|
|
 اغنيه سبقت عصر الماسنجر
|
الاحبه الكرام
لا ادري كلما استمعت لاغنيه رسائل الشوق للشاعر عبدالله محمد خير
والتي تغني بها الاستاذ صديق احمد موخرا الفنان الشاب خالد الصحافه
تتربط هذه الاغنيه مع بالماسنجر واحتار هل عندما كتب الشاعر عبدالله محمد خير هذه الاغنيه كان لديه ماسنجر ام انه تأمل في المستقبل حيث انه كتب هذه الاغنيه في السبعينات وتقول كلمات هذه الاغنيه:
يا مرسال رسائل الشوق انا الضهبان
زمن كايس اراضيهم
وصف لي درب الريد عشان اوصل وارضيهم
وحاتك انت يا مرسال بحب واحدين
ما عارف بلادهم وين
وبرضو كمان ما بعرف اساميهم
تعبت كتير ويا ماسألت ناس عابرين
وكان زي حالي محتارين
اهزوا الرأس وماعارفين مراسيهم
تجيني حروف من المجهول
وبكتب برضي الي المجهول
رسائل تحكي قصه زول
بحب الطيف
يسافر في هجير الصيف
ومشتاق يوم الاقيهم
يا مرسال رسائل الشوق انا الضهبان
بحب واحدين وما عارف وين اراضيهم
عشان اوصل واراضيهم
|
|
 
|
|
|
|
|
|
|
|
Re: اغنيه سبقت عصر الماسنجر (Re: رومانسي)
|
الاخ العزيز ديامي
شكرا علي التصحيح
حبيبنا رومانسي
الظاهر عليك وربنا اكضب الشينه وقعت في ريد الماسنجر
هههههههههههههه يكه
ود العزه دوما تاتي بالروائع يا رائع
| |
|
|
|
|
|
|
|
|
|
Re: اغنيه سبقت عصر الماسنجر (Re: bamseka)
|
حبيب الكل
والله يا حبيبنا الراجل فعلا كان سابق عصره
وبينى وبينك ديل يخلوك معلق فى الهاء يجرجروك فى الكلام الحلو حبة حبة وانت لا عارف ليهم صرفا ولا عدلا
ياخوى حب الماسنجر والميلات ده ما بنفع
وسيبك مع العديل وواضح
وانسى المتخفى وراء الماسنجر والميل وما عاوز يفصح عن نفسه
الله يجازيهن
| |
|
|
|
|
|
|
|
|
|
Re: اغنيه سبقت عصر الماسنجر (Re: 7abib_alkul)
|
تحياتي حبيب الكل وكل اعزاء البورد
فعلا والله هنالك شعراء سابقين لعصرهم ، و عندي أبيات شعر ذات صلة بنفس الموضوع بس ما مذكرة شاعرها منو.
(متين يحصل )
بيكتلنى الأسى
!!..قبال أشوفك
وقبال
العيون الطاشة
!!..ترتاح فى جُروفك
أنا
يا بهجة الأمل المنور
حنين
!!..مندسى فى داخل حروفك
أنا لو شفتى
بس يانى البهاتى
واعانى اللوعه
!!..من حظى ..وظروفك
شن بنسوى
فى قدرن غدرنا
وجمعنا
!!.. بلا تشوفينى وأشوفك
بقيتى حنين
تزغردى فى دفوفى
وانا هيمان
!!.. بنقز ..فى دفوفك
وفى جوف الزمان
مثل الحكاوى
عشقتى الطيف
وانا زيك مهموم
أشابى ليك
واعانق فى طيوفك
جرحتك
فى الهوى
بى حد سيفى
وقلبى الدامى
!!.. بى طعنات سيوفك
وتبكى براك
فى جوف الليالى
وانا ببكى
وأمد الكف عشانك
واحس فى الضُلمه
!!..اتمدن كفوفك
تصورى
كيف تكون الدنيا
لما..
تشوفينى عديل
أنا بى حقيقتى
و انا زيك
حقيقه عديل أشوفك
| |
|
|
|
|
|
|
| |
7abib_alkul
wadazza
bamseka
قرشـــو
فيس بوك
تويتر
انستقرام
يوتيوب
بنتيريست