الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-04-2016, 02:00 AM الصفحة الرئيسية

مدخل أرشيف العام (2001م)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

مذكرات حنكوشة.......1

11-14-2002, 11:07 PM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
مذكرات حنكوشة.......1



    حنكوشة دي بت
    وطبعا ما أنا, مع اني برضو حنكوشة
    كلنا في الحنكشة أخوة
    ويا ريت لي قدرة أكتب ذكريات حنكشتي مباشرة
    حنكوشة ككل الحناكيش وتعرفون من هم الحناكيش
    سمعت عن الزير في حكايات قبل النوم, وتعتقد ان الرقشة نوع من الحشرات قريبة الشبه بالفراشة,الغنماية عندها بيضاء مشعرة والخروف اسود معضم وماالفرق مش كلهم بيجيبوا لينا اللبن؟
    الداندرمة كورة محلية الصنع ماشاء الله اطفال السودان مبدعين...!!
    والبوش ده شنو كمان يمكن ماركة حاجة تستخدم في الصناعة, ورنيش؟؟
    ياي سوسو قالت لي الناس في السودان بيشربوا موية لونها ابيض ما زي حقتنا وكمان ليها طعم؟يع....جورج قرداحي حقوا ينزل في سؤال المليون عرف القرقريبة؟ والله مايكسب زول

    الفكرة كانت في راسي زمن وكثر تأجيلها للتعديل والاضافة
    لاكن ليس أجمل من العفوية في الكتابة وهذا ما سأنتهجه
    ما قصة ولا خاطرة ولا الكلام الكبير بتاع الناس المشاهير ده
    دي خربشتي وحبيت أشرككم فيها
    فهاكم اياها
    مع الوعد بالاستمرار اسبوعيا


    الساعة 10 بالليل ومافي حس فس البيت
    حمودي و هبة ناموا ما عارفة في شفع الزمن ده يرقدوا حسي؟
    ما عارفة ما قادرين يكتشفوا حل لمشكلة الشخير ده ليه
    مسكينة يا ماما
    ناس خالد بره كالعادة ما جوه
    الدنيا صانة ومافي غير ميشو في المستقبل ينطط
    ومسلسل آخر معاد في المصرية
    الواحدة في البلد دي كان زهجت تعمل شنو يا ربي
    امشي انوم زي النايمين؟
    لأ أمشي أشوف منو الفي المسنجر. بس ناس منكوش وحيران عندهم الدنيا صباح بكونوا لسة نايمين
    مافي طريقة اضرب لمنى , حسي لو كان عندها موبايل ماكان احسن
    البت دي طايقة حياتهم كيف, انا بي ده كلوا مافي زول بيسألني
    ما كفاية المدرسة؟
    أحييي أنا دي سيرة حسي
    ابلة فايزة بكرة توقفني تاني أحل ليهم المسألة هي ما عندها غيري
    قال قال عشان بتحبني
    ولا فطوم ومريوم منتظرين بكرة البراشيم في امتحان الفيزيا
    حسي ديل ما يزاكروا مذاكرة تنفعهم بس فالحين في الغش
    حفلة آخر السنة قربت وما عرفتا حاحضر هدايا شنو
    أخيرا الواحدة حتقلع المريول الكحلى وتلبس موضة وابقى في الجامعة
    يا سلااااام
    بابا لسة ما كلمني حنعمل شنو في حكاية الجامعة دي
    قالوا النتيجة الأول وبعدين نشوف
    حسي الثانوية دي حتفرق شنو من كل مرة؟ 98 وناقصة بس قي العربي والدين
    وزنقة حبة تكمل 99
    لاكن انا شاغلة نفسي بالموضوع ده ليه معقول ما يقبلوني في الجامعة هنا؟
    لا اهلي ما حيغلبوا واسطة أكيد, شوفي هم ليهم في البلد دي كم سنة
    ده منو البيدقدق ده؟
    بسم الله!!!
    ده التلفزيون حسي القلب على القناة دي منو
    الناس صورهم نضيفة في التلفزيونات كلها وكان جابوا شحات بيلبسوه هدوم نضيفة بس يصبغوها اسود
    الناس في تلفزيون السودان ده كيف يجيبوا زول بيسفنجة سوري مع..... ومشققة وكمان بيتكلم بسرعة انا زاتي ما فاهماه. حسي كان صاحباتي في المدرسة شافوها يقولوا شنو
    ما كفاية اليوم داك نهلة العويرة تسألني في الساحة ببلاهة: انتوا عندكم عمارات في السودان؟
    طبعا من الغيظ رديت عليها : لا بينوموا في خيم
    حاجة تغيظ مافي حاجة سمحة واحدة بيعرفوها عننا
    لا ميس فايزة بتحبنا وقالت أشطر بنات عندها السودانيات
    بس لاكن سارة دي فاضحانا برضو السودانية الوحيدة في المدرسة العايدة السنة
    غير اللبس والاغاني ما عندها شي كل همها العرس
    العويرة هم القروا لاقينوا زاتوا
    ......................
    ......................
    يتبع مع حنكوشة

