|
|
 عاوزين واحد امدرماني محنك وخبير
|
والله يا شباب عاوزين نعرف اسم الحي الواقع بين الملازمين وحي الشهداء والواقع جنوب صينيه ازهري وغرب المدرسه الاهليه وفيهو مركز صحي عبد المنعم ....؟؟؟
ويلا ورونا شطارتكم يا ناس ام درمان
|
|
 
|
|
|
|
|
|
|
 Re: عاوزين واحد امدرماني محنك وخبير (Re: ابويوسف)
|
الحبيب ابو يوسف لك التحيه والاحترام
اولا وصفك لمركز صحى عبدالمنعم بعيد كل البعد عن كلامك يقع المركز الصحى فى الهجره شمال الدباقه غرب ودنوباوى
ثانيا بين الملازمين والشهداء 00 نهاية الملازمين من جهة معهد القرش قسم حركة امدرمان يبداء من هنا حى صغير جدا اسمه حى الاسبتاليه منه بشارع واحد يبداء حى الشهداء لكن ناس امدرمان بقولو شارع الاسبتاليه سايقا الحالى ش عبدالله حليل فاصل الملازمين وحى الشهداء
هات اى حاجه عن امدرمان ونحن جاهزين
هذه المنطقه المقصوده من اعرق مناطق امدرمان القديمه
---------------------------------------------
انا امدرمان انا السودان
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
الاخت زهره ادام الله بقاك ومتعك بالصحه نحن يا الغاليه نبحث عن اسم الحي وليس اسم الشارع ودمتي زخرا
ونحن نبقى
ابو يوسف
ـــــــــــــــــــــــــــ
حاجه زي ما تكون محلق في
العواصف فجاءه تهبط للسكون
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
شوف يا أبا يوسف الحي دي في الحالتين ضائع
محطة عبدالله خليل
حي عبدالله خليل
دا صفته ونعته..ولكن حقيقته عند عاطف عبدالله..ولو مر عاطف من
هنا أكيد حيقطع الشك باليقين..وحالة الضياع الأولى أنه ممكن
يلم فيك واحد حنكه قوي ويجر ليك الحي دا من شارع السيد علي
ويلصقه ليك في حي الشهداء مع شارع غاندي..وحالة الضياع الثانية وهي في الحقيقة الحالة الحقيقية وبأمارة إستدلالك بمركز عبدالمنعم فهو تابع لودنوباوي مما هو تابع لود أرو أو بيت المال..الحي المذكور يا أبا يوسف هو زائدة دودية لحي الركابية وحي الركابية تابع جغرافيا لحي ودنوباوي والله يسترنا مع ناس مكي ودعروسة
وألحقنا ياعاطف عبدالله فالكلام دخل حيشانكم
| |
|
|
|
|
|
|
|
|
|
عايزين واحد امدرمانى ومحنك (Re: ابويوسف)
|
الاخ ابويوسف
الحى ده اسمو حى الاسبتالية وبيمتد من فار بتر حتى صينية ازهرى ومن مدرسة مساعدى طب الاسنان حتى صينية ازهرى وبيقع فيه معهد القرش الصناعى طبعا زمان كان اسمو حى الاسبتالية الان تابع للملازمين واسم الاحى دة مثبت فى اغنية لاحمد المصطفى اغنية سميرى
اه رايك شنو
القرقوووووووور
| |
|
|
|
|
|
|
|
|
|
Re: عايزين واحد امدرمانى ومحنك (Re: ALMURADABI)
|
ابويوسف
اؤيد الاخ الموردابي الحي اسمه حي الاسبتاليه
في بعض الاخوة زكروا ان مركو صحي عبدالمنعم يقع في الهجرة
اريد انا اقول هناك ايضا مركز اخر في حي الاسبتاليه {جنوب شرق الشهداء}
ودمتم ياابناء امدرمان الاصاله
| |
|
|
|
|
|
|
|
|
|
Re: عايزين واحد امدرمانى ومحنك (Re: Bakhaf)
|
يا ابايوسف الحي يبدآ من حديقة توتيل جنوب صينية ازهري و ينتهي عند المعهد قبل الاشلاك و مرور امدرمان و فية حلويات سلا و كاميرا ارتست و الفرن الألي و نادي العمال و معهد القرش و مركز عبد المنعم و يقع بين احياء الشهداء و الملازمين و الاسبتالية و اسمو ,,,,,,,,,,, و كلمة السر دار فلاح للغناء الشعبي
| |
|
|
|
|
|
|
|
|
|
عايزين واحد امدرمانى محنك (Re: ابويوسف)
|
الاخ وليم اندرية حى فنقر فى العباسية جنب جامعة الوعيم الازهرى او بيت الامانة سابقا المركز الصحى هو مركز صحى عبد المنعم وهو من خيرى امدرمان ساهم فى بناء مركزين صحين وزوجته الحاجة سكينة عملت مركز صحى فى بيت المال جنب الصهريج اسمو مركز الحاجة نفيسة وكمان ساهم فى انشاء مدرسة امدرمان الاهلية المتوسطة وعندو فصول تحمل اسمه حتى الان .
