أ.شول [email protected]
المقال:
اخوانا في جبهة الشرق زعلانين لانه لام اكول قال انه اخوانا لازم يوحدوا الصف. لكن دي نصيحة من اخ الي اخ. لام راجل دبلوماسية وقال الكلام بالتلميح وبالاشارة وكان معناه عديل كده يا ناس الشرق الحكومة خاسه مفاوضات في ليبيا لكن مع منو ما معروف. هل مع باوانين راجل كسلا ام مع جماعة لندن؟ هو لازم عرف بزكاهو الشديد انه جماعة الجبهة ديل ناوين يعملوا لخبطة بين اولاد البجا. يشيلوا باوانين معاهم ويجيبوا جماعة لندن ويقولوا ديل هم ممثلين الشرق ويقوموا يدغتوا علي جبهة الشرق ويضعفوا موقفها امام الوساطات. كلامه عديل كده المقصود بيه كده. كلامه كشف حاجات كتيرة تدبر سرا. فهل فهيمتوا؟ لازم تشكروا الراجل ده وتقتعوا الاجزاء المعفنة. الراجل اشكروه اول علي النسيحة دا. الجبهة الاخوانية فرتكت كل الاحزاب السودانية والنقابات والاتحادات والتكتلات وادت حقنة منومة للحركة الشعبية بالوريد وقبلت للتجمع وشلحتو والدور جاكم يا اخوانا في جبهة الشرق
لام اول راجل ذكي سديد سديد وراسو كمبيوتر من مما كان طالب سقير عنيد ويسوي الفي راسه. وما عنده انتماء كدا يقول عليه غير حبه الشديد للوتن وللتربة وهوسليل ملوك السلتنه الزرقا ولايرضي بالتهميش حسع بعد ما شعر بيه قعد يتململ في كرسيه ويمكن يخليه لو التهميش استمر. اخوانا في جبهة الشرق هل يعرفوا انه في تلاتة حكومات مركزية في الخرطوم.
اولها حكومة المرجعيات
وهي من مسارين الاسلاميين فيها اشخاس ظاهرين وتانين مندسين وديل هم السلطة الحقيقية بتاعة الخرتوم و ممشين عمليا سيلسة بتاع البلد. ديل شيخم اية الله الانقاذي علي عثمان ومنهم تبعا نافع ومستفي اسماعيل عثمان كيسنجر الانقاذ ودا بالمناسبة مزعل لام زاتو
والحكومة التانية حكومة المستشارين
حكومة المستشارين وديل يخضعون لاية الله علي عثمان ويحركهم زي قتع بتاع الشترنج ويحشروا نفسهم في كل سقيره وكبيره علي اساس انهم مستشاريين للسيد رئيس الجمهورية ولا يوجد بروتكول يحدد سلاحياتم يعني ديل زي السرتان ممكن يلزهم علي عثمان وينفذوا المهمات الصعبة الموكلة ليهم في اي موقع حتي دون علم الوزير يا اخوانا شفتوا في الدنيا ريس دولة عنده جيش كبير زي دا من المستشارين! هو ما عندو راس ما يفهم ! وسنكشف ليكم الكتير قريبا
الحكومة التالتة بتاع كرتون

هي الحكومة الوحدة الوطنبة الرسمية زات القائدة الاريضة. يني حكومة اتفاقية السلام و ديل عندهم المكاتب والسكرتيرات والمرسيدس والمواهي والمنازل الفيها الجناين و الفيها الزهور ومقريات تانية كمان. ديل عليهم حضور للمكتب والجلوس هناك وبعدين يمشوا البيت. ولو في اجتماع وزراء يجيوا ويسمعوا ويبصموا علي القرارات الخومينية وحكومه بتاع الضل ومعروف يا اخوانا الزول اللي يقعد في كرسي الوزارة يبقي مريد سلته ومستعد يبسم علي كل حاجة عشان يستمر في موقعه. دي سلتة بتاع كرتون بس بسراحة.
