ترحب سودانيزاونلاين بجميع الاراء الحرة و المقالات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
الـــــــو :- فـــــى الـــواجهــة بقلم ادم عبد الكريم ادم-التحالف الفدرالى السودانى -القاهــرة
سودانيزاونلاين.كوم sudaneseonline.com 4/11/2005 8:15 ص
بمناسبة صدور قرار مجلس الامن الدولى رقم 1593 والخاص بمحاكمة الذين ارتكبوا جرائم ضد الانسانية فى دارفور وفى برنامج ( فى الواجهة ) الذى يقدمه شخص ليس له علاقة بالعمل الاعلامى لا من قريب ولا من بعيد كما ان البرنامج فى حد ذاته ممل جدا بسبب ان كل ضيوفه من اعضاء النظام وبالتالى فان البرنامج تنقصه المقدم و المصداقية . المهم هو اننى عندما فتحت التلفاز واصبحت اتنقل من محطة الى اخرى بحثأ عن اى جديد لموضوع الساعة وبالصدفة والصدفة خير من الف ميعاد كما يقال وجدت برنامج فى الواجهة على تفلزيون (جمهورية السودان الجنجويدية )ان صفة الجنجويد لابد من اضافتها حتى انتهاء من عمليات الادانة وحكم المتهمين وبعدها يمكننا ان نغيرها الى الفدرالية مثلاً . مجــرد مثل,,,,,,,,,,,,, . واثنا سير الحوار التقطت عدد من المداخلات التى شاركت بها الجمهور لكننى ادخلت بعد التعديلات عليها بحيث انها شبه وراء الكواليس للبرنامج وقد حاولت ان اسمى كل من يتصل باسمه لكنى لم اتزكر الاسماء إلا مقدم البرنامج الذى يدعى احمد بلال كما انى جعلت اسماء المتصلين على شكل منوال بترقيم عددى مع اضافة صفة الجنجويد على الكل بما فى ذلك مقدم البرنامج وجعلنا اسمه الجنجويد احمــد وعليكم الحوار :ـــــــــــ
الجنجويد المتصل :_ الـــــــــــــو الجنجويد احمــد :_ اهلا وسهلا تفضل بمشاركتك حول القرار الظالم على السودان الجنجويد المتصل :ـ والله يا أخى احمد ده قرار ظالم وهم دايرين ينتهوا من السودان علشان ما يبقى دولة عظمة لكن ده ما بيحصل مادام الرئيس بتاعنا جعلى والنائب شايقى . ج احمد :ـ طبعأ طبعأ وما تنسى انا كمان جعيقى حٌـر (( بالمناسبة جعيقى دى قبيلة جديدة وتابع الجنجويد)) ج المتصل :ـ والله ده كلام تمام بس اسم القبيلة دى كده قول لى تانى ؟ ج احمـــد :ـ جعيقى شفته الاسم حلو كيف ج المتـــصـل :ـ دى تابـع موسى هلال ولاشنو ؟ ج احــمـــــد :ـ ايوه وحُر كمان طيب مع السلامة فى تلفون تانى الو ج تانــــــى2 :ـ ياخى احمد الكلام دى كلها مانافع ولا جايب حقها هسه انحنا لازم نعمل اى حاجة ج احمــــــــــــــد :ـ ذى شنو كده يا زول ج المتـــصــــل 2 :ـ اديك فكرة شويةعن الخطة بتاعـى انحنا لازم نمشى كلنا لدارفور شفته كيف ونقوم نخلص من الناس الباقين هناك وكمان الجنجويد التعابنين الما اشتغلوا كويس نقرضهم كلهم و ما نفضل منهم اى زول وبعدين نجيب الاسمو كوفى عنان ولاحنان بتاعهم ده ونقول لهو اصـلوا يا سيد عنان المحتلام انتو ما سمعتوا انو الزلزال الاسمـو توسونامى كمان جاء بجاى , وقام انتهى من الناس ديل , ويعنى يا