دعواتكم لزميلنا المفكر د.الباقر العفيف بالشفاء العاجل
|
|
 زمان في بيتنا كان في شنو !!0
|
السلام للجميع
قبل يومين استرجعتني الذاكرة بعيدا وتذكرت جميع الاشياء الكانت موجوده في بيتنا ومع بساطتها لكن كنا نشعر بطعم الحياة كان السبب هو عدم تمكني من مشاهدة القنوات العالمية لسبب فني في الدش وقمت عديت الحاجات الكان موجوده في بيتنا ونحن صغار ومانسيت
الترتار
الطشت
الجردل
الزير
الخرطوش
كورة الشراب
مكوة الفحم
الكانون
البنبر
الراكوبة
الجداد
غنم الحله
الرادي
الصاج الحطب
الفحم
المفراكه
البرش
العناقريب
الكلب
الكديس
وقلت ياربي لو الواحد مشى السودان وحاول يجمع الحاجات دي تاني في بيتو بيقدر يعيش زي زمان ولا بتكون من ضمن الديكور بتاع البيت وما ح يضوق ليها اي طعم
وروني اعمل شنو
زاتوووووو
|
|
 
|
|
|
|
|
|
|
 Re: زمان في بيتنا كان في شنو !!0 (Re: wadazza)
|
وكورة
وغربال
وودك
وحبل غسيل
ومعراكة
ونملية
ومقاشيش
وبروش
واباريق فخار وواحدات بعملهم السمكرى لوتذكر بيكون فيهم نجمة دايما كأنو كل السمكرية مريخاب
وكتب قديمة
وكتب اوراد
وفتوحات اليمن الكبرى اهم كتاب
ومنبه عندو جرسين فى راسو بيكون فى اعلى محل فى البيت وغالبا جابو واحد من الحج
و.
.
.
.
.
.
.
.
ياسلام يازاتو
هيجتنا زاتو
| |
|
|
|
|
|
|
|
|
|
Re: زمان في بيتنا كان في شنو !!0 (Re: ABUKHALID)
|
يا ابو خالد انت كنت ساكن معانا ولا شنو ههههههه يكه
المنبه خاتنو في راس الدولاب هههههههه يكه برضو الفضيه بتاعت العده ويوم العيد بيشترو ليها ورق فضيه جديد والفوطه بتاعت الطربيزة
اسمع ماتكون انت ابوي زاتوووو لانو اخوي الصغير اسمو خالد
زاتوووووو
| |
|
|
|
|
|
|
|
|
|
Re: زمان في بيتنا كان في شنو !!0 (Re: ALZOLZATOO)
|
انا حاموت من الضحك ابوك شنو ياخ انت ما شفت لسانى ولا شنو
وبعدين يا زاتو انت يكون بعد ما ولدوك ودوك المنطقة زادو ليك لسانك ده زاتو
ياخ انا ما ابوك الله يرضى عليك
اوعى تانى تقول كده
والله انا ميت من الضحك
احبك ياخ
والله زمن ما ضحكت شديد ومن جواى
الله يديك العافية
بس ماتقول لى ابوك دى
انا لسه عندى امل
| |
|
|
|
|
|
|
|
|
|
Re: زمان في بيتنا كان في شنو !!0 (Re: ABUKHALID)
|
بالغته يا ابو خالد لكن منطقة شنو ياخي انا لساني ده زاد لانو الخشم خصب وكده هههههه يكه بعدين المنطقة دي زكرتني جارنا عندو دفار قام مشى المنطقة عمل ليهو صندوق في ورشة رخيصة كده اها يوم كان في هواء شديد الجزء الفوق كلو طار تصدق والركاب شافو الشمش طوالي زي الباص بتاع الحجاج الايرانيين ههههههههه يكه
قلت لي عندك امل يعني ابوي وديتو التشليح خلاص هههههههه يكه
يامعلم ابوي راجل شباب ولو ماشايفها شينة عشان انا مامعرس كان قال لي عرس لي
