|
|
|
 Re: كيف شعورك لمه ترجع لوكيرك تلقه طيرك حاضنو غيرك؟؟؟ (Re: Hisham Manssor)
|
مانى غرقان فى التمنى ولا نسارح بالامانى
زارنى خاطرنا بله شوقى واحتوانى
النخل اتلاقى عنا وردد النيل الاغناى
النجوم لامع بريقه دى النجوم لامع بريقه
الورود النايمه فاقت عطرة كل الجزاير برحيقه
الندى الراقد بفوقه صفقت جنحاتا عنة لي هوائ
دقو مزيكت الحوارى رقصو البنوت اعرضو النخل ذايد فى عرضو فى علاهو
البيوت غرقت وارهو وبرضو ذايد فى علاهو
تحكى لدنيا الجمليه سر سباتو وسر بهاهو
ضئ عيونك يا بنيه يضوى من بلدا بعيده
تحملك الغمامه تكتمل للروح نشيده
دى الدروب ليك تودى بنسرج الخيل العنيده
والحزن من ضئ عيونك يلبس الفرحه الجديده
انا راكب يا مراكب لا الرياح توقف خطاى لا الجبال تحجب رؤاى
سيدة شموس الكون غناى ليك مسافر من كتير الذاد مسافر بغناى
اوصل الشمس البعيده نبقه عيده
نزرع الحب البوقد للنهايه
نزرع الحب البوقد للنهايه
نزرع الحب البوقد للنهايه
للنهايه
للنهايه
للنهايه
| |
 
|
|
|
|
|
|
|
 Re: كيف شعورك لمه ترجع لوكيرك تلقه طيرك حاضنو غيرك؟؟؟ (Re: بارعة)
|
اولا سلام يا الحبيب
طبعا اول شي لمن الزول يكون عايد لي وكيرو
بيكون في حالة بتاعة ترقب وانتظار لليوم الحايصل
فيهو وكرو ويلاقي احبابو بي كل لهفة البعد الكان
حاصل ولمن يلقي طيرو في احضان غيرو اول حاجة بتكون في صدمة
وحالة بتاعة عدم توازن وفقدان ثقة
لكن ما قلتا لينا يالحبيب السؤال دا
لي شنو
| |
|
|
|
|
|
|
|
|
|
Re: كيف شعورك لمه ترجع لوكيرك تلقه طيرك حاضنو غيرك؟؟؟ (Re: bamseka)
|
لا ابد عزيزى زهر الدين
لك منى خالص الود والاحترام
وكل منى كل الشوف لرؤياك عزيزى
انا هى بتحبنى انا وبس مين القاليك وراى بتحب زولين
يا ريت لو دخلته القلب وشفته الحاصل شنو
عشان تعرف براك
وتانى تقدر تعرف انو هى بتحبنى انا وبس
ما زولين زى ما نات فاكر
وله اريك شنو ؟؟
| |
|
|
|
|
|
|
|
|
|
Re: كيف شعورك لمه ترجع لوكيرك تلقه طيرك حاضنو غيرك؟؟؟ (Re: alhabeb)
|
مرحب الحبيب
الحبيب
اكيد الشعور ما بيتوصف يعني من صعوبته
لكن الطير البيهجر عشه ما يكون يستاهل عشه
في انشوده سمعتها وانا صغيره بتقول
طلعت فوق السطوح
انده على طيري
لقيت طيري بيشرب من اناء غيري
ندهت عليه بعلو الصوت وقلت تعاله يا طيري
قالي زمانك مضى دور على غيري
فالطير ما يستاهل عشه
ولك وحدك
ودي
| |
|
|
|
|
|
|
|
|
|
Re: كيف شعورك لمه ترجع لوكيرك تلقه طيرك حاضنو غيرك؟؟؟ (Re: alhabeb)
|
alhabeb
سلامات وانشاء الله الله يقومك منها بالسلامة
المرة الجاية لمن تكون مسافر شيل طيرك معاك ما تخليه براه
ولا اصطاد الطيور المحلقة حتى لا تجد اليه طريقآ
انا لو منك باختار الحل التاني
لاكن فرضنا الحصل حصل زي ما شايفة , الافلام العربية دي بيعرضوها ساي؟
