|
دعواتكم لزميلنا المفكر د.الباقر العفيف بالشفاء العاجل
|
|
 Re: ود البدري هدية للكل ...خاصة للاعزاء دقنة و باكاش... (Re: فنجري)
|
الاخ الفاضل فنجرى
تحياتى واشواقى
اشكرك جدا اخى لهذه الهديه الغاليه التى اعتبرها احلى هديه لقيتها من اخ وجدته فى هذه القبيله البوردابيه وهذا يدل على اهتمامك النبيل واقول ليك والله مما جيت السعوديه ما سمعت لاغانى ود البدرى هذا الصوت الفريد فى اصوات البداوييت ومرحب بيك وانت تهتم بكل قبائل السودان دون فرز وهذا من معدنك اللاصيل ولو قلت نعلمك البداوييت والله نحن مستعدين
مره تانيه مشكور وايتانينا
اخوك باكاش
| |
 
|
|
|
|
|
|
|
 Re: ود البدري هدية للكل ...خاصة للاعزاء دقنة و باكاش... (Re: BAKASH)
|
تحياتي اخي العزيز فنجري ,,
انها اجمل هدية تلقيتها علي الانترنت علي الاطلاق يااخ فنجري , انها من اجمل اغاني محمد البدري ذلك الفنان الكبير الذي طور الفن البجاوي وهو صوتا شادي من اصوات الشرق المتعددة ,,وام لغة التبداويت سنعلمها لك ونحن كلنا سعادة وفرح وستجد قريبا قاموسا للتبداوي وشكرا جزيلا مره اخري ,,,,
دقنه البجاوي
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: degna)
|
شكرا ولاد البجة الاصيليين ....باكاش و دقنة ...اولا اسف لانو الاغنية لم تشتغل كاملة ....لخطاء في الابلود وقد اعدت التنزيل ..نتمني ان يعكس المنبر كل فنون السودان الحلوة ...و نتمني منكم ان تعكسو لنا وجه الشرق الفتان ....من بورسودان مرورا بسنكات و جبيت و هيا ...تهميام و درديب مرورا باروما و درة الشرق كسلا ...ولاننسي طوكر و القاش ..لكم كل تحياتي ..
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: فنجري)
|
الفنجري .. وتمام فنجري ..
في جاه الملوك نلوك .. هناك مقطوعة اسمها نون (بتشديد الواو) مشهورة كان قد قدمها الرائع الطيب محمد الطيب حينما سجل برنامجا كاملا عن آلة الطمبور غطى فيه جهات السودان الأربعة . قدم هذه المقطوعة بالطمبور فقط ثم بتنفيذ فرقة موسيقى شرطة كسلا .. هي أيضاً رائعة . أرجو أن تكون استمعت إليها .. طبعاً كلنا يذكر آدم شاش وفنجان جبنة .
طبعا عن نفسي أحتفظ بتسجيل لهذه الأغنية .. شجت كبدي فلم أجهل شجاها أو كما قال الشاعر
لك الشكر إضافة إلى شكر أهل الجلد والراس .
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: Ahlalawad)
|
اهل العوض الرائع..احلي شي في الفن والغناء انو بيزيل كل حواجز ...انا لما اسمع لود البدري بحس اني هدندوي و بستوعب اي شي بيقولو ...و زمان في بورتسودان كنت استمع لغناء الهدندوة من بعض اصدقاء الدراسة..و بالطمبور (نسيت اسمو في لعة التبداويت ...)
و لذلك حاولت ان لاافتقد هذا الارتباط ...و اطالب اهلي دوما بارسال اغاني ود البدري ..خصوصا و ان كل اسرتي شغوفة بغناء الشرق..و من تربو في بورتسودان وكل مدن الشرق تجدهم مزيجا لطيفا من اهل الشرق و اهل الوسط و الشمال ..و لو تحدثنا عن جمال بنات الشرق سيطول الحديث ولن يخلص...المهم شكرا لتشاركنا في الاحساس..
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: فنجري)
|
انا عندى سى دى كامل من اغانى الشرق...
بالربابة...
تسجيل نضيف
مش من الشرق بس، من كردفان... نقارات تمام، من الانقسنا سى دى كامل ، من الجنوب، من منطقة الشايقية... وصوفى.... تسجيلات نادرة اقتنيتها فى رحلة بحثى عن الرقصات الشعبية السودانية لتكوين فرقتى,
السىديهات دى كلها معاى... لكن ما بعرف انزل غنا من كمبيوترى....
تورونا.... نسمعكم...