كمان الحى ده فيه حتة اسمها حى العبابدة وراء مستشفى مساعدى طب الاسنان وشكرا ليك الاخ ابو يوسف على اجترار ذكريات حلوة لانو انا درست فى مدرسة امدرمان الاهلية وكنت بجى من الموردة وكنت بجى شاقى بزققات الحتة دى
القرقووور
| |
|
|
|
|
|
|
|
|
|
عايزين واحد امدرمانى محنك (Re: ابويوسف)
|
الاخ وليم اندرية
ارجو انو فعلا يكون حى العبابدة فعلا
بعدين مبروك ليكم الكاس نحن جينا نسد فرقة ونمشى ما جينا نغلب
وبرضووووو موردة ريادة وحضرة
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
وين ابا يوسف يحلنا من الحكايه دي الحي ده بعرفه معرفه شديد ورجلين حفت وانا بمشي فيها لحدة مركز شباب امدرمان والبحر والاذاعه والتلفزيون والسور وايجار العجلات وما ادراك ما ايجار العجلات
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
طبعا ماداير اخرب ليك الشرك بتاعك....
وما اظنك قاصد العبابدة....
عبدالمنعم دا يابوى في ابوروف واللي بقولو ليها ابوروف تحت ...ودا حي ناس صلاح ابوروف اللاعب الشهير....
شارعها بوصل لي سوق الحدادين...
| |
|
|
|
|
|
|
|
|
|
Re: عاوزين واحد امدرماني محنك وخبير (Re: omdurmani)
|
يا امدرماني مركز عبد المنعم بتاع الهجرة داك جليهو و تعال اعرف لينا الحي الفية مركز عبد المنعم الفاتح في ميدان الشهداء بين الملازمين و الاسبتالية و يا وليم اندرية قلت لي كنت بتأجر العجلات من سوق الصور جنب الطابونة طيب اقول ليك اصحابك بتاعين السلة ناس سوركتي و حمدتو و شرارة بتاعين الهونفيد فريقهم في الرابطة و نجومهم محمد متوكل و عادل بعوة
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
الاخوه الكرام
الوصف التفصيلي لمعالم الحي يبداء جنوبا من شارع الاستباليه ويمتد في شكل شريحه مثلثه تنتهي في حديقه توتيل وصينيه ازهري شمالا ويحده من الشرق حي الملازمين ومن الشمال الغربي شارع الشهداء وحي الشهداء
وبالمناسبه فيهو مركز صحي عبد المنعم من الناحيه الغربيه المطله على الشهداء دا غير مركز صحي عبد المنعم الفي الهجره
وين جهابزه ام درمان ولا نقه بس
| |
|
|
|
|
|
|
|
|
 Re: عاوزين واحد امدرماني محنك وخبير (Re: ابويوسف)
|
الأخ ابو يوسف
التحية لك ولكل امدرمان من الكبري للكبري
تعرف.. رغم اني مولود ف حي المورده الآ انو .. علاقتي بي معرفة شوارع المنطقة دي شبه ضعيفه
لي عدة أسباب
طبعا في زمن مراحل الدراسة الأولي بتكون محصور في منطقة الدراسة .. واقول ليك بي صراحه .. المنطقة دي فيها مستشفي الهجرة ودي اكبر مشكلة كانت في حياتي لاني كنته متعهد .. المستشفي بي قلع ضروسي .. يعني كل يومين كانوا بيقلعوا لي ضرس هناك .. علشان كده
طشاش طشاش
لكن .. بالنسبة لي باقي الحي طبعا الواحد بجي ماري فيهو مرور الكرام وانحنا ناس الموردة علاقتنا مع باقي الأحياالتانية مرور الكرام ... لانو علاقتنا بالمورده والعباسية اقوي ومن الصعب الخروج منها طبعا الدافوري . والبحر وخور ابو عنجه يعني نادر انو علاقتك بي باقي المناطق التانيه تكون كاملة .. وكلام بناديها ده بعيد جدا
والناس البتقولوا فيهم ديل انا بسمع بيهم طشاش طشاش
تعالواداخلين لي جوه جاي
تعالوا الخور
الطوابي
فريق ريد
حديقة المورده
الجندول
الشوايات
ترنتي
محاسن
العباسية فوق
بوستة المورده ... نقطة شرطة الموردة ... مدرسة المؤتمر
قصر الشباب والأطفال
مالكم مصعبين الدنيا كده
معقوله .. الواحد مولود في الموردة ويطلع الطيش في كلامكم ده
معقوله بس
ابو يوسف
شوف لي سؤال ساهل
او .. ادوني بخرة .. ده امتحان عديل كده
تمبس
| |
|
|
|
|
|
|
|
|
|
Re: عاوزين واحد امدرماني محنك وخبير (Re: Al-Masafaa)
|
سوووووري ياشباب..فأنا في مداخلتي الأولى خلطت ولخبطت وبنيت ردي على أن السؤال هو: ما هو اسم الحي الذي يوجد فيه بيت عبدالله خليل؟ فمعليش..ويجب أن أعترف أنني بعد أن قرأت الردود أعلاه اليوم عرفت أن الذاكرة الفوتغرافية عندي قد نضب معينها بالنسبة لتلك المنطقة
وليم إندرية: ذكرتني بناس طارق وسمير كورلوس ويعقوب وأسحاق وهاشم موسي وهم جميعهم من أولاد الملازمين ومن لاعبي كرة السلة في نادي العمال أمدرمان..وبالمناسبة حصل إنك قبل فترة سألتني عن ملعب تاريخي للتنس الأرضي بأمدرمان فبالله وريني وين الملعب دا؟ فأخوك بينه وبين أمدرمان غياب يومي أستمر لأكثر من 24 سنة الآن إلا من أجازات خاطفة
| |
|
|
|
|
|
|
|
|
 Re: عاوزين واحد امدرماني محنك وخبير (Re: ابويوسف)
|
