|
دعواتكم لزميلنا المفكر د.الباقر العفيف بالشفاء العاجل
|
|
 Re: توقعاتك للأهداف التي تدخل مرمي الهلال بدوري أبطال إفريقيا (Re: احمد حامد صالح)
|
يا خســارة يا فرانكلي ..
بلاي انتو بتجيبو روح زي دي من وين تكتبوا بيهــا ..
ضد الهـــلال ..
وضــد الســـــودان ..
والله بالجد يا خســارة وطــن بيلمنــا معاكــــم..
نحن كدا انتصرنــا داخليــا لما فضحنــا نفسيات زي نفوسكم دي ..
وإن شاء الله كلامكم ده كلــووو البتكتبوا فيهو هنــا .. ح تجي اللحظــة وتندموا عليهو في اول صمود .. وأول ملحمة يخوضة الهلال .. وشباب الهلال
نحن بنستمد روحنــا القتالية من جهلكم ده يا فرانكلي .. وح تكونوا لينا دافع قوي جدا نصمد بيهو .. ونحقق بيهو الانتصارات الشايفنها بعيده
| Quote: توقعاتك للأهداف التي تدخل مرمي الهلال بدوري أبطال إفريقيا |
عنوانك كافي جدا يا فرانكلي .. نحن بنلعب في دوري ابطال افريقيا ..
| |
 
|
|
|
|
|
|
|
 Re: توقعاتك للأهداف التي تدخل مرمي الهلال بدوري أبطال إفريقيا (Re: tmbis)
|
خسارة للهلال مكسب كبير
شوف يا تمبس
ما تعملوا لينا فيها وطنيين لما تتزنقوا
كورة الأندية دي ما فيها وطنية ولا بطيخ دي كورة غالب ومغلوب
يعني فريق الهلال وطني بأي معنى؟
لأنّ كل لاعبيه وطنيين سودانيين؟
لانّ مدربه وطني سوداني؟
يا تمبس أنا ضد الهلال ودي ما عايزة ليها دس
لكن أبداً ما ضد السودان فالهلال لا يمثّل السودان
ولا يجب أن يمثل السودان
وأي هزيمة للهلال هي هزيمة للهلال وفقط
يعني اللاعب النيجيري الذي يلعب في صفوف الهلال يحتفى به لما يصيب هدف في مرمى فريق من تيجيريا يكون لاعب مخلص لفريقه هل ممكن تقول عليه غير وطني لنيجيريا؟
وهل مدرّب الهلال لو سنحت له الفرصة بخوض مباراة ضد فريق من بلده وهزمه هل ستقول عليه غير وطنى؟ ولا ح تفرحوا وتنططوا بالفوز
هناك فرق كبير جدا وجدا جداً بين كرة الأندية وكرة الفريق القومي أو الوطني فما تلخبط الكيمان ساي
كمال المريخابي والأهلاوي
|
| |
|
|
|
|
|
|
|
|
|
Re: توقعاتك للأهداف التي تدخل مرمي الهلال بدوري أبطال إفريقيا (Re: Frankly)
|
انجازات الأهلي المصري
مائة عام ومائة لقب
بطولة الدوري المحلي 32 مرة
بطولة كأس مصر 34 مرة
بطولة دوري ابطال افريقيا 5 مرات
وكأس الكؤوس الافريقية 4 مرات
بطولة ودوري أبطال العرب مرة واحدة
بطولة كأس الكؤوس العربية مرة واحدة
بطولة كأس النخبة العربية مرتين
بطولة كأس السوبر الافريقية 3 مرات
بطولة الافرو-اسيوية مرة واحدة
بطولة كأس السوبر المصرية 4 مرات
فضلا عن بعض الألقاب المحلية الأخرى
| |
|
|
|
|
|
|
|
|
|
Re: توقعاتك للأهداف التي تدخل مرمي الهلال بدوري أبطال إفريقيا (Re: Nesta)
|
غايتو يا فرانكلى ما ليك حق
انا المره الفاتت مع الزمالك فى القاهره اتمنيت الهلال ياخد خمسه
وكتبت الكلام دا فى واحد من البوستات
ويوم المباراه قعدت ليك عشان اشوف ظعط الهلال بى مزاج
وقام الهلال فاجأنى ليك قبل ما يفاجئ المصريين
وفتحت خشمى وما صدقت انو البيلعب قدام الزمالك دا فريق سودانى
ولمن شفت ليك المزيع المصرى بقى يجرس ولمن الكاميرا تجيب ليك السودانيين
فى المدرجات من كل الوان الطيف الرياضى ومن كل السحنات واللهجات
فجأه كدا مسكتنى ليك العصبيه للسودان وبقيت اشجع ليك فى الهلال وضحكت
وانبسطت وبقى لمن واحد من الهلال يغلط اثور ولمن واحد مصرى يعمل فاول مع
لاعب هلالى انط ليك ليهو فى حلقه واشتم سنسفيل جدوده
وبعد المباراه اتصلت ليك على كم صديق هلالابى وهنأتهم على الصعود وعلى العرض
وبعدين سألت ليك نفسى
انتوا انا جنيت والا شنو ودا شنو البسوى فيهو دا
معقوله بس اشجع الهلال عدو المريخ الاول وانفعل معاهو للدرجه دى التقول اللاعب
قدامى دا المريخ ما الهلال
وبعدين براى عرفت انو الوطن اقوى من كل الانتماءات الاخرى .. رياضيه ام حزبيه
ام اى انتماء اخر
اها يا اخوى الهلال دا لو بكره بازن الله كرر شريط الزمالك فأنا ساكرر شريطى
القديم برضو وح ادور ليك تشجيع لمن غلط
اما اذا لاقدر الله .......
