أكذوبة ثورة للشاعر : نجم الدين جميل الله
ده ثورة ايه ***** ده ثورة وين
تزعل ناس زمان مبسوط
ما عرفت يوم كلام بالسوط
لا سمعت عمرو قولة توت
تشرد ناس سنين مسكون
بتحرق حلة بعد السوق
تجزر ناس بدل مرتوق
*****
ده نهضة ايه
ده ثورة ايه
بدل طورية جاب كلباش
و بدل كراس صنعوها كلاش
وجابو ا بالامس فراش
وزيرا للحقن و الشاش
*****
ده ثورة ايه
ده نهضة وين
سفينة هم جابت هم
بيوت العافية اتهدم
عيون اطفال سالت دم
غير الطلقة ما في نغم
*****
كفاك يا ثورة جات بالدم
كفاك يالجات بقصد الظلم
كفاك يالكان بدايتك بم بم
بم بم بم بم بم
*****
حلفت الشعب ما بندم
زيك ميه اتهدم
برضك بناية تتهدم
وثورة جديدة تتقدم
و بكره الشعب يتبسم
ونهضة عريقة تترسم
ويلا يا شعب اتقدم اتقدم
*****
بدولة عظيمة يوم نحلم
بالحـــــــــــــــــــــرية
ديمقــــــــــــــــــراطية
فيدراليــــــــــــــــــــــــة
و صوتُ للشعب اجمع
يحكم دولة عظمى
*****
*****
*****
و يلا يا شعب اتقدم
أريتك كل يوم تحلم
ببسمة زولك المزعول
وضحكة طفلك المعلول
حـــــرية كل زول معزول
اريتك كل يوم تحلم
فالحلم محقق لو تعلم
*****
اريتك يا شعب تنهض
ورب الكون عليك يشهد
كفانا الم كفانا حسد
كفانا لغم كفانا مرض
اريتك يا شعب تنهض
و بكره الظلم يتبدد
معاني العدل يتوطد
راية حـــــــــــــــــــــــــــــــــــــــــــرية تتجدد
*****
يلا يا شعب اتقدم
كفانا ثورة جات بالدم
للطورية شيلوها
و شيلو معاها كمان منجم
طوبة طوبة ابنوها
بناية متينة ما تهدم
كفانا الجات بقصد الظلم
ويلا يا شعب ما تندم
زيها ميــــــــــــــــة اتهدم
و برضو بناية تتهدم
و ثورة جديدة تتقدم
و بكره الشعب يتبسم
حـــــــــــــــــــــــــــرية عـــــــــــــدالة بيك نحلــــــــــــــــــــــــــــــــــــــــم
**********
*****
نجم الدين جميل الله
0926332645
[email protected]
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة