دعواتكم لزميلنا المفكر د.الباقر العفيف بالشفاء العاجل
|
|
 مبروك "أحمد طارق السر عمر التني".. عجبنا وسرً بالنا نجاحك
|
الأحباب جميعا..
سلامات ومحبات وأشواق طن..
من شوية كنت بكلًم الحاجة في مصر.. عرفت منها أحلى خبر بنجاح ولدنا "أحمدوني" (أحمد طارق) وإحرازه 99.3% في إمتحانات الشهادة السودانية..
أحمدوني هسع مع "تارا" في لندن في كورس صيفي. والفرحة ما ساعياهم
التهنئة لأماني وطارق وأخوانه وحنًوني الصغيرونية
ومزيد من النجاحات يا أحمد..
مـــبــــروك
أحمد إبن أختنا التي لم تنجبها أمنا(بنت خالنا الكبير) وإبن الخال طارق. وقد شهدنا مولده ونموه وفرحه ونجاحه
دايما يا رب
|
|
 
|
|
|
|
|
|
|
 Re: مبروك "أحمد طارق السر عمر التني".. عجبنا وسرً بالنا نجاحك (Re: Raja)
|
الحبيبة رجاء،
حمدالله على السلامة، وألف مبروك النجاح الباهر لأحمد طارق السر، ماشاء الله ربنا يحفظه.
أود أيضاً أن أزف إليك خبر نجاح الحبيبة نون أحمد تاج السر علي الشيخ، إبنة شقيقي الحبيب أحمد في الشهادة السودانية وقد حصلت على 92%. كذلك تمت فرحتنا بنجاح عدد من الصغار الحلوين في أمدرمان وجميعهم أحرزوا نتائج باهرة مشرّفة. نسأل الله أن يحفظهم جميعاً، آمين.
كيفك يا رجاء، أرجو أن تكون الأمور تمام في الأردن. كل التحايا للأسرة الكريمة.
تحياتي وصادق مودتي.
| |
|
|
|
|
|
|
|
|
|
Re: مبروك "أحمد طارق السر عمر التني".. عجبنا وسرً بالنا نجاحك (Re: معاذ حسن)
|
الحبيبة رجاء..
الف الف مبروك لاحمد وعقبال الماجستير والدكتوراة..
ابو خالد يبلغك تحياته القلبية ومباركته لنجاح احمد
ارجو ان تنقليهابدورك "لاختك" الكبيرة أم احمد..
أحمد طارق السر عمر التني
عاد يا رجا يا اختى كان كدي انت ما قريبة ابو خالد شديد..
بالمناسبة بيسأل عن اخبار اسامة ميرغني ووالدته.. عساهم
بخير بعد الاحداث الاخير في عمان..
التهنئة موصولة للعزيزة (للعمة)  سعاد تاج السر على الشيخ،
بنجاح نون أحمد تاج السر علي الشيخ .
مودتي..
حليمة
| |
|
|
|
|
|
|
|
|
|
Re: مبروك "أحمد طارق السر عمر التني".. عجبنا وسرً بالنا نجاحك (Re: حافظ العشا)
|
الاخت الصديقة رجاء العباسى
تحية طيبة
الف مبروك هذا النجاح الباهر. انا ايضآ لم افهم كون ابنكم احمد فى مصر ويجلس لامتحانات الشهادة السودانية..
كيف وجدتى عمان والاردن؟ نترقب كتاباتك عنها. فى الجامعة هنا قبل حوالى 12 عامآ كان طالب اردنى من اعز الاصدقاء. اسمه احمد الزعبى. لو لميتى فيهو قولى ليهو عادل عثمان بسلم عليك.!
شوفى عمان من الصورة. يبدو انها مدينة جميلة ومتميزة.
| |
|
|
|
|
|
|
|
|
|
Re: مبروك "أحمد طارق السر عمر التني".. عجبنا وسرً بالنا نجاحك (Re: نهال الطيب)
|
حبيبة الروح الغالية رجاء
نقدر فرحتكم بالابن احمد بس في توضيح بسيط
احمد طارق تحصل على نسبة نجاح 90.9%
وحصل على درجة في الرياضيات 98
وفعلا الفرحة ماسايعانا كلنا بنجاح الابن احمد
ونتمنى نشوفه طبيب كجده الدكتور سيد احمد التني
نسيت اقول انه احمد سيكمل عامه الـ16 في اغسطس القادم -
--------------------
مع تمنياتي للجميع بالهناوالتبريكات بالنجاح للجميع
| |
|
|
|
|
|
|
|
|
|
Re: مبروك "أحمد طارق السر عمر التني".. عجبنا وسرً بالنا نجاحك (Re: Adil Osman)
|
الصديق الغعالي عادل..
سلامات ومودات
أحمد بيدرس في السودان.. بس هو اليومين الفاتو كان في القاهرة وهسع معاكم في اللندرة.
الأردن بلد جميل جمال غير عادي. وطبيعتها مختلفة خالص من الطبيعة الاتعودنا عليها.. يعني الجبال والبيوت المبنية عليها وشجر الزيتون الملوًن الأرض كلها والورود المختلفة الألوان (في ألوان زهور أول مرة أشوفه هنا - زي اللبني الفاتح).. بلد نضيفة مافيها أي تلوث بيئي من أي جهة..
لكن.
الأرادنة طبيعتهم غير برضو.. خاصة لزول زيي جاي من المصريين أصحاب النكتة والكلام الجاهز سريع البديهة.. أو السودانيين بتداخلهم وسؤالهم عن الغريب قبل القريب.. وقلبهم المفتوح وصوتهم الواضح.. ما عايزة أظلم ناس الأردن. وح أديهم تاني شهرين لحكمي الأخير.. لكن بعد ناس دارفور والترحاب اللقيناه هناك.. الواحد حاسس إنه (يتيم) هنا.
حتى الأجانب البيشتغلو في المنظمات الدولية أصبحوا زي ناس البلد.. جافين ومبتعدين ومختلفين تماما عن الموجودين في دارفور.. الجميل إني لقيت إتنين من الكنت بعرفهم في نيالا وهم زاتهم ما صدقوا يلاقو زول عرفة.. وشكوا لي مثل شكوتي الفوق دي.
بالمناسبة زميلتي في الأردنية إسم عائلتها الزعبي برضو.. حأسالها أكيد عن صديقك أحمد..
تسلم على التهنئة يا ذوق.. وعلى الصورة يا عزيز
ودي
| |
|
|
|
|
|
|
| |
Raja
kamalabas
Souad Taj-Elsir
Atif Makkawi
معاذ حسن
حليمة محمد عبد الرحمن
Adil Osman
ibrahim kojan
نهال الطيب
Rawia
Abd-Elrhman sorkati
فيس بوك
تويتر
انستقرام
يوتيوب
بنتيريست