    في الحلقة القادمة
    حنكوشة في المدرسة

    (عدل بواسطة zola123 on 11-15-2002, 01:46 PM)
    (عدل بواسطة zola123 on 11-16-2002, 07:52 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-14-2002, 11:18 PM

wadazza

تاريخ التسجيل: 02-04-2002
مجموع المشاركات: 5385

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    مذكرات بدايتها تبشر بتناول عميق وبأسلوب متميز..وبسخرية موظفة تماما لخدمة القضايا وعمق تناولها وهذا ما لمسناه منذ زمن طويل فى أسلوب الزولة 123..ونتمنى من خلال تناولها فى حلقاتها التى وعدت بها ان نتمكن من استجلاء عالم الحناكيش ...
    تحياتى
    ودعزة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-15-2002, 10:16 AM

motaz
<amotaz
تاريخ التسجيل: 04-26-2002
مجموع المشاركات: 1412

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: wadazza)

    اخيرا يا الزوله 23 بعد المائة
    طال انتظارنا لهذه المزكرات كثيرا ولكن اخيرا اوفيتي بالوعد
    ونحن في انتظار الحلقات القادمة

    خارج الاطار: انتي الصور حقت بورداب الامارات كانت مشفرة ولا شنو ؟
    يعميني ويطرشني انا غايتو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 00:25 AM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    ود عازة شكرا على الاطراء ويا ريت نكون عند حسن الظن
    معتز شكرا ليك الكسل تقول شنو
    صور اللقاء ضاعت في فترة توقف البورد ولم استطيع اعادة تحميلها عشان برضو مركز تحميل الصور واقف
    لمن يرجع اوعدكم اتابعها
    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 00:46 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    الزولة العزيزة

    اولا البناء الفنى رائع كعادتنا بيكى
    واصلى و بتكلم عن المحتوى فى نهاية الحلقات

    تسلمى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 12:02 PM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: نصار)

    لك التحية
    الزولة 123

    الحنكشة خايلة فيك
    وياريت تاخدو كورس في الزولنة
    والزولنة هي ان تكوني زولة بحق وحقيق عارفة لكل المصطلحات الزولانية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 03:44 PM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    عمنا قرجة كيف الحال
    تحياتي وسلاماتي الحارة
    تصدق بيخيل لي كل شي؟
    كنتا راجية تعليق زي ده من قبيل
    عشان
    عارفة مافي موضوع بيستقيم من غير نقد,وانحنا ازوال وزولات حناكيش ام شفوت شاء الأعادي أم أبوا لوول ( أعادي دي هزار)
    وكنت متوقعة طبعا ان يتم الربط بين حنكوشة وبين شخصي الضعيف
    حنكوشة دي شريحة كبيرة من المجتمع السوداني
    شئنا ام ابيناا
    وبدل من ان نكيل اليها السهام ونتفنن في التريقة عليها
    فلنحاول ان نفهمها ونستوعب الظروف المحيطة بها التي بنت حنكشتها تلك
    اجزم ان الكثير من السودان متشوقون لسماع المزيد..متهكمين يمكن لاكن املي ان يكونو منصتين بتمعن في النهاية
    عشان يعرفوا حنكوشة دي بتاعة حركات ودلوعة ومستهبلة ولا هي بالجد بريءة ومسكينة وما عارفة شي عن بلدها
    للموضوع تكملة وأرحب بكل التعليقات
    في ناس قالوا لي اضع الاجزاء جميعها في بوست واحد عشان ما يتشتت, رأيكم شنو؟
    زولة123 أجدع زولة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 04:01 PM

ايهاب
<aايهاب
تاريخ التسجيل: 05-06-2002
مجموع المشاركات: 2877

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    الحنكشه عندك يا زوله
    والله انا بي فصاحتك عرفتك عايزه تطرحي قضيه و كدا
    اؤيد الاقتارح الاتقدم ليك و بعدها اطرحي وجهه نظرك
    في موضوع الضحايا ديل
    و بيني الفرق بين الحناكيش بالغصب و المتحنكشين بالغصب برضو مع اختلاف الغصبين حيث الحنكوش مغصوب و المتحنكش غاصب علينا حنكشتو فارضه يعني
    ولا ما دا الموضوع
    انا يمكن اكون طشيت الود عامل فيها ناقش و كدا
    لكن جد الموضوع دا مهم من حيث الحكم على الاشخاص و تصنيفم
    بعدين بحكي ليك شكله حصلت في الشات تدور حول الموضوع دا
    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 07:55 PM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)


    <mcg /><mcl /><BGSOUND src=" http://www.thenationalanthems.com/inninazionali/sudan[1].mid"><mcg /><mcl />

