|
|
|
 Re: اجمل ما قيل في العيون (Re: ايهاب)
|
معظم الاغاني السودانية تتغني عزيزي ايهاب للعيون ..
و ساضرب ليك بعض النماذج الشايقية ...
من اغنية لليمني...
عينيك فيها علم الطب .....عينيك ..علمتني احب.
محمد جبارة
...عينيك ..يا اعز الناس...
المهم لو كنت فنان لما تغنيت الا للعيون ....و لو كنت شاعرا لكان كل شعري للعيون....
بس الملاحظ انت ما وريتنا رايك شنو...
| |
 
|
|
|
|
|
|
|
|
Re: اجمل ما قيل في العيون (Re: ايهاب)
|
يازول اي كلام قالوهو في العيون سمح
يعني عيون الصيد الناعسات عيونن
وعيون المها بين الرصافة والجسر
والعيون التي في طرفها حور
والعيون متل الفناجين
وعينيه ماتبكي
وعيونك فيها شئ يحير
وعيون الريل عيونه
وادينا من الفي عيونك هههههه يكه
لكن عارف اخر حاجه قالوها في العيون شنو
واحد قال لي حبيبتو نور عيونك خلاني البس نضارة لحام هههههههههههههه يكه
زاتوووووووو
| |
|
|
|
|
|
|
|
|
 Re: اجمل ما قيل في العيون (Re: قرشـــو)
|
العزيز ايهاب
أول حاجة نحن لازم نعرف هبرتك دى الحصل فيها شنو !؟ لأنه شايفك مما جيت نضمك بقى كُتُر ودقاق وشفيف ، لكن نضما سمح بالحيل!! الشاعر عبدالله النجيب وهوشاعر سودانى من الأقباط هو أكثر من نظم شعرا غنائيا فى العيون ، ولذا سمى بشاعر العيون ، ممكن أخونا سودانى عجوز يلقى المزيد من الإضافات على هذا الموضوع ، وأنا حأرجع ليك تانى عشان نشوف حكاية العيون دى .. يمكن أحسن من الكتابة فى السياسة !!؟ ولاّ شنو
| |
|
|
|
|
|
|
|
|
|
re (Re: ايهاب)
|
الاخ ايهاب
كنا انا والزول زاتوو
فى الشات روم بنخصص موضوع معين ونقعد
نذكر الاغانى التى غنت عنه
مثلا الليل ؛ الشعر ؛القوام
اها يوم كان الموضوع عن العيون
قمت فى النهايةلمن قرب يغلبنى قلت ليهو
عم حسبو يعاين لى
شتت قصبو يعاين لى
صاحبك قعد يخرخر شال كورتو ومشى
ولكن اعتقد اجمل ماقيل عن العيون هو
لها مقلة لو انها نظرت بها الى راهب قد صام لله وابتهل
لاصبح مفتونا معنى بحبها كأنه لم يصم لله يوما ولم يصل
مش المقلة ياها العيون برضو ولا انا غلطان ؟
وايضا
ويلاه ان نظرت وان هى اعرضت وقع السهام ونزعهن اليم
ولو سمعت اغنية ارحل لوردى ح تلقى فيها كلام عجيب
اها فتكم بعافية
***
رأيت الدنيا ترفع كل وغد وتخفض كل ذى نفس شريفة
كمثل البحر يغرق كل حى وتطفو فوق سطح البحر جيفة
| |
|
|
|
|
|
|
|
|
 Re: اجمل ما قيل في العيون (Re: ايهاب)
|
والله بالمناسبة دى احكى ليكم الطرفة دى
مرة كان بيغنى واحد اسمو : ايمن دقلة
بيقول عينيك لا
عينيك نعم
عينيك لا
عينيك نعم
عينيك من الخلاق نٍعم
قام ابويا قال لينا هو دا بيغنى ؟؟؟ والا بيقراء فى امتحان جغرافيا سنة رابعة
هاهاهاهاها
وان شاء الله تجيب دخل يا جماعة
اضحكوا عليكم الله
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
الزينة جات تتبسم وماشه علي تتقسم حلاوة خفة دم شالت عني الهم
ابوك في السلك لكن ههههههههههه يكه
بعدين يابوكو ياحليل الجات روووم كانت لامه والله البعيد وبوب وصابر وزيكو وانا وانت
زاتوووووووووو
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
عيونك ديل عيون أهلي حنان ذي نغمة في مقطع
من أجمل ما قيل في العيون
اداء محمد الأمين ولا اذكر للأسف الشاعر
وأيضاً
عويناتك ترع لولي وبحار ياقوت
أو
عيونك كل ما اعيان تتوه عيني في وادي
يضيع مجدافي من ايديا
قبل ما اعدي بي غادي
والله لا اذكر كل المقطع لكنها اغنية جميلة تغنى بها الاستاذ الموصلي مع المبدعة امال النور
| |
|
|
|
|
|
|
|
|
|
Re: اجمل ما قيل في العيون (Re: بت قضيم)
|
دا جزو من اغنية سيد عبد العزيز
نظرة يا السمحة أم عجن
لو كان قليل تبرى الشجن
أعرف صفا الأيام أفيق
أنظر جمال تلك الوجن
ودا من اغنية كتبا التجاني الحاج موسي
عيونك مرة لو طلو ..
