في كتير من الملحوظات في المنبر دا وهي الجرت المنبر دا للقاع , كلنا عارفين حكاية الشلليات وعصابات الفكر بكل مسمياتها السياسية, ودي طبعا ما محتاجة مقارعة الحجة بالحجة لغاية الواحد ما يقول: خليني اراجع معلوماتي علي ضؤ كلامك دا!!!!. لكن الظاهر الابشع والاضر بكل القضايا في المنبر دا هو ظاهرة المجاملة!!!
تلقي الواحد يتفق معاك الليلة في موضوع انت طرحتوا وفي مداخلته كلمات كبار من النوع اليخليك تشعر كأن ولا بعدك ولا قبلك,فرحان للطيش!! واليوم التاني تلقي زولك دا كاتب ليهو كلام يخليك تقول ستار يا ليل !!! كلام المجنون يقول فيه: يا زول انا مجنون عشان اقول كلام ذي دا!!!
والعوير بي ريالتو يقول: امشي يا زول!! انت قايلني عوير ولا شنو?!!
وبدل ما تقوم توعي اخونا دا تمر عليهو مرور الكرام!! لا بتقول اه اي!!!
وتلاقي زول يتجدع في عوارتو ويفتكر نفسو كاتب كلام سمح!!!
واي واحد بقول ليهو كلامك دا غلط يقع فوقه شتايم او يقول اي كلام ما عند وزن ولا معني!! وتلقاهوا فرحان لانو زعل اعداءه !!
صدقوني الزول دا ممكن واكيد حايوعي لو اختلف معاه صديق او زول هو معجب بي افكاروا والمواضيع للبطرحها وكمان يكون اطراه قبل كدا!!!
لكن زولنا دا ضايع وجاري معاه قضية امة كاملة لحضيض اللاوعي!!!
وييصراحة انا من الناس لبيمارسو العملية دي!!! لسان حالي بيقول عدو عدوك صديقك!!!
لكن رجع من كلامي دا ومسكت في: عدو عاقل خير من صديق جاهل عشان كدا من الليلة ما عندي صديق ولا رفيق ولا حتي شلة غير البيوزن كلامو وبيمنطقوا !!! قطع!!!
جيبو لي اي كلام فارغ ولو بقي اخوي بدي في راسو
بلاش مجاملات وزوغانفي الفاضي!!!
غايتو في واحد حارقني كلاموا !! وياربي واحد فيكم يجيبو بي جاي!!
04-17-2007, 06:54 AM
أبو الحسين أبو الحسين
تاريخ التسجيل: 11-07-2006
مجموع المشاركات: 7987
اولا اتا ما طارح فكر محدد ثانيا الصح عندك غلط عندي والعكس. وعشان ما نجامل بعض اكتر ممكن كل واحد مننا يوقف الكلام عن معتقداتو ولا حتي بنطق اسم دينو!!! يعني ما تقول لي :
Quote: نحنه المسلمين
لانو انت لو مسلم في ناس مسيحين ويهود,وذي ما بيقولوا جماعتنا المصريين: موسي نبي ومحمد نبي وعيسي نبي وكل واحد يصلي علي نبيه!!
وبعدين حتي المسلمين خشم بيوت !!
والطائفة الانت تابع ليها دي (بدون مجاملة) ما مرغوبة هنا.
يعني لم افكارك وامشي اسلام اونلاين ولا اي شبكة تابعة لتنظيم القاعدة.
كلامي دا كان كويس معاك يشيلك سوداننا العلي خط دا, ولو ما عجبك فخخ نفس وتعال انفجر وخلينا نلم مصايرنك دا او اتلقي ليك مصران!! امشي كدا ولا كدا قال قال قال!!
نعمة لكم وسلام من الله ابينا والرب يسوع المسيح.
04-17-2007, 01:55 PM
almulaomar almulaomar
تاريخ التسجيل: 07-08-2002
مجموع المشاركات: 6485
المجاملة لابد منها وهي من الضرورات الإنسانية ، لكين بالضرورة المجاملة يا مان لابد أن تؤطر بإطار ويكون لها حدود بينه إذا تجاوزتها أصبحت نفاقاً في كبد المنتدى والكثير من موضوعاته وهذا هو الشئ الحادث الآن. هنا أى واحد بيطرح بضاعته في البتبور لا لسؤ المعروض لكن لحرب إن جاز التعبير ضد كاتب المقال ومحاولة خنق أفكاره ووأدها. وفي كمان بضاعه يراها البعض سيئة ومع ذلك تجد الإقبال من آخرين عليها كبير جداً ، ويمكن كل ده ما مشكلة من منطق لولا إختلاف الآراء. لكين لمن تكون البضاعه منتنه وسيئة حد العفن أها دي يشموها كيف ويتفقوا على أنها حرية فكر ورأي كيف. تخريمه بره الموضوع: إنت عارف يا ألبينو مشكلة مشاكل السودانيين في سوادهم الأعظم أن الديمقراطية في تقديرهم هي الإنطلاقه أى تعمل أى شئ على كيفيك دون وازع أو رادع أو غيره وده ليه لأن السوداني مخنوق من لحظة الولادة لغاية سكرات الموت ، في البيت الأب متسلط وفي المدرسة المعلمين وفي الشارع أذرع الديكتاتوريات من عسس وأمنجيه – عشان كده الواحد ما يصدق يلقي هامش صغير بتاع حرية حتى وإن كانت ظاهرية إلا ويعمل فيها تلاته بي قرش. أنا مع ضرورة أن نبطل النفاق والكذب وأن نجامل بعض ففي ذلك تراحم وتعاضد ، ورتق للنسيج الإجتماعي المهترئ (والأخيرة دي من الفضائية السودانية)
04-17-2007, 03:35 PM
ateif abdoon ateif abdoon
تاريخ التسجيل: 09-20-2006
مجموع المشاركات: 810
الوالي احسن تقول انو سلام البينو دا ما بينفع( معاك) بدل (معانا) دي وكل زول معاك ممكن بقول و(معاي) كمان زي ما انا قلت بس انا بينفع معاي
البينو
هبشت وتر حساس لو بديت العزف عليه بالشكل المطلوب كانت اسماء كتيره غابت حيث لا عوده بس الكلام الداير اضيفو انو حتي قراءة البوستات والرد عليها وعمر البوست ورفعو دا كلوا بيتوفق علي اسم الزول الكاتبو ما علي الكلام المطروح لي درجه انو ممكن زول يخت عنوان البوست علامه استفهام وتلقي الردود مطر وتحتو بوست بطرح كارثه ولا مصيبه وما في زول ولا يقرا تفاصيلو بس لانو اسم الكاتب ما من اياهم
04-17-2007, 04:18 PM
عبدالله شمس الدين مصطفى عبدالله شمس الدين مصطفى
تاريخ التسجيل: 09-14-2006
مجموع المشاركات: 3253
المجاملة والمحاباة ، والنصرة (عمّال على بطّال) وتهليل الهتِّيفة الداوى ، والذى يعطيك إنطباعاً بأنك إنّما تشاهد مباراةً فى الملاكمة أو المصارعة لا إختلافاً فى وجهات نظرٍ أو رؤى مطروحة .