    ( حنكوشة .....2)
    ________________


    - يا بت قومي الساعة 6 , تاني ما حاجي اصحيكي
    - ممممم ... ماما دقيقة بس 6 وربع
    -يا بت بطلي كسل
    ياخ ده شنو الزول ما يعرف ينوم كويس,متين المدرسة دي تخلص وتريحنا
    الضباب يغطي الشارع الخالي تقريبا الا من مرايل كحلية عند مدخل كل عمارة في الحي
    البنات المساكين ديل مكتوب عليهم الشقاوة كدة لمتين, اشمعنا مدارس الاولاد تبدا بعدنا
    الباص جاء مسرعا وكالعادة ما استنا لينا , شكلها حتجي مع ابوها متأخرة عن الطابور
    الطابور.. عاشت.......عاشت........عاشت........
    (.......) دي بلدنا؟ ليه نغني نشيدها الوطني؟ وليه نقيف تحية لعلمها؟
    بنحبها صاح واللهي؛ لاكن ما بلدنا , الزمن الجابنا بيجاي بس .
    يا ربي كنا حنقول عاشت لي ياتو بلد تاني كان ما جبتنا هنا؟
    وحتى يعفينا الله من هذا الكذب فلنردد عاشت.........

    الحصة الاولى رياضيات, يا سلام مافي تسميع , كدي زول يوقفني الليلة.
    -حنكوشة تعالي لي في الفسحة , عندي ليكم تمارين لمسابقة الطلبة..قاعدة تحضري ليها ولا نسيتي؟
    -ايوة ميس متزكرة....(انا ناقصة)
    الحصة التالتة وريحة الطعمية واصلة للصف المجاور
    يا سلاااااااام يا ماما , والله مافي ام زيك تقيف تحمرالطعمية لي بتها الساعة 6 زيك في البلد دي
    ناس داليا ومنى تلقاهم كالعادة سندوتشات جبنة بيضة ولا مربى, أسرع شي يتحشي...
    - حنكوشة النص بالنص, بقسم ليكي من سندوتشي معاك
    - لا ما مشكلة, هاكي النص ده انا حاكل التاني
    في زول يبدل الابداع ده بجبنة؟
    مرة نص سندوتش بفتيك ومرة جداد بالمايونيز وكل مرة يدوني جبنة ومربى
    خسارة فيكم لاكن هاكم نص .
    - نحنا ماشين الساحة الكبيرة
    -لا معليش حاطلع مع ناس رانيا عند الملاعب
    -انا ما عرافة حنكوشة دي جنها مصريات كدة ليه, السودانيات بيتلموا 25 واحدة في الفسحة في الساحة الكبيرة , شكلنا يفرح والله واحدة تجي مارة بيجنبنا تتخلع , ايوة كدة وروهم الترابط.
    سجمم قال قال ترابط, وكل واحدة بيورى التانية تقطع فيها.
    ما بيهمني يقولوا عني شنو, بأصاحب الاصاحبهم
    اللييييلة نسيت ميس الرياضيات !!!!
    - أنا اسفة والله بس حسي اتزكرتا
    - مو مشكلة يا حنكوشة, خدي كرسي وأاعدي هون
    كل التمارين حتلائيها فهادي الملزمة, بس انا حبيت اكلمك عن سارة
    يا بنتي عيب الل بتسويه هادا, هادي تالت سنة وكل واحدة فيكم عايزة مجموع يدخلها كلية كويسة.
    انا شاكة انو سارة هادي سودانية, كل طالباتي السودانيات من الاوائل
    - معليش يا ميس انا حاحاول أكلما لاكن هي ما بتقبل نصيحة
    انا كلمتك يا حنكوشة عشان عارفة انو الكل بيحبك واكيد حتتقبل كلامك اكتر من كلام المدرسة....
    أنا مالي ومال سارة؟ بطريقتا , حسي تهيج فيني . قرت ولا ما قرت بكرة تشوف الميس, الزي سارة جاين كتااار.

    وشششت..... حنكوشة السؤال التالت الله يخليتش
    - مافييي! والله الليلة ما أغششك يا مريم
    - حرام عليتش
    - يا مريم حرام عليكي انتي , في زول يغشش مسألة كاملة ؟ والله الميس حتعرفك ناقلاها, اسكتي.........

    ما بطال الامتحان , بس الاهم آخر السنة وآآآخ من آخر السنة دي
    حنقص كم نمرة يا ربي؟ الله لا جاب نقصان , انشاءالله %99
    انا عندي شنو غير القراية في البلد لي, يا ربي ما تخيب املي


    ................................
    ................................يتبع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 08:36 PM

ظبية


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    سلام يازولتنا

    مذكرات الحنكوشة دى حاجة حلوة خالص
    وبالله مزيدا من الحنكشة ياحنكوشة


    مع تحياتى
    ظبية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 09:01 PM

willeim andrea
<awilleim andrea
تاريخ التسجيل: 05-01-2002
مجموع المشاركات: 3768

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    هنكوشه .. والله الموضوع جميل واهو انشاء الله نتابع معاك لاهمية الموضوع وانشاء الله نصل لخلاصه يستفيد منها اصحاب الاهتمام ونصل لبعض المعالجات دمتي عزيزتي الدكتوره
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 09:17 PM

sodania


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: willeim andrea)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-16-2002, 09:52 PM

