كورال وردي بجده

Quote: حميد يا راحلين عن دغش الليل ما لاقيتو جناي زي تكيه نخل الفجر الجاسر فوق للمترة عراجين ضي؟ يا رعاوة العرب الرحل ما لا قاكم في المطراني في كاويق الجرف الامحل بين اسراب الرهو الراحل ساند كتف الليل الميل آ.. رطانة الليلهم ليل ما لاقاكم في ونساتكم بين أسراب الرهو الراحل بين الشادي وبين كاساتكم في صلواتكم ؟ في دعواتكم؟ أو دقساتكم … عز خلواتكم؟ السر عثمان ياتو مشانق ما زلت معانا وقار؟؟ ياتو أغاني ما شديت في عشق الوطن اوتار؟؟ يا فارسنا القابض جمر الموقف حمرة عين وصمود وجسارة الطيب البرير على الوتر الرزم ترتاح بلاد جرت معاك النم وتبعد انت يا غريب قدر ما الغربة تملاك هم قرب منها وتلقاك متل قرب العروق للدم شمس الدين حسن خليفة يا الفي معاناتك سمح تحمل الى الناس البشارة لاما الحبيبة الفي الخيال بعدت ديارا رسلت ليها الشوق غنا وزرعت اسمها حارة حارة كمال كرسكاوي انت الدندر العربيد……وانت المقرن الويحيد بنمهر بيك عهود الريد…..ونختم بيك قلوب الصيد انت نسيمنا عز الصيف…ويا ريحة دعاشنا خريف ويا الطرفة السحابا شفيف….ويا وقفتنا عند القيف انت الخرزة والسوميت…..وانت النسمه من سيتيت دخلت قلوبنا بيت لي بيت….من عند حلفا لي توريت السر عثمان الطيب لما تعود للبلد الهولك….لي خرطومك وامدرمانك وترجع ذي ما العيد بيسافر ويرجع وتمرق ذي شمس الله اللازم تطلع وتنبع ذي ما النيل ابتدا في المنبع كل البلد الهولك يصحو يصبح صبحو وينصح جرحو ينصح جرحو ويصبح صبحو المكاشفي محمد بخيت المروق والخطوة من ملك النهر للنيل شمسلات النجم…والوقفة بين رامي الحدق والسيتل.. توابيت الاسى العرقان…خطابات ما قراها النيل ولا كان الجرح غناي..ولا رمل المسافة سبيل عرفناك والمدن تعرف اذا شلنا النغم منك….تهب ريح الوطن تعزف.. وما جاب البريد اخبار..جناح الطابية قمرية وصيتك …كبرت اجيال وجيتك صبرت روح جيل ناديناك تشب في الضو…وتهدينا المكان …والعين.. سمعناك تنده السودان…سنين ودنين ….. وتشرق في عيون المهدي امدرمان…..