البورد هو إمتداد للمعارك السياسية على طريقة (النشاط) ، والتى لا تخلو من هرجلة ومراهقة ، أما عن النجومية ،فحدِّث ولا حرج ، فلو أنّ لى قلماً أحمراً لشطبت حتى إشتراك العضو نفسه ، لا مجرّد تصحيح ما جاد به قلمه ، و أحسب أنّ هذا لا يندرج تحت خانة الحجر على الآراء وحرية التعبير لأن ما جاء به العضو المهيب لا يرقى لإعتباره رأياً ولا رؤيةً و لا يحزنون . وحقاً تدهشنى (الونسة)الإسفيرية هذه حتى لتتخيلهم جلوساً يديرون رؤوسهم ، وتمتد أيديهم متلقفةً (كيس التنباك) وسيل الحديث المنهمر منهم لا يتوقف إلآ هنيهةً ريثما يضع أحدهم (السفّة) وينفض يده بحركةٍ جانبية، ثم يواصل الحديث ...أقصد الكتابة ، ويا مان ده تنفيض منك ساكت و لوووووول و هات دليلك يلوى حنكك !!!!!!.
لا أدرى كيف (يترقى) الأعضاء حتى يصيروا نجوماً لايأتيهم الباطل من بين أيديهم ، ولا من خلفهم فى هذا "الصالون" العامر ؟؟؟.
لكن هكذا نحن ، وهكذا أشياؤنا ، لاتتغير لأننا لم ولن نتغير حتى نُودْع باطن الأرض .
Quote: احسن تقول انو سلام البينو دا ما بينفع( معاك) بدل (معانا) دي وكل زول معاك ممكن بقول و(معاي) كمان زي ما انا قلت بس انا بينفع معاي
عاطف السلام على من اتبع الهدى
انا ماقلته كل الناس
Quote: السلام الكاتبو داما نافع معانا نحنه المسلمين
انته بعد ده شوف نفسك وين..... ولو انته مسلم والسلام دا نافع معاك ورينا اسلامك دا جبتو من وين؟؟ يمكن نلقاهو صاح ويبقى بعد داك ربنا يسوع وابونامنو كده ما عارف
almulaomar الاخوة الاعزاء. نعمة لكم وسلام نن الله ابينا والرب يسوع المسيح. المجاملة الاا قاصدة هنا ما النوع الايجابي والبناء , انا بتكلم عن اخطاء البيركبها العض في حق الاخرين ويبقي الحال في حالو كأنو ما حصل شئ. ومثال بسيط; بوست الاخ جوك بيونق الاتجني فيه علي الجعليين بي صورة مخلة وانا مريت بي هناك واتوجعت للخطأالفظيع الما ممكن يتبرر باي اسلوب , ورغم كدا وبسبب المجاملة ما قدرت اكتب ولا كلمة!!
يعني المجاملة في الاخطاء البائنة!!
اما اخونا الافتكر نفسو ولي بي الجد دا , كان الافضل ليه يحاورني في اعتقادي وايماني بالمسيحية الهو ما عارف فيها ولا اية واحدة!!! بس شرب ليهو حبتين وصايا من الوهابيين جاي يتجدع جاي وقال شنو كدا كدا. فكر في نفسك وذنوبك وبدل ما تضيع وقتك في الكلام الفارغ دا ,اقعد استغفر ربك لحدي ما قيامتك تقوم. بس يا الله ماتجي بعدين وتقول : يا ليتني كنت ترابا!!!
وليبارككم اللهىابينا والرب يسوع المسيح. امين
04-18-2007, 07:49 PM
ateif abdoon ateif abdoon
تاريخ التسجيل: 09-20-2006
مجموع المشاركات: 810
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Albino Akoon Ibrahim Akoon
أبو الحسين
يوسف الولى
almulaomar
ateif abdoon
عبدالله شمس الدين مصطفى
أبو عبيدة البصاص
فيس بوك
تويتر
انستقرام
يوتيوب
بنتيريست