فمافى واحد هلالابى ينتظرنى فى البورد دا صباح الاتنين
تخريمه صغنتوته : -
تامبا
خلى روحك رياضيه ياخ
| |
|
|
|
|
|
|
|
|
|
Re: توقعاتك للأهداف التي تدخل مرمي الهلال بدوري أبطال إفريقيا (Re: Frankly)
|
يا شباب جاييكم واحد واحد
بس اخلص صحن الفول وسلطة الدكوة وازبط راسي بقهوة حبشية واجيكم
لكن قبل كدا خلونا من حكاية وطنية دي وراجعوا كلامي لتمبس
وقولوا لينا رايكم بصراحة متوقعين الهلال "السوداني" يتهزم بكم هدف؟
وقلنا لكي تكون واقعي يجب أن يكون الرقم بين 5 و 25 هدفاً
للمرحلة الأولى والأخيرة للهلال في البطولة
أنا بساعد الهلالاب معنوياً في تحمل الفضيحة عندما تقع
كمال
| |
|
|
|
|
|
|
|
|
|
Re: توقعاتك للأهداف التي تدخل مرمي الهلال بدوري أبطال إفريقيا (Re: Frankly)
|
أطرف ما قرأته أن أحد المريخاب قرأ في إحدى الصحف المصرية
أن جوزيه مدرب الأهلي [يذاكر الهــلال]، فنقل الخبر لمنتدى
جماهير المريخ معرباً عن دهشته بحجة إنو [الموضوع ما بيستاهل]
فكان أطرف التعليقات:
[جوزيه لا يذكر لينجح... بيذاكر عشان يقفـِّـل المجموع]
________________________
نسأل الله له الرسوب والتحديف بالطوب.
| |
|
|
|
|
|
|
|
|
|
Re: توقعاتك للأهداف التي تدخل مرمي الهلال بدوري أبطال إفريقيا (Re: Frankly)
|
Quote: هاردلك للهلالاب ووهاردلك للوطنيين
ونتيجة جد معقولة والحمد لله الجات على كدا |
يا معلم الهاردلك دي خليها معاك .. ما بتأكل عيش .. عامله كدا وحسب نظريتك الدينية زي الصلاة يوم القيامــة .. نحن حقنا بنخلصو بي ضراعنــا . وجماعتك ديل جايننا في العرضة .. وخليهم يجيبو معاهم الحكم بتاعهم ده معاهــم ( لاراش تاني ) .. وياريت نشوفك كمان في المدرجات معاهم فووووق
شكلك بايخ يا بتــاع ( السبعات )
تتخيــل ؟
| |
|
|
|
|
|
|
|
|
|
Re: توقعاتك للأهداف التي تدخل مرمي الهلال بدوري أبطال إفريقيا (Re: Frankly)
|
الاخ جمال هاردلك نتيجه
الزعل شنو
وقفنا معكم من اجل السودان ما عشان بنريدكم ووقفتنا لا تحتاج لشهاده (ولربما تكون بعض ارائنا من اجل المناكفه)
بعدين يا اخوي الخمسات دي ما جيب سيرتا عشان ما نفتح ملفات ساي
لو زعلت من توقعاتي يا خي دي توقعاتي انا الواحد ما يتوقع ولا شنو
______________________________________________
اها قلت لي مرق مالو بكون عندو شنو منتظر اجابه
| |
|
|
|
|
|
|
| |
Frankly
bint_alahfad
essam&amal
محمد عادل
خالد عبد الله محمود
tmbis
doma
Munir
nazar hussien
على محمد على بشير
EMU إيمو
شهاب الفاتح عثمان
غباشي
بدرالدين يعقوب
أبو عبيدة البصاص
ثابت محمد
bob
علي مزمل
gamal
نادر الفضلى
فيس بوك
تويتر
انستقرام
يوتيوب
بنتيريست