بت القبايل

تاريخ التسجيل: 06-12-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    زولة يا غالية
    والله ما دايرة اشكرك علشان ما يقولو علشان صحبتها لكن جد القصة جمييييييييييييييييييييلة جدا تحمل جواها معاني ما ساهل يلقطها اي زول لا اذا عايش حنكوش وزول تاني ما حنكوش وتسلمي انك بذكائك لقطتيها ربنا يخليك ولقدام ومنتظريييييييييييييييين الجاي بشوق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-18-2002, 10:52 AM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: بت القبايل)

    الاخت زولة
    كان من الافضل قول راي هنا مباشرة وساقوله
    في راي الشخصي ان هذه ليست مزكرات حنكوشة بقدر ماهي يوميات ابنة مغتربين والفرق بعيد جدا جدا بين الحنكوشة وابنة المغتربين تكاد تكون هذه صورة يومية عادية جدا لحياة معظم ابناء السودانين خارج الوطن واهتماماتهم وولائهم لوطنهم الام الذي عرفوه عبر السماع اغلب الاحيان فابن المغتربين وللصراحة اقول يكاد يكون اقوي دواخل واشد شكيمة واربط جائشا من كثير من ابناء الداخل ( الفيهم الحناكيش بالجد)فمن يفتح عينيه علي كل شئ هو غريب عنه ومن يشب وتلاحقه صفة الاجنبي لابد ان تولد في داخله احساسا بالغبن الدافع للصمود اما الحياة
    سقت هذه المقدمة لاقول لك ان شريحة كبيرة من الابناء المغتربين تم نعتها بالحنكشة لا لشئ الا لعدم الدراية بالشئ فما لم يالفوه ولم يكن جزء من حياتهم بالطبع لن يدرو عنه شيئا وعدم العلم بالشي ليس نقيصة فبالمقابل لناتي باي احد من ابناء الداخل ونطلقه في احد المجتمعات التي اتي منها ابن المغتربين سيكون مثله لو لم يكن زياده عنه
    فابناء المغتربين لا يملكون من صفة الحنكوش الا عدم الدراية بالكلمات ولكن الحنكوش الحقيقي الذي تقصده تلك الطرف التي اطلقت علي تلك الفئة تقصد حنكوش الداخل ويالها من حنكشة حامضة
    اجمالي الكلام اخت زولة ان ما ابتدرتيه في بداية هذه المزكرات في اعتقادي لم يستحق صفة الحنكشة بعد فهذه يوميات شريحة ابناء المغتربين الكبيرة وهذه الحياة العادية والتي في ظاهرها الدعة وفي باطنها اشد القساوة من حياة الوطن
    هذا في ما سلف من المزكرات اما ماهو ات فلنا عودة
    وبدون زعل ولا مشاكل
    لووووووووووووول

    ملحوظة
    بعد الدفاع المستميت هذا عن ابناء المغتربين اردت ان انوه الي اني لم انال شرف ان اكون ابن مغتربين

    (عدل بواسطة اساسي on 11-18-2002, 10:56 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-19-2002, 12:11 PM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    ايهاب وليم ظبية بت القبايل
    حبي وتقديري

    مافي زول فضل ما بقى يناديني حنكوشة هزلا وجدا
    وناس قالوا انتي ما فاهمة حاجة عن الحناكيش
    وناس انبصتوا وطالبوا بالمزيد بنفس الاسلوب
    والله يعينا على ارضاء جميع الاذواق
    لاكن برضو حافضل زولة123

    اختنا سودانية مالك علينا؟
    وكتر خيرك على اللينك الما بريء
    سمعينا صوتك وشاركينا رأيك بدل من الوصلات
    انتي اكتبي بس بوست منفصل وليك علي واللهي اجمع كل الناس ونمشي ندللك بيهناك انتي كمان لوول اها تاني تامري بيشي؟
    عندنا كم سودانية في البورد احنا
    أساسي الاساسي
    اول شي حمدالله على السلامة
    وشكرا على التعليق
    بس النقطة دي ناقشتها مع بعض الاخوان وحاولت ان اصل معهم لاتفاق
    انني اتحدث عن شريحة معينة, كبيرة ومهمة, ما افتكر انو كتير بتحكي ليكم هم عايشين كيف وبتصرفوا كدة ليه لمن يمشوا السودان
    نصيحتي الصبر ثم الصبر يا جماعة لسة دي تاني حلقة وما كنتا دايرة طوالي اشتغل نكت وضحك لى مواقف ومفارقات الحناكيش لمن يمشو السودان
    وخلونا ما نقعد نختلف على عنوان الموضوع وتعريف الحنكوش من دون الالتفات للموضوع
    ولو وجدتوا فعلا انها مذكرات عادية ليوم عادي لابنة مغتربين برضو ما بطال المشكلة وين؟؟
    ما في من شيء يجبركم على متابعة موضوع مستائين منه للدرجة دي
    بس برضو حكاية انو ديل ما حناكيش ضحكتني يا اساسي لوول
    ودي نقطة ايجابة على الاقل لمن نرجع السودان سيتوقف شخص عن انتقادنا
    يعني معنى الكلام طلعتا انا ما فاهمة حاجة ولا بعرف شي عن الحناكيش ولا عن حياتهم مثلك عشان انتا عاشرتهم كويس في الجامعة؟؟
    طيب قول لي منو بيعرفهم تاني اكتر مني لووول

