دعواتكم لزميلنا المفكر د.الباقر العفيف بالشفاء العاجل
|
|
 انت لو فاكرنى بحزن شان فراقك يا حليلك
|
تَانى كاتب لىَّ خبارك
انتَ قَايْل انّهُ لِسَّه
قَلبىِ تايهُ في مَدَارَكْ
دِىِ الدِيَارُ خَلْيتَها ذَاتَها
لَمَّاَ ضَاقت بَىْ ديارك
والبعاد الشايفو قاسى
ما زمان كان باختيارك
انت فاكر بنسى جُرحك
جيت تنمق فى اعتذارك
لما رحت تجور عليا
ورحت ابعد عن مسارك
تانى كاتب لى خبارك
***
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
***
ويبقى ردى على جوابك
يا جميل الرجعه لا...لا..
كونى ارجع ليك تانى
ألف مليون استحاله
ما الفراق انت البديته
يوم حرمت الروّح وصالا
وانت عارف البادىء أظلم
وايه لُزوم يعنى الرساله
***
والكلام الفى جوابك
كان بيعدِّى على زمان
قبلما تغدر عيونك
وقبلما يخونى الزمان
انت قايل قلبى بنسى
فترة الذّل والهوان
لا..لا..لا..لا
دىِ الكرامه العِندى أغلى
من عيونك والحنان
***
انت قايل انى ممكن
ليك أرجع تانى مرة
لا..لا..لا..لا
دَا الجرح ممّا استمر
لو حصل طيفك غشانى
ومرة في ذاكرتى مره
ببدا ينزف تانى مره
وتانى مرة وتانى مّره
يا حليل أيام عيونك
كان بتلهمنى المسره
***
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
.... وكنت برضو....!!
ممكن أهديك نور عيونى
شان عيونك منّى يرضو...!!
وأصلى حاسس طول سنينى
إنو أشواقى وحنينى
نقطة الضُعف الى فينى
***
الاّ هَسّه
إنت أنسى..
وحقو تنسى
إنو كان بيناتنا قصه
واصلو ماتعشم عيونك
انى بهواك انت لسَّه
***
انت لو فاكرنى بحزن
شان فراقك او جفاك
تبقى موهوم في عواطفك
اصلو قلبى زمان نساك
وابتديت انساهُ ليلكْ
والسنين الرّاحو ديلك
وانسى جور كُل الاماسى
الفيها كم قاسيتو ويلك
وانت لو فاكرنى بحزن
شان فراقك يا حليلك
يا حليلك..يا حليلك
|
|
 
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: BAKASH)
|
الشاكوش لا بداية قدر و لا نهاية حياه،، إبقي الأمل أكبر من الحزن الملاك،،،الأمل في الأجمل و الأسمي و الأرفع ما تقفل الطريق قدامو بي الكلمات البتشكل إحساسك أسا،،، و بعدين لو قديم إنت نابشو مالك؟ شيل الزين منو و سيب الشين،، و ح تفرح كتير،،،،
سوميتا
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: mohsin_alsla7aby)
|
لا تقفل الابواب لا تقفل الابواب
خلي الهوى يدخل زي الهواء ينساب
شتل الحياة المخضر لو عان مرة ياب
جاي جاي بيصبر لمان يلاقي شراب
لكن يضبلن صر ضوء الشمس لو غاب
يوم تفتح الابواب الوصل يبقى دنا
لو بالمحبة حباب ياني الملوح انا
لو بالنغم زرياب ما خلا فيك غنا
لو بالفراسة حراب عنتر مقالدو هنا
لو بالعلم دا كتاب مفتوح لالف سنة
لو بالقرش يوم جاب
ما جاب براهو هناء
الدنيا دون احباب غيمة وضباب دفنا
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: mohsin_alsla7aby)
|
الصلحابى
انا ما ممكن انسى العُمره وشاكوشها انت عارف انا الوحيد يمكن ال كنت ماشى العُمره سنقل الناس دى كلها طابقه زوجاتهم وماشين الا انا كنت ماشى لى مع واحد هندى وضاع منى فى الحرم كمان عشان كده فكرت اقول للعزوبيه باىباى وكفايه بكاء وحزن على الشاكوش وانت طبعا كان شاكوشك اسهل من حقى انا00 شويه حقك وحق ديك الجن متشابهين طبعا ديك الجن لابد وخايف نجيب ليه السيره شاف البوست وعمل زوغان منو لكن قول ليه وراك وراك للحول الجاى