قاعد تتفرج؟ وا اسفاه طربق العش على من فيه
ولا عزاء للسيدات
بس طيرك دا ما وريتنا مالو خفيف كدة؟
| |
|
|
|
|
|
|
|
|
|
Re: كيف شعورك لمه ترجع لوكيرك تلقه طيرك حاضنو غيرك؟؟؟ (Re: alhabeb)
|
عشان نكون واقعيين أكثر
لابد أن نفهم كيف أصبح طويرك وماهو طوير غيرك
وإذا تلاشت الحجب بين المعاني لابد أن تبين الرؤية
وإن الوكر الذي تعنيه هو ليس ذلك الذي تغنى به عثمان حسين من كلمات الرائع حسين بازرعة
لكن تباعدنا دهرا وما عدنا
للوكر يا سلمى أو عادت الأيام
إذا كنت قد ربطت طويرك بالرباط المقدس
ووضعته في وكيرك الذي بنيته بالجهد والصبر المؤسس
فكيف لذلك الرباط أن ينفض
وكيف لذلك الوكر أن ينهد
إن قدر لذلك الرباط الوهن
وإن قدر لذلك الوكر أن يمتهن
أي حضن ضم الطوير وأي غدر حل بالوكير
لابد أن يكون قد فتح معه باب من عذاب
وطوق عنقك بأغلال السعير
وإن صح لطويرك أن يطير
فلن يحلق بعيدا
وأن صح لوكيرك أن يظل قائما
فلن تكن فيه سعيدا
فقد نزلت في منتدى الظلم الكبير
محتفى بك ممنوحا حقوق الحزن
دوما والدوام المستمر
فإن جلست مستريحا في هذا الكرسي الوثير
دثر راحتيك في دفء الحشا المحروق
وعلم مقلتيك أن تسبغ الدمع المطير
ولك في هذا المكان
أن تختار ما تشاء من مائدة البكاء
فالدار عامرة بالكثير
ولتعرف كرم البقاء
فلن تغادر أنملة
ولن تطير
| |
|
|
|
|
|
|
|
|
|
Re: كيف شعورك لمه ترجع لوكيرك تلقه طيرك حاضنو غيرك؟؟؟ (Re: المسافر)
|
بطير وما برجع تاني
لكن المغصة بتاكلني في شراشف قلبي
ويستحيل انساهو
لانو الزول البيابانا او يرفضنا ما بنقدر ننساهو
خصوصا اذا كان حبيب
وشعور اللحظة دي ممكن يتخفف بالزعل وطغيان الكبرياء
لكن بعد داك بتبدأ المأساة مع استرجاع الذكريات
والسهر
وحاجات تانية
اتمني اكون فشيتك شوية
لكن ما قلت لي انت الطير بتاعك ده سامحتو ولا لسة؟
الظاهر لسة
ما بتقدر
| |
|
|
|
|
|
|
|
|
|
Re: كيف شعورك لمه ترجع لوكيرك تلقه طيرك حاضنو غيرك؟؟؟ (Re: azza)
|
انا اقوي واحد هنا
مريت بهذه اللحظة ويا ريت ما مريت
لاقيتها بعد 6 سنوات وما كنت حضرت الشاكوش لكن بسببوا رفضت العودة الا بعد 9 سنوات
وعندها التقينا
ما عارف اوصف ليك
لكن كنت في الوقت داك سامحتها لانوا البحب عرفوا ما يعرف الحقد
وفي النهاية دا نصيبها و ظروفها
بس كنت حاسي انها شي غريب بالنسبة لي وبقت انسانة عادية امامي
اشوفها زي اي بنت عادية بت جيرانا اي حاجة والسلام
لانوا لو تمعنت حادخل في تفاصيل مريرة
لكن حتي الان ما قادر انسي ايامها
بس الواحد بتذكر حلاوة اللقيا
اما يقينا خلاص تم شفائنا وتاني
ما بحب
توبة
الا القدر القوي
| |
|
|
|
|
|
|
| |
noha_g
بارعة
sharnobi
Tumadir
Al-Masafaa
7abib_alkul
wadazza
bamseka
نور الهدى
بنت الاحفاد 2001
zola123
المسافر
مهاجر
فيس بوك
تويتر
انستقرام
يوتيوب
بنتيريست