يزول كل الوجع وأرتاح...
وأغرد زى كنار صداح..
وتبقى الدنيا فى عينى ..
أزاهر وغيمة وردية ..
ودا صلاح حاج سعيد
عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
واعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
يعني قدر ما الزول يحاول يتكلم عن العيون ويوصف التاثير بتاعا ما بقدر
| |
|
|
|
|
|
|
|
|
|
Re: اجمل ما قيل في العيون (Re: EMU إيمو)
|
العزيز ايهاب سبق السيف العزل كنت بفكر انزل موضوع بنفس العنوان ولكن كان لك قصب السبق ولذيذ توارد الخواطر الحصل بينا ده .
طبعاً الغناء والسوداني خصوصاً مليان بالعيون لكن من وجهةنظري أنو اكتر فنان سوداني غنى للعنوان هو الراحل المقيم في دواخلنا وغنى ليها بشكل يربط الحبيبة بالوطن والعيون عموماً هم مفتاح الانسان الممكن ترى منهم مايجيش بدواخله يعن لو هو فرحان بتعرفوا من عيونو ولو حزنان بتعرفوا برضو منهم ولو صادق أو كاذب يلا نجي لمصطفى سيد أحمد ومعاهو صلاح حاج سعيد
ففي أغنية حساب الزمن بقول
عينيك مدن مكتوبة في كتب التواريخ والزمن
عينيك وطن مشدود على وتر التباريح والشجن
طبعاً الأغنية مليانة كلام عن العيون وتاني برضو في اغنية سطوة محاسنك
عينيك وحاتك غربتي واهلي
وبلادي الفيها ضايع لي زمن
وبرضو في اغنية عدى فات
عدى فات زمن العيون الالفة والحضن الملاذ
وبرضو في اغنية المسافة
لي عيونك يا مدين الفرحة والحب والجسارة
طبعاً ده صلاح حلج سعيد نجي لمدني النخلى ومصطفي في اغنية علمي عيوني السفر
علمي عيوني السفر ده البسافر في عيونك سكتو بتبقى سلامة
ونجي لي اباذر الغفاري في اغية في عيونك
في عيونك ضجة الشوق والهواجس
ريحة الموج النحلم فوقو بجية النوارس
ونجي لنجاة عثمان في الزمن الفلاني
يا حبيبنا جوة عينيك عايشه ناس
طبعاً في كتير من اغاني مصطفى لكن اكتفى بهذا القدر واختم ليك بي بيتين شعر بس اسنح لي أني اشرحهم لاني بعتبر اجمل ما قيل في العيون والبيتين كتبهم الشاعر العراقي الكبير بدر شاكر السياب في قصيدة انشودة المطر وبقول فيهم
عيناك غابتا نخيل ساعة السحر
أو شرفتان راح ينأى عنهما القمر
طبعاً اجمل حاجة في العيون هي الرموش فبدر السياب في البيت الاول شبه الرموش الطويلة بغابتا النخيل وشبه شده سوادهما بساعة السحر وهي وقت انقضاء الليل وبزوغ الفجر وفي البيت الثاني شبه العينين بشرفتين ( شبابيك ) مظلمتين وهنا التشبية ايضاً لسواد العينين يضيئهما القمر بضوه حيناً ويذهب بعيد عنهما حيناً فيظلا سوداتان يعني هنا بياض العينان كالقمر .