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: Elkhawad)
|
الخواض اخوى
اها خليتكم عافية
افتحوا السباليق الخريف دخل
وزبلوا بيوتكم... انا داخلة مدرسة من دربى دة
تسمعوا مننا قريب ان شاءالله
لوووووول
دة شنو دة؟ يا ود امى
لكن لومك على ياغرق يا جيت حازما
الموصلى كدى ادينى فرصة اعملها براى
لمن اصل مرحلة ابو الزفت بتاعة مسارات ديك.... لو ... الله يكضب الشينة.... غلبت حيلة .... بجيك راجعة.
تانى شكرا خواض
| |
|
|
|
|
|
|
|
|
 Re: ود البدري هدية للكل ...خاصة للاعزاء دقنة و باكاش... (Re: Elmosley)
|
سلام عليكم جميعا ,
نعم انها من روائع الفنان البدري , والاغاني البجاويه علي العموم تتحدث الشهامة و الكرم , والشوق لبعض الاماكن التي تجعل النفس تحن شوقا اليها ,
يافنجري خليتنا نزكر اشياء وحركت فينا مشاعر وشوقا للاهل والاحباب ,, غايتو كتر الف خيرك ومنتظرين المزيد ,اخي العزيز
دقنه sister tumador , for who your CD ? thanks
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: degna)
|
ان كنت عارف انو ود البدري ح يرفع اسهم البوست و يجيب مبدعين البورد ...و للعزيزة تماضر راجينك ....انا عارف انو عندك الكتير بس اسخي ونزلي لينا الحاجات المدسوسة ..الرائع الخواض ما بيقصر معاك ونحن مستعدين....شكرا يا الخواض..
عزيزنا الموصلي انا متاكد اي فنان انت تطلب تنزيل غناهو ده فنان عظيم وبي كلامك ده اكدت انو محمد البدري فنان راقي..
البجاوي العزيز ...ده قليل من فن اهلنا البجة ...و انا عارف انو البورديون لديهم كتير فشدو الحيل ...خلونا نحلم بي ليلة خريفية في سواقي القاش...
شكرا اعزائي ....و شكرا لود البدري
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: Tumadir)
|
العزيزة تماضر ....ده موقع بيديك 50 ميغا بايت مجانا ....ممكن تنزلي فيهو اي شي ... http://www.anycities.com
بس لو تقدري تنزلي ريل انكودر realEncoder لانوالتسجيل بتاعو حجمو صغير و اي اغنية مهما كانت ما بتتجاوز الواحد ميغا بايت ..و بي كده بتسهل عملية الابلود المملة...و البتقطع كتير لما يكون الملف كبير الحجم
المهم عاوزين ...تطلعي لينا الفي السحارة....لانو نحن متشوقين .....و ح تقولي لينا زحو غادي... و اتفرجو بس..انا عارف ..
ناطرينك...علي قولة الخليجين
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: Tumadir)
|
سجمى بالانجليزى ..دى ذكرتنى
نكتة الاستاذ الشايقى مع الطلبة
وهو ماسك ليهم القلم فى ايدو وبيسألهم
وات از زيس ؟
ومعاها جرة فى اخر الكلمة از ات ا بوك ؟
از ات ا رولر؟
از ات أ بن ؟
والجماعة شابكنو ليك
نو اتز نت
فى النهاية لمن زهج قال ليهم
اىىىىىىىىى نااااااااان وات از زيس ؟
ههههههههههه يكة
عارقة قديمة ... لكن عليكم الله كان ماضحكتو
لانها كلفتنى فى الكتابة
| |
|
|
|
|
|
|
|
|
|
Re: ود البدري هدية للكل ...خاصة للاعزاء دقنة و باكاش... (Re: مارد)
|
شكرا يا ابو يسر يا ذوق ...كنت اتمني ان يكون لدي مكتبتي الصوتية ..سوي الجبنة بي صوت مغنيها الاصلي ....لانو سحرها عجيب...
و انا معاك غني محمد البدري يحسسك بحالة كبيرة من الانفعال والحب..تحياتي ليك
مارد ....رايك مهم يا عزيزي ...ورينا انطباعك عن ود البدري ...و هل سمعت ليهو قبل كده ..و الله لا جاب هم ....شكرا يا زول حادب علي مسيرة البورد...
| |
|
|
|
|
|
|
| |
BAKASH
degna
ايهاب
EXORCIST7
Ahlalawad
Halema2
Tumadir
Elmosley
ابو يسرا
yasiko
boco
النورس الحزين
SAdo7
فيس بوك
تويتر
انستقرام
يوتيوب
بنتيريست