دعواتكم لزميلنا المفكر د.الباقر العفيف بالشفاء العاجل
|
|
 رسائل من ثقب البورد...دعوه للنزيف
|
From: tmbis
To: Dafi
Subject: Re: من دافي
ابلنا يا معشر .. مية واربعطاشر
دافئ زي احساسك ..
صدقني .. قدر ما حاولته امنع إحتباس دمعه تنزل مني وانا بقرا رسالتك ما قدرته
تاني ذكرتني اخواني يا دافئ ..
السفر هد الحيل .. بس الحنين في مكانو
لك من دمي .. كل دمي
أو ما تشاء..
نتواصل يا دافئ
From: Dafi
To: tmbis
Subject: Re: من دافي
أنت انسان بحق..وأنا
بين قلبينا من الحب سنا
كل يوم صور عبر الطرق
تزحم النفس بها ثم تفيق
ليس ما هزك حسا عابرا
انه في الصدر احساس عميق
هو انسانية قد وشجت
كل نفس بك في ربط وثيق
********************
انا ما كتبت ليك..الا لما قريت ليك بوست تتحدث فيه عن اسرتك..ووالدك حديث الزول المؤدب..ومتربي باحساس عالي
يخلي ليك اخواانك..ويديك العافيه
وتاني
ليس ما هزك حسا عابرا
انه في الصدر احساس عميق
هو انسانية قد وشجت
كل نفس بك في ربط وثيق
From: tmbis
To: Dafi
Subject: Re: من دافي
الدفئ ... دافئ
كل الشوق ...
ما أكتبه هو ما يملاني أحساسا .. وانا بين قدري ووحدتي .. وبحثي الدؤوب عنهم في كل الطرقات والوجوه... أفتقدهم بشده . يا دافئ .. أفتقدهم وأحامل ملامستهم رغم بعدي .. تزاحمني أصواتهم صباحا ومساء ... ورب البيت يا دافئ أحيانا صوت أبوي بصحيني من أحلي نومه للصلاة لما أصحي بحس انو موجود هنا معاي .. بشوف أشكالم مرسومه قدامي في الحيطه..
سته سنوات وكل يوم بقرب ليهم أكتر
أنت موجود يا دافئ .. بعمق الأحساس ... اذن انت منهم ..
لاتتركني لهذا الجحيم الموحش...
والفراغ المميت
أدخل من أي مكان كما الهواء
حنين اشرعتي .. رحيم
يـــ هل ــــا طليــــت ؟؟؟
From: Dafi
To: tmbis
Subject: Re: من دافي
السيد..المبجل
..وأنا..يا انسان!!!
أفتقد نفسي قبل كل شئ..لا احس لي طعما..
كنت ..احب الاماكن..أميزها بروائحها..وتسري في جسدي ..فاحس سرسرتها..وحواسي يا انسان!!!كانت تمتلئ..بهم..أصحابي..اهلي ..وامي..اذ تملأ الدنيا جمالا بضحكتها المحببه
والموسيقي...وقعدة الدكان
والبنيات..آآآآآآآآآآآآه..الصبايا
يضعضعن قلبي ..بحنوهن البهار..تحس لسعته فيجفل الشقاء
أين انا مني الآن!!!؟
آسن المشاعر..راكد الحواس!!!بل لعلي ميتها
لا تلتمس نارا..بجانب الرماد الجليد..فأنا
غربتي مضاعفه..وشجني عصي الملامح
فقط
غني لي اغنية ..يا صديق..مازال بالقلب..بعض وتر
يعافيك
دافي..
From: tmbis
To: Dafi
Subject: Re: من دافي
نفس الأماكن كنت أرتادها ..ومعي الصحاب
وهأنت الآن تخصني بالنزيف
والشجن الآليم
وعصارة امعايئ التي خبزتها موخرا
كيف أغنيك ..وانا ..من سيرثيني
وهل الونك حزنا .. وأنت بك من الفرح ما يصرع
أين هن ... أشتاقهم .. أشتاقهم
فقط هي من تخصني بكل هذا الآسي .. وهذا الفراغ المميت
دعك منها ..دعك منها
فأنا أرتحلت بلا عوده
From: Dafi
To: tmbis
Subject: Re: من دافي
الدنيا ليل يا انسان
ومصطفي ده بعذب..
أسوي شنو!!!؟
From: tmbis
To: Dafi
Subject: Re: من دافي
انا حزرتك من مصطفي ده أنصاص الليالي .. يا دافئ . انا خايف عليك من الحمي الكانت بتجيني
From: Dafi
To: tmbis
Subject: Re: من دافي
متعب
متعب ...