معليش للاسترسال ولك حبي .
| |
|
|
|
|
|
|
|
|
|
Re: اجمل ما قيل في العيون (Re: Tumadir)
|
العزيز ايهاب
هناك الكثير من ماقيل عن العيون
يا عيون المها ياعيون
و العيون السود كاحلات يجرحنك ما سائلات .....ا
وعينى يا سبب الازى
وعيون الريل عيونه
وحياة عيون الصيد الغارو من عينيك
عينيك فيهم لى حنان
عيونه ريال ابو طاره
العزيز الزول زاتو
الله يطراك بالخير
ــــــــــــ
كلماتنا فى الحب تقتل حبنا ان الحروف تموت حين تقال
| |
|
|
|
|
|
|
|
|
|
Re: اجمل ما قيل في العيون (Re: khal fatma)
|
اعزائي اشكركم بي حراره على المساهمات الجميله دي
العزيز فنجري
اخوك لو ما محتار ما كان نزل البوست دا
الاعزاء
قرشو
غدى
manubia
بت قضيم
دريمز
تماضر
فاطمه
شكرا على المساهمات الجميله
الشريف مارد
كلو منك حلو وكل الحكايه يا عزيزي انو المعنويات هسه احسن شويه وكدايا ريت تدينا من شعر عبدالله النجيب ونحن في الانتظار
العزيز بوكو
فعلا البيت القلتو غايه في الروعه
العزيزه زينه
شكرا على النكته
عزيزي الزول زاتووو
شكرا ليك زاتووووووووو
عزيزي راكوبه
ما هين والله
العزيز ايمو
كلام عجيب والله
العزيزه بت امدر
كلامك صاح 100% شكرا على المساهمه الجميله والتفصيل
العزيزه سماح
في انتظار العوده
الغالي خال فاطمه
مذاكر كويس يا لبيب انت اها انت اخترتا لينا شنو
شكرا لكم جميعا و لكم مني كل الود والتحيه واتمنى ما اكون نسيت زوول
و في انتظار المزيد
| |
|
|
|
|
|
|
|
|
|
Re: اجمل ما قيل في العيون (Re: البحيراوي)
|
عزيزي البحيراوي
صباح الخير
غايتو حا ااحاولاجتهد ليك في الاجابه
1-البكاء
2-الزينه والمكياج والجمال
3-لو واحد اتشاكل معاك ممكن تطبزو في عينو يعني لو ما عندو عيون ماكان جا تقدر تطبزو ولا ما كدا هههههههههه
4-المغازله
5-الكلام
وازيدك واحده سادسه وهي العلاج
مووش الشاعر قال
بفتور عين مابها رمد وبها تداوى الاعين الرمد
لك الود والتحايا
| |
|
|
|
|
|
|
|
|
|
Re: اجمل ما قيل في العيون (Re: ولياب)
|
عزيزتي بت القبايل
يا ريت تدينا الشطر الاول من البيت عشان نشوف الحالتين ديل شنو
شكرا على المشاركه
عزيزي ولياب
في انتظار المزيد
لكم كل الود
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
الأخ إيهاب مساء الخير
قال مرة المرحوم الشاعر الفذ عمنا محمد بشير عتيق في جلسة ثقافية أنة ذات مرة كان طريحاً بالمستشفي وبينما كان في السرير الأبيض كانت الدكتورة المناوبة ذات خلق وجمال أخاذ فأكثر من النظر لعيونها الواحة حتي إضطرت لوضع نظارة علي عينيها فما كان من عمنا محمد بشير عتيق إلا أن قال لها
السيف في غمدة لا تخشي بواترة
وسيف عينيك في الحالين بتّار
بالنسبة للسؤال فقد أصبت أخي إيهاب في معظم إحتمالاتك فالعيون
1- مصدر وحي وإلهام للشعراء
2- وسيلة للراحة النفسية من خلال تقاطر الدمع
3- وسيلة لكسب الرزق لأطباء العيون
4- وسيلة لكسب الرزق لمحلات البصريات والنظارات
5- إستخدامها وسيلة للكلام والتواصل أحياناً
البحيراوي
| |
|
|
|
|
|
|
|
|
|
Re: اجمل ما قيل في العيون (Re: البحيراوي)
|
العزيز الليندي
جميل توارد الخواطر والاجمل منه ماكتبت و امتعتنا به والعجيب انا ما جعلني افكر في هذا البوست هو مقطع عيونك زي سحابه صيف.... ولكن بصوت مصطفي سيد احمد ذلك الذي نعجز عن ايجاد اسم او لقب نوصف به ما يمثله في دواخلنا والذي اسهبت في تناول العيون في اغنياته في مساهمتك الممتعه و يا عزيزي البوست بوستك وادعوك للمساهمه في الردود و امتاعنا بالمزيد
