بيانات صحفية سودانية
بيانات صحفية

بيان الوقفة التنويرية الخميس 19 يناير بميدان المذبحة - مصطفى محمود سابقا

سودانيزاونلاين.كوم
sudaneseonline.com
19/1/2006 7:04 م

لماذا نحن هنا للأسبوع الثالث؟ .. الجريمة ضد اللاجئين وكرامة الانسان لازالت مستمرة

بتسألوا احنا هنا ليه و لابسين إسود على مين ؟

على اللاجئين السودانيين اللي هربوا من الحرب ف بلدهم و الأمم المتحدة ما سألتشي فيهم، المنظمة اللي مفروض انها ترعى الهربانين من الحروب
و تحميهم سابتهم مرمين ف الجنينة اللي احنا ادامها دلوقتي لحد ما الأمن المصري ضربهم و قتل العشرات منهم يوم 30-12-2005، الالعن ان
الجرحى ما اخدوش علاج و همه ف المعسكرات، و اللي راح المستشتفيات اخد علاج بسيط، لا الامم المتحدة سالت فيهم و لا وزارة الصحة
عالجتهم،رغم ان اصاباتهم خطيرة و بعضهم كان عنده نزيف داخلي و مات من الإهمال ..

حسب كلام صحفية من تجمع يد من مقابلات اللاجئين إن في منهم مثلاً واحد كان قاعد ف الجنينة منتظر الامم المتحدة تستجيب ليه و ترد على
شكوته، المسكين كان عنده انسداد صمام في القلب، يوم 30-12 فضلوا العساكر يضربوا فيه بالعصيان المكهربة، وقع من التعب، استمروا في ضربه
زي ما شوفنا في التلفزيونات، اغمى عليه، شالوه السودانيين معاهم لحدالاتوبيس، ما اخدشي اي علاج لحد ما اصيب بشلل في ساقه اليمنى، ده غير
مضاعفات مرض القلب اللي حصلت له!!.

لاجيء تاني، اتجرح في ذراعه الشمال ف اليوم ده، العصب اللي في ايده اتاثر جدا بالاصابة، في المستشفى خيطوا الجرح ظاهرياً أي كلام لدرجة
إن الخيوط بتاعة الجراحة فكت، كان مفروض يعمل جراحة سريعة و ما حدش سأل فيه، من يوميها، و بدأت ايده تتيبس- يعني تنشف ، و ممكن
تتشل... !!

في واحد عنده تسوس في المخ راح المستشفى بعد الضرب، و المستشفى قال انه ما عندوش حاجة، ده بقى ممكن يموت.

الأمم المتحدة، اللي الأمم المتحدة مفروض تتكفل بيهم، مطنشة خالص الحالات دي، و المستشفيات العامة في مصر انتوا عارفين مستوى العلاج فيها
شكله ايه، و المستشفيات الخاصة غالية و اللاجئين ما عندهومش مصدر فلوس ياكلوا منه و لا يتعالجوا، الاهمال في معالجتهم شديد و ده بيخلي
الوفيات و العاهات المستديمة تكتر.

دي كلها قصص المعاناة بتاعة اللاجئين ، ده طبعاً غير التشرد اللي همه فيه بعد لما طلعوهم م الجنينة، و بالمناسبة اللاجئين راحوا و قعدوا
ف الجنينة من اخر شهر 9 اللي فات عشاان ما عندهمش مليم واحد ياجروا بيه سكن، و عشان هي مكان تابع للامم المتحدة اللي مقرها في شارع
الفواكه المتفرع من الميدان نفسه.

بعد اللي حصل لهم في الجنينة، و بعد م الامن ضربهم و نقلهم للمعسكرات، الجرايد و التلفزيونات اللي بره مصر بالذات نقلت صور اللي حصل،
فاضطرت الحكومة إنها تفرج عنهم شوية بشوية، والمفروض اللاجئين بيروحوا ياخدوا اعانة لمرة واحدة 300 جنيه موش اكتر، و مع كده 2800 لاجيء
ماحدش صرف منهم اي فلوس غير عدد قليل جدا.

مثلا امبارح الاربع بالليل فيه ستات خرجوا من السجن،مالقوش مكان يروحوا فيه و ما عهمشي فلوس خالص.. فكروا معانا ستات اغراب بسطا زي
دول، اتبهدلوا و اتضربوا و فيهم اللي ابنها مات ، يطلعوا كده في بلد زي مصر القاهرة، يروحوا فين؟ مين يسترهم و فين يناموا في عز البرد
ده ؟؟

بمناسبة النساء، في شكاوى بحصول حالات اغتصاب حصلت لبعض الستات اللي كانوا في سجن القناطر و شبين الكوم، على ايد العساكر و الضباط يعني
على ايد الشرطة المصرية... طبعا ده كله بيحصل من الجبابرة بتوع الداخلية زي ما بيعملوا في اي واحد ما عندوش ضهر ف البلد دي، يلطشوا له و
يقلوا ادبهم ع الحريم، عادي البوليس في مصر بيتصرف مع أي حد غريب و لا قريب ، بعنجهية و افترا.

اللاجئين السودانيين و اللي حصل لهم من قتل و ضرب و بهدلة مجرد رسالة من الحكومة و الداخلية ف مصر بتقول فيها انها بتعمل اللي هي عايزها
و لا بيهمها حد، لكن لازم نقف في وش اي ظلم و انتهاك لكرامة الناس و قتلهم عمال على بطال.
لازم يقف التعذيب و القتل لازم نتحرك ...
______________________________________________________________________________

اقرا اخر الاخبار السودانية على سودانيز اون لاين http://www.sudaneseonline.com............ للمزيد من الاخبار

للمزيد من هذه التحليلات الاخبارية للمزيد من هذه الاخبار
الأخبار المنشورة لا تعبر بالضرورة عن رأي الموقع


سودانيزاونلاين.كم | المنبر العام | أرشيف المنبر العام للنصف الاول من عام 2005 | أرشيف المنبر العام للنصف الثانى من عام 2005 |أرشيف المنبر العام للنصف الاول لعام 2004 | مكتبة الراحل على المك | مواضيع توثيقية و متميزة | مكتبة الدراسات الجندرية | مكتبة د.جون قرنق | مكتبة ضحايا التعذيب |مكتبة الشاعر د.معز عمر بخيت |مكتبة الفساد |
اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|
جرائد سودانية |اجتماعيات سودانية |دليل الاصدقاء السودانى |مكتبة الراحل المقيم الاستاذ الخاتم عدلان |الارشيف والمكتبات |


Copyright 2000-2006
SudaneseOnline.Com All rights reserved