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: yasiko)
|
يا سكو
انا اعتقد رياح حواء وبناتها اقوى والدليل رياح الهبباى ما بتخليك تلملم الاكياس فى الشوارع زى رياح بنات حواء ديل يجننونا نحن وهن ما بيحصل ليهن حاجه انا مستغرب فى الحته دى عمرى ما شفت لى واحده مجنونة شاكوش ولكن نحن الواحد فينا اقل حاجه يطير ليه طوالى
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: Elmosley)
|
اخونا الموصلى
تحياتى
يا اخوى شاكوش الشرق انت ما جربتو ديل شاكوشهم نار عديل كده انت عارف كان عندنا استاذ ووجيه جدا ويحب ليه واحده ولمن اتقدم ليها للزواج قالوا ليه مابنديها لى غريب وادوها لود عمها والله الان هذا الاستاذ مجنون ومربوط فى البيت بسلاسل ويمكن محسن الصلحابى عارفو عشان كده شاكوش الشرق صعب جدا والحمدلله ما حصلنا الاستاذ
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: mohsin_alsla7aby)
|
الرائع بامسيكا
دبايوا ايتانينا
والله اخوك ما قاسى لكن الشاكوش حار وتانى مافى رجوع مهما كان
الصلحابى
الحمدلله ما حصلتكم انت والاستاذ هههههه
بس عليك الله يا الصلحابى شوفت ليك واحده اخذت شاكوش واثر معاها؟؟انا مستغرب من حكاية البنات ديل ولا يفكرو00 ال يتقدم اول هو صاحب قلبها زى مايقولو ليك الجديد محبوب وبعدين فى النهايه تجى راجعه ليك وتقول ليك والله ندمانه وسافه التراب وماقادره انساك واهلى جبرونى 00اهلك جبروكى والا لقيتى الجاهز؟؟ بس شاكوشك انت بالجد خفيف اما عن حكايتى بعدين بوريك ليها بالماسنجر بس مشكلتك انت فضيحه يوم ما تزعل منى تفت الشمارات
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: BAKASH)
|
بكاش
رمضان كريم ياخوى
ما سمعت حنان النيل لما قالت
اخلف لى وعوده عزرته
قلت نصيب واقسام
زار كل الفريق فى عيدو
طاف كل البلد حام
لكن طول اجازتو ابانا
لمن كلمها وقام
حرام والله نحن البينا ارحام
اها ده مش شاكوش ...وجرسها كمان!؟
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: dreams)
|
الاخت دريمز
الله اكرم تصومى وتفطرى على خير انشاء الله
بعدين ده شاكوش لكن خفيف بس ما ليه حق يكمل الاجازه بدون ما يزورها انشاء لو كان جاء بشارع البيت كان خفف شويه يا دريمز ده اسمو شاكوش حنين بس انا انشاء الله بزورها فى اجازتى بدلا من صاحب الشاكوش
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: BAKASH)
|
عزيزي بكاش
اول مرة في حياتي اشوف بكش معبر
اكتر من اي واقع في الدونيا
اجمل جملة شاكوش رمضان
no comment
اما عن سؤالك
Quote:
ليه اكتر المجانين قصدى مجانين الشواكيش من الرجال انا غايتو ما شفت لى مجنونه قالوا دى كانت بتحب فلان واخذت شاكوش وجنت هل انتو ما بتحبو بصدق والا عندكم قلبين؟؟
بكاش
|
سمعتا بالمثل البقول ليك الجن بداوة كعبة الإندراوة
اها بتاع لمليم الأكياس دا إندرواة