لك كل الود و التحايا
العزيز كولا
انتا رايك شنو و بعدين حدد لينا ياتو بقر المجنون ولا العاقل
ههههههه
تحياتي
العزيز البحيراوي
شكرا على المعلومه الظريفه و في انتظار المزيد
كل الود
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
عزيزي البحيراوي
المقاطع التي زكرتها من تاليف
ادريس جماع علي ما اعتقد
وليست للشاعر الكبير عتيق
عيون الغزال علموها البكا
والدموع هميلهوالمعاني والبكا
انت يا غزال ما اقسي قلبكا
وعليكم الله الحافظ الباقي يلحقني بيه
والاغنيه من روائع احمد المصطفي
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
الاخ هوبة
بالجد اصبح لبوستك هذا طعم
كطعم الدمع لكثرة
مااثار على الشباب من مواجع
وقلب عليهم الحكايات القديمة
والشواكيش الارض جو
والسؤول كان عينان ناعستان وغمزتان
تج###### الاولى وتسحرك الاخرى
وفي الاخر يدوك بمبة
وتسلم يازول ياعسل
على هذا البوست
على البوست الدمعي
| |
|
|
|
|
|
|
|
|
|
Re: اجمل ما قيل في العيون (Re: cola)
|
اخوي الرحمابي
باين عليهو الوضع متازم
انتا كدي شوف حال اخوي خال فاطمه دي بخفف عليك شويه لانو حالو باين عليها كربه و الشواكيش خلتو يطش من البوست دا و يكتب ردو في بوست تاني ههههههههه
خاي فاطمه العزيز والله كلك زوول وربنا يعدل حظك يا زووق
شرنوبي شكرا على المساهمه وفي انتظار المزيد
العزيز كولا
والله هلو هلو سدييييييييييييييييد
عشان خاطرك انتا
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
شكراً أخي الكريم إيهاب على هذا الموضوع الشيق
وعندي تصحيح للأخ مارد حول شاعر العيون عبد الله النجيب متعه الله بالصحة والعافية فهو ليس من الأقباط
بركات
| |
|
|
|
|
|
|
|
|
|
Re: اجمل ما قيل في العيون (Re: khal fatma)
|
تسلم اخي بركات وشكرا على المعلومه بس يا ريت واحد غيكم يدينا من شعرو وكدا
عزيزي خال فاطمه يا زوول ما تعملني السبب انتا البكاء الكتير ليك شنو بطل خفه ياخي
هههههههههه
لكم مني كل الود والتحايا
| |
|
|
|
|
|
|
|
|
|
Re: اجمل ما قيل في العيون (Re: khal fatma)
|
عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
واعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
منتظر وعدو الجميل
عشقك زمان جواى رحل
وإتناه فى الأعماق أمل
ضمَّخ رؤاى إحساس نبيل
اذهل طيوف خاطرى القبيل
جاشت ملامح روعتو
ضج السكون فى وحشتو
والكان أمل فى عيونى لاح
ذوب مدارات فرحة الوهج النضير
والمزدهر بالإرتياح
فجأة انحصد قبضة رياح
وسكت الكلام يا حلوة فى القول المباح
وغاب الصباح بعدك رحل
والكان أمل فى غيم سماك
ايقنت إنو عدم بلاك
وإنك قدر
وإنو البيحلم بى علاك
بختار ظروف أحلاها مر
عينيك لو تصدق معاى الأمنية
عينيك لو أعرف ختام الاغنيه
بدء الكلام والمنتهى
والمستطاب والمشتهى
كل المباهج فى المواويل والغنى
والعاشقين قلبى وأنا
هزتنا فى عينيك تصاوير المنى
يا امنيات من كم سنة
يا اغنيات كل الأماسى المستحيلة وممكنة
يا المستحيل عينيك تهون
والمستحيل قلبِك يخون
ما الغدر ما طبع الوفا
والصدق ما شرط إنتفى
وانا حالى من بعدك كفى
وأنا حالى فى بعدك
كفاهو المغنى والحب والشجن
والوحشة والشوق للوطن
ما العمر قبلك ضاع سدىً
والعمر بعدك ايه يكون
لو يبقى بحساب الزمن
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
مرحبا ايهاب .. والله القالوا فى العيون كتير .. لكن اجمل شى الا نعمل تصويت ..