الحبيب بناديها الله يرد غربة الجميع سالمين غانمين والله زمن والله ذكرتني بالناس ديل ياسلام اولاد الملازمين واشلاق السجون وتمشي شمال حتي الدومه والله معظم الرياضه اذا كانت جماعيه زي السله او فرديه تقدر تحصره في المنطه دي حسب الزمن داك اما اولاد كرة سله العمال يعني جيل ناس سلوم وطارق وبعدين الجيل التاني ناس حمدتو والتاج والتالت في الزمن داك اولاد موسي وسورهم العالي والبوابه الكبير البيضاء اه بالمناسبه يا ابا يوسف بيت الناس ديل في راس المثلث البتتكلم عنه شرقا اما بالنسبه لسؤالك يا الحبيب يمكن تخوني الذاكره في التحديد الدقيق ما عارف ميدان التنس بقي شنو يمكن عماره او دكاكين لكن انا بحاول مستشفي امدرمان .. شارع الدكاتره وانتي متجه غرب اول شارع في يمينك يعني جنوبا اها ناصية الشارع ده كان ميدان التنس ولو مشيت في الشارع ده شويه جنوبا بتلقي بيت ناس طلعت فريد انشاء الله الوصف واضح ... لكن حكاية 24 سنه دي قدرته عليها كيف تعرف انا زي العندي احساس انته لاعب من فريق نادي التجار ... عارف والسركاريا والراجل ابو كدوس ودمته ايها الحبيب
| |
|
|
|
|
|
|
|
|
|
Re: عاوزين واحد امدرماني محنك وخبير (Re: willeim andrea)
|
وليم أندريه الله يسلمك
أنا ما لعبت في الأندية..لكن لعبت في فريق بيت الأمانة مع نجوم الأندية وتعرفت عليهم من الكاثوليكي للنيل للعمال للمكتبة للموردة للهلال للمريخ..وذكرتني بناس التجار..وأتذكر منهم التاج..وفريد..ومدربهم تاج السر..ورئيسهم كمال دقيل وهو أبو كدوس وقد كنت أتدلل عليهم وعلى بقية مدربي الأندية كلها..عرفت وليام أندرية ووندر بوث ديو ومحمد علي الأعبسر وبدر الدين وخميس جلدقون وحبيب أسطمبولية ونيكولا ودود وفاروق رحمي ومنير وأزهري جابر وعرفت عباس خوجلي ومصطفى العمدة وعابدين بابو وعوضية مرحوم ومني شبيكة وحسينة ومها مصطفي ومنيرة رمضان واسماء لا أول لها ولا آخر..وبالرغم من ذلك تم إختياري للفريق القومي ب ولم أستمر معهم بسبب الدراسة
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
تحية لي أم درمان و ناس أم درمان
و الله الأحياء اللي إنتو بتتكلمو عنها دي أنا معرفتي بيها ما على قدر كدا
رغم إني من أم درمان لكن المعلومة اللي عايز أقولها عن مراكز صحي عبدالمنعم
عددها ثلاثة 3 في أم درمان الهجرة و الشهداء و في واحد ثالث في حي المظاهر
في الركن مع شارع الشنقيطي .
و تحياتي
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ABUHUSSEIN)
|
الاخوه المحترمين
من خلال البوستات اتضح لي انه في ناس من ام درمان عايشين على الزاكره يعني هم امدرمانين بس بي الزاكره لان لهم مده طويله من ام درمان الحبيبه والسودان الغالي
احي كل الامدرمانين القدامى فهم الاصل واناشد بودراب الخرطوم يفتونا في اسم الحي
ولكم الود المقيم
ونحن نبقى
| |
|
|
|
|
|
|
|
|
 Re: عاوزين واحد امدرماني محنك وخبير (Re: ابويوسف)
|
في السلك يا كوستاوي يا تلميذ الاستاذ الجليل خأأأأألد ابو الرويس الله يرحمه الكان بيدرس بناته في مدرسة خالد ابو الرويس الاوليه للاولاد ( قال الرهبات قال ) وصاحب مسرحية خراب سوبا ... وميدان الحديد والمره الكانت بتبيع سلطة الروب والطعميه في الميدان وجامع الضرير ياخي ده زمن بعيد شديد وشايفه طشاش ودمته
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
willeim Andrea..... maaaaaaan...you hit the nail on the head.....Let me remind you a little bit.
There are 2 women used to sell the breakfast:
1- Aziza (the best one who specialized in making --salatat aswad baida)
2- Al7aga (specialized in making good (fool sandwiches)....
Kharab suba--I have a good story to tell about it. I was chosen by Ustaz (Rabi7...the football player). To be among the students who will play one of the roll in Kharab Soba competing against other schools....Alhigra, Alasas. Our play won and Ustaz Khalid Abualross invited us to his house (Abrouf).....His daughters, ashwag and afra7 used to be with us. Afra7 was my classmate.
From the well known persons who attended "Madrasat Alhadaya" my classmate, Mohamed Ismail Alazhari (he moved later to Alhijra elementary), Azhari Mohamed Nur, Imam M. Omer......
Ya willeim that area is the heart of Sudan's modern history and needs to be documented....let me list these names and tell me what do you think:
Politicians
Azhari
Abdalalkhalil
Abdelkhalik Mahgoob
Religion
7osh Ismail alwali
Skeikh Aldareer
Football Players
Altagar
Sidik Mawala
Culture and Art
Karoma
Khalil
Albana
Sinada
Al7alangi
Trbas
Business
Kisho
Altigani
Alkhazin
Abu 3akar
Scholars
Alshiblis
The Abadis
The Mawalas
Samanis
Abous
And more and more....
| |
|
|
|
|
|
|
|
|
|
Re: عاوزين واحد امدرماني محنك وخبير (Re: Kostawi)
|
What a pleasure to have you around here Kostawi. I just discovered in this post the deterioration of my memory, could be a senile demntia.