اخ احمد المساءلة انتهى وكده القرار 1593 هيسقط علشان مافى ادلة حية ونخليوهم يبلوه ويشربوا الموية بتاعه . ج احـمـد :ـ يا السلام على الافكارالنيرة د ى اسمك منو يا أخى علشان انا انشاء الله ها اعملك واسطة قوية وتكون مع النظام وربنا يستر اذا ما نجحت تكون رقم 52 الو معنا مكالمة اخرى تفضل يا أخ ج اخــــــــر :ـ والله انا موافق من كلام الاخ الى اتكلم هسه بس بشرط واحد ج احمد :ـ شـرطك شنــو يازول ج اخـــــــر :ـ انت عارف لو مشينا دارفور اول حاجة نعملوا شنو نقوم نقبض على موسى هلال علشان الراجل ده انا ما عاجبنى نظـراتو وبعدين بيقى بيطلع عيون كبار خالص وكمان انا خائف علشان يقول ليهم الحقيقة وانت عارف الزول ده اُمى و اذا شالوه ودوه لاهاى ويشوف البلد ديك هيبقى المشكلة كبيرة وبعدين نجيبوا الخرطوم ونقوم نقطعوا حته حته وكده تكون قطعت راس الدبيب رايك شنو يا حمادة . ج احمـــــد :ـ والله انتو افكاركم كلها زينة وتمام ولكن المشكلة بيقى فى الناس البيعملو الحاجات ديل كلهم ماتوا فى الطائرات ولاشنـــــو يا أخـى ج اخـــــر :ـ الناس الماتوا يرحمهم الله لكن ما تنسى عندنا الجداد والناس بيقولوا الجديد شديد مثلا عندك ذى الاسمو احمد هارون ده ود كويس ويقدر يسوى حاجة كويسة وبعدين حنكوا سنين يقدر يحنك ما اى زول وبعدين لما مشى مصر خلـى المصرين اقتـنعوا منو والزول بيقى بتكلم معرفش الجنجويدتش و كلام زى ده . الود ده شاطروداير يثبت نفسه وكمان ما تنسى عندنا الكبار زى الجاز , نافــع , كرتــى , وهم ديل النخبة بتاعنا وعشمنا فيهم كبيـر . ج احــمـد :ـ طيب انحنا نقوم نبحث الكلام ده فى الرئاسة مع السلامة فى اخر مكالمة الــو ج اخــــــر3 :ـ الو السلام هليكم ج احمــــد :ـ وعليكم السلام يا أخى اتفضل بمشاركتك وشنو رايك فى الافكــار الجميلة ج اخـــــر 3 :ـ والله يا أخى هو اما النصر او الشهادة لكن انت عارف مشكلة دارفور دى جابت حاجة جديدة اسمها كى كانق وزى ما الناس بيقولو سيك سيك اتعلق فيك وهسه القرار ده هو ظالم لكن انت علرف لو رفضنا القرار ده ممكن نبقى زى البعث فى العراق وانحنا مادايرين الرئيس بتاعنا يدس جوه الحفرة وبعدين الرئيس بتاعنا ماشاء الله ما تنسى الظرف ده احسن نقبل كلام الناس ديل , وبعدين شوف الدول العربية بتاعكم ديل فى دولة وقفت معكم حتى مصر البيقول وحدة وادى النيـــل قســم الوادى من النيــل و ........................... و فجاة انقطعت المكالمة الجنجويد احمد : الو الو الو افتكر المكالمة انقطعت الاخوة المشاهدين سوف نلقى الضوء على القرار الظالم بحق السودان فى الحلقات القادمة ومع جنجويدى اخر حتى ذلك الموعــــد هذه تحياتى الجنجويد احمد بلال الطيب من قبيلة الجعيقى والى اللقــــــــــــــــــــــــــــــــــــــــــــــــــــــــاء.
ادم عبد الكريم ادم التحالف الفدرالى السودانى القاهــرة 2005/4/11 [email protected]