متعب..يا انسان
يا الهيييييييييي
الزول ده كان شايل التعب ده كلو!!!!!؟
بسمع في وجيده..يا صديق
*
*
كأنك من ورا صفحة زجاج مبلول
وراك الريح..وقدامك مدي السكه..وندا المجهول
واناديلك..وجيده..وجيده..وجيــــــــــــده
وجيده وجيده وجيده
لا..اتلفتي لا لوحتي ..بي ايديك
*
الشجن حراق
حرااااااااااق يا انسان
From: tmbis
To: Dafi
Subject: Re: من دافي
أتغطي كويس ... وأرخي الصوت خليهو يجيك من جوه .. وانا ما داير معاك .. أنته داير تجيب لي انيمياء انا باقي الدم الفيني ده خاتيهو لي رمضان
|
|
 
|
|
|
|
|
|
|
|
Re: رسائل من ثقب البورد...دعوه للنزيف (Re: Dafi)
|
لازم تسمعها يا دافي
لأنها بكتني..الليلة يوم البكا العالمي
وبعدين أنا في الغالب عند الوجع بكضم
وقد انزف بعض الدموع
وعند ازدياد الضغط بنفجر
واحسن تكنيك وصلت ليه بعد عناء وشقاء وجهاد وعذاب هو ميتة القلب
لكن لا استطيع تفعيل هذا التكنيك في كثير من الأحيان
| |
|
|
|
|
|
|
|
|
|
Re: رسائل من ثقب البورد...دعوه للنزيف (Re: Dafi)
|
tmbis
Dafi
وا غربتــــــــــــــــــــــــــــاه
لا طعم
لا لون
لا رائحة
مسيـــــــــــخة
و الدموع تزاداد ملوحة
و القلب من شدة النزيف
حاصره الوجع
و استرسل في النزوح نحو الأحبة
كلما أطل من النافذة فوجد جبالا من هموم تنآى بحملها الجبال الراسخة
لكم التحايا
هل تراني نزفت مجددا؟؟؟
لست ادري
ربما حتى النزيف هنا لا يسكبه دما
ربما تسكب الروح
| |
|
|
|
|
|
|
|
|
|
Re: رسائل من ثقب البورد...دعوه للنزيف (Re: tmbis)
|
tmbis
كل الطير المهاجر قابض على جمر الغربة
و يا الطير المهاجر من زمن
أوعك تقيف و تواصل الليل بالنهار
وسط المطر وسط الرياح
و كان تعب منك جناح في السرعة زيد
في بلادنا بترتاح
ضل الدليب اريح سكن
لك التحية
| |
|
|
|
|
|
|
|
|
|
Re: رسائل من ثقب البورد...دعوه للنزيف (Re: Ridhaa)
|
انت عارف يارضا
من ماا مى رحلت، الله يرحمها، وانا بسمع الاغنية دى يوماتى وبفتكر انه حنان النيل دى اكتر صديقة عرفت تعزينى فى امى
ويمة كان الليل طواكى
قشى دمعك بى نجوم
سبى صبرك من عزيمتك
واشدهى الجنيات ينومو
لا اراكم الله مكروها فى ام
| |
|
|
|
|
|
|
|
|
|
Re: رسائل من ثقب البورد...دعوه للنزيف (Re: Dafi)
|
ومرغما رحلت إلى بلاد الغربة .
كم بت أشكو أشواقي ، على شواطئ الانتظار
أو على ضفاف من رمال .
مستفردا بالعشق رحلت .
كم يؤرقني أن أكون شامخا ..
كالطود أو كالجبال ..
وهذا الخافق بين الضلوع ..
يجتاحه ألف زلزال وزلزال .
آه ... من أحد ليسمعني ، وما من أحد يعرفني ..
في غربة الروح وغربة العشق .. غير السراب .
وحدي أطاول السحاب ، واكتسي برداء الوحدة واللوعة .
.. يمضي هكذا ، كلمح عمر الشباب ..
لا شمسٌ يوما أشرقت ..
ولا سماء أمطرت فوق الجراح .
وحدي هنا .. تبعثرت أحلام الصبا ..
وتشققت اقدامي على طرقات السفر .
فيا نبض رويدك .
بعت حقائبي طوعا لاشتري زجاجة عطر ..
اهديها لنفسي .. فأنا كالليل في نفسي . . أريد الفجر
وكالطير محتاج إلى فضاء رحيب..
.. إنني محتاج لان احلم بتحقق الأمنيات .........
.
.
دمتم لي غير نازفين.
| |
|
|
|
|
|
|
| |
Dafi
rummana
قرشـــو
noha_g
Tumadir
tmbis
Ridhaa
3asoola
فيس بوك
تويتر
انستقرام
يوتيوب
بنتيريست