|
|
|
 Re: شجعنا الهلال ( علي مضض ) من اجل تصريحات اموكاشي وهو يبهجنا الان بالثلاثية (Re: اساسي)
|
اساسي و الله خيبت ظني .. بالله راجل حقاني و صاحب راي و زول موضوعي يشجع المريخ. ياراجل الكلام ده ماصح منك. كدى راجع نفسك متاكد تحت تحت بتميل للهلال لانو او كلمة الحق تقال المريخ ما بشبهك.
و الله يا تمبس الابداع و المبدعين دائمين ينتموا للقبيلة الزقاء. كدي ياتمبس نزل لينا تسجيل (هاي لايت) من لقاء اليوم. بس ما تخزلني زي ما خزلتني في اغنية احرومني و لا تحرموني سنة الاسلام السلام.
| |
 
|
|
|
|
|
|
|
|
Re: شجعنا الهلال ( علي مضض ) من اجل تصريحات اموكاشي وهو يبهجنا الان بالثلاثية (Re: اساسي)
|
يا تاج السر ... دى قوية.. قـــــــــــــــــــــون!!!!
مر مسطول على نفرين بتناقشوا .. واحد قال للتانى شفت الهلال غلب المريخ كيف؟
وبعد شوية مر على نفرين بتناقشوا .. واحد بقول للتانى.. المسلمين هزمو الكفار فى موقعة بدر..
التفت المسطول وقال ليهم: يعنى كدة الهلال يلعب ضد المسلمين والكفار ضد المريخ وربنا يحكم بينهم بالعدل..
دى ثلاتية لكين قدها رباعى!!!!
نورالدين منان
| |
|
|
|
|
|
|
|
|
|
Re: شجعنا الهلال ( علي مضض ) من اجل تصريحات اموكاشي وهو يبهجنا الان بالثلاثية (Re: hajhamad)
|
حبيبنا اساسى
اولا نهنئك بالمولودة الجديدة جعلها الله من (الهلالابيات) النابهات .
بعد هدف الهلال الثالث اخذ الجمهور يهتف ضد اموكاشى قائلين(يااموكاشى ياشماشى).
جدير بالذكر ان اموكاشى رفض ان يحضر المؤتمر الصحفى عقب المباراة.وكان اموكاشى قد استفز الهلالاب بأنه بعد ان هزمهم فى نيجيريا سوف يهزمهم فى امدرمان وانه سوف يهزمهم حتى لو كان الفريق يضم تجمعا للاعبى الهلال والمريخ وقال ان المريخ سوف يخسر من فريق اوليمبك الشلف الجزائرى (طرف السوط هبشك فى النقطة دى) لأن الكرة الجزائرية اكثر تقدما وتطورا من الكرة السودانية.وبهذه التصريحات النارية فتح اموكاشى ابواب جهنم على نفسه وعلى فريقه,وقد كان ماكان.
نتمنى من فتية المريخ اليوم ان يكذبوا تصريحات الأخ اموكاشى ويشيعوا الفريق الجزائرى الى دياره وفى جعبته على الأقل هدفين نظيفين ويخلى خشمهم ملح ملح .آمين.
مع تحياتى .
| |
|
|
|
|
|
|
|
|
|
Re: شجعنا الهلال ( علي مضض ) من اجل تصريحات اموكاشي وهو يبهجنا الان بالثلاثية (Re: اساسي)
|
اخ يا أساسي
بس لو ما كنت مريخابي !!
الواحد حاسي بانه خاين وهو بيشجع الهلال
امس بعد المباراة جات رسالة عبر شبكة سوداني
لمباركة النصر
اختي قالت لينا قالو ( مبروك فوز الهلال بمساعدة الحكم)
قلت ليها الا يكون دا واحد مريخابي حاقد 
اختي الأصغر قالت : ما ممكن ! إلا يكون نيجيري شغال في سوداني
فالخيانة انو الفرح مايغشاك وأبو الهل صانع الأفراح ينثره ويوقف البلد على (فد كراع) للصباح ..
اتخيل ناس في الزمن دا ماتنوم من الفرح !
| |
|
|
|
|
|
|
|
|
 Re: شجعنا الهلال ( علي مضض ) من اجل تصريحات اموكاشي وهو يبهجنا الان بالثلاثية (Re: ملكة سبأ)
|
Quote: ورغم تحليل إبراهومة المخستك برضو ح نقف ونشجع المريخ
المدرب خزل إبراهومة في التغيرات |
والله يا ايمو كلامك وقع لي في جــرح .. تخيل التلفزيون السوداني ده محبط كيف .. بلاي من الرشيد المهدية الشخص المتخصص في التحليل وعلم كرة القدم .. لي إبراهومة وجاي بي كل بجاحة يقول ويتكلم في مدرب قدير زي ركاردو .. الناس الصنعو الكورة زاته وجو معاها في كرتونته ..
بلاي كان ناس المريخ ديل ما بيعرفو يدارو حقدهم ده .. ناس التلفزيون ديل ما عندهم ستارة زرقـاء يغطوا بيها فضائح زي دي ..
علشان كدا الهلال ده ربنا بنصروا وكلما يتكالب عليهو اعلام المريخ .. وزي ناس كيجا .. وأساسي بتاعين الأمن ديل .. بيعلب الهلال بي نفس مفتوحة .. وبيحاضر في الملعب .. وبيعزف سمفونية بيفرح بيها ملايين البشر ..
ونترك ناس اساسي وراكوبة كلما نغلب لينا تيم يمشوا يحضروا لينا التيم البعديهو .. من نيجيريا لي مصر ..
يا جماعة تدفعوا كم ونغلب ليكم بتاعين الجزائر الليلة ..؟
نديكم فنلة الود سيدا بس .. تختوها في نص الميدان .. براهــا بتجيب ليكم القــون
| |
|
|
|
|
|
|
| |
اساسي
ASAAD IBRAHIM
محمود الدقم
tmbis
Elsuhaili Magzoub
Mohamed Doudi
abuguta
Alfarwq
معتصم دفع الله
معتصم مصطفي الجبلابي
fadlabi
Mannan
hajhamad
قلقو
EMU إيمو
ملكة سبأ
ismeil abbas
فيس بوك
تويتر
انستقرام
يوتيوب
بنتيريست