لكن ممكن اشارك معاك بى حاجه فى العيون وان شاء الله تعجبكم
وحات عينيك …
وحات عينيك يا انت ..
رموش الليل تضاريها ....
تجيب البسمه فى الواحات ..
وتفرش شوقها فى الساحات ..
وتمسح دمعه بى ايديها
وتحلم ديمه بى لحظات ...
فيها النيل يلاقيها ..
يسور ليها عشة طيب ..
يشيل من لونو يديها ..
وحات عينيك يا انت ..
عيونك ساحره بهرتنا ..
نشوف جواها سر الكون ..
مساحات ريد..
حنان جواها ضمتنا ..
نسافر فيها ما نرجع ..
ندندن غنوة عجبتنا ..
نعيش فى الدنيا بس اتنين ..
وعيونك لسه دنيتنا ..
عصافير شارده بتغرد ..
دوام افراح معزتنا ..
لما نكون مع العينين ..
نشوف الدنيا جنتنا ..
ولما تفوت ونتفارق...
بنلقى دموعنا سبقتنا
بنلقى دموعنا فاتتنا ..
بنلقى دموعنا فاتتنا ..
اسماء صديق الطيب الجنيد
مسقط عمان
مع تحياتى
| |
|
|
|
|
|
|
|
|
|
Re: اجمل ما قيل في العيون (Re: soma)
|
الى كل الغيون الحلوة كما قا لالشعراء
اهديها لكم
ظلال عينيك تدعوني
فأســتـبق
نبض الأحاسيس في جنحيّ تحترق
يا دفقة من حنان الله
خضبها حبّ ,
وأشعل حسنها ألق
يا زهرة نبتت في حقل اوردتي
ريّا اللحون ,
يموسق سحرها عبق
يا مجمر العشق
يا احضان أسئلتي
يا نفحة الحب
انت القلب و الحدق
قلبي يناديك ان لفته داجية
وخيم الليل في أغواره الفرق
هل تسمعين صهيلا منه
ان نضحـت عيناه بالدمع ,
واستـشرى به قلق
هل تسمعين تباريحي وقد خنقت
من السهاد , يرمض جفني الأرق
وحدي مع الليل يشجيني فأترعه
من الحنين , وكأس الوحدة الغسق
بحار عينيك أمواج الهوى اشتعلت
ان رفّ جفن , تلاقى البحر و الشفق
أهواك.. عودي .!
فقد مات الحنين أسى
وليل بعدك تسهيد و مفترق
فلا الشفاه تلاقت في حرارتها
ولا الأضالع
عرّى شوقها نزق
| |
|
|
|
|
|
|
|
|
|
Re: اجمل ما قيل في العيون (Re: عصفورة الجنة)
|
salamaaaaat ya nas ya 3asal.....
عيونك نشوه المخمور... عيونك رنه الطمبور ... عيونك للحزانا سرور ... عيونك ديل مانغيمه ناى... وبيت دوباى... وبسمه طفل بعد مانعسو اللولاى...