د. لام اكول يتبع للحكومة الاخيرة ويمكن يتلقي برقية تهنئة من نظيره الصربي والمكسيكي والبرندي وبتاع الجبل الاسود والابيض كمان ويشرف حفلات السفارات. اما الحاجات الكبيرة كبيرة فعليه الايقترب منها فهي مخسسة لكسنجر الانقا زي مستفي اسمائيل زي التحرك علي ساحة السياسة الدولية الساخنة هو يمشي زي اجتماعات الجزاير وللقاهرة لاجتماعات الوزراء الخارجية العرب والي لبنان والي سوريا وقالو يسوي واستة ويسلح الامور بينهم وباب النجار مخلوع.
قالوا دي حاجات بتاعت أرب ولام ما عندو بيها دخل ولازم يبعد منها.
كويش. الحبشة عربية كمان؟ كيسنجر الانقاذ كل يوم والتاني ناتي هناك ويقابل نزيره الاثيوبي. ويتفقدوا الحدود سوا سوا ويرسموا الخرايط مع بعض وزولنا بتاع خرتوم يقرا الكلام في الجرايد.
خد اقرا في الجرايد
أقرت اللجنة في ختام اجتماعها الذي عقد في مدينة قندر الاثيوبية أمس برئاسة مستشار الرئيس السوداني مصطفى عثمان اسماعيل ووزير الخارجية الاثيوبي ميليس زيناوي الموجهات اللازمة لحلول هذه المشكلات ومعالجتها وتسليم المزارعين السودانيين الحيازات المطلوبة.
وجود وزير الخارجية الاثيوبي يدل انو دا شغل ناس خارجية. فين لام اكول؟
الناس كلها عارفة انو تحركات الموظفين هي ايضا من اختصاص الوزير.
الوزير كيسنجر مرة قام عين شخص مكروه معروف بعداه الشديد للجنوبيين في منسب سفير في مصر. لام ما عندو خبر. والحركة دي ما عجبت ناس الحركة.
بعدين قامت قدمت احتجاج . لكن المسئول من التنقلات بتاع الموظفين هو الوزير. بدل الاحتجاج لام كان يمارس سلته بتاعو ويشيل الكريهة دا ويشطب اسمو كمان. خد دا كمان عنوان الجرايد:
الحركة الشعبية تحتج على تعيين الشوش سفيرا للسودان في القاهرة
مسكين لام . وقع تحت واحد متعجرف واستعلايي من الدرجة اولي ويتصرف دون دبلوماسية ويوري عديل كده لكل العالم : انا المسوول عن السياسة الخارجية الانقاذية.
في وزير تاني مسكين. بتاع العمل دا. يوم مشي قال يغير قانون النقابة عشان يكون في روح بتاع الاتفاقية.
اعوز بالله! دا قاموا ليهو قومة شديدة وهزئو بيهم كمان ووروهم انه كوزير كرتوني ما عنده سلتة تغيير سياسة بتاع الانقاز وهاجموا في الجرايد وسلطوا عليهو المرتزقة في نقاباتم. ولكن ناس الحركة قاموا بحاجة ايجلبية خالس . قالوا الوزير دا والله علي حق وتسور تدامنوا معاهو. لكن ترف السوت لحق حتي قيادة الحركة زاتـو. حكومة المرجئيات عملت زعلانه
خد عنوان الجرايد:
لقد فوجئوا وفجعوا ـ ناس الانقاذ ـ عندما اعلن القيادى في الحركة الشعبية والوزير برئاسة
مجلس الوزراء مساندة الحركة لوزير الدولة بالعمل في مسعاه لالغاء قانون النقابات الحالى، واكد ان ما ينادى به يمثل رأى الحركة الشعبية وليس رأيه الشخصى واشار الى سعى الحركة الجدى الى تغيير كافة القوانين واخضاعها الى المراجعة بعد اكتمال هياكل الحكم حتى تتسق مع اتفاقية السلام والدستور
يا ريت لو كلهم زيك!!
ناس جبهة الشرق لسه زعلانين؟ اسمعوا كلام الزول دي وكربوا الصفوف. دي نصيحة منو قبل ما يركل الكرسي في القريب .هو يفدل كرامتو علي كرسي الوزارة سليل سلاتين السلتنة الزرقاء .
أنتهي
ولكن:
الأعزاء السودانيين جميعا وفي كل مكان.. تمعنوا جيدا في كلام أخونا أ. شول
قراءة متأنية..وبتصرف.
بقلم خضر عمر

موضوع الاخ شول يحوي عين الحقائق للقاريء المتعمق في ملف السودان الشائك..
