دعواتكم لزميلنا المفكر د.الباقر العفيف بالشفاء العاجل
|
|
 عفوا تجاهل هذا البوست
|
أما بعد…
فقد جاءنا ما حصل وما ورد فى سوق البصل ، من كلام ألزول الذي تفنن في القول وشرع في دق الطبول . ولعلمي التام فهو من افضل الناس لا يأتيه الوسواس الخناس واخو لخناس (بفتح النون) وعالم نحرير ونحوى خطير شارك جده (لاباه) فى حرب التحرير بركوب الحمير وسيوف العوير باركه الله وسدد خطاه وجعله من المقربين والعباد الصالحين القائمن القاعدين من ذوى المكانة والبنادق والجبخانة والجيوب الملانة …أمييين
قد اردت فى هذا السطور ان اكشف النقاب عن بعض الصعاب التى وقع فيها الزول دون قصد او عتاب فالرجل نسيب شربت عنده الشاى بالحليب واكلت الزبيب وقضيت معه امسيات ندية فيها الندية والنكتة القوية والاشارة الخفية على انغام الاغانى والفن السودانى القديم والدانى حيث انى من محبى الانشراح وتناسى الجراح ومن عشاق الحبور احلق مع الطيور فى العشيات والبكور مع شوية ضهب والذى غالبا ما يجلب لى التعب. وحيث اننا كنا قد قضينا ليلى السبت والاحد فى المرح وتناول الزلابيا التى تجلب الفرح وبين الحسان من بدائع الزمان صاحبات العفاف والحياء الفتان الذى اشعرنى بقيمة الانسان .
قد لا يجوز ان اتحدث عن جدتى العجوز التى تحب الكباية وتكره الكوز وتعرف الجوز من اللوز منذ زمن بعيد هو عهد الوليد (بن عبدالملك/الخليفة-توفى الان يرحمه الله) . اتهمنى الزول بالانطواء وكره الضوضاء ومجافات النساء ولعمرى ان هذا قول مردود الى حد ما والحق ما شهد به الاصدقاء فمن المعروف حبى للجكس ومعرفتى بانواع الفكس الاصلى والتقليد والعكس احب الجمال (بفتح الجيم) املا منه السلال وادبج له المقال من قول شفيف ومعنى لطيف ووعد عفيف لا تدنو منه النتانة ولا تقاربه العفانة حتى ولو كان مع صبايا التقانة..طبعى ظريف وقلبى وريف لا اتصف بالنكد وعض الاصابع والكد لى صديقات قضيت معهن اجمل اللحظات بين الكتب والمكتبات اخترتهن بعناية فصرن عزايا يعرفن ما بى واعرف ما بهن لا يعرفن قالوا وقلن. نعم كان لى شجرة لى فيها زكريات عطرة وامانى نضرة ولكن لا اعرف حمار كلتوم وليس لى به علاقة ولا بتاعة ! نعم كان لنا جمعية الدفاع عن الحمير وقد بلغت شاؤا خطير ايام الدراسة حيث ناقشت الموضوع بكياسة وفكت التباسة فصار الحمار معزز مكرم وبين النساء (نساء الغرب) يكرم بالغالى النفيس ومعهن يميس. وقد ورد عن العالم العلامة من هنا الى يوم القيامة وفى باب الحمير وفضلها ان لها فضلين الاول صوتها والثانى الحوامة.
السلام على الزول
ابا حنيفة الديلمى
|
|
 
|
|
|
|
|
|
|
 Re: عفوا تجاهل هذا البوست (Re: sentimental)
|
بسم الله الرحمن الرحيم
والصلات والسلام على اشرف المرسلين سيدنا محمد صلى الله عليه وسلم وبعد
هذا البوست مجرد ضهب صباحى ليس الا المرجو عدم الالتفات اليه أو ما ورد فيه من ترهات على زعيمنا الحلو يا زول يا زول. وللتاريخ فالزعيم من كبار رجالات الدولة وله باع طويل فى التعامل بحزم وحسم مع مسائل البورداب الشائكة ووشكرا.
بوردابى مسكين
| |
|
|
|
|
|
|
|
|
 Re: عفوا تجاهل هذا البوست (Re: sentimental)
|
ياخوى انت بتزبد وترغى فى دار أبو منو؟؟؟؟؟
يا خسارة عيشنا ما أكلوا الجراد
طيب يا سنتمنتال لو ما وريتك أحلق شنبى واتوقع بوست فظيع خالص خالص أفجره كالقنبلة النووية وانت عارف فحواه ومضمونه ولا أقول ليك؟؟؟؟؟
| |
|
|
|
|
|
|
|
|
|
Re: عفوا تجاهل هذا البوست (Re: sentimental)
|
بسم الله الرحمن الرحيم
الزعيم المبجل والحبر المسجل يا زول يا زول. إن الهرش الشديد يسخن العصيد ولا بد من الرقة وتقليل النقة لان الورى هلكوا أنهم اذا كانوا انفركوا (اتغاظوا) أعتركوا. سيد المطاع صاحب الهرشة والسيف القطاع الرحمة الرحمة
| |
|
|
|
|
|
|
| |
rummana
Elmosley
يازولyazoalيازول
فيس بوك
تويتر
انستقرام
يوتيوب
بنتيريست