However, I wonder why most of the people, I know, who inhabit that area are fans of Merriekh?
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
سلامات أبو يوسف و مرحب بكل الأمدرمانيين الأصيلين، بالرغم من أنى من سكان فريق الشهداء إلا إنو أصلوا ما قدرت أتزكر إسم الحى ده، بعدين كلامك ده مجهجه شوية، لأنو صينية أزهرى و المدرسة الأهلية بيناتم قطعة شارع بس، و ممكن أوصف ليك المنطقة ديك زقاق زقاق و دكان دكان
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
معليش يا شباب الظاهر ابو يوسف ما قادر يحدد ليك المثلث المقصود انا اقول لناس المنطقه ديل راس المثلث هو مركز صحي عبدالمنعم في ذات الزمن ياربي موجود والا علموها شنو ... وعند الجزء الشرقي من راس المثلث في بيت ناس سوار الدهب اما الجزء الغربي من راس المثلث شارع الازهري وغربه في ذاك الزمن طلمة بنزين شل وهسه يمكن الجزء الغربي من شارع الخليفه وبيت القبابين وشنو تاني يمكن برضو الجزء الشرقي من مواقف الشهداء اما قاعدة المثلث يمكن شارع الاستباليه المتجه غرب شارع الخليفه لحدة ميدان البحيره وركن قاعدة المثلث الغربي مدرسة مساعد الاسنان في ذاك الزمن والجزء الشرقي غرب معهد القرش الصناعي بس اها بعد ده وجنوب الثلث مكاتب الحركه اها تاني شنو وفي ذاك الزمن مدارس الارساليه وتاني شنو يا الناس القدام والله ذكريات ... مع اختلاف الواقع شديد وتبقي الذكريات حلوه معطره في دواخلي ودمتم احبتي
| |
|
|
|
|
|
|
|
|
|
عايزين واحد امدرمانى ومحنك (Re: ابويوسف)
|
طبعا والله زكرتونا ايام حلووووة طبعا الحاجة البتعمل الفووول والطعمية هى حبوبتنا بت الفضل الله يرحمها وبرضو الحتة ديك بيلف فيها اسكوب بتاع العيش لو بتذكروه صاحب القفشات الحلووووة
يا ريت البوست ده يستمر ونجتر من خلالو زكريات امدرمان ولو فى شباب درسوا الاهلية المتوسطة يظهروا لينا
القرقووور
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
الموردابى بلاهى بت الفضل إتوفت? الله يرحمها إنشاء الله، و الله كانت لنا أيام لا تنسى فى بيت و مع أفوال بت الفضل، رحمة الله عليها
الأخ ود الخليفة بالرغم من قرب المدرسة الأهلية لمنزلنا و لكن درست المتوسطة بالمدرسة الأميرية، و طبعآ الثانوية بالمؤتمر، يعنى فيها شنو لو وريتنا إنك دفعة كم
| |
|
|
|
|
|
|
|
|
|
Re: عاوزين واحد امدرماني محنك وخبير (Re: Unabomber)
|
الزكريات صادقه وجميله
الاخوه الامدرمانين الاجلاء
لكم التحيه
ها نحن نجوب في زكريات جميله عشناها جميعا
في ربوع امدر
الاخ اندريه وين اسم الحي
ولا اتمسخ
كما الكثير من اشياء
السودان الجميله
عاش السودان
ونحن نبقى
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
سلام
الله يديك الفي مرادك يا أبو يوسف
والله رجعتني كده لى ..... سنة
طبعاً كم سنة ما بقدر اقول
على أي حال حسب معلوماتي الميدانية السابقة لأني من سكان حي الملازمين
المنطقة دي مقسومة الى قسمين يفصلها الشارع الممتد من جنوب مصحة عبدالمنعم الى دكان عباس ابو يد الى نادي العمال طبعاً المنطقة دي مقسمة الى قسمين شمالي وجنوبي
اولاَ:حي العبابدة وهي المنطقة الجنوبية وتفاصيلها كالآتي غرباَ شارع ما معروف ليهو اسم لكن بنقول الشارع البوديك من صينية ازهري لي المستشفى وجنوباً امتداد شارع المهاتما غاندي رسمياً وشارع الدكاترة شعبياً وشرقاً شارع الهجرة. وهذه المنطقة خرجت عظماء كرة السلة في ام درمان القديمة واللاعب الكبير منصور رمضان والفنان صلاح مصطفى
ثانياً: المنطقة الشمالية وتعرف بحي الشهداء وتفاصيلها كالآتي شمالاً مثلث الحديقة أو مطعم توتيل ما عارف حسه شنو وشرقا شارع الهجرة وغرباًامتداد شارع المستشفى
ان شاء الله اكون عرفت المنطقة تعريفاً تفصيلياً، وبالنسبة للأسم ده حسب ما هو متداول شعبياً وليس رسمياً سابقاً
بالمناسبة يا أخ بناديها سمير كرولوس من سكان المسالمة وليس الملازمين
وثانيا يا ابو يوسف انت زاتك وريني اسم المنطقة الساكن فيها عمك عباس غبوش والكنيسة
سلام لأم در مان وأهل أم درمان العظيمة
| |
|
|
|
|
|
|
|
|
|
Re: عاوزين واحد امدرماني محنك وخبير (Re: Ustaz)
|
صاح ياأستاذ سمير كرولوس من ناس المسالمة وهو الوضع الطبيعي..وقد أعتدت أن اقابله وقتها مع تادرس ومصطفي حجير..ولكنه من لاعبي فريق العمال امدرمان كما أظن..والله يرحم منصور رمضان..فقد كان يتخذ مجلسه أمام خشم بيتهم الفاتح غربا على الشهداء..ولا أذكر ذلك المجلس إلا أذكر صديقنا عصام عشري وهي يحكي طرفة له مع منصور رمضان عندما كان عصام عشري مار أمام بيت ناس منصور الذي تصادف جلوسه وقتها أمام البيت كالعادة وكان عصام عشري لاعب كرة في ثانوية بيت الأمانة وبادر بالسلام على الكوتش ولكن الكوتش اراد أن يستضيفه واعتذر عصام بأنه مستعجل فقال له ياعصام أعتبر نفسك سايق العجلة عكس الهواء..ومن سكان ذلك المثلث من الجهة الأخرى أيضا المذيع عمر عثمان