المتمعن في موضوع الاخ أ شول تحت عنوان الدور جاكم..يا أخوانا.. وبتبصر داخل سطور مقاله يخرج بحقيقة ما يجري في داخل كواليس الحكم في السودان.. وأسطورة الخلافة الروسية للمارد الأفريقي ..السودان.
أرجو ممن يهمهم الأمر.. جر نفس طويل.. لأن الطريق شائك..والقمة في أعلي سفح التل علي رأس الهضبة السياسية السودانية..ومن يتعثر أثناء الصعود..سوف يهوي صريعا الي بطن الوادي اسفل الهضبة.. والموضوع واضح وضوح الشمس..كما قبل به التجمع..والكلام صريح..
العايز وضيفة يا أخوانا يتفضل.. غير كده..ما في كلام.. والعاجبو عاجبو ..والماعاجبوا يضرب راسو في الحيطة..اعني حيطة أمريكا.. والتي يهمها أن من سوف يأتي أو من يستمر علي سدة الحكم..أن يجيد اللعبة السياسية الشطر نجية معها..وتستمع جدا عندما يكون اللاعب المقابل حريف جدا ..أو عنيدا مشاكس.. لأن السهل الهين الضعيف.. لا يبرز هيبة أمريكا في الانتصار..والدليل فنزويلا.. وبعض دويلات أمريكا اللاتينية..
ونجد أن ملف أبوجا..سيبدأ تناوله صفحة صفحة بنفس المدة الزمنية التي قضاها ملف نيفاشا..واراهن أن التاسع من يناير 2007 هو التاريخ المناسب لتوقيع الشهود العشرة التانيين علي وثيقة الاتفاق..والذي سيليه من العام التالي يوم توقيع العشرة الأخيرة.. ليصبحوا ثلاثون لثلاثين شهرا من المفاوضات في سلام السودان.. هذا اذا لم يظهر المجلس العسكري الانتقالي لشلة أبو حراز وحواري ديبي كما يقولون حفظه الله..

فأيها الأعزاء السودانيين جميعا وفي كل مكان.. تمعنوا جيدا في كلام أخونا أ. شول..ومن باب المسئولية..وانتهجوا سياسة الطوق الواقي.. بحيث كل جولة مفاوضات يظهر تيم جديد ليواصل ما بدأه الفريق السابق..أي بحساب مجموعات الظل..بحيث يزيد هذا من عدد المتمرسين في إدارة التحاور والتحايل والحوار والمراوغة..وهذا ما يحدث دائما في طاقم المفاوضين الحكوميين..بحيث تتحرك اللجان كل في اختصاصه مع بقاء الهرم..وهذا هو دور حكومات الظل ..في كل مرة..يأتي ممثلين من واحدة وبأيدلوجية مختلفة..بحيث يستعد كل طرف من واقع مراقبته لما يجري في الجولة الحالية ليبني عليها أساسيات وتكتيك الجولة المقبلة..
لذا أناسا مثلنا يعرفون هذه اللعبة ..عليهم ألا يحلموا بالجلوس علي طرف أي طاولة فهما كلف الثمن..حتى لو يدكوا اللعبة ألف مرة ..وتتشرط الكوتشينة ويعملوا واحدة من بلاستيك خاص..
لأنه من حق الطرق الأصيل وأعني المفاوض وليس المتفاوض ..أن يرفض أي شخص في القائمة المقدمة..
فتوكلوا علي الله ..واربطوا الأحزمة علي البطون..واشحذوا الهمم.. فالمسار طويل.. والمشوار أطول.. ويحتاج الي نفس طويل.. وعلي أهلنا الصابرين .. أينما كانوا ..أن يتحملوا ويلوكوا الصبر..فالمخاض عسير..وأدوات التوليد ليست بالمعقمة.. وحذار أن يولد المولود معاقا..فتكون الطامة الكبرى..
شكرا للأخ أ شول علي هذه الصراحة وذلك الوضوح.. وببساطة السوداني الأصيل..الذي لا يخفي شيئا وليس لديه ما يخاف عليه أو يتوجس منه..
فأحي فيك يا شول شجاعتك..ووضوحك.. والمثل يقول..
النصيحة حارة..
ودمتم
خضر عمر