    بس انتا ما تعصب وتقول الناس التانيين هم البيعصبوا ودواك عندي لووول
    بس برة البورد والفيزيتا حقتي غالية خلي بالك

    الحلقة الثالثة قريبا
    نصار شكرا على الحوار والنقد المثمر في البالتوك
    وللأخوة هناك وفي البورد كل التحايا
    ومع حنكوشة 3 قريبا جدا باذن الله

    زولة123
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-19-2002, 12:11 PM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    مكرررررررر

    (عدل بواسطة zola123 on 11-19-2002, 12:16 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-19-2002, 09:21 PM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)


    انت عارفة يازولة 123
    احسن ميزة في الحناكيش انهم ما شغالين بالناس
    زي الاجيال السابقة لهم
    ناس في حالهم شديد
    وبريئييييييييييييييييييييييين شديييييييد
    تركيزهم كتير على الاكاديميات
    واكتر حاجة انا بتكيف للحنكوش او الحنكوشة اللابسة نضارة قعر كباية
    وتكون قصيرونة يعني مارقة من الواطة يالا يالا
    والفنيلة او القميص واصلة الركب



    بعد ده كلو


    تكون لابسة حجاب


    وكمان


    محفظة معلقة في الرقبة زي بتاعت حبوبتي

    لكن طلعت تاني لزوم الحنكشة

    وتكون
    عاضة الماوث في خشما


    ارجوك عمو
    دي بتتعبني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2002, 05:34 PM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)


    حنكوشة3

    الغداء أكبر فرصة الزول يشوف فيه العيلة مجتمعة
    بابا ما عندو وقت, يجي البيت ينوم عشان يرجع الشغل تاني
    خالد سارح في عالم تاني مع اصحابه
    مافي غيري انا وماما والصغار, لاكن ديل الواحدة تتونس معاهم في شنو
    قالوا انا حنكوشة, امال ناس حمودي وهبة ديل يبقوا شنوا....

    ماما تاني ما تعملي لينا البتاعات دي ما باحبها
    يا بتي ابوكي طالب الملاح ده ليه يومين
    احنا ذنبنا شنو, اكلوها براكم
    أبوك دايرك بعدين
    حاضر

    النمشي نشوف ناس منكوش حسي بيكون اونلاين
    - ايوة دقيقة أقفل الاوضة
    - المايك ما عارفة ماله ما شغال الليلة
    منكوش:
    - عاملة كيف مع المزاكرة؟
    - ماشي الحال انا ما بيتخاف علي
    - انا مستني جيتك بفارغ الصبر
    - لاكن انا ما عارفة لحد حسي حاجي السودان ولا لأ
    - كيف الكلام ده؟ السودان بلدك وما عندك خيارات

    يرن الموبايل وما زلت مستغرقة في الحديث مع منكوش عبر اسلاك الانترنت
    منى:
    - مبالغة لاكن ساعتين على النت؟
    - مالك يا منى قاعدة بتونس مع منكوش
    - حسي عليك الله ده اسم زول يتونسوا معاهو؟ وكمان من السودان
    - المشكلة وين؟
    - انتي حتفضلي طول عمرك كدة غبية, الناس بيفتشوا ناس امريكا ولا كندا وانتي غرقانة مع بتاع السودان ده؟
    - معليش الكلام ده لي بعدين انا ما مستعجلة على العرس, بعدين منكوش ده شاب مهذب ونادر القى زيو
    - والله هو من ناحية نادر فعلا نادر هاها خليه ينفعك

    ما مشكلة حافضل أكلمه, ليه الناس كل تفكيرها بقى مادي بالصورة دي
    بعدين حسي زمان لمن ما كانت في انترنت كان حتلاقي ناس امريكا وكندا ديل وين؟
    أنا صحيح مرات بيني وبين نفسي باخجل من قصة الحب عبر الاسلاك دي
    لاكن الحب الحقيقي وين, ده ما ذنبي عيشتنا المقفولة دي.
    قالوا عنو مراهقة , نعم ممكن يكون كدة , لاكنو موجود.. مش أرحم من زول اطلع معاه وانزل وبعد ده يديني اسمو شنو.... شنو.....منى مرة قالتها الكلمة دي لاكن نسيتا, ياخي ناس السودان ديل عندهم تعابير غريبة.