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
وانا اقول ما قالوه فى العيون
عيونى وعيونك 00000000اسباب لوعتى
انت المهم وانت الاهم 000وانت الحقيقه والوهم 000 حبك قصة دنيتى 000وانت بعذابى متهم
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
شنو يعنى يا ايهاب من ما جينا نحنا رحت قافل الباب... غايتو يا زول ما عندكم طريقة وانا لازم ادلو بدلوى حتى لو انط بالحيطة والزارعة الله فى حجر بتقوم
اول حاجة المشاركات كلها كانت جميلة وحلوة لكن مشاركة عسولة ما عسسسسسسسسسسل عديل ويشرق فى الحلق كمان وهذه مشاركتى... وبرأيى اجمل ما قيل فى العيون
1/ انا فى العيون ببنيلو دارين من موده ومن منى
2/عيونك زى سحابة صيف تجافى بلاد وتسقى بلاد
وزى فرحا بشيل منى الشقا ويزداد
وزى فرح البعيد العاد
وزى عيدا غشانى وفات وعادعم البلد اعيادبدون عينيكى بصبح زول بدون ذكرى وبدون ميــــــــــــــــــــــــــــــــــــــــــــــلاد
يا جماعة انشاءالله مشاركتى تكون عجبتكم
| |
|
|
|
|
|
|
|
|
|
Re: اجمل ما قيل في العيون (Re: khal fatma)
|
ايهاب والاخوة
والله البوست ظريف ودمه خفيف ودي أول مرة ادخله
ما قريت كل المداخلات لكن بس حبيت أصحح معلومة صغيرة
يبدو أن الأخ مارد خلط ما بين المحامي المسيحي عبدالله نجيب وشاعر العيون المسلم 
وعبدالله نجيب المحامي حسب علمي ليس بشاعر
لكن شاعر العيون هو عبدالله نجيب آخر وفعلا عرف بلقب شاعر العيون
وحاولت اتذكر كلمات أغنية ابوعركي
حلوة عيونك ولم اتذكرها بوضوح وتحفظت من الخطا
...
عموما أذكر الجزء المتعلق بالقلب
قلبك طيب زي روح شمعة
يضوي دروبنا ويمسح دمعة
البتذكركها فيكم يذكرني
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
الاستاذ الموصلى .. قلعتها من وين الكلمه دى ؟؟..
ما سمعك انور الجلاد.. .بيعجبو كلام الحبوبات ده .. وبرضو بدر الدين شنا زاتو ...
لك التحايا ممزوجه بى حنية اهلنا الزمااااااااااااااان
| |
|
|
|
|
|
|
|
|
|
Re: اجمل ما قيل في العيون (Re: soma)
|
عزيزي ايهاب
كل ما قيل في العيون جميل
الذكروا الشباب والما ذكروا
والقالوا الشعراء وال حا يقولوا لسه
لكن اجمل ما قيل في العيون قالتها وبتقولا العيون ذاااااااته
ودمت
يانكي
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
طبعا كل زول وثقافته
..........
قالوا واحد شيوعي بيغازل حبيبته قال ليها:
عيناك نقابتا عمال في مظاهرة
............
بعدين انتو تعالوا هنا هي العيون دي للغزل بس؟؟؟؟؟؟؟؟
العيون بيشوفوا بيها برضو!!!
بعدين في نوعين من العيون؛
عيون بتتشاف.
وعيون بتشوف.
وزي ما قال واحد كده:
أحبها وكانت عمياء، فمنحها عينيه وحين أبصرت،.... تركته
وآخر،...
ظل يتجول في مدن عينيها حتى تاه فيها،، وعندما حوال الخروج، لم يستطع... لأنها نامت
وآخر،...