قال ابوي ماعندو امل هههه يكه
زاتوووووووو
| |
|
|
|
|
|
|
|
|
|
Re: زمان في بيتنا كان في شنو !!0 (Re: ALZOLZATOO)
|
هههههههههههههههههههههههههههه يكه ياود عزة ضحكت لحدي ما الكرسي قرب يرميني
والله ماعارف الخلاني انسى الكيزان شنو تكون دي عمايلهم ياربي ههههههههه يكه
تسلم للمداخلة اللطيفة
كنت في الجامعة ياود عزة بعدين جيت اشرب موية قمت مسكت الكوز وكان واقفة بت احلى واحده في دفعتنا وعايزة تشرب
قمت مليت ليها الكوز موية واديتو ليها وحقيقة الكوز ماكان مشجع اها قالت لي لا مابقدر اشرب بيهو وسخان اها قمت قلت ليها نحن غير وسخ الكيزان المطلع عينا شنو اها واحد قال لي قصدك شنو ههههههه يكه قلت ليهو المعني واضح وشتته طوالي
زاتووووو
| |
|
|
|
|
|
|
|
|
|
Re: زمان في بيتنا كان في شنو !!0 (Re: ALZOLZATOO)
|
والله يا زاتووووووووو
ما بالغتاااااااااااااا عديل ...انت ليك كم سنه بره البلد ؟ ياخى الحاجات دى تلقاك من خشم الباب ..والعجب شاى المغرب الحله كلها ريحة لبن مقنن يرد الروح ..والغنم تقدل فى شوارع الخرطوم بس ناس الحركة لسه ما طلعوا ليها ايصالات .والكدايس فى البيوت ، كدايس المستشفى بقت مؤدبه اكتر منها..تخطف من يدك قالوا بقت تفتح التلاجات براها اخر تطور .
بمناسبه الكوز..قالوا فى واحد مشى يشرب من سبيل فى اكتر من عشرة ازيار لكن ما لقا ليه اى كوز ...سال قال الكيزان وين يا جماعة قالوا ليه طلعوا مظاهرة.
توسكا
| |
|
|
|
|
|
|
|
|
|
Re: زمان في بيتنا كان في شنو !!0 (Re: tosca)
|
توسكا لمسة حنان
والله السودان لي منو سنتين تقريبا
لكن الحاجات دي بقت مازي زمان وكده ههههههه يكه
طبعا انا كنت بقدم الاقتراحات لي اخوي الكبير وهو بينفذ اها قلت ليهو ياخي دايرين نجيب لينا ارانب رايك شنو ههههههههه يكه اها فعلا اتكيف يامعلم وجبنا ارنبين بعد فترة لو رفعت اي حاجه بتلاقي ارنب ولو في قميص وقع من سلك الغسيل ح تلاقيهو في الجحر بتاع الارانب هه يكه اها مره دخلنا السينما وكان فيلم كابوي البطل راكب حصان وماشي في الغابة قام شاف ليهو ارنب وضربه ليك بالبندقية اخوي قام عاين لي هههههههههه يكه وتاني يوم طبقنا النظرية وكل يوم بقينا ناكل واحده
زمن والله
زاتووووووو
| |
|
|
|
|
|
|
|
|
|
Re: زمان في بيتنا كان في شنو !!0 (Re: zico)
|
والله ايزاتو ليك وحشة يا مان وين انتا شنو ناس العمرة مارجعو ولا
وشنو غاطس كده
باالمناسبة صحبك حبيب الكل سفروهو الغرب ومن ديك وعيك نسانا قال قبل مايسافر بدخل من هناك نت
وتعال هنا يا اخوى المكووة بتاعت الجيران ديل انتا مارجعتو ليهم لى اسى ولا شنو
| |
|
|
|
|
|
|
| |
ALZOLZATOO
wadazza
ABUKHALID
nooralaen
فيس بوك
تويتر
انستقرام
يوتيوب
بنتيريست