    - حنكوشة تعالي
    - أيوة يا بابا
    - طبعا عارفة انا عمري ما غصبتا عليك حاجة ولا حرمتك من شي
    - أكيد يا بابا الله يخليك لينا
    - وانا عارفك من ما دخلتي المدرسة من المتفوقين
    - بابا في شنو
    - طبعا لحد الآن انتي منتظرة موضوع الجامعة ده وانا مستني مناقشته لبعد الامتحانات
    انتي يا بتي واعية وعارفة كويس كل الظروف المحيطة بينا وأعتقد لو ناقشتك حسي ما حيأثر عليك
    - بابا انتا عايز ترسلني اقرى في السودان. صح؟
    - ايوة يا بتي , انا عارف انك طول عمرك بعيدة عنو ويمكن دي غلطتي لاكن انتي عارفة الظروف
    طبعا انا بابحث ليك عن الاحسن, لاكن ما حاكون متطمن عليك انا وامك لو رسلناكي تقري بره زي خالد, وانا كمان ما بقدرأضمن ليك حكاية الجامعة هنا.
    عشان أنا بت وهو ولد؟
    أبدا ما تختي الموضوع كدة, بعدين كونك بت بيفرض علينا حرص أكبر ورعاية ما تفهمي المواضيع بالعكس.
    أنا فاهمة يا بابا , لاكن لو كان السودان كويس الطلعك منه انتا وماما شنو وجيتوا تعيشوا في الخليج؟
    يا بتي طلعنا عشان نوفر ليكم حياة أحسن وما تفتكري انا حاجدعك لو رسلتك السودان. عارفة أوضتك دي حانقلها زي ما هي هناك, ما حتتعبي في أي شي , حا جيب ليكي عربية عشان ما تشيلي هم المواصلات, الكمبيوتر حتشيليه معاكي, التكييف, الموبايل و....و....و... ما تشيلي أي هم
    - عرفتا المطلوب, المجموع.........
    يا ربي ما عملتا لينا طريقة لي نسبة فوق ال 100% ليه ؟
    ليه مكتوب علينا الشقاء أكتر من غيرنا , انا راضية بالسودان لاكن هو ما راضي بينا ليه, وبيعاملنا زي الابن العاق. أنا أتعب السنة كلها ولو جبتا تحت ال 90 % تتحرم على كليات , وواحدة زيي يمكن أقل ذكاء ميزتها بس انها سودانية من أبناء السودان البارين اللسة في الداخل تخش الكلية الدايراها؟؟؟
    منطق ظالم وبلد قاسي قساوة الحجر.حتى الوالد ما بيقسى على أولاده ويفرق بينهم بالصورة دي... ده البلد المرسليني ليه و يقولوا لي بلدك؟؟
    ده الوطن البيقولوا لي امشي اترمي في حضنه وهو ضامم ذراعيه....؟؟؟
    آآآآآه يا زمن . وبعد ده يقولوا ما عندنا هم غير القراية
    .......................
    .......................
    يتبع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-05-2002, 10:26 PM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)


    حنكوشة4

    -ألف مبروك
    -الله يبارك فيكي
    - أها وبيقيتو على شنو انشاء الله
    - والله ياختي ما المتوقعنو ليها , حنكوشة طول عمرها ما بتنزل من 99
    - ما هي الثانوية كدة دايما فيها مفاجآت

    -شنو يعني الحصل عشان تفتحي بيت البكا ده
    -منى أرجوكي .......ما عارفة ليه حاسة بالفشل والهزيمة
    -بابا ما حيفرح , وماما ما حتشوفني بالبالطو الابيض خلاص؟
    معقولة يا حنكوشة انتي العمرك ما صعب عليكي شي
    انتي العمرك كله البتطلبيه تلقيه قدامك ؟
    -لاكن فايدة البكا شنو,حترجع ليكي الكم نمرة ديل
    -منى انتى ما حاسة بالعلي
    -طبعا , انا من زمان عارفة دايرة شنو وحاسباها على قدر قدراتي
    آسفة ما قصدي شي يا حنكوشة, بس انتي عارفة انها لعبة وكل سنة شكل
    قشي الدموع دي واستعيذي بالله, انتي بنفسك قلتي لي الطب ده اصلو ما كان رغبتك
    وكنتي بس دايرة ترضي ناس ابوك وامك
    ما أول ولا آخر حنكوشة.....حاولي انظري للموضوع بمنظور آخر
    -منظور اسود سواد حظي
    -يا بت سواد شنو بس ما عارفة الراجيكي ....عالم تاني وحياة مختلفة
    انا متأكدة انك حتحبي السودان ومتشوقة ليه.