لكن الجنون البجد هو القالو فيه
الجنون فنون
البنات
ديل لما إجنوا فى الحب و الشواكيش
بقدموا اجمل فن و كان ما موصدقني
شوف ردودك فى البوست دا
الروعة.. الجمال.. صدق الكلمة...وحبي انا ليك كان زادي... دعوة للإستماع
الف شكر علي القصيدة
الأروع من العصيدة
دمت و لنا عودة
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: woroorrook)
|
بخيت سعيد عليك انشاء الله يبقالك عمار وبنين وقلبى انا خليه فى انااااته بعدك ياما راجيه انين لو كان يا قلب حبيت بعده وبعد قسمت يمين انشاء الله ما ينتم ليك مراد لاتدوق لاحلو لا زين وعمرك ما تجيك السعاده ما تتهنى قول امين وتانى الحب عليك حرمان وعد الحر امانه ودين
اروووورووك بالجد هن يتحملو الشاكوش ما زينا طوالى جارين للجنون
والله حقيقه شاكوش مؤلم لكن قبول الشاكوش المو اكبر
تانى الحب عليك حرمان وعد الحر امانه ودين00 والله واحده زى دى والا بلاش
والتحيه لى اهلنا الشوايقه
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: Soumeta)
|
سوميتا انا معاكى فى كل ال قلتيه
لكن لو اتصل عليكى صحبك بتاع الشاكوش نفسه وقال ليكى ارجع تعال عود لى ورجع حنانك لى تعملى شنو؟؟؟
كل ما الواحد يقول نسى الشاكوش خلاص تجى تانى تلقى رساله جديده مكتوب فيها ارجع تعال عود لى ورجع حنانك لى
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: Soumeta)
|
يا سوميتا
الحبيب ده كان زمان حسع خلاص بقى انسان عادى وانا اعاند الذكرى الاليمه
الإكتشاف،،،أنا دابي باديه فرح جديد،، شوف ليك فرحاً بزرعو ،، أنا اسا في موسم الحصاد
لكن ما بقطع الأمل نهااااائي،،
سوميتا انتى قلتى بديتى فرح جديد كيف ما تقطعى الامل يعنى لو ما قطعتى الامل حبيبك بتاع الفرح الجديد يمشى وين يعنى؟ والا زى ما ادوكى شاكوش ناويه لى شاكوش جديد؟؟
بكاش
| |
|
|
|
|
|
|
|
|
 Re: انت لو فاكرنى بحزن شان فراقك يا حليلك (Re: woroorrook)
|
سلامات يا باكاش
وجيت تترجى بالدمعات
أسامحك أنسى أغفر ليك ؟
جفف دمعك الغالى
مسامحك وما عشان عينيك
عشان تتعلم الغفران
وتصفح لو زمن جار بيك
في اعتقادي انو البنات بصورة عامة لمن ياخدوا شاكوش بحاولوا إداروا القصة ساي
يعني البت تقول لصحباتها انو ما كان في اي قصة حب وهو زاتو مابستاهل
الخ حركات المريخاب عندما انهزموا في آخر كورة
اما نحن نقعد نعمل ذكري ونكتب شعر ونحبس نفسنا بسلاسل الي آخر اطوار الجنون
تعرف الكلام دا بجيبنا لكلام تاني
هل الرجال اكثر احساسا وذوي قلوب مرهفة اكثر من بنات حواء؟
اما الرجال يتمتعون بقوة الذاكرة فيتعمدون تذكر كل ما هو جميل و مؤلم سواء؟
اقعدوا عافية
-----
اكس١٣
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: xspice13)
|
اخى اكس 13
فى حكاية انو البنت تقول ما كان فى اى قصة حب
بحكى ليك قصه حقيقه