صنع لها منور عينيه حبلاً ارتقته إلى السماء، ومن هناك ، حتى لم تنظر إليه، حتى أحس بالتعب، وأغمض عينيه وعندها سقطت
لكن بررررررررررررررررررضو العيون دي حاجة مختلفة
وهي مكان مناسب جدا لحياة الإنسان
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
LoooooL@ مالك الحزين
لكن يا سيدي اختلف معك في ان العيون ما بتشوف..البشوف القلب
من أجمل ما قرأت عن العيون من كم يوم
اعشق فيك كل شئ
إلا العيون
ففي عشقك حياة وفي عيناك قتلي
أو حاجة ذي كده
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
يا شباب معظم الشعراء الكتبوا عن العيون شبهوها بالسيوف والرماح و حاجات عنيفة كده لكن اجمل ما في العيون نظرتها الحنونة ورحم الله بشار بن برد اذ قال
يا ليلة تزداد نكرا
من حب من احببت بكرا
حوراء ان نظرت اليك
سقتك بالعينين خمرا
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
ايهاب
قالت لي
تلك التي لم اراها في حياتي ابدا
وانا اتكلم معها تلفونيا
ان عيوني جميله
قلت لها ما اجمل عينيك
واتممت جملتي قائلا
لاتندهشي ، فصدقك الذي اعلمه
يجعل عينيك تفيضا جمالا
دمت
| |
|
|
|
|
|
|
|
|
|
Re: اجمل ما قيل في العيون (Re: رقم صفر)
|
عيون المها بين الرصافة والجسر.. جلبن الهوى من حيث ادري ولا ادري
لعلي ابن الجهم.. ولغيره. عن العيون
ان العيون التي في طرفها حور.. قتلننا ثم لن يحين قتلانا
يصرعن ذا اللب حتى لا حراك به.. وهن اضعف خلق الله انسانا
| |
|
|
|
|
|
|
|
|
|
Re: اجمل ما قيل في العيون (Re: Halema2)
|
ايهاب الحبوب لك التحية وما زالت لغة العيون تمطر هذا البورد بالجديد والمزيد
ومساهمتي انا بسيطة جدا بالمقارنة مع فضاحلة العيون فانا بحب العيون الفي طرفها كحل وذي ما بقولو الجماعة عيون رصاصات
| |
|
|
|
|
|
|
|
|
 Re: اجمل ما قيل في العيون (Re: ايهاب)
|
عيون الصيد الناعسات عيونن عيون الريل حاكن عيوني
---------------------
العيون النوركن بجهره غير جمالكن مين السهرها
--------------------------------
ياموطن الثلج هل غيري يزاحمني **** وهل فراش الهوى ماعاد منفردا
مالون عينيك إني لست أذكره **** كأنني بعد لم أعرفهما أبدا
إني لأبحث في عينيك عن قدري **** وعن وجودي ولكن لا أرى أحدا
-------------------------------------
إن التي عذبتني في محبتها كل العذاب **** فما أبقت و لا تركت
عاتيتها فبكت فأستعبرت جزعا عيني *** فلما رأتني باكيا ضحكت
فعدت أضحك مسرورا بضحكتها مني *** فلما رأتني ضاحكا سكتت
تهوى خلافي كما حثت براكبها *** يوم قلوص فلما حثها بركت
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
سلام يا ايهاب
الكلام عن العيون كتير
و نزار قباني قال 000
عيناك وحدهما شريعتي
و مراكبي و صديقتا اسفاري 000
ان كان لي وطن
فوجهك موطني
او كان لي دار
فحبك داري000
و قال ايضا
ذات العينين السوداوين
ذات العينينالصاحيتين الممطرتين
لا اطلب من ربي الا شيئين
ان يحفظ هاتين العينين
و يزيد بايامي يومين
كي اكتب شعرا
في هاتين اللؤلؤتين
و تسلم
salam
| |
|
|
|
|
|
|
|
|
|
Re: اجمل ما قيل في العيون (Re: ايهاب)
|
عيــويناتك تــرع لولــي وبحــار ياقوت
مســاحات ريـــد حزاينية
بغازل فيـــها مأساتي
وفي شرف الوصول ليها بـموت وأكســر شـــراعاتي
يا عيون إنت لون الليــل
والعيــون النوركن بجهـــرا
وياما وياما
شيتـــا كتيــــر خلــي ساكت
| |
|
|
|
|
|
|
| |
ايهاب
khal fatma
ALZOLZATOO
قرشـــو
boco
manubia
Rakoba
بت قضيم
EMU إيمو
الليندي
Tumadir
sama7-au
البحيراوي
ولياب
cola
ود الخليفه
AlRa7mabi
sharnobi
brakat
waleed500
ودالجزيرة
moniem2002
3asoola
سمندلاوى
رقم صفر
ayooby
Elmosley
Al-Masafaa
rummana
bamseka
Halema2
ebrahim_ali
bit-alkhaleel
فيس بوك
تويتر
انستقرام
يوتيوب
بنتيريست