    شهر يمر على مناحتي والتجهيزات على قدم وساق للسفر
    مشاوير السوق المكوكية لشراء ما غمق واسود لونه من ملابس التقول حداد
    يا بت ده ما بينفع في السودان, والبنطلونات دي تنسيها من هنا ورايح
    حسي البنطلون ده مالو, كان لبستي مع بلوزة طويلة مش استر من اسكيرت يطير مع الهوا وانا طالعة سلم ولا مواصلات؟
    يا بت انتي ما حتصلحي الكون اسمعي الكلام
    شانيل حقتي مافي, شوفي ريحة خفيفة , جزم واطية ومن دون كعب سودا برضو ولا بنية, ميك اب مافي..............
    ماما دي متأكدة من الحاجات دي كيف, معقولة البنات هناك كدة؟ بكرة اشوف بنفسي


    -حنكوشة والله انتي حتكوني نكتة في السودان
    -داير شنو يا خالد ما وقت هظار خليني ارتب حاجاتي
    - عايني بس ما تنزلي في المحطة الغلط, لمن الطيارة تقيف تماما والناس ينزلو
    - يا مامااااااا شوفي خالد ده عليك الله
    - البيت ما حيكون ليه طعم من دونك
    -أول مرة تقول لي كلام زي ده
    -عارف , زي ما انتي أول مرة حتسيبينا
    ........ترقرقت دموعي وانا اتمتم : أذاهبة انا ام عائدة للوطن
    وطن بلا احباب ايظل وطن؟
    بل حضن امي هو وطن الاوطان
    ...........................................
    ...........................................
    يتبع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-27-2002, 10:29 AM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)


    حنكوشة 5

    الساعة 4 عصرا , والجو لا يبدوا عصرا
    سحابة بنية تحف أرض المطار عندما وطئته قدماي لأول مرة
    ازدحام غير عادي يملأ طرقاته وأطنان من الأمتعة مكدسة بين الوكاب.
    أطفال يبكون هنا, واحدهم ينهر زوجته لتسرع الخطى هناك.

    - جايبة معاكي أجهزة كهربائية؟؟
    - أيوة : اللاب توب, السي دي بلاير, كاميرة الفيديو , الفي سي آر , الديجيتال كاميرا, لو قصدك معاهم الأدواد الشخصية , جايبة المكواة , السيشوار و...و.....و...
    -...................بس ؟


    أنا ما عارفة الضابط ده مرقك كيف ’ اكيد أشفق على سذاجتك
    - ليه أنا عملتا شنو؟
    - ولا حاجة يا حنكوشة, امسكي الشنط ديل أفتش على ناس عمك.....قلتي لي حيكون لابس شنو؟
    - أفتكر جلابية وعمة
    -....................يا ربي الرحمة !! في كم زول في المطار لابس كدة ؟؟! أعرفه ليكي كيف

    مرت ساعة ونحن نقلب في الوجوه ثم جلسنا بعدها فاقدتي الأمل
    اقترب رجل يحمل ملامح هادئة يسأل: حنكوشة محمد ابراهيم؟
    -أيوة أنا ....
    طبعا كان أول لقاء لي بعمي , الاخ الاصغر لوالدي, لاكنه بدا اليوم كأنه أكبر منه بسنوات عدة
    ذهبنا الى حيث تقف سيارته وما زلت أفكر كيف ستكون بقية الوجوه. توجهنا أولا لايصال منى الى داخليتها ثم ذهبت أنا وعمي الى منزلهم
    الطريق لم يكن بالقصير, لاكن استمتعت به, بالرغم من كون معظمه مغطى بتلك السحابة البنية اللعينة.
    شيئا فشيئا ظهرت معالم المدينة, بالفعل تختلف عن كل ما رأيته
    الهوا ريحته غير, والناس شكلهم غير و ....ز

    -سلمي على سعاد وسارة بنات عمك يا حنكوشة, ده أحمد الصغير
    امتلأ المنزل مساءا بالمستقبلين, حضروا للسلام ورؤية ابنة محمد ابراهيم
    - ما شاء الله بقيتي عروسة, آخر مرة شفتك كنتا شايلاكي على يديني ديل.
    - لاكن يا حنكوشة تفاح الخليج والمكيفات ما فتحن لونك شوية ...( تضحك بسماجة)ء)
    -والله بس محمد الخالق الناطق.
    -كيف ناس امك وأخوانك , ومالها سيدة ما جات معاكي؟ خلاص كبرت على السودان( دي مالها ومال امي حسي)

    مضىذالك اليوم المرهق بصعوبة ولم أتحمل بعدها مزيدا من الونسة والحكايات....سألت عن غرفتي فأشار عمي لتلك الأولى...
    في البداية لم ألحظ كوني الوحيدة من أفراد المنزل التي ستحظى بغرفة لمفردها, لآكنى لمحت نظرة غريبة في أعين سعاد وسارة. ألقيت بنفسي على السرير وخلدت الى النوم بسرعة.