عندنا واحد صاحبنا راجل يغنى فى الحفلات يعنى فنان بعدين يحب ليه واحده من جيرانهم برضو وبعدين البت جاها عريس موظف فى وظيفه محترمه واخر عربيه وصاحبنا يومين واشوفو ليك قالع القميس وماشى بى شارع البيت ومن سجاره لى سجاره تشوف الشارع تقول فى مصنع سكر والا حريق قصب وفى يوم الحفله فرقة الفنانين المتعاقده مع العريس هى فرقة صاحبنا واول فنان قدموه هو عشان يغنى وغنى اول اغنيه 00ما من عوايدك انت تتناسى وتتغير0وكان صحبك شارب وماقادر يتحرك وبعد شويه نشوف ليك العروسه تبكى وصاحبنا خلى الغُنى ومشى المهم العروسه دخلوها داخل البيت وجابوها تانى والحفله استمرت والبت سافرت لشهر العسل مع زوجها تتخيل قالت شنو بعد ما جات من شهر العسل؟؟ قالت يا جماعه كان توعونى بالله انا كنت احب الفنان الهلفوت ده؟اكيد انا ما كنت واعيه والله بنفس الاسلوب
ده بالله يسموه شنو ده؟؟ عشان كده قلت ليك البت احساسها يتغير سريع ما زينا نتعذب وراهم سنين
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: mohsin_alsla7aby)
|
يا الصلحابى
الظاهر انت نسيت شاكوشك والا شنو؟
وين تقدر تمشى حلفا انت عامل خروج نهائى من السودان بسبب الشاكوش تشمها قدحه تانى
بعدين انا ابيت الرجوع ليها هى نفسها امشى لبت عمها؟؟
الكرامه وقيمى ترفض وكبريائى والمبادى انى ارجع ليها تانى وكمان تقول لى بت عمها؟؟
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: mohsin_alsla7aby)
|
الصلحابى
مافى لا بابيدك ولا بايدى ولا ناس بابا وماما ضغطونى ده حب وعايز كتير من التضحيات وتخسر عشان تربح حبيب او حبيبه الواحده فى الزمن ده ما تصدق بس يجيها واحد لابس ليك جلابيه سكروته وسايق كريسيده مكتوب عليها افراج مؤقت طوالى تبيع حبيبها وتبيع ليك حنانو وهى ما عارفه انو بتاع الكريسيده ده متسلف ليه رواتب كم شهر من الكفيل عشان يعرسها وبعدين اول ما يوصل هنا يبيع الكريسيده ويسدد للكفيل حقو وينسى ليك حنانها فى النهايه تقعد تجرس ليك انا ندمانه وعايزه ارجع ليك تانى وحاجات كتيره وكلو من ناس بابا وماما وانا قلت حسع اشاورك اعمل شنو وعايزاك تساعدنى
بكاش
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: BAKASH)
|
بكاااش جيتك صاده
أول حاجه لوول علي إني ناويه أقنص بي شاكوش لي واحد،،،،لا لا ما أظني ناويه بي شي زي ده و بعدين كلامك ده زكرني لما كنا في الأبتدائي كان كل حلمنا نبقي أستاذات عشان بعدين نهرش البنات و ندقهن و نجضمن كدي لامن وشوشن إظهر الغبش فيهن،،، أبداً يا بكاش ده ما الأمل البتكم عنو أنا،،، ألأمل القاصداهو في الزمن الجاي،، لكن بحساب و لو فكرت بي شكل موجب شويه و زحيت و جع الفرقه الحصلت بينكم دي حا إكون تحليلك أكثر إختلافاً من ما هو عليه الآن،،،
و معاك ببقي الزمن حاضر
سوميتا
| |
|
|
|
|
|
|
|
|
|
Re: انت لو فاكرنى بحزن شان فراقك يا حليلك (Re: Soumeta)
|
الاخت سوميتا
اولا وينك سجلتى غياب ليكى ايام؟؟
وبعدين مين ال يقدر ينسى الفرقه وهى كل يوم تتجدد؟
بس اوعك تفكرى انك تكونى استاذة شواكيش هههههههه
بعدين انا عايز اسألك الاسم ده جايباه من وين؟؟ هذا الاسم عندنا نحن فى الشرق فقط ومالقيتو الا عندنا
تحياتى
بكاش
| |
|
|
|
|
|
|
| |
BAKASH
Soumeta
mohsin_alsla7aby
yasiko
Elmosley
bamseka
noha_g
garjah
waleed500
woroorrook
xspice13
7abib_alkul
3asoola
فيس بوك
تويتر
انستقرام
يوتيوب
بنتيريست