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
أبو يوسف
وليم ياأندرية
أنتو قاصدين المثلث الذي يحده شرقا منزل ناس محمد كجول سوارالدهب
وغربا منزل ناس النور وأخوه بابكر عضو مجلس ادارة الهلال
وايضا مركز صحي عبدالمنعم محمد
loooooooooooool
Ridhaa
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
Al3ababda is the correct name.....I attended Omduran Alahliya alwosta, (geem)....I stayed 6 years there...lol....i didn't repeat any class....but I stayed 6 years....somebody tell me how did that happen?…….here are some names of our teachers at that time…Ustaz Yahya, Ustaz Fadlala, Ustaz Alghadi, Ustaz Mamoon, Ustaz Mualana Alsanhoori, Ustaz Hassan Al7ag (allah yr7amo), Ustaz Abosamra, Ustaz Kamal Elshiekh………allah yatrahm bilkhair......also another thing I remember...I remember all the names of my classmates and where each of them used to sit in the class. oh...these are very nice memories
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
سلام
سلام يا أهل أم درمان الطيبين
المنطقة خرجت ايضا الاستاذ محجوب مصطفى عازف الاورغن المحنك
وهو أحد أعضاء فرقة البلو استارز الفريدة في ذلك الزمان
والله يا جماعة الخير ناس البلو استارز تعبونا بصورة ما تتخيلوها
لأنو ما كنا بنفوت حفلة ابداً في أي مكان ولو كان في نفس الاسبوع في اكتر من حفلة
والله كانت أيام جميلة
الاخ مشرف
استاذنا الكبير عمر عثمان المذيع الإذاعي المحنك من سكان حي الملازمين
وهو يسكن مقابل لهذه المنطقة سيدة النقاش
الأخ رضا
نعم كجول من سكان هذه المنطقة
وبالمناسبة النور خال السيد بابكر بخيت الهلالابي العظيم وأخوه بدرالدين بخيت من الرعيل الثالث للاعبي سلة عمال ام درمان ومنهم ايضاً عامر سلوم وحسن جعفر ويحيى قباني الله يرحمو
الأخ كوستاوي
أوووووووووووووووووووووووك
أوعا تكون كنت بتقرا في الاهلية لمن كانت كتاب وحولها لى وسطى
يعني ثلاثة في الكتاب وثلاثة في الوسطى
والله انت قديم كان كده
الاخ وليم اندرية
اظنك كنت بتسك الحفلات معانا
لأنو وليم اندرية قبال ناس البلو استارز بشوية الله يرحمو
سلام لأم در مان وأهل أم درمان العظيمة
| |
|
|
|
|
|
|
|
|
|
Re: عاوزين واحد امدرماني محنك وخبير (Re: Ustaz)
|
ابناء امدرمان الحبيبه
الاخ المسافه
لك التحيه والتقدير
واشكر هذا الحي العملاق
الذي عرفني بك واعتبر انني
من اخذ الجائزه وهي معرفه
الناس الطيبه امثالك
اتشرف ان اكون لك صديق
ولكل شباب امدرمان
ــــــــــ
الاخ وليم اندريه
الاخ كوستي
الاستاذ
كلكم
رائعون روعه ام درمان
جعلتوني اعيش معكم اجمل زكرياتكم
وانا سعيد
واتمنى من الجميع ان يقبلوني صديقا لهم
بالمناسبه انا عاوز البوست يستمر حتى نرتويى
من الزكريات
وتحيه من ام درمان لي كل اهل ام درمان
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
الاخ الصديق ابو يوسف نحن كذلك في قمة السعادة بمعرفتكم و صداقتكم و نتمني ان تدوم الصلات بينا و من هذا المنطلق اوجة سؤال جديد امدرماني و هو اذكر تعريفا لهذة الامدرمانيات؟
برمبل ، كيشو ، بين ، جورج مشرقي ، ماسورة علي ، الرومي ، كبري النص ، البحيرة ، يوسف الفكي ، حوش الرعد ، جليس ، بت بتي ، سورج
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
مساء الخير يا اولاد الحي والله كل ما اتذكر موضع البوست ده اهو الوحد بيجتر الذكريات الجميله والنفس الصافيه ومع صفاء النفس بتصفوا حاجات كتيره ومنها صفاء الحب والاخاء لك حبابي اولاد بلدي منهم الصغير والكبير ولك العزه والتجله ومرحب بيك يا ابو يوسف اخ وصديق حبيب ...... اخونا المسافه والله انته زول لذيذ شديد يعني جاتك كميه من المشاعر الفياضه وغلبت عليك وقمته خلطه امدرمان في خلاطه براون من اقرب مطبخ ياخوي شنو الجاب برمبل اي كبري النص او ماسورة علي يعني اقول حاجه زي الانته خلطه الزمان بالمكان والله كل المناطق الذكرتها حبيبه للنفس الا سورج وما ادرك ما سورج لاني ما بحب انتاجيته ولا من مشجي بضاعه ودمته ايها الحبيب يا امدرماني يا اصيل ولك اولاد امدرمان الحب ودمتم
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
سلامات للمره الثانيه لاهل امدرمان الحلوين
اولا انا من اخر جيل نال شرف الدراسه في الاهليه المتوسطه
قبل ان تتحول الي مدرسه اساس
يعني حصلت فيه اخر ايام الجمعيه الادبيه
وكان لي شرف المشاركه ونيل كاس الالقاء الشعري