    يصحوا الناس هنا في حوالي الخامسة... الدنيا لسة ظلام لاكن البيت مليان حركة
    استمتعت بالشاي في ذالك الصباح مع مجموعة من الجيران, قطعه صوت عمي مناديا
    لاستعد للحاق بمكتب التسجيل.

    - ايوة اسمها حنكوشة محمد ابراهيم .... السن 18 سنة.....
    - هي وييييينا حنكوشة دي, ما تجي تسجل بي نفسها( قالتها تلك المرأة كأنها تحمل لي حقدا لا اعلم سببه)ء)
    سمعتها وانا خلف الباب فدخلت : صباح الخير يا خالة
    - خالة في ..... , انا ما خالة
    - عفوا يا ااستاذة ( خالة دي بعدين عرفتا معناها )ء)
    المرأة دي ما شاايفاني زي الأطرش في الزفة وجاية تزيد ارتباكي, مكان مكتب التسجيل من الرستنج روم ما عارفاه......
    لسة تاااااني مشوار للكشف الطبي و.... و... و.. يا الله !! كان المفروض اصل أبدر من كدة عشان أخلص كل الاجراءات دي
    منى غطست وين؟؟ محتاجاها بشدة هذه الأيام

    ضغت أرقام هاتف منى مسرعة : انتي وينك, ما شفتي الحصل اليوم؟
    - هاها.. أها كيفك يا حنكوشة انطباعاتك؟ أكيد لسة مخلوعة من ساعة وصولك
    - مخلوعة بس؟ انا راسي بتلف وما عارفة الحاصل شنو
    - والله قلبي معاكي, بس عارفة عندي مليون حاجة كان لازم اعملها برضو
    أها بكرة كيف؟
    - انا الطريق مشيتو مع عمو 5 مرات , خلص حفظته ما في خوف علي

    عفوا الأوتوبيس البيودي.... بيقيف وين؟ مش موقف ال.... من هنا برضو؟
    لو سمحتي يا عمة( كدة اضمن) الباص الوقف ده بيودي وين؟
    الناس ديل بيعاينوا لي مبتسمين وبيمشوا تاني ليه؟ أنا اسئلتي دي غربية للدرجة دي؟
    أنا ما أركب الباص ده, أنا متذكرة السكة كويس
    أنسب مقعد في الأول وبجانب النافذة, عشان انزل طوالي. جلست ممسكة بحقيبتي جيدا ومتذكرة الوصايا العشر بتاعة سعاد لرحلة آمنة في المواصلات.
    الولد الكمساري بيعمل أصوات غريبة , لاكن فهمتا من حركة الركاب انه عايز التذكرة
    لاكن يا حنكوشة ما نسيتي تشتري تذاكر قبل ما تطلعي, ولا هم بيدفعوا ليه وبس
    - ..... يا أخت ورانا غيرك
    - داير كم wait
    مافي عندي الا اوراق تبدو بقيمة كبيرة مددتها على استحياء
    ولم أشعر في حياتي بحرج كما شعرت اليوم عندما التفت جميع الركاب لتلك الحنكوشة التي لا تعرف عد النقود, انقذني من الموقف شاب مهندم دفع لذلك الصبي غريب الأطوار والأصوات. جلست بعدها والخجل يملأني أنظر من خلال النافذة....
    .....مضى الوقت والمشاهد ليست كتلك التي رأيتها في رحلاتي مع عمو وسعاد

    - وقف هنا stop
    قصدي أقيف هنا .... نزلت مسرعة وانا اتمتم
    ضعتي في المواصلات يا حنكوشة
    ......................................
    ......................................
    يتبع

    (عدل بواسطة zola123 on 12-27-2002, 10:43 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-27-2002, 03:20 PM

حنين

تاريخ التسجيل: 12-08-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مذكرات حنكوشة.......1 (Re: zola123)

    ويلكم ان براداديس
    حمدالله على السلامه يا حنكوشه وهلا بيك البلد نورت اذا احتجت اي مساعده ما تترددي نحنا اخواتك السبقناك في الحنكشه والدرش التمام
    يا بتي امانه ما راجياك مصايب نصيحتي ليك:
    اوعي تنسي الكريم بتاع الشمس عشان ما تبقي زرقه اصلو الشمس هنا عجيبه وبعدين لازم تختي ماسك بالليل عشان وشك يحتفظ بنضارتو وما تنسي تطلبي من الكمساري باقي.. باقي القروش البسموها.....ز بسموها يا خ ما عارفه الكوينز المدوره دي هنا بقولوليها شنو؟؟
    وخليكي ت نجيضه شيلي معاك مق خاص عشان ما تشربي من الكوز العام ولو قدرتي تشيلي مطاره اقصد زمزميه يكون احسن طبعا وبالمناسبه كان عايزه مكان فيهو شرايط جنيفر لوبيز او برتني سبيررس ماعندك مشكله
    اهلا اهلا بيك في نادي الحنكشه وما تشيلي اي هم يا فرده
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de