكان للجهاز حتى لا تتعرضي لمثل هذه المشاكل مره أخرى ..
تحياتي ..
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: Abomihyar)
|
ياحاجــة .. ويا ماما .. ما تشوفي شــر . والدناك بالشر .. الله يكسر راسو .. الايميلات دائا عرضه لي ضعاف النفوس .. الناس اليدهم خفيفة بيجو داخلين يشليلو حاجة ما حقتهم .. والبجيبو ليك حاجة حاجه ام ليك بيها علاقة .. وفي البيجي يطبق ليهو نظرية جديدة اتعلمه .. وفي كمان التقنية البتضر نفسها بنفسها .. زي ما قال ليك معتصم .. هناك الكثير من الملفات بتاعت التجسس .. والملفات البتنسخ نفسها بنفسها وتكون حايمه الدنيا.. طالما حذفتي الملف .. عوجه مافي .. والكثير من الأخوان ساهموا بشكل فعال في التوضيح وانا متأسف خالص البوست ده نبهوني ليهو الليلة الصباح ده يا حاجة بقينا نجي داخلين البورد ده والواحد لابس ليهو نضارت شمش من السخف المبالغ فيهو ده .. البريد المجاني دائما مشاكلو كتيرة والحقوق فيه وبتضيع الباص وورد غيريهو من فترة لي أخرى كلما تحسي انو في أجسام غريبة أو في رسائل متكررة بشكل دوري .. ما تفتحي ليك رسالة ما عارفاها من وين .. وبالذات البتجي في الجنك ميل أعملي حساب اي رسالة بتجيك في شكل مرفق اتاشمنت ومضغوطة على نسق Winzip
تعرفي ياحاجة .. عندي واحد لذيذوني كدا .. متلحني من قبل فترة كلما اصحى الصباح اللقاهو ليك مرسل لي رسالة .. عينك ما تشوف إلا النــور وكل يوم بيزيد فيها .. غايتو ما خلى ليهو نبذ في الدنيا .. ما جابو لي ما فاضل ليهو إلا يدخل ناس قوقل ايرس يجيب لي خريطة الغرفة بتاعتي وشجرة الليمون .. قام بي كل قلة أدب قال لي بعرف بيتكم بي وين .. تخيلي زول من سقط لقط .. يقول ليك انا بعرف بيتكم .. والكلام البتكتبو في سودانيز اونلاين ح نسوي ليك بيهو وح نعمل ليك عليك النبي ياحاجة زي النوعية دي .. كان مشيت حسع دي كريت ليكم الجهاز بتاعو ده جبتو ليك هنا اكون غلطان ؟؟ كان جريتو هو زاتو من اضانو دي .. الله بيحاسبني ؟ الكلام دا كتبتو ليك هنا لانو البورد ده مليان ناس نفوسة ضعيفة .. واصلو ما ترقدي ليك على جنب ... وما تطمني .. أقرب الناس ليك ممكن يخذلك بس لمجرد اختلفتي معاهو في طرحــو واسهل حاجة تضر ليك شخص عن طريق التقنية دي .. واصعب حاجة إنو النوعية دي بس تفكر مجرد تفكير أنو لو عامل فيها شفت .. حواء دي والده.. .. . كان لاقتك اي مشكلة رسلي في الخاص برضو عارف قلوبنا دي مفتوحة ليك قدر كيف
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: doma)
|
العزيزة الخالة دومه تحياتي
والله إرتفعت نسبة الخوف لدي بمجرد رؤية البوست وعنوانة والحمد لله جات علي كدا وبنقرة كي بورد تستطيعي تجاوز هذه الأزمة وطبعن كلمة أزمة تستوعب هذه الحالة بالذات لي حالتنا دي حيث تواضعنا في فهم تقنيات الكمبيوتر ولو ربنا أطال العمر بإذن الله بنلحق وبنصبح جهابزة .
بحيراوي
| |
|
|
|
|
|
|
Re: يا احبابي كلكم دون فرز انجدوني محتاجه ليكم (Re: البحيراوي)
|
شكرا لكل ابنائي الاحباء معتصم دفع الله , ابومهيار, تمبس و البحيراوي . ان شاء الله اجيكم في السمح , ويعوضني الله في ايميلي ما قدرت استرد الباسوير د للان . لكين عملت برنامج حمايه من الفيروسات وفير وول وتاني لو ما اتاكدت من اسم الراسل ما بفتح اي ايميل والشكر الجزيل للبشامهندس وما عدمناك يا هندسه .تسلموا جميعا
| |
|
|
|
|
|
|
|