علي يد الاستاذ الكبير محمد البشير
الذي كان يمثل في مسلسل بائع السموم
وايضا حضرنا اجمل المباريات في دوري الفصول
ولكن فصلنا الثالث عبد المنعم ليس لديع باع
او ميع في قصه الكوره دي لانو نفسنا كان قصير شويه
وكان لي شرف المشاركه باسم المدرسه في منافسات الشطرنج
واحراز المرتبه الاولي والكاس الذي لا زال موجودا في مكتب المدير
ولا انسي ذلك اليوم ابدا اذ كان الطابور الصباح كالعاده
فيه تفتيش للشعر وكان وقتها طويلا
فما كان من الاستاز قريب الله الا وحلق لي جانبا منه
ولمن جبت الكاس نهايه اليوم قال لي والله
لو عارف فيها كاس ما كان حلقت ليك
يا حليل عمك خليفه بتاع الشاي ودراجته العتيقه
التي اظنها اول دراجه دخلت السودان في العهد الثنائي
يا جماعه الزول دا حي ولا لا
وعم كمال الذي كان مشرف علي الجرس
ومواعيده الانجليزيه
والزكريات الكثيره والجميله
اقمنا في رمضان السابق افطار في المدرسه يضم
كل الدفعه الاربعه فصول
نور عبد المنعم سوار وعمر
وهذه سنه بداناهامنذ العام السابق
حيث تكونت الرابطه التي تضم خريجي
1995
يعني اخر دفعه درست بنظام المتوسط
عشان ما في واحد يقول لي انت دفعتي ولا حاجه
اما مدرسه المؤتمر وكا ادراك ما المؤتمر
فالحديث كثير والزكريات تتري
ولنا عوده
بالنسبه للاماكن التي سالتو منها
والله الحاجات دي ما شفنا منها الا جورج مشرقي
لكن انا من المتابعين لبرنامج من الامس
واحب جدا ونسه العواجيز الزيكم
بين دا كان بتاع باسطه في السوق
وباسطه بين اشهر من باسطه البيت السوري يا جماعه
لكن والله ما ضقتها لكن سمعت بيها
برمبل دي كانت سينما
بت بتي دي بوصوفو بي بيتها في القلعه
او ودنوباوي جنوب
وهي امراه ولا عبد المنعم الشفيع في مساله الطب البلدي وخصوصا
الكسور والجبيره والفكك الله لاى حوجكم ليها
اما سورج تسالو منه اصحاب الموبايلات اقصد الصعود
اما ميدان البحيره فهو زي ميدان عبد المنعم
يا اولاد الخرطوم بس الكابلي ما غني ليه
ومع ذلك فهو ميدان ضخم ولا ويمبلدون
تقام فيه ليالي المولد قبل ان يتشلط عليه احد المحافظين ليحوله
لميدان الخليفه
الاخ السائل علي ما اظن ودانا الثوره
يا اخوي امدرمان دي كان حدها القسم الشمالي
والمقابر
مع خالص تحياتي
ولنا عوده
ود الخــــــــــليفه
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ود الخليفه)
|
الأخوة الأمدرمانيين
آسف جدا لأن أطل متأخرا
خاصة بعد التزكية من الأخ بناديها
أسم الحي المعني حاليا هو الملازمين شمال وهو الأسم الرسمي له ، أما الأسم الشعبي والمتداول بين أهالي أمدرمان القديمة هو حي العبابدة ، والأسم ليس مرجعه عنصرى كما يبدو بل مرده لأشهر العائلات التي قطنته وهي عائلة العبابدة ومنهم الأستاذ بشير عبادي وزير المواصلات الأسبق ، وأيضا من أهله المعروفين لاعب الكورة والمدرب المعروف منصور رمضان وأيضا الأستاذ عبد الوهاب الخضر المحامي ( محامي السيد علي والختمية ) وعبد الباقي العجب أول لاعب جودو سوداني ، وبالحي أيضا نادي العمال ومعهد القرش ومستشفى الأسنان
أرجو أن أكون قد أوفيت
وشكرا
| |
|
|
|
|
|
|
|
|
|
عايزين واحد امدرمانى محنك وخبير (Re: ابويوسف)
|
الاخ ود الخليفة
طبعا انا اقدم منك فى الموتمر والاهلية المتوسطة
انا زمن استاذ احمد المبارك ومجدى عمر موسى وحسين سعد واحمد البشير القديم احمد البشير مان استاذ كورس لما كنا فى سنة ثالثة
انا قريت النهر عمر
اما الموتمر نحن قرينا جزء الناظر امين خضر الزين الباقى المرحوم حسن سلك
بالمفتشى خريج الموتمر سنة 89 والاهلية المتوسطة 86
اه دفعتى منوووووو
القرقووووور
| |
|
|
|
|
|
|
|
|
|
عايزين واحد امدرمانى محنك وخبير (Re: ابويوسف)
|
الاخ ود الخليفة
طبعا انا اقدم منك فى الموتمر والاهلية المتوسطة
انا زمن استاذ احمد المبارك ومجدى عمر موسى وحسين سعد واحمد البشير القديم احمد البشير مان استاذ كورس لما كنا فى سنة ثالثة
انا قريت النهر عمر
اما الموتمر نحن قرينا جزء الناظر امين خضر الزين الباقى المرحوم حسن سلك
بالمفتشى خريج الموتمر سنة 89 والاهلية المتوسطة 86
اه دفعتى منوووووو
القرقووووور
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
عزيزي الموردابي
لك التحيه طبعا انا طلعت برلوم برلوم برلوم
برلوم برلومك
لكن بنادي ليك اخواني الكبار
خالد ميرغني (الان هو بامريكا)الذي اشتهر بدور عطيل في احدي مسرحيات الجمعيه الادبيه
وهو درس معاك في عمر في نفس التواريخ الذكرتها
اما بافي الاساتذه فاتشرف ان درسني منهم حسين سعد
وهو الان بالسعوديه
ومحمد البشير ومحمد بشير
واحمد المبارك ومحمد المدني وكمبال
الرشيد القاضي فرعون والبقيه الاخري من العقد الفريد
اما الاساتتذه الفي المؤتمر القلتهم ديل
انا قريتهم في لوحه شرف المدرسه!!!!
