|
|
 من واقعنا 8 النسب النسابة وتلك العلاقة الحساسة
|
ما دفعني لكتابة هذا الموضوع هو انني قبل عدة ايام
كنت بتكلم مع صديقتي في السودان وصديقتي هذه
قمة الطيبة و المرح والحيوية العسولة( يعني من عسل) وكانت
محبوبة من الكل وعرفت منها انها في طريقها للارتباط
وبدات توصف لي في الشخص بلغة شعرت اني جد
محتاجة لمترجم عشان افهمها وكنت كل مرة اوقفة
واقول ليها هي سطحت بي دي معناها شنو
المهم في وصفها قالت لي كان شوفتي حاجة كدا غير
عادية يعني قمة الكدسنة
وكدسنة دي معناها قمة الوسامةفي لغة البنات
حسب شرحها) والوسامة منه وقفت خلاص وبداءت تعدد
في كل المزايا بس قالت لي يا خسارة عنده نقطة
سوداء واحدة انا طوالي جاء في بالي انه بعد كل تلك
المميرات النقطة السوداء حيكون بيسف معذرة( لعاشقي
التمباك لم اقصد شي)لاني عارفاهابتكره التمباك قالت لي يا ريت كان تمباك هين
بس حاجة افظع من كدا اتخيل النقطة السوداء
في حياته هي شنو هي امه قالي لي كان شوفتي امه
تعيسة تعاسة لدرجة لاتتخيليها قالت لي اتخيلي
عاملة نفسها مرة متحضرة عشان عاوزة تفاتحني
قبل ما تكلم امي ولو شوفتي الطريقة الاتكلمت بيها
تخافي وترتعبي وهي ما عارفة انها هي كانت اخر
خطوة وانحنا متكتكين امورنا من بدري شي تلفونات
وشي ايميلات
قالت لي المرة دي ما حتخليني اتهني في الحياة دي
ودا المخليني عندي حبة تردد
وهذا يقودنا الي التحدث النسب النسابة تلك العلاقة الحساسة واللتي لها تاثير
في علاقة الازواج عندنا
في كتير من الاحيان اهل الزوج يتدخلون في كل
صغيرة وكبيرة بل ويعتبر حق من حقوقهم مما يودي
احيانا الي شد وجذب واحيانا كثيرة تتولد المشاكل
في التدخلات . ايضا احيانا تحدث في حالة اهل الزوجة
ولكن بدرجة اقل ولكن الغالب من اهل الزوج
الموضوع لم يخلص
my name Tasneem
|
|
 
|
|
|
|
|
|
|
|
Re: من واقعنا 8 النسب النسابة وتلك العلاقة الحساسة (Re: tasneem)
|
صاحبة هذه القصة زوجة شابة تزوجت وحيد ابويه
وهي تلك البت النابغة والطموحةوكانت من ضمن العشرين الاوائل في امتحان الشهادة تزوجت قبل دخولها الجامعة
لان الزوج اقنعها انه بدل ان تدرس الجامعة في السودان
والشهادة غير معترف بها في مكان استقرارهما لذلك
وعدها بدراسة في تلك البلد وبعد انجابها لطفلتها
والتفرق لها لمدة عامين بدات الجامعة والزوج
كان لها نعم السند ولكن ما يضايقها ان نسابتة
ما راضين بذلك بحجة ان ولدهم وحيد وعرسوا ليه
صغير عشان يشوفوا اولاده وقالوا ليها المرا دي خلي لينا البت في السودان عشان تعرف تتكلم عربي وانتي تجيبي ليك طفل تاني
عشان كدا هي مترددة في الذهاب الي السودان في الاجازة دي
ودايما في تلفوناتم كلامم انتي لسة في القراية قرايتك دي بتكمل متين
الخالات والعمات والحبوبات
هل من حق الاهل التدخل حتي في الاشياء الخاصة
بين الازواج ومش المفروض تكون في حدود ويخلوا
كل اتنين يمشوا حياتم بالطريقة اللي هم عاوزنها.
Tasneem
| |
|
|
|
|
|
|
|
|
 alnasaba (Re: tasneem)
|
tasneem
salam..modoa3 gameel a7der al ml keyboard al3arbi wa geek..ok
m3a t7yate
| |
|
|
|
|
|
|
|
|
|
Re: من واقعنا 8 النسب النسابة وتلك العلاقة الحساسة (Re: tasneem)
|
نحن شعب بحكم روابطه الأسرية والاجتماعية نقع دائما فى محظور ثالث الاثنين اذا صح التعبير..فنحن ننوب عن غيرنا فى التخطيط لحياته ونختار له حتى وقت أن يكون القرار مصيريا لذا تفشل معظم الزيجات فى السودان وتتعدد الأسباب والسبب واحد وهو افراز عاطفتنا السودانية الجياشة لكم هائل من الحساسيات بين أسرتى الزوج والزوجه والأقارب والمعارف..ويجد الزوج والزوجة فى أول مشكلة تصادفهما جيشاً من الوسطاء والأجاويد والذين تزيد تدخلاتهم من حجم المشكلة ولا تحل أى موضوع
غير أن واقع الحياة الزوجية يعتمد بكامله على شخصية الزوج والزوجه وقناعاتهما معا لحل أى خلاف بينهما دون تدخل طرف ثالث وعدم الانصياع الأعمى والانقياد لتوصيات الأسرة ونصائحها اذا كان ثمة ما يولد خلافا زوجياً
أو يتسبب فى تعكير صفو الحياة
هذا رأيى المتواضع ..المنزوع التجربة طبعاً..
فلنستمع لرأى أولى الخبرة
فهو الأفيد..
تحياتى
ودعزة
| |
|
|
|
|
|
|
|
|
|
دعاش (Re: tasneem)
|
الاخت تسنيم و عودة للطروحات الجميلة
عارفة فعلا مساءلة النسابة دي في مجتمعنا بتادي الي فشل كثير من الزيجات او على الاقل خلق المشاكل الزوجية اليومية
و يبقى وعي الزوجين و نضجهما السبيل الوحيدللحد من هذه المشكلات
يعني بالعربي كده لو ما هم مقتنعين انو دي حيانهم هم الاتنين بس و عندهم رغبة حقيقية في مواصلة الحياة سوياصعب جدا المركب تمشي بيهم
| |
|
|
|
|
|
|
| |
Halema2
OMDRMAN
wadazza
فيس بوك
تويتر
انستقرام
يوتيوب
بنتيريست