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
الموردابى
بالتأكيد إنت دفعتى، أنا تخرجت من المؤتمر سنة 89 برضو، و طبعآ نفس الحكاية كان ناظرنا أمين الزين و بعده حسن سلك رحمة الله عليه، و كنت أدرس فى نفس الفصل مع إبنه عاصم، درسنى أستاذ عبد الرحمن و أستاذ بشير و من أولاد حى الموردة دفعتى أزكر، وليد، النذير، ود الحنان، و بعض أولاد الهاشماب ذى عثمان و معمر شبيكة
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
أنا أم درمان أنا السودان
أنا الدرة البزين بلدي
أنا أم درمان سليلة النيل
قسمت الليل وبنت صباح
أنا الولدوني بالتهليل
وهلت فوق غابة رماح
أنا أم درمان أنا الأمة
وصوت الأمة واحساسها
أنا التأسيسها بي تم
وأنا اللميت شتات ناسها
| |
|
|
|
|
|
|
|
|
|
عايزين واحد امدرمانى ومحنك (Re: ابويوسف)
|
الاخ يونا بومبار
انت يا ان الدفعة القدامى انت دفعة 88 ما 89 دفعة ناس النذير ومعمر شبيكة وعماد مبارك وخطيب ودفعة ناس ود العجب ودفعة كاظم السنارى
نحن الدفعة الوراكم يا مان
ود الخليفة والله يا مان كان كده انت برلووووووم اصلى
القرقووور
| |
|
|
|
|
|
|
|
|
|
Re: عايزين واحد امدرمانى ومحنك (Re: ابويوسف)
|
الاخوة الاجلاء
لكم التحيه والتقدير
عمنا بين الله يرحمه مشهور بباستطته وعربية الباسطه الموجوده فى ركن مكتبة الحرية بأمدرمان
وسينما برمبل مكان موقف تاكسى بانت سابقا
وحبوبتنا بت بتى اشهر من علم وجبارة كسور وفكك وبيتها خلف محطة البنزين الفى صينيه مكى ود عروسه
وجورج مشرقى وسندوشاته ومن فوقوه العين الخضراء
وبى هناك غرب الشارع قهوة عمنا يوسف الفكى وهى من اشهر القهاوى فى امدرمان
وماسورة ود على محطة بص فى الحارة الرابعه الثورة بالنص
والرومى محطة بص بشارع الشنقيطى نهاية الحارة السابعه وملتقى الحارة التاسعه والسابعه والثلاتاشر
وسروج سلطان الكيف ووالله ذكرتونا شارع العناقريب وود الكوارتى
ودمتم اهل امدرمان لامدرمان
| |
|
|
|
|
|
|
|
|
|
Re: عايزين واحد امدرمانى ومحنك (Re: Al-Masafaa)
|
لي قدام وتبقى امدرمان عزيزه
وكل عام والوطن بحدقات العيون
اخي المسافه من قلب امدر الملم التمنيات
ومن اطرافها زهره قرنفل ارطبها بماء النيل الموردابي
واخضبها برمال خور عمر
وازينها بملامح القوه والعزه من تلال كرري
وابثها لك بمناسبه العام الجديد
انت ونحن على الود نبقى
وعاش السودان بكرا
وعاشت امدرمان
حضن دافئ
يلم الكل
| |
|
|
|
|
|
|
|
|
|
Re: عايزين واحد امدرمانى ومحنك (Re: Al-Masafaa)
|
يا مسافه
سلامات ياخي
اول حاجه الدانوب ده اشهر بتاع باسطه في الزمن داك بامدرمان
المناطق الحاره .مستشفى بالملازمين مازال قائما
العدني .توجد ثلاثه محلات بالاسم ده الاول بشارع كرري شمال سوق الجلود و اظنه هو ما تقصده.
الثاني بالقرب من ميدان الاسكلا
الثالث بالقرب من البوسته
ميدان البقر ده ما عارفو والله
مع خالص تحياتي
| |
|
|
|
|
|
|
|
|
|
Re: عايزين واحد امدرمانى ومحنك (Re: Al-Masafaa)
|
بالمناسبة الموضوع ده شيق جداً
وأنا بقرا في الردود كنت أسرح بعيداً الى الحي الذي دفنت فيه صرتي
حي ودنوباوي
ورغم أنني شيدت بحمدالله منزلاً بالطائف أجرته بالكامل وللعلم والصدفه فقط فأن أحد الأطباء أسمه مذكور هنا مؤجر مني شقة ، وأحتفظت فيه بشقة واحدة لي ، لكنني لا أذكر أنني نمت فيه ليلة واحدة خلال أجازاتي
طوالي الكاروشة تمسكني وجري على ودنوباوي
حيث أنوم هناك نوم غرير العين هانيها
وللعلم أيضاً أن الكثير من الناس لا يعرفون الحدود الحقيقية لودنوباوي . فأرجو أن أوفق في توضيح ذلك .
تحد ودنوباوي جنوباً بالخور الذي يقع جنوب جامع الشيخ قريب الله
وشمالاً بمقابر أحمد شرفي
وشرقاً بأمتداد الخور نفسه
وغرباً بشارع الوادي
لكن درج الناس على ضم الشريحة الواقعة بين شارع الوادي وشارع كرري الى ودنوباوي ، أذ أنها أقرب اليها .
هنالك حلال أو فرقان أو أحياء صغيرة في اطار ودنوباوي
منها حي السواراب أهل د. سوركتي زميلنا في البوردوالمرحوم صلاح محمد عيسى والمرحوم الدريسه
حي الشنادقة أهلنا وأهل حبيبنا الغالي يازول 3 مرات واحده بالأنجليزي وأختنا العزيزة الأستاذة تماضر شيخ الدين والعزيز ود الدامر .
حلة ود السيد
حي الدرداقية ، حيث كانت توجد الأنادي .
حي التمباكه أو حلة ست العيلة كما يحلو للبعض تسميتها .
حي الشيخ قريب الله .
حي الجبلاب أهل المبدعين عابده وأسامه الشيخ
حي القرشاب أهل الهادي الضلالي وحسين خوجلي .
ومن أشهر شوارع ودنوباوي شارع ود البصير حيث يقع منزل الرئيس السابق جعفر نميري .
وشارع الدومة حيث منزل السيد الصادق المهدي .
سأقوم أن شاء الله في بوست منفصل بذكر المشاهير من سكان حي ودنوباوي
من الرجال والنساء ومواقع منازلهم ، عسانا أن نوفيهم شيئاً من الذكرى .
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
الاحباب الامدرمانين كل عام وانتم بخير تعرفوا لقد كنت محظوظ باني وقبل كم يوم كنت في عربتي ادور حول المثلث والله اتغيرت شديد وكل النقاء الكان في ذاك المثلث كاد ان ينتهي ..... والا اقول ليكم خليكم مع الذكريات لانها جميله وحالمه ودمتم احبتي
| |
|
|
|
|
|
|
|
|
|
Re: عاوزين واحد امدرماني محنك وخبير (Re: ابويوسف)
|
والله يا ابو يوسف ما حاقدر اوصف لاني ما عاوز اتذكر ولا عاوز اغير ذكرياتي الجميله ولكن بختصر ليك .................. زحمه شديده في كل شي العيادات والرقشات والدفارات والدكاكين والالوان لدرجة التشوه اما نادي العمال خررررررررررررررررررررابه معهد القرش زي ما هو وكل بيت بقي ياررررررررربي جامعه او مدرسه والله الحكايه تجاره والا انفتاح والله اعلم شوفته صوره بشعه كيف علشان كده خليك في الذكري الجميله
| |
|
|
|
|
|
|
|
|
|
ناس أم درمان جوك (Re: ابويوسف)
|
بخٍ بخٍ والله
هذا مما يثلج الصدر وينشرح له القلب وتحصل كم حاجة كويسة كدا للرئة والطوحال بسببه..
هلا هلا يا أمدرمان، أولادك كتروا برة منك واتحاوموا بالبلود وإنت متكية في ضل ضحاك القصرت شمسو باقي طراوتو
.....
المهم في الموضوع، بالنسبة للحي الإنت قاصدو دا فيهو قولان- زي ما بقولا الفقراء (الفقهاء) يعني- ولعدة اسباب ما بتخصنا هسي
الرأي الأول بقول إنو اسمو حي الاسبتالية، وعرف قديماً باسم فريق الاسبتالية وليس المقصود فريق team
ومنه غنت المغنية في شكر بعض من لا نسميه هنا
بجر النمة غالية للسكونه فريق الاسبتالية
الرأي الثاني يلحقه إما بحي الشهداء أو يجعله من أعمال حي بيت المال
لكن الراجح استصواب اسم حي/فريق الاسبتالية لاعتبارات جغرافية وغير جغرافية.
مرحباً بجميع استفساراتكم
----
لامتى أرجع لأم در وأعودها اشوف نعيم دنيتي وسعودها
| |
|
|
|
|
|
|
|
|
|
Re: ناس أم درمان جوك (Re: serenader)
|
الاخ امجد ابراهيم
الاخ serenader
لكم الود
والتحايا
ويكفي انكم من عشق امدرمان حتى النخاع
شكرا على حضوركم المميز
وزكريات امدرمان كتيره وجميله
وكما قال الاخ اندريه
اصبحنا نعيش على الزكرى ذلك المستودع
السحري الذي نلجاء اليه كل ما ضاقت بنا ارض الشتات
فنعيش على ما مضي نحلق في سماء المورده والشهداء وحي مكي ودعروسه
وود درو والهجره مرورا بشارع ود البصير لننهل من جمال ود نوباوي ورعه شارع الدومه وبهاء حي العمده
من منا ليس له زكريات في ربوع امدر
من منا لا يعشقها حتى الثماله
ونحن بعون الله على الود نبقى
ابو يوسف
| |
|
|
|
|
|
|
| |
omergoda
almohndis
banadieha
ABUHUSSEIN
ALMURADABI
Bakhaf
Al-Masafaa
willeim andrea
tmbis
Kostawi
ود الخليفه
khaleel
garjah
عاطف عبدالله
Fadil
فيس بوك
تويتر
انستقرام